யவனர்கள் கிரேக்கர்களா ? ஆமாம் / இல்லை (Post No.7812)

WRITTEN BY LONDON SWAMINATHAN

Post No.7812

Date uploaded in London – 10 April 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

ஐம்பது, அறுபது ஆண்டுகளுக்கு முன்னர் தமிழில் சிலர் ஆராய்ச்சிக் கட்டுரைகளை எழுதி  மக்களைக் குழம்பினர். ஓரை என்ற தொல்காப்பியச்  சொல் கிரேக்க மொழிச் சொல், ‘யவன திரை’ என்ற நாடக மேடைத்  திரை கிரேக்க சொல் என்றெல்லாம் எழுதி அவர்களே நமக்கு 12 ராசிகளைச் சொல்லிக் கொடுத்தனர் , அவர்களே நமக்கு நாடகம் எழுதக் கற்பித்தனர் என்றெல்லாம் எழுதிக் குவித்தனர். இப்போது இப்போது வெளிவரும் புஸ்தகங்கள் அவர்களை எலிமெண்டரி ஸ்கூல்  மாணவர்களைப் போல ஆக்கிவிட்டது . யவனர்  என்ற சொல் இந்திய இலக்கியங்களில் எங்கு எல்லாம் வருகிறதோ அவற்றைத் தொகுத்து பின்லாந்து கீழ் திசை ஆய்வுக்கழகம் வெளியிட்டுள்ளது .  இதை கிளாவ்ஸ் கார்ட்டூனன் (Yonas and Yavanas in Indian Literature) எழுதியுள்ளார். வெளியிட்ட ஆண்டு 2015. tamilandvedas.com, swamiindology.blogspot.com

சங்கத் தமிழ் இலக்கியத்தில் யவனர் என்ற சொல் குறைந்தது ஆறு இடங்களில் வருகிறது இவை அனைத்தும் இத்தாலி நாட்டவர்கள் . அதாவது ரோமானிய சாம்ராஜ்யத்திலிருந்து தமிழ் நாட்டுக்கும் வடநாட்டுக்கும்  வந்து மிளகு, சந்தனம் , சாயப்பொருட்கள், வாசனைப் பொருட்களைக் வாங்கிக் கொண்டு தங்கக்கட்டிகளை நமக்கு கொடுத்துச் சென்றவர்கள். இவர்கள் பற்றி உலகம் போற்றும் தொல் பொருட் துறை அறிஞர் டாக்டர் இரா. நாகசாமி விரிவான ஆராய்ச்சி செய்து ‘ரோமன் கரூர்’ ( Roman Karur by Dr R Nagaswamy)  என்ற ஆங்கிலப் புஸ்தகத்தில் எழுதி யுள்ளார் .

.ஐந்து ஆண்டுகளுக்கு முன்னர் பின்லாந்துக்காரர் தொகுத்த புஸ்தகத்தில் சம்ஸ்கிருதம், பாலி , பிராகிருதம்,தமிழ் குறிப்புகள் அனைத்துமுள்ளன. இதில் நாலு வகை யவனர்கள் இருப்பது தெரிகிறது.

அவர்கள் யார்?

1.வடமேற்கு இந்தியாவில் வாழ்ந்த ஒரிஜினல் யவனர்கள்.

2.வடமேற்கு இந்தியாவை ஆண்ட கிரேக்க யவனர்கள். அலெக்சாந்தர் திடீர் மரணம் அடைந்தவுடன் இந்த இந்தி-கிரேக்க ராஜ்யங்கள் உருவாயின. இவர்கள் துருக்கி நாட்டிலுள்ள அயோனியா (Ionia)  பகுதியின் பெயரை உடையவர்கள் .

3.சங்கத் தமிழ் நூல்கள் குறிப்பிடும் ரோமானிய/ இத்தாலிய யவனர்கள். tamilandvedas.com, swamiindology.blogspot.com

4. குதிரை விற்ற யோனர் (Yonas)  எனப்படும் அராபியர்கள். பிற்காலத்தில் அரபியர்கள் துலுக்க மதத்தைத் தழுவியதால் முஸ்லிம்களுக்கும் யோனர் (Yonar)  என்ற பெயர் வந்தது.

PICTURES ARE FROM DR R NAGASWAMY’S BOOK

இது தவிர மிலேச்சர்கள்  என்ற சொல்லால்  எல்லா வெளிநாட்டினரையும் குறித்தனர். பாரதியார்கூட துலுக்கர்களை வீர சிவாஜி திட்டும் பாடலில் மிலேச்சரைப் பயன்படுத்துகிறார்.

சிலப்பதிகாரம், மணி மேகலையிலும் யவனர் குறிப்புகள் குறைந்தது ஆறு இடங்களில் காணக்கிடக்கின்றன–  இது கலப்படம் (MIXED). அதாவது பலவகை யவனர்.

சேர மன்னன்  ஒருவன் அரபிக் கடலில் அட்டூழியம் செய்த யவனர்களைப் பிடித்து தலையை மொட்டையடித்து , எண்ணையை ஊற்றி, கைகளை பின்புறம் கட்டி ஊர்வலம் விட்ட சுவையான செய்தியும் அதில் உளது.

மஹாபாரதத்தில் யவனர்கள்

மஹாபாரதத்தில் மட்டும் 45 யவனர் குறிப்புகள் உள . இவை அனைத்தும் ஓரிடத்தில் குவிந்து கிடக்காமல் 13 பருவங்களில் வருகின்றன .  அதில் மொத்தம் 18 பர்வங்கள் .

ராமாயணத்தில் இரண்டு காண்டங்களில் 6 குறிப்புகள் உள. இவை தரும் தகவல் என்ன? tamilandvedas.com, swamiindology.blogspot.com

விஸ்வாமித்ரர் ராஜாவாக இருந்தார்.வசிஷ்ட மகரிஷியைச் சந்திக்க காட்டுக்கு வந்தார். அவரிடம் இருந்த தெய்வீகப் பசுவான காமதேனுவைக் கண்டு ஆசைகொண்டார். அதைக்கேட்டுப் பார்த்தார்; வசிஷ்ட மகரிஷி மறுத்தார்; உடனே மன்னன் என்ற தோரணையில் வலியக் கைப்பற்றினார் . காமதேனுவுக்குக் கோபம் வந்தது. அதன் உடலின் பாகத்திலிருந்து வந்த துருப்புகள் விஸ்வாமித்ரனின் படைகளைச் சிதறடித்தன . உடலின் எந்த பக்கத்திலிருந்து யார் வந்தனர் என்பதில் யவனர் , பசு மூத்திரத்தில் இருந்து வந்ததாக சம்ஸ்கிருத ஸ்லோகங்கள்  பகர்கின்றன.

பசுஞ் சாணத்திலிருந்து பல்லவர்கள் சபரர்கள் , சகர்கள் வந்தனர்; பசு மூத்திரத்திலிருந்து  யவனர்கள் வந்தனர்.  பசு வாயில்   வந்த நுரை திராவிடர்கள்,கிராதர்கள், சிங்களர் பார்பரர்கள், தார்த்தர்கள் , மிலேச் சர்கள் ஆகியோரை உருவாக்கி விச்வாமித்ரனின் படைகளை அழித்தது . இவர்கள் அனைவரும் ஆயுததாரிகளாகத் தோன்றினர் . இறுதியில் வசிஷ்டரின் யோக சக்தி வென்றது. மன்னன் தோற்று ஓடினான். tamilandvedas.com, swamiindology.blogspot.com

ராமாயணத்திலும் இதே போல ஸ்லோகங்கள் உள்ளன.

மஹா பாரதத்தின் பிற்சேர்க்கையான ஹரி வம்சத்தில் யவனர், சகர ர் , பல்லவர் முதலியோர் , சூத்திரர்கள்  என்றும் க்ஷத்ரிய நிலையிலையிலிருந்து வீழ்ந்தவர்கள் என்றும் வருகிறது. மநு  நீதி நூலும் இதை உறுதிப் படுத்துகிறது

2700 ஆண்டுகளுக்கு முன்னர் உலகின் முதல் இலக்கண புஸ்தகத்தை எழுதிய பாணினியும் அவருடைய அஷ்டாத்யாயி நூலில் பெண்பாற் சொற்கள் பட்டியலில் பவானி , சிவாணி, வருணானி ஆகிய புனிதச் சொற்களோடு யவனானி சொல்லையும் சேர்த்து எழுதி இருக்கிறார். பிற்கால உரைகாரர்க ள  யவன லிபி/ எழுத்து பற்றியும் பகர்கின்றனர் tamilandvedas.com, swamiindology.blogspot.com

பாகவத புராணத்திலும் ஹரிவம்சத்திலும் வரும் ‘காலயவனர்’ கதையை இங்கே நான் ஏற்கனவே எழுதி விட்டேன். கிருஷ்ணர் காலத்திலேயே ‘கருப்பு யவனர்’ இருந்ததை ஹரி வம்சமும் பாகவத புராணமும் உறுதி செய்கின்றன.

XXXX

எனது கருத்துக்கள்

ராமாயண மஹாபாரத ஸ்லோகங்களை  இடைச் செருகல் என்று நினைப்போரும் ஒரு அற்புதமான கருத்து அதில் இழையோடுவதைக் காணலாம்.

1.உலக மக்கள் யாவரும் இந்தியாவில் தோன்றியவர்கள். அதிலும் தெய்வீகப் பசுவின் புனித பின்பாகத்திலிருந்து, கோ மயத்திலிருந்து/ பஞ்ச கவ்யத்திலிருந்து தோன்றியவர்கள். அதாவது உலகம் ஒரு குடும்பம் – வசுதைவ குடும்பகம் – என்ற கருத்தைக் காண்கிறோம் 

கடவுளுக்கும் மஹான்களுக்கும் பின்பக்கத்தைக் காட்ட பசுவுக்கு மட்டுமே அனுமதி. கோவில்களில் சுவாமிக்கு பசுவின் பின்பக்கத்தைக் காட்டி ஒவ்வொரு நாள் காலையிலும்  பூஜை நடை பெறும் . ஆனால் மனிதர்கள் பின்பக்கத்தைக் காட்டக் கூடாதென்பதற்காக பல அடிகள் பின்னே நடத்து வந்து பின்னர் உடலைத் திருப்புவர் . அத்தோடு எல்லா புனிதச்  சடங்குகளுக்கும் முன்னர்  பசு மூத்திரம், சாணம் பால், நெய், தயிர் கலந்த பஞ்ச கவ்யத்தை மிக மிகக் குறைந்த அளவில் எடுத்துக் கொள்வர். இவை எல்லாம் யவனர்கள், சகரர்கள் மதிப்பை உயர்த்துவதாகவும் வைத்துக் கொள்ளலாம். tamilandvedas.com, swamiindology.blogspot.com

2. கிருஷ்ணர் காலத்திலேயே யவனர்கள் இருந்தனர் என்பதால் துருக்கியில் சிறிய பகுதியைக் குறிக்கும் அயோனியர்கள் (Ionians) அவர்கள் இல்லை என்பது தெளிவுபடும்.

மஹாபாரதத்தில் 45 இடங்களில் எவரும் இடைச்  செருகல் செய்தனர் (Interpolations)  என்பதும் நம்புதற்கில்லை. அலெக்ஸ்சாண்டருக்கு 500 ஆண்டுகளுக்கு முன்னரே பாணினியும் யவனர் பற்றிப் பேசுகிறார்.

யார் இந்த யவனர்கள்?

இந்தியாவின் வடமேற்குப் பகுதியில் வாழ்ந்த  ஒரு இனம் யவனர்கள். இவர்கள் வேத கால மன்னர் துர்வாவஸுவின் கீழிருந்த ‘பஞ்ச ஜனா’க்களில்  (5 வகை மக்கள் ) ஒருவர். இவர்கள் குடியேறிய முதல் இடம் துருக்கியிலுள்ள அயோனியா (Ionia, part of Turkey) . இதை ஆங்கிலேயர்கள், ஐரோப்பியர் ஆகியோர் யவனர்கள் என்பதற்குப் பயன்படுத்தியதால் மஹா குழப்பம்!  200 ஆண்டுகளுக்கு முன்னர் சம்ஸ்கிருத நூல்களை மொழி பெயர்த்த ஐரோப்பியர் யவனர் என்று வரும் இடம் எல்லாம்  க்ரீக்ஸ் GREEKS   என்று தவறாக மொழிபெயர்த்துவிட்டனர்..

பிற்காலத்தில் உண்மையான கிரேக்கர்களும் (Greeks)  இதே சொல் பயன்படுத்தப்பட்டது! tamilandvedas.com, swamiindology.blogspot.com

3.ஆகவே யவனர் என்பது ஒரிஜினல் இந்திய யவனர்களையும் பிற்காலத்தில் கிரேக்கர்களையும் (அலெக்ஸ்சாண்டர் படையெடுப்பு முதல்) அதற்குப்பின்னர் தமிழ் இலக்கியம் குறிப்பிடும் ரோமானியர்களையும் இறுதியில் யோனர்கள்  எனப்படும் அராபிய குதிரை வியாபாரிகளையும் குறித்தது  எனலாம்.

பின்லாந்து புஸ்தம் கூட  ஒரிஜினல் இந்திய யவனர்களைக் காணத் தவறிவிட்டது. டேரியஸ்(Darius) , சைரஸ் (Cyrus) முதலிய பாரசீக மன்னர்  படைகளில் யவனர் இருந்ததை கிரேக்க எழுத்தர்களும் குறிப்பிட்டுள்ளனர் .

இந்த விஷயங்களை அறியாதவர்கள் யவன ஜோதிடர்கள் , யவனத் தச்சர்கள் , யவன பாவை விளக்குகள் ஆகிய அனைத்தையும் கிரேக்கர்களுடன் தொடர்பு படுத்திவிட்டனர். இவைகளுக்கு கிரேக்க நூல்களில் ஆதாரம் இல்லை.

தென் மேற்கு இந்தியாவில் வசித்த ஒரிஜினல் இந்திய யவனர்கள் இதைக் கற்றுப் பரப்பினர்; யவனர் செய்த விமானங்கள், பறக்கும் பொறிகள், யவனர் எழுதிய ஜோதிட நூல்கள், யவனத் தச்சர் என்று ஏராளமான குறிப்புகள் பிற்கால தமிழ் , சம்ஸ்கிருத புஸ்தகங்களில் வருகின்றன. tamilandvedas.com, swamiindology.blogspot.com

ஆக, இந்த யவனர்கள் எப்போது அயோனியா (Ionia) எனப்படும் சிறிய துருக்கி நாட்டு ஏரியாவுக்குச் சென்றனர்? யவனர் பற்றி நாம் சொல்லும் ஜோதிடம், பறக்கும் விமானம், விளக்குகள் பற்றி ஏன் கிரேக்க ரோமானிய எழுத்தாளர்கள் சொல்லவில்லை? தென் மேற்கு இந்திய யவனர்கள் விமானம் கட்டுவதிலும், தச்சு வேலைகளிலும், ஜோதிடத்திலும் எப்படி, எப்போது புகழ் பெற்றார்கள்கள் ? 2700 ஆண்டுகளுக்கு முன்னர் பாணினி , டேரியஸ் , சைரஸ் ஆகியோர் யவனர் பற்றிக் குறிப்பிட்டது எப்படி ? அதற்கு முன்னர் ஏன் குறிப்புகள் இல்லை? என்று பல கோணங்களில் இதை ஆராயலாம்.

டாக்டர் இரா நாகசாமி 1995-ல் வெளியிட்ட  ‘ரோமன் கரூர்’, பின்லாந்து 2015ல் வெளியிட்ட ‘யோனாஸ் அண்ட் யவனாஸ்’ புஸ்தகம்  எதிர்கால ஆராய்ச்சியாளருக்கு உதவும் என்பதில் ஐயமில்லை . tamilandvedas.com, swamiindology.blogspot.com

–சுபம்–

TAGS — யவனர்கள் ,, கிரேக்கர்கள், சங்கத் தமிழ் நூல்கள், ரோமானியர், யோனர்.

–SUBHAM–

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: