தெய்வத் திருமகன் ஸ்ரீ முத்துராமலிங்கத் தேவர்! (Post No.3302)

Written by S. NAGARAJAN

 

Date: 30 October 2016

 

Time uploaded in London: 5-15 AM

 

Post No.3302

 

Pictures are taken from various sources; thanks. Pictures are representational; may not have direct connection to the article below.

 

Contact :– swami_48@yahoo.com

 

 

 

தெய்வத் திருமகனுக்கு ஒரு அஞ்சலிக் கட்டுரை

 

என்றும் அழியா ஏற்றமிகு தலைவர் தெய்வத் திருமகன் ஸ்ரீ முத்துராமலிங்கத் தேவர்!

 

ச.நாகராஜன்

 

பாரதத் திருநாட்டில் தோன்றிய சிறப்பு மிகு ரிஷிகளின் பரம்பரையில் தோன்றியவர் பசும்பொன்னில் பிறந்து பரரை அளந்த ஸ்ரீ முத்துராமலிங்கத் தேவர்.

 

தேசீயம் எனது உடல் தெய்வீகம் எனது உயிர் என்ற அவரது ஆனமீக முழக்கத்தை பாரத நாடும் இந்து மதமும் எந்நாளும் போற்றும்.

 

இந்த தேசமும் தெய்வீக இந்து மதமும் உள்ள வரை எந்நாளூம் அழியா மாபெரும் தலைவராக நம்மிடையே ஜீவித்திருப்பார் தேவர் அவர்கள்.

 

1908ஆம் ஆண்டு அக்டோபர் 30ஆம் தேதி பிறந்தார்; 1963ஆம் ஆண்டு அக்டோபர் 29ஆம் நாள் மறைந்தார்.

 

இடைப்பட்ட காலத்திலே தேசீய அரங்கிலும் தெய்வீக அரங்கிலும் ஒரு அவதார புருஷர் ஆற்றும் வேலைகளைச் செய்து முடித்தார்.

இந்த இடத்தில் ஒரு சிறிய குறிப்பைப் பதிவு செய்ய வேண்டியது அவசியமாகிறது. நன்றி உணர்ச்சி இல்லாதவன் மனிதனே இல்லை என்ற அடிப்படை உணர்வின் பால் எழும் குறிப்பு இது. தற்பெருமைக் குறிப்பல்ல.

 

 

தேவரும் எனது தந்தையார் தினமணி பொறுப்பாசிரியர் ஸ்ரீ வெ.சந்தானம் அவர்களும் நெருங்கிய நண்பர்கள். தேவரின் பிரம்மாண்டமான ஆன்மீக முழக்கங்களுக்கு தந்தையாரின் அன்பும் அரவணைப்பும் எப்போதுமே உண்டு. அவர் கூட்டத்தில் எனது தந்தையார் தலைமை தாங்கும் போது இருவரும் பரவசமாவர்.

 

(My father Mr V Santanam, News Editor, Dinamani, Madurai presided over one of Thevar’s meetings at the Meenakshi Temple. My eldest brother S Srinivasan was also present at the meeting that was held at Madurai Meenakshi Temple)

 

P M THEVAR WITH NETAJI

தேவரின் உரைகளை அப்படியே வார்த்தை மாறாமல் தினமணி வெளியிடும். இது பெரிய எழுச்சியைத் தமிழகத்தில் உருவாக்கியது.

 

இப்போது தேவர் அவர்களின் உரைகளைப் புத்தகமாகப் பார்க்கும் போது இந்த உரைகளின் முக்கியத்துவம் அனைவருக்கும் எளிதில் விளங்கும்.

 

மக்களிடையே அவரின் செல்வாக்கிற்குக் காரணம், பேசும் போது மடை திறந்த வெள்ளம் போல வந்து கொட்டும் கருத்து வெள்ளம் மட்டுமல்ல; அதைத் தன் வாழ்வில் வாழ்ந்து காட்டினாரே அந்தச் செயல்முறையும் ஒரு முக்கிய காரணம்!

 

நேதாஜியை மதுரைக்கு அழைத்து வந்து பெரிய வரவேற்பை அளித்து பிரம்மாண்டமான கூட்டத்தில் பேச வைத்த போது நேதாஜி நெகிழ்ந்து போனார்.

 

நேதாஜி விமான விபத்தில் இறக்கவில்லை. அவரை நான் பார்த்தேன் என்று அவர் கூறியது சத்திய வாக்கு.

 

தேவர் பிரானைப் போற்றிய சசிவர்ணத் தேவருக்கும் எனது தந்தையாருக்கும் நல்ல நட்பு உண்டு. ஆகவே ஆவல் மீதூர அவரை அவர் இல்லத்தில் சந்திக்க ஒரு நாள் விழைந்தேன். நானோ சிறுவன். அவரோ பெரியவர். என்றாலும் அன்புடன் வரவேற்றுப் பேசிக் கொண்டிருந்தார்.

 

நீண்ட நெடும் பேச்சில் எனது கேள்வி, நேதாஜி விமான விபத்தில் இறக்கவில்லையே என்பது தான்.

 

உடனே தீர்க்கமான குரலில், “என்ன தம்பீ! நேதாஜி உயிருடன் இருக்கிறார். நிச்சயமாக இருக்கிறார்!” என்று உணர்ச்சிவசப்பட்டுக் கூறினார் அவர்.

 

முத்துராமலிங்கத் தேவர் பிரானே மூன்று வருட காலம்  இருக்குமிடம் யாருக்கும் தெரியாமல் பயணப்பட்டிருந்தார். எங்கு என்பது யாருக்கும் தெரியாது. அவர் பல நாடுகளுக்கும் பயணப்பட்டார்; நேதாஜியைச் சந்தித்தார் என்பது பரபரப்பான செய்தி. உண்மை ஒருநாள் வெளிச்சத்திற்கு வந்தே தீரும்.

 

 

தீய சக்திகள் தேவரின் பெயரைச் சொன்னாலே நடுங்கும். ‘எங்கே இந்த மதுரையில் கூட்டத்தைக் கூட்டிப் பார்’ என்ற அவரது தீவிரமான வாசகங்கள் தீய சக்திகளைத் தெறிக்க வைத்து ஓட வைத்த கதையை நாடு நன்கறியும். நாத்திக சக்திகளுக்கு எமன் அவர். நம்பினோர்க்கோ சிவன்!

 

ஆனால் துரதிர்ஷ்டவசமாக தமிழ் மக்கள் தங்களின் சாபக் கேடால் வள்ளலாரை வாழ்நாளிலேயே உரிய இடத்தில் வைத்துப் போற்ற மறந்தார்கள்.

 

மஹாகவி பாரதியாரை அவர் வாழ்நாளிலேயே உரிய இடத்தில் வைத்துப் போற்ற மறந்தார்கள்.

 

அதே போல தேவர் பிரானையும் அவர் வாழ்நாளிலேயே உரிய இடத்தில் வைத்துப் போற்ற மறந்தார்கள்.

 

எத்தனை  கொடுமைகள் இழைக்கப்பட்ட போதும் கூடத் துணிவுடன் அத்தனையையும் எதிர் கொண்ட சித்தர் அவர்.

இளமைக்காலத்தில் தேக்கடி சென்ற போது ஒரு பெண் அலறியவாறே ஓடி வந்து அவரிடம் என் மாட்டைப் புலி தூக்கிட்டுப் போகுது என்று கூறிய போது அவர் காட்டிய திசையில் சென்று புலியுடன் சண்டையிட்டு காயத்துடன் திரும்பி வந்தார் – கையில் உயிருள்ள ஆட்டுடன். அப்படிப்பட்ட மாவீரருக்குத் துணிச்சலுக்குக் குறைவு உண்டா?

 

வாழ்நாள் முழுவதும் இந்து மதப் பெருமை, இந்திய தேசத்தின் அருமை ஆகியவற்றை முழங்கிக் கொண்டே இருந்தார். மும்முறை பாராளுமன்ற வெற்றி பூப்போல அவர் கையை நோக்கித்  தவழ்ந்து வந்தது.

 

எல்லாவற்றிற்கும் மேலாக தீய சக்திகளின் வெறியாட்டத்தின் போது எங்கள் குடும்பத்தின் மீது ஒரு கண் வைத்துக் காத்த தேவர் சமூகத்திற்குக் காலம் முழுவதும் நன்றி சொல்வது கடமையன்றோ!

 

இன்னும் பெரிய அளவில் தேவரின் பெருமை விரியும் நாளை உருவாக்குவோம்! அவர் சுட்டிக் காட்டிய தேசீயமும் தெய்வீகமும் உலகில் உயர்ந்த இடத்தில் அமரும் நாளாக அது அமையும்!.

 

இந்தியா உலக அரங்கில் மிளிர இந்து மதம் ஏற்றம் பெற அதைக் கண்களாகக் காத்த தேவரை உயிரெனப் போற்றுவோம்.

தேவர் வாழ்க! அவர் வழியில் அவர் பெருமையைக் காத்துப் போற்றும் தமிழ்க் குலம் வாழ்க!

 

*************

 

 

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: