காசி விஸ்வநாதர் கோவிலும் ஞானவாபி மசூதியும்! (Post.9777)

WRITTEN BY S NAGARAJAN

Post No. 9777

Date uploaded in London – –  –26 JUNE   2021     

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

if u want the article in word format, please write to us.

காசி விஸ்வநாதர் கோவிலும் ஞானவாபி மசூதியும்!

ச.நாகராஜன்

பாரத தேசம் ஹிந்து பூமி. ஆனால் செகுலரிஸம் என்ற பெயரில் இந்த பூமியின் ஜீவநாடியான ஹிந்து மதத்திற்கு இழைக்கப்பட்ட அநீதிகள் சொல்லுக்கு அப்பாற்பட்டது. எவ்வளவு தீங்கு இந்து மதம் அல்லாதவர்களால் இழைக்கப்பட்டதோ அதே அளவு அல்லது அதற்கு மீறிய அளவில் செகுலரிஸம் பேசும் போலி மதவாதிகளால் இழைக்கப்பட்டது, இழைக்கப்பட்டு வருகிறது என்பது சத்தியம். சத்தியம் தவற வேறல்ல.

காசி விஸ்வநாதர் கோவில் அழிக்கப்பட்டதைப் பற்றிச் சில தகவல்களை இங்கு பார்ப்போம்.

ஸ்வாமி ஈஷானந்த சரஸ்வதி அவர்கள் காசி விஸ்வநாதர் சரித்திரத்தை முழுவதுமாக ஆராய்ந்தவர். அவர் தரும் தகவல்கள் உண்மையானவை; ஹிந்துக்களுக்கு சொல்லொணா வருத்தத்தைத் தருபவை.

இந்த காசி விஸ்வநாதர் கோவில் அழிவைப் பற்றி நமது சரித்திர புத்தகங்கள் மூச்சு விடுவதில்லை. ஏன் அழிக்கப்பட்டது, எப்போது அழிக்கப்பட்டது, எப்படி அழிக்கப்பட்டது என்பதைப் பற்றிய ஒரு விவரமும் நம்மில் பெரும்பாலானோருக்கே தெரியாது; அப்படி இருக்க நமது குழந்தைகளுக்கு எப்படித் தெரிந்திருக்கப் போகிறது!

போகட்டும், வரலாற்றுப் பதிவிற்காக உண்மைகள் வெளியே சொல்லப்பட வேண்டும். விஸ்வநாதர் அருளால் கோவில் புனரமைக்கப்பட வேண்டும்.

ஜெய் விஸ்வநாத்!

காசி விஸ்வநாதரைக் காக்க தங்கள் ரத்தத்தைச் சிந்தி பலியானவர்கள் நாக சந்யாசிகள்.

1664ஆம் ஆண்டு.

கொடுங்கோலன் ஔரங்கசீப்பின் படைகள் காசியை நோக்கிப் படையெடுத்து வந்தது. இதைத் தடுக்க முன்னணியில் இருந்தவர்கள் நாக சந்யாசிகள்.

அவர்களது நோக்கம் ஹிந்து தர்மத்தைக் காப்பது ஒன்றே. அதில் பல அம்சங்கள் உண்டு.

1)   கோவிலைக் காக்க வேண்டும்.

2)   ஞானவாபி புனித தீர்த்தத்தைக் காக்க வேண்டும்.

3)   ஹிந்துப் பெண்மணிகள் கற்பழிக்கப்படுவதைத் தடுக்க வேண்டும்.

4)   ஹிந்துக்கள் வலுக்கட்டாயமாக மதமாற்றப்படுவதைத் தடுக்க வேண்டும்.

5)   ஹிந்துக்கள் சொத்துக்களும், இதர உடைமைகளும் கொள்ளை போவதிலிருந்து தடுக்க வேண்டும்.

இன்ன பிற!

வரலாற்று ஆசிரியனான ஜேம்ஸ் ஜி. லொச்ட்ஃபெல்ட் (James G. Lochtefled) தனது புத்தகமான ‘தி இல்லஸ்ட்ரேடட் என்சைக்ளோபீடியா ஆஃப் ஹிந்துயிஸம்’   முதல் தொகுதியில் (The Illustrated Encyclopeadia of Hinduism – Vlaume I) பல விவரங்களைத் தந்துள்ளார்.

அதே போல அமெரிக்க தத்துவ ஞானியான வில்லியம் அர்.பிஞ்ச் மற்றும் வில்லியம் ஏ. காம் (William R.Pinch and William A. Gam) எழுதியுள்ள புத்தகமான ‘சோல்ஜர் மாங்க்ஸ் அண்ட் மிலிடண்ட் சாதுஸ்’ (Solddier Monks and Militant Sadhus”) என்ற புத்தகத்தில் பல விவரங்களைத் தந்துள்ளனர்.

இவர் பின்னால் ஒரு ஹிந்து சந்யாசி ஆனார். தனது பெயரை நாக பாபா ராம் பூரி என்று வைத்துக் கொண்டார். இதை ‘ஆடோபயோகிராபி ஆஃப் சாது: ஏ ஜர்னி இன் து மிஸ்டிக் இந்தியா’ (Autobiography of Sadhu : A journey into Mystic India)  என்ற நூலில் காணலாம்.

1664 முதல் 1669 முடிய ஔரங்கசீப்புக்கும் நாக சந்யாசிகளுக்கும் நடந்த மிக உக்கிரமான போர் பற்றிய விவரங்களை இதில் காணலாம்.

காசி விஸ்வநாதர் கோவிலை அழிக்க தனது படைத்தளபதிகள் தலைமையில் மிகப் பெரும் படை ஒன்றை ஔரங்கசீப் அனுப்பினான். கோவிலை அழித்து அந்த இடத்தில் ஒரு மசூதி கட்ட வேண்டும் என்பது அவனது கட்டளை. சில வரலாற்று ஆசிரியர்கள் ஔரங்கசீப்பும் கூட படையில் இருந்ததாகத் தெரிவிக்கின்றனர்.

 மஹா நிர்வாண் அகாரா சந்யாசிகள் கொடுங்கோலனின் படையை எதிர்க்கத் தயார் ஆயினர். 1664இல் இரத்தம் சிந்தத் துவங்கியது. 2000 நாக சந்யாசிகள் தங்கள் இன்னுயிரைத் தியாகம் செய்தனர். ஆனால் 1000 முதல் 15000 வரை ஔரங்கசீப்பின் வீரர்கள் கொல்லப்பட்டனர். அந்தப் படையின் தலைமைத் தளபதியும் கொல்லப்பட்டான். ஏனைய படைவீரர்கள் உயிர் பிழைக்கத் தப்பி ஓடினர்.

காசி விஸ்வநாதர் கோவில் காப்பாற்றப்பட்டது. ஹிந்துப் பெண்மணிகளும் காப்பாற்றப்பட்டனர்.

அடுத்த ஐந்து வருடங்களுக்கு ஔரங்கசீப் காசி பக்கமே தன் பார்வையைச் செலுத்தவில்லை.

1669 வந்தது. தனது சகாக்களுடனும் பகீர்களுடனும் கலந்தாலோசித்த ஔரங்கசீப் இன்னொரு தாக்குதலுக்குத் தயார் ஆனான்.

இந்த முறை ஒன்றைரை லட்சம் படை வீரர்கள் திரட்டப்பட்டனர். இதில் குதிரைப் படையே பெரும் பங்கை வகித்தது.

பெரும் படை காசியை நோக்கி வருகிறது என்பதை அறிந்து கொண்ட நாக சந்யாசிகள் காசியில் ஒன்று கூடினர்.

40000 நாக சந்யாசிகள் திரண்டனர். இவர்கள் அனைவரும் காலாட் படையினரே.

குதிரை வீரர்களுடன் இவர்கள் அதீத தீரத்துடன் சண்டையிட்டனர். போர் உக்கிரமாகப் பல நாட்கள் நடை பெற்றது. கடைசி நாக சந்யாசி உயிர் துறக்கும் வரை இந்தப் போர் நீடித்தது.

40000 நாக சந்யாசிகள் தீரத்துடன் உயிர் துறக்க ஔரங்கசீப்பின் படையிலோ 50000 வீரர்கள் கொல்லப்பட்டனர்.

இந்த விவரங்களை ஜதுநாத் சர்க்கார் (Jadunath Sarkar) எழுதிய “தி ஹிஸ்டரி ஆஃப் தாஸ்நாமி நாகா சந்யாசி’ (The History fo Dasnami Naga Sanyasi) என்ற நூலில் ‘தி வார் ஆஃப் ஞானவாபி’ (The War of Jnan Bapi) என்ற அத்தியாயத்தில் விரிவாகக் காணலாம்.

ஔரங்கசீப் காசி விஸ்வநாதர் கோவிலை அழித்தான். ஞானவாபி தீர்த்தம் (குளம்) அழிக்கப்பட்டது. அருகில் இருந்த பல கோவில்களும் தரை மட்டமாக்கப்பட்டன. கோவில் இருந்த இடத்தில் ஞானவாபி மசூதியை ஔரங்கசீப் எழுப்பினான்.

இந்த வரலாறைச் சொல்வது கூடாது; எழுதுவது கூடாது. ஏனெனில் அது செகுலரிசத்திற்கு எதிரானது. வரலாறு என்றாலும் கூட அது மறைக்கப்பட வேண்டும். – இதுவே ஹிந்து விரோத சக்திகளின் ஒரே நிலைப்பாடு.

ஆனால் காசி விஸ்வநாதர் கோவில் அழிக்கப்பட்டது மறைக்கப்படக் கூடியதும் அல்ல; மறக்கப்படக் கூடிய விஷயமும் அல்ல!

ஜெய் காசி விஸ்வநாத்!

 TAGS—- காசி விஸ்வநாதர்,கோவில், ஞானவாபி மசூதி, ஔரங்கசீப்,

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: