THOUGHT POWER- யத் பாவம் தத் பவதி! (Post No.5500)

 

 

WRITTEN BY S NAGARAJAN

Date: 3 October 2018

 

Time uploaded in London – 6-49 AM (British Summer Time)

 

Post No. 5500

 

Pictures shown here are taken from various sources including google, Wikipedia, Facebook friends and newspapers. This is a non- commercial blog.

 

 

யத் பாவம் தத் பவதி!

ச.நாகராஜன்

!

ஹிந்து மதமும் புத்த மதமும் வலியுறுத்தும் அற்புதமான ஒரு உண்மை : யத் பாவம் தத் பவதி

நீ எதை நினைக்கிறாயோ அதுவாகவே நீ ஆகிறாய்!

புத்தரின் நேரடி உபதேசங்கள் தொகுக்கப்பட்ட அதிகாரபூர்வமான புத்த மத நூல் தம்ம பதம்.

அதில் யமகவக்கோ என்ற பகுதியில் வரும் உண்மை இது:

 

All that we are is the result of what we have thought it is founded on our thoughts, it is made up of our thoughts. If a man speaks or acts with an evil thought, pain follows him,  as the wheel follows the foot of the ox that draws the carriage.

 

நாம் எதுவாக இருக்கிறோமோ அது நாம் நினைத்ததன் படியே தான்! அது நமது எண்ணங்களின் அடிப்படையில் அமைகிறது; அது எண்ணங்களால் உருவாக்கப்படுகிறது. ஒரு மனிதன் தீய எண்ணங்களைப் பேசினாலோ அல்லது அதன் படி நடந்தாலோ வண்டி எப்படி அதை இழுக்கும் காளைமாடுகளைத் தொடர்கிறதோ அது போல அவனைத் துன்பம் தொடர்கிறது.

 

2

எண்ணியர எண்ணியாங்கு எய்து எண்ணியார்

திண்ணியர் ஆகப் பெறின்    (குறள் 666)

என்பது வள்ளுவர் வாக்கு.

 

3

 

யோக வாசிஷ்டம் பல ஸ்லோகங்களில் இதை மீண்டும் மீண்டும் வலியுறுத்துகிறது. எடுத்துக்காட்டாக முக்கிய ஸ்லோகம் ஒன்றின் கருத்தை இங்கு பார்க்கலாம்:

 

The thought that one entertains repeatedly issues forth in the branches of impulses and actions. (IV – 21 -20)

 

ஒரு மனிதன் திருப்பித் திருப்பி எண்ணும் எண்ணங்கள் அவனைத் தூண்டி விட்டு அவனைச் செயல்பட வைக்கிறது.

 

மனதையும் எண்ணங்களையும் பற்றி யோக வாசிஷ்டம் நன்கு விளக்குவதோடு அதன் விளைவையும் கூட அற்புதமாகச் சொல்கிறது.

 

4

 

புத்த மத உரைகளில் இடம் பெறும் நகைச்சுவை கதை ஒன்று உண்டு.

 

ஒரு இளம் புத்த பிக்ஷு மடாலய வாழ்க்கை பிடிக்காமல் அதிலிருந்து விடுபட்டு உலகியல் வாழ்க்கையைத் தொடர விரும்பினார்.

அடுத்த மாதத்திலிருந்து நான் உலக வாழ்க்கைக்குத் திரும்பி விடுவேன் என்று அவர் எண்ணலானார்.

அந்தச் சமயம் பார்த்து தலைமை பிக்ஷு அவரை அழைத்தார்.

 

அப்பா! எனக்குத் தலைவலியாயிருக்கிறது. கொஞ்சம் எண்ணெய் தேய்த்து தலையை மசாஜ் பண்ணி விடேன் என்றார்.

 

கையில் எண்ணெயை எடுத்துக் கொண்ட இளம் பிக்ஷு தலைமை பிக்ஷுவின் தலையில் தடவினார். பின்னர் மசாஜ் செய்ய ஆரம்பித்தார். அவரது எண்ணங்கள் சிறகடித்துப் பறக்க ஆரம்பித்தன.

முதலில் இங்கிருந்து வெளியேறி விடுவேன். வெளியேறியவுடன் இந்தக் காவி உடையைத் தூக்கி எறிந்து விடுவேன். பின்னர் நல்ல ஒரு வேலையைப் பார்த்து அதில் அமர்வேன். அதன் மூலம் நிறைய பணம் சம்பாதிப்பேன். பணம் வந்தவுடன் ஒரு அழகிய பெண்ணைப் பார்த்து திருமணம் செய்து கொள்வேன். ஆனால் இந்தப் பெண்களை நம்பவே முடியாது. நாம் சொன்னபடி கேட்க மாட்டார்கள். அப்படிச் சொன்னபடி கேட்காவிட்டால் அடிக்க வேண்டியது தான்! எப்படி அடிப்பேன்? இதோ இப்படி அடிப்பேன்! இவ்வாறு நினைத்த அவர் தலைமை பிக்ஷுவின் தலையில் மடேர் மடேர் என்று அடித்தார்.

வலி தாங்க முடியாத தலைமை பிக்ஷு எழுந்து ஓடினார்.

 

பின்னர் என்ன நடந்தது என்று நாம் சொல்லத் தேவையில்லை!

 

நகைச்சுவை கதையாக இருந்தாலும் இது தான் நமது வாழ்க்கையில் உண்மையில் ஏற்படுகிறது.

 

எண்ணங்கள் சாதாரணமாக சிறிய அளவில் முளை விட்டு ஆரம்பித்து பெரிய மரமாக ஆகும் போது விளைவு பெரிதாகிறது.

ஆகவே தான் எண்ணத்தைக் கவனி என்கின்றன நமது அறநூல்கள்.

 

இதையே புத்த மதமும் ஜைன மதமும் கூறுகிறது!

எண்ணத்தைக் கட்டுப்படுத்த முடியாதவர்களுக்காகவே பல்வேறு சடங்குகளை ஹிந்து மதம் உருவாக்கியுள்ளது. இவை மனதைப் பண்படுத்தி ஒரு லயத்தை உருவாக்கி அதன் மூலம் பண்பட்ட மனிதனாக வாழ வழி வகுக்கிறது.

 

தம்மபதமோ, திருக்குறளோ, யோக வாசிஷ்டமோ எதுவாக இருந்தாலும் அறநூல்கள் வலியுறுத்துவது ஒரே உண்மையைத் தான் : யத் பாவம் தத் பவதி

நீ எதுவாக நினைக்கிறாயோ அதுவாகவே நீ ஆகிறாய்

***

 

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: