பிராமணாள் ஜிந்தாபாத் – புறனானூறு-2 (Post No.8362)

WRITTEN BY LONDON SWAMINATHAN

Post No. 8362

Date uploaded in London – 18 July 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

ஜிந்தாபாத் 3

குடக்கோ இளஞ்சேரலிரும்பொறை மீது பெருங்குன்றுர் கிழார் பாடிய ஒன்பதாம் பத்தில் கபிலர் பற்றி குறிப்பிடுகிறார். அவர் பாடிப் பரிசாகப் பெற்ற ஊர்கள் எண்ணிலாதவை என்பதை அழகாக எடுத்துரைக்கிறார் —

“மறம்புரி கொள்கை வயங்கு செந்நாவின்

உவலை கூராக்  கவலையில் நெஞ்சின்

நனவிற் பாடிய நல்லிசைக்

கபிலன்  பெற்ற ஊரினும் பலவே

–பதிற்றுப் பத்து, 9-ம் பத்து

பொருள்

சோழன் மீது சேரன் படையெடுத்தான். சோழ வீரர்கள் பயந்து போய் வேல்களைக் கீழே போட்டுவிட்டு ஓட்டம் பிடித்தனர். அந்த வீரர்களின் வேல்களின் எண்ணிக்கை கபிலர் பெற்ற ஊர்களையும் விட  அதிகமானவை .

இங்கு புலவர் ஒரே கல்லில் 2 மாங்காய் அடித்துவிட்டார்.சேரனையும் கபிலனையும் புகழ வேல்களைப் பயன்படுத்துகிறார்.

xxx

ஜிந்தாபாத் 4

அகநானுற்றுப் பாடல் 78ல் நக்கீரர் புகழ்வதைப் பார்ப்போம்

“உலகுடன் திரிதரும் பலர் புகழ் நல்லிசை

வாய்மொழிக் கபிலன் சூழ , சேய் நின்று

செழுஞ்செய்ந் நெல்லின் விளைகதிர் கொண்டு

தடந்தாள் ஆம்பல் மலரொடு கூட்டி

யாண்டு பல கழிய , வேண்டுவயிற் பிழையாது

தாள் இடூஉக்கடந்து வாள் அமர் உழக்கி

ஏந்து கோட்டு யானை வேந்தர் ஓட்டிய

கடும் பரிப் புரவிக் கைவண் பாரி

தீம் பெரும் பைஞ்சுனைப் பூத்த

தேம் கமழ் புது மலர் நாறும் – இவள் நுதலே”

இந்தப் பாட்டில் நக்கீரர் ஒரே கல்லில் மூன்று மாங்காய் அடித்துவிட்டார்

இது அகத்துறைப் பாடல் ; தலைவியின் அழகை நினைவுபடுத்த வந்த பாடல்

பொருள் என்ன ?

பாரி என்ற மன்னனின் பறம்பு மலையில் பூ த்த தேன் மணம் கமழும் தலைவியின் முகத்தை/ நினைத்தாவது பார்த்தாயா என்று தோழி வினவுகிறாள் .

யார் அந்தப் பாரி ?

மூவேந்தர்களும் பல ஆண்டுகள் போட்ட முற்றுகையைத் தகர்த்து தக்க சமயத்தில் அவர்களைத் தோற்றோடச் செய்தவன் குறு நில மன்னன் பாரி ; அதை எப்படி செய்தான்? .

கபிலர் என்ற புலவர் ஒரு உலக அதிசயம் புரிந்தார் !

கிளிகளைப் பழக்கி, முற்றுகையினையும் தாண்டிச் சென்று, நெல் கதிர்களைக் கொண்டுவரச் செய்தார் . அதை ஆம்பல் மலர்த் தண்டுகளாலான  கூட்டு, கறியுடன்  பல ஆண்டுகள் சாப்பிட ‘ஐடியா’idea) சொல்லிக் கொடுத்தார்.

யார் அந்தக் கபிலன்?

உலகுள்ளவரையும் பலரும் புகழும் நல்ல புகழினையும்  சத்தியத்தையும் உடைய கபிலர் என்னும் புலவர் பெருமான் !

xxxx

ஜிந்தாபாத் 5

கபிலரே பாடிய புறநானூற்றுப் பாடலில் — 337– ஒரு புதிர் உள்ளது ; இதுவரை விடை கிடைக்கவில்லை.

அகிலார் நறு ம்புகை ஐது சென்று  அடங்கிய

கபில நெடுநகர்க்  கமழும் நாற்றமொடு

பொருள் என்ன ?

சோழ நாட்டில் கபிலர் ஒரு வீட்டுக்குப் போனார்; அங்கே ஒரு பேரழகி இருந்தாள் . அவள் சோழ நாட்டின் வி.ஐ.பி.யின் (V I P = very important person)  மகள் ; ஆகையால் அதி பயங்கர செக்யூரிட்டி (securityY. பாரியின்  பறம்பு மலை பனிச் சுனை போல பார்ப்பதற்கு அரியள் ; அதாவது பறம்பு மலை போலப் பாதுகாப்பு. அந்த வீட்டில் பெண்களின் கூந்தலுக்கு மணம் வீச போடப்பட்ட அகில் புகை, வீட்டைக் கருப்பு நிற துணி போலக் காட்டியது .

இதில் புதிரான சொல் கபில நெடுநகர் .

கபில நிறம் என்பதை யானையின் நிறம் எனலாம் இந்தப் பிராமணனும் –புலவரும் — கபில நிறம் போலும்!! கரும்புகை சூழ்ந்த வீடு என்பதால் கபில நெடுநகர் என்று சொல்லியிருக்கலாம் . அது சரியானால், தன்னுடைய பெயரையே சிலேடையாக பயன்படுத்திய ஒரே சங்கப் பாட்டு இதுதான். அப்படியில்லாமல் பாரியின் தலைநகருக்கு பாரியே கபில நெடுநகர் என்று பெயர்வைத்தனோ என்று எண்ணத் தோன்றுகிறது . ஏனெனில் பெண்ணின் அழகை நகரத்துக்கு ஒப்பிடுவது சங்க இலக்கியம் முழுதும், சம்ஸ்கிருத இலக்கியம் முழுதும், பைபிளிலும் கூட  உளது.

கடைசியில் இவளைக் கட்டித் தழுவும் பாக்கியம் எவனுக்கோ என்று முடிக்கிறார் . அதிலும் ஒரு அங்கதம் உளது ; அடப்  பாவி! இவ்வளவு செக்யூரிட்டி போட்டால் இவளை யார் பார்க்க முடியும்? இவளுக்கு எப்படிக் கல்யாணம் நடக்கப்போகிறதோ என்று கிண்டல் அடிக்கிறாரோ!! அல்லது இவ்வளவு பேரழகுடைய பிணை மணக்கும் லக்கி பாய் யார் ( Who  is that lucky boy? )என்று வியக்கிறாரோ என்று தெரியவில்லை . எது எப்படியாகிலும் நமக்கு வேண்டிய பாயிண்ட்’ point  கபில நெடுநகர்தான் . நகர் என்பது பெரிய வீடு , நகரம் , கோவில் என்ற பல பொருள்களில் வரும்.

xxx

ஜிந்தாபாத் 6

புறநானூற்றுப் பாடல் 126 மாறோக்கத்து நப்பசலையார் பாடிய பாடல் . இதில் அவர் கபிலருக்குக் கொடுத்த அடைமொழிதான் அவரை இப்படி எல்லாப் புலவர்களையும் பாபட வைத்தது . அது என்ன விஷயம் ?

புலன் அழுக்கற்ற அந்தணாளன்

அந்தணர் என்பது அய்யரா அல்லது துறவியா என்று ஐயப்படுவோருக்கும் இப்பாடல் பதில் தருகிறது. இதோ முக்கிய வரிகள் —

நிலமிசை பரந்த மக்கட்கு எல்லாம்

புலன் அழுக்கற்ற அந்தணாளன்

இரந்து சென் மாக்கட்கு  இனி இதன் இன்றிப்

பரந்து இசை நிற்கப் பாடினன்2 .

பாடல் 126, புறநானூறு

பாடியவர் – நப்பசலை

பாடப்பட்டோன் மலையமான் திருமுடிக்காரி.

பொருள்

பேரறிவும் தூய்மையும் உடைய  கபிலன் உன்னையும் உன் சுற்றத்தாரையும் , இனிப்   புகழ்வதற்கு இடமில்லை  என்ற அளவுக்குப் பாடிவிட்டான் (கபிலனினும் அறிவு குறைந்தாலும் நாமும் பாடுவோம் )

இதில் புலன் அழுக்கற்ற அந்தணன் என்பது அவர் மனம், மொழி, மெய் மூன்றிலும் சுத்தமானவர் என்பதை எடுத்துக் காட்டுகிறது.இந்த திரிகரண சுத்திதான் கபிலருக்கு இவ்வளவு புகழ் ஈ ட்டித் தந்தது என்றால் மிகையில்லை.

xxx

பரிபாடல் (3-7) 11 ருத்திரர்களையும் கூட  கபிலர் என்ற சொல்லால் குறிப்பிடுகிறது  ஏனைய பொருள்களிலும் கபில வருவது ஆராய்ச்சிக்குரியது .

கபிலை அம்பதி– மனிமேகலை 26-44, 28-143

கபில புரம் – –சிலப்பதிகாரம் – 23-141

கபிலை – தோல்.3-87-6; பதிற்று . பதிகம் 6-5; மணி 26-17

அகராதி அர்த்தம் – 20 அர்த்தம் முதல் 25 அர்த்தம் வரை  உளது.

–SUBHAM–

tags — பிராமணாள் ஜிந்தாபாத்-2

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: