ஐஸக் நியூட்டன் பற்றிய புதிய செய்திகள்! (Post No.7572)

Subash kak

WRITTEN BY S  NAGARAJAN

Post No.7572

Date uploaded in London – 14 February 2020

Contact – swami_48@yahoo.com

Pictures are taken from various sources for spreading knowledge; this is a non- commercial blog.

பாக்யா 1-2-2020 இதழில் அறிவியல் துளிகள் தொடரில் வெளியாகியுள்ள (ஒன்பதாம் ஆண்டு இருபத்தி ஐந்தாம் கட்டுரை -அத்தியாயம் 441

ஆங்கிலத்தில் திரு சுபாஷ் கக் அவர்கள் எழுதிய கட்டுரையின் தமிழாக்கச் சுருக்கம் இது. இதற்கு உடனே சில நிமிடங்களில் தமிழாக்கம் செய்து பிரசுரிக்க அனுமதி அளித்த அவருக்கு எனது நன்றி!

ஐஸக் நியூட்டன் பற்றிய புதிய செய்திகள்!

ச.நாகராஜன்

அறிவியல் உலகிலும் ஹிந்து தத்துவம் பற்றிய ஆன்மீக உலகிலும் பேரறிஞராக இன்றைய நாளில் திகழ்பவர் அறிவியல் விஞ்ஞானி திரு சுபாஷ் கக். (பிறப்பு 26-3-1947; இப்போது வயது 73) அமெரிக்காவில் ஓக்லஹாமா பல்கலைக் கழகப் பேராசிரியரான இவர் ஏராளமான புத்தகங்களை எழுதியுள்ளார்; பட்டங்களைப் பெற்றுள்ளார். ஹிந்து வேதம் உள்ளிட்ட நூல்களில் உள்ளவற்றை நவீன அறிவியலுடன் ஒப்பிட்டு முக்கிய கொள்கைகள் பல எப்படி பழைய வேத காலத்திலேயே சொல்லப்பட்டுள்ளன என்பதை விளக்கி உலகையே பிரமிக்க வைக்கும் இந்த அறிஞர் சர் ஐஸக் நியூட்டனைப் பற்றிய பல உண்மைகளைத் தொகுத்து சமீபத்தில் எழுதியுள்ளார்.

அதை பாக்யா வாசகர்களுக்குத் தர வேண்டும் என்று அவரை மின்னஞ்சல் மூலமாக நாடிய போது சில நிமிடங்களிலேயே அனுமதியை வழங்கினார். அவருக்கு நமது நன்றியைத் தெரிவித்து இந்தச் செய்திகளை வழங்குகிறோம் இங்கு.

சர் ஐஸக் நியூட்டன்  (Sir Isaac Newton –  தோற்றம் 25-12-1642  மறைவு : 20-3-1726) இங்கிலாந்தைச் சேர்ந்த பிரபல விஞ்ஞானி. கணித மேதை.

நியூட்டன் கேம்பிரிட்ஜ் பல்கலைக்கழகத்தில் பணியாற்றி வந்தார். பார்லிமெண்ட் மெம்பராக இரு முறை இருந்தார். பிரிட்டனின் கரன்ஸி மற்றும் நாணயம் தயாரிக்கும் மிண்ட் எனப்படும் நாணயசாலையின் தலைமை மாஸ்டராகவும் இருந்தார். புதிய நோட்டுகளை அச்சடிக்கும் பொறுப்பு அவரிடம் இருந்ததால் கள்ள நோட்டைத் தடுக்கும் பொறுப்பும் அவருக்கு இருந்தது. 24 கள்ளநோட்டுப் பேர்வழிகளைப் பிடித்து தூக்கிலிட அவர் வழி வகுத்தார். பிலாஸபி நேச்சுராலிஸ் பிரின்ஸிபா மேதமேடிகா என்ற அவரது நூல் 1687இல் பிரசுரிக்கப்பட்டு உலகப் புகழைப் பெற்றது.

புவி ஈர்ப்பு விசை பற்றி உலகிற்கு அறிவித்தவரும் அவரே தான். முதல் டெலஸ்கோப்பை உருவாக்கியதோடு வானில் நிகழும் கிரக சஞ்சாரங்களைக் கவனித்து ஆராய ஆரம்பித்தவரும அவரே.

எதையும் கொள்கை அளவில் சொல்வதோடு நிற்காமல் அவற்றைச் செயல்முறையில் நிரூபித்துக் காட்டியவர் நியூட்டன்.

சிலர் கடவுளின் இருப்பிடத்தை அவர் கண்டவர் என்று சொல்கின்றனர். உண்மையில் கடவுளின் தூதர் ஒருவர் குறுக்கிட்டு அனைத்தையும் தருவதாக அவர் நம்பினார்.

அவர் கூறினார் : “ஈர்ப்பு விசையின் மூலமாக கிரக சஞ்சாரங்களைத் துல்லியமாகச் சொல்ல முடிகிறது. ஆனால் அந்த கிரகங்களை சஞ்சாரம் செய்ய வைத்தது யார் என்று சொல்ல முடியவில்லை. கடவுளே அனைத்தையும் நிரிவகிக்கிறார். அனைத்தும் அறிந்தவர் அவரே”

     அவர் இரஸவாதத்திலும் குப்த வித்தைகள் எனப்படும் அதிமானுட வித்தைகளிலும் மிகுந்த ஆர்வம் கொண்டவர். தனது கணிதத்தை விட இந்த இரகசிய வித்தைகள் மிக முக்கியமானவை என்று அவர் நம்பினார்.

நியூட்டனில் இரஸவாத ஆய்வையும் குறிப்புகளையும் ஆராய்ந்த பிரபல பொருளாதார நிபுணரான ஜான் மேநார்ட் கைனஸ் (John Maynard Keynes) 1942ஆம் ஆண்டு நியூட்டனின் முன்னூறாவது ஆண்டு நினைவு நாளில், “அவர் அறிவியல் உலக ஆரம்பத்தின் முதல் நபர் அல்ல; ஆனால் மாஜிக் நிபுணர்களின் வரிசையில் கடைசியாக வாழ்ந்தவர்” என்று குறிப்பிடுகிறார்.

இரஸவாதக் கல் எனப்படும் செம்பு, இரும்பு போன்ற உலோகங்கள எதைத் தொட்டாலும் அதைத் தங்கமாக்கி விடும் கல்லைத் தயாரிக்க தன்னால் முடியும் என்று அவர் திடமாக நம்பினார். அது மட்டுமல்ல மனிதர்கள் சாவே இல்லாமல் நிரந்தரமாக வாழத் தன்னால் உதவ முடியுமென்றும் நம்பினார். இரஸவாதக் கல் பூமியின் நடுவில் இருப்பதாக அவர் நினைத்தார். இதுவே ஆவிகள் போன்றவற்றைப் படைத்து விலைமதிப்புள்ள உலோகங்களை உருவாக்க வழி வகுத்தது என்று அவர் கூறினார்.

இந்த ஆவிகளே எதைத் தொட்டாலும் அதை மாற்றித் தன்னைப் போலத் திகழும் உருவங்களாக மாற்றி விடுகிறது என்று அவர் கூறினார்.

தேவதைகள் நம்முடன் பேச முடியும் என்பதும் அவரது நம்பிக்கையாக இருந்தது. இதனால், கடவுளால் அவர் விசேஷமாகத் தேர்ந்தெடுக்கப்பட்டு பைபிளில் கூறியுள்ளதைச் சரியாகப் புரிந்து கொள்பவராக ஆக்கப்பட்டதாக அவர் நம்பினார். பைபிளில் உள்ள ரகசிய சங்கேதங்களைத் தன்னால் புரிந்து கொள்ள முடியும் என நம்பியதோடு, “டே ஆஃப் ஜட்ஜ்மெண்ட் எனப்படும் இறுதித் தீர்ப்பு நாளில் உயிர்த்தெழும் புனிதர்கள் ஒருவருக்கொருவர் தமக்குள் பேசிக் கொள்வர்; மனிதர்களோவெனில் அவரவர் செயல்களுக்குத் தக தண்டனையையும் பரிசையும் அடைவர் -புனித புத்தகத்தில் எழுதப்பட்டிருப்பதற்குத் தக்கபடி நடக்காதவர் அழியா நரகத் தீயில் தள்ளப்படுவர்” என்று அவர் எழுதினார்.

பழைய உலகமும் வானும் அழிந்து பட்டு புதிய வானும் உலகமும் மீண்டும் உருவாக்கப்படும் என்று அவர் எழுதியதோடு, அப்போது புதிய ஜெருசலம் உருவாகும் என்றும் அவர் நம்பினார். அப்போது அழியாத ரத்தினங்களால் உருவாகும் பல நகரங்கள் மின்னி ஜொலிக்கும். என்று அவர் கூறினார்.

பைபிளில் குறிப்பிடப்படும் கால கட்டங்களை மிகத் தீவிரமாக நம்பிய பலர் அது பற்றி எழுதியுள்ளனர். குறிப்பாக பிஷப் ஜேம்ஸ் உஷர் ( Bishop James Ussher 1581- 1656) என்பவர் பைபிளை நன்கு ஆய்வு செய்து பிரபஞ்சம் உருவாகிய தேதியையும் நேரத்தையும் கிறிஸ்துவுக்கு முன்னர் 4004ஆம் ஆண்டில் அக்டோபர் 22ஆம் தேதி மாலை 6 மணி தான் என்று திடமாக நிர்ணயித்தார்.

நியூட்டன் இந்த பைபிள் ஆய்வுகளை மிகத் தீவிரமாக கவனத்தில் எடுத்துக் கொண்டார். அவரது ‘தி க்ரானாலஜி ஆஃப் ஏன்சியண்ட் கிங்டம்ஸ் அமெண்டட்’ என்ற புத்தகம அவர் மறைவிற்குப் பின்னர் 1728இல் வெளியிடப்பட்டது. 1704இல் அவர் எழுதிய இந்தப் புத்தகத்தில் 2060ஆம் ஆண்டு இந்த உலகம் முடிவுக்கு வந்து விடும் என்று கணித்து எழுதினார்.

  இந்த முடிவிற்கு தான் வந்தததற்கான காரணங்களையும் விவரித்தார் அவர்

பின்னர் நன்றாக ஆராய்ந்த பின்னர் 2060இல் உலகம் முடிவுறும் என்ற தனது முடிவை மாற்றி 2016ஆம் ஆண்டிலேயே உலகம் அழிந்து விடும் என்று அறிவித்தார்.

பூகம்பங்கள் கடவுளின் ஒப்புதல் இல்லாமையின் அறிகுறிகள் என்றார் அவர். நாத்திகர்களின் வழிபாட்டுச் சிலைகளை ஒளித்து வைத்துக் கொள்ளவே கடவுள் மலையில் குகைகளை அமைத்துள்ளார் என்பது அவர் நம்பிக்கை.

நியூமராலஜி எனப்படும் எண் கணித சாஸ்திரத்தில் நியூட்டனுக்கு அபார நம்பிக்கை உண்டு. விலங்கின் எண் 666: கடவுளின் சேவகர்களின் எண்ணிக்கை 144000 என்று அவர் உறுதிபடத் தெரிவித்தார்.

கீழ் வர்க்கத்தினருக்கும் பிரபுக்களுக்கும் இடையே இயந்திரத்திற்கும் மனிதனுக்கும் இருப்பது போன்ற உறவு இருக்கும் என்ற நியூட்டனின் தத்துவமே கார்ல் மார்க்ஸ் தனது தத்துவத்தை அமைக்கப் பெரிதும் காரணமாக அமைந்தது.

உலகிற்குப் பொதுவான ஒரு அரசாங்கம் அமைய வேண்டும் என்று இந்தக் காலத்தில் வறுபுறுத்தப்படும் கருத்தும் நியூடன் வலியுறுத்திய கருத்து தான்.

 செயற்கை அறிவானது உணர்வுள்ள மெஷின்களை உருவாக்கும் என்று இன்று விஞ்ஞானிகள் கூறுகின்றனர். முதலில் இதைக் கூறியது நியூடன் தான்.

நியூட்டனின் வாழ்க்கை சுவாரசியமானது மட்டுமல்ல; பல சுவையான தகவல்ளைத் தருபவையும் கூட!

அறிவியல் அறிஞர் வாழ்வில் .. ..

ஹென்றி கேவண்டிஷ் (Henry Cavendish 1731-1810) இங்கிலாந்தைச் சேர்ந்த இயற்பியல் மற்றும் இரசாயன இயல் விஞ்ஞானி. அவருக்கு பரம்பரைச் சொத்தாக ஏராளமான பணம் இருந்தது. ஆனால் அதை அவர் மதிப்பதே இல்லை. அவரது வங்கி அதிகாரி அவரிடம் வந்து அவரது 

ஏராளமான பணம் அவரது கணக்கில் வெறுமனே முடங்கி இருக்கிறது என்றார். இதைக் கேட்ட கேவண்டிஷ் அந்தப் பணம் சும்மா இருப்பது அவரைப் பாதிக்கிறது என்றால் அந்தப் பணம் முழுவதையும் வங்கியிலிருந்து எடுத்து விடுவதாகச் சொன்னார். திடுக்கிட்டுப் போன வங்கி அதிகாரி, “அப்படியில்லை, அதை சற்று பாதுகாப்பான பத்திரங்களில் முதலீடு செய்யலாமே என்று சொன்னேன்” என்றார்.

எரிச்சலடைந்த கேவண்டிஷ், “என்ன வேண்டுமானாலும் செய்து கொள்ளுங்கள், ஆனால் இன்னொரு முறை இந்த மாதிரி சில்லறை விஷயங்களுக்கு என்னைத் தொந்தரவு செய்ய மட்டும் வராதீர்கள். வந்தீர்கள் என்றால் எல்லாப் பணத்தையும் வங்கியிலிருந்து எடுத்து விடுவேன்” என்றார்.

வங்கி அதிகாரியோ தப்பித்தோம் பிழைத்தோம் என்று அவரிடம் ஒப்புதல் பெற்ற மகிழ்ச்சியுடன் அங்கிருந்து வேகமாக அகன்றார்.

கேவண்டிஷுக்குப் பெண்கள் என்றாலே பயம். தனது வீட்டில் வேலை செய்த வேலைக்காரிகள் தனது முகத்தில் ஒரு போதும் விழிக்கக் கூடாது என்று அவர் உத்தரவு போட்டிருந்தார். மீறி யாரேனும் அவரைப் பார்த்தால் அந்த வேலைக்காரியின் சீட்டு கிழிக்கப்படும். தனக்கு வேண்டியதை எல்லாம்  ஹாலில் இருந்த மேஜையில் ஒரு நோட்புத்தகத்தில் எழுதி வைத்து விடுவார் அவர். அதன்படி வேலைக்காரிகள் வேண்டியதைச் செய்ய வேண்டும்.

விஞ்ஞானிகளில் விசித்திரமானவர் கேவண்டிஷ்!

***

Leave a comment

2 Comments

  1. There is another aspect of Newton which needs to be exposed. Newton’s main achievement was the use of Calculus. In this, he is indebted to India, it is not his original invention. This has been explained by Dr.C.K.Raju, Indian mathematician and physicist. In his words:
    “Newton’s key achievement was his use of a new mathematical technique- the calculus- to extend the idea of the inverse square-law force to elliptic orbits.This mathemaatical technique is the substance of Newton mechanics….Indian planetary models had used epicycles with variable radii, corresponding to elliptic planetary orbits.Calculations related to these used the calculus.This process was initiated by Aryabhata in the 5th c.,.
    “How was the calculus transmitted from India? Sankara Variyar, who expounded Neelkantha’s work, shared a patron, The RAja of Cochin, with the Portuguese who started the first Indian Roman Catholic Mission in Cochin, in 1500. The Portuguese soon set up a school to indoctrinate the local Syrian Christians….By about 1550 this school, now a college,was taken over by the Jesuits. They made it into another Toledo, , acquiring and translating a variety of Indian texts, and transmitting them back to Rome. ” This is how Indian calculus reached Christian Europe, and Newton who was devout Christian.
    “However the calculus was not readily comprehended by Europeans because their understanding of mathematics as “perfect” differed culturally from the Indian understanding.”
    Kepler, Descartes, Galileo, Cavalieri they all failed to understand it., but failed. “Many others produced the Indian infinite series ( always without acknowledging the pagan sources, as was the norm in Europe.) ….
    “As was done with geometry, post-Crusade, Newton theologically sanitised the calculus “. and made it acceptable to Europeans.

    I have given here only minimum excerpts just to show that Newton’s calculus was Indian in origin, but not acknowledged by the Europeans. Full details of this process can be read in Dr.Raju’s pamphlet “IS SCIENCE WESTERN IN ORIGIN” published by Multiversity. Dr.Raju’s talks on this subject are also available on YouTube.

  2. Santhanam Nagarajan

     /  February 15, 2020

    super! I am forwarding your comments to Sri Subhash kak. Thanks for your super information

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: