அட்லாண்டிஸ் மர்மம் – அதிசயத் தகவல்கள்! – 3 (Post.4928)

COMPILED by S NAGARAJAN

 

Date: 19 April 2018

 

Time uploaded in London –  5-59  AM  (British Summer Time)

 

Post No. 4928

 

Pictures shown here are taken from various sources such as Facebook friends, Books, Google and newspapers; thanks. Pictures may be subject to copyright laws.

 

 

 

WARNING: PLEASE SHARE MY ARTICLES; BUT DON’T SHARE IT WITHOUT AUTHOR’S NAME AND THE BLOG NAME. BE HONEST; OTHERS WILL BE HONEST WITH YOU

 

 

பாக்யா 6-4-2018 இதழில் அறிவியல் துளிகள் தொடரில் வெளியாகியுள்ள (எட்டாம் ஆண்டு ஆறாம்) கட்டுரை

அட்லாண்டிஸ் மகா மர்மம்அதிசயத் தகவல்கள்! – 3

.நாகராஜன்

 

 

 

ஏதன்ஸ் அகாடமியில் உள்ள ப்ளேட்டோவின் சிலை

 

அட்லாண்டிஸைப் பற்றி எழுதியவர்களுள் குறிப்பிடத்தகுந்தவ்ர் மேடம் ப்ளாவட்ஸ்கி. அதீத மனவியலில் இவர் நிபுணர். 1888இல் அவர் எழுதிய மிக பிரசித்தி பெற்ற நூலான, ‘தி சீக்ரட் டாக்ட்ரின்’ என்ற நூலில் அவர் தனது கொள்கைகள் மற்றும் நம்பிக்கைகளை விவரித்தார். அவர் அட்லாண்டிஸைப் பற்றித் தான் “கண்டதை” விவரித்தார்!

எல்லொருடைய முன் ஜென்மத்தையும் கூறி அனைவரையும் அசத்தி வந்த எட்கர் கேஸ் ஆயிரத்தி தொள்ளாயிரத்து

இருபதுகளில் பலரிடமும் முன் ஜென்மத்தில் அவர்கள் அட்லாண்டிஸில் வாழ்ந்ததாகக் கூறினார். இது பெரும் பரபரப்பை ஏற்படுத்தியது.

சரியா தவறா என்று சரி பார்க்க முடியாத அவரது கூற்று பெரும் பரபரப்பை உண்டு பண்ணியதோடு சரி. ஆனால் அட்லாண்டிஸ் 1969ஆம் ஆண்டு கண்டு பிடிக்கப்படும் என்று அவர் ஆரூடம் கூறினார். அது பொய்த்துப் போனது!

 

 

என்றாலும் கூட நூற்றுக் கணக்கான அட்லாண்டிஸ் ஆர்வலர்கள் அட்லாண்டிஸைக் கண்டு பிடித்தே தீருவது என்று கங்கணம் கட்டிக் கொண்டு தங்கள் வாழ்நாள் முழுவதையும் செலவழித்தனர்.

 

இவர்களில் பலர் அட்லாண்டிஸைக் “கண்டுபிடித்தனர்”!  ஆகவே உலகெங்கும் அட்லாண்டிஸ் இருக்கும் இடங்கள் ஏராளமாக உள்ளன! அது தான் இவர்கள் ஆய்வின் பலன்!

ஆனால் ஒவ்வொருவரும் தங்கள் முடிவிற்கான காரணங்களையும் சாட்சியங்களையும் எழுதி வைத்தனர். இப்படிப் பார்க்கையில் அட்லாண்டிஸானது அட்லாண்டிக் பெருங்கடல், அண்டார்டிகா, பொலிவியா, துருக்கி, ஜெர்மனி. மால்டா, கரிபியன் ஆகிய இடங்களில் இருக்கிறது!

 

ப்ளேட்டோவின் நூலை அடிப்படையாக வைத்துத் தங்கள் ஊகங்களை நியாயப்படுத்திக் கண்டு பிடிக்கப்பட்ட இடங்களே இவைகள்!

 

 

இதையெல்லாம் பார்த்த அட்லாண்டிஸ் ஆய்வாளர் எல். ஸ்ப்ராக் டி கேம்ப் என்பவர் “லாஸ்ட் காண்டினென்ட்ஸ்” என்ற நூலை எழுதினார். அதில் ப்ளேட்டோ கொடுத்த எல்லா விவரங்களையும் தன் இஷ்டத்திற்கு மாற்றிக் கொண்டு ப்ளேட்டோவின் பெயரை இழுப்பது எந்த விதத்தில் நியாயம் என்று கேட்டார்.இது எப்படி இருக்கிறது என்றால் மர்ம மன்னரான கிங் ஆர்தர் தான் க்ளியோபாட்ரா என்று சொல்வது போல இருக்கிறது என்று கிண்டலடித்தார்! என்ன பெரிய விஷயம், க்ளியோபாட்ரா பெண் இல்லை, அவரது தேசம் வேறு, அவரது குணாதிசயம் வேறு, மற்ற விவரங்கள் எல்லாம் கிங் ஆர்தருடையது போலத் தான் என்று சொல்லி விட வேண்டியது தான் என்று அட்லாண்டிஸ் ஆய்வுகளை நையாண்டி செய்தார்!

 

பெருங்கடல் அடியில் எங்கேயோ அட்லாண்டிஸ் இருக்கிறது என்று நம்பும் லட்சக் கணக்கானோரை சமீபத்திய தொழில் நுட்பம் அசர வைத்துள்ளது உண்மை. இந்த அதி நவீன தொழில் நுட்பம் எதை வைத்துப் பார்த்தாலும் அட்லாண்டிஸ் இல்லை என்பதே  உண்மை.

 

 

ஆனால் இதை நம்ப மறுப்பவர்கள் ஏராளம்!

முத்தாய்ப்பாக புவி இயலாலாளரான கென் ஃபெடர் என்பவர், “ புவி இயல் ஆய்வு முற்றிலும் உண்மை. ப்ளேட்டோ சொல்லும் இடத்தில் இவ்வளவு பெரிய நிலப்பரப்பு மூழ்க வாய்ப்பே இல்லை.

நவீன கடல் அகழ்வாராய்ச்சியும், புவி இயலும் கூறுவது அட்லாண்டிஸ் ஒரு கற்பனையே; அது இல்லை என்பது தான் உண்மை” என்று கூறி விட்டார்.

 

ஆனால் அட்லாண்டிஸ் ஆர்வலர்கள் இன்னும் ஆணித்தரமாகச் சொல்வது “உலகில் உள்ள மியூசியங்கள் அனைத்தும் அட்லாண்டிஸ் நாகரிகப் பொருள்களால் நிரம்பி வழியப் போகிறது” என்பதைத் தான்!

இந்த நம்பிக்கைக்கு உரம் ஊட்டும் வகையில் 2017இல் ஒரு கண்டுபிடிப்பு நிகழ்ந்தது.

 

உலகின் பிரபல புவியியல் நிறுவனமான நேஷனல் ஜியோகிராபிக் ஆவணப் பிரிவு ஒரு பெரும் நிபுணர் குழுவை அனுப்பி மறைந்த மாபெரும் நகரத்தைக் கண்டு பிடிக்கப் பணித்தது.

 

கிரீஸில் சாண்டோரினியிலிருந்து ஸ்பெயினில் அஜொரெஸ் தீவு வரை கடலில் மூழ்கி அகழ்வாராய்ச்சியில் ஈடுபடும் நிபுணர்கள் ஆராய ஆரம்பித்தனர்

 

ஜிப்ரால்டர் ஜலசந்தியில் 2017இல் நடந்த இந்த ஆய்வில், ஸ்பெயினுக்கும் ஆப்பிரிக்காவிற்கும் இடையே  பெரிய நங்கூரமாகப் பயன்படுத்தும் கற்கள் கண்டுபிடிக்கப்பட்டது.

 

 

 

. முப்பத்தியிரண்டரை அங்குலம் குறுக்களவு உள்ள பெரிய நங்கூரக் கல் ஒன்றை அவர்கள் கண்டனர் அமெரிக்காவில் கனெக்டிகட்டில் உள்ள ஹார்போர்ட் பல்கலைக்கழகத்தைச் சேர்ந்த புரபஸர் ரிச்சர்ட் ஃப்ரீயண்ட்,”இது ஒரு ஆச்சரியகரமான கண்டுபிடிப்பு. 3000 முதல் 4000 ஆண்டுகள் வரை பழமையானது இது. பிரம்மாண்டமான ஒரு படகிற்கான நங்கூரம் இது! ஆக இப்படிப்பட்ட பெரிய படகுகள் 4000 ஆண்டுகளுக்கு முன்னர் கடலில் பயணம் செய்ததை அறிய  முடிகிறது” என்றார்.

இது போன்ற ஆறு நங்கூரங்களைக் கண்ட ஆய்வாளர்கள் ஒரு பெரும் துறைமுகம் அங்கு இருந்திருக்க வேண்டும் என்ற முடிவுக்கு வந்தனர். டாக்குமெண்டரி படத்தை எடுத்த சிம்சா ஜாகோபொவிசி, “ ஆறு நங்கூரங்களை சில தடவைகள் கடலில் மூழ்கி நாங்கள்  கண்டோம். இன்னும் தீவிர ஆய்வை மேற்கொண்டால் பல ஆயிரம் நங்கூரங்களைக் காண முடியும். அப்படியானால் பில்லர்ஸ் ஆஃப் ஹெர்குலிஸைப் பற்றிய செய்தி உண்மை என்று ஆகி விடும்” என்றார்.

 

 

கூகிளின் எர்த் மேப்பிங் டூல் (Google’s Earth Mapping Tool) மூலமாக புதைந்த நகரத்தைக் கண்டு பிடிக்க முடியுமா என்பதே கடைசியாக ஆய்வாளர்கள் கேட்கின்ற கேள்வி.

அட்லாண்டிஸ் கற்பனை நகரம் என்று ஒரு பிரிவினர் சொல்ல, அதைப் பொய்ப்பிக்கும் வகையில் நடக்கும் ஆய்வுகள் வேறு பல உண்மைகளத் தருகின்றன!

 

சாடலைட்டின் துணை, கூகிளின் நவீன ஆய்வுக் கருவிகள் மூலம் இந்த மர்மத்திற்கான விடை வெகு விரைவில் கிடைத்து விடும்! அது வரை பொறுத்திருப்போம்!

 

அறிவியல் அறிஞர் வாழ்வில் . ..

விண்வெளி வீரரான ஸ்காட் கெல்லி ஒரு வருடம் கழித்து பூமிக்குத் திரும்பி இருக்கிறார்.இதை ஒட்டி அறிவியல் இதழ்களில் மார்ச், 12, 2018 இல் ஒரு பெரிய பரபரப்புச் செய்தி வெளியானது. அவரது மரபணுவில் பெரிய மாற்றம் ஏற்பட்டுள்ளது. ஆகவே அவரது இரட்டைப் பிறவி சகோதரரின் மரபணுவிலிருந்து அவர் மாறுபட்ட மரபணுவைக் கொண்டிருக்கிறார் என்ற செய்தி பரவியது.  விண்வெளிப் பயணம் இப்படி மரபணுவை மாற்றி விடுமா என்ற கேள்வியை இது விஞ்ஞானிகளிடம் ஏற்படுத்தியது.

 

 

7 சதவிகித மாற்றம் மரபணுவில் மாறி உள்ளது என்ற கூற்றை நாஸா தனது அறிக்கையில் ஒரே வாரத்தில் விமரிசித்து மறுத்துள்ளது.

 

 

“இந்தத் தகவல் உண்மையானதல்ல. அவர் விண்வெளியில் இருந்த போது அவர் உடலானது சில மரபணுக்களை வெளிக்காட்டாமல் இருந்தது. அவர் பூமிக்குத் திரும்பியவுடன் இயல்பான மரபணுக்கள் வெளிப்படையாகத் தெரிய ஆரம்பித்து விட்டன. ஒரு மாறுதலும் மரபணுவில் இல்லை” என்ற நாஸாவின் அறிக்கை அனைவரையும் ஆச்சரியப்படுத்தி பரபரப்பிலிருந்து மீட்டு விட்டது.

 

ஒரே வாரத்தில் ஒரு பெரிய பரபரப்புத் தகவலும் அதை மறுத்த தகவலும் வந்தது இது வரை இல்லாத விண்வெளிப்  புதுமை!

***

 

 

 

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: