வைரஸ் கிருமியைக் கொல்ல மணத்தக்காளி; விஞ்ஞானிகள் அறிவிப்பு (8620)

WRITTEN BY LONDON SWAMINATHAN

Post No. 8620

Date uploaded in London – –3 SEPTEMBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

வைரஸ் கிருமியைக் கொல்ல மணத்தக்காளி; விஞ்ஞானிகள் அறிவிப்பு (Post No.8620)

இரண்டு சுவையான, பயனுள்ள செய்திகள் செப்டம்பர் முதல் இரண்டு தேதிகளில் வந்துள்ளன.

சீன வைரஸ் எனப்படும் கொரோல்லா (COVID-19) வைரஸை ஒழிக்க  மணத் தக்காளி, மணித் தக்காளி , மிளகுத் தக்காளி என்று அழைக்கப்படும் தாவரம் உதவுமாம். இதை விஞ்ஞானிகள் அறிவித்துள்ளனர். மணத் தக்காளி பழத்தையும், காயவைத்த வற்றலையும் நாம் உபயோகப் படுத்துகிறோம். ஆயினும் இந்துக்கள் கண்ட இந்த அரிய தாவரத்தின் மஹிமை இப்போதுதான் தெரியவந்துள்ளது. ஆயுர்வேத, சித்த வைத்திய முறைகளில் நாம் தாவரத்தையே பயன்படுத்துவோம். ஆனால் இன்றைய விஞ்ஞானத்தில் அதிலுள்ள தேவையான ரசாயனத்தை மட்டும் எடுத்து மருந்தாக விற்கின்றனர் .

மணத் தக்காளி தாவரத்தை இந்தியில் ‘மகோய்’ (MAKOI) என்று அழைப்பர். இதிலுள்ள ஒரு ரசாயனம் , வைரஸ் கிருமிகள் இரட்டிப்பாவதைத் (duplication) தடுக்கிறது. பாக்ட்டீரியா, வைரஸ் கிருமிகள் 2 நான்காகும், 4 எட்டு ஆகும்,  8 பதினாறு ஆகும். இது மிக வேகத்தில் நடைபெறுவதால் நோய் பரவும். இதை மணத் தக்காளி/ மணித் தக்காளி கட்டுப்படுத்துகிறது.

இது பற்றிய முழு விவரமாவது–

டில்லி பார்மகியூட்டிகல் (மருந்தியல்), ரிஸர்ச் (ஆராய்ச்சி ) பல்கலைக் கழகம் (DELHI ) PHARMACEUTICAL AND RESEARCH UNIVERSITY  இதை அறிவித்துள்ளது. இந்த பல்கலைக்கழக ஆராய்ச்சியாளர்கள் டில்லியிலுள்ள ஆரவல்லி தாவர, மூலிகைப் பூங்காவுக்குப் (ARAVALLI BIO DIVERSITY PARK) போய் ஒவ்வொரு தாவரத்தையும் எடுத்து ஆராய்ந்தனர். மணத்தக்காளி அவர்களுக்கு நற்செய்தியைக் கொடுத்தது. எட்டு மூலிகைகளை மூலிகைப் பூங்கா அதிகாரி பேராசிரியர் பாபு எங்களுக்கு காட்டினார். அதில் மணத்தக்காளியிலுள்ள ரசாயனப் பொருட்கள் வைரஸ் கிருமியில் உள்ள ஏ ஸி ஈ (ACE) என்னும் என்ஸைமுடன் ஒட்டிக்கொண்டு அதைக் கட்டுப்படுத்துவதைக் கண்டோம். அந்த வைரஸ் இரட்டிப்பாவதையும் நோயை உண்டாக்குவதையும் தடுக்கிறது என்று பல்கலைக் கழக துணைவேந்தர் பேராசிரியர் ரமேஷ் கோயல் கூறினார்.

இதே நேரத்தில் தாவர ரசாயனப் (PHYTOCHEMICALS) பொருட்களைக் கொண்டு சீன வைரஸ் கிருமியை ஒழிக்கும் ஆராய்ச்சியில் சி.எஸ்.ஐ.ஆர் (CSIR) எனப்படும் அமைப்பும் ஈடுபட்டுள்ளதை அதன் டைரக்டர் சேகர் மான்டி அறிவித்தார்.

மணத்தக்காளியை தாவர இயல் கற்போர் SOLANUM NIGRUM ‘சொலானம் நைக்ரம் என்று அழைப்பர்.

******

தும்பங்காய் , பழுவக்காய்

மற்றொரு நற் செய்தி தும்பங்காய் , பழுவக்காய் , பழுப்பக் காய் (MOMORDICA DIOICA) என்று அழைக்கப்படும் காய்கறியாகும். இது கர்நாடகத்தில் பிராமணர்கள் அதிகம் உபயோகிக்கும் காய். குறிப்பாக சமயச் சடங்குகள், பண்டிகைகளில் பயன்படுத்துவர் . கர்நாடகத்தில் மழநாட்டுக்குப்பகுதியில் நிலம் உடைய ஒரு தம்பதியினர் பாக்கு மரம் வளர்த்துப் பொருளீட்டி வந்தனர். பாக்கு மரம் ஆண்டுக்கு ஒரு முறையே பலன் தரும். அதுவும் நோயால் தாக்கப்படலாம். ஆகையால் தும்பங்காய் (பழுவக்காய்) விவசாயத்தில் இறங்கினோம் . ஐந்தே மாதங்களில் 200 கிலோ விளைந்தது. ஏனெனில் இது இரண்டே மாதங்களில் பலன் தரும் கொடி வகை ஆகும். ஒவ்வொரு கிலோ காயும் 200 ரூபாய் வரை விலை போயிற்று என்று சங்கர மூர்த்தி என்ற விவசாயி சொன்னார்.

அது மட்டுமல்ல. இது திருப்பதி பாலாஜிக்கு மிகவும் பிடித்த காய். திருப்பதி உண்டியலில் காசு போட்டால் அது இறைவனுக்குப் போய்ச்  சேராது என்று கருதும் மக்கள் தும்பங்காய் , பழுவக்காய்  விதைகளை திருமலை வெங்கடாசலபதி உண்டியலில் போடுவார்கள்; அதை அங்குள்ள பட்டர்கள் அரைத்து பெருமாளுக்கு அதைத் திலகமாக இடுவர் என்றும் சங்கரமூர்த்தி செப்பினார் . இது போல தும்பங்காய் , பழுவக்காய் பற்றி கொங்கணி மக்களிடையே நிறைய நம்பிக்கைகள் உள .

இந்துமதம் இயற்கையோடு இயைந்த மதம் .

இந்தக் காய் பற்றி விக்கிபீடியா கூறும் தாவரவியல் செய்திகளையும் இணைத்துள்ளேன்:—

தும்பை (Momordica dioica) எனப்படுவது இந்தியாவிலும் இலங்கையிலும் மரக்கறியாகப் பயன்படுத்தப்படும் தாவர இனமொன்றாகும். தும்பங்காய் என்று இலங்கையில் அழைக்கப்படுகிறது. தமிழகத்தின் மேற்கு தொடர்ச்சி மலையோர கிராமங்களிலும், திருநெல்வேலி மாவட்டத்தில் அமைந்துள்ள சிவகிரி வட்டத்திற்குட்பட்ட ஆத்துவழி மலைபிரதேசங்களிலும் காணப்படுகிறது. [1] இக்காய்களை தமிழகத்தில் பழுப்பக்காய், அல்லது பழுவக்காய் என்று அழைக்கின்றனர். இதன் காய்கள் பொரிக்கவும், கறியாக்கவும் படுவதுடன் இறைச்சி அல்லது மீனுடன் சேர்த்தும் உணவாகக் கொள்ளப்படுகின்றன. இது துவர்ப்புச் சுவையுடன் இருக்கும். இக்காய் நீரிழிவு நோய் நோய்க்குச் சிறந்த மருந்தாகப் பயன்படுகிறது.

வேறு மொழி பெயர்கள்[தொகு]

tags — வைரஸ் கிருமி, மணத்தக்காளி,தும்பங்காய் , பழுவக்காய்

—— SUBHAM ——

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: