காலத்தை உறைய வைக்கும் புகைப்பட நிபுணர்! – 2 (Post No.5111)

Written by S NAGARAJAN

 

Date: 15 JUNE 2018

 

Time uploaded in London –  7-29 am  (British Summer Time)

 

Post No. 5111

 

Pictures shown here are taken from various sources such as Facebook friends, Books, Google and newspapers; thanks. Pictures may be subject to copyright laws.

 

 

பாக்யா 15-6-2018 இதழில் அறிவியல் துளிகள் தொடரில் வெளியாகியுள்ள (எட்டாம் ஆண்டு பதினைந்தாம்) கட்டுரை

காலத்தை உறைய வைக்கும் அதிசய அறிவியல் புகைப்பட நிபுணர்! – 2

.நாகராஜன்

ஐயாயிரம் ஆண்டுகளுக்கு முன்னால் எகிப்தைச் சேர்ந்த வண்ண ஓவியர்கள் பாலைவன மணல். சுண்ணாம்புக் கல், பொடாசியம், தாமிர கார்பனேட் ஆகியவற்றை உலையில் வைத்துச் சூடாக்கி ‘எகிப்திய நீலம்’ என்ற  ஒரு விசேஷ வண்ணத்தை உருவாக்கினர். இது மிகவும் பிரபலமாகி பல நூற்றாண்டுகள் ஓவியர்கள் விரும்பும் வண்ணமானது.

15ஆம் நூற்றாண்டு வாக்கில்  வால்நட் மற்றும் லின்ஸீட் எண்ணெயால் உருவாக்கப்பட்ட வண்ணங்கள் பிரபலமாயின. பத்தொன்பதாம் நூற்றாண்டிலோ நவீன தொழில்நுட்பம் மூலம் புதுப் புது வண்ணங்கள் உருவாயின. லூயி டாகர் தாமிரத்துடனான வெள்ளிப்பூச்சு தக்டுகளில் ஐயோடின் ஆவி சேர்த்துப் பார்த்தார்; போட்டோக் கலை உருவானது!

1950-களில் எமல்ஷன் பெயிண்ட் உருவானது. நியூ வேவ் சினிமாவும் உருவானது. திரைப்பட போட்டோகிராபி புதுப் பரிமாணங்களை ஏற்படுத்தியது.

1970-களில் உருவான டிஜிடல் போட்டோ இருவிதமாக சித்திரங்களைப் பதிவு செய்ய உதவியது. ஒன்று, சாதாரணமாக இன்று காணப்படும் டிஜிடல் கேமராக்கள் மற்றொன்று ஸ்கேனர்கள். இதில் முதலாவதாக இருந்த டிஜிடல் கேமரா ஒரு காட்சியை அப்படியே ஒரே கணத்தில் படம் பிடித்தது. ஆனால் ஸ்கேனரோ இதற்கு மாறாக ஒரு உருவத்தை தொடர்ச்சியாகப் படமாகப் பிடித்தது. ஸ்கேனரில் உள்ள சென்ஸர் படத்தின் மேலாக அல்லது ஒரு பிரிண்ட் செய்யப்பட்ட ஆவணத்தின் மேலாக நகர்ந்து சென்று ஒவ்வொரு வரியையும் படம் பிடித்து அதைப் பின்னர் முழுப் படமாக ஆக்கித் தந்தது.

இதைத் தொடர்ந்து ஸ்கேனர்கள், கிராபிக்-எடிடிங் புரொகிராம்கள், ஹை-ஸ்பீட் இண்டஸ்ட்ரியல் வீடியோ கேமராக்கள் ஆகியவை, தொழில்நுட்ப ஓவியர்களை  சம்பிரதாய வழியிலிருந்து மாற்றி தங்கள் மனோதர்மத்தின் படி படமெடுக்கும் நுட்பமான போட்டோக் கலையை உருவாக்கிக் கொள்ள வழி வகுத்தது.

டோரிஸ் மிட்ஸ் என்பவர் வட கலிபோர்னியாவில் தாவர இனங்கள், பூச்செடிகள், கடல் வாழ் உயிரினங்கள் ஆகியவற்றை நவீன தொழில்நுட்பமான போட்டோஷாப் மூலமாக அழகுறப் படமாக்கி உலகத்தையே அசத்துகிறார். பெனிலோப் அம்ப்ரிகோ என்ற பெண்மணி 541,795 சூரியன்கள் என சூரிய அஸ்தமனக் காட்சிகளை 2006ஆம் ஆண்டு உருவாக்கி அனைவரையும் அசத்தினார். இப்படி நாளுக்கு நாள் போட்டோக் கலை புதிய பரிமாணங்களைக் கொண்டு விஸ்வரூப கலையாகப் பெரிதாகி வருகிறது.

மனோதர்மத்தில் எழும் கற்பனை மூலம் உருவாகும் போட்டோ ஒரு கவிதை எழுதுவதைப் போல இருக்கும் என்கிறார் போட்டோக் கலை வல்லுநரான கார்டின் என்பவர்.

இந்த நிலையில் போட்டோக்கலையில் புதிய பரிமாணங்களைக் காட்டி வரும் மக்யாரை நேரில் பேட்டி கண்டு அவரைப் பற்றி நன்கு வெளி உலகிற்கு அறிமுகப்படுத்தியுள்ளார் ஜோஷுவா ஹாமர் (Joshua Hammer) என்ற பிரபலமான பத்திரிகையாளர்.

2008ஆம் ஆண்டிலிருந்து கிழக்கு பெர்லினில் தனது தோழியான ஜாஜி போர்க்சால்மியுடன் வாழ்ந்து வருகிறார் மக்யார். ஜாஜி ஆரம்பப் பள்ளியிலிருந்து அவருடன் படித்த சின்ன வயதுத் தோழி. இப்போது அவருக்காக மொழி பெயர்ப்புப் பணி உள்ளிட்ட அனைத்தையும் கூடவே இருந்து செய்து வருகிறார்.

ஹங்கேரியில் உள்ள டெப்ரெசென் என்ற நகரில் பிறந்து வளர்ந்தவர் மக்யார். அவரது தாயார் ஒரு பல் டாக்டர். தந்தையோ ஒரு கட்டிடக் கலை ஆர்கிடெக்ட். ரெஸ்டாரண்ட், பார் போன்றவற்றை டிசைன் செய்பவர். ஆகவே தந்தையின் ஒர்க்‌ஷாப்பில் வளர ஆரம்பித்தார் மக்யார். பள்ளியில் அவரால் சரியாகக் கவனம் செலுத்த முடியவில்லை. பாதியில் அப்படியே படிப்பை விட்டார். இரண்டு வருடம் கணினியில் கிராபிக் டிசைன் வேலையைச் செய்தார்.

இளமையிலிருந்தே பல புதிய இடங்களுக்குப் பயணம் செய்வதில் அவருக்கு ஆர்வம் இருந்தது. ஊர் ஊராகச் சுற்ற ஆரம்பித்தார்.

இந்தியா அவரை வெகுவாகக் கவர்ந்தது. வருடா வருடம் வர ஆரம்பித்தார்.

காசிக்கு வந்த அவர் ஆறு மாத காலம் கங்கை நதிக் கரையோரம் வந்து அமர்ந்தார். கங்கை நதியின் பொங்கும் பிரவாகத்தைப் பார்ப்பதே அவரது ஒரே வேலை. அலை அலையாக நீர் கொப்பளித்துச் செல்வதைப் பார்த்துக் கொண்டே இருந்த அவர் ஒரு நாள் தன் தோழியான ஜாஜியிடம் போட்டோக் கலையின் ஆரம்ப புத்தகத்தைக் கொண்டு வருமாறு கேட்டுக் கொண்டார். அது அவரது ஆரம்ப காலப் பள்ளி வாழ்க்கையில் ஒரு போட்டியில் வென்றதற்காகப் பரிசாக அளிக்கப்பட்ட புத்தகம். அதைப் படிக்க ஆரம்பித்தார்; அவ்வளவு தான் போட்டோகிராபி மேல் ஒரு புதிய ஆர்வம் பிறந்தது. இமயமலையில் உள்ள டார்ஜிலிங்கில் ஒரு தனியார் பள்ளியின் அன்றாட வாழ்க்கை முறையை படம் பிடித்தார். அது ஹங்கேரி பத்திரிகை போட்டோ போட்டியில் முதல் பரிசை வென்றது. அது அவரை நன்கு உற்சாகப் படுத்தி அவரைத் தீவிரமாக போட்டோ கலையில் ஈடுபடுத்தியது.

ஒரு படத்தை எடுப்பது நமக்கு ஒரு விநாடி வேலை. ஆனால் மக்யாரோ பல மணி நேரம் எடுத்துக் கொள்வார்.

வாரணாசியில் (காசியில்) தனக்கென ஒரு மூவி தியேட்டரை நிர்மாணித்துக் கொண்டார். நல்ல இருட்டில் ஆடியன்ஸை படம் பிடித்தார். கல்கத்தாவில் டாக்ஸிகளில் பின் சீட்டில் அமரும் பயணிகளைப் படம் பிடித்தார். டாக்டர்களின் க்ளினிக்குகளில் வெயிடிங் ரூமில் இருக்கும் நோயாளிகளைப் படம் பிடித்தார். ஷாங்காய் சென்று பயணிகள் எலிவேட்டரில் ஏறுவதைப் படம் பிடித்தார்.

வித்தியாசமான இவரது போட்டோக்கள் ஹன்னா ஃப்ரீஸர் என்ற ஒரு கலைஞரைக் கவர்ந்தது. அவர் மூன்று கண்காட்சிகளை மக்யாருக்காக ஏற்பாடு செய்தார்.

 

தொடரும்

அறிவியல் அறிஞர் வாழ்வில் .. ..

ராணுவத்தில் ராடாரின் பயன்பாட்டுக்காக இங்கிலாந்தின் பர்மிங்ஹாம் பல்கலைக் கழகத்தில் ஆயிரத்தி தொள்ளாயிரத்து நாற்பதுகளில் மாக்னெட்ரான் என்ற எலக்ட்ரானிக் டியூப் உருவாக்கப்பட்டது. இதைத் தயாரிப்பதில் அமெரிக்காவைச் சேர்ந்த ரேதியான் என்ற கம்பெனியும் ஒன்று. இதில் பணியாற்றி வந்த எஞ்ஜினியர்களுள் ஒருவரான பெர்ஸி ஸ்பென்ஸர் (Percy Spencer) என்பவர் ஒருநாள் மாக்னெட்ரான் டியூபை சோதனை செய்து கொண்டிருந்தபோது சாக்லெட் சாப்பிடுவதற்காகத் தன் பையில் கையை விட்டார்.சாக்லட்டோ கெட்டியாக இல்லாமல் உருகி வழவழப்பாக மெதுவாக இருந்தது. ஆனால் அதில் வெப்பமே இல்லை. மாக்னெட்ரான் டியூபிலிருந்து வெளிவந்த ரேடியேஷனால் தான் அது உருகி விட்டதோ என்று அவர் சந்தேகப்பட்டார். சோளத்தைக் கொண்டு வந்து மாக்னெட்ரான் எதிரில் வைத்தார். சோளம் படபடவென்று பொறிந்தது. ஒரு முட்டையை அதன் எதிரில் வைத்தார். முட்டை படீரென்று வெடித்தது. ஆஹா, உடனடி சமையலைக் கண்டு பிடித்துவிட்டேன் என்று அவர் குதித்தார். Instant Cooking பிறந்த கதை இது தான்! நிறுவனம் அவரைப் பாராட்டி உலகின் முதல் மைக்ரோ ஓவனைத் (Micro Oven) தயாரித்தது. இதன் முக்கிய பாகமாக விளங்குவது மாக்னெட்ரான் தான்! இன்று இல்லத்தரசிகள் சந்தோஷமாக இதைப் பயன்படுத்தி வருகின்றனர்!

***

 

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: