ரிக்வேதத்தில் நன்மாறன்?

NarmerPalette

Research paper written by London Swaminathan
Research article No.1433; Dated 24 November 2014.

ரிக்வேதத்தில் 160 அரசர்களின் பெயர்களும், பல இனங்களின் பெயர்களும் உள்ளன. சிந்து சமவெளி நாகரீகம் பற்றிப் புத்தகம் எழுதும் எவரும் வேதங்களைக் குறிப்பிடாமல் புத்தகம் எழுத முடியாது. அது வேத கால நாகரீகம் என்று வாதாடுவோருக்கும் இல்லை என்று எதிர்ப்போருக்கும் முக்கிய நூலாக விளங்குகிறது. இதை அப்படியே பாதுகாப்பது நமது கடமை. உலகின் மிகப் பழைய நூல் என்பதால் உலகமே இதில் கவனம் செலுத்துகிறது.

ரிக்வேதத்தில் காணப்படும் 160–க்கும் மேற்பட்ட மன்னர்களின், இனக் குழுக்களின் பெயர்களை இந்தக் கட்டுரையின் ஆங்கில வடிவில் நேற்று கொடுத்துள்ளேன். 160 பெயர்களும் வேண்டுவோர் அதில் காண்க. அதில் உள்ள ஒரு சில பெயர்கள் குறித்த சுவையான விஷயங்களை மட்டும் பார்ப்போம்.

ஒரு மன்னன் பெயர் நார்மாற (ன்) (வேதிக் இண்டெக்ஸ்—வால்யூம் 1—பக்கம் 446 – கீத் & மக்டொனெல்). இது ரிக்வேத இரண்டாவது மண்டலத்தில் (2-13-8) வருகிறது.

வழக்கம்போல ரிக்வேதத்தை மொழி பெயர்த்த வெள்ளைக்காரர்கள் மனம் போன போக்கில் உளறிக்கொட்டி கிளறி மூடி இருக்கிறார்கள். லுட்விக் என்பார் இந்தச் சொல் ஊர்-ஜயந்தி என்னும் கோட்டையின் இளவரசர் பெயர் என்பார். ராத் என்பவரோ இல்லை, இது ஒரு அசுரனின் பெயர் என்பார். கிரிப்பித் என்பவரோ இது மிகக் கடினமான பகுதி, என்னால் மொழிபெயர்க்க முடியவில்லை. நர்மாற என்பது ஒரு பேய், பிசாசு, அசுரன், தீய சக்தியாக இருக்கலாம் என்பார்.

XIR68327
Strange animal in Nar Mer palette of Egypt

(ரிக் வேதத்தை மொழிபெயர்த்தவர்களில் கிரிப்பித் கொஞ்சம் நேர்மையான பேர்வழி. அவர் புத்தகத்தின் எல்லா பக்கங்களிலும் —- இது எனக்குப் புரியவில்லை. இது தெளிவில்லை, இது மொழிபெயர்க்க முடியாதது — என்று ஒப்புக் கொள்கின்றார். மற்றவர்கள் மனம்போன போக்கில் மொழி பெயர்த்துள்ளனர். சில இந்தியர்கள் ‘பி.எச்டி’. பட்டம் வாங்க நேர் மாறாக எழுதி இருக்கின்றனர். அமெரிக்காவில் உள்ள ஒரு பெண்மணி எதை எடுத்தாலும் ‘’செக்ஸ்’’ என்று மொழிபெயர்ப்பார். அவர் மன நிலை அதற்கு மேல் உயரவில்லை!! அவர் புத்தகத்தை பிரபல புத்தக நிறுவனங்கள் வெளியிடும். அதை இந்து விரோத சக்திகள் எங்கள் லண்டன் பல்கலைக் கழகம் உள்பட பல இடங்களில் பாடப் புத்தகமாக ‘’சிலபஸ்’’ போட்டுள்ளனர்!!!

இந்துக்களுக்கு எதிராக உலகில் எத்தனை வேலைகள் நடை பெறுகின்றன என்பது இங்குள்ளவர்களுக்குத் தான் தெரியும். என்னிடம் தமிழ் படித்த வெள்ளைக்கார பெண்மணி ‘’சாமியாடும் மாரியாத்தாக்கள்’’ பற்றி ஆராய தமிழ் படிப்பதாகச் சொன்னார். ஆனால் அவர் நடை உடை பாவனை அத்தனையும் இவர் ஒரு உளவாளியோ என்று என்னை எண்ணச் செய்தது. இந்தியாவைக் கடவுள் காப்பற்றட்டும்!! சாமியார் மடம் முழுதும் உளவாளிகள்!!! நிற்க!

palette_of_narmer

மீண்டும் நன்மாறன் அவர்களைச் சந்திப்போம். நான் 40 ஆண்டு ஆராய்ச்சியில் கண்டுபிடித்த மிக முக்கியமான விஷயம் தமிழும் சம்ஸ்கிருதமும் ஒரே மூலத்தில் இருந்து வந்தன என்பதே. இதை நான் சொல்வதற்கும் முன்னர் பரஞ்சோதி முனிவர் சொல்லிவிட்டார். ஆழ்வார்கள், நாயன்மார்கள் பாடல்களில் மறைமுகமாகச் சொல்லிவிட்டனர்.

ஆக நரமாறனை ஒருவர் பேய் என்றும் ஒருவர் மன்னன் என்றும் சொல்லும்போது நானும் சில கருத்துக்களைச் சொல்வதில் பிழை ஏதேனும் உண்டோ?

நார்மாற என்பதை நர + மேரு = மனிதர்களில் சிகரம் எனலாம். நன் மாறன் எனலாம். இதே பேரில் எகிப்தில் ஒரு மன்னர் இருந்தார். அவர்தாம் எகிப்தில் முறையாக ஆட்சியைத் துவக்கிய மன்னர் என்பர். அதில் பல சுவையான விஷயங்கள் இருக்கின்றன.

Map_of_Vedic_India

1.அவர் பெயர் மனிஸ் ( அதாவது மனு). முதல் மன்னன்!!

2.இவர் ஆஹா என்பவரின் மகனாக இருக்கலாம் அல்லது ஆஹா இவர் மகனாக இருக்கலாம் என்று இரு வேறு கருத்துகள் உள. ஆஹா என்பது கந்த்ர்வர் பாடகர் இருவரில் ஒருவர். ஹாஹா, ஹூஹூ என்ற இருவர் பெயர்களை அமரகோசம் சொல்கிறது.

3.இதைவிடப் பெரிய ஒற்றுமை, இந்த முதல் அரசரின் காலமும், மாயா இன மக்களின் முதல் ஆண்டும் — எல்லாம்— கலியுகத்தின் துவக்க ஆண்டக இருக்கிறது!!(கி.மு.3100).

4.நாலாவது பெரிய ஒற்றுமை — ரிக் வேத துதியில் வரும் டெவில், டீமன் (பிசாசு, அசுரன்) என்பதெல்லம் எகிப்திய நரமேர் சிற்பத்தில் உள்ள விநோத மிருகத்தைக் குறிப்பதோ என்றும் எண்ண வேண்டி இருக்கிறது ( இத்துடன் இணைக்கப்பட்டுள்ள படத்தைப் பாருங்கள் ).

5.நான் ஏற்கனவே எழுதிய கட்டுரையில் சேர மன்னர் பட்டங்களான பொறையன், குட்டுவன், ஆதன் என்பன எகிப்திய மன்னர் பெயர்களில் ஒட்டிக் கொண்டிருப்பதையும், ராமசேஷன் (ராம்செஸ்) என்ற பெயர் எகிப்தில் 13 மன்னர்களுக்கு இருப்பது பற்றி காஞ்சி பரமாசார்ய சுவாமிகள் 1932 ஆம் ஆண்டு மைலாப்பூர் பிரசங்கங்களில் சொன்னதையும் எழுதி இருக்கிறேன்.

6.நான் எழுதிய பத்துப் பதினைந்து எகிப்திய கட்டுரைகளை ஒட்டு மொத்தமாகப் பார்க்கையில்தான் நான் ‘’நரமேர்’’ என்ற எகிப்திய மன்னனை ரிக்வேத நாரமாறனுக்கு ஒப்பிடுவது சரியே என்பது விளங்கும்.

talageri good

இது ஒரு புறமிருக்க ஸ்ரீகாந்த் தலகரி என்ற அறிஞர் எழுதிய ‘’ரிக்வேதம்—ஒரு வரலாற்று ஆராய்ச்சி’’ என்ற புத்தகத்தில் யாரும் மறுக்க முடியாத வாதங்களைத் தருகிறார். பரதன் என்ற மன்னன் பெயரில் நம் நாடு பாரதம் என்று அழைக்கப்பட்டதை மஹாபாரதம் சொல்லுவதை ( மஹாபாரதம் 1-69-49) ஏற்கனவே ஒரு கட்டுரையில் தந்துள்ளேன். இந்த பரதன் ரிக் வேதத்தின் மிகப்பழைய பகுதியில் குறிப்பிடப்படுகிறார். அவர் வம்சாவளியில் வந்த பத்து மன்னர்களின் பெயரை ஸ்ரீகாந்த் தலகரி பட்டியல் இட்டுள்ளார். இந்தப் பத்து மன்னர்கள் பெயர்களுக்கு இடையே எவ்வளவோ மன்னர்கள் இருந்திருக்கலாம். ரிக் வேதம் என்பது வரலாற்றுப் புத்தகம் அல்ல என்பதால் அவர்கள் எல்லோரையும் நாம் அறிவதற்கில்லை என்பதையும் அவர் நினைவுபடுத்துகிறார். ஆக அந்த ஒரு வம்சாவளியை மட்டும் எடுத்துக் கொண்டாலேயே 500, 600 வருடங்களுக்கு இந்தப் பாடல்கள் உருவானது புரியும். சுருங்கச் சொல்லி விளக்க வேண்டுமாயின் ரிக்வேத முதல் பாடலிலிருந்து கடைசி பாடல் வரை — 400 முனிவர்களுக்கு மேல் பாடிய காலம் என்பதே — பல நூறு வருடங்களைக் காட்டிவிடும்.

ரிக் வேதம் தரும் பரதன் வம்சாவளி:

பரதன்
தேவவாத
ஸ்ருன்ஜய
வத்ரியஸ்வ
திவோதாச
பிரதர்தன
பிஜாவன
தேவஸ்ரவஸ்
சுதாச
சஹதேவ
சோமக

four veda names

இந்தப் பட்டியலில் உள்ள பிரதர்தன என்னும் மன்னன் பெயர் விஷ்ணு சஹஸ்ரநாமத்தில் வருகிறது. புராண மன்னர் பட்டியலில் உளது. சிரியா-துருக்கி பிரதேசத்தை கி.மு 1400இல் ஆண்ட மிடன்னிய மன்னர் பட்டியலில் உளது. ஆனால் எல்லோரும் ஒருவர் என்று எண்ணி விடக்கூடாது. பிரதர்தன என்ற பெயர் அவ்வளவு சிறப்புடைத்து!!

தமிழில் பழ மறையைப் பாடுவோம் – பாரதி
வேதம் என்றும் வாழ்க என்று கொட்டு முரசே — பாரதி.

—-சுபம்—

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: