ஒளிவீசும் தமிழ்நாடு -ஓலா, ஊபர், Fast Track Call டாக்ஸி! (Post No.4855)

ஒளிவீசும் தமிழ்நாடு -ஓலா, ஊபர், Fast Track Call டாக்ஸி! (Post No.4855)

 


Written by London Swaminathan 

 

 

Date: 27 MARCH 2018

 

 

British Summer Time uploaded in London – 8-43 am

 

Post No. 4855

Pictures shown here are taken from various sources; thanks.

 

 

WARNING: PLEASE SHARE MY ARTICLES; BUT DON’T SHARE IT WITHOUT AUTHOR’S NAME AND THE BLOG NAME. BE HONEST; OTHERS WILL BE HONEST WITH YOU

 

மார்ச் முதல் வாரத்தில் (2018) இந்தியாவில் இருந்தேன்; ஒவ்வொரு முறையும் கொஞ்சம் மாற்றம் காண்கிறேன். ஆகஸ்ட் 2017 இந்திய விஜயத்தில் பெங்களுர் சென்றேன். அங்கும் மாற்றம் கண்டேன். UBER ஊபரும், OLA ஓலாவும் கொடிகட்டிப் பறக்கின்றன. தமிழ்நாட்டில் ஆட்டோரிக்ஷா தலையில் பலத்த அடி! என்ன சொன்னாலும், எவ்வளவு சட்டம் வந்தாலும் நாங்கள் கேட்ட காசைக் கொடுக்க வேண்டும் என்று அடாவடித்தனம் செய்தோர் மீது இறைவன் கொடுத்த அடி ஊபர், ஓலா (Uber and Ola). ஆனால் இவைகளையும்கூட மார்கஸீய நாசகாரிகள் நாசம் செய்ய முடியும்; யூனியன் வைத்து ஸ்டிரைக் செய்து அட்டூழியம் செய்யமுடியும்; பதில்? மக்கள் கையில்தான்.

 

முதல் நாள் பழைய ஆட்டோக்கார், தெரிந்தவர் என்பதால் அதில் சென்றேன்; மறு நாள் ஒலா டாக்ஸியில் அதே இடத்துக்குச் சென்றேன்; 200  ரூபாய் மலிவு. ஆட்டாக்காரர்களின் அட்டூழியம் கொஞ்சம்  குறைந்துள்ளது. ஆயினும் எங்கள் லண்டன் போல, போஸ்ட்கோடு இல்லாத POST CODE இடங்களுக்கு எஸ்டிமேட் என்று சொல்லுகிறார்கள். அதாவது கொஞ்சம் கூடுதலாக வரும். பரவாயில்லை.

 

எப்படியாகிலும் ஆட்டோவைவிட மலிவுதான்; பல கொள்ளைக்கார ஆட்டோக்கார்களும் ஊபர், ஓலாவில் பெயரைப் பதிவு செய்துள்ளனர். ஏமாறும் வாடிக்கையாளர் இல்லாதபோது ஊபர் ஓலா சவாரிகளைப் பிடிப்பர்.

 

 

பேசிக் கொண்டே சென்றபோது சில சுவையான விஷயங்கள் கிடைத்தன–

ஒரு ஆட்டோ டிரைவர் தூங்கிக் கொண்டிருந்தபோது ஒருவர் அவரை எழுப்பி ஒரு விலாசம் ADDRESS கேட்டாராம். ஏனய்யா, தூங்கிய என்னை எழுப்பினாய்? என்று அவரை விரட்டி, மிரட்டி 50 ரூபாய் வசூலித்தாராம்.

இதைச் சொல்லிவிட்டு நியாம்தானே ஸார்?  நான் செய்த்தது!! என்று என்னையும் சிக்கலில் மாட்டிவைக்கப் பார்த்தார்.

நான் நைஸாக நழுவிவிட்டேன் – தூங்கிய உம்மை எழுப்பியது தவறுதான்………………………. வழா வழா, கொழ கொழா…………… நடிகர் ரஜினி காந்த் அறிக்கை போலப் பதில் கொடுத்தேன்

 

இன்னும் சில சுவையான செய்திகள்–

நீங்கள் எவ்வளவு வரும்படி உண்டாக்குகிறீர்களோ அவ்வளவுக்கு ஊக்கத் தொகை INCENTIVES  உண்டாம்; பல கட்டங்களில் டிரைவர்களைப் பிரிப்பராம்; மேலே செல்லச் செல்ல நல்ல ஊதியம்- சர்வ சாதாரணமாக மாதம் 35,000 ரூபாய் எடுப்பார்களாம். ஆனால் வாரம் ஏழு நாளும் உழைப்பார்களாம். அந்த 35000 ரூபாயில் 18,000 ரூபாய் கார்க் கடனுக்குப் (Repaying Car Loans) போய் விடுமாம்- அதாவது உங்கள் சொந்தக் காருக்கான கடனை அடைக்கிறீர்கள்

நான் சொன்னேன், “பரவாயில்லையே-  உங்களுக்கு என்று கார் இருந்துவிட்டால் நீங்கள் சுயமாகவும் ஸவாரி ஏற்றலாமே என்றேன்; ஊபரும் ஓலாவும் ஒரு வரம்பு வைத்திருப்பதால் அந்த அளவுக்கு கட்டாயம் பிஸினஸ் BUSINESS கொடுக்க வேண்டுமாம்.

 

லண்டனில் எல்லாம் கிரெடிட் கார்டு Credit Card மூலம் கொடுப்போம். ஆனால் இந்தியாவில் காசும் கையில் கொடுக்கலாம். ஆட்டோ டிரைவர்களின் அட்டூழியத்தை அடக்கி ஒடுக்கும் FAST TRACK CALL பாஸ்ட் ட்ரா க் டாக்ஸி, ஷேர் ஆடோ SHARE AUTO , ஊபர், ஓலா வாழ்க.

 

கம்யூனிஸ்டு நாசகாரக் கும்பல் புகுந்து, யூனியன் அமைத்து சீரழிக்காதவரை தமிழ்நாடு ஒளிவீசும்

 

இது போல பாங்கு ஊழியர்களின் மூஞ்சி முகரையைச் சிதைக்க, யூனியன்களை ஒழிக்க, பேட்டை தோறும், வெளிநாட்டு வங்கிக் கிளைகள் திறந்தாலும் நலமே. நான் ஆகஸ்ட் மாதம் இந்தியா வந்த போது ஒரு நாள் வங்கி ஊழியர் ஸ்டிரைக், ஒரு நாள் தேஸீய விடுமுறை; மற்ற     இரண்டு நாட்கள் வார விடுமுறை; அடுத்த சில நாட்களில் நான் காரில்  சுற்றுப் பயணம். நல்ல வேளை, அண்ணன் தம்பிகள் இருந்ததால் கைமாற்றுப் பெற்றுக் கொண்டேன்.

 

இதில் என்ன வேடிக்கை என்றால், கம்யூனிஸ்ட் ஆட்சி நடக்கும் கேரளத்தில் ஆட்டோ டிரைவர்கள் நியாயமான காசுதான் வாங்குகிறார்கள். இங்கே அவர்கள் ஆட்சி ஏற்படும்வரை அட்டூழியத்தைக் கட்டவிழ்த்து விடுவார்களாம்; அவர்கள் ஆட்சி வந்துவிட்டால் ஸ்டிரைக் இராது, அட்டூழியம் இராதாம்!

 

நிற்க; தமிழ்நாட்டில் முன்னைவிட பிச்சைக்கார ர்கள் குறைவு; பராசக்தி திரைப்படத்தில் (கருணாநிதி கதை வசனம்?) பிச்சைக்காரர்களும் நாய்களோடு போட்டி போட்டுக்கொண்டு எச்சில் இலையை வழிக்கும் காட்சியைப் பார்க்கவே கஷ்டப்படுவேன். இப்போது அது இல்லை.

ஆனால் அதைவிடக் கொடுமையான காட்சி– ஒவ்வொரு கல்யாணத்திலும் நடக்கும் கொடுமை– காலை, மதியம், மாலை, இரவு நான்கு வேளைகளில் ஒவ்வொரு மு றையும் ஐம்பது அய்யிட்டங்கள் (Items)- இதில் பாதி குப்பைத் தொட்டியில்!

 

என்ன அநியாயம்? அங்கு ஓஸிச் சாப்பாட்டிற்கு வரும் ஒரு சில கும்பல் மட்டும் ஐம்பது அயிட்டங்களையும் வாயில் போட்டு விழுங்கிவிட்டு மாயா பஜார் கடோத்கஜன் போலக் காத்திருப்பது எனக்கு வியப்பைத் தரும்

அவர்களுக்கு  கடவுள் கொடுத்தது வயிறா? வண்ணான் தாழியா?

 

கடவுளே- தமிழர்களுக்கு நல்ல புத்தியைக் கொடு- மூன்று வேளைக்கு மேல் சாப்பாடு தேவை இல்லை- பத்து வகைகளுக்கு மேல் தேவை இல்லை.

 

ஸ்விட் Sweet முதலியவற்றை கையில் பாக்கெட்டில் கொடுப்பது வீணாவதைத் தடுக்கும். அல்லது பிராஹ்மணர் அல்லாதோர் செய்வது போல அரை நாளில் கல்யாணத்தை முடித்து மற்ற சடங்குகளை வீட்டோடு வைத்தாலும் நலமே.

 

 

தெருவெங்கும் பூ மணக்கும்

 

நாங்கள் பயணம் செய்த சாலை நெடுகிலும் இளநீர், பலா, கொய்யா, வெள்ளரிக்காய், முந்திரிப் பருப்பு, பூ வியாபாரம் செய்த பெண்மணிகளை கண்டோம். சங்க இலக்கியத்தில் கூட பூக்காரி, உப்பு விற்கும் பெண்மணி ஆகியோரைக் காண்கிறோம்; 2000 ஆண்டுகளாகப் பெண்களும் சம்பாதிக்கும் நாடு இந்தியா; இன்றும் அவர்கள் சுய வியாபாரம் செய்வதால் உடல் மெலிந்து ஆரோக்கியமாக இருக்கின்றனர்; ஏதோ தானும் கொஞ்சம் சம்பாதிதோம் என்ற பெருமை இருக்கிறது. நமக்கும் போகும் வழியில் சாப்பிடக் கிடைக்கிறது. முன்னர் ரயில்வே லெவல் கிராஸிங்கில் மட்டும் நடந்த வியாபாரம் இப்போது டோல் கேட் TOLL GATE முழுதும் நடக்கிறது.

 

இந்த டோல் கேட்களை TOLL GATES ஒழித்தால் என்ன?

எங்கள் பிரிட்டனிலும் சில இடங்களில் இன்றும் டோல் கேட் உண்டு. இவற்றை ஒழித்து ஒரேயடியாக ஒரு தொகை வாங்கிக்கொண்டு கார்க ளை விட்டால் என்ன?

 

இன்னும் சில வண்டிகள் பாண்டிச்சேரி பக்கம் போனால் , டூரிஸ்ட் பெர்மிட் வாங்கனுமாம்; இவைகளைப் போன்ற கட்டு திட்டங்களை எளிமைப்படுத்துவது நல்லது.

மொத்தத்தில் கரும்பையும் தென்னையையும் பயிரிடாதவர்கள் கூட கரும்புச் சாற்றையும், இளநீரையும் விற்பது தொழில் முனைப்பைக் காட்டுகிறது.

உழைக்கும் கரங்கள் வாழ்க

 

 

கிறிஸ்தவர் ஊடுருவல்

 

பேஸ்புக்கில் பல இந்து வீரர்கள் கொட்டம் அடிப்பது எனக்கு சிரிப்பைத் தருகிறது. பல ராம ரதங்களும் முருக ரதங்களும் “வெற்றிகரமாக” ஓடுவது நகைப்பத் தருகிறது. ஏனெனில் எனது ஆகஸ்ட் 2017 இந்திய விஜயத்தில் தமிழ் நாட்டின்     தென் மாவட்டங்களில் சுற்றினேன். 2018 வருகையில் வட மாவட்டங்களில் சுற்றினேன். மவுனமாக, யாருக்கும் தெரியாமல், சத்தமில்லாமல் கிறித்தவர்கள் செய்யும் வேலையைக் கண்டேன்; கிராமம் தோறும் சின்ன பஸ்களையும் வேன்களையும் அனுப்பி பிள் ளைகளுக்கு  யூனிபார்ம் கொடுத்து, டை கட்டி விட்டு பள்ளிகளுக்கு அழைத்துச் செல்வதைப்              பார்த்தேன்; பட்டிக்காட்டுப் பெற்றோர்களுக்கு ஏக சந்தோஷம்;   தன் மகன் தாட் பூட் என்று இங்கிலிபீஷில் சில சொற்களைச் சொன்னவுடன் ஒரே மகிழ்ச்சி; அவர்கள் கழுத்தில் மாட்டிவிடப்பட்ட சிலுவையைப் பார்க்கக்கூட பெற்றோர்களுக்கு நேரம் இல்லை!

 

இப்படி சத்தம் போடாமல் அவர்கள் வேலை செய்கையில் இங்கு RSS ஆர் எஸ் எஸ் காரர்களும் VHP வி.எச்.பி காரர்களும் இந்து முன்னணிக் கட்சிக்  காரர்களும் ரதம் ஓட்டுவது நகைப்பையும் திகைப்பையும் நல்கியது.

 

முதலில் அவர்கள் இதை எல்லாம் கணக்கெடுத்து சீர் செய்ய வேண்டும். நகர்ப் புறத்தில் ரதம் விடுவதற்குப் பதிலாக கிராமப் புறத்தில் ஸ்கூல் பஸ் விட வேண்டும் நிற்க

டாக்டர் பட்டம் மூனு லட்சம் ரூபாய்தானாம்

 

காரில் போகும்போது இன்னொரு செய்தியும் காதில் விழுந்தது என் தம்பி சொன்னான்—- இப்போதெல்லாம் மூன்று லட்சம் ரூபாய் கொடுத்தால் டாக்டர் பட்டம் கிடைத்து விடுகிறதாம்.

நான் சொன்னேன்

அடப்பாவீ- மிகவும் cheap ‘சீப்’ஆக இருக்கிறதே. லண்டனில் உள்ள இலங்கைத் தமிழருக்கு இது தெரிந்தால் க்யூவில் நின்று வாங்கிக் கொள்வார்களே! சும்மா இருக்கும்போதே தன் பெயருக்கு முன்னல் டாக்டர் பட்டம் போட்டுக் கொள்கிறார்கள்- நான் கலாசேத்ராவில் படித்தவள் என்கிறார்கள்- என்னை மியூஸிக் அகாடமியும் நாரத கானசபாவும் அழைத்திருக்கிறது- எனக்கு வேறு பல நிகழ்ச்சிகள் வந்து விட்டதால் மாட்டேன் என்று விட்டேன் என்கிறார்கள்– அவர்களுக்கு எல்லாம் மூன்று லட்சம் ரூபாய் கொசு என்றேன். இதற்கெல்லாம் சாட்சியாக— ஆட வரும், பாட வரும், பேச வரும் அத்தனை தமிழ் பிரபலங்களுடன் போட்டோ எடுத்து வீட்டில் வைத்திருப்பர்; பிரபலங்கள் யார் வந்தாலும் வீட்டுக்கு அழைத்து, சோறு போட்டு நன்கு கவனிக்கவும் செய்யவர்; ஆதாயம் இல்லாமல் செட்டியார் ஆத்தோடப் போவாரா? அல்லது சோழியன் குடுமி சும்மா ஆடுமா?

தமிழ்நாட்டுத் தமிழர்களுக்கு வேறு வழிகள் தெரியும்; யாரை, எப்படிக் “கவனித்தால்” அது கிடைக்கும் என்று.

 

 

ஒரு பட்டமும் பதவியும் இல்லாத சசிகலாவின் காலில் துணைவேந்தர்களே விழும் அளவுக்குத் தமிழ் நாடு கேடுகெட்டுப் போய்விட்டது.

திராவிட ஆட்சியின் சாதனைகள்…………….. வேதனைகளில் இதுவும் ஒன்று

 

பகுத்தறிவுப் பகலவன்கள் வாழ்க, தென்னாட்டு பெர்னாட்ஷாக்கள், இங்கர் சால்கள் வெல்க!!

 

–subham—

 

 

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: