பெண்களே யோசியுங்கள்!!! எனக்கு பிடித்த கவிதைகள் – 4 (Post.9075)

WRITTEN  BY KATTUKKUTY

Post No. 9075

Date uploaded in London – – 25 DECEMBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

Kattukutty

(கோகுலம் கதிர் -2001 இதழ் மற்றும் பல பழைய இதழ்களில் வெளி வந்தவை)

சொல் பாரதி

ஜகத்தினை அழிக்கலாமா?

எனக்கு உணவில்லை?

xx

தேர்தல் திருவிழா!

முக்கிய அறிவிப்பு

திருடர்கள்

ஜாக்கிரதை!!!

xx

மற்றவர் வீடு கட்ட

ஜாதகம் பார்த்தார்

மரத்தடி ஜோஸ்யர்

xxx

குரங்கிலிருந்து மனிதன்

மனிதனிடமிருந்து

மதம் – ஜாதி

xxx

நடசத்திரக் கூட்டணியால்

நிலா ஆட்சி கவிழ்ப்போ?

அமாவாசை……

xxx

நடக்க விருப்பமின்றி

அந்தரத்தில் தொங்கும் சிலந்திக்கு

எதுக்கு எட்டு கால்கள்?

xxx

உப்பு கரித்து விட்டதால்

கடல் நீரை துப்பி

விட்டதோ வானம்?

xxx

கல் எறிந்தேன்

கைது செய்ய நீளுகிறது

குளத்தின் வளையங்கள்

Xxxx

எடுக்க எடுக்க

முளைக்கிறது

சாலையோரக் கடைகள்!!!

xxx

கட்டடங்கள் உயர

காணாமல் போனது

மரங்கள்…….

xxx

ஓட்டையாகுமோ

ஓசோன் மண்டலம்?

என் மனைவியின்

பெரு மூச்சால்?

xxx

நாற்பது ஆண்டுகளாய்

உழைத்தும் உயர வில்லை

உழைப்பாளிகளின் சிலை?

xxx

அவள் ஊரிலில்லை

தகவல் தந்தது

கோலமிடாத வாசல்!

xxx

வேலை நிறுத்தம்

குழப்பம் தான்

நின்று போன கடிகாரம்……

xxx

பிழைக்கத் தெரியாதவன்

என்ற முத்திரை

நேர்மையாளனான

என் முதுகில்!

xxx

தலையில் கிரீடம்

வீதியில் உணவு

குப்பையைக் கிளறும் சேவல்!

xxxx

யார் சொல்லுவார்

என் எதிர்காலம்?

ஆசைப்பட்டது கிளி…….

xxx

வெளியே இருந்து

சிரித்தது கொசு!

வலைக்குள் மனிதன்!

xxxx

கட்சி மாறி, கொடி மாற்றினான்

வெட்கத்தால் வண்ணம்

மாறியது கம்பம்……

xxx

தரையைத் தொடவில்லை

ஆல விழுதுகள்

கிள்ளி எறியும் கைகள்!

xxx

விதையொன்று போட்டோம்

சுரையொன்று முளைத்தது

சுதந்திரம்!

xxxx

கடவுள்

இருக்கிறாயோ இல்லையோ

உன்னை தேடுவதிலே ஒரு சுகம்

இருக்கின்றது……..

அந்த “சுகம்” ஒன்றே

உனது இருப்புக்கு

ஆதாரமாகின்றது !!!

xxx

பெண்களே யோசியுங்கள்!!!

பாரதி யோசித்தார்,

விடுதலை கவிகள் தோன்றியது!!!

காந்தி யோசித்தார்

ஆயுதங்கள் தாழ்ந்து

அமைதி தோன்றியது!!!

காமராஜர் யோசித்தார்

மதிய உணவு தோன்றியது!!!

பெண்களே நீங்கள் யோசியுங்கள்.

வரதட்சிணைப் பேய் ஒழியட்டும்,

சிசுக் கொலை ஒழியட்டும்,

ஆடைக் குறைப்பு ஒழியட்டும்.                செ.ஜின்னா,

பூலங்குடி

xxx

அம்மா எப்போது கேட்பேன் ………..

பெண்ணுடன் ஸ்நேகம் கொண்டால்

காதறுந்து போகும் என்றாய்

தவறுகள் செய்தால் சாமி

கண்ணைக் குத்தும் என்றாய்

தின்பதற்கு ஏதும் கேட்டால்

வயிற்றுக்கு கெடுதல் என்றாய்

ஒரு முறை தவிட்டுக்காக

வாங்கினேன் என்னை என்றாய்

எத்தனை பொய்கள்

என்னிடம் சொன்னாய் அம்மா

அத்தனை பொய்கள் சொன்ன நீ

எதனாலின்று நிறுத்திக் கொண்டாய்

தவறு மேல் தவறு செய்யும்

ஆற்றல் போய்விட்டதன்றா?

எனக்கினி பொய்கள் தேவை

இல்லை என்றெண்ணிணாயா?

அல்லது வயதானோர்க்குத்

தகுந்ததாய் பொய் சொல்லும்

பொறுப்பினி அரசாங்கத்தை

சார்ந்ததாக கருதினாயா?

தாய்பாலை நிறுத்தினார் போல

தாய் பொய்யை நிறுத்தலாமா?

உன் பிள்ளை உன்னை விட்டால்

வேறெங்கு பெறுவான் பொய்களை??? 

கவிஞர். ஞானக் கூத்தன்

Tags-  பெண்களே யோசியுங்கள்,  பிடித்த கவிதைகள் 4,

***

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: