ஹிந்தி படப் பாடல்கள் – 2 கவிஞர் சைலேந்திரா வாழ்வில் ! (Post No.7807)

WRITTEN BY R.NANJAPPA                         

Post No.7807

Date uploaded in London – – 10 April 2020

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

ஹிந்தி படப் பாடல்கள் – 2

கவிஞர் சைலேந்திரா வாழ்வில் … குடியைக் கெடுக்கும் குடி!

R.Nanjappa

தத்துவம்- உண்மையும் போலியும்

பண்பாடு, தத்துவம் என்றெல்லாம் பேசும்போது கவனமாக இருக்கவேண்டும். பல கருத்துக்கள் மனதைக் கவர்வதாக இருக்கும், ஆனால் அவற்றில் அடிப்படை உண்மை எதுவும் இருக்காது.

மக்களே போல்வர் கயவர் அவரன்ன

ஒப்பாரி யாம் கண்டதில்

என்பார் வள்ளுவர். அதேபோல்தான் தத்துவத்திலும். அசலும் உண்டு, போலியும் உண்டு.

முதலில் இந்த ‘தத்துவம்’ என்பது என்ன என்று  தெரிந்துகொள்ளவேண்டும்.

 தத்துவம் என்ன சொல்லுவாய்-தண்டபாணி

உந்தன் தத்துவம்  என்ன சொல்லுவாய்

நித்தமும் நீராடி வெண்ணீர் அணிந்தவா உந்தன்

தத்துவம் என்ன சொல்லுவாய்

என்று சங்கரதாஸ் ஸ்வாமிகளின் பாடலை கே.பீ. சுந்தராம்பாள் அந்த நாட்களில் பாடுவார்,

 இந்தச் சொல்லை ‘ஃபிலாஸஃபி’ என்பதன் தமிழாக்கமாகக் கொள்கிறோம். ஆனால் ஃபிலாஸபி என்றால் என்ன என்பதே சரியாக விளங்காத நிலையில், அதன் தமிழாக்கம் எப்படிச் சரியாக இருக்கமுடியும்?

Philosophy may be taken to mean inquiry into the ultimate nature of things, or into the nature of Ultimate Reality. 

ஆனால் இன்று இந்தப்பொருளில் இந்தச்சொல்லை மேலை நாட்டினர் பயன்படுத்துவதில்லை.  இன்று இது எந்தத்துறையிலும் அதன் இயல்பைப் பற்றிய ஹேஷ்யமாகவே கருதப்படுகிறது.

Philosophy in the West is today is just speculation about the nature of things, and about the nature of language itself.

இந்திய மரபின் அணுகுமுறை வேறு. நமக்கு ஹேஷ்யங்களில் ஈடுபாடு இல்லை. “தத்” என்றால் ‘உள்ளது” என்று பொருள். That Which Is- Reality, Satyam.  வேத காலம் தொட்டு இதில்தான் நம் நாட்டம். “உள்ளதாம் பொருள் தேடி உணர்ந்தே ஓதும் வேதம்” என்பார் மஹாகவி பாரதியார். 

“உள்ளதலதுள்ளவுணர்வுள்ளதோ” என்பார் பகவான் ஸ்ரீ ரமணர். இந்த ஒரு பொருளைத்தான் ஞானிகள் பல பெயரிட்டு அழைக்கிறார்கள். “ஏகம் ஸத்-விப்ரா பஹுதா வதந்தி”.

தரிசனம்

இதை எப்படித் தெரிந்துகொள்வது?  இது தான் ஞானிகள் நமக்குச் செய்யும் பெரிய உபகாரம். அவர்கள் தங்கள் ஞான சாதனை-தபஸின் வாயிலாக இதை அனுபவத்தில் உணர்ந்து நமக்கும் உணர்த்துகின்றனர்.

இவர்களை நாம் ரிஷிகள் என்கிறோம். இவர்களே நம் மூதாதையர்கள். இவர்கள் கண்ட ஞானக்காட்சியே நமக்கு உண்மையை அறிவிக்கிறது. ‘நாங்கள் இப்படிச் சாதனைசெய்து இதைக்கண்டோம், நீயும் சாதனை செய்து  இதை உணர்ந்துகொள்’ என்பதுவே ரிஷிகள் அருளிய உபனிஷதங்களின் உபதேசம். 

புறநானூற்றில் கணியன் பூங்குன்றனார் இதைத் தெளிவாகச் சொல்கிறார்:

 மின்னொடு
வானம் தண்துளி தலைஇ, ஆனாது
கல்பொருது இரங்கும் மல்லற் பேர்யாற்று
நீர்வழிப் படூஉம் புணைபோல், ஆருயிர்
முறைவழிப் படூஉம்’ என்பது
 திறவோர்
காட்சியின் தெளிந்தனம்”

திறவோர் காட்சி= மெய்ஞ்ஞானிகளின் காட்சி. மெய்யனுபவம். Insight.  இதை நாம் “தரிசனம்” என்று சொல்வோம். நமக்கு இதுதான் ஃபிலாசஃபியே தவிர எந்த வித ஹேஷ்யமும் அல்ல.

ஃபிலாஸஃபி என்ற பெயரில் கண்ட கருத்துக்களும் உலாவருகின்றன.  நான் எந்த ஃபிலாஸஃபியையும் நம்புவதில்லை என்பார் ஒருவர். இதுவும் ஒரு ஃபிலாஸபிதான் என்பதை உணரமாட்டார்! கவர்ச்சியான வசனங்கள் உண்மைத் தத்துவமாகாது.

உண்மையான தத்துவம் வாழ்க்கைக்கு வழிகாட்டியாக இருக்கவேண்டும்.

Light giving and fruit bearing!

பாடல்களில் போலித் தத்துவம்

 சில பாடல்கள் மிக அருமையான மெட்டுக்களில் அமைந்து அருமையாகப் பாடப்பெற்றுக் கருத்தைக் கவர்கின்றன. சொற்கோர்வையும் அபாரம். அவை உண்மைபோலவே தெரியும்.உதாரணத்திற்கு 1956ல் வந்த “ஜாக்தே ரஹோ”  Jagte Raho [விழித்திரு] என்ற படத்தில் வந்த இந்த அதிரடி ஹிட் பாடலை எடுத்துக்கொள்வோம்.

ज़िंदगी ख़्वाब है
ख़्वाब में झूठ क्या और भला सच है क्या
ज़िंदगी ख़्वाब है
ख़्वाब में झूठ क्या और भला सच है क्या

सब सच है
ज़िन्दगी ख्वाब है

दिल ने हमसे जो कहा हमने वैसा ही किया
दिल ने हमसे जो कहा हमने वैसा ही किया
फ़िर कभी फ़ुरसत से सोचेंगे
बुरा था या भला

ज़िन्दगी ख़्वाब है ख़्वाब में झूठ क्या
और भला सच है क्या
ज़िन्दगी ख़्वाब है 


एक कतरा मय का जब पत्थर से होंठों पर पड़ा
एक कतरा मय का जब पत्थर से होंठों पर पड़ा
उसके सीने में भी दिल धड़का
ये उसने भी कहा
क्या

ज़िंदगी ख़्वाब है ख़्वाब में झूठ क्या
और भला सच है क्या
ज़िन्दगी ख़्वाब है

एक प्याली भर के मैंने गम के मारे दिल को दी
एक प्याली भर के मैंने गम के मारे दिल को दी
जहर ने मारा जहर को मुर्दे में फिर जान आ गयी

ज़िन्दगी ख़्वाब है ख़्वाब में झूठ क्या
और भला सच है क्या है

सब झठ है

ज़िन्दगी ख़्वाब है 

ஃஜிந்தகீ க்வாப் ஹை க்வாப் மே ஜூட் க்யா

ஔர் பலா ஸச் ஹை க்யா

ஃஜிந்தகீ க்வாப் ஹை

கவாப் மே ஜூட் க்யா ஔர் பலா ஸச் ஹை க்யா

ஸப் ஸச் ஹை

 தில் நே ஹம்ஸே ஜோ கஹா ஹம்னே வைஸா ஹீ கியா

ஃபிர் கபீ புர்ஸத் ஸே ஸோசேங்கே

 புரா தா யா பலா

ஃஜிந்தகீ க்வாப் ஹை…..

ஏக் கத்ரா மய் காஜப் பத்தர் கே ஹோடோ(ன்) பர் படா

உஸ்கே ஸீனே மே பி தில் தட்கா

யே உஸ்னே பீ கஹா..

க்யா?

ஃஜிந்தகீ க்வாப் ஹை, க்வாப் மெ ஜூட் க்யா, ஔர் பலா ஸச் ஹை க்யா

ஃஜிந்தகீ க்வாப் ஹை…….

ஏக் ப்யாலீ பர்கே மைனே கம் கே மாரே தில் கோ தீ

ஜஹர் நே மாரா ஜஹர் கோ முர்தே மே ஃபிர் ஜான் ஆகயீ

ஃஜிந்தகீ க்வாப் ஹை க்வப் மே ஜூட் க்ய

ஔர் பலா ஸச் ஹை க்யா

ஸப் ஜூட் ஹை!

ஃஜிந்தகீ க்வாப் ஹை....

வாழ்க்கை ஒரு கனவு

இந்தக் கனவில் பொய் எது, உண்மைதான் எது? ( யாருக்குத் தெரியும்?)

எல்லாம் பொய்தான்!

என் மனம் சொல்லியபடியே எல்லாம் செய்தேன்

பின் ஒரு நாள் நிதானமாக யோசிப்போம்-

இதனால் வந்தது தீமையா, நன்மையா என்று!

வாழ்க்கை ஒரு கனவு…..

கள்ளின் ஒரு துளி-

அது கல் நெஞ்சன் ஒருவனின் உதட்டில் விழுந்தது!

அவன் இதயமும் துடிக்க ஆரம்பித்தது! அவனும் சொன்னான்-

என்ன? வாழ்க்கை ஒரு கனவு!

இதில் பொய் எது, உண்மை எது?

துன்பத்தில் துவண்ட ஒருவன்- 

அவனுக்கு ஒரு கப் கள் ஊற்றிக் கொடுத்தேன்!

இந்த விஷம் அந்த விஷத்தை முறித்தது-

அந்தப் பிணத்திற்கும் உயிர் வந்து விட்டது!

வாழ்க்கை ஒரு கனவு. 

இதில் பொய் எது, உண்மை எது-யாருக்குத் தெரியும்?

எல்லாம் பொய்!

வாழ்க்கை ஒரு கனவு!!

இது மிகவும் பிரபலமான பாடல். உலகம் கனவு என்ற கருத்தை பலரும் நம்புகிறார்கள். நமது வேதாந்ததத்திலும் இந்த உவமை வருகிறது. ஜாக்ரம். ஸ்வப்னம், ஸுஷுப்தி = விழிப்பு நிலை, கனவு நிலை, கனவற்ற தூக்கம் ஆகிய மூன்று நிலைகள் பேசப்படுகின்றன. நாம் தூக்கத்தில் கனவு காண்கிறோம். புதிய ஒரு உலகை மனது அங்கு ஸ்ருஷ்டிக்கிறது. தூக்கத்தில் அந்த நிலைக்கும் ஒரு உண்மைத் தன்மை இருக்கிறது. கனவில் பசித்தால் கனவு சோறுதான் பலிக்கும்! விழித்தெழுந்தால் கனவு நிலை உண்மையல்ல என்று உணர்கிறோம். ஆனால் கனவு கண்டவன் உண்மை!

ஞானிகள் உலகைத்தாண்டிய -உலகை ஊடுருவி நிற்கும் உண்மையை உணர்ந்தவர்கள். அதனால் இவர்கள் உலக உணர்விலிருந்து “விழித்துக்”கொண்டவர்கள். இவர்களுக்கு, நமக்குத் தெரியும் உலகம் ஒரு கனவுபோல் தான் தெரியும்! இது பகவான் ரமணர் நமக்கு விளக்கியது. ஆனால் அதனால்  உலகம் கனவு என்று எல்லோருக்குமாகச்  சொல்லவில்லை! நாம் உடலை நிஜமெனக் கருதும் வரையில் இந்த உலகமும்  நிஜம்தான்.

சரி, ஆதி சங்கரர் இந்த உலகம் மாயை என்று சொல்லவில்லையா என்று சிலர் கேட்பார்கள். முதலில் மாயை என்பது என்ன என்று தெரிந்துகொள்ள வேண்டும்.உள்ளதை மாற்றிக்காட்டுவது மாயை[ மாயை= யா-மா that not  இருப்பதை மறைப்பது, இல்லாததை இருப்பதாகக் காட்டுவது. இது ஒரு திரிப்பே தவிர, பொய் இல்லை! சங்கரர் கருத்துப்படி, எது சாஸ்வதமோ அதுமட்டுமே உண்மை; ஒரு காலத்தில் இருந்து ஒரு காலத்தில் அழிவது சத்தியமல்ல. இந்த உலகம் ஸ்ருஷ்டியாகி, சில காலம் நிலைத்து நின்று, பிறகு அழிகிறது-தோன்றுவதெல்லாம் மறைகிறது. பின் இது எப்படி உண்மையாகும்? சங்கரரின் அளவுகோல் முற்றிலும் மாறுபட்டது. சங்கரர் இன்னொரு கருத்தும் சொல்கிறார். சத்தியம் இருவகைப்படும். ஒன்று நடைமுறையில் இருப்பது-வியவஹாரிக சத்யம்;, ஒன்று என்றும் இருப்பது- பரமார்த்திக சத்யம். சூரியன் தினமும் உதிக்கிறது மறைகிறது-இது குழந்தைக்கும்  தெரியும்- நாம் பிரத்தியக்ஷமாகக் காண்பது. இது உண்மைதானே?  அல்ல! விஞ்ஞானப்படி, சூரியன் உதிப்பதுமில்லை, மறைவதுமில்லை! பூமிதான் சுற்றுகிறது! ஆனாலும் நடமுறையில் சூரியன் சுற்றுவதைப்  பொய் என்று சொல்வதில்லை. அது ஒரு நிலையில்-லெவலில்-சத்தியம்-அவ்வளவுதான். நிலையான “சத்தியம்” வேறு! எனவே சங்கரர் உலகைப் பொய் என்று சொல்லவில்லை. அதை ஒரு தோற்றம் என்று சொன்னார். நாம் கண்ணாடிக்குமுன் நின்றால் அதில் நம் பிம்பம் வருகிறது. இது உண்மையா, பொய்யா?  அது தோற்றம், நிஜமல்ல. ஆனால் அது பொய்யல்ல!.

It is an appearance, illusion, not false. It is unreal, but not false!

எனவே, இங்கு கவி உலகைக் கனவு, பொய் என்று சொல்வதெல்லாம் உண்மையான தத்துவம் அல்ல!

மேலும் இந்தப் பாடலைப் பாடுபவன் எந்த நிலையில் இருந்து பாடுகிறான்? அவன் சரக்கை உள்ளே தள்ளியிருக்கிறான். அதனால் பொன்மொழியாக உதிர்க்கிறான்.

When the ale is in, the wit is out! 

இதில் கடைசி சரணத்தை எடுத்துக்கொள்வோம். கள் குடித்தால் கவலை,  துன்பம் போய்விடுமா? போகாது என்றுதான் மருத்துவர்களும் மனோதத்துவ வாதிகளும் சொல்கிறார்கள். கள் ஓரளவு மன இறுக்கத்தைக் குறைக்கிறது-ஆனால் அதனால் எந்தப் பிரச்சினையும் தீர்வதில்லை.உடல் நலம்தான் கெடுகிறது!

சில பாடல்களை- சில வரிகளை “அறம் விழுந்தது” என்று சொல்வார்கள். இந்தக் கடைசி சரணம் அப்படிப்பட்டது..

இந்த விஷயம் அந்த விஷத்தை அடித்துவிட்டது [ ஜஹர் நே மாராஜெஹர் கோ] என்று சொல்கிறார். இந்தக் கவிஞரின் வாழ்க்கையிலேயே நடந்தது என்ன? இதை எழுதியவர் கவி சைலேந்த்ரா- சிறந்த கவிஞர் . நல்ல மனிதர். இவர் “தீஸ்ரி கஸம்” என்று ஒரு படம் எடுத்தார். படு தோல்வி கண்டது. சொத்தெல்லாம் இழந்தார். வாங்கிய கடனைத் திருப்பித்தர இயலவில்லை. பாட்டிலுக்குத் தஞ்சமானார். இந்த விஷம் அந்த விஷத்தை அடிக்கவில்லை- ஆளையே அடித்துவிட்டது; விஷம் முறியவில்லை, விஷயமே முடிந்து விட்டது. கவிஞர் உயிர் நீத்தார். 

ஆகவே இந்தப்பாடலில் உள்ள கருத்துக்கள் ஒரு குடிகாரனின் சொல்லே தவிர, உண்மையான ஃபிலாசஃபி இல்லை.  It is pseudo-philosophy.  இதில் நெஞ்சை உலுக்கும் விஷயம் என்னவென்றால். கவிஞரின் மறைவுக்குப் பிறகு இந்தப் படத்திற்கு ஜனாதிபதி விருது கிடைத்தது, மறுபடி திரையிட்டபோது, சிறந்த கலையம்சங்கள் நிறைந்தபடமெனப் பாராட்டுதல்கள் பெற்றது!

உண்மையான தத்துவம் என்பது அப்போதைக்கு கருத்தைக் கவராமல் காலத்திற்கும் வழிகாட்டியாக இருக்கவேண்டும்.

மனம்போன போக்கெல்லாம் போகவேண்டாம் என்பார் ஔவையார். இங்கு கவிஞர் மனம் போன போக்கிலேயே போனேன் ( தில் நே ஹம்ஸே ஜோ கஹா, ஹம்னே வைஸா ஹீ கியா) என்கிறார்!

இது எத்தனை அபத்தம்? இது வழிகாட்டியாகுமா?

கபீரின் அழுகை!

இந்தப் பாட்டில் இந்த வரிகளுக்கு முன்பு கபீர்தாசரின் ஒரு கவிதை இடம் பெற்றிருக்கிறது. அதன் கருத்தைப் பார்ப்போம்.

रंगी को नारंगी कहे , बने दूध को खोया .

 चलती को गाड़ी कहे , देख कबीरा रोया

ரங்கீ கோ நாரங்கீ கஹே, பனே தூத் கோ கோயா

சல்தீ கோ காடீ கஹே, தேக் கபீரா ரோயா.

இங்கு வார்த்தை ஜாலம் செய்கிறார் கபிர் தாசர்!

ரங்கீ என்றால் நல்ல  கலர் உள்ளது.  நா-ரங்கீ என்றால் கலர் இல்லாதது. ஆனால் நாரங்கீ என்பது ஆரஞ்சுப் பழத்தின் ஹிந்திப் பெயர். நல்ல வண்ணமுள்ள ஆரஞ்சுப் பழத்தை நாரங்கீ- கலர் இல்லாதது என்கிறார்கள்.

பாலை சுண்டக்காய்ச்சினால் வருவது கோவா- இதை ஹிந்தியில் கோயா என்பார்கள். ஆனால் கோயா என்றால் தொலைந்துபோய்விட்டது  என்றும் பொருள்!  எனவே பாலை இல்லாததாக்கி விட்டார்கள்!

சல்தீ என்றால் வண்டி- சல்= செல்வது  இதை காடி என்பார்கள் ஹிந்தியில் ஆனால் கபீர் தாசர் இருந்த வட்டாரத்தில் இந்தச் சொல்லுக்கு ‘நிற்பது’ என்பதும் பொருள். ஆக, செல்லும் வண்டியை நிற்பது என்று சொல்கிறார்கள்.

இதையெல்லாம் பார்த்து கபீருக்கு அழுகை வருகிறது என்று பாடுகிறார்

கபீர்தாசர்!

உலகில் சில விஷயங்கள் தலைகீழாக இருக்கின்றன.இதை க்ருபானந்த வாரியார் அடிக்கடி சொல்லுவார். ஆண்டவன்- பித்தன்- செயல் இப்படித்தான் என்பார். இது நமக்குப் புரிவதில்லை என்பார்!

இங்கு வரும் தத்துவக் கருத்துக்களையும் பாருங்கள்! இவை மெய்யான தத்துவம்!

 இந்தப் பாடல் மிக அருமையான பாடல். யூடியூபில் கேட்டு மகிழலாம்.

Song: Zindagi Kwab Hai ( Rangi Ko Narangi Kahe.) Film: Jagte Raho, 1956. Lyricist: Shailendra

Music: Salil Chaudhury Singer: Mukesh.

உலகம் நிஜமா, பொய்யா என்பதைக் கண்டோம், இது நல்லதா, கெட்டதா?

உலகமே இந்த இருகட்சிகளாகப் பிரிந்து நிற்கிறது! இதை அடுத்துப் பார்ப்போம்.

tags —  ஹிந்தி படப் பாடல்கள் – 2, கவிஞர் சைலேந்திரா, கபீர்தாசர், சங்கரதாஸ், Raj Kapoor, Jagte raho, Nargis

***

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: