பாதிரிகளுக்கு இங்கர்சாலின் கேள்வி! – 1 (Post No.5431)

Written by S NAGARAJAN

Date: 15 SEPTEMBER 2018

 

Time uploaded in London – 5-58 AM (British Summer Time)

 

Post No. 5431

 

Pictures shown here are taken from various sources including google, Wikipedia, Facebook friends and newspapers. This is a non- commercial blog.

 

பாதிரிகளுக்கு இங்கர்சாலின் கேள்வி! – 1

 

ச.நாகராஜன்

 

ராபர்ட் க்ரீன் இங்கர்சால் (பிறப்பு 11-8-1833 மறைவு 21-7-1899) பைபிளை நம்பாத அமெரிக்கர். சிறந்த வக்கீல். மிகச் சிறந்த பேச்சாளர். அரசியல்வாதி. அமெரிக்க உள்நாட்டுப் போரில் பங்கு கொண்டவர். அவரது செல்லப் பெயர் “The Great Agnostic” (மிகப் பெரிய லோகாயதவாதி). அமெரிக்காவில் சுதந்திர சிந்தனை எழுந்த பொற்காலத்தில் வாழ்ந்தவர்.

 

பாதிரிகளைப் பதற வைக்கும் கேள்விகளைக் கேட்டு அவர்களைத் திணற வைத்தவர். அவரது ஒரு கேள்விக்கும் கூட பாதிரிகளால் பதில் அளிக்க முடியவில்லை.

 

அவரது அனல் தெறிக்கும் பேச்சுக்களும் எழுத்துக்களும் 12 தொகுதிகளாகத் தொகுக்கப்பட்டுள்ளன. (The Works of Robert G. Ingersoll – complete 12 Volumes). அவரது வரலாற்றை க்ளிண்டன் பி. ஃபேரல் (Farrell, Clinton. P) அழகுற எழுதியுள்ளார்.

 

 

இங்கர்சாலுக்கு பைபிளைக் கண்டாலேயே பிடிக்காது. அதை ஒரு தெய்வீகப் புத்தகம் என்பதை அவரால் அங்கீகரிக்கவே முடியவில்லை.  மற்ற புராதன நூல்களுக்கு எவ்வளவு மதிப்பும் மரியாதையும் கொடுக்க முடியுமோ அந்த அளவிற்குத் தான் பைபிளுக்கும் மதிப்பைக் கொடுக்க முடியும் என்றார் அவர். “அதில் கொஞ்சம் உண்மை இருக்கிறது. நிறையத் தவறுகள் இருக்கின்றன. அதிக அளவு காட்டுமிராண்டித்தனம் உள்ளது. நல்ல தன்மையை இழந்துள்ள நூல்” – இது தான் பைபிளைப் பற்றிய அவரது விமரிசனம்.

 

(“There is some truth, a great deal of error, considerable barbarism and a most plentiful lack of good sense” ).

 

ஒருவர் அவரிடம், “உங்கள் வீட்டில் பைபிள் இருக்கிறதா?” என்று கேட்டபோது அவர் இருக்கிறது என்று சொல்லி,  தோலினால் கெட்டி அட்டை போட்ட ஒரு புத்தகத்தைச் சுட்டிக் காட்டினார்.அதன் மேலே “ஊக்குவிக்கும் நூல்” (“The Inspired Book.”) என்று எழுதி இருந்தது. அதைத் திறந்து பார்த்த போது அது ஷேக்ஸ்பியரின் நூல். பின்னர் அவர் இன்னொரு புத்தகத்தை எடுத்துக் காண்பித்து அது தான் அவர்களின் குடும்ப பிரார்த்தனை புத்தகம் என்றார். அதைத் திறந்து பார்த்தால் அது ராபர்ட் பர்ன்ஸ் என்ற கவிஞரின் நூலாக இருந்தது.

இங்கர்சால் பைபிளின்  பழைய ஏற்பாட்டை(OldTestament), ”தவறுகள், அதன் அபத்தங்கள், அதன் அறியாமை மற்றும் கொடூரம்” ஆகியவற்றால் அது லாயக்குப்படாது என்று ஒதுக்கி விட்டார். (Because of its “mistakes, its absurdities, its ignorance and its cruelty).

புதிய ஏற்பாட்டையோ (New Testament) , “அது பழைய ஏற்பாடு உண்மைதான் என்று சூளுரைக்கிறது; அத்துடன் பயமுறுத்தும் முடிவில்லாத துன்பம் என்னும் கொள்கையை அறிமுகப்படுத்துகிறது” என்பதால் அதையும் ஒதுக்கி விட்டார்.

 

மொத்தத்தில் பைபிள் கூறும் மதமானது பயத்தின் அடிப்படையிலானது என்றார் அவர்.

 

“உண்மையான மதம் என்பதும் உண்மையான வழிபாடு என்பதும் பயனுள்ள விஷயங்களை உருவாக்கும் ஒன்றாகும். அறிவை அதிகரிக்கச் செய்வது எதுவோ, மூளையை மேம்படுத்துவது எதுவோ, அதுவே உண்மை மதம்“ என்றார் அவர்.

 

‘அறிவியலே உலகைக் காக்கும்’ என்ற அவர் நான் வழிபடும் ட்ரினிடி (மூன்று தெய்வ வழிபாடு) – பகுத்தறிவு, உற்று கவனித்தல் , அனுபவம் (Reason, Observation, Experience)  தான் என்று முழங்கினார்.

இயற்கைக்கு அப்பாற்பட்ட தெய்வம் ஒன்று இல்லை என்பது அவரது சித்தாந்தம்.

 

 

பாதிரிகளைப் பதற வைத்த அவரது கேள்விகளின் தொகுப்பு ஏராளம் என்றாலும் சாம்பிளுக்கு ஒன்றை மட்டும் இங்கு இப்போது பார்ப்போம்:

 

 

“சீமாட்டிகளே, கனவன்களே, ஆயிரக்கணக்கான ஆண்டுகளாக மனிதர் கேட்டு வரும் கேள்விகள் இவை தாம்: “இந்த உலகை எப்படி நாகரிகமயமாக்குவது. உயிர்,சுதந்திரம், சொத்து, மதிப்புகள் ஆகியவற்றை எப்படிப் பாதுகாப்பது? குற்றத்தையும், ஏழ்மையையும் ஒழிப்பது எப்படி? உடை தந்து உணவு தந்து, கல்வி பயிற்றுவித்து மனித குலத்தை நாகரிகப்படுத்துவது எப்படி?

சிந்தனையுள்ள ஆண்களாலும் பெண்களாலும் இந்தக் கேள்விகளே கேட்கப்பட்டன. அவர்கள், “ இன்னொரு (மறு) உலகத்தில் நாம் என்ன செய்யப் போகிறோம்?) என்று கேட்கவில்லை.  அங்கு செல்லும் போது அதைக் கேட்க போதுமான காலம் இருக்கிறது. இப்போதுள்ள விஷயம் எப்படி உலகை நாகரிகமயமாக்கப் போகிறோம் என்பது தான். எந்த பாதிரியிடம் இதை நான் கேட்பது? எந்த புனித நூலில் இதை நான் தேடுவது? எந்த தீர்க்கதரிசனவாக்கை நான் நாடுவது? எந்த புனித தலத்தில் நான் வணங்கி என்ன செய்யவேண்டும் என்பதை கண்டுபிடிப்பது? ஒவ்வொரு சர்ச்சும் ஒவ்வொரு விடையைச் சொல்கிறது. மக்கள் முக்தி அடைவதற்காக ஒவ்வொன்றும் ஒவ்வொரு குறிப்பைத் தருகிறது – ஆனால் அவை அனைத்தும் அவர்கள் இந்த உலகத்தில் இருக்கும்போது உபயோகப்படுத்துவதற்காக அல்ல! இந்த உலகத்தில் செய்ய வேண்டிய ஒரே வேலை அடுத்த உலகத்திற்கு தயாராவது தான்!”

 

 

உரையின் ஆங்கில மூலம்:

Ladies and Gentlemen: For thousands of years men have been asking the questions: “How shall we civilize the world? How shall we protect life, liberty, property and reputations? How shall we do away with crime and poverty? How clothe, and feed, and educate, and civilize mankind?” These are the questions that are asked by thoughtful men and thoughtful women. The question with them is not, “What will we do in some other world?” Time enough to ask that when we get there. The business we will attend to now is, how are, we to civilize the world? What priest shall I ask? What sacred volume shall I search? What oracle can I consult? At what shrine must I bow to find out what is to be done? Each church has a different answer; each has a different recipe for the salvation of the people, but not while they are in this world. All that is to be done in this world is to get ready for the next.

தொடரும்

***

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: