செகுலர் இந்தியர்களுக்கு சில நாடுகளின் அரசியல் சாஸனம் பற்றி ஒரு பார்வை! – 1 (Post.11,906)

WRITTEN BY S NAGARAJAN

Post No. 11,906

Date uploaded in London –   16 APRIL 2023                  

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

செகுலர் இந்தியா

செகுலர் இந்தியர்களுக்கு சில நாடுகளின் அரசியல் சாஸன சட்டங்களைப் பற்றிய ஒரு பார்வை! – 1

ச.நாகராஜன் 

பிரபஞ்சத்தில் உள்ள அதிசய பூமியில் அதிசய நாடு பாரதம்! அதில் கலியுகத்தில் செகுலர் இந்தியாவில் சில அபூர்வ பிறவிகள் உள்ளனர்.

இவர்களுக்குப் ‘பாடம் சொல்லித் தர’ அதி மேதாவிகள் போல பிபிசி போன்ற உலகப் “புகழ் பெற்ற” நிறுவனங்களும் ஏராளமான அறிவு ஜீவிகளும் உள்ளனர்.

இவர்கள் இந்திய நாட்டை எவ்வளவு இழிவாகப் பேச முடியுமோ அவ்வளவு இழிவாக உலக அரங்கில் எடுத்துரைக்க வழி வகுப்பர்.

சரி, விஷயத்திற்கு வருவோம்.

டாக்டர் ஹரிவம்ச மித்ரா என்பவர் சுப்ரீம் கோர்ட்டின் அட்வகேட். இவர் 5-6-2022இல் சில விஷயங்களை நம் முன் வைத்தார்.

அவற்றின் சாரமே இந்தக் கட்டுரைக்கான விஷயம்.

உங்களுக்குத் தெரியுமா? என அவர் ஆரம்பித்து சில சுவையான செய்திகளைத் தந்திருக்கிறார்!

1)      ஐரோப்பாவில் உள்ள 32 நாடுகள் கிறிஸ்தவ மதத்தை அதிகாரபூர்வமாக வெவ்வேறு தர நிலைப்பாடுகளில் அங்கீகரித்துள்ளன.  ஒன்று அரசு சார்ந்த மதமாக அது அங்கீகரிக்கப்பட்டுள்ளது அல்லது அரசியல் சாஸன சட்டத்தில் உறுதி செய்யப்பட்டுள்ள சில விசேஷ சலுகைகள் அதற்குத் தரப்பட்டுள்ளது. அதாவது கிறிஸ்தவர்களுக்குத் தரப்பட்டுள்ளது.  இது வடிகனின் கன்கார்டட் மூலமாக – through Vatican Concordat – தரப்பட்டுள்ள சலுகைகள்.

2)       

அதென்ன வடிகன் கன்கார்டட்?

வடிகன் கன்கார்டட் என்றால் அந்தந்த தேச அரசுகள் வடிகனுடன்  சர்ச்சையும் அதன் நலன்களையும் பாதுகாக்க செய்து கொண்ட உடன்படிக்கைகள்.

2) இங்கிலாந்து அரசாங்க மதமாக ஒரு மதத்தை ஏற்றுக் கொண்டுள்ளது.

அது தான் சர்ச் ஆஃப் இங்கிலாந்து – Church of England.

யேசு கிறிஸ்து ஒருவரே கடவுள் என்று அது தெள்ளத் தெளிவாகக் கூறுகிறது.

மேலை நாட்டு பத்திரிகைகளோ, செக்குலரிஸ்டுகளோ, பிபிசியோ இதர உலகப் பத்திரிகைகளோ அறிவு ஜீவிகளோ ஏன் இங்கிலாந்து இன்னும் ஒரு கிறிஸ்தவ அரசாக இந்த இருபத்தியோராம் நூற்றாண்டிலும் இருக்கிறது, இருக்க வேண்டும் என்று கேள்வி கேட்டதில்லை.  ஆனால் இந்த அனைத்து ஆர்வலர்களும் இந்தியாவின் மதம் சம்பந்தமான விஷயங்களில் அன்றாடம் கவலைப்படுபவர்கள்.

ஒரு சிறு விஷயத்திற்குக் கூட அது இந்து மதத்தைக் கேவலப்படுத்துவதாக இருந்தால் பேச மாட்டார்கள், இந்து மதத்தைத் தவிர கிறிஸ்தவம், இஸ்லாம் என்றால் அதற்கு பாதிப்பு வரலாம் என அவர்கள் நினைத்ததெற்கெல்லாம் ஓடி வந்து ஓவென்று கத்திக் கூப்பாடு போடுவார்கள்.

3) இங்கிலாந்து பாராளுமன்றத்தில் 26 சீட்டுகள் பிஷப்ஸ் ஆஃப் சர்ச் ஆஃப் இங்கிலாந்திற்கென ரிஸர்வாக ஒதுக்கப்பட்டவை. 2015 முடிய சுமார் 400 ஆண்டுகளுக்கும் மேலாக ஒரு பெண் பிஷப் கூட அதற்கெனத் தேர்ந்தெடுக்கப்படவில்லை. உலகெங்கும் பெண்ணுரிமைக்கு வக்காலத்து வாங்க ஓடி வரும் ஒருவர் கூட இது பற்றி வாயைத் திறந்து முணுமுணுத்தது கூட இல்லை!! ஆனால் யுனைடெட் கிங்டத்தின் ஜனநாயகம் உலகிற்கே ஒரு எடுத்துக்காட்டு என்று இந்தக் கூட்டம் தினசரி முழங்கி வருவது மட்டும் கண்கூடு.

இதைத் தட்டிக் கேட்டால் அவ்வளவு தான்!!!

இந்த 26 சீட்டுகளும் வெள்ளை கிறிஸ்தவ ஆண்களுக்கே ஒதுக்கப்பட்ட சீட்டுகள் – நானூறு ஆண்டுகளுக்கும் மேலாக.

4) சும்மா ஒரு உதாரணத்திற்காக, உதாரணத்திற்காகத் தான், இல்லையென்றால் அறிவு ஜீவிகள் ஓடி வந்து விடுவார்கள் – சொல்ல விழைவோம் – ஏன் இந்தியாவில் மதத் தலைவர்களுக்கு நமது பாராளுமன்றத்தில் இருக்கைகள் ரிஸர்வ் அடிப்படையில் தரப்படக் கூடாது?

நமது பிரதமரைத் தேர்ந்தெடுக்கும் ஜனநாயகமோ அப்படித் தேர்ந்தெடுக்கப்பட்ட ஜனநாயகவாதிகளோ இந்து மதத்தைப் போற்றினால அது ஜனநாயகத்திலிருந்து நழுவும் போக்கு என்று எச்சரிக்கை விடும் அறிவு ஜீவிகள், ஏன் 26 பிஷப்புகள் ரிஸர்வ் அடிப்படையில் இங்கிலாந்து பாராளுமென்றத்திற்கு தேர்ந்தெடுக்கப்படுவதைப் பற்றி ஒரு மூச்சும் விடவில்லை?

அந்த பாராளுமன்ற ஜனநாயகம் உலகிற்கே எடுத்துக்காட்டு. ஆனால் இந்திய பாராளுமன்ற உறுப்பினர்களோ அல்லது மாநில முதன் மந்திரிகள் சிலரோ இந்து மத வழிபாட்டை மேற்கொண்டு அதைப் புகழ்ந்தாலோ அது ஜனநாயகத்திற்கு ஆபத்தான செயலாகும் என்ற அறிவிப்பு!

ஜனநாயகத்தின் முழுச் சுமையும் இந்தியர்களில் ஹிந்துக்களுக்கு மட்டுமே தான் உலகில் உண்டு.

என்ன ஐயா விசித்திரம் இது??!!!

கட்டுரை தொடரும்  

***                                                             

நன்றி, ஆதாரம் கல்கத்தா வார இதழ் ட்ரூத் தொகுதி 90 இத 49 தேதி : 7-4-2023

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: