காயங்களுக்கு தங்கமே மருந்து! (Post No.6038)

Written by S Nagarajan


Date: 6 February 2019


GMT Time uploaded in London – 6-06 am


Post No. 6038

Pictures shown here are taken from various sources including google, Wikipedia, Facebook friends and newspapers. This is a non- commercial blog. ((posted by swamiindology.blogspot.com AND tamilandvedas.com))

ஹெல்த்கேர் மாத இதழில் டிசம்பர் 2018 இதழில் வெளியாகியுள்ள கட்டுரை!

தங்கமான விஷயம் -தசை காயங்களுக்கு தங்கமே மருந்து!

ச.நாகராஜன்

நவீன ஆய்வுகள் தங்கத்தின் சிறு துகள்கள் – நேனோ துகள்கள் – உடலில் ஏற்படும் வீக்கத்தைக் கட்டுப்படுத்த உதவும் கருவியாக அமைவதோடு தசை மறுபடியும் உருவாக்க உதவுகிறது என்பதைக் கண்டுபிடித்துள்ளன! விஞ்ஞானிகள் தங்கத்தை தசையில் ஏற்படும் காயங்களுக்குப் பயன்படுத்தலாம் என்று தெரிவிக்கின்றனர்.

சாதாரணமாக தசையில் ஏற்படும் காயங்கள் ஆற சற்றுக் காலம் ஆகும். ஏனெனில் காயம் பட்டவுடன் தசையில் ஏற்படும் வீக்கம் வடிய சிறிது காலம் தேவை. அந்த வீக்கம் மீண்டும் பெரிதாகித் தொந்தரவு கொடுக்கவும் கூடும்.

தசையில் காயம் ஏற்பட்டு தசைப் பிடிப்பு என்று சொல்கிறோமே அது ஏற்பட்டவர்களுக்கு ஒரு நல்ல செய்தியை சமீபத்திய ஆய்வுகள் தருகின்றன. தங்கத்தின் சிறு துகள்களை  வீக்கத்தை வடிய வைக்கும் மருந்துகளுடன் சேர்ப்பதற்கான ஒரு வழியை விஞ்ஞானிகள் கண்டுள்ளனர்.

இதை ‘ப்ரொசீடிங்க்ஸ் ஆஃப் தி நேஷனல் அகாடமி ஆஃப் ஸயின்ஸஸ்’ இதழின் சமீபத்திய இதழ் வெளியிட்டுள்ளது.  காயமடைந்து இருக்கும் ஒரு தசைப் பகுதிக்கு  காயம் ஆறி அது மீண்டும் பழையபடி வளர்வதற்காக  ஆண்டி இன்ஃப்ளமேடரி சிடோகின் (Cytokine)  எனப்படும் இண்டர்ல்யூகின் 4 (Interlukin 4  – IL 4) என்ற ஊசி மருந்து இப்போது வழக்கமாகச் செலுத்தப்பட்டு வருகிறது. ஆனால் அதில் ஒரு விரும்பத்தகாத செயல்பாடும் உண்டு. அது வெகு வேகமாக உடைந்துபடும். ஆகவே பல முறை அதை உடலில் செலுத்த வேண்டிய நிலை ஏற்படும். இது தேவையற்ற பக்க விளைவுகளை ஏற்படுத்தும். இந்தப் பிரச்சினைக்குத் ‘தங்கமான ஒரு தீர்வாக’ நிஜ தங்கம் அமைகிறது!

வீக்கம் : பழைய மருந்து, புதிய நம்பிக்கையைத் தருகிறது.

இந்த ஆய்வானது வீக்கம் எப்படி உருவாகிறது, அதை எப்படி நிறுத்துவது என்பன போன்ற பல விஷயங்களில் அதிக தகவல்களைத் தருகிறது. ஹார்வர்ட் பல்கலைக்கழகத்தின் விஸ் நிறுவனத்தில் உயிரியல் எஞ்சினியரிங் பிரிவும் ஜான் ஏ.பால்ஸன் ஸ்கூல் ஆஃப் எஞ்சினியரிங்கும் இணைந்து செயல்பட்டன. அங்குள்ள விஞ்ஞானிகள் ஐ எல் 4 உடன் தங்கத்தின் நேனோ துகள்களை இணக்கும் புதிய உத்தியைக் கண்டுபிடித்துள்ளனர்.

காயமடைந்த பகுதியில் உள்ள தசைத் திசுக்கள் தசையை மறுபடியும் உருவாக்கி ஐ எல் 4ஐ எங்கு அதிகம் தேவைப்படுகிறதோ அங்கு கொண்டு சென்று வைத்திருக்கும். இரத்த ஓட்டத்துடன் இணைந்து அலைந்து தனது சக்தியை இழக்கும் நிலை ஏற்படுவதை இது தடுக்கும்.  இந்த ஆய்வின் போது காயமடைந்த எலி ஒன்றின் மீது ஐ எல்-லுடன் நேனோ தங்கத் துகள் இணைக்கப்பட்ட ஊசி போடப்பட்டது. 15 நாட்களில் அதிகமான தசை ஃபைபர் எலிக்கு ஏற்பட்டது. தங்கத் துகள் சேர்க்கப்படாத ஊசி மருந்து போடப்பட்ட போது இந்த அளவு முன்னேற்றம் ஏற்படவில்லை.

ஆய்வை இணைந்து நடத்திய விஞ்ஞானியான டேவிட் மூனி (David Moony), “இந்த ஆய்வு வீக்கத்தை ஒழுங்குபடுத்தி, இயங்கும் திசுக்களை மறுபடி உருவாக்க சக்தி வாய்ந்த ஒரு முறையாக ஆகிறது” என்கிறார்.

மருந்தில் தங்கம்

மருத்துவ உலகில் தங்கம் மருந்தாகப் பயன்படுத்தப்படுவது புதிய செய்தி அல்ல!

தங்க சிகிச்சை என்பது மருத்துவர்களின் முதல் தேர்ந்தெடுப்பு சிகிச்சையாக என்றுமே அமைந்ததில்லை. ஏனெனில் மருத்துவ முன்னேற்றத்தினால் ஏற்பட்ட இதர மருந்துகளையும் சிகிச்சை முறைகளையும் விஞ்ஞானிகள் முன் வைத்ததால், தங்க உப்புகளைப் பயன்படுத்துவது பல ஆண்டுகளாக ஒதுக்கி வைக்கப்பட்டிருந்தது.  ருமாடாய்ட் ஆர்திரிடிஸுக்கு இளம் குழந்தைகளுக்கும் வயது வந்தோருக்கும் நல்ல மருந்துகள் சில நோய்களின் மோசமான நிலைக்காகவே சமீபத்தில் கண்டுபிடிக்கப்பட்டுள்ளன.

சில வீக்கங்களைக் கட்டுப்படுத்த தங்கத்தையும் தங்க உப்புகளையும் நிபுணர்கள் பயன்படுத்தி வந்த போது  ருமாடாய்ட் ஆர்திரிடிஸுக்கு நோயாளிகளை தொடர்ந்து கண்காணிக்க வேண்டிய நிலை இருந்ததால், சில பக்கவிளைவுகளைக் கருத்தில் கொண்டு அவற்றைப் பயன்படுத்தவில்ல. 35 சதவிகித மருத்துவர் அந்த சிகிச்சையை ஒதுக்கி இருந்தனர்.

அதுமட்டுமின்றி இந்த சிகிச்சை முறையில் முன்னேற்றம் காண பல மாதங்கள் காத்திருக்க வேண்டியிருந்தது. அதன் பக்கவிளைவுகளையும் சமாளிக்க வேண்டியிருந்தது. இருந்தபோதிலும் இப்போது கண்டுபிடிக்கப்பட்டுள்ள இந்த தங்க சிகிச்சை பழைய தங்க உப்புகளைப் பயன்படுத்துவது போன்ற ஒன்று அல்ல. மையொக்ரைசின் (Myochrysine) போன்ற் மருந்துகள் பல பக்க விளைவுகளை ஏற்படுத்தியவையாகும்.  சில ஆய்வுகள் இந்த நேனோ துகள்கள் தங்க உப்புகளைப் போல விஷத்தன்மை கொண்டவை அல்ல என்பதைச் சுட்டிக் காட்டுகின்றன. அதுவும் ஊசி மூலம் குறைந்த டோஸில் இவை கொடுக்கப்பட்டால் இவை எவ்வித பக்க விளைவுகளையும் ஏற்படுத்தவில்லை.

எதிர்கால முன்னேற்றங்கள்

கோல்ட் தெராபி வயது வந்தோருக்கு தசையில் ஏற்படும் காயங்களுக்கான சிகிச்சை முறையாக ஆகி விடும் நிலையில், நீண்ட கால நோயால் அவஸ்தைப்படுவோருக்கு இது எப்படிப் பயன்படுத்தப்படலாம் என்பது குறித்த ஆய்வுகள் தொடர்கின்றன.

ஆய்வுகளில் எலிகளின் தசைகளில் ஏற்படும் Muscular dystrophy –மஸ்குலர் டிஸ்ட்ராபிக்கு இதை எப்படிப் பயன்படுத்துவது என்பது குறித்த ஆராய்ச்சி இப்போது மும்முரமாக நடைபெற்று வருகிறது. இது முன்னேற்றம் அடைந்து விட்டால் இதே நிலையில் உள்ள மனிதர்களுக்கு இந்த சிகிச்சை முறையைப் பயன்படுத்துவதைப் பற்றி ஆலோசிக்க முடியும்.

விஸ் நிறுவனத்தின் நிறுவன டைரக்டரான டாக்டர் டொனால்ட் இங்பெர், “நாங்கள் எப்போதுமே இன்னும் எப்படிச் சிறந்த முறையைக் கையாளலாம் என்பதையே எண்ணுகிறோம். இது போதும் என்ற நிலையை எப்போதுமே நாங்கள் ஒப்புக் கொள்வதில்லை. ஐ எல் 4 மருந்தை வீக்கமடைந்த திசுக்களுக்கு நல்ல முறையில் பயன்படுத்துவது மட்டுமல்ல, நீண்டகாலம் வீக்க வியாதியால் அவஸ்தைப்படுவோருக்கும் கூட இதைப் பயன்படுத்துவது எப்படி என்பதைக் கண்டுபிடிப்போம்” என்கிறார்.

இந்தியாவில் கழுத்து வீங்கி வீக்கத்தால் அவஸ்தைப்படுவோருக்குத் தங்க செயினைப் போட்டு விடுவது வழக்கம். கழுத்து வீக்கமடையும் வியாதிக்குத் தமிழகத்தில் ‘பொன்னுக்கு வீங்கி’ என்றே பெயர். தங்க சங்கிலியை மாட்டியவுடன் வீக்கம் குறைவதை அனுபவத்தால் நம் மக்கள் அறிந்திருந்தனர்.

கழுத்தில் தங்க சங்கிலிகளைப் பெண்கள் தவறாமல் மாட்டி இருப்பதால் அவர்களுக்குக் கழுத்து சம்பந்தமான வியாதிகள் எதுவும் தோன்றாது என்பதையும் நம் மக்கள் அறிந்திருந்தனர் என்பது வியப்பை ஊட்டும் ஒரு செய்தி.

இந்தியப் பண்பாட்டில் எந்த ஒரு அம்சத்திலும் ஒரு அர்த்தம் இருக்கிறது என்பதையே இது சுட்டிக் காட்டுகிறது, இல்லையா!

***

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: