உலகின் தாயகம் இந்தியா! அறியுங்கள்! நேசியுங்கள்!!(Post.10,688)

WRITTEN BY S NAGARAJAN
Post No. 10,688
Date uploaded in London – – 25 FEBRUARY 2022

Contact – swami_48@yahoo.com
Pictures are taken from various sources for spreading knowledge;
this is a non- commercial blog. Thanks for your great pictures.
tamilandvedas.com, swamiindology.blogspot.com

உலகின் தாயகம் இந்தியா! அறியுங்கள்! நேசியுங்கள்!!
ச.நாகராஜன்

உலகின் தாயகம் இந்தியா என்பதை அறிந்து கொண்டு அதை நேசித்தவர்கள் ஏராளம்.
இவர்களுள் அந்நிய தேசத்தில் பிறந்து இதன் பால் ஈர்க்கப்பட்டோரும் ஏராளம்.
குறிப்பிடத்தகுந்தவர்களை நாம் அறிந்து கொண்டால் அவர்கள் ஏன் இந்தியாவை அவ்வளவு நேசித்தார்கள் என்பதை அறிந்து கொள்ள முடியும்.

சகோதரி நிவேதிதா

பத்தொன்பதாம் நூற்றாண்டின் இறுதியில் வாழ்ந்தவர் சகோதரி நிவேதிதா. இயற்பெயர் மார்கரட் நோபிள்.
அவர் ஸ்வாமி விவேகாநந்தரை தரிசித்தார். மிகப்பெரிய எழுத்தாளர்.ஆசிரியை. பத்திரிகையாளர். ஆன்மீகவாதி, மெய்ப்பொருளை நாடுவதில் நாட்டம் கொண்டவர். தன்னை இந்தியாவிற்கே அர்ப்பணித்தார். ஸ்வாமிஜியுடன் இந்தியாவிற்கே வந்தார்.
சிவனுக்குத் தன்னை அர்ப்பணித்து நிவேதிதா ஆனார்.
அவரது ‘Footfalls of Indian History’ மற்றும் ‘Web of Indian Life’ ஆகிய இரு புத்தகங்களும் ஒவ்வொரு இந்தியனும் படிக்க வேண்டிய புத்தகங்கள்!

ரோனால்ட் நிக்ஸன்
ஆயிரத்தி தொள்ளாயிரத்து இருபதுகளில் கேம்பிரிட்ஜ் அறிஞரான ரொனால்ட் நிக்ஸன் இந்திய தத்துவத்தின் பால் ஈர்க்கப்பட்டார். அவர் ஒரு விஞ்ஞானி. பொறியியல் வல்லுநர். தத்துவ வித்தகர். முதல் உலகப் போரில் RAF பைலட்டாக இருந்தவர். லக்னௌ பல்கலைக்கழகத்தில் ஆங்கில இலக்கியத்தைக் கற்பிக்கும் பேராசிரியராகப் பணி புரிய வந்தார். ஹிந்துத்வத்தின் பால் ஈர்க்கப்பட்ட அவர் கிருஷ்ணப்ரேம் ஆனார். அல்மோராவில் தன் ஆசிரமத்தை அமைத்துக் கொண்டார். அங்கேயே உயிர் துறந்தார்.

ஜேபிஎஸ் ஹால்டேன்

ஜேபிஎஸ் ஹால்டேன் ஒரு பெரிய உயிரியல் விஞ்ஞானி. மரபியலில் வல்லுநர். இந்திய தத்துவத்தின் பால் அளவிலா ஆர்வம் கொண்டார். இந்தியாவிற்கு வந்தார். ஆயிரத்தி தொள்ளாயிரத்து அறுபதுகளில் இந்தியக் குடிமகனாக ஆக விண்ணப்பித்தார். ஐம்பது ஆண்டுகள் வெட்டியாகக் கழித்தது போதும், இந்தியப் பண்பாட்டிலும் தத்துவத்திலும் ஈடுபாடு கொண்டதே பெருமை என்பது அவரது முடிவாக ஆனது. இங்கேயே உயிர் துறக்க விரும்பினார். அவரது இளமைக் கால ஹீரோ யார் தெரியுமா? ஹனுமார் தான்!

டேவிட் ஃப்ராலி

இன்றும் உயிருடன் வாழ்ந்து இந்தியத் தத்துவத்திற்குப் பெருமை சேர்க்கும் அமெரிக்கர் டேவிட் ஃப்ராலி. ஹிந்து தத்துவத்தில் அளவற்ற ஈடுபாடு கொண்ட அவர் வாமன சாஸ்திரியாக ஆனார். ஆயுர் வேத நிபுணராகவும் ஆனார் பாரத வரலாறு, பண்பாடு, தத்துவம் உள்ளிட்ட பலவற்றைப் பற்றியும் அழகுற பல நூல்களை எழுதினார். எழுதி வருகிறார்.

டாக்டர் டேவிஸ்
பிருந்தாவனில் உள்ள ராமகிருஷ்ண ஆஸ்ரமத்தில் ஏழ்மையான நிலையில் உள்ள நோயாளிகளுக்கு மருத்துவம் செய்தவர் டாக்டர் டேவிஸ். ஆஸ்ரமத்தில் ஒரு சிறிய அறை. அதில் ஒரு ஏர் கூலர். இந்த அறையில் தான் அவர் வசித்தார். ஆஸ்ரமத்தின் ஹாலில் ஒரு ஓரத்தில் ஒரு நாற்காலியில் உட்கார்ந்து தையானத்தில் ஆழ்ந்து விடுவார் – ஒவ்வொரு நாள் மாலையிலும்.

கனடாவில் தான் அவரது குடும்பம் இருந்தது. மூன்று வருடத்திற்கு ஒரு முறை அங்கு செல்வார். மற்ற நாட்களில் இந்தியாவில் தான் வசிப்பார்.

பிடே கிரிப்பித்ஸ் (Bide Griffiths)

இவர் ஆக்ஸ்போர்டைச் சேர்ந்த ஒரு அறிஞர். ஒப்பீட்டு இலக்கியத்தில் வல்லுநர். காவேரிக் கரையோரம் ஒரு ஆஸ்ரமம் அமைத்துக் கொண்டு சாந்திவனத்தில் வாழ்ந்தார். 35 ஆண்டு காலம் இங்கேயே இருந்து பின்னர் உயிர் துறந்தார். அவரது புத்தகங்கள் மிகவும் அருமையானவை.

மைக்கேல் டானினோ ( Michel Danino)

பிரான்ஸ் தேசத்தைச் சேர்ந்த அறிஞர் இவர். இந்தியாவை வசிப்பிடமாகத் தேர்ந்தெடுத்து வசிப்பவர். ஐந்து ஆண்டுகள் தீவிரமாக பாரத வரலாறு, கலாச்சாரத்தை ஆராய்ந்த இவர் அதன் மகத்துவத்தை உணர்ந்தார். இந்தியக் குடிமகனாக ஆனார். ஆங்கிலத்திலும் பிரெஞ்சு மொழியிலும் பல நூல்களை எழுதியுள்ளார். பாரதத்தின் உள்ளார்ந்த பண்பாட்டைப் பற்றி ஆசிரியர்களிடையேயும் மாணவர்களிடையேயும் நாடெங்கும் சென்று உரையாற்றுபவர் இவர்.

இப்படி ஏராளமான அறிஞர்கள், தத்துவ வித்தகர்கள் இன்றைய பாரதத்தில் தம் வாழ்வை அர்ப்பணித்து வாழ்ந்து வருகின்றனர்.

உலகின் தாயகம் இந்தியா என்பதை இவர்கள் அறிந்தது போல நாமும் அறிந்து பாரதத்தில் பிறந்து வாழ்வதைப் பெருமையாகக் கொள்ள வேண்டாமா?

இவர்கள் அனைவரையும் பற்றி ஷிதங்சு குமார் சக்ரபர்த்தி (Shitangshu Kumar Charaborty) கட்டுரைகளை எழுதியுள்ளார்.
அவரது கட்டுரையின் அடிப்படையிலேயே இந்தக் கட்டுரை எழுதப்பட்டுள்ளது.

அவருக்கு நமது நன்றி உரித்தாகுக!

நன்றி : Truth இதழ் 30-6-2006

tags- உலகின் ,தாயகம், இந்தியா,


Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: