அறிவியல் வியக்கும் அங்க லட்சணம்! (Post No.10,811)

WRITTEN BY S NAGARAJAN

Post No. 10,811

Date uploaded in London – –     5 APRIL   2022         

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

IF U DONT SEE THE PICTURES HERE, GO TO MY OTHER BLOG, swamiindology.blogspot.com

அறிவியல் வியக்கும் அங்க லட்சணம்!

ச.நாகராஜன்

பேரழகியான ராஜகுமாரி ஒருத்தி நூறு சதவிகிதக் கற்பு விரதம் பூண்டவள்! கணவனைத் தவிர வேறு எந்த ஆணையும் பார்ப்பதில்லை என்ற சபதத்தை விவரம் தெரிந்த நாளில் எடுத்துக் கொண்டாள்.

பேரழகியாகத்தான் இருக்கட்டுமே, கன்னியைப் பார்க்காமல் எந்த ராஜகுமாரன் தான் மாலையிடுவான்?

ராஜாவிற்குக் கவலை மேலிட மந்திராலோசனை நடந்தது. மந்திரி ஒரு வழி சொன்னார்.

‘ராஜகுமாரி திரைக்குள் இருக்கட்டும். கால் விரல் நகத்தை மட்டும் காண்பிக்கட்டும்; மீதியை நான் பார்த்துக் கொள்கிறேன்’ என்றார் அவர்.

ராஜகுமாரியும் இணங்கினாள். எந்த ஆணையும் பார்க்க முடியாது என்ற அவள் கண்டிஷன் மீறாமல் ஓவியன் ஒருவன் அவள் கால் நகத்தை வைத்தே அவளது முழு உருவத்தையும் வரைந்து விட்டான்!

கதையல்ல இது, நமது தேசத்தில் நடந்த உண்மைச் சம்பவம் இது என்பார்கள்!

பேரரசன் திருமலை நாயக்கரின் மனைவி சிலையை சிற்பி செதுக்கும் போது சிலையின் தொடையில் மறைவிடத்தில் உளி செதுக்க, மச்சம் ஒன்று விழுந்தது.

சிற்பி திகைத்துப் போனான். ஆனால் சிலையை மேற்பார்வையிட வந்த அமைச்சரான

நீலகண்ட தீக்ஷிதர். ‘அதை அப்படியே விடுமாறு’ கூறினார்.

சந்தேகம் அடைந்த மன்னன் அவரை அவைக்கு அழைத்து வருமாறு சேனாதிபதிக்கு உத்தரவிட, பூஜை செய்து கொண்டிருந்த தீக்ஷிதர் வாசலில் சேனா வீரர்கள் வந்திருப்பதை அறிந்து கற்பூரத்தைத் தன் கண்களில் ஒற்றிக் கொண்டார்.

கண் பார்வை போனது.

‘அரசர் கொடுக்க நினைத்த தண்டனையை தானே தீக்ஷிதர் நிறைவேற்றிக் கொண்டார்’ என்று அரசரிடம் சொல்லுங்கள் என்றார் தீக்ஷிதர்.

அரசன் நடந்ததை அறிந்து திகைத்துப் போனான். அங்க லட்சணம் அறிந்த ஒருவர் அதை சுலபமாக ஊகிக்க முடியும் என்பதை அறிந்த அவன் தீக்ஷிதரின் மேன்மையையும் அறிவையும் உணர்ந்து அவரிடம் மன்னிப்புக் கேட்டுக் கொண்டான்.

அரச சேவையில் நாட்டமில்லாத அவர் அத்துடன் தன் அரச சேவையை முடித்துக் கொண்டார்.

இது நடந்த உண்மை வரலாறு!

இதெல்லாம் எப்படி சாத்தியம்? சாமுத்ரிகர் என்னு முனிவர் இதற்கு விடையைத் தருகிறார்!

“மனித உடல் அமைப்பில் அனைத்து உறுப்புக்களும் ஒன்றுக் கொன்று தொடர்பு கொண்டது. அதோடு அவரவர் உடல் அமைப்பு வாழ்க்கையோடு தொடர்புடையது’ என்று (உள்ளுணர்வால்) ‘கண்ட’ அவர் சாமுத்ரிகா லட்சண சாஸ்திரத்தை இயற்றினார்.

இன்னின்ன உடல் அவயவம் இன்னின்ன படி உள்ளோர் இப்படி இருப்பர் என்பதே அவரது நூல்.

அங்க அளவு, அமைப்புகள் சீராக இருப்பவர்களை லட்சணம் பொருந்தியவர்கள், வெற்றி அடைபவர்கள் என்று கூறுகிறார் சாமுத்ரிகர்.

இதையே மேற்கும் அறிவியல் ஆராய்ச்சிக்குப் பின்னர் இன்று ஒப்புக் கொள்கிறது!

வாழ்க்கையே உடலின் இரு பாதிகள் நடத்தும் விளையாட்டு!

இந்த விளையாட்டில் நல்ல முடிவுகள் வேண்டும் என்றால் இரண்டும் பொருத்தமுடையவையாக இருக்க வேண்டும் என்கின்றனர் விஞ்ஞானிகள்!

சீரான அங்க லட்சணங்கள் பொருந்தியவர்கள் ஆரோக்கியமாகவும் அதிக கவர்ச்சி உடையவர்களாகவும் இருக்கின்றனர். சீரற்ற அளவுள்ள அவயவங்கள் உள்ளோர் யாரையும் கவர்வதில்லை என்கிறது அறிவியல் ஆய்வு ஒன்று!

சீரான அங்கமுடைய ஆண்கள் அதிக பிள்ளைகளைப் பெறும் சக்தி உள்ளவர்கள்; சீரான அங்கமுடைய மங்கையர்க்கு மார்பக புற்று நோய் வருவது மிகக் குறைவு என்கிறது அறிவியல் ஆய்வு முடிவுகள்!

மான்செஸ்டர் பல்கலைக் கழகத்தைச் சேர்ந்த பிரபல பயாலஜிஸ்ட் ராபின் பேகர், “உடலின் சரியான அளவு விகிதம் லேசாக ஒதுக்கி விட முடியாதபடி அதிகம் அர்த்தமுள்ளது” என்கிறார்!

மனித மற்றும் மிருகங்கள் சீரை (Symmetry) விரிவாக ஆய்ந்த அவர்களின் ஆய்வு ஜெனிடிக் கொள்கையால் நாம் எப்படி ஆளப்படுகிறோம் என்பதை உறுதிப் படுத்துகிறது!

பந்தயக் குதிரை வேகத்திலிருந்து, மார்பகப் புற்று நோய் வரை சீராக இருப்பதற்கும் இவை அனைத்திற்குகே சம்பந்தம் உள்ளது என்கிறார் அவர்.

சின்னச் சின்ன சீரற்ற அவயவங்களை அளந்து விடுவதாலேயே ‘ஜெனிடிகல்  ஃபிட்னெஸ்’ எப்படி இருக்கிறது என்பதைக் கண்டுவிடலாம் என்கிறது அவரது ஆய்வு முடிவு!

மனித நடத்தைகள் பற்றி சில வருடங்களுக்கு முன்பு வியன்னாவில் நடந்த மாநாட்டில் பேசிய போது அவர் சாமுத்ரிகா லட்சணம் சரியாக அமையப் பெற்றால் ஏற்படும் நலன்களை விவரித்தார்.

அவரது பெரிய ஆராய்ச்சிக் குழு சுட்டுவிரல் நீளம், மணிக்கட்டு, முழங்கை ஆகியவற்றை உடலின் இருபுறமும் அளவெடுத்தது.

சரியான, சீரான அளவு இருபுறமும் உள்ளவர்களின் செக்ஸ் உணர்வு, செய்கைகளும் பரிசோதிக்கப்பட்டன.

சீரான அவயவம் உள்ளவர்களே செக்ஸ் உறவில் அதிக உயிரணுக்களை வெளிப்படுத்துகிறார்கள் என்று பேகர் விவரித்தார்.

சீரான அவயவம் உடையோரையே பரஸ்பரம் ஆண், பெண் இருவரும் – ரதியை மன்மதன் விரும்புவது போல – அதிகம் விரும்புகின்றனர்!

அது மட்டுமின்றி, இப்படிப்பட்ட ஆண்களுக்கு இதய நோய் அதிகம் வருவதில்லை என்றும் கூறும் அவர், இந்த ஆய்வின் முக்கிய முடிவையும் கூறினார்.

ஆச்சரியமாக உள்ள அந்த விஷயம் இது தான்!

சீரான் உடல் பற்றிய அறிவியல் ஆய்வு, இந்த அவயவங்கள் முழுவதையும் ஒரே ஒரு ஜீன் மட்டுமே நிர்ணயிக்கிறது என்கிறது!

மனிதனின் இரு பாதிகளும் சீராக இருப்பவரே வெற்றிகரமாகச் செயலாற்ற முடியும் என்ற முடிவு தெரிந்த பின்னர் நமது வேலை சுலபம் தானே!

ஒரு ஸ்கேலை எடுத்து அளக்க ஆரம்பிக்க வேண்டியது தான்! – பாரத தேச முனிவரின் பெருமையை எண்ணிப் பாராட்டியவாறே!!

***

Tags- சாமுத்ரிகா லட்சணம் ,அங்க லட்சணம், நீலகண்ட தீக்ஷிதர் ,திருமலை நாயக்கர்

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: