ஷீர்டி சாயிபாபா! – 3 (Post No.10,425

WRITTEN BY S NAGARAJAN
Post No. 10,425
Date uploaded in London – – 9 DECEMBER 2021

Contact – swami_48@yahoo.com
Pictures are taken from various sources for spreading knowledge;
this is a non- commercial blog. Thanks for your great pictures.
tamilandvedas.com, swamiindology.blogspot.com

ஷீர்டி சாயிபாபா! – 3

பாபா தொடர்ந்தார் :-
“இந்த ஸ்லோகம் எப்படி ஒரு சிஷ்யன் ‘மெய்யை” அனுபவத்தில் அறிய தன் குருவை
அணுக வேண்டும் என்பதை விளக்குகிறது..ஒரு சிஷ்யன் தனது உடல்,மனம்,ஆன்மா
ஆகிய மூன்றையும் முழுதுமாக அர்ப்பணித்து குருவை அணுக வேண்டும்.
இந்த முழு சமர்ப்பண நிலையுடன் நமஸ்காரம் செய்யப்பட வேண்டும். இதுவே ப்ரணிபாதம்!
அடுத்து குருவிடம் சாதாரணமாகக் கேள்வி கேட்பது மட்டும் போதாது. தேவையற்ற
கேள்விகளைக் கேட்கக் கூடாது. வெறும் ஆர்வத்தினால் எழப்பட்ட கேள்விகளாக அவைகள்
இருக்கக் கூடாது.தவறான அணுகுமுறை மூலம் அவை கேட்கப்படக் கூடாது. அவருடைய
பதிலில் என்ன தவறுகளைக் கண்டுபிடிக்கலாம் என்ற முறையற்ற தூண்டுதல் இருக்கக்
கூடாது. முன்னேற்றம் மற்றும் முக்தியை அடைவதற்காகக் கேள்வியின் நோக்கம் மிகத்
தூய்மையாக இருக்க வேண்டும்.மேலும் கேள்விகள் மீண்டும் மீண்டும் முழுப் பொருளையும்
உணரும் வரை கேட்கப்பட வேண்டும். (குடைந்து குடைந்து கேட்க வேண்டும்!) இதுவே
பரிப்ரஸ்னம்!!
அடுத்து சேவை என்பது வெறும் தொண்டு மட்டுமல்ல. நல்ல விளைவை ஒருவன் பெற
வேண்டுமானால் அவன் சேவையைச் செய்வதற்கும் அல்லது மறுப்பதற்கும் அலை பாயும்
எண்ணத்துடன் இருக்கக் கூடாது. தனது உடலின் எஜமானன், தான் என்ற உணர்வு அவனுக்கு
இருக்கக் கூடாது. அவனது உடல் குருவினுடையது. அவருக்குச் சேவை செய்வதற்கு
மட்டுமே அது இருக்கிறது என்ற எண்ணம் அவனுக்கு இருக்க வேண்டும்.
அடுத்து ஞானம் என்பது அனுபூதி பெறுதலாகும். அது சத் வஸ்து.அதை வாக்காலோ
அல்லது மனதாலோ அடைய முடியாது.ஆகவே குருவின் உபதேசம் கூட அஞ்ஞானம் தான்!
என்றாலும் கூட முள்ளை முள்ளால் எடுப்பது போல இந்த குருவின் உபதேசம் என்னும்
அஞ்ஞானம்  மற்ற எல்லா அஞ்ஞானத்தையும் போக்கித் திரையைத் தூக்கி ஆன்மாவைக்
காண்பிக்கும் இது இலேசில் நடக்கக் கூடிய காரியமல்ல. நீண்ட நெடுங்காலம் அஞ்ஞானத்தில் மூழ்கி இருந்ததால் ஜென்ம ஜென்மம் தோறும் தொடர்ந்து வந்த அது (மிக்க முயற்சியினாலேயே) நீக்கப்பட வேண்டும்.
நீண்ட விளக்கத்தைக் கூறிய பாபா நிறுத்தினார். நானாவும் அங்கிருந்த இதரரும் விக்கித்துப்
பிரமித்தனர். இதைத் தொடர்ந்து தினம்தோறும் பாபா பகவத்கீதையை நானாவிற்கும்
மற்றவருக்கும் விளக்கலானார்.


 
பாபா எப்படிப்பட்ட மகோன்னதமான ஞானஸ்தர்,சம்ஸ்கிருத பாஷா விற்பன்னர் என்பதை
அனைவரும் உணரும் வாய்ப்பாக இந்த சம்பவம் அமைந்தது. அத்தோடு சுமார் இருபது
லட்சம் வார்த்தைகளைக் கொண்டுள்ள மஹாபாரதத்தில் வியாஸர்  இரண்டு அட்சரங்களைக்
கூட வீணாகச் சேர்க்க மாட்டார் என்ற நம்பிக்கையைக் கொள்ள வேண்டும் என்று உலக
மக்களுக்கு இந்தச் சம்பவம் விளக்கியது. கணபதியையே பொருள் தெரிந்து எழுத வேண்டும்
என்று நிபந்தனை போட்ட வியாஸரின் சொற்கள் ஒவ்வொன்றும் ஆழமாயும் அர்த்தம்
உள்ளதாயும் இருக்கும் என்பதை அனைவரும் அறிந்து கொள்ள பாபா செய்த
அருள் நிகழ்ச்சி இது.
ஒரே ஒரு கீதை வார்த்தைக்கே இப்படி ஆழ்ந்த பொருள் இருப்பதை மஹான்கள் விளக்கம்
மூலமாக அறிய வேண்டி இருக்கிறது! முழு வேத, இதிஹாஸ புராணங்களையும் எப்படிப்
புரிந்து கொள்வது என்ற கேள்வி எழுவது இயல்பே!
இந்தக் கேள்விக்கு விடை இந்த ஸ்லோகத்திலேயே இருக்கிறது.
ப்ரணிபாதம், பரிப்ரஸ்னம், சேவை மூலமாகத் தான்!

ஒரு சமயம் அப்பா குல்கர்ணி என்ற பக்தர் பாபாவை அணுகி புராணங்கள் உண்மை தானா
என்று கேட்டார்.”ஆம்” என்றார் பாபா. ராமரும் கிருஷ்ணரும் கூட உண்மையில்
வாழ்ந்தவர்களா என்று மேலும் கேட்டார் அவர். ஆமாம்.அவர்கள் பெரும் மஹாத்மாக்கள்.
அவர்களே கடவுள்.!அவதாரங்கள்!” என்று பதில் கூறி பக்தர்களுக்கு இருந்த கொஞ்ச நஞ்ச
சந்தேகத்தையும் தீர்த்து வைத்தார் பாபா.

ஒரு முறை ஜுரத்தினால் பாபா அவஸ்தைப்படுவதைப் பார்த்த பக்தர்கள் திகைத்தனர்.
விஷ்ணு சஹஸ்ரநாம புத்தகத்தைக் கொண்டு வரச் சொல்லி அதைத் தன் மார்பின் மீது
பாபா வைத்துக் கொண்டார். சிறிது நேரத்தில் ஜூரம் போயிற்று. மஹாபாரதத்தில் இடம்
பெறும் விஷ்ணுசஹஸ்ரநாம மஹிமையை உலகினருக்கு உணர்த்த அவர் செய்த
அருள்விளையாடல் இது!

Sri Sai Baba’s Charters and Sayings என்ற நூலை பி.வி. நரசிம்ஹ ஸ்வாமி எழுதி
1944ஆம் ஆண்டு வெளியிட்டிருக்கிறார். அதில் பாபா கூறிய உபதேச உரைகளையும் அவர்
வாழ்வில் நிகழ்ந்த அற்புதங்களையும் 609 சிறு பகுதிகளாகத் தந்துள்ளார். அது தவிர ஸாயி
ஹரி கதா என்ற நான்கு பாகங்கள் கொண்ட புத்தகங்களையும் அவர் எழுதிப் பிரசுரித்துள்ளார்.
The Wondrous Saint Sri Sai Baba என்ற சிறு ஆங்கில நூலையும் அவ்ர் எழுதியுள்ளார். இந்த
புத்தகத்திற்கு copyright உரிமை கிடையாது. யார் வேண்டுமானாலும் இதை எடுத்துக்
கையாளலாம் என்று நூலில் குறிப்பிட்டிருப்பது அவரது பெருந்தன்மையையும் ஸாயி மீது
அவர் கொண்டிருந்த அளப்பரிய பக்தியையும் காண்பிக்கிறது.
ஸாயிபாபா தனது அவதார நோக்கத்தைத் தெளிவாகச் சொல்லி இருக்கிறார். தமது பூர்வ
பக்தர்களாகிய பக்தர்களைக் காப்பாற்றுவதற்காகவே தான் இந்த தேகத்தை எடுத்ததாகவும்
இந்த தேகத்தை விட்டாலும் கூட சூக்ஷ்ம ரூபியாக இருந்து அனைவரின் பிராத்தனையையும்
ஏற்று அனுக்ரஹிக்கப்ப் போவதாகவும் அவர் அணுக்க பக்தர்களிடம் தெரிவித்தார்.
தனது தேகத்தை விடப் போவதாக அவர் தனது நெருங்கிய பக்தர்களிட்ம் அறிவித்தார்.
அதன்படி 1918 அக்டோபர் 15ஆம் தேதி விஜயதசமி தினத்தன்று ஏகாதசி ஆரம்பித்த
பின்னர் தன் தேகத்தைத் துறந்தார்.
ஷீர்டியில் உள்ள அவரது சமாதியில் ஆயிரக்கணக்கான பக்தர்கள் இன்றும் அவரை வணங்கி
அவரது அனுக்ரஹத்தைப் பெற்று வருவது கண்கூடு.
மும்பையிலிருந்து ஷீர்டி 241 கிலோமீட்டர் தொலைவிலும், நாசிக்கிலிருந்து 88 கிலோ
மீட்டர் தொலைவிலும், அவுரங்காபாத்திலிருந்து 109 கிலோமீட்டர் தொலைவிலும்
புனேயிலிருந்து 187 கிலோமீட்டர் தொலைவிலும் அமைந்துள்ளது.

ஜெய் சாயி ராம்! நன்றி வணக்கம்

tags- ஷீர்டி சாயிபாபா – 3

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: