செக்ஸ் தாக்குதல் பற்றி மநு முன் எச்சரிக்கை (Post No.5048)

 

Written by London Swaminathan 

 

Date: 26 May 2018

 

Time uploaded in London –  7-23 am

 

Post No. 5048

 

Pictures shown here are taken from various sources such as Facebook friends, Books, Google and newspapers; thanks. Pictures may be subject to copyright laws.

 

WARNING: PLEASE SHARE MY ARTICLES; BUT DON’T SHARE IT WITHOUT AUTHOR’S NAME AND THE BLOG NAME. BE HONEST; OTHERS WILL BE HONEST WITH YOU

 

 

மநு நீதி நூல்- Part 17

செக்ஸ் தாக்குதல் பற்றி மநு முன் எச்சரிக்கை (Post No.5048)

 

இரண்டாம் அத்தியாயம் தொடர்ச்சி…..

 

இன்றைய கட்டுரையில் கவனிக்க வேண்டிய விஷயங்கள்-

 

செக்ஸ் துஷ்பிரயோகம் (பாலியல் தொல்லைகள் Sex Abuse) நடைபெறாதபடி

தடுக்க மநு சில அழகான யோசனைகளைச் சொல்கிறார்.


1.வயதான குருவுக்குக் கைகால் பிடித்துவிட்டு, கால்கழுவி வழிபடுவது எல்லாம் சரி. ஆனால் குருவின் மகன் ஒரு நாள் பாடம் நடத்தினால் குருவுக்கு உரிய மரியதைகளைக் கொடு. ஆனால் தொட்டுப் பழகாதே. குரு வீட்டிலுள்ள குழந்தைகளே ஆனாலும், குளிப்பாட்டுவது சோப்புப்  போடுவது ஆகியவற்றைச் செய் யாதே 2-209

 

2.பெண்கள் விஷயத்தில் மிகவும் கவனம் தேவை. அம்மாவேயானாலும், சஹோதரிகளே ஆனாலும் தனியாக பெண்களுடன் இராதே. ஏன் எனில் மனத்தின் சக்தி மிகவும் அபாயகரமானது.

வேத காலத்தில் இருந்த மனுவே இப்படிச் சொல்கிறாரே! அப்படியானால் அப்போதும் செக்ஸ் Sex Abuse சில்மிஷங்கள் நடந்தனவோ என்று நாம் எண்ணுவோம். கோடிப் பேரில்  ஒன்று இப்படி நடக்கலாம். அல்லது எதிர்காலத்தில் இப்படி நடக்கப் போவதை முன் உணர்வால் அறிந்து சொல்லி இருக்கலாம் 2-215

 

 

ஆனால் மநு ஒரு மாபெரும் உளவியல் நிபுணன் (Great psychologist). மநுவே சொல்லி விட்டார் நான் தொட்டால் என்ன என்று எவரும் சொல்லி விடக்கூடாது என்பதற்காக அழகாகப் பீடிகை போடுகிறார்.

  1. மாணவர்களின் சிகை அலங்காரம் பற்றிப் பேசுகிறார் 2-219
  2. மாணவர்கள் என்ன , எவ்வளவு, எப்போது குரு தட்சிணை தரவேண்டும் என்றும் விளம்புகிறார்.

 

  1. வேதம் பயிலும் மாணவர்கள் ஆபத்துக் காலத்தில் பிராமணர் அல்லாதோரிடமும் வேதம் கற்கலாம் என்பார். அப்படியானால் வேதத்தைக் கற்பிக்கும் அளவுக்கு மற்ற ஜாதியினரும் முன்னேறியிருந்ததை மநு ஸ்ம்ரூதி காட்டுகிறது— 2-241

6.பிராமணர் அல்லாத பெண்களுக்கு எப்படி மரியாதை செலுத்த வேண்டும் என்றும் பகர்கிறார். 2-210

 

7.மாதா, பிதா, குரு ஆகிய மூவரும் பெரும் மரியாதைக்கு உரியவர்கள். அவர்கள் பிராமணர் வீடுகளில் யாக குண்டங்களில் எரியும் முத்தீக்குச் சமம் ஆனவர்கள் என்று உரைக்கிறார் 2-225

  1. மனைவி, நவ மணிகள் நன்னடத்தை கல்வி அறம் முதலியவற்றை எவரிடமும் பெறலாம் (ஜாதி வேறுபாடு இல்லை)- 2-240

இனி எஞ்சியுள்ள ஸ்லோகங்களை மிகச் சுருக்கமாகக் காண்போம்:

 

2-206 கல்வி கொடுத்த ஆசிரியர், சடங்கு செய்விக்கும் உபாத்யாயர், பெரியப்பா, மற்றும் தன்னை நல்வழிப்படுத்தியவர் (God father) ஆகியோரை குரு போல மதிக்க வேண்டும்.

2-207 கல்வியிலும் தவத்திலும் மேன்மையுடையோர், ஒரே வருணத்தில் பிறந்தோர், குருவின் புத்திரர்கள், தாயத்தார் ஆகியோரிடம் மாணவன் மரியாதை காட்ட வேண்டும்

2-208 வேதம் முழுதும் அத்யயனம் செய்த ஒருவன் சிறியவனாயினும், ஒரே வயதுடைய வனாயினும், பழைய மாணவன் ஆனாலும் அவனுக்கும் மரியாதை செலுத்தல் அவசியம்.

NO   SEX  ABUSE

 

2-209 குருவின் மகனுக்கு குருவைப் போல மதிப்பு தரலாம்; ஆயினும் அவன் காலைக் கழுவுதல், உடலைத் தேய்த்துக் குளிப்பாட்டுதல், எண்ணய் தேய்த்தல், குழந்தை விட்டுச் சென்ற எச்சிலை உண்ணுதல் கூடாது.

2-210 குரு பத்னியானவள் ஒரே ஜாதியானால் குருவுக்குரிய அளித்து மரியாதைகளையும் செய்க; வேறு ஜாதியானால் எழுந்து நின்று வணக்கம் செய்க

2-211 குருவின் மனைவிக்கு எண்ணை தேய்த்து விடுதல், தலை வாறுதல் முதலியன செய்தல் கூடாது.

2-212 மாணவன் இளைஞனாக இருப்பின், குருவின் மனைவி யுவதியாக இருப்பின் கால்களைத் தொட்டு வணங்காதே

2-213 பெண்கள் அலங்காரப் பிரியர்கள்; அதன் மூலம் மற்றவர்களைக் கவர்வர்; ஆகையால் கவனக் குறைவு சிறிதும் ஆகாது.

2-214 புலன் அடக்கம் உள்ளோரையும் இல்லாதோரையும் கவர்ந்து இழுக்கும் சக்தி பெண்களுக்கு இருக்கிறது.

2-215 தாய், சகோதரி, மகள் ஆகிய எந்தப் பெண்ணாயினும்      அவர்களுடன் தனிமையில் இருக்கக் கூடாது. புலன்களின் சேட்டை மகத்தானது. பெரிய ஆட்களையும் விழுத்தாட்டிவிடும்.

 

2-216 குருவின் மனைவியும் தானும் இளமைப் பருவத்தில் இருந்தால் உடலில் படாமல், கால்களைத் தொடாமல் வணங்க வேண்டும்

2-217 ஊரில் இருக்கையில், வெளியூர் சென்று திரும்புகையில் குருவின் மனைவி காலில் விழுந்து ஆசி பெறுக

2-218 மண்ணை வெட்ட வெட்ட ஊற்று நீர் பெருகும்; குருவைப் போற்றி  வணங்க, வணங்க  அறிவு பெருகும் ( திருக்குறளிலிலும் உளது)

 

STUDENTS’ HAIR STYLE

2-219 பிரம்மச்சாரி மாணவன் சடை வைத்துக் கொள்ளலாம்; குடுமி வைத்துக் கொள்ளலாம்; மொட்டை அடித்துச் சில இடங்களில் அரை வட்டாக சிரைத்து, சடை வைத்துக் கொள்ளலாம். சூரியன் உதிக்கும், மறையும் சந்தியா காலங்களில் தூங்கக் கூடாது.

 

2-220 ஒருவன் சூரிய உதயத்துக்குப் பிறகு தூங்கினால் பகலிலும் மாலை சூரிய அஸ்தமனத்துக்கு முன்னால் தூங்கினால் இரவிலும் காயத்ரி மந்திரம் ஜபித்து உண்ணாவிரதம் இருப்பதே பரிகாரம்.

2-221 பரிகாரம் செய்யாவிடில் நரகத்தில் வீழ்வர்.

2-222 அந்தி வேளைகளில் உறங்காமல் ஆசமனம் செய்து ஜபம் செய்ய வேண்டும்

ANY CASTE IS OK

2-223 நல்ல காரியங்களை நாலாம் வருணத்தார் செய்தாலும், பெண்கள் செய்தாலும் தருமத்துக்கு எதிராக இல்லாதவரைக்கும் ஏற்கலாம்

2-224 அறம் பொருள் இன்பம் (தர்ம அர்த்த காம) இவைகளில் இதைவிட அது பெரிதா, இது பெரிதா என்பர் ; நான் சொல்கிறேன் ஒன்றுக்கு ஒன்று முரண்படாதவாறு மூன்றுமே முக்கியம்

2-225 ஞானம் தரும் குரு=கடவுள், பிறவி தந்த தந்தை= பிரம்மா; தன்னைத் தாங்கிய தாய் = பூமிதேவி,  அண்ணன் = தனது மறு உரு என்று அறிக

 

2-226 தான் துன்பம் அடைந்தாலும் குரு, தாய், தந்தை, மூத்தோன் ஆகியோரை அவமதிக்கக் கூடாது.

 

RESPECT THE GREAT THREE

2-227 மாதா, பிதா, குரு ஆகிய மூவருக்கும் எத்தனை பிறவி எடுத்தாலும் நன்றிக் கடனைச் செலுத்த முடியாது

2-228 தாயார், தந்தை, குரு ஆகிய மூவரின் விருப்பப்படியே அனைத்தையும் செய்க; அல்லது அவை பலிக்காது

2-229 மூவரையும் வழிபடுவதே சிறந்த தருமம். அவர்கள் அனுமதியுடனே தரும காரியங்களைச் செய்க

 

2-230 அந்த மூவரும் முத்தீயாக, மூன்று ஆசிரமங்களாக, மூன்று வேதங்களாக, மூன்று உலகங்களாக சிறந்து விளங்குகிறார்கள்

2-231 தந்தை கார்கபத்னி தீயாகவும், தாய் தட்சிணாக்னி தீயாகவும், குரு ஆஹவனீய தீயாகவும், முத்தீயாக ஒளி வீசுவர்

2-232 மூவரிடம் பக்தியுடையோன் மூன்று உலகங்களையும் வென்று சூர்யாதி தேவர்கள் போல ஒளி வீசுவான்.

 

2-233 தாயின் பக்தியால் இம்மை இன்பமும் தந்தையின் மீதான பக்தியால் மறுமை இன்பமும், குருவின் மீதுள்ள பக்தியால் பிரம்மலோகமும் கிடைக்கும்.

 

2-234 மூவரையும் ஆதரிப்பவர்கள் செய்வதெல்லாம் உருப்பெறும்/ பலிக்கும். மூவரையும்  ஆதரிக்காதோர் செய்வன பலிக்காது

 

2-235 மூவரும் உயிர் வாழ்கையில் வேறு எல்லா தர்மங்களையும் விட அவர்களுக்குப் பணிவிடை செய்வதே மேலானது

 

2-236 அவர்களுடைய அனுமதியுடன் மறுமை இன்பத்துக்குரிய விஷயங்களைக் கடைப்பிடிக்கலாம்; முடிந்தவுடன் அவர்களிடம் சொல்லவும்.

 

2-237  இவர்களுடைய பணிவிடையே மேலானது; ஏனையவை இரண்டாம் தரமானவை

SHUDRAS AND LOW CASTE GIRLS OK

2-238 உயர்ந்த அறிவை சூத்திரனிடமும், மோக்ஷ மார்கத்தைச் சண்டாளனிடமும், குணமுள்ள பெண்ணை தாழ்ந்த குலத்தில் இருந்தும் கூட ஏற்கலாம்

2-239 விஷத்திலிருந்து அமுதத்தைதைப் பெறலாம்;

சிறுவனிடமிருந்தும் நல்ல கருத்தைக் கற்கலாம்;

பகைவனிடமிருந்து நல்லொழுக்கத்தையும் கற்கலாம்;

அழுக்கான பொருளிடமிருந்து தங்கத்தை எடுக்கலாம்.

2-240 பெண்கள், நவ ரத்தினங்கள், கல்வி, அறம் ஒழுக்கம், நல்ல உபதேசம், கலைகள் ஆகியவற்றை எவரிடமிருந்தும் எடுத்துக் கொள்க.

 

ஏனைய வருணத்தாரிடம் கற்றல்

 

2-241 பிராமணர் இல்லாதபோது ஏனைய இரு வர்ணத்தாரிடம் வேதம் கற்கலாம்; படிப்பு முடியும் வரை பிராமண குருவுக்குள்ள அத்தனை மரியாதையும் தருக.

 

2-242 மோக்ஷம் விரும்பும் மாணவன் க்ஷத்ரிய, வைஸ்ய குருவுடனோ, அனுஷ்டானம் இல்லாத பிராமண குருவுடனோ வசிக்கக் கூடாது.

2-243 இல்லற இன்பம் வேண்டாதோன் வாழ்நாள் முழுதும் குருவுக்குச் சேவை செய்து நைஷ்டிக பிரம்மச்சாரியாக காலம் தள்ளலாம்

2-244 இறக்கும் வரை இப்படி குருவுக்கு மரியாதை செய்பவன் மறுமை இன்பம் அடைவான்

 

குரு தட்சிணை

 

2-245 வேதம் பயிலும் முன், குருதட்சிணை கொடுக்காதே; பட்டமளிப்பு விழாவின்போது- அதாவது படிப்பு நிறைவாகி வீடு திரும்பும் போது, சக்திக்கேற்ப குரு தட்சிணை கொடு

 

2-246 குருவுக்கு ஏற்ற தட்சிணை- நிலம், பொன், பசு, குதிரை ஆசனம், தானியம், உணவு, ஆடைகள், குடை, செருப்பு

 

2-247 குரு இறந்து விட்டால் அவரது மகனிடம் அல்லது தாயத்தாரிடம் பணிவிடை செய்க

 

2-248 இவர்கள் யாரும் இல்லை என்றால் குரு செய்த ஹோம குண்டத்தில் வாழ்நாள் முழுதும் ஹோமம் செய்க

 

2-249 இதுவரை சொன்ன நோன்புகளைக் கடைப்பிடிக்கும் மாணவன் இக, பர சௌபாக்யம் அடைவான். அவனுக்கு மறுபிறவி கிடையாது.

இரண்டாவது அத்தியாயம் இத்துடன் முடிகிறது.

–SUBHAM–

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: