நடுநிலை கடைப்பிடித்த நல்லவர்! (Post No.5322)

Sri Venkataraman Santanam and Srimati Rajalakshmi Santanam

Written by S Nagarajan

 

Date: 15 August 2018

 

Time uploaded in London – 6-15 AM  (British Summer Time)

 

Post No. 5322

 

Pictures shown here are taken from various sources saved by my brothers S Srinivasan, S Suryanarayanan, S.Meenakshisundaram and articles written by S Nagarajan (posted by S Swaminathan)

 

 

நல்லவருக்கு அஞ்சலி

நடுநிலை கடைப்பிடித்த நல்லவர்!

 

ச.நாகராஜன்

நடுநிலை நாளிதழ் என்று போட்டுக் கொண்டு ஒரு பக்கமாய் சார்ந்து எழுதுவது ஊடகங்களின் இன்றைய போக்காக மாறி விட்டது.

 

ஆனால் நடுநிலை நாளிதழான தினமணியின் மதுரைப் பதிப்பின் பொறுப்பாசிரியராக நீண்ட காலம் பணியாற்றிய எனது தந்தையார் திரு வெ.சந்தானம் நடுநிலை எப்படி இருக்க வேண்டும் என்பதற்கு உதாரணமாக வாழ்ந்து காட்டியவர்.

அலுவலகப் பணியில் மட்டுமல்ல, அன்றாட வாழ்விலும் அவர் கடைப்பிடித்த எள்ளளவும் பிசகாத, தராசு நுனி போன்ற நடுநிலை வியக்க வைக்கும் ஒன்றாகும்.

வீட்டிலும் சரி நாட்டிலும் சரி உரிய முறையில் உரிய விஷயத்தில் நடுநிலையுடன் நடக்கும் பாங்கு அவருக்கு இயல்பாகவே இருந்தது.

 

நூற்றுக்கணக்கான சம்பவங்கள் மனதில் நிழலாடினாலும் சில சம்பவங்களை இங்கு  குறிப்பிடுகிறேன்.

அரசியல் கட்சியில் எல்லா அணிகளையும் சம நோக்குடன் பார்ப்பார் அவர்.

 

 

With Swamiji Krishna of Aykkudi, near Tenkasi

காமராஜர் முதல் அமைச்சர்.

சுதந்திர தியாகிகளை அங்கீகரிக்க அவர்களுடன் சிறையில் கூட இருந்த ஒருவர் யாரேனும் அப்படி கூட இருந்ததைக் குறிப்பிட வேண்டுமென்ற விதி வந்தது.

 

இப்படி ஒருவரிடம் கடிதம் வாங்க வேண்டுமென்ற ஆசையோ அல்லது நினைவோ கூட இல்லாமல் இருந்தார் என் தந்தை.

ஆனால் பல தியாகிகளும் இதை ஏன் இன்னும் வாங்கவில்லை என்று கேட்ட வண்ணம் இருந்தனர்.

 

மதுரையில் காங்கிரஸ் கட்சியின் மாபெரும் மாநாடு தமுக்கம் மைதானதில் நடந்தது.  இரவு நேரம்.

 

தினமணி நிருபராக வெகு காலம் பணியாற்றியவரும் என் தந்தையின் பால் மிக்க மரியாதையும அன்பும் கொண்டவரான திரு திருமலை மைதானத்தில் ஏற்பாடுகளைப் பார்வையிட வந்த காமராஜரிடம் இந்தக் கடிதம் பற்றிக் குறிப்பிட்டார்.

 

இப்படி யார் வேண்டுமென்கிறார்கள் என்று கேட்டார் திரு காமராஜர். இது அரசால் கொண்டுவ்ரப்பட்ட ஆணை என்றவுடன் சிரித்தவாறே அந்த மைதானத்திலேயே அந்தக் கணமே ஒரு டைப்ரட்டரைக் கொண்டுவரச் சொல்லி அதில் ஒரே ஒரு வரி ஆங்கிலத்தில் அடிக்கச் சொன்னார்.

திரு வெ.சந்தானம் என்னுடன் சிறையில் இருந்தார் என்பதே அந்த ஒரு வரி.

என் தந்தை அந்தக் கணமே அரசின் கணக்கின் படி ‘சுதந்திரப் போர் தியாகி’ ஆனார்.

ராஜாஜிக்கு என் தந்தை பால் பரிவும அன்பும் உண்டு. கல்யாண ரிஸப்ஷனில் என் தந்தையும் தாயும் நாற்காலியில் அமர்ந்திருக்க அந்தப் பெரிய்வர் பின்னால் நிற்கும் காட்சியைக் காண்பிக்கும் அதிசய போட்டோ எங்கள் இல்லத்தில் இன்றும் இருக்கும் ஒரு பொக்கிஷம்.

 

முத்துராமலிங்கத் தேவரின் தேச பக்தியும் தெய்வ பக்தியும் நாடறிந்த விஷயம். அவரது கூட்டங்களுக்கு மதுரையில் என் தந்தையார் தலைமை வகிப்பதுண்டு. அவர் என் தந்தையிடன் கொண்டிருந்த பேரன்பும் மரியாதையும்  வார்த்தைகளுக்கு அப்பாற்பட்டது.

 

அரசியலில் மட்டுமல்ல காஞ்சி பெரியவாள், சிருங்கேரி ஆசார்யாள் உரைகளை அவ்வப்பொழுது தினமணி ஏடு தாங்கி வரும்.

 

சிருங்கேரி ஆசார்யாளின் பக்தர்கள் எழுத்தை எண்ணிக் கொண்டு வருவார்கள். ஏன் காஞ்சி பெரியவருக்கு மட்டும் இரண்டு காலம் இருக்கிறது, ஏன் இத்தனை எழுத்துக்கள் சிருங்கேரி பெரியவரின் உரைக்கு குறைந்திருக்கிறது என்றெல்லாம் தீவிர பக்தியில் கேட்பார்கள்.

 

 

 

 

 

 

அவர்களுக்கு முக்கியத்திற்கு முதலிடம், விஷயத்தின் முக்கியம் போன்றவற்றை எடுத்துச் சொல்லி அவர்களின் மனத்தை மகிழ்விப்பார். நடுநிலையுடன் எதையும் அணுகும் மனப்பாங்கை நாளடைவில் அனைவரும் புரிந்து கொண்டு வெகுவாகப் பாராட்ட ஆரம்பித்தனர். இரு ஆசார்யர்களின் அனுக்ரஹமும் எங்கள் குடும்பத்திற்கு ஏராளம் உண்டு.

சிருங்கேரி ஆசார்யர் வீட்டிற்கே வந்து அனுக்ரஹம் புரிந்த நிகழ்ச்சி மிக சுவாரசியமான ஒன்று.

 

ஸ்ரீ சத்ய சாயிபாபா என் தந்தையார் மீது மிகுந்த அன்பு கொண்டு அனுக்ரஹம் புரிந்தார். ஆபஸ்ட்பரியில் நடந்த கூட்டத்தில் உரையாற்ற பிரத்யேகமாக அழைப்பு விடுத்தார்.

அரசியல், ஆன்மீகம் மட்டுமல்ல, அன்றாடப் பொழுது போக்குகளுக்கும் கூட அவர் உரிய இடத்தைத் தருவார்.

இசை நிகழ்ச்சிகள் தவறாமல் தினமணியில் இடம் பெறும். இசைக் கலைஞர்கள் வெகுவாக மதிக்கப்படுவர் தினமணியில்.

 

கிங்காங் மல்யுதத நிகழ்ச்சிக்கென மதுரை வந்தவர் என் தந்தையைப் பார்க்க நேரில் வந்தார். அவருக்கு ஒரு பிரம்பு நாற்காலி போட அதில் உட்கார ஆரம்பித்தவுடன் அந்த நாற்காலி முறிந்து போக உடனே ஸ்ட்ராங்கான கட்டிலில் சிரித்தவாறே அமர்ந்து உரையாட ஆரம்பித்தார்.

 

தினமணியில் சென்னை ஆபீஸில் ஸ்ட்ரைக். சென்னைப் பதிப்பு சித்தூரிலிருந்து சில காலம் வந்தது.

எழுத்தாளர்களின் கதை, கட்டுரை படைப்புகளைத் தேர்ந்தெடுக்கும் பொறுப்பு மதுரைக்கு வந்தது.

அந்தக் கால கட்டத்தில் ஏராளமான புது எழுத்தாளர்கள் அறிமுகமாயினர்.

Kanchi Paramacharya in Madurai Dinamani office.

 

யார் எழுதினார்கள் என்று பார்க்காமல் எழுத்து எப்படி இருக்கிறது என்று பார்க்க வேண்டும் என்பார் என் தந்தை.

ஜியாவுடீன் என்ற இஸ்லாமிய இளைஞர் ஃபாரஸ்ட் ரேஞ்சராகப் பணியாற்றி வந்தார். அழகுற கதைகள் எழுதுவார். அவர் எழுத்து பிரசுரிக்கப்ப்ட்டவுடன் அவருக்கு ஆனந்தம் தாங்கவில்லை. பொங்கிய மகிழ்ச்சியுடன் ஓடோடி வந்து தந்தையிடன் தன் வியப்பையும் அன்பையும் ம்கிழ்ச்சியையும் தெரிவித்தார்.இதே போல அலுவலகம் ஒன்றில் கணக்குப் பிரிவில் பணியாற்றிய சங்கர ராம் என்பவர் புனைபெயரில் நல்ல எழுத்தாளரானார். சேதுபதி பள்ளியில் கணக்குப் பிரிவில் பணியாற்றிய திரு ராமகிருஷ்ணன் அற்புதக் கவிஞர் ஆனார்.

 

நா.பார்த்தசாரதி அவருடன் கூடவே வரும் பட்டாபிராமன் ஆகியோரின் படைப்புகள் வெளி வரலாயின.

சாலமன் பாப்பையா உள்ளிட்ட பட்டிமன்றப் பேச்சாளர்கள் எங்கள் இல்லத்தில் அமர்ந்து தினமணி பட்டிமன்றம் தலைப்பு குறித்து விவாதிப்பர். தினமணி பட்டிமன்றம் என்பது பட்டிமன்றத்திற்கான ‘ஸ்டாண்டர்ட்’ ஆனது!

Kanchi Shankaracharya Sri Jayendra Swamikal with Dinamani Team

இப்படி இசைக் கலைஞர்கள், எழுத்தாளர்கள், பட்டி மன்றப் பேச்சாளர்கள், தலைவர்கள், ஆன்மீகவாதிகள் உள்ளிட்ட அனைவருமே இறுதி வரை தந்தையின் பால் நேசத்தையும் பாசத்தையும் கொட்டினர்.

 

ஒரு பெரியவருடன் கூடப் பழகும் போது நாளுக்கு நாள் அது மெருகேறி வளர்பிறை போல வளர்ந்து கொண்டே போகும் என்பதை பற்பல ஆண்டுகள் பழகிய அனைவரும் அனுபவத்தில் கண்டு மகிழ்ந்தனர்.

 

அவரின் நினவைப் போற்றும் நாள் ஆகஸ்ட் 15.

சுதந்திரப் போராட்டத்தில் கலந்து கொண்டு சிறை சென்றவர், 1998ஆம் ஆண்டு., ஆகஸ்ட் 15ஆம் தேதி.

மதுரை எல்லிஸ் நகரில் கொடி ஏற்றியாகி விட்டதா என்று கேட்ட பின் தன் இன்னுயிரை விண்ணுலகம் நோக்கி ஏக விட்டார்.

 

அவரை நினைத்து அஞ்சலி செய்வதில் ஒரு தனி அர்த்தம் இருக்கத்தானே செய்யும்?!

 

ARTICLES ON SANTANAM POSTED EARLIER:-

  1. திருவெ.சந்தானம் | Tamil and Vedas

tamilandvedas.com/tag/திரு-வெ…

Posts about திரு வெ.சந்தானம் written by Tamil and Vedas

  1. வெ.சந்தானம்| Tamil and Vedas

tamilandvedas.com/tag/வெ…

Posts about வெ.சந்தானம் written by Tamil and Vedas

–subham—

***

சுதந்திரம் பற்றி பாரதி (Post No.5321)

Compiled  by London swaminathan

Date: 14 August 2018

 

Time uploaded in London –18-44 (British Summer Time)

 

Post No. 5321

 

Pictures shown here are taken from various sources such as Facebook friends, Wikipedia, Books, Google and newspapers; thanks. Pictures may be subject to copyright laws.

 

 

 

நாலு திசையும் ஸ்வாதந்தர்ய நாதம் எழுகவே!

நரகமொத்த அடிமை வாழ்வு நைந்து கழிகவே!

ஏலு மனிதர் அறிவையடர்க்கும் இருள் அழிகவே

எந்த நாளும் உலகம் மீதில் அச்சம் ஒழிகவே!பாரதி

 

வந்தே மாதரம் என்றுயிர் போகும் வரை

வாழ்த்துவோம்;- முடி தாழ்த்துவோம்

எந்தம் ஆருயிர் அன்னையைப் போற்றுதல்

 ஈனமோ?- அவமானமோ?– சுதந்திரம் பற்றி பாரதி

 

 

 

ஒற்றுமை வழியொன்றே வழியென்பது

ஓர்ந்திட்டோம்;- நன்கு தேர்ந்திட்டோம்

மற்று நீங்கள் செய்யுங் கொடுமைக்கெல்லாம்

மலைவுறோம்; – சித்தம் கலைவுறோம் சுதந்திரம் பற்றி பாரதி

 

 

ஜய ஜய பவானி! ஜய ஜய பாரதம்!

ஜய ஜய மாதா! ஜய ஜய துர்கா!

வந்தே மாதரம்! வந்தே மாதரம்!  பாரதி

 

 

ஏழையென்றும் அடிமையென்றும்

எவனும் இல்லை ஜாதியில்

இழிவு கொண்ட மனிதரென்பது

இந்தியாவில் இல்லையே! பாரதி

 

என்று தணியும் இந்த சுதந்திர தாகம்?

என்று மடியும் எங்கள் அடிமையின் மோகம்?

என்றெமதன்னை கை விலங்குகள் போகும்?

என்றெமதின்னல்கள் தீர்ந்து பொய்யாகும்? சுதந்திரம் பற்றி பாரதி

 

 

 

இதந்தரு மனையின் நீங்கி

இடர்மிகு சிறைப்பாட்டாலும்

பதந்திரு இரண்டும் மாறிப்

பழிமிகுத் திழிவுற்றாலும்

விதந்தரு கோடி இன்னல்

விளைந்தெனை அழித்திட்டாலும்

சுதந்திர தேவி! நின்னைத்

தொழுதிடல் மறக்கிலேனே சுதந்திரம் பற்றி பாரதி

 

 

தண்ணீர் விட்டோம் வளர்த்தோம்? சர்வேசா! இப்பயிரைக்

கண்ணீராற் காத்தோம்; கருகத் திருவுளமோ?

 

ஓராயிர வருடம் ஓய்ந்துகிடந்த பின்னர்

வாராது போல வந்த மாமணியைத் தோற்போமோ?– சுதந்திரம் பற்றி பாரதி

 

 

வீர சுதந்திரம் வேண்டி நின்றார் பின்னர்

வேறொன்று கொள்வாரோ? – என்றும்

ஆரமுதுண்ணுதற் காசை கொண்டார் கள்ளில்

அறிவைச் செலுத்துவாரோ?– சுதந்திரம் பற்றி பாரதி

 

வந்தே மாதரம் என்று வணங்கிய பின்

மாயத்தை வணங்குவாரோ?

வந்தே மாதரம் ஒன்றே தாரகம்

என்பதை மறப்பாரோ?– சுதந்திரம் பற்றி பாரதி

 

 

எல்லாரும் அமரநிலை எய்தும்நன்முறையை

இந்தியா உலகிற்களிக்கும்- ஆம்

இந்தியா உலகிற்களிக்கும்- ஆம், ஆம்

இந்தியா உலகிற்களிக்கும் வாழ்க! பாரதி

 

 

 

பாரத சமுதாயம் வாழ்கவே– வாழ்க வாழ்க!

பாரத சமுதாயம் வாழ்கவே- ஜய ஜய ஜய பாரதி

 

முப்பது கோடி ஜனங்களின் சங்கம்

முழுமைக்கும் பொது  உடைமை

ஒப்பிலாத சமுதாயம்

உலகத்துக்கொரு புதுமை- வாழ்க

பாரத சமுதாயம் வாழ்கவே– வாழ்க வாழ்க!

பாரத சமுதாயம் வாழ்கவே- ஜய ஜய ஜய பாரதி

 

 

ஓங்கி வளர்ந்ததோர் கம்பம்- அதன்

உச்சியின்மேல் வந்தே மாதரம் என்றே

பாங்கின் எழுதித் திகழும்- செய்ய

பட்டொளி வீசிப் பறந்தது பாரீர் பாரதி

 

 

பாரத தேசமென்று பெயர்சொல்லுவார்- மிடிப்

பயங்கொல்லுவார் துயர்ப் பகை வெல்லுவார்

 

ஆடுவோமே- பள்ளுப் பாடுவோமே;

ஆனந்த சுதந்திரம் அடைந்து விட்டோமென்று

 

எங்கும் சுதந்திரம் என்பதே பேச்சு நாம்

எல்லோரும் சமமென்பது உறுதியாச்சு;

சங்கு கொண்டே வெற்றி ஊதுவோமே

தரணிக்கெல்லாம் எடுத்து ஓதுவோமே

 

எல்லோரும் ஒன்றென்னும் காலம் வந்ததே- பொய்யும்

ஏமாற்றும் தொலைகின்ற காலம் வந்ததே- இனி

நல்லோர் பெரியாரென்னும் காலம் வந்ததே – கெட்ட

நயவஞ்சக் காரருக்கு நரகம் வந்ததே

 

நாமிருக்கும் நாடு நமதென்பதறிந்தோம் – இது

நமக்கே உரிமையாம் என்பதறிந்தோம்- இந்தப்

பூமியில் எவர்க்கும் இனி அடிமை செய்யோம்- பரி

பூரணனுக்கே யடிமை செய்து வாழ்வோம்.

 

–subham–

இறந்துபோன முன்னோருக்கு சூடான உணவும், நதிக்கரை சாப்பாடும் பிடிக்குமாம்- மநு (Post No.5314)

WRITTEN by London swaminathan

Date: 12 August 2018

 

Time uploaded in London – 21-41 (British Summer Time)

 

Post No. 5314

 

Pictures shown here are taken from various sources such as Facebook friends, Wikipedia, Books, Google and newspapers; thanks. Pictures may be subject to copyright laws.

 

மநு நீதி நூல்- Part 24

 

மூன்றாம் அத்யாயத் தொடர்ச்சி

 

3-183 முதல்  3-240 வரை உள்ள ஸ்லோகங்களில் முக்கிய விஷயங்கள்–

 

இறந்துபோன முன்னோருக்கு சூடான உணவும்,

நதிக்கரை சாப்பாடும் பிடிக்குமாம்- மநு (Post No.5314)

 

மர்ம விஷயங்கள்

3-189 பிதுர் தேவதைகள் வாயு ரூபமாக வந்து சிரார்த்தப் பிராஹ்மணர்கள் அருகில் உட்கார்வர் என்றும் அவர்கள் செல்லும் இடமெல்லாம் அவர்களும் சுற்றி வருவர் என்றும் மநு சொல்கிறார். ஆகையால் அவன் பரிசுத்தனாக இருக்க வேண்டும்.

 

3-190 ஒரு பிராஹ்மணன் வருவதாகச் சொல்லிவிட்டு வராமல் போனால் பன்றியாய்ப் பிறப்பார் என்கிறார்.

3-192-ல் பிதுர்களின் குணாதிசயங்களை வருணிக்கிறார்:

 

பிதுர்கள், அதாவது இறந்த முன்னோர்கள்,

1.கோபம் இல்லாதவர்கள்

2.சண்டை போடாதவர்கள்

3.உள்ளும் புறமும் பரிசுத்தமானவர்கள்

4.அவர்கள் மஹானுபாவர்கள்

5.பிரம்ம விசாரம் செய்பவர்கள்

 

ஆகையால் வந்த பிராஹ்மணர்களும் அவர்களுக்கு உணவு தருவோரும் அதே போல தூயவர்களாக இருக்க வேண்டும்.

சிரார்த்ததித்திற்கு அழைப்போருக்கு வேதம், ஆறு அங்கம் தெரிந்திருக்க வேண்டும் என்று சொல்லிவிட்டு

த்ரி நஸிகேதஸ் = கடோப நிஷதத்திலுள்ள நஸிகேதஸ் கதை அறிந்தோர்;

த்ரி ஸுபர்ண = ரிக் வேதத்திலுள்ள மூன்று பறவை கதை அறிந்தோர் (10-114-3);

ஜ்யேஷ்ட சாமன் = உயர்ந்த சாமன் ஓதுவோர்

ஆகியோரை அழைப்பது சிறப்பு என்பார். (Slokam 185)

 

இதற்கடுத்தாற் போல 1000 பசு தானம் செய்தவர்கள், நூறு வயது எய்தியவர்கள் சிறப்பு என்பார்.

 

அந்தக் காலத்தில் 1000 பசு தானம்  செய்தவர்கள், 100 வயதை எட்டியவர்கள் இருந்ததை இதன் மூலம் அறிகிறோம். ரிக் வேதம், மூல வர்மன் (இந்தோநேஷியா) கல்வெட்டுகளில் 20,000 பசுக்கள் தான செய்திகள் வருவதால் மநு சொல்லுவது நடை முறையில் இருந்ததை அறிகிறோம்.

பித்ருக்களின் வகைகளும் தோற்றமும்

 

ஸ்லோகம் 194 முதல் பித்ருக்களின் வகைகளை விவரிக்கிறார்.

அந்தப் பெயர்கள் எல்லாம் விநோதமாக இருக்கின்றன. உதாரணத்துக்கு சோமம் குடிப்போர், தீயால் சுவைக்கப்பட்டோர், நெய் சாப்பிடுவோர், தீயால் சுடப்பட்டோர், தீயால் சுடப்படாதவர் என்று பல வகைகள் பட்டியலில் உள்ளன. இவைகளின் வியாக்கியானங்களைப் பார்த்தால்தான் புரியும்.

 

ஸ்லோகம் 201 முதல் பித்ருக்களின் தோற்றம் பற்றி சொல்லப்படுகிறது.

 

 

ஸ்லோகம் 205-ல் முதலில் கடவுளருக்கும் பின்னர் பித்ருக்களுக்கும் சிரார்த்தம் படைக்க வேண்டியது பற்றிச் சொல்கிறார்

 

இயற்கை அன்பர்கள்

 

ஸ்லோகம் 207-ல் பித்ருக்கள் இயற்கை விரும்பிகள் என்பதை மநு விவரிக்கிறார்; அவர்களுக்கு திறந்த வெளிகளும் நதிக்கரைகளும், தனிமையான இடங்களும் பிடிக்கும் என்பார்.

 

பழகினும் பார்ப்பாரைத் தீப்போல் ஒழுகு

212-ல் சிரார்த்த அக்னி இல்லாவிடில் பிராஹ்மணர் கைகளில் ஹோமம் செய்யலாம்; ஏனெனில் பிராஹ்மணர்கள் தீயைப் போன்றவர்கள்.

 

‘பழகினும் பார்ப்பாரைத் தீப்போல் ஒழுகு’ என்று தமிழ்ப் பாடல்களும் செப்பும்; அகலாது அணுகாது தீக்காய்வார் போல பிராஹ்மணர்களிடத்தில் இருக்க வேண்டும் என்பது கருத்து.

 

 

சிரார்த்ததுக்கு வந்த பிராஹ்மணர்களுக்கு என்ன என்ன உணவு என்பதை விளக்கிப் பரிமாற வேண்டும்.

 

3-230-ல் பிராஹ்மணர்களுக்கு உணவு படைக்கையில் கோபப்படக் கூடாது; கண்ணீர் சிந்தக் கூடாது; அசுத்தப்படுத்தக் கூடாது.

வேதத்திலுள்ள விடுகதைகள்

சந்தோஷத்தோடு உணவு பரிமாறி அவர்களையும் சந்தோஷப்படுத்த வேண்டும்; எது பிடிக்குமோ அதை உபசரித்துப் போட வேண்டும்; வேத வேதாந்தங்களை அப்போது படிக்கலாம். வேதத்திலுள்ள விடுகதைகள், புதிர்களைப் படிக்கலாம்.

 

236-237-ல் இறந்து போன முன்னோர்கள் சூடான உணவை மட்டுமே உண்ணுவர்; ஆகையால் சூடான பொருளை மட்டுமே பரிமாற வேண்டும்

 

இந்தப் பகுதியில் வரும் விஷயங்கள் ஆரிய -திராவிட வாதத்தையும், திராவிட கலாசாரம் என்று தனியாக ஒன்று உண்டென்னும் வாதத்தையும் வேட்டு வைத்து தகர்க்கிறது.

வெப்ப மண்டலப் பிரதேசத்தில் வளரும்    எள், தர்ப்பை, அரிசி பற்றிய கிரியைகள் உள்ளதால் அவர்கள் (இந்துக்கள் ) மண்ணின் மைந்தர்கள் என்பது புரியும்.

 

திராவிடரகளும் இதையே பின்பற்றுவதால் அவர்களுக்குத் தனி ஒரு கலாசாரம் இல்லை ஒரே இனம் தான் என்பதும் விளங்கும்.

தென் புலம், தர்ப்பைப் புல், பிண்டம் என்பன புற நானூறு, திருக்குறள் போன்ற நூல்களிலும் வருகின்றன. ஆறு பருவங்கள் பற்றி ரிக் வேதத்திலும் சங்க இலக்கியத்திலும் வருகிறது. இந்தியா தவிர மற்ற இடங்களில் நாலு பருவங்கள்- எள், பிண்டம் (அரிசிச் சோறு) ஆகியன இல்லை. ஆகையால் இந்துக்களே மண்ணின் மைந்தர்கள், அவர்கள் வெளியேயிருந்து வந்தவர்கள் என்று கூறுவோருக்கு பலத்த அடி கொடுக்கும் பகுதி இது!

 

 

 

 

 

 

 

தொடரும்

 

ஹிந்து தேசம் என அறிவிக்க ஹிந்து மாநாட்டில் தீர்மானங்கள் (Post No.5226)

Written by S NAGARAJAN

 

Date: 17 JULY 2018

 

Time uploaded in London –   7-54 AM (British Summer Time)

 

Post No. 5226

 

Pictures shown here are taken from various sources such as Facebook friends, Wikipedia, Books, Google and newspapers; thanks. Pictures may be subject to copyright laws.

 

 

ஏழாவது அகில இந்திய ஹிந்து மாநாட்டில் நிறைவேற்றப்பட்ட தீர்மானங்கள்!

ச.நாகராஜன்

 

ஏழாவது அகில இந்திய ஹிந்து மாநாட்டில் நிறைவேற்றப்பட்ட தீர்மானங்கள் மிக முக்கியமானவை. ஒவ்வொரு ஹிந்துவின் மனதிலும் எழும் உறுதியான தீர்மானங்கள் இவை.

 

இவற்றின் சாரத்தை தமிழிலும் மூலத்தை ஆங்கிலத்திலும் இங்கே படிக்கலாம்.

 

1.இந்தியாவை ஹிந்து தேசம் என அறிவிக்க சட்டபூர்வமாக முயற்சிகளை எல்லா ஹிந்து சங்கங்களும் எடுக்கும்.

  1. நேப்பாளத்தை ஹிந்து தேசம் என அறிவிக்க அகில இந்திய ஹிந்து மாநாடு முழு ஆதரவையும் அளிக்கும்.
  2. மத்திய அரசு தேசம் முழுவதும் பசு வதையைத் தடுக்க அறிவிப்பை வெளியிட வேண்டும்.
  3. பாகிஸ்தான், பங்களாதேஷ், லங்கா ஆகிய நாடுகளில் உள்ள ஹிந்துக்களுக்கு இழைக்கும் கொடுமைகள் பற்றி அகில உலக மனித உரிமைகள் நிறுவனமும் இந்திய அரசும் இணைந்து ஆய்வு நடத்த வேண்டும்.

 

5.வெளியேற்றப்பட்ட காஷ்மீரி பண்டிட்கள் மீண்டும் அங்கு குடியமர்த்தப்பட வேண்டும்.

6.ஜம்முவிலும் இந்தியாவெங்கிலும் சட்டத்திற்குப் புறம்பாக வாழும் ரோஹிங்யா முஸ்லீம்கள் உடனடியாக நாட்டை விட்டு வெளியேற்றப்பட வேண்டும்.

 

  1. ராம சேனை தலைவர் ப்ரமோத் முத்தாலிக் அவர்களை நுழையக் கூடாது என்று தடை விதித்திருப்பதையும் கோவா அரசின் நியாயமற்ற நடவடிக்கைகளையும் இந்த மாநாடு கண்டிக்கிறது.

 

  1. சனாதன சன்ஸத்தின் ஊழியர்களை நாத்திகவாதிகளைக் கொலை செய்த சம்பவம் பற்றி ஆய்வு நடத்தும் முகமைகள் தேவையற்ற விதத்தில் கொடுமைப் படுத்துவதை தடுக்க மத்திய அரசு நடவடிக்கை எடுக்க வேண்டும்.

 

  1. *Resolutions passed in the 7th All India Hindu Convention*

 

  1. All pro-Hindu organisations will use constitutional means to work towards declaring India, a Hindu Nation (not just for the country, but for the well being of the world). The Indian parliament should respect and fulfil the moral rights of the Hindu majority and declare India, a Hindu Nation.

22-06-2018 TRUTH 15

 

  1. The All India Hindu Convention extends its full support to Nepal being declared as a Hindu nation.
  2. The Central government should take into account the sentiments of the Hindu majority and declare a nationwide ban on cow slaughter and religious conversion, as well as take a prompt decision on constructing Ram Mandir in Ayodhya.
  3. The International Human Rights organization and the Indian government should jointly investigate the atrocities inflicted on the Hindus in Pakistan, Bangladesh and Sri Lanka. Also the lives of the Hindu minority settled there should be secured.
  4. The displaced Kashmiri Pandits should be rehabilitated. Panun Kashmir, a Union Territory should be established in Jammu & Kashmir for the Kashmiri Pandits.
  5. The Rohingya muslims living illegally in Jammu and across India should be deported immediately.

 

  1. The All India Hindu Convention condemns the ban on the entry of Shri Pramod Muthalik, Founder-President, Sri Ram Sene, and the unjust policing of the state government of Goa.
  2. The Central government should take steps to prevent unwarranted harassment of Sanatan Sanstha’s innocent seekers by the agencies investigating the killings of atheists.

 

ஹிந்து நிறுவனங்களின் பொது வேலைத் திட்டம்

 

  1. 223 சிறிய, நடுத்தர மற்றும் பெரிய தர்ம ஜாக்ருதி சபைகள்

 

  1. 42 புதிய இடங்களில் மாதாந்திர ராஷ்ட்ரீய ஹிந்து ஆந்தோலன்
  2. 56 ஹிந்து ராஷ்ட்ர சங்கடக் ஒர்க்‌ஷாப்புகள் !
  3. ஹிந்து ராஷ்ட்ரம் பற்றி 36 கருத்தரங்கங்கள்!
  4. ஹிந்து ராஷ்ட்ர ஜாக்ருதி பைடக்கை 485 கிராமங்களில் நடத்தல் (ஹிந்து ராஷ்ட்ரம் பற்றி வெகுஜன விழிப்புணர்ச்சிக் கூட்டங்கள்)!

 

  1. ஹிந்து மாநாடுகள் – 26 மாவட்ட அளவிலும் 10 மண்டல அளவிலும் 3 மாநில அளவிலும்!
  2. 95 சௌர்யஜாக்ரன் முகாம்கள், 50 அங்கீகரிக்கப்பட்ட பேச்சாளர்களுக்கான பயிற்சி ஒர்க்‌ஷாப்புகள், 60 சமூக ஊடக ஒர்க்‌ஷாப்புகள், மற்றும் 40 ஆன்மீக தொடர்பான ஒர்க்‌ஷாப்புகள்

நடத்தப்படும்.

ஹிந்து என்று சொல்லிக் கொள்வோர் அறிவற்ற அச்சுப் பதிப்புகளாலும், மின்னணு ஊடகங்களாலும், மிஷனரிகளால் தூண்டிவிடப்பட்ட கான்வெண்ட் பள்ளிகளாலும், ஹிந்து விரோத கல்விக்கூடங்களாலும், செகுலர் என்று சொல்லிக் கொள்ளும் அரசியல் முகமைகளாலும் ஹிந்துத்வம் பற்றிய தவறான கருத்துக்களை ஹிந்து ஒற்றுமையைக் குலைக்கவும் அரசியல் ஆதாயங்களுக்காகவும் பரப்புகின்றனர்.

 

அனைவரது நன்மைக்காகவும் புனித வழியில் வாழ்க்கையை அர்ப்பணிக்கும் ஹிந்து தர்மம் மற்றும் அதன் அடிப்படை கொள்கைகள் பற்றிய  அறிவும் அதன் மீது மதிப்பும் இல்லாத சக்திகளை எதிர்த்து உலகெங்குமுள்ள ஹிந்துக்கள் உட்பிரிவுகள், வகுப்பு பேதமின்றி ஒன்றாக இணைந்து சவால்களை எதிர் கொள்ள வேண்டும்.

 

ஆங்கில மூலத்தைக் கீழே காணலாம்:

*Common action plan by the participating Hindu organizations !*

  1. 223 small, medium and large Dharmajagruti Sabhas, and Ek vakta (Single Speaker) Sabha !
  2. Monthly Rashtriya Hindu Andolans (National Hindu Movement) at 42 new

places !

  1. 56 Hindu Rashtra Sangathak workshops !
  2. 36 symposia on Hindu Rashtra !
  3. 485 village level ‘Hindu Rashtra-jagruti Baithak’ (Public Awareness Meetings on Hindu Nation) !
  4. 26 district level, 10 zonal level and 3 state level Hindu conventions !
  5. 95 Shouryajagaran camps, 50 spokesperson training workshops, 60 social media workshops and 40 spirituality related workshops will be conducted.

[Thanking you, Yours Truly, Shri. Ramesh Shinde, National Spokesperson, Hindu

Janajagruti Samiti, (Contact : 09987966666) JAYATHU JAYATHU HINDU RASHTRAM

The (ALIKA) Hindus, the ignorant print and electronic media, missionary guided convent schools and anti-Hindu educational institutions, encouraged by so called secular political agencies are bent upon promoting wrong ideas regarding Hinduism and disrupt Hindu unity to derive political benefits. All Hindus across the world irrespective of sects and class need to remain united to face the challenges ahead from forces who have no knowledge or reverence for Hindu Dharma and in its basic tenets, that uphold a sacred way of life dedicated to the welfare of all without malice and ill will.

நன்றி:  TRUTH VOL. 86 NO. 10 DATED 22-6-2018

***

காந்திஜியும் மத மாற்றமும் (Post No.5155)

Written by S NAGARAJAN

 

Date: 28 JUNE 2018

 

Time uploaded in London –   7-27 AM (British Summer Time)

 

Post No. 5155

 

Pictures shown here are taken from various sources such as Facebook friends, Wikipedia, Books, Google and newspapers; thanks. Pictures may be subject to copyright laws.

 

 

காந்திஜியும் மத மாற்றமும்

 

ச.நாகராஜன்

 

மஹாத்மா காந்தி அடிக்கடி தான் ஒரு ஹிந்துவாக இருப்பதில் பெருமைப்படுவதாகக் கூறி வந்தார்.

கிறிஸ்தவ மிஷனரிகள் அப்பாவி மக்களை ஏமாற்றி அவர்களை மதம் மாறச் செய்வதில் அவர் வருத்தமும் கோபமும் கொண்டார்.

பல்வேறு சமயங்களில் அவர் அவர்களை இதற்காகக் கண்டித்துள்ளார்.

ஒரே ஒரு உரையை மட்டும் இங்கு காணலாம்:

23-4-1931 தேதியிட்ட அவரது உரையில் பல கருத்துக்கள் தெளிவாகக் குறிப்பிடப்படுகின்றன.

அவற்றின் சாரத்தைத் தமிழிலும் மூலத்தை – ஒரிஜினலை – ஆங்கிலத்திலும் கீழே காணலாம்.

மனிதாபிமானத்திற்காக அல்லாமல் மதமாற்றத்திற்காக கல்வி,மருத்துவ உதவி போன்றவற்றை ஏழை மக்களுக்கு அவர்கள் செய்வதாக இருந்தால் அதை நான் ஆதரிக்க மாட்டேன்.

ஒவ்வொரு தேசமும் அதன் மத நம்பிக்கை இதர தேச மத நம்பிக்கை போலவே நல்லது என்று கருதுகிறது.

இந்தியாவில் உள்ள மத நம்பிக்கைகள் அங்குள்ள மக்களுக்கு நிச்சயமாகப் போதுமானது. ஒரு மதத்திலிருந்து இன்னொரு மதத்திற்கு மாறுவது இந்தியாவிற்குத் தேவையே இல்லை.

 

மனிதாபிமானம் என்றபெயரில் மதம் மாற்றுவது ஆரோக்கியமான விஷயம் அல்ல. இங்குள்ளோர் அதனால் மிகவும் வருத்தமடைகின்றனர். மதம் என்பது ஒருவரது தனிப்பட்ட விஷயம். அது இதயத்தைத் தொடும் ஒன்று. கிறிஸ்தவ மதத்தைப் பின்பற்றும் ஒரு டாக்டர் ஏதோ ஒரு வியாதியை எனக்குக் குணப்படுத்தி விட்டார் என்பதற்காக நான் ஏன் மதம் மாற வேண்டும்? அவரது செல்வாக்கில் நான் இருக்கும் போது அப்படி ஒரு டாக்டர் அதை ஏன் எதிர்பார்க்க வேண்டும் அல்லது அப்படி மாற ஏன் யோசனை கூற வேண்டும்? அவரது மருத்துவத்தினால் குணமாவதே அவருக்கான சிறந்த பரிசும் திருப்தியும் இல்லையா? ஒரு மிஷனரி கல்வி நிலையத்தில் நான் படிக்கையில் கிறிஸ்தவபோதனைகள் என் மேல் ஏன் திணிக்கப்பட வேண்டும்? எனது அபிப்ராயத்தில் இவை என்னை மேலே தூக்கி விடும் ஒன்றல்ல; இரகசிய எதிர்ப்பிற்காக இல்லையென்றாலும் அது சந்தேகத்திற்கு இடமளிக்கும் ஒன்றாகும். மதமாற்ற வழிமுறைகளானது சீஸரின் மனைவி போல சந்தேகத்திற்கு அப்பாற்பட்ட ஒன்றாக இருக்க வேண்டும்.மதசார்பற்ற விஷயம் போல மத நம்பிக்கை இருத்தல் வேண்டும். அது இதயம் பேசும் மொழியால் தரப்படும் ஒன்று. ஒரு மனிதன் ஜீவனுள்ள நம்பிக்கையைத் தன்னிடம் கொண்டிருந்தால் அது ரோஜா மலரின் வாசனை போல மணம் பரப்பும். கண்ணுக்குத் தெரியாத அதன் தன்மையினால் கண்ணுக்குத் தெரியும் மலர் இதழ்களின் அழகை விட அதன் செல்வாக்கு வெகு தூரம் வரை பரப்பும்.

 

நான் மதமாற்றத்திற்கு எதிரானவன் இல்லை. ஆனால் அதன் நவீன முறைகளுக்கு எதிரானவன். மதமாற்றம் என்பது இன்று வணிகமாகி விட்டது. ஒரு மிஷனரி அறிக்கையில் ஒரு மனிதனை மதமாற்ற தலைக்கு ஆகும் செலவு எவ்வளவு என்றும் அதன் அடிப்படையில் அடுத்த “அறுவடைக்கு” ஆகும் செலவுக்கு பட்ஜெட் தர வேண்டும் என்றும் சொல்லப்பட்டிருப்பதை நான் படித்தேன்.

 

“ஆமாம். இந்தியாவின் பெரிய மத நம்பிக்கைகள் அதற்குப் போதும். கிறிஸ்தவம், யூதம் தவிர ஹிந்து அதன் கிளைகள்,இஸ்லாம்,ஜொராஷ்ட்ர மதம் ஆகியவை ஜீவனுள்ள மதங்கள். எந்த ஒரு மதமும் பூரணமானதல்ல.

எல்லா மதங்களும் சமமானவை. ஆகவே வேண்டுவது என்னவெனில் உலகின் பெரும் மதங்களைப் பின்பற்றுவோரிடையே நட்புடனான தொடர்பு வேண்டுமேயன்றி மற்றவற்றை விட பெரிது என்று காட்டும் பயனற்ற முயற்சி தேவையில்லை. அப்படிப்பட்ட நட்பு ரீதியிலான தொடர்பால் நமது மதத்தில் உள்ள குறைகளையும் தேவையற்றவற்றையும் களைந்து விட முடியும்.

 

மேலே நான் கூறியவற்றால், இந்தியாவில் மதமாற்றத்திற்கான தேவை இல்லை. சுய தூய்மை, ஆன்மாவை உணர்தல் ஆகிய மாற்றமே இன்றைய அவசரத் தேவை.  இதை மதமாற்றம் என்று சொல்லப்படுவதற்கு என்றுமே அர்த்தமாகக் கொண்டதில்லை.

 

இந்தியாவை மாற்ற வருபவரிடம், “வைத்தியரே, முதலில் உம்மைக் குணப்படுத்திக் கொள்ளும்” என்று சொல்ல வேண்டுமல்லவா?

(மகாத்மா காந்தி நூல்கள் தொகுதி 46 பக்கம் 28)

**

ஆங்கில மூலத்தைக் கீழே காணலாம்:

 

Gandhiji clarified his views on the role of foreign missionaries in India. (23-4-1931)

 

“(If) instead of confining themselves purely to humanitarian work such as education,

medical services to the poor and the like, they would use these activities of theirs for

the purpose of proselytizing, I would certainly like to withdraw. Every nation considers

its own faith to be as good as that of any other. Certainly, the great faiths held by the

people of India are adequate for her people. India stands in no need of conversion from

one faith to another.

“Let me now amplify the bald statement. I hold that proselytizing under the cloak of

humanitarian work is, to say the least, unhealthy. It is most certainly resented by the

people here. Religion after all is a deeply personal matter, it touches the heart. Why

should I change my religion because a doctor who professes Christianity as his religion

has cured me of some disease or why should a doctor expect or suggest such a change

whilst I am under his influence? Is not his medical relief its own reward and

satisfaction? Or why should I, whilst I am in a missionary educational institution, have

Christian teaching t^mist upon me? In my opinion these practices are not uplifting and

give rise to suspicion if not even secret hostility. The methods of conversion must be

like Caesar^ wife above suspicion. Faith is imparted like secular subjects. It is given

through the language of the heart. If a man has a living faith in him, it spreads its aroma

like the rose its scent. Because of its invisibility, the extent of its influence is far wider

than that of the visible beauty of colour of the petals.

“I am, then, not against conversion. But I am against the modern method of it.

Conversion nowadays has become a matter of business like any other. I remember

having read a missionary report saying how much it cost per head to convert and then

present a budget for ‘the next harvest’.

“Yes, I do maintain that India’s great faiths all suffice for her. Apart from Christianity

and Judaism, Hinduism and offshoots, Islam and Zoroastrianism are living faiths. No one

faith is perfect.

All faiths are equally dear to their respective votaries. What is wanted therefore is living

friendly contact among the followers of the great religions of the world and not a clash

among them in fruitless attempt on the part of each community to show the superiority

of its faith over the rest. Through such friendly contact it will be possible for us all to rid

our respective faiths of shortcomings and excrescences.

“It follows from what I have said above that India is in no need of conversion of the kind

I have in mind. Conversion in the sense of self-purification, self-realization is the crying

need of the times. That, however, is not what is ever meant by proselytizing. To those

who would convert India, might it not be said, ‘Physician heal thyself’ ? (Complete Works of Mahatma Gandhi – Volume 46:Page 28)

**

மதமாற்றம் பற்றிய காந்திஜியின் கருத்துக்களை இதற்கு மேல் விளக்க வேண்டிய தேவை இல்லை.

இன்றைய போலி செகுலரிஸவாதிகள் காந்திஜியை தங்கள் துஷ்பிரசாரத்திற்கு இனியும் இரையாக்கத் தேவையில்லை.

1931ஆம் ஆண்டு அவர் கூறிய இந்தக் கருத்துக்கள் இன்றைக்கும் பொருந்தும்.

மதமாற்றப் பாதிரிகள் இன்னும் தீவிரமாக மக்களை ஏமாற்றுவதை நாடெங்கும் தினம்தோறும் பார்த்து வருகிறோம்.

கடலோரப் பகுதிகளிலும், மலைவாழ் மக்களின் பட்டி தொட்டிகளிலும், தேசத்தின் எல்லையோரப் பகுதிகளிலும் அவர்களின் முயற்சி அதிக அளவில் அதிகப் பணச்செலவில் இன்றும் தொடர்கிறது.

மதமாற்றத்திற்காக தேசத்தைத் துண்டாடும் கலவரங்களைத் தூண்டிவிடும் அளவிற்கு இன்றைய நிலைமை மோசமாகி விட்டது.

 

கிறிஸ்தவ பாதிரிகளே, முதலில் உமது வியாதியிலிருந்து நீவீ ர்  உம்மைக் குணப்படுத்திக் கொள்ளும் என்று காந்திஜியின் வார்த்தைகளை அப்படியே கூறி அவர்களை உடனடியாக பாரதத்தை விட்டு அகற்றுவதே இன்றைய தேவை.

***

பிள்ளைமார் வாழ்க! – 2 (Post No.5123)

Written by S NAGARAJAN

 

Date: 18 JUNE 2018

 

Time uploaded in London –  7-32 am  (British Summer Time)

 

Post No. 5123

 

Pictures shown here are taken from various sources such as Facebook friends, Books, Google and newspapers; thanks. Pictures may be subject to copyright laws.

 

 

தேசம், தெய்வம், தமிழ் போற்றிய உத்தமர்கள்

 

பிள்ளைமார் வாழ்க! – 2

 

ச.நாகராஜன்

 

6

பிள்ளைமார் வாழ்க என்ற தலைப்பில் எழுதிய கட்டுரை (எண் 4566) 31-12-2017 அன்று வெளியிடப்பட்டது.

 

வந்தது ஒரு விமரிசனக் கடிதம்.

 

சரியாகத் தெரிந்து கொண்டு எழுதுங்கள் என்பது தான் சாரம்.

உத்தமர்களைப் புகழ்ந்து எழுதப் போய் வாங்கிக் கட்டிக் கொண்டேன்.

விவரம் என்ன என்று ஆராய ஆரம்பித்ததில் பிள்ளைமார் என்பதில் சுமார் 20க்கும் மேற்பட்ட உட்பிரிவுகள் உள்ளன என்று தெரிய வந்தது.

 

நல்லவர்கள் எல்லோரையும் இனம் காட்டி அவர்களைப் போற்றுவதற்காக எழுதப்பட்ட கட்டுரை அது.

வேற்றுமைகள் இருப்பின் அதை மறந்து புகழ வேண்டிய குணங்களை இனம் கண்டு புகழ வேண்டும்; போற்ற வேண்டும் என்பதே எனது வேண்டுகோள்.

விக்கிபீடியாவில் பிள்ளைமார் பற்றி நிறைய விஷயங்கள் உள்ளது.

 

7

பிள்ளைமார் என்ற பட்டியலை எடுத்துக் கொண்டால் போற்ற வேண்டியவர்களின் பட்டியல் மிக நீளமானது. (தயவுசெய்து உட்பிரிவுகள் இருப்பின் அதை மறக்க வேண்டுகிறேன்.)

மனோன்மணீயம் எழுதிய சுந்தரம் பிள்ளை, ரா.பி.சேதுப்பிள்ளை, எஸ்.வையாபுரி பிள்ளை, வ.சு.செங்கல்வராயன் பிள்ளை, வ.உ.சிதம்பரம் பிள்ளை, ஆறுமுக நாவலர், அகிலன், ஜெயகாந்தன், பட்டுக்கோட்டை கல்யாண சுந்தரம், கவிமணி தேசிக விநாயகம் பிள்ளை, நாமக்கல் கவிஞர் வெ.ராமலிங்கம் பிள்ளை, பரலி சு.நெல்லையப்பர், செண்பகராமன் பிள்ளை, சி.வை.தாமோதரம் பிள்ளை, மறைமலை அடிகள் என நீண்டு கொண்டே போகும் இந்தப் பட்டியல்.

தேசத்திற்கும், தெய்வீகத்திற்கும், தமிழுக்கும் பிள்ளைமார் சமூகம் ஆற்றிய தொண்டைப் புகழ வார்த்தைகளே இல்லை.

பிள்ளை என்று சொல்வதில் பெருமைப்படுகிறேன் என்றார் ஜெயகாந்தன்.

 

இதையே  பிள்ளைமார் குலத்தில் பிறந்த அனைவரும் சொல்வார்கள் – ஏனெனில் குலப் பெருமை அப்படி இருப்பதால்!

எல்லோரையும் பற்றி எழுதுவது என்றால் அது ஒரு பிள்ளைமார் என்சைக்ளோபீடியா ஆகி விடும்.

ஆகவே சுருக்கமாகச் சிலரைப் பற்றி இங்கு பார்க்கலாம். இந்தத் தொடர் கட்டுரையை இத்துடன் முடிக்கலாம்.

 

 

8

 

வ.உ.சி. (தோற்றம் 5-9-1872 மறைவு 18-11-1936)

 

கப்பலோட்டிய தமிழன் திரைப்படத்தில் நடிகர் திலகம் சிவாஜிகணேசன் தத்ரூபமாக வ.உ.சி-ஐ நம் மனக்கண் முன்னே நிறுத்தினார்.

 

பார்த்தவர்கள் மனம் கலங்கியது.

செக்கிழுத்த செம்மலை எப்படிப் புகழ்வது?

மஹாகவி பாரதியாருடனான அவரது நெருங்கிய தொடர்பை யாரும் மறக்க முடியாது.

அழியாத அமர வரிகளால் பாரதியார் அவரை தனது பாடல்களில் சித்தரித்து விட்டார்:

கலெக்டர் விஞ்ச்  ஸ்ரீ சிதம்பரம் பிள்ளைக்குச் சொல்லியது

 

ராகம் – தாண்டகம் தாளம் – ஆதி

நாட்டி லெங்கும் சுதந்திர வாஞ்சையை

நாட்டினாய், கனல் மூட்டினாய்,

வாட்டி யுன்னை மடக்கிச் சிறைக்குள்ளே

மாட்டுவேன்; – வலி காட்டுவேன். (நாட்டி)

கூட்டம் கூடி வந்தே மாதரமென்று

கோஷித்தாய், – எமை தூஷித்தாய்,

ஓட்டம் நாங்க ளெடுக்க வென்றே கப்பல்

ஓட்டினாய், – பொருள் ஈட்டினாய் (நாட்டி)

கோழைப்பட்ட ஜனங்களுக் குண்மைகள்

கூறினாய், – சட்டம் மீறினாய்,

ஏழைப்பட் டிங்கு இறத்தல் இழிவென்றே

ஏசினாய், – வீரம் பேசினாய் (நாட்டி)

அடிமைப் பேடிகள் தம்மை மனிதர்கள்

ஆக்கினாய், – புன்மை போக்கினாய்,

மிடிமை போதும் நமக்கென் றிருந்தோரை

மீட்டினாய், – ஆசை ஊட்டினாய் (நாட்டி)

தொண்டொன் றேதொழிலாக் கொண்டிருந்தோரைத்

தூண்டினாய், – புகழ் வேண்டினாய்,

கண்கண்ட தொழில் கற்க மார்க்கங்கள்

காட்டினாய். – சோர்வை ஓட்டினாய் (நாட்டி)

எங்கும் இந்த சுயராஜ்ய விருப்பத்தை

ஏவினாய், – விதை தூவினாய்,

சிங்கம் செய்யும் தொழிலைச் சிறுமுயல்

செய்யவோ? – நீங்கள் உய்யவோ? (நாட்டி)

சுட்டு வீழ்த்தியே புத்தி வருத்திச்

சொல்லுவேன், – குத்திக் கொல்லுவேன்

தடிப் பேசுவோ ருண்டோ ? சிறைக்குள்ளே

தள்ளுவேன், – பழி கொள்ளுவேன். (நாட்டி)

 

கலெக்டர் வின்சுக்கு  ஸ்ரீ சிதம்பரம் பிள்ளை சொல்லிய மறுமொழி

சொந்த நாட்டிற் பரர்க்கடிமை செய்தே

துஞ்சிடோ ம் – இனி அஞ்சிடோ ம்

எந்த நாட்டினும் இந்த அநீதிகள்

ஏற்குமோ? – தெய்வம் பார்க்குமோ?

வந்தே மாதரம் என்றுயிர் போம்வரை

வாழ்த்துவோம் – முடி தாழ்த்துவோம்

எந்த மாருயி ரன்னையைப் போற்றுதல்

ஈனமோ? – அவ மானமோ?

பொழுதெல்லாம் எங்கள் செல்வங் கொள்ளை கொண்டு

போகவோ? – நாங்கள் சாகவோ?

அழுது கொண்டிருப் போமோ? ஆண்பிள்ளைகள்

அல்லமோ? – உயிர் வெல்லமோ?

நாங்கள் முப்பது கோடி ஜனங்களும்

நாய்களோ? – பன்றிச் சேய்களோ?

நீங்கள் மட்டும் மனிதர்களோ? – இத்

நீதமோ? – பிடி வாதமோ?

பார தத்திடை அன்பு செலுத்துதல்

பாபமோ? – மனஸ் தாபமோ?

கூறும் எங்கள் மிடிமையைத் தீர்ப்பது

குற்றமோ? – இதில் செற்றமோ?

ஒற்றுமை வழி யொன்றே வழியென்பது

ஓர்ந்திட்டோ ம் – நன்கு தேர்ந்திட்டோ ம்

மற்று நீங்கள் செய்யுங்கொடு மைக்கெல்லாம்

மலைவு றோம்; – சித்தம் கலைவுறோம்.

சதையைத் துண்டுதுண் டாக்கினும் உன்னெண்ணம்

சாயுமோ? – ஜீவன் ஓயுமோ?

இதயத் துள்ளே இலங்கு மஹாபக்தி

ஏகுமோ? – நெஞ்சம் வேகுமோ?

 

பாடலை விளக்கவும் வேண்டுமோ?

நாட்டிற்காக அனைத்தையும் தியாகம் செய்த பிள்ளை அவர்களை இந்தியர்கள் – குறிப்பாகத் தமிழர்கள் ஒருநாளும் மறக்க மாட்டார்கள்.

 

*

நாமக்கல் கவிஞர் வெ.ராமலிங்கம் பிள்ளை (தோற்றம் 19-10-1888 மறைவு 24-8-1972)

காந்தியக் கவிஞர் என்று புகழ் பெற்ற இவரது பாடல்கள் ஏராளமானோரை பரவசப்படுத்தியது; ஊக்கப்படுத்தியது!

 

*

 

கவிமணி தேசிக விநாயகம் பிள்ளை (தோற்றம் 27-7-1876 மறைவு 26-9-1954) குமரி மாவட்டத்தில் தேரூரில் வாழ்ந்த தமிழ்க் கவிஞர். ஏராளமான தேசியப் பாடல்கள், குழந்தை இலக்கியப் பாடல்கள் என பல துறைகளிலும் தன் முத்திரையைப் பதித்தவர்

 

*

ஆக தமிழுக்குத் தொண்டு செய்த பிள்ளைமார் சமூகத்தைச் சேர்ந்தவர்களைப் பற்றிச் சொல்லிக் கொண்டே போகலாம்.

 

தமிழர்கள் மறக்க முடியாத சமூகம் பிள்ளைமார் குலம் என்று கூறலாம்.

 

இறுதியாக கட்டுரையை இந்த வரிகள் மூலம் முடிக்கலாம்:

 

நல்ல நல்ல ‘பிள்ளைகளை’ நம்பி

இந்த நாடே இருக்குது தம்பி!

***

 

நடக்காத சந்திப்பு – தப்பிப் பிழைத்த பாரதம் (Post No.5115)

Written by S NAGARAJAN

 

Date: 16 JUNE 2018

 

Time uploaded in London –  6-57 am  (British Summer Time)

 

Post No. 5115

 

Pictures shown here are taken from various sources such as Facebook friends, Books, Google and newspapers; thanks. Pictures may be subject to copyright laws.

 

தேசப் பிரிவினையின் கதை

இதற்கு முன்னர் வெளியான ஆகா கானின் அட்டகாசம்: பிரிவினையின் சோகக் கதை என்ற அத்தியாயத்தைப் படித்தவர்களுக்கு இன்னும் ஒரு கட்டுரை இது :

 

 

 

 

நடக்காத சந்திப்பு – தப்பிப் பிழைத்த பாரதம்! பிரிவினையின் சோகக் கதை!

1

ஒரு சுவாரசியமான (நடக்காத) நிகழ்வை இங்கு பார்க்க வேண்டியிருக்கிறது.

 

இந்திய பத்திரிகையாளர்களில் அந்தக் காலத்தில் பிரபலமானவர் எம்.எஸ்.எம். சர்மா (M.S.M. Sarma) என்பவர்.அவர் தனது நினைவலைகளை (Reminiscences) ‘பீப்ஸ் இன்டு பாகிஸ்தான் ( Peeps into Pakistan) என்ற நூலில் எழுதியுள்ளார்.

அதில் ஒரு சம்பவம் தான் இது.

 

சவர்காரின் அதி தீவிர தீர்க்கதரிசனத்தால் அவர் ஆதரவு தர தேசம் முழுவதிலிருந்தும் சுமார் இரண்டு லட்சம் ஹிந்து-சீக்கிய இளைஞர்கள் பிரிட்டிஷாருக்கு இரண்டாம் உலக மகா யுத்தத்தில் உதவ ராணுவத்தில் சேர்ந்தார்கள்.

பயங்கரமான கோர யுத்தத்தில் பல முனைகளிலும் பணியாற்றிய அவர்கள் பெறுதற்கரிய அனுபவத்தைப் பெற்றனர்.

 

சவர்க்கார் எதிர்காலத்தில் இந்திய ராணுவம் வலிமை வாய்ந்ததாக உருவாக இதை தீர்க்கதரிசனத்துடன் செய்தார்.

ஆகா கான், முகம்மதலி ஜின்னாவின் தீவிர தாக்குதலைத் தடுக்க இந்த வீரர்களின் அமைப்பு பெரிதும் பின்னால் உதவியது. இல்லாவிடில் பல லட்சம் ஹிந்துக்கள் உயிரை இழந்திருப்பர்.

 

ஜின்னாவின் கூட இருந்தவர்கள் பாகிஸ்தான் ஏற்படாவிடில் ரத்தக் களரி தான் ஏற்படும் என்று எச்சரித்தவண்ணம் இருந்தனர்.

 

ஜின்னா நடப்பதைப் பற்றி யோசித்தார். நேருவைக் கண்டால் அவருக்குப் பிடிக்காது. அவர் ஒரு கோழை என்று ஜின்னா நினைத்தார்.சவர்க்காரின் வீரர்கள் பதிலடி கொடுப்பார்கள் என்பதை உணர்ந்த ஜின்னா அதைத் தாக்குப் பிடிக்க முடியாது என்பதையும் உணர்ந்திருந்தார்.

 

ஆகவே தனது நலனை உத்தேசித்து ஜின்னா பிரபல பத்திரிகையாளரான எம்.எஸ்.எம். சர்மாவைச் சந்தித்து சவர்க்காருடன் ஒரு ரகசிய சந்திப்பை நிகழ்த்த ஏற்பாடு செய்யுமாறு வேண்டிக் கொண்டார்.

 

முஸ்லீம்கள் நிச்சயமாக தாங்கள் கூறும் ரத்தக் களரியை ஏற்படுத்த மாட்டார்கள் என்ற உறுதி மொழியை அளிக்க அவர் விரும்பினார். இதற்கு பதில் உபகாரமாக இந்தியா சுதந்திரம் அடைந்த பின்னர், இந்தியாவில் ஏராளமான நிலங்களை வைத்திருக்கும் முஸ்லீம் பிரமுகர்கள் அதை அப்படியே வைத்து உரிமை கொண்டாட அனுமதிக்க வேண்டும் என்றும் அவர் வேண்டிக் கொள்ள நினைத்தார்.

 

ஆனால் துரதிர்ஷ்டவசமாகவோ அல்லது அதிர்ஷ்டவசமாகவோ இந்த சந்திப்பு நிகழவே இல்லை.

இப்படி ஒரு சந்திப்புக்கு ஏற்பாடாகிறது என்ற செய்தி கசிய விடப்பட்டு ஜின்னா மிகவும் சங்கடத்திற்கு உள்ளானார்.

ஆகவே அவர் சர்மாவைக் கூப்பிட்டு சந்திப்பை ரத்து செய்யுமாறு கூறி விட்டார்.

 

2

 

இன்னொரு நடக்காத முக்கிய நிகழ்வையும் இங்கு குறிப்பிட்டாக வேண்டும்.

 

பாரதத்தை இரண்டாகப் பிரிக்காமல் இருக்க முகம்மதலி ஜின்னாவை பாரத பிரதமர் ஆக்குவது, அப்படி ஆக்கினால் பாகிஸ்தான் என்ற தனி நாட்டைக் கேட்கும் எண்ணத்தை முஸ்லீம்கள் விடுவது என்பது ஒரு திட்டம்.

நல்ல வேளையாக மஹாத்மா ஜின்னாவைச் சந்திக்காமலேயே இந்த திட்டம் கை விடப்பட்டது.

பாரதத்தின் சோகமான பிரிவினை பற்றி அந்த நாட்களில் உயர் மட்டத் தலைவர்களுடன் இருந்த பலரும் பின்னால் எழுதிய புத்தகங்கள் பல திடுக்கிடும் விவரங்களைத் தருகின்றன.

இவற்றையெல்லாம் படித்தால் தெரிய வருவது ஒன்று தான்:

தனி நாடாக முஸ்லீம்களுக்காக மட்டும் பாகிஸ்தான் பிரிக்கப்பட வேண்டும். (அங்கு ஹிந்துக்களுக்கும் சீக்கியர்களுக்கும் எந்த வித உரிமையும் கிடையாது – அடிப்படை உரிமைகள் கூட!)

 

செகுலர் என்ற பெயரில் செகுலர் நாடாக உருவாகும் இந்தியாவில் மைனாரிட்டி ரைட்ஸ் என்ற பெயரில் ஏராளமான சலுகைகளைப் பெற்று இந்தியாவை உருக்குலைக்க வேண்டும்.

 

 

 இந்த திட்டத்தினால் இப்போது ஏற்பட்டிருக்கும் தீராத தொடர் வியாதியை நீக்க ஒரு வழி இருக்கிறது.

பாரதத்தை ஹிந்து ராஷ்டிரமாக அறிவித்து விட்டால் அனைத்து தீவிரவாத இஸ்லாமிய பிரச்சினைகள் தீரும்; கிறிஸ்தவ பாதிரிகளின் மத மாற்ற முயற்சியில் மண் விழும்.

எதிர்காலம் ஹிந்து ராஷ்டிரத்தை உருவாக்கும் என்றே அனைவரும் நம்புவோமாக!

****

 

 

ஆகா கானின் அக்கிரம எண்ணம் (Post No.5108)

ஆகா கானின் அக்கிரம எண்ணம் (Post No.5108)

 

Written by S NAGARAJAN

 

Date: 14 JUNE 2018

 

Time uploaded in London –  10-32 am  (British Summer Time)

 

Post No. 5108

 

Pictures shown here are taken from various sources such as Facebook friends, Books, Google and newspapers; thanks. Pictures may be subject to copyright laws.

 

 

தேசப் பிரிவினையின் கதை

 

ஆகா கானின் அக்கிரம எண்ணம்: பிரிவினையின் சோகக் கதை!

 

ச.நாகராஜன்

1

உண்மையாக சொல்லப் போனால் நமது தேசப் பிரிவினையின் உண்மையான சோகக் கதை எத்தனை பேருக்குத் தெரிந்திருக்கும்?

1947இல் சுதந்திரக் குழந்தைகளாக  பிறந்தவர்களுக்கு இப்போது வயது 71 ஆகி இருக்கும். 30 வயதை ஒரு தலைமுறை என்று கொள்வது வழக்கம். ஆக அவர்களுக்கு 2 ¼ தலைமுறை ஆகி இருக்கும். இவர்களுக்கே கூட சுதந்திரம் பெறுவதற்கு ஹிந்துக்கள் கொடுத்த விலை முழுமையாகத் தெரிந்திருக்காது.ஏனெனில் செகுலர் என்ற பெயரில் போலி செகுலரிஸம் போதித்தவர்கள் வரலாறை மறைத்து விட்டார்கள்.

இஸ்லாமில் அனைவரும் கெட்டவர்கள் என்று சொல்ல முடியாது. வெறியர்களே அனைத்துத் தீங்குகளுக்கும் காரணமானவர்கள்.

அதே போல கிறிஸ்தவர்களில் அனைத்துக் கிறிஸ்தவர்களும் கெட்டவர்கள் என்று சொல்ல முடியாது.

மதம் மாறச் செய்ய எந்தச் செயலுக்கும் செல்லத் துணிந்தவர்களே அனைத்துத் தீமைகளுக்கும் காரணமானவர்கள்.

உண்மையில் சொல்லப் போனால் ஒரு நல்ல  முஸ்லீமும் ஒரு நல்ல கிறிஸ்தவரும் தீவிரமான தீய வழியில் செல்லத் தயங்குபவர்களே. அவர்களை மூளைச் சலவை செய்யப் பார்ப்பார்கள்; முடியாவிடில் அவர்களைப் பேச விடாமல் மௌனம் சாதிக்க வைத்து விடுவார்கள்.

ஆக அவர்களுக்கும் கூட, இந்தியாவில் சுதந்திரமாக இருப்பதால், பிரிவினையின் உண்மையான சோகக் கதை தெரிய வேண்டும்.

இதை ஒரு அத்தியாயத்தில் சொல்லி விட முடியாது; விளக்கி விட முடியாது. பல அத்தியாயங்கள் எழுத வேண்டும்.

பல நூற்றாண்டுகளாக பாரதத்தை ஆக்கிரமித்த முகம்மதிய வெறியர்கள் இந்த நாட்டைத் தனது பாட்டன் வீட்டுச் சொத்து என்று எண்ணி விட்டார்கள். ஆகவே தான் “உடமஸ்தன் (சொத்துக்கு உரிமை உடையவன்) அதற்கு உரிமை கொண்டாட விழையும் போது அவனைப் பல வழிகளிலும் துன்பப் படுத்துகிறார்கள்.

அதே போல சுமார் 300 வருடங்கள் அதிகார போதையாலும், செல்வத்தைக் கொள்ளை அடிப்பதாலும் சுகம் கண்ட பிரிட்டிஷார் இந்த நாட்டைக் கிறிஸ்தவ நாடாக ஆக்க எடுத்த முயற்சிகள் “முகம்மதிய கலாசாரத்திற்குச் சற்றும் குறைந்ததல்ல!

இவர்களும் “உடமஸ்தன் வந்து எனது சொத்து என்று சொல்லும் போது கோபப் பட்டு தீங்குகளை இழைக்க விழைகிறார்கள்.

ஆகவே இந்தப் பின்னணியை முதலில் புரிந்து கொண்டு, பிரிவினையுடன் சுதந்திரம் பெற்ற கதையைச் சற்று சுதந்திரமாக அணுக வேண்டும்.

 

2

சையத் அஹ்மத் கான். (Syed Ahmed Khan).

இவர் தான் பாரதம் துண்டாடப் பட வேண்டும் என்பதற்கு விதை விதைத்தவர்.

1888ஆம் ஆண்டு முஸ்லீம்கள் ஒரு தனி நாட்டைச் சேர்ந்தவ்ர்கள் என்று இவர் தான் முதலில் கூறினார்.

ஒன்று முஸ்லீம்கள் இந்த நாட்டை ஆள்பவர்களாக இருக்க வேண்டும் அல்லது தேசம் பிரிவினை செய்யப்பட வேண்டும் என்றார் சையத் அஹ்மத் கான்.

ஆனால் அலிகார் முஸ்லீம் யுனிவர்ஸிடியை அமைக்க தனது வேஷத்தைச் சற்று மாற்றிக் கொண்டார். எப்போதுமே தாராள மனமுள்ள ஹிந்துக்களின் தாராளமான நன்கொடைகளை “மனமுவந்து ஏற்றுக் கொண்டார்.

1898இல் இவர் இறந்தார்.

இவர் “விட்டுச் சென்ற பணியைத் தொடர வந்தார் ஆகா கான்.

(Aga khan)

3

ஆகா கான் என்பது ஒரு பெயர் அல்ல. அது ஒரு அதிகார பதவியைக் குறிக்கும் தலைப்பு அதாவது Title.

இவரைப் பற்றி விக்கிபீடியா தரும் தகவலில் முதல் பாராவை இங்கு பார்க்கலாம்:

 

Aga Khan III

From Wikipedia, the free encyclopedia

Sir Sultan Muhammed Shah, Aga Khan III GCSI GCMG GCIE GCVO PC (2 November 1877 – 11 July 1957) was the 48th Imam of the Nizari Ismailireligion. He was one of the founders and the first president of the All-India Muslim League (AIML). His goal was the advancement of Muslim agendas and protection of Muslim rights in India. The League, until the late 1930s, was not a large organisation but represented the landed and commercial Muslim interests of the British-ruled ‘United Provinces’ (as of today Uttar Pradesh).[2] He shared Sir Syed Ahmad Khan‘s belief that Muslims should first build up their social capital through advanced education before engaging in politics. Aga Khan called on the British Raj to consider Muslims to be a separate nation within India, the so-called ‘Two Nation Theory’. Even after he resigned as president of the AIML in 1912, he still exerted major influence on its policies and agendas. He was nominated to represent India to the League of Nations in 1932 and served as President of the League of Nations from 1937–38

 

மூன்றாம் ஆகா கானின் பெயர் சர் சுல்தான் முஹம்மத் ஷா. (பிறப்பு 2-11-1877 மறைவு 11-7-1957)

இவர் 48வது இமாம்.

முஸ்லீம் லீகை நிறுவியவர்களுள் இவரும் ஒருவர்.

இவரது அக்கிரம எண்ணங்களுக்கு ஒரு அளவே இல்லை!

சையத் அஹ்மத் கானின் பிரிவினை வாதத்தை ஊக்கமுடன் ஏற்றுக் கொண்டவர் இவர். பிரிவினை கூடாது என்றால் பாரதம் முஸ்லீம்களால் ஆளப்பட வேண்டும்.

பிரிட்டிஷாருடன் இதற்காக அவர் கை கோர்த்துக் கொண்டார். இரு தேசக் கொள்கை என்பதை இவர் ஆதரித்தார். இவரது அட்டகாசத்தாலும் அக்கிரம எண்ணங்களா ஹிந்து-முஸ்லீம்களுக்குள் பிளவு மனப்பான்மை ஏற்பட்டது. இதனால் மகிழ்ந்தவர்கள் பிரிட்டிஷாரே.

மேலும் தகவல்களை அடுத்த கட்டுரையில் பார்ப்போம்

 

**

 

 

Aga Khan | Tamil and Vedas

tamilandvedas.com/tag/aga-khan

Posts about Aga Khan written by Tamil and Vedas

 

bath water | Tamil and Vedas

tamilandvedas.com/tag/bath-water

The Aga Khan, while not a ruling … https://tamilandvedas.com/2016/09/23/muslim-holy-water-sold-post-no-3182/ Categories. Categories Archives. March 2018; February …

 

 

நரேந்திர மோடி 20 மணி நேர உழைப்பு ரகசியம்! (Post No.5097)

Written by S NAGARAJAN

 

Date: 11 JUNE 2018

 

Time uploaded in London –  7-15 am  (British Summer Time)

 

Post No. 5097

 

Pictures shown here are taken from various sources such as Facebook friends, Books, Google and newspapers; thanks. Pictures may be subject to copyright laws.

 

 

 

நரேந்திர மோடி நாளுக்கு 20 மணி நேரம் உழைப்பதன் ரகசியம்!

 

ச.நாகராஜன்

 

ரிபப்ளிக் டி.வியில் ஆர்னாப் கோஸ்வாமி வெள்ளியன்று (8-6-18) பாரத பிரதமர் நரேந்திர மோடி அவர்களை மாவோயிஸ்டுகள் கொல்லச் சதி தீட்டும் கடிதத்தை வெளியிட்ட போது நாடே திடுக்கிட்டது.

 

பல கோடி ரூபாய் இதற்குத் தேவைப்படுகிறது என்றும் “ஒத்த மனமுடைய” நிறுவனங்களையும் கட்சிகளையும் இதற்கு உதவி கோரி நாடலாம் என்று கடிதத்தில் குறிப்பிடப்பட்ட வாக்கியத்தைக் காண்பித்து அந்த நிறுவனங்களும் கட்சிகளும் எவை எவை என்று கேட்டார் ஆர்னாப்.

நாடே அறியத் துடிக்கும் விஷயம் இது.

 

 

மாவோயிஸ்டுகளை இரக்கமின்றி நாட்டை விட்டுத் துரத்த வேண்டும் என்று அவர் கூறிய போது தேசமே ஆமாம் ஆமாம் என்று ஒரே குரலில் கூறியது.

ஹ்யூமன் ரைட்ஸ் என்ற பெயரில் அந்த இயக்கத்தில் இந்த வம்பு கோஷ்டிகள் புகுந்துள்ளதையும் அவர் சுட்டிக் காட்டினார்.

இலக்கியம், கலை, பண்பாடு ஆகியவற்றின் பெயரிலும் பெண்ணியக்கம் பெயரிலும் மனித உரிமைகள் பெயரிலும் உள்ளே நுழைந்து தேசத்தைத் துண்டாட நினைக்கும் தேசத் துரோகிகள் கடையில் ராஜீவ் காந்தி ஸ்டைலில் நரேந்திர மோடியைக் கொலை செய்ய வேண்டும் என்று சொல்லி இருப்பதை யாராலும் சகித்துக் கொள்ள முடியாது.

 

 

அருண் ஜேட்லியின் நான்கு விதமான தேசத் துரோகிகளின் பட்டியலையும் இந்த டி.வி.நிகழ்ச்சி அறிமுகப் படுத்தியது.

சரி, நரேந்திர மோடி என்ன ‘பாவம்’ செய்தார் – இந்த தேசத் துரோகிகளின் பார்வையில் விழுவதற்கு.

பதிலை அனைவரும் அறிவோம்.

நாட்டிற்காக நாளுக்கு இருபது மணி நேரம் உழைக்கிறார் என்பது தான் பதில்.

 

அதாவது இருபத்து நான்கு மணி நேரத்தில் 83.88 சதவிகிதம் அவர் உழைக்கிறார்.

 

நாடு ஒன்றுபட்டு முன்னேறி விட்டால் நாசகாரிகளால் பொறுத்துக் கொள்ள முடியாதே.

 

2

நரேந்திர மோடி லண்டனில் 18, ஏப்ரல், 2018 அன்று வெஸ்ட்மினிஸ்டர் சென்ட்ரல் ஹாலில் ‘பாரத் கி பாத் சப்கே சாத்’ என்ற நிகழ்ச்சியில் கலந்து கொண்டார்.

நிகழ்ச்சியில் பங்கு கொண்ட ஒருவர் மோடி அவர்களிடம் ஒரு கேள்வியைக் கேட்டார் இப்படி:

 

 

“ நீங்கள் ஒரு நாளைக்கு இருபது மணி நேரம் உழைக்கிறீர்கள். உங்களுக்கு எப்படி இதற்கான சக்தியும் உந்துதலும் கிடைக்கிறது?!”

 

அதற்கு உடனே மோடி அவர்கள் நகைச்சுவையாக பதில் அளித்தார்:” நான் ஒரு நாளைக்கு 2 முதல் 3 கிலோ வரை திட்டலையும் ஏசலையும் ஜீரணிப்பதால்!”

பின்னர் அவர் கேள்விக்கான பதிலைக் கூறலானார்:

‘அவன் ஒரு பாரமல்ல; அவன் எனது சகோதரன்’ என்ற கதையை முதலில் கூறினார்.

 

 

ஒரு இளம் பெண் அவளது சின்னத் தம்பியை தூக்கி வைத்துக் கொண்டு மலையின் மீது தினமும் ஏறிக் கொண்டிருந்தாள். ஒரு சந்யாசி அவளைப் பார்த்து,” அவனைத் தூக்கிக் கொண்டு மலை மீது ஏறுகிறாயே, உனக்குக் களைப்பாக இல்லையா?” என்று கேட்டார்.

 

அதற்கு அந்த இளம் பெண் பதில் சொன்னாள்: “அவன் எனது தம்பி.”

 

சந்யாசி கேட்டார்:”அது எனக்குத் தெரியும். ஆனால் தினந்தோறும் அவனைச் சுமந்து மலை மீது ஏறுவது சிரமமாகத் தோன்றவில்லையா?”

 

ஒவ்வொரு முறை சந்யாசி இப்படிக் கேட்கும் போதும் அந்த இளம் பெண் கூறிய பதில்: “அவன் எனது தம்பி.”

கடைசியாக ஒரு நாள் முத்தாய்ப்பாக அவள் சந்யாசியிடம் கூறினாள் : “எனது தம்பியைத் தூக்கிக் கொண்டு போவது எனக்கு சந்தோஷமாக இருக்கிறது. சுமையாகத் தோன்றவில்லை.”

மோடி கதையைக் கூறி விட்டுத் தொடர்ந்தார் : “அந்தப் பெண் போல தேசத்திற்காகவும் எனது சகோதர சகோதரிகளான 125 கோடி பேருக்காகவும்  உழைக்கும் போது எனக்கு களைப்பே தோன்றவில்லை.”

 

 

உண்மையான அர்ப்பணிப்பு மனப்பான்மையுடன் கூடிய ஒரு சிறந்த தேசத் தொண்டனின் பதில் இது.

இப்படிப்பட்ட தேசபக்தனை மாவோயிஸ்டுகளும் “ஒத்த மனமுடைய” நிறுவனங்களும் கட்சிகளும் விரும்பவில்லை; விரும்பாது என்பது நிதர்சனமான உண்மை.

 

ராஜீவ் காந்தி ஸ்டைலில் என்றால் தற்கொலைப் படையை தயார் செய்ய வேண்டும் அதற்காக பல கோடி ரூபாய்களும் ஏராளமான ஆயுத தளவாடங்களும் தேவை என்று கடிதம் குறிப்பிடுவதில் ஆச்சரியம் இல்லை.

 

தேசம் இந்த துரோகிகளால் ஒரு இளம் பிரதமரை இழந்தது போதும்.

இவர்களை இனம் கண்டு, கண்டு பிடித்து உடனடியாக நாடு கடத்த வேண்டும்.

 

ஜனநாயகத்தின் பெயரால் இந்த தேசத் துரோகிகள் தேசத்தைப் பிரிக்கும் எதை வேண்டுமானாலும் கூறிக் கொண்டு திரியலாம் என்று நினைத்தால் அதற்கு இந்திய மக்களின் பதில்”

“அது நடக்காது, ‘தோழா’! அதற்கு முன் உன் பாவச் சுமையால் நீயே அழிவாய்!” என்பது தான்!

 

ஜனநாயக சக்திகள் ஒன்று சேர வேண்டிய தருணம் இந்திய வரலாற்றில் இதுவே தான்!

 

சேர்வோம்; வெல்வோம்!

***

எனது கம்பெனியில் சேருகிறீர்களா, சார், நீங்கள்? (Post No.5074)

Written by S NAGARAJAN

 

Date: 4 JUNE 2018

 

Time uploaded in London –  6-56 am  (British Summer Time)

 

Post No. 5074

 

Pictures shown here are taken from various sources such as Facebook friends, Books, Google and newspapers; thanks. Pictures may be subject to copyright laws.

 

 

நடைச்சித்திரம் : மேலாண்மை நகைச்சுவை

 

எனது கம்பெனியில் சேருகிறீர்களா, சார், நீங்கள்?

.நாகராஜன்

 

எனது கம்பெனியில் வேலைக்கு ஆட்களை எடுக்கிறோம்.

நீங்கள் சேருகிறீர்களா, சார்?

**

 

கம்பெனி தலைமை நிர்வாகிகளைப் பற்றிய அனுபவங்கள் அநேகமாகப் பலருக்கும் ஒரே மாதிரியாகத் தான் இருக்கும். பணியைப் பற்றிய அறிவு நன்கு இல்லாவிட்டாலும் மற்றவரை நன்கு வேலை வாங்கத் தெரிய வேண்டும்; அதாவது நன்கு செயல் திறமையுடனும் அறிவுடனும் இருக்கும் பலரையும் நன்கு பயன்படுத்தத் தெரிந்திருக்க வேண்டும்;

இன்னொரு வித தலைமை நிர்வாகிகள் உண்டு; அவர்கள் மானேஜ்மெண்டின் தலைமைக்கு தலைமையாக இருக்கும் கம்பெனி உரிமையாளர்களை “அனுசரித்து” நடப்பவர்கள்.

 

இதற்கு அர்த்தம் எப்படி வேண்டுமானாலும் எடுத்துக் கொள்ளலாம். அதாவது “ஆமாம் சாமி” யாக இருக்க வேண்டும்!

சரி இன்றைய கம்பெனிகளின் நிர்வாகிகள் – பாஸ் – எப்படி இருக்கிறார்கள்?

ஒரு ஜோக் உண்டு.

 

கிளி ஒன்றை வாங்க வந்தவர் அதன் விலையைக் கேட்டார்.

500 டாலர் என்றார் கடைக்காரர்.

“500 டாலரா? கிளிக்கா” என்று வாயைப் பிளந்தார் விலையைக் கேட்டவர்.

“இதற்கு கம்ப்யூட்டர் ஆபரேட் பண்ணத் தெரியும் “ என்றார் கடைக்காரர்.

அடுத்த கிளியைப் பார்த்த அவர், “இதன் விலை என்ன?” என்றார்.

“இதன் விலை ஆயிரம் டாலர் என்றார் கடைக்காரர்.

 

“ஆயிரம் டாலரா? ஒரு கிளிக்கா இந்த விலை” மலைத்துப் போய்க் கேட்டார் அவர்.

“இந்தக் கிளிக்கு யூனிக்ஸ் ஆபரேடிங் சிஸ்டம் தெரியும.புராகிராமும் பண்ணும்” என்றார் கடைக்காரர்.

மூன்றாவதாக இருந்த கிளியைப் பார்த்த அவர், “இதன் விலை என்ன?” என்று கேட்டார்.

இதன் விலை இரண்டாயிரம் டாலர் என்றார் கடைக்காரர்.

“என்ன இரண்டாயிரம் டாலரா?” என்று மயங்கி விழும் நிலையில் இருந்தார் கேட்டவர். “அப்படி என்ன இது செய்கிறது?”

 

“உண்மையைச் சொல்லப் போனால் இது ஒன்றுமே செய்து நான் பார்த்ததில்லை. ஆனால் மற்ற இரண்டு கிளிகளும் இதை “பாஸ்” என்று கூறி பவ்யமாக நடந்து கொள்கின்றன!” என்றார் கடைக்காரர்.

எக்ஸிகியூடிவ் என்பவர் யார் என்பதை இப்போது புரிந்து கொண்டால் சரி.

 

ஒரு நல்ல எக்ஸிகியூடிவ் திறமையானவர்களைத் தேர்ந்தெடுக்க வேண்டும். நல்ல வேலை வாங்க வேண்டும். தலைமைக்கும் தலைமையாக இருக்கும் உரிமையாளர்களை “அனுசரித்து” நடக்க வேண்டும்.

 

 

ஒரு எக்ஸ்கியூடிவ் லேடி கார் ஓட்டும் போது ஒரு பஸ் மோதி இறந்தார்.

அவரை மேல் உலகில் செயிண்ட் பீட்டர் வரவேற்றார்.

 

“நீங்கள் பெரிய எக்ஸிகியூடிவ். அனைத்தும் அறிந்தவர். வேலையாட்களை எடுத்து அவர்களுடன் பணி புரிந்தவர். ஆகவே உங்களுக்கு ஒரு சலுகை.

ஒரு நாள் உங்களை நரகத்திற்கு அனுப்புகிறேன். அடுத்த நாள் உங்களை சொர்க்கத்திற்கு அனுப்புகிறேன். 48 மணி நேரம் கழித்து உங்கள் முடிவின் படி நீங்கள் எங்கு செல்ல விரும்புகிறீர்களோ அங்கு செல்லலாம்”

செயிண்ட் பீட்டரின் இந்த அபார சலுகையால் மனம் மகிழ்ந்த பெண்மணி முதலில் நரகம் சென்றார்.

 

அபாரமான வரவேற்பு.அனைத்துப் பெண்களும் அழகிகள். பியூட்டி பார்லரின் செண்ட் வாசனை கமகமத்தது.

அவரை வரவேற்று கோல்ப் மைதானத்திற்கு கூட்டிச் சென்றனர். நல்ல விளையாட்டு.பின்னர் க்ளப் ஹவுஸில் டின்னர். அடாடாடா! அதுவல்லவா டின்னர்.

 

டெவில் நேரடியாக வந்து நமது பெண்மணியை வரவேற்று நலம் விசாரித்தார்.

பிறகு பார்ட்டி. நல்ல அரட்டை.

24 மணி நேரம் முடிந்தது.

 

இப்போது சொர்க்கத்திற்கு அவர் கொண்டு செல்லப்பட்டார்.

மேகக் கூட்டங்களின் நடுவே தேவதைகள்! அவரை வரவேற்றன. நல்ல பாடல். அழகிய நடனம். ஆனந்தமாக இருந்தது.

24 மணி நேரம் முடிந்தது.

 

அவர் செயிண்ட் பீட்டரிடம் தன் முடிவைச் சொல்லும் நேரம்.

“நன்கு யோசித்துப் பார்த்தேன். சொர்க்கம் நன்றாகத் தான் இருக்கிறது. ஆடலும் பாடலும் சரி தான். ஆனால் நரகத்தில் இருக்கும் சுகமே தனி. ஆகவே அங்கேயே செல்ல விரும்புகிறேன்.”

அவர் நரகத்திற்கு அனுப்பப்பட்டார்.

நரகத்தில் கோரமான உருவங்கள் ஹாஹா என்று இப்போது அலறிக் கொண்டிருந்தன. நாற்றம் தாங்க முடியவில்லை. பார்க்கும் இடமெல்லாம் சகிக்க முடியாத குப்பை கூளச் சாப்பாடு.

அலறிப் போன பெண்மணியை டெவில் – கோரமான உருவம் – பார்த்து அசிங்கமாகச்  சிரித்தது.

 

“நேற்று நான் வந்த போது இந்த இடம் பிரமாதமாக இருந்ததே” என்று வருத்தம் தோய பயத்துடன் எக்ஸ்கியூடிவ் பெண்மணி கேட்டார்.

அதற்கு டெவில் பதில் சொன்னது” “ நேற்று உங்களை தேர்ந்தெடுக்கும் நாள்.இன்றோ நீங்கள் பணியாளருள் ஒருவர்.” (Yesterday we were recruiting you; today you are staff!”)

 

கம்பெனிகளைப் பற்றியும் எக்ஸிகியூடிவ் பற்றியும் ஒரு நல்ல ஐடியா கிடைத்தால் சரி!

**

 

எனது கம்பெனியில் வேலைக்கு ஆட்களை எடுக்கிறோம்.

நீங்கள் சேருகிறீர்களா, சார்?

 

***