ரஜபுதனத்து துர்காதாஸ் இஸ்லாமிய ராஜகுமாரியிடம் காட்டிய அன்பு! (Post No.8237)

WRITTEN BY S NAGARAJAN                     

Post No. 8237

Date uploaded in London – – –25 June 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

ரஜபுதனத்து துர்காதாஸ் இஸ்லாமிய ராஜகுமாரியிடம் காட்டிய அன்பு!

ச.நாகராஜன்

ஒரு ஹிந்து எப்போதுமே எந்த மதத்தினரைச் சேர்ந்தவராக இருந்தாலும் மதிப்புக் கொடுப்பான்; மரியாதை செலுத்துவான்.

தன் மதத்திற்கு மாற வேண்டுமென்றோ அல்லது மற்ற மதத்தினரை காபிர் என்றோ கூற மாட்டான்.

ஹிந்து சாம்ராஜ்யத்தை நிறுவிய சத்ரபதி சிவாஜி ஒரு ஹிந்து மன்னன் எப்படி இருப்பான் என்பதற்கு ஒரு எடுத்துக்காட்டாகத் திகழ்ந்தார்.

எப்பொழுதெல்லாம் குர் ஆன் அவர் கையில் கிடைத்ததோ அப்போதெல்லாம் அவர் அதை மரியாதையுடன் கையில் எடுத்துக் கொள்வார். அதை இஸ்லாமைப் பின்பற்றும் ஒருவருக்குக் கொடுத்து விடுவார்.

இதே போல, ரதோர் வீரனான துர்காதாஸ் சிறந்த ஹிந்து வீரனுக்கு ஒரு எடுத்துக் காட்டு.

அவர் வாழ்வில் நடந்த ஒரு சம்பவம் ….

ஔரங்கசீப்பின் நான்காவது மகனான முகம்மது அக்பர் தன் தந்தைக்கு எதிராக பெரும் கிளர்ச்சியைச் செய்து எதிர்த்தான். இந்தக் கிளர்ச்சியின் காரணமாக அவன் பெர்சியாவுக்குத் தப்பி ஓடினான். அப்படி ஓடும் போது தனது இளைய மகளை ராஜபுதனத்து வீரர்கள் கையில் ஒப்படைத்தான்.

துர்காதாஸ் அந்த இளம் பெண்ணை மிக அன்புடன் நடத்தி வந்தார்.

பல வருடங்கள் துர்காதாஸின் பாதுகாப்பில் இருந்த அந்த இளம் பெண் ஔரங்கசீப்பிடம் திரும்பிச் சென்றாள்.

அப்போது தனது தாத்தாவான அவரிடம் துர்காதாஸின் அன்பையும் அவர் தன்னை எப்படி நடத்தினார் என்பதையும் விவரித்துக் கூறினாள்.

துர்காதாஸ் அவளுக்குக் கல்வி கற்பிக்க ஆஜ்மீரிலிருந்து ஒரு இஸ்லாமியப் பெண்ணை அழைத்து வரச் செய்தார்.

அந்தப் பெண்ணின் மூலமாக் குர் ஆன் முழுவதையும் அவள் கற்றாள்; அதை மனப்பாடமும் செய்தாள்!

தனது பரம வைரியான துர்காதாஸின் இந்த செய்கையைப் பற்றி பேத்தி சொன்னதை ஔரங்கசீப் கூர்ந்து கவனித்துக் கேட்டான்.

இதை ஹிந்துக்களைப் பற்றி ஒருதலைப்பட்சமாகவே எழுதும் வரலாற்று ஆசிரியனான காஃபி கானே (Khafi Khan) விவரமாக எழுதி வைத்துள்ளான்.

இதே காஃபி கான் சிவாஜியைப் பற்றி எழுதுகையில் எந்த ஒரு மசூதிக்கும் தீங்கு விளைவிக்கக் கூடாது என்பதை சிவாஜி  மஹாராஜ் ஒரு விதியாகவே பின்பற்றி வந்ததைக் குறிப்பிடுவதோடு குர் ஆனை மதித்ததோடு, இஸ்லாமியப் பெண்களையும் அவர் மிக்க மரியாதையோடு நடத்தியதையும் கூறுகிறான்.

முகலாய ஆட்சியில் அக்பரைத் தவிர மற்ற எந்த மன்னனும் மற்ற மதத்தினரை சகிப்புத்தன்மையுடன் நடத்தவில்லை என்பது வரலாறு கூறும் உண்மை!

ஜிஹாங்கீர் அரசாண்ட காலத்தில் அக்ஷய பட் மரத்தை வேரோடு பிடுங்கி அழித்தான். அந்த மரம் ஒரு நாளும் அழிக்கப்பட முடியாத ஒன்று என்பது ஹிந்துக்களின் தொன்று தொட்டு இருந்து வரும் நம்பிக்கை.

அதைப் பொய்ப்பிக்கவே அவன் இப்படிச் செய்தான்.

மரம் வேருடன் பிடுங்கப்பட்ட நிலையில் வேர் இருந்த மரத்தின் அடிப்பகுதியில் ஈயத்தையும் காய்ச்சி ஊற்றினான், மரம் தழைத்து விடக்கூடாது என்று!

என்ன ஆச்சரியம்! ஒரு வருடத்திற்குள்ளாகவே அக்ஷய மரம் துளிர்த்தது; வளர்ந்தது!

ஹிந்து மதம் ஒரு நாளும் அழிக்கப்பட முடியாது என்பதை முகலாயர் மற்றும் பிரிட்டிஷாரின் கொடுமைக்குப் பின்னரும் வளர்ந்து உலகையே அணைக்கும் ஹிந்து மதம் ஒரு சான்று அல்லவா!

tags – துர்காதாஸ், Durgadas

#***

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: