ஸ்டீவன் ஸ்பீல்பெர்க்கின் படைப்பாற்றல் திறன் வளர்ந்தது எப்படி? (Post No.7901)

WRITTEN BY S NAGARAJAN                     

Post No.7901

Date uploaded in London – – 30 April 2020

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

ஸ்டீவன் ஸ்பீல்பெர்க்கின் படைப்பாற்றல் திறன் வளர்ந்தது எப்படி?

ச.நாகராஜன்

1993இல் வெளிவந்து உலகைக் கலக்கிய ஜுராஸிக் பார்க்கை எடுத்த ஸ்டீவன் ஸ்பீல்பெர்க் வளர்ந்த விதம் சுவாரசியமானது.

இளம் வயதிலேயே அவர் திரைப்படம் எடுப்பதில் ஆர்வம் உள்ளவராக இருந்தார்.

அதற்கான படைப்பாற்றல் திறன் அவருக்கு இயல்பாகவே இருந்தது. ஆனால் அதைத் தூண்டி விட்டு அவரை உற்சாகப்படுத்தி அவரை பரிணமிக்க வைத்த பெருமை அவரது தாயான லீயையே (Leah) சேரும்.

இளம் வயதில் ஸ்பீல்பெர்க் பாய் ஸ்கவுட்டில் (Boy Scout) சேர்ந்திருந்தார். ஒரு குட்டித் திரைப்படத்தைத் தயாரித்து அந்தத் தயாரிப்பிற்கான மெரிட் பாட்ஜைப் (Merit Badge) பெற வேண்டும் என்ற ஆசை அவருக்கு வந்தது. அப்போது அவருக்கு வயது 12 தான்!

சமையலறையில் சமைத்துக் கொண்டிருந்த தாயாரிடம் சென்று தன் ஆசையைச் சொன்னார்.

“வெளியே போய் விளையாடு. வேண்டாத வேலையில் எல்லாம் ஈடுபடாதே” என்று மற்ற தாய்மார்களைப் போலச் சொல்லி ஸ்டீல்பெர்க்கை அவர் தாயார் விரட்டி விடவில்லை.

அவரை உற்சாகப்படுத்தினார்.

அதற்கு உதவிகள் செய்தார்; ஏன் தானே நடிக்கவும் செய்தார்!

ஸ்பீல்பெர்க் திரைப்படத்தை எடுக்க அவரது தந்தை ஒரு சூப்பர் -8 மூவி கேமராவை வாங்கித் தந்தார்.

ஸ்பீல்பெர்க் எடுக்க விரும்பிய படம் ஒரு திகில் படம்.

அதில் ஒரு காட்சியில் சமையலறை காபினெட்டிலிருந்து ரத்தம் குபுகுபுவெனப் பொங்கி வர வேண்டும்.

அம்மாவிடம் காட்சி பற்றிச் சொன்னார் அவர்.

உடனே அவர் கடைவீதிக்குச் சென்று 30 செர்ரி கேன்களை வாங்கி வந்தார். அதை சமையலறை காபினெட்டில் ஊற்றி ரத்தம் குபுகுபுவெனப் பொங்கி வரும் ஷாட்டை எடுக்கச் செய்தார்.

படம் வெற்றியானது. அவருக்கு மெரிட் பேட்ஜும் கிடைத்தது.

அவரது தாய்  வீட்டையே ஸ்டூடியோவாக மாற்ற அவருக்கு அனுமதி தந்தார். அவ்வப்பொழுது காட்சிக்குத் தக மேஜை நாற்காலிகள் உள்ளிட்ட அனைத்துப் பொருள்களும் இடம் மாற்றி வைக்கப்படும். பின்னணி அமைப்புகள் அமைக்கப்படும்.

இதற்கெல்லாம் அவரது தாயார் தான் உதவுவார்.

பாத்திரங்களின் காஸ்ட்யூமையும் அவர் தயார் செய்து தருவார்.

ஒரு முறை பாலைவனத்தில் ஒரு காட்சி எடுக்கப்பட வேண்டியிருந்தது. தனது காரை எடுத்தார். ஸ்பீல்பெர்க்கைக் கூட்டிக் கொண்டு பாலைவனப் பகுதிக்கே சென்றார்.

இப்படி அனைத்து விதத்திலும் அவரை ஊக்கப்படுத்திய அவரது தாயார் 97 வயது வரை வாழ்ந்து 2017இல் மறைந்தார்.

 இளம் வயதில் குழந்தைகளின் ஆசையையும் படைப்பாற்றல் திறனையும் பெரும்பாலான தாய்மார்களும் தந்தைமார்களும் புரிந்து கொள்வதில்லை; புரிந்து கொண்டாலும் அந்த ஆசைக்கு உரம் போட்டு வளர்ப்பதில்லை. குழந்தைகளை ஊக்குவிப்பதில்லை.

ஆனால் சில பெற்றோர்கள் மட்டுமே குழந்தைகளின் ஆசையை நன்கு புரிந்து கொண்டு ஊக்கப்படுத்துவர்.

ஸ்பீல்பெர்க்கின் தாயார் அப்படிப்பட்ட அரிதான தாயார்.

படைப்பாற்றல் திறனை இளம் வயதில் ஒரு குழந்தைக்கு வளரப் பெரிதும் உறுதுணையாக இருக்க வேண்டியது அந்தக் குழந்தையின் குடும்பமே!

****

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: