சித் பூஜையும் மூர்த்தி பூஜையும்: சிவன் அருளுரை (Post No.10,698)

for siva pictures go to swamiindology.blogspot.com

WRITTEN BY S NAGARAJAN
Post No. 10,698
Date uploaded in London – – 28 FEBRUARY 2022

Contact – swami_48@yahoo.com
Pictures are taken from various sources for spreading knowledge;
this is a non- commercial blog. Thanks for your great pictures.
tamilandvedas.com, swamiindology.blogspot.com

யோக வாசிஷ்டம்
சித் பூஜையும் மூர்த்தி பூஜையும் : சிவபிரானின் அருளுரை!
ச.நாகராஜன்

யோக வாசிஷ்டத்தில் ஆறாவது பிரகரணமாக அமைவது நிர்வாண ப்ரகரணம்.
இது இரு பகுதிகளாக அமைக்கப்பட்டுள்ளது. முதல் பகுதியில் 128 அத்தியாயங்களும் இரண்டாவது பகுதியில் 216 அத்தியாயங்களும் ஆக மொத்தம் 344 அத்தியாயங்களை இந்த பிரகரணம் கொண்டுள்ளது.

முதல் ஐந்து பிரகரணங்களில் உள்ள அத்தியாயங்கள் மொத்தமே 330 தான். ஆனால் ஆறாவது பிரகரணம், அதில் மட்டுமே 344 அத்தியாயங்களைக் கொண்டுள்ளது.

இதில் பல சுவையான அதி அற்புதமான ரகசியங்கள் சிவபிரானால் வசிஷ்டருக்கு விளக்கப்படுகின்றன.

அவற்றில் ஒன்று சித் பூஜை மற்றும் மூர்த்தி பூஜை பற்றியது.
தேவபூஜை அதாவது இறை வழிபாடு இப்படி இரு வகைப்படுகிறது.

சித் பூஜை என்றால் என்ன?
இறைவனுக்கு உடல் ரீதியாக உருவமோ அல்லது மனோ ரீதியாக வடிவமோ இல்லை.
எப்படி ஒரு பொருள் ஆரம்பமோ அல்லது அந்தமோ இல்லாமல் சுயம் பிரகாசமாக இருக்க முடியும்?
நன்கு அறிந்தவர்கள் இறைவனை சித் என்பதாகவே உணர்கின்றனர்.
சித் என்பது தூய்மையான பிரக்ஞை. இதுவே இறுதியான மெய்ப்பொருள்.

இந்த சித் பூஜைக்கு மூன்று விதமான மலர்கள் உண்டு.
அவையாவன : போதம், சம்யமம், சமம். (Knowledge and understanding, Equality, Calmness of mind and tranquility)
போதம் என்றால் அறிவும் நன்கு புரிந்து கொள்ளுதலும் ஆகும்.
சம்யமம் என்றால் அனைவரையும் ஒன்று போல பாவிப்பது ஆகும்.
அடுத்து மன அமைதியுடன் எல்லையற்ற சாந்தியுடன் இருப்பது சம்யமம் ஆகும்.
இந்த மூன்று மலர்களை அர்ப்பணித்து சித்தை வழிபடுவது சித் பூஜையாகும்.
இதை விஷயம் அறிந்தவர்கள் ஆத்ம பூஜை விதானம் என்று கூறுகின்றனர்.

ஆனால் இன்னொரு விதமாக, இறைவனை மூர்த்தி வடிவமாக வழிபடுவது குழந்தைகள் பொம்மைகளை வைத்து விளையாடுவதை ஒக்கும்.
இந்த பிரபஞ்சமே பரமாத்மன்.பரம ஆகாசம்.
ஆகவே தான் கடவுளை தத், சத், ஓம் என்றெல்லாம் விதவிதமாகக் குறிப்பிடுகின்றனர்.
‘அவன்’ எங்குமுள்ளான். எப்போதும் உள்ளான். சித் என்பதுவே சதுர்புஜ விஷ்ணு. அதுவே சந்த்ரசேகரன். அதுவே ப்ரஹ்மா.

எல்லாமே சித் என்ற போதிலும் அதில் இரு அம்சங்கள் உள்ளன.
ஒன்று சலோன்முக்தம். அதாவது வைப்ரேஷன் எனப்படும் அதிர்வு மயம். இயக்கம்.
இன்னொன்று நிர்விகல்பம் அம்சம். என்றும் மாறாத, அடிப்படையான அம்சம்.

மனிதனாகப் பிறந்தவனுக்கு இந்த இரண்டு அம்சங்களும் உண்டு.
என்றும் நிலையாக இருப்பது மற்றும் மாறுவது.
நிர்விகல்பமானது ஒரு சங்கல்பத்தைக் கொள்ளும் போது அதாவது ஒரு ஆசையைக் கொள்ளும் போது அது இன்னொரு விதமாகத் தோற்றமளிக்கிறது.
இவற்றையெல்லாம் சிவபிரான் வசிஷ்டருக்குக் கூறி அருளுகிறார்.
இந்த நிர்விகல்பம் ஒரு சங்கல்பத்தைக் கொள்வதை, இருவித உதாரணங்கள் காட்டி வசிஷ்டருக்கு சிவபிரான் விளக்குகிறார்.

தூய்மையான பெண் ஒருத்தி தனது கணவனைத் தவிர இன்னொரு ஆணைப் பார்த்து பிரமிக்கலாம். அதனால் அவள் மனமானது ஒரு கோரமான முரண்பாட்டைக் கொண்டு இரு வித நிலையை அந்தக் கணத்தில் அடையலாம். அதே போல தூய்மையான ஆண் ஒருவன் கோபத்தின் வசம் ஆட்படும் போது அவன் கொடூரமாக இருக்கிறான்.

இந்த இரண்டு வித நிலைகளையும் எடுத்துக் கொண்டால் சாதாரணமாக இருப்பதிலிருந்து ஒரு க்ஷண காலம் வேறான ஒரு நிலை அடைவதைப் பார்க்க முடிகிறது.

அதே போலத் தான் சித்தானது ஒரு ஆசை வசப்படும் போது தன் தூய்மையான பிரக்ஞ்யை விட்டு விட்டு அது தன்னை ஒரு ஜடமாக, அசைவற்றதாக, பிரக்ஞை இல்லாததாகக் கற்பனை செய்து கொள்கிறது.

அது எதைக் கற்பனை செய்கிறதோ அதாகவே ஆகிறது. அதை வேறு ஒரு சக்தியும் மாற்றவில்லை.
ஆகவே தான் இந்த உலகமானது மனத்தின் தயாரிப்பு என்று சொல்லப்படுகிறது. (World is product of mind)
சித் என்ற தூய்மையான பிரக்ஞை, சித்தமாக அதாவது மனதாக ஆகி விடுகிறது.

சிவபிரான் இதை தண்ணீரானது ஐஸ்கட்டியாக ஆவதுடன் ஒப்பிட்டுக் காட்டுகிறார்.
தனது இயல்பான தன்மையை விட்டு விட்டு அது சுகம் துக்கம் இவற்றிற்கு ஆளாகிறது.
எப்போது ஒருவன் இந்த விதமாக ஆத்ம பூஜையை அறிந்து கொள்கிறானோ அப்போது அவன் மூர்த்தியை ஆவாஹனம் செய்யவும் தேவையில்லை; விஸர்ஜனம் செய்யவும் தேவையில்லை.

கடவுளை அழைக்கவும் தேவை இல்லை; அவனைத் திருப்பிச் செல்லுமாறு சொல்லவும் தேவை இல்லை.
‘அந்த: பூஜை’ எனப்படும் இந்த ‘உள் நோக்கிச் செய்யப்படும் பூஜை’ தியானத்திலிருந்து ஆரம்பிக்கப்படுகிறது. (அந்த: என்றால் உள் நோக்கி என்று அர்த்தம்)

பாக்யபூஜை எனப்படும் வெளிப்புறத்தில் செய்யப்படும் பூஜை போல அல்லாமல், இதை எந்த நேரத்திலும் எந்த இடத்திலிருந்தும் செய்யலாம்.
ஒவ்வொரு கணமும் கூடச் செய்யலாம்.
ஆத்ம பூஜைக்குத் தேவையானது மைத்ரி – அனைவருடனும் சிநேகம்.

அடுத்து உபேக்க்ஷா – தீங்கு செய்பவர்களிடமும் பிரக்ஞையுடன், வெறுபாடில்லாமல் இருப்பது.
அடுத்து கருணா – கருணை, துரதிர்ஷ்டம் கொண்டவர்களிடமும் கூடக் கருணை காட்டுவது
அடுத்து முதிதா – நல்ல நடத்தையுடன் இருப்பவர்களிடம் மகிழ்ச்சியுடன் இருப்பது.
இதைக் கேட்ட இராமர் மிகவும் மகிழ்ச்சி அடைந்தார்.
மேலும் பல விளக்கங்களை வசிஷ்டரிடம் ஆவலுடன் கேட்கத் தயாரானார்.

வசிஷ்டர் சிவபிரானிடம் பெறும் அருளுரை அற்புதமான இரகசியங்களை இப்படி விளக்குகிறது.


Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: