மனதின் அபூர்வமான சக்தி! – 1 (Post No.8589)

WRITTEN BY S NAGARAJAN                     

Post No. 8589

Date uploaded in London – – –29 August 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

by ச.நாகராஜன்

மனதின் அபூர்வமான எல்லையற்ற அளக்கமுடியாத சக்தி பற்றிய ஏராளமான கட்டுரைகள் உள்ளன. அதிகாரபூர்வமான ஆய்வுகளின் அடிப்படையிலான பிரமிக்க வைக்கும் உண்மைகள் வெளியாகிக் கொண்டே இருக்கின்றன.

சில சமீபத்திய ஆய்வுகளின் முடிவுகளை இங்கு காணலாம்.

உருவகக் காட்சி உங்களுக்கு நற்பயனைத் தரும்!

உருவகக் காட்சி என்ன நன்மையைத் தரும் என்பதை நீங்களே அனுபவத்தில் உணரலாம். செலவில்லாத அபாரமான வழி இது.

மனதில் அகக்காட்சிகளை, ஒலியுடனும், இதர உணர்வுகளுடனும் நீங்களே உருவாக்கி அனுபவிக்கலாம்.

உளவியலாளர் ஆலன் ரிச்சர்ட்ஸன் ஆஸ்திரேலியாவைச் சேர்ந்தவர். அவர் ஒரு சின்ன சோதனை மூலம் உருவகக் காட்சியின் பயனை நிரூபித்திருக்கிறார்.

பேஸ்கட் பால் விளையாடும் வீரர்களை அழைத்த அவர் அவர்களை மூன்று குழுக்களாகப் பிரித்தார். இப்படிப் பிரித்ததன் நோக்கம் உருவகக்காட்சி எப்படி வீரர்களை வெற்றிக்கு இட்டுச் செல்கிறது என்பதை பரிசோதித்துப் பார்க்கத் தான்!

மூன்று குழுக்களுக்கு அவர் தந்த திட்டம் இது:

  • முதல் குழு ஒவ்வொரு நாளும் பேஸ்கட் பால் விளையாட்டை 20 நிமிடங்கள் பயிற்சி செய்தது.
  •  
  • இரண்டாம் குழு பந்தை தூக்கி எறிவதை அகக்காட்சியில் கற்பனை செய்து பார்த்து வந்தது. ஆனால் மேற்படி பயிற்சியில் சேரவில்லை.
  •  

மூன்றாவது குழு உருவக்காட்சி பயிற்சியையும் செய்யவில்லை; பந்து தூக்கி எறிவது போல மனதில் கற்பனை செய்து பார்க்கவும் இல்லை.

சோதனையின் முடிவுகள் பிரமிக்க வைத்தன!

  • முதல் குழுவின் விளையாடும் திறன் அபாரமாகக் கூடியது.
  • நிஜமாக தினமும் பயிற்சி செய்தவர்களைப் போலவே அவர்கள் விளையாடும்போது  துல்லியமாக கூடையில் பந்தைப் போட்டனர்.
  • மூன்றாவது குழுவோ மிக மோசமாக இதரர்களை விடப் பின் தங்கியது!
  •  

புன்னகை நல்ல மனநிலையை ஏற்படுத்தும்!

ஃபேஷியல் ஃபீட்பேக் ஹைபாதிஸஸ் (Facial Feedback Hypothesis) என்று அறிவியல் ரீதியாக அழைக்கப்படும் முகபாவனையின் விளைவுக் கொள்கை பற்றி அறிவியல் விஞ்ஞானிகள் பல காலமாக ஆய்வு செய்து வந்துள்ளனர். புன்னகை செய்தல், நேராக நிமிர்ந்து உட்காருதல், ஓய்வாக இருத்தல் ஆகியவை உடன்மறை – பாஸிடிவ்- உணர்வுகளை ஏற்படுத்துகின்றன!

இது பற்றி ஆயிரத்தி தொள்ளாயிரத்தி எண்பதுகளில் ஒரு அறிவியல் ஆய்வு மேற்கொள்ளப்பட்டது, தங்கள் ஆய்வின் நோக்கம் செயல் முறை பற்றி ஆய்வாளர்கள் எதையும் யாருக்கும் சொல்லவில்லை. அது ஆய்வைப் பாதிக்கும் என்பதால் பேசாமல் இருந்தனர்.

சோதனையில் பங்கேற்போர் மூன்று குழுக்களாகப் பிரிக்கப்பட்டனர். அனைவருக்கும் ஆளுக்கு ஒரு பென்சில் தரப்பட்டது.

  • முதல் குழுவினரிடம் பென்சிலை வாயில் கிடைமட்டமாக பற்களுக்கு இடையில் வைக்கச் சொல்லப்பட்டது. இது உடல் ரீதியாக அவர்களை புன்னகைக்க வைத்தது.
  • இரண்டாவது குழுவினரிடம் பென்சிலை கிடைமட்டமாக உதடுகளைப் பயன்படுத்தி பிடிக்கச் சொல்லப்பட்டது. அது புன்னகையை வலியக் கொண்டு வரவில்லை. ஆனால் மாறாக ஒரு சிடுசிடுப்பாக இருக்கும் நிலையைத் தான் ஏற்படுத்தியது.
  • மூன்றாவது குழுவினரிடம் பென்சிலை தங்கள் கையில் பிடித்தால் போதும் என்று சொல்லப்பட்டது.

இப்போது ஆய்வில் பங்கேற்ற அனைவரிடமும் பல கார்ட்டூன் படங்கள் காண்பிக்கப்பட்டன; அவற்றை எவ்வளவு வேடிக்கையான கார்ட்டூன்கள் என மதிப்பீடு செய்யுமாறு சொல்லப்பட்டது.

முதல் குழு – புன்னகைக் குழு – இரண்டாவது (சிடுசிடுப்பு குழு) குழுவை விட  கார்ட்டூன்கள் அதிக வேடிக்கையுள்ள கார்ட்டூன்கள் என மதிப்பீட்டைத் தந்தது. மூன்றாவது குழு இந்த இரண்டு குழுக்களுக்கும் இடையிலான மதிப்பீட்டு எண்களைத் தந்தது!

சிந்தனையை நிர்வகித்தால் மன அழுத்தம் குறையும்!

மூளையைப் பற்றிய ஒரு அபூர்வமான உண்மை ஒன்று உண்டு – அதற்கு  நிஜமான ஒரு பயமுறுத்தலுக்கும் கற்பனையில் நாம் காணும் பயமுறுத்தலுக்கும் வித்தியாசப்படுத்தத் தெரியாது!

டான் ஜோஸப் கோவே என்ற ஆய்வாளர் மிஸ்டிக் கூல் (Don Joseph Goeway – Mystic Cool) என்ற புத்தகத்தை எழுதியுள்ளார். மன அழுத்தத்தை நிச்சயமாகப் போக்கும் வழி ஒன்றை அவர் கூறுகிறார். அத்துடன் மூளை ஆற்றலை தேவையான அளவு பயன்படுத்த முடியும் என்றும் படைப்பாற்றல் திறனை எவ்வளவு முடியுமோ அவ்வளவு அதிகப்படுத்த முடியும் என்றும் அவர் அடித்துக் கூறுகிறார்.

ஸ்டான்போர்டில் உள்ள உளவியல் பிரிவில் அவர் குழந்தைகளை இழந்த பல பெற்றோர்களைச் சந்தித்து அவர்களுக்கு ஆறுதல் கூறியிருக்கிறார்; ஆயுள் தண்டனை பெற்ற சிறைக்கைதிகளுக்கு உதவியுள்ளார்ல் போஸ்னியா போரில் அகதிகளாக்கப்பட்டோருக்கு அந்த போர் தந்த உளவியல் ரீதியான பிரச்சினைகளிலிருந்து மீள உதவியுள்ளார்.

அவரது பணி இதற்கு முன்பு ஒருபோதும் நடந்திராத ஒன்று. அவர் பயம் தரும் எண்ணங்களை அறவே அகற்ற எளிமையான, உடனடியாகப் பின்பற்றக் கூடிய வழிகளை உருவாக்கியுள்ளார். அதை அவர் ‘க்ளியர் பட்டன் என்று பெயரிட்டிருக்கிறார். மூளையில் பயம் இருக்கும் பகுதியிலிருந்து அகற்றுவது தான் அவர் வழி!

அந்த வழி இது தான்:-

உங்கள் இடது உள்ளங்கையில் ஒரு பட்டன் இருப்பதாக கற்பனை செய்து கொள்ளுங்கள். இந்த பட்டனை அமுக்கும்போது அது மூளைக்கு ஒரு சிக்னலை அனுப்பி பயம் தரும் எண்ணங்களை நிறுத்தி விடுவதாக கற்பனை செய்து கொள்ளுங்கள். வலது கையினால் பட்டனை அழுத்தி நீங்கள் சுவாசிப்பதை நன்கு கவனியுங்கள்.

ஒவ்வொரு பட்டனுக்கும் ஒவ்வொரு வண்ணத்தை கற்பனை செய்யுங்கள். மூன்று முறை இப்படி சுவாசத்தை விடுங்கள்.

சுவாசத்தை வெளிவிடும் சமயம் மிக ஓய்வாக இருங்கள்.

(அடுத்த கட்டுரையுடன் நிறைவுறும்)

tags- புன்னகை, மனதின் , அபூர்வமான சக்தி! – 1,உருவகக் காட்சி

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: