அறிவியல் அறிஞர் வாழ்வில்!-10 (Post No.11,283)

WRITTEN BY S NAGARAJAN

Post No. 11,283

Date uploaded in London – –    21 SEPTEMBER 2022                  

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

அறிவியல் அறிஞர் வாழ்வில்!  10

ச.நாகராஜன்

19

ஆவி உலகத்தை ஆராய்ந்த விஞ்ஞானி வாலஸ்!

ஆல்ஃப்ரட் ரஸ்ஸல் வாலஸ் (Alfred Russel Wallace பிறப்பு 8-1-1823 மறைவு 7-11-1913) பரிணாமக் கொள்கையைக் கண்டுபிடித்ததில் முக்கியமான விஞ்ஞானி. இவர் சார்லஸ் டார்வினின் சம காலத்தவர். பெரிய விஞ்ஞானியாகத் திகழ்ந்ததோடு இவர் ஆவி உலகத்தில் அதிக நம்பிக்கை கொண்டவராகவும் இருந்தார். வியக்க வைக்கும் பல அனுபவங்களையும் பெற்றார்.

1869ஆம் ஆண்டு வாலஸை அவரது நண்பரான ராபர்ட் சேம்பர்ஸ் (Robert Chambers) என்பவர், மிகப் பணக்காரப் பெண்மணீயான மிஸ் டக்ளஸுக்கு  (Miss Douglas) அறிமுகப்படுத்தி வைத்தார்.

மிஸ் டக்ளஸ் ஆவி உலகத் தொடர்பில் ஆர்வம் உள்ளவர். லண்டனில் சவுத் அட்லி தெருவில் உள்ள அவரது வீட்டில் இப்படி ஆவி உலக சம்பாஷணைகள் அடிக்கடி நடைபெறும்.

ஒரு நாள் நடைபெற்ற சம்பவம் இது:

ஹாஸ்க்ஸ்பி (Haxby) என்ற ஒரு இளைஞர் தபால் அலுவலகத்தில் வேலை பார்ப்பவர். அவர் ஒரு சிறந்த மீடியம் – ஆவிகளுடன் பேசுபவர்.

ஒரு நாள் ஆவி ஒன்றிற்கு அழைப்பு விடுவிக்கப்பட்டது. சில நிமிடங்களில் திரைச்சீலை நடுவிலிருந்து தலைப்பாகையுடன் பெரிய டர்பன் அணிந்து வெள்ளை வெளேரென செருப்பு அணிந்த கிழக்கு இந்தியாவைச் சேர்ந்த ஒரு பெரிய உருவம் தோன்றியது. அந்த அறையில் அங்கும் இங்கும் அது சென்றது. சுற்றிச் சுற்றிப் போகின்ற போது பெரிய இசைப்பெட்டியைத் தூக்கியது. தலைக்கு மேல் வைத்துக் கொண்டு ஆடியது. ஒவ்வொருவர் அருகிலும் வந்து வணங்கியது. தனது ஆடைகளையும் கையையும் தொட்டுப் பார்க்கவும் அனுமதித்தது.

அனைவரும் அந்த உருவத்தை கதவு அருகில் நிற்கச் சொன்னார்கள். அந்த உருவத்தின் உயரம் குறிக்கப்பட்டது.

பின்னர் ஹென்ஸ்லீ வெட்ஜ்வுட் (Hensleigh Wedgwood) என்பவர் செருப்பை அளக்கும் ஒரு ஸ்கேலை எடுத்துக் கொண்டு வந்து அந்த உருவத்தை ஒரு நாற்காலியில் அமரச் செய்து செருப்பைக் கழட்டி விட்டு அதன் காலைச் சுற்றி மார்க் செய்தார்.

நெடு நேரம் பேசிய பின்னர் அந்த ஆவி அங்கிருந்து சென்றது.

உடனே அனைவரும் ஆவியுடன் பேசிய மீடியமான ஹாக்ஸ்பியை உட்காரச் சொல்லி அவரது காலைச் சுற்றி மார்க் செய்தனர்.

ஆவியின் காலடிச் சுவடு அளவானது மீடியமாக இருந்த ஹாக்ஸ்பியின் காலடி அளவை விட ஒன்றே கால் அங்குலம் அதிகமாக இருந்ததைக் கண்டு அனைவரும் அதிசயித்தனர்.

அதே போல கதவருகில் குறிக்கப்பட்ட உயரமானது மீடியமான ஹாக்ஸ்பியின் உயரத்தை விட ஆறு அங்குலம் அதிகமாக இருந்தது.

அறையின் கதவும் ஜன்னலும் நன்றாக மூடப்பட்டு தாழ்ப்பாள் போடப்பட்டிருந்தது.

இவை அனைத்தும் அந்த ஆவி உலகப் பேச்சு உண்மை தான் என்பதை நிரூபித்தது.

என்றாலும் கூட விஞ்ஞானியாக இருக்கும் வாலஸ் இதையெல்லாம் நம்பக் கூடாது என்று அவரது நண்பர்கள் பலர் கூறினார்கள். ஆனால் வாலஸோ தன் நம்பிக்கையில் உறுதியாக இருந்தார். அவர் எழுதிய தி ஸயிண்டிஃபிக் ஆஸ்பெக்ட் ஆஃப் தி சூப்பர்நேச்சுரல்’ (The Scientific Aspect of the Supernatural) என்ற புத்தகம் புகழ்பெற்ற ஒரு நூல்!

20 

மனதில் கேட்ட கேள்விகளுக்கு விடையைப் பெற்ற விஞ்ஞானி!

 ஆவி உலகம் என்று ஒன்று உண்டு; ஆவிகளுடன் தொடர்பு கொள்ளலாம் என நம்பிய விஞ்ஞானிகளில் குறிப்பிடத்தகுந்த பலரில் ஒருவர் செயிண்ட் ஜார்ஜ் ஜாக்ஸன் மிவார்ட்! (St. George Jackson Mivart பிறப்பு 30-11-1827 மறைவு 1-4-1900). லண்டனில் பிறந்து வளர்ந்த இவர் ஒரு உயிரியல் நிபுணர். இறை நம்பிக்கை உடையவர்.

மிவார்ட், ‘தி ஸயிண்டிஃபிக் ஆஸ்பெக்ட் ஆஃப் தி சூப்பர்நேச்சுரல்’ (The Scientific Aspect of the Supernatural) என்ற புத்தகத்தை எழுதிய விஞ்ஞானி வாலஸின் நண்பர். அந்த நூலை ரசித்துப் படித்தவர்.

இந்தப் புத்தகத்தால் கவரப்பட்ட அவர் தானே ஆவி உலக ஆராய்ச்சியில் ஈடுபடலானார்.

1878ஆம் ஆண்டு, குளிர்காலம். இடம் : இத்தாலியில் உள்ள நேபிள்ஸ் நகரம்.

வாலஸுக்குத் தெரிந்த திருமதி குப்பி ( Mrs Guppy) என்ற ஒரு மீடியம் தனது கணவருடன் அங்கு வாழ்ந்து வந்தார்.

குப்பிக்கு வாலஸ் தனது நண்பரான மிவார்ட் பற்றிய அறிமுகக் கடிதம் ஒன்றையும் கொடுத்து அனுப்பி இருந்தார்.

மிவார்ட் மூன்று முறை குப்பியுடன் ஆவி உலகத் தொடர்பைக் கொண்டார்.

முதல் முறையில் மிவார்ட் பல கேள்விகளை தன் மனதிற்குள் கேட்டுக் கொண்டார். அதற்கான விடைகளை ஆவி உலகிலிருந்து பெற்றார். இது வெகுவாக அவரை ஆச்சரியப்படுத்தியது.

இன்னொரு முறை இந்த ஆவி உலகத் தொடர்பு ஒரு இருட்டறையில் நடைபெற்றது. திடீரென்று அந்த அறையில் மர்மமான முறையில் மலர்கள் தோன்றின.

வாலஸுக்கு எழுதிய கடிதத்தில் மிவார்ட் எழுதினார் இப்படி: “அறைக் கதவு மூடி இருந்தது. அறை நன்றாக சோதனை செய்யப்பட்டிருந்தது. போதுமான முன்னெச்சரிக்கை நடவடிக்கைகள் மேற்கொள்ளப்பட்டிருந்தன. நான் ஆச்சரியமே படவில்லை. ஏனெனில் உங்களிடமிருந்தும் மற்றவர்களிடமிருந்தும் இது பற்றி நிறையக் கேள்விப்பட்டிருக்கிறேன். இந்த நிகழ்வு என்னை வெகுவாகத் திருப்திப்படுத்தியது. ஒரே ஒரு தரம் பார்த்த உண்மை நூறு தடவை பார்த்ததற்குச் சமம்!”

இந்தக் கடிதத்தில் மிவார்ட் தனது பல முடிவுகளை வாலஸுக்குத் தெரியப்படுத்தி இருந்தார்.

அவற்றில் முக்கியமானவை :

“1) எனக்கு இதுவரை தெரியாத,  புலன்கள் மூலமாக உணரத்தக்க பல பொருள்களை எடுத்துச் செல்லும் ஒரு புது சக்தியைப் பார்த்தேன்.

2) நேரில் உதவும் உதவியாளர்களைத் தவிர்த்து அப்படி இல்லாமல் தானே பலவற்றைச் செய்யும் ஒரு அறிவையும் பார்த்தேன்.

3) இந்த ஆவி உலகத் தொடர்பு நிகழ்வுகளில் எனது மனதில் உள்ளதை அறியக் கூடிய ஒரு அறிவார்ந்த சக்தியும் தன்னை எனக்குக் காட்டியது.

சில வருடங்களுக்குப் பிறகு மிவார்ட் பிரான்ஸில் உள்ள லூர்தூஸுக்கு சென்றார். அங்கு நிகழும் கன்னி மேரி நிகழ்த்தும் அற்புதங்களையும் ஆராய ஆரம்பித்தார்.

21

காயத்ரி மந்திரத்தின் பெருமையைக் கூறிய விஞ்ஞானி

இந்திய நாட்டைப் பெரிதும் மதித்து நேசித்த பெரிய விஞ்ஞானி ஜே.பி.ஹால்டேன் (J.B.Haldane பிறப்பு 5-11-1892 மறைவு 1-12-1964).

இங்கிலாந்தில் ஆக்ஸ்போர்டில் பிறந்தவர் ஹால்டேன். ஜாக் என்ற செல்லப் பெயரால் அனைவராலும் அறியப்பட்டவர்.

அவர் உயிரியலில் வல்லுநர். தாவர இயலில் பெரிதும் ஈர்க்கப்பட்டு அதில் தீவிர ஆய்வில் ஈடுபட்டார். 1917ஆம் ஆண்டு முதல் தடவையாக இந்தியாவுக்கு வந்த அவர் இந்தியப் பண்பாடு, ஹிந்து மதம், இந்திய வாழ்க்கை முறை ஆகியவற்றால் பெரிதும் கவரப்பட்டார். இந்தியாவிற்கே போக வேண்டும் என்று அடிக்கடி சொல்லிக் கொண்டிருப்பார்.

லண்டன் யுனிவர்ஸிடி காலேஜிலிருந்து தனது பதவியை விட்டு விட்டு 1957ஆம் ஆண்டு இந்தியா வந்த அவர் 1964 ஆம் ஆண்டு புவனேஸ்வரில் காலமாகும் வரை இந்தியாவிலேயே இருந்தார்.

பிரிட்டனின் அரசியல் கொள்கைகள் அவருக்குப் பிடிக்கவில்லை. உலகெங்கும் பல்வேறு அறிவியல் நிகழ்ச்சிகளில் அவர் கலந்து கொள்ளும் போது கிரேக்க லத்தீன் மொழிகளிலிருந்து மேற்கோள்களைச் சுட்டிக் காட்டுவது போல, இந்திய மொழிகளில் உள்ள இலக்கியத்திலிருந்து அனாயசமாக மேற்கோள்களை எடுத்து அள்ளி வீசுவார். கொல்கத்தாவில் ஸ்டாடிஸ்டிகல் இன்ஸ்டிடியூட்டில் அவருக்கு பணியாற்ற அழைப்பு வரவே அங்கு அவர் வந்தார்.

400 ஆய்வு பேப்பர்களையும் 24 புத்தகங்களையும் படைத்த அவர், “ஹிந்து  மதம் ஒரு அறிவியல் அணுகுமுறையைக் கொண்டிருப்பது இந்தியர்களுக்கு ஒரு பெரிய வரபிரசாதமாகும்” என்று குறிப்பிட்டார்.

காயத்ரி மந்திரம் பற்றி அடுத்து அவர் சொன்ன கருத்து இந்து மதத்திற்கே பெருமை தரும் ஒன்றாகும்.

“காயத்ரி மந்திரத்தை ஓதுவது புவி, காற்று, வான் ஆகியவை பெருமை வாய்ந்தவை என்பதை நினைவுபடுத்துவதாகும். அவை பற்றி மிகுந்த சக்தியுடன் ஒவ்வொருவரும் நினைக்க வேண்டும். நூற்றுக்கு ஒருவர் இதை ஓதினால் கூட போதும், இந்தியா அறிவியலில் உலகிற்கே தலைமை வகித்து நடத்தும்”

(Hinduism enjoins a scientific attitude and this is a great advantage for Indians in their approach to science. The repetition of Gayatri Mantra reminds one that earth, air, and sky are a glory and that it is one’s duty to think about them to the utmost of his power. If one out of hundred persons who repeat it would do the same, India would lead the world in science.

Science and the Enquiring Mind’, ‘The Hindustan Times’, May, 18, 1956)

காயத்ரி மந்திரம் பற்றி அவர் கூறிய பொன்மொழி :-

The Gayatri Mantra should be carved on the doors of every laboratory of the world“.

“காயத்ரி மந்திரம் உலகில் உள்ள ஒவ்வொரு லாபரட்டரியின் கதவுகளில் பொறிக்கப்பட வேண்டும்.”

***

புத்தக அறிமுகம் – 63

வெற்றிக்கலை!

நூலில் உள்ள அத்தியாயங்கள்

1.வெற்றிக்கலை

 2.குறிக்கோள்

 3.நம்பிக்கை

 4.உற்சாகமே உயிர்

 5.மலர்ச்சி, மகிழ்ச்சி

 6.இனிமையான ஆளுமை

 7.ஒத்துழைப்பு

 8.சேமிப்பு

 9.கற்பனை வளம், மூளையின் நுட்பம்

10.ஒருமுனைப்படுத்தல்

11.சுயயோசனை

12.தலைமைப்பண்பு

13.தோல்வியில் துவளாமை

14.தன்னடக்கம்

15.ஆக்கபூர்வமான சிந்தனை

16.சரியான முடிவு எடுத்தல்

17.உடல் நலமும், ஓய்வும்

18.இறை நம்பிக்கை

19.பிரார்த்தனையின் வலிமை

20.ஊதியத்திற்கு மேல் உழைத்தல்

21.சகிப்புத்தன்மை

22.நேரத்தைப் பயன்படுத்தல்

23.நேரத்தைப் பயன்படுத்தல் -2

24.மறத்தலும், மன்னித்தலும்

25.வெற்றிக்கு உற்ற துணை

26.முடிவுரை

27.படிக்க வேண்டிய நூல்களின் பட்டியல்

*

நூல் பற்றிய சிறு குறிப்பு இது :

வெற்றி என்பது என்ன? அதை அடைவதற்கான வழிமுறைகள் என்னென்ன என்பனவற்றை விளக்கும் நூல்! குறிக்கோளை நிச்சயிப்பது, தன்னம்பிக்கை, உற்சாகம், ஊதியத்திற்கு மேல் உழைப்பது, பிரார்த்தனையின் மகிமை என வெற்றியை அடைவதற்கான வழிமுறைகள பல்வேறு அத்தியாயங்களில் எளிய தமிழில் கூறுகிறது இந்நூல். ஏராளமான செயல்முறை உத்திகளும் நூலில் இடம்பெற்றுள்ளன. பெரியோர்களின் வாழ்க்கையில் நிகழ்ந்த அருமையான நிகழ்ச்சிகளைக் குறிப்பிடுவதன் மூலம் உத்வேகத்தையும் ஊட்டுகிறார் ஆசிரியர்.

இந்த நூலுக்கு முன்னுரை வழங்கி கௌரவித்திருப்பவர்

பிரபல டைரக்டரும் கதாசிரியரும் பாக்யா இதழின் ஆசிரியருமான திரு கே.பாக்யராஜ் அவர்கள்.

அவர் தனது முன்னுரையில், வெற்றி ரகசியத்தை வெளியிடக் கூட விருப்பமின்றி அல்லது நேரமின்றி வெற்றி பெற்றவர்கள் மும்முரமாகச் செயலாற்றிக் கொண்டிருக்கும்பொழுது இந்த நூலாசிரியர் அதை இப்படிப் பிறருக்கும் பயன்படும் வகையில் சீராகவும் சிறப்பாகவும் வெளியிட்டிருப்பதைப் பாராட்டுகிறார். 

*

இந்த நூல் திருமதி நிர்மலா ராஜூ அவர்களால் அவரது www.nilacharal.com மூலமாக வெளியிடப்பட்டுள்ளது. இதை (EBOOK) டிஜிடல் வடிவமாகப் பெற விரும்புவோர் www.nilacharal.com இணையதளத்தில் EBOOKS என்ற பகுதியில் AUTHOR-ஐ தேர்ந்தெடுத்தால் எழுத்தாளர் பகுதியில் ச.நாகராஜன் (61) என்ற பெயரைக் காணலாம்.

அங்கு சொடுக்கினால் ச.நாகராஜன் எழுதிய 61 புத்தகங்களின் விவரத்தைக் காண முடியும். வெற்றிக்கலை நூலைப் பற்றிய  சிறுகுறிப்பு, விலை விவரத்தைக் காணலாம்; அதை வாங்கலாம்.

Singapore, National Library இல் நிலாச்சாரல் வெளியீடுகள் இடம் பெற்றுள்ளது குறிப்பிடத்தக்கது.

**

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: