கம்போடியக் கல்வெட்டுகளில் அழகிய கவிதைகள்- பகுதி 1 (Post No.7000)

WRITTEN BY London swaminathan

swami_48@yahoo.com


 Date: 22 SEPTEMBER 2019

British Summer Time uploaded in London – 10-17 am

Post No. 7000


Pictures are taken from various sources; beware of copyright rules; don’t use them without permission; this is a non- commercial, educational blog; posted in swamiindology.blogspot.com and tamilandvedas.com simultaneously. Average hits per day for both the blogs 11,000.

உலகில் ஸம்ஸ்க்ருத மொழி பரவிய அளவுக்கு வேறு எந்த மொழியும் பரவியதில்லை என்பதற்கு கல்வெட்டுகளே சான்று பகர்கின்றன. அலெக்ஸாண்டர் படையெடுப்பால் பரவிய கிரேக்க மொழியையும் விட சம்ஸ்க்ருத மொழியின் தாக்கம் அதிகம். ஏனெனில் துருக்கியில் உள்ள பொகைஸ்கான் களிமண் படிவக் கல்வெட்டுகள் முதல் வியட்நாம் கம்போடியா, இந்தோநேஷியா வரை சம்ஸ்க்ருதக் கல்வெட்டுகளும் இலக்கியங்களும் உள்ளன. துருக்கி கல்வெட்டு முழுதும் சம்ஸ்க்ருதம் இல்லாவிடினும் 3400 ஆண்டுகளுக்கு முன்னர் வேத கால தெய்வங்களின் பெயரில் கைச்சாத்திட்ட களிமண் கல்வெட்டு உளது. கிக்குலி எழுதிய குதிரை சாஸ்திரம் ஸம்ஸ்க்ருத எண்களுடன் உள்ளது. ஆகையால் காலத்தால் முந்தியவை. அளவிலும் ஸம்ஸ்க்ருத்தைத் தோற்கடிக்க எந்தக் கல்வெட்டும் இல்லை. சம்பா எனப்படும் வியட்நாம், காம்போஜம் எனப்படும் கம்போடியா, சாவகம் எனப்படும் இந்தோநேஷியாவில் சுமார் 1000 ஸம்ஸ்க்ருதக் கல்வெட்டுகள் உள்ளன. உப்பு, புளி, எண்ணைக் கணக்கு எழுதிய சுமேரிய கல்வெட்டுகள் எண்ணிக்கையில் அதிகம் எனினும் அவை ஒரே இடத்தில் குவிந்துள்ளன. மேலும் இலக்கிய நயமற்றவை.

கல்வெட்டுகளில் உள்ள 800 ஸம்ஸ்க்ருத புலவர்களின் பெயர்கள் அடங்கிய புஸ்தகம் பற்றி சென்ற மாதம் எழுதினேன். இப்போது கம்போடியக் கல்வெட்டுகளில் இருந்து வடித்தெடுத்த அழகிய கவிதைகளைக் காண்போம். இவை சென்னை பல்கலைக்கழக ஸம்ஸ்க்ருதத் துறை ரீடர் சி.எஸ். சுந்தரம் எழுதிய ஆங்கிலக் கட்டுரையின் தமிழ் வடிவம்.

இவை வழக்கமாகக் கல்வெட்டுகள் தரும் தகவலுடன் வேறு பல புராண இதிஹாசக் கதைகளையும் உவமைகளையும் தருகின்றன. மேலும் சில ஆயிரம் மைல்களுக்கு அப்பால் உள்ள கம்போடியாவில் ஸம்ஸ்க்ருதம் புழங்கியதையும் புலமை பரவியதையும் காட்டும். காம்போஜ கல்வெட்டுகள் என்ற பெயரில் ஆர்.சி.மஜூம்தார் எழுதிய நூலிலிருந்து  சுந்தரம் எடுத்தாண்டுள்ளார். ஆகையால் பக்க எண்கள் அந்தப் புஸ்தத்தைக் குறிக்கும். செம்மையான ஸம்ஸ்க்ருதத்தில் அமைந்த அற்புதக் கவிதைகள் அவை-

1.கம்போடிய மன்னர்களின் மேதாவிலாசம்

மன்னரின் மனதில் ஒரு பெட்டிக்குள் பொக்கிஷம் போல அறிவு பாதுகாக்கப்பட்டதாம். அதைக் காப்பாற்றும் பொருட்டு ஸரஸ்வதி தேவி வாயிலில் ( அம்மன்னரின் வாயில்) காத்து நிற்கிறாளாம். அதாவது மன்னர் கற்ற விஷயம் எல்லாம் தொலைந்து போகாமல் இருக்க சரஸ்வதி தேவி அருள் பாலிக்கிறாள்.

இதோ கவிதை:-

நயஸ்தம் ஞானதனம் யஸ்ய மனஹ கோசே ஸரஸ்வதீ

நித்யம் ரக்ஷிதுகாமேவ முகத்வாரே ஸ்திதா பவத் (P.63, v,23)

மன்னருக்குப் புகழ்மாலை

ஆதிபகவான் போல சாஸ்திரங்களிலும், சில்ப சாஸ்திரத்திலும், மொழி, லிபி, நாட்டியம், சங்கீதம், விஞ்ஞானம் ஆகியவற்றிலும் மன்னர் வல்லவராம்.

யஸ் ஸர்வசாஸ்த்ரேஷு சில்ப பாஷா லிபிஸ்வபி

ந்ருத்த கீதாதி விஞ்ஞானேஷ்வாதிகர்தேவ பண்டிதஹ (P.83, v.51)

XXX

மற்றொரு கவிதை சைவ சமயத்தில் மன்னருக்குள்ள ஈடுபாட்டைக் காட்டுகிறது. இதை வருணிக்கும் அழகே தனி.

தேன் போல சைவ சாஸ்திரத்தைப் பருகுவார். அதை புத்தி என்னும் மத்தைக் கொண்டு கடைவார். அதுமட்டுமல்லாமல் அதை எல்லோருக்கும் பகிந்தளிப்பார்

சிவசாஸ்த்ராம்ருதம் பீத்வா புத்திமந்தரேண விமத்ய யஹ

ஸ்வயம் ஞானாம்ருதம் பீத்வா தமயா அன்யானபாயயத் (P.153, v.20)

–SUBHAM — லோகா சமஸ்தா சுகினோ பவந்து

Leave a comment

1 Comment

  1. நம் பாரத நாட்டில் மன்னர்கள் கல்வி கேள்விகளில் சிறந்தவர்களாகவும், கலா ரசிகர்களாகவும் கவிகளாகவும் இருந்திருக்கிறார்கள். புராண காலத்தில் தவிர, சரித்திர காலத்திலும் இத்தகைய மன்னர்களைக் காண்கிறோம். ஹர்ஷவர்தனர், மஹேந்திர வர்ம பல்லவன், க்ருஷ்ணதேவ ராயர் ஆகியோர் கவிகளாக இருந்திருக்கின்றனர். சேரமான் பெருமாள் நாயனார் திருக்கைலாய உலா பாடினார். 19ம் நூற்றாண்டில் வாழ்ந்த திருவாங்கூர் மஹாராஜா ஸ்வாதித் திருநாள் சிறந்த வாக்கேயக்காரராக இருந்தார்-பல மொழிகளில் பலவித பாடல்கள் எழுதியிருக்கிறார். சென்ற நூற்றாண்டில் மைசூர் மஹாராஜா ஜெயசாமராஜ உடையாரும் சங்கீத , தத்துவ அறிஞராக இருந்ததுடன் கீர்த்தனைகளும் எழுதியிருக்கிறார்.
    மதுரையை ஆண்ட பாண்டியர்களை விரட்டிவிட்டு துலுக்க சுல்தான்கள் 1335 லிருந்து 1377 வரை மதுரையையும் அதற்கு அடங்கிய பகுதிகளையும் ஆண்டார்கள். விஜய நகர மன்னர் குமார கம்பன்னன் துலுக்கர்களை அடக்கி 1377-78ல் மதுரையை மீட்டார். ஹிந்துக்கள் மீண்டும் சுதந்திரமாக வாழலாயினர். இந்த விவரங்களை கம்பன்னரின் மனைவியார் கங்காதேவி ஸம்ஸ்க்ருத காவியமாக “மதுரா விஜயம்” என்ற பெயரில் எழுதியிருக்கிறார். இதிலிருந்து ஹிந்து அரச பரம்பரையில் அரசர்களே தவிர பெண்களும் கவிஞர்களாகவும் கல்வியில் சிறந்தவர்களாகவும் இருந்திருப்பது தெரியவரும்.

    அதேபோல், தமிழகத்திலிருந்த சில ஜமீன் பரம்பரைகளும் கல்வியில் சிறந்தவர்களாக இருந்தனர். அதனாலேயே புலவர்களை ஆதரித்தனர். பாரதியாரின் எட்டையபுர சம்பந்தம் பிரசித்தம். இந்தவிஷயங்களை சரிவரத் தொகுத்து ஆதாரபூர்வமாக வெளியிடவேண்டிய அவசியம் இருக்கிறது.
    ஆங்கிலேயர் காலத்தில் பல சுதேசி மன்னர்களையும் அடிமைகளாக்கி, அரண்மனைக்குள்ளேயே அடக்கிவைத்திருந்தனர். அதனால் அவர்கள் ராஜபரம்பரைக்குள்ள நியதிகளை கைவிட நேர்ந்தது. இன்று ஹிந்து மன்னர்களை சுகபோகிகளாகச் சித்தரிப்பது வழக்கமாகிவிட்டது. இந்த நிலை மாற உண்மைகளை வெளியிடவேண்டியது அவசியம். உங்கள் கட்டுரைகள் புத்தக வடிவில் வரும் என எதிர்பார்க்கிறேன்.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: