அழகிக்கு நான்கு நெற்றி, ஐந்து காதணி, ஆறு …….. ஒரு புதிர் பாடல்! (Post No.7545)

WRITTEN BY S NAGARAJAN                     

Post No.7545

Date uploaded in London – – 7 February 2020

Contact – swami_48@yahoo.com

Pictures are taken from various sources for spreading knowledge; this is a non- commercial blog.

அழகிக்கு நான்கு நெற்றி, ஐந்து காதணி, ஆறு மார்பகங்கள், ஏழு கண்கள் – ஒரு புதிர் பாடல்!

ச.நாகராஜன்

மதுரகவிராயரின் பல பாடல்களை ஏற்கனவே பல கட்டுரைகளில் பார்த்து விட்டோம்.

இன்னும் ஒரு பாடல் இது.

புதுமையான புதிர் பாடல் இது.

துரைரங்கன் என்னும் ஒரு பிரபுவின் மீது அவர் பாடிய இந்தப் பாடலில் அவரை, பாடலில் உள்ள புதுமையை ஆராய்ந்து அறிய வேண்டும் என்கிறார் கவிராயர் tamilandvedas.com, swamiindology.blogspot.com

.

பாடல் இதோ:

துங்கவரை மார்பா துரைரங்க பூபதியே

இங்கோர் புதுமை யியம்பக் கேள் – பங்கயக்கை

ஆயிழைக்கு நான்குநு தலைந்துகுழை யாறுமுலை

மாயவிழி யேழா மதி

பாடலின் பொருள் :

துங்கம் – பரிசுத்தமாகிய

வரை – மலை போன்ற

மார்பா – மார்பினை உடையவனே

துரைரங்க பூபதியே – துரைரங்கன் என்னும் பூபதியே

இங்கு  – இவ்விடத்தில்

ஓர் புதுமை இயம்பக் கேள் – ஒரு புதிய செய்தி உண்டு; அதைச் சொல்கிறேன்; கேட்பாயாக (அது என்னவெனில்)

பங்கயக் கை – தாமரை மலர் போன்ற கைகளை உடைய

ஆயிழைக்கு – அழகிய பெண்ணுக்கு

நான்கு நுதல் – நான்கு நெற்றிகள்

ஐந்து குழை – காதணி ஐந்து tamilandvedas.com, swamiindology.blogspot.com

ஆறு முலை – மார்பங்கள் ஆறு

மாய விழி ஏழாம் – வஞ்சமுள்ள (மயக்கும்) கண்கள் ஏழு

மதி – தேர்ந்து நீயே ஆலோசித்து இதை அறிவாயாக!

பாடலின் பொருளை துரைரங்க பூபதி அறிந்து கொண்டு மதுரகவி ராயருக்குப் பரிசுகள் கொடுத்துப் பாராட்டினார்.

பாடலில் மறைந்திருக்கும் பொருள் தான் என்ன?

ஆயிழை என்றால் கன்னி (ராசி)

மேஷம், ரிஷபம், மிதுனம்,கடகம், சிம்மம், கன்னி, துலாம், விருச்சிகம், தனுசு, மகரம், கும்பம், மீனம் ஆகியவை பன்னிரெண்டு ராசிகள் tamilandvedas.com, swamiindology.blogspot.com

இவற்றில் கன்னி ராசிக்கு நான்காவது ராசி  தனுர் ராசி.

தனுர் என்றால் வில் என்று பொருள்

கன்னி ராசிக்கு ஐந்தாவது ராசி மகரம்.

மகரம் என்றால் மீன் என்று பொருள்.

கன்னி ராசிக்கு ஆறாவது ராசி கும்பம். அதாவது குடம்.

கன்னி ராசிக்கு ஏழாவது ராசி மீனம். அதாவது கெண்டை மீன்.

பாடலில் புலவர் கூறிய கருத்து;

அழகிக்கு வில்லை நிகர்த்த நெற்றியும்

மகர மீனுருவை ஒத்த காதணியாகிய மகர குண்டலமும்

குடம் போன்ற மார்பகங்களும்

கெண்டை மீன் போன்ற கண்களும் உள்ளன.

இதை ஆராய்ந்து அறிக.

 ஜோதிடத்தில் அழகியைச் சேர்த்துப் பாடிய சமத்காரப் பாடல் இது. tamilandvedas.com, swamiindology.blogspot.com

இன்னொரு சமயம் மதுரகவிராயர் ஒரு அழகிய பெண்ணைப் பார்த்தார்.

அபார அழகு. அசந்து போனார். பாடினார் ஒரு பாடல் இப்படி :-

மூவென்ப தென்பதிலோர் நாளில்லை மொய்வனத்தில்

தாவுந் தனிமிருகந் தானில்லை -நேரே

வளையா நடையில்லை வாரிறுக விம்மும்

முலையாளை யான் முயங்குதற்கு

பாடலின் பொருள் :

வார் இறுக – கச்சு இறுகும்படி

விம்மும் முலையாளை – பருத்த மார்பகங்களை உடையவளை

யான் முயங்குவதற்கு – நான் கட்டித் தழுவுவதற்கு

மூவொன்பது என்பதில் – மூன்று ஒன்பது அதாவது இருபத்தேழு நட்சத்திரங்களில்

ஓர் நாள் இல்லை – ஒரு நட்சத்திரம் இல்லை – உத்தர நட்சத்திரம் இல்லை – அதாவது உத்தரம் இல்லை (பதில் இல்லை – அவளிடமிருந்து)

மொய் வனத்தில் – நெருங்கிய காட்டில்

தாவும் – தாண்டித் திரியும் tamilandvedas.com, swamiindology.blogspot.com

தனி மிருகம் இல்லை – ஒப்பற்ற மிருகம் இல்லை (அதாவது வேங்கை இல்லை. வேங்கை என்ற சொல்லுக்குப் பொன் என்ற பொருளும் உண்டு)

நேரா வளையா நடை இல்லை – நேராக வளையா நடையுமில்லை.

நேரா வளையா நடை என்பது அன்னம் அல்லது சோறைக் குறிக்கிறது tamilandvedas.com, swamiindology.blogspot.com

.

 பேரழகியைக் கட்டித் தழுவுவதற்கு ஆசை. ஆனால் அவளிடமிருந்து பதிலும் இல்லை; என்னிடம் அவளுக்குத் தரப் பொன்னும் இல்லை;  சோறும் இல்லை, எப்படித் தழுவுவேன்?

நல்ல கேள்வி இது? யார் தான் பதில் சொல்ல முடியும்?

***

செய்தியில் அடிபட்ட புஸ்தகங்கள் (Post No.7535)

Compiled by London Swaminathan               

Post No.7535

Date uploaded in London – – 4 February 2020

Contact – swami_48@yahoo.com

Pictures are taken from various sources for spreading knowledge; this is a non- commercial blog.

1993ம் ஆண்டு ஜனவரி 3 தேதியிட்ட தினமணி கதிரில் நான் எழுதிய செய்தியில் அடிபடும் புஸ்தகங்களை இத்துடன் இணைத்துள்ளேன். சல்மான் ருஷ்தியைப் பொறுத்தவரையில் அவர் மீதான பட்வா நீக்கப்பட்டு அவர் உயிருடன் உள்ளார். கலை ப் பொக்கிஷம் தொடர்பான புஸ்தகம் இன்றும் ‘யானை விலை குதிரை விலை’க்கு விற்கப்படுகிறது .

Latest on Salman Rushdie

Sir Ahmed Salman Rushdie FRSL is a British Indian novelist and essayist. His second novel, Midnight’s Children, won the Booker Prize in 1981 and was deemed to be “the best novel of all winners” on two separate occasions, marking the 25th and the 40th anniversary of the prize. Wikipedia

Born19 June 1947 (age 72 years), Mumbai, India

SpousePadma Lakshmi (m. 2004–2007), 

MoviesMidnight’s ChildrenThen She Found Me,

ChildrenZafar RushdieMilan Rushdie

Tags –  பட்வா , சல்மான் ருஷ்தி, கல்லறை, புஸ்தகம், கலைப் பொக்கிஷம்

–subham–

தேன் ஏன் கெடுவதில்லை? (Post No.7533)

Written by London Swaminathan               

Post No.7533

Date uploaded in London – – 4 February 2020

Contact – swami_48@yahoo.com

Pictures are taken from various sources for spreading knowledge; this is a non- commercial blog.

லண்டனில்  இருந்து வெளியாகும் மெட்ரோ பத்திரிகை அறிவியல் கேள்வி பதில் பகுதியில் தேன் ஏன் கெடுவதில்லை? என்ற கேள்விக்கு பதில் சொல்லகிறது.

மூடி வைக்கப்பட்ட பாண்டங்களில் தேன் (Honey) இருந்தால் பல ஆயிரம் ஆண்டுகள் ஆனாலும் கெடுவதில்லை. எகிப்திய கல்லறைகளில் தேன் கண்டுபிடிக்கப்பட்டது. அது கெடவில்லை. Written by London swaminathan, tamilandvedas.com, swamiindology.blogspot.com

தேன் கெடாமல்  இருப்பதற்குக் காரணம் தேநீக்கள் அதை செய்யும் முறையே.

தேனீக்களில் , பூக்களுக்குச் சென்று தேனை சேகரித்துக் கொண்டுவரும்  ஒரு பிரிவு (Forager Bees)  உண்டு. அவை .அதை தொழிலாளர் பிரிவு தேநீக்களிடம் (Worker Bees)  அளிக்கும்

தொழிலாளர் பிரிவு தேனீக்கள் அதை குடிக்கும்; கொப்பளிக்கும் ; இவ்வாறு பலமுறை செய்து கொண்டே இருக்கும் . இதனால் அந்தத் தேனில் உள்ள நீர்சசத்து குறைந்துவிடும். இப்படி ச்  செய்கையில் அவற்றின் வயிற்றில் உள்ள என்சைம்  தேனில் இருக்கும் குளுக்கோஸ் என்னும் சர்க்கரைச் சத்தை குளுகோனிக் அமிலமாக (Gluconic Acid)  மாற்றிவிடும் தென் இவ்வாறு அமில ச் சத்துடன் ஆக்கப்படும்போது ஹைட்ரஜன் பெராக்ஸைட் (Hydrogen Peroxide) என்ற வாயுவும் உற்பத்தியாகும் . அதுமட்டுமல்ல . தேன் அட்டைகளின் அறைகளில் தேனை வைத்து தனது  சிறகுகளால் விசிரிக் கொண்டே இருக்கும். இதனால் தண்ணீர் சத்து மேலும் ஆவியாகும் .மொத்தத்தில் அமிலத் தன்மையும் நீரின்மையும் இதைக் கெடாமல் பாத்து காக்கிறது. உணவுப் பண்டங்களைக் கெட்டுப்போக ச் செய்யும்  பாக்டீ ரியாக்கள் இந்த சூழ்நிலையில் வாழ முடியாது . ஹைட்ரஜன் பெராக் ஸைட் வாயுவுக்கும் பாக்டிரீயா (Anti bacterial)  கிருமிகளைக் கொள்ளும் சக்தி உண்டு . ஆகையால் பாட்டில்களில் அடைக்கப்பட்ட தேன் , பல ஆண்டுகள் ஆனாலும் கெடுவதில்லை . Written by London swaminathan, tamilandvedas.com, swamiindology.blogspot.com

xxx

rock honey bees

எனது கருத்து

சமணர்கள் தேன் சாப்பிடமாட்டார்கள் இவ்வளவு கஷ்டப்பட்டு தேனீக்கள் உருவாக்கும் தேன் நமக்கானதல்ல . அவைகளுக்கானதே ;மேலும் இது பிராணிகளை வதை செய்வதாகும் என்பது அவர்கள் கருத்து. இந்துக்கள் வேத காலம் முதலே மது பர்க்கம் என்ற பெயரில்  பாலையும் தேனையும் சேர்த்துக் கொடுத்து உபசரித்தனர்; பைபிளிலும் சரி, சம்ஸ்க்ருத -தமிழ் இலக்கியங்களிலும் சரி; ஒரு நாட்டின் செழிப்பை  வருணித்துச்  சொல்கையில் ‘அங்கு பாலும் தேனும் ஆறாக ஓடிற்று’ என்பர்.

ஆனால் சமணர்கள் பால் பொருட்களை பயன்படுத்துவர். கன்றுகளுக்கு எஞ்சியது போக மீதியுள்ள பாலை மட்டும் இந்துக்களும் சமணர்களும் பயன்படுத்துவர். Written by London swaminathan, tamilandvedas.com, swamiindology.blogspot.com

ஜாதிக்கொடுமை

Honey bottles in my kitchen in London.

ஜாதிகளைக் கண்டுபிடித்தது ஆரியரா திராவிடர்களா என்ற சர்சசையை வரலாற்று ஆசிரியர்கள் விவாதிப்பது உண்டு .உண்மையில் சொல்லப் போனால் அதைக் கண்டுபிடித்து இன்று வரை நடைமுறைப் படுத்துவது தேனீக்களே! ராஜா -ராணி வம்ச பரம்பரை ஆட்சிக்கும் அதுவே காரணம் போலும். தொழிலாள ர்களை வேலைக்கு வாங்கி சுக போகமாக வாழ்கிறது ராணித்  தேனி . போகட்டும் . அவைகள்  பின்பற்றும்  ஜாதிக்கொடுமைக்கு கை  மேல் கிடைத்த பலன்!! மனிதர்கள் அத்தனை தேனையும் திருடிக் குடித்து விடுகிறார்கள் ! Written by London swaminathan, tamilandvedas.com, swamiindology.blogspot.com

–subham–

‘உள்ளுர்ப் பெண்ணும் அயலூர் மண்ணும் ஆகாது’ (Post No. 7510)

COMPILED BY LONDON SWAMINATHAN

Post No.7510

Date uploaded in London – 29 January 2020

Contact – swami_48@yahoo.com

Pictures are taken from various sources for spreading knowledge; this is a non- commercial blog.

பிப்ரவரி 2020 காலண்டர்  (விகாரி- தை/மாசி)

பண்டிகை நாட்கள் — 1 ரத சப்தமி,  2 பீஷ்ம அஷ்டமி ,  8 தைப் பூசம், வடலூர் ஜோதி தரிசனம்  , 21 மஹா சிவராத்திரி , 25  ராமகிருஷ்ண பரமஹம்சர்  ஜயந்தி  .

பௌர்ணமி– 8/ 9, அமாவாசை -22/23

ஏகாதசி விரதம்  – 5,19

முகூர்த்த நாட்கள்  – 5, 7, 12, 14, 20, 21, 26

மனிதனுடைய குணநலன்களை சித்தரிக்கும் 29 பழமொழிகள், இந்த பிப்ரவரி 2020 காலண்டரில் இடம்பெறுகின்றன.


உலகில் முதல் முதலில் அக்யூ பங்க்சர்
 (Acupuncture) சக்தியை அறிமுகப்படுத்திய பீஷ்மரின் நினைவு நாள் 
பீஷ்ம அஷ்டமி ஆகும்

பிப்ரவரி 1 சனிக் கிழமை 

இக்கரைக்கு அக்கரை  பச்சை

பிப்ரவரி 2 ஞாயிற்றுக் கிழமை

ஆரால் கேடு ? வாயால் கேடு

பிப்ரவரி 3 திங்கட் கிழமை

உள்ளுர்ப் பெண்ணும் அயலூர் மண்ணும் ஆகாது

பிப்ரவரி 4 செவ்வாய்க் கிழமை

ஆரம்ப சூரத்தனம்

பிப்ரவரி 5 புதன் கிழமை

ஆணை அடித்து வளர்க்க, பெண்ணைப் போற்றி வளர்க்க

பிப்ரவரி 6 வியாழக் கிழமை

ஆயிரம் நற்குணம் ஒரு லோப குணத்தால் கெடும்

பிப்ரவரி 7  வெள்ளிக் கிழமை

ஆண்  அண்டத்தை ஆளுகிறான், ஆணைப் பெண் ஆளுகிறாள்

பிப்ரவரி 8  சனிக் கிழமை 

ஆயிரம் வித்தைகள் கற்றாலும் உலகத்தில் ஆடம்பரங்கள் வேண்டும்

பிப்ரவரி 9 ஞாயிற்றுக் கிழமை

ஆயுசு பலமாக இருந்தால் ஆற்றில் போனாலும் பிழைப்பான்

பிப்ரவரி 10 திங்கட் கிழமை

ஆறு வரவு, நூறு செலவு

பிப்ரவரி 11 செவ்வாய்க் கிழமை

ஆற்று மணலிலே தினம் புரண்டாலும் ஒட்டுகிறதுதான் ஓட்டும்

பிப்ரவரி 12  புதன் கிழமை

இட்டுக்  கெட்டார் எங்கனுமே இல்லை

பிப்ரவரி 13 வியாழக் கிழமை

பழமை பாராட்ட வேண்டும்

பிப்ரவரி 14  வெள்ளிக் கிழமை

பருப்புச் சோற்றுக்குப் பதின் காதம் போவான்

பிப்ரவரி 15 சனிக் கிழமை 

தொட்டில் பழக்கம் சுடுகாடு மட்டும்

பிப்ரவரி 16 ஞாயிற்றுக் கிழமை

பழிக்கு அஞ்சு, பாவத்துக்குக் கெஞ்சு

பிப்ரவரி 17 திங்கட் கிழமை

புலி அடிக்கு முன்னே கிலி அடிக்கும்

பிப்ரவரி 18 செவ்வாய்க் கிழமை

பெருங்காயம் இருந்த பாண்டம் வாசனை போகாது

பிப்ரவரி 19 புதன் கிழமை

பை  எடுத்தவனெல்லாம் வைத்தியனா ?

பிப்ரவரி 20 வியாழக் கிழமை

மகன் செத்தாலும் சாகட்டும், மருமகள் கொட்டம் அடங்க வேண்டும்

பிப்ரவரி 21  வெள்ளிக் கிழமை

பழம் நழுவில் பாலில் விழுந்தது, அதுவும் நழுவி வாயில் விழுந்தது

பிப்ரவரி 22 சனிக் கிழமை 

மண் காசுக்கு சாம்பல் கொழுக்கட்டை

பிப்ரவரி 23  ஞாயிற்றுக் கிழமை

பால் ஆறாய் ஓடினாலும் நாய் நக்கித்தான் குடிக்கும்

பிப்ரவரி 24 திங்கட் கிழமை

வேளை அறிந்து பேசு, நாளை அறிந்து பயணம் செய்

பிப்ரவரி 25 செவ்வாய்க் கிழமை

தேனை வழித்தவன் புறங்கையை நக்காமல் இருப்பானா ?

பிப்ரவரி 26 புதன் கிழமை

வைரத்தை வைரம்கொண்டே அறுக்க வேண்டும் 

பிப்ரவரி 27 வியாழக் கிழமை

அரசனை நம்பி புருஷனைக் கைவிடாதே

பிப்ரவரி 28  வெள்ளிக் கிழமை

மவுனம் உடையார்க்கு வாராது சண்டை

பிப்ரவரி 29 சனிக் கிழமை 

வாய் சர்க்கரை,   கை கருணைக் கிழங்கு

xxx

Bonus Proverbs

மனப் பேயேயொழிய மற்ற பேய் இல்லை

இரண்டு பெண்டாட்டிக்காரன்பாடு திண்டாட்டம்

வேண்டாப்  பெண்டாட்டியின் கை பட்டால் குற்றம் கால் பட்டால் குற்றம்

Xxxx subham xxxx

எல்விஸ் பிரெஸ்லி தபால் தலை(Post No.7508)

WRITTEN BY LONDON SWAMINATHAN

–          

–         Post No.7508

–          

–         Date uploaded in London – 28 January 2020

–         Contact – swami_48@yahoo.com

–         Pictures are taken from various sources for spreading knowledge; this is a non- commercial blog.

மே 24, 1992 தினமணியில் நான் எழுதிய கட்டுரைகள்

ரஷ்ய ராக்கெட்டுகள் ஏலம்

எல்விஸ் பிரெஸ்லி தபால் தலை

டைட்டானிக் கப்பல் விபத்து விசாரணை

எக்ஸ்டசி உயிர்கொல்லி மருந்து

இதில் எல்விஸ் பிரெஸ்லி தபால் தலை முடிவும் 26-7-1992ல் தினமணிக் கதிரில் வெளியானது.

முதலில் எல்விஸ் பற்றிய செய்தியைக் காண்போம்

மனிதர்கள் முட்டாள்களே! இல்லை, புத்திசாலிகளே! (Post No.7484)

WRITTEN BY S NAGARAJAN                     

Post No.7484

Date uploaded in London – 23 January 2020

Contact – swami_48@yahoo.com

Pictures are taken from various sources for spreading knowledge; this is a non- commercial blog.

ச.நாகராஜன்

இது பட்டிமன்றத் தலைப்பு இல்லை. மனிதனின் வாழ்க்கைத் தத்துவத்தை ஒரு அலசு அலசிப் பார்க்க உகந்த தலைப்பு இது! பார்ப்போமா?!

*

பகுத்தறிவு பகுத்தறிவு என்று சொல்லும் ‘பேரறிஞர் உலகம்’ சுத்தமானதாகவும் இல்லை; நல்ல விதத்தில் ஆச்சரியப்படும்படியாகவும் இல்லை.

மெத்தப் படிப்பு படித்த பேரறிஞர்கள் பலர் தனிப்பட்ட வாழ்க்கையில் வேசிகள் துணையில்லாமல் இருந்ததே இல்லை.

பால்வினை நோய்கள் வரும் என்று தெரிந்தும் இவர்கள் ரெட் லைட் ஏரியாவைத் தனக்கு க்ரீன் லைட் ஏரியாவாக ஏன் மாற்றிக் கொண்டார்கள்?

இவர்களுக்கு சாய்ஸ் இருக்கும் போது இவர்கள் தேர்ந்தெடுப்பது ரெட் லைட் ஏரியாவைத் தான்! ஏன்?

போதுமான சொத்து ஏழு தலைமுறைக்கு இருந்தும் ஏன் பேரறிஞர்கள் கொள்ளையடிக்கிறார்கள்?

லாஸ்வேகாஸில் சூதாடும் காஸினோக்களில், அடடா, என்ன ஒரு கூட்டம்! க்யூவில் நின்று தான் பணத்தை இழக்க வேண்டி இருக்கிறது.

(நான் லாஸ்வேகாஸில் இந்த ‘பகுத்தறிவு மனிதர்கள்’ தொடர்ந்து பணத்தை “சந்தோஷமாக” இழப்பதை வியப்புடன் நள்ளிரவில் பார்த்து நின்று கொண்டே இருந்தேன்)

புகைபிடித்தல் கெடுதல் என்று ஆயிரம் முறை சொல்லியும் ஏன் மனிதர்கள் புகை பிடிக்கிறார்கள்? குடிக்கிறார்கள்? ட்ரக் அடிக் ஷனுக்கு உட்பட்டு ஜோம்பி போலத் திரிகிறார்கள்? (ஜோம்பி – செத்த பிணம் எழுந்து நடமாடுவது தான் ஜோம்பி)

ஒன்றுமே தெரியாத அடிமுட்டாள் நமக்கு மேலதிகாரியாக இருந்து ஏன் நம் கழுத்தை அறுக்கிறான்? இவனை மேலதிகாரியாக ஆக்கியதன் லாஜிக் தான் என்ன?

இந்த காதலைத் தான் எடுத்துக் கொள்ளுங்களேன், அந்தப் பேரழகி இந்த அவலட்சணத்தைக் காதலிக்கிறாள், ஏன்? இந்தப் பேரழகன் அந்த அழுமூஞ்சியை விழுந்து விழுந்து காதலிக்கிறான். ஏன்?

அட போங்க சார்! அலசிப் பார்த்து விட்டேன். மனிதர்கள் முட்டாள்களே!

முட்டாள்களே தான்!

*

யாரையா அது நாக்கூசாமல் மனிதர்களை முட்டாள்கள் என்று சொல்வது?

மனித குல சரித்திரத்தை ஒரு அலசு அலசிப் பார்த்தால் வியந்து போவாய் நீ!

பார்ப்போமா?

மனிதகுல சரித்திரம் பத்து லட்சம் வருடங்கள் கொண்டது. இந்த பத்து லட்சம் வருடங்களை ஒரு வருடமாக சுருக்கிக் கொள்வோம்.

அப்போது மூவாயிரம் ஆண்டுகள் ஒரு நாளில் ஓடி விடும்.

அதாவது இரண்டு வருடங்கள் ஒரு நிமிடத்தில் கழிந்து விடும்!

இந்த சுருக்கப்பட்ட நமது வருடத்தில் நமது மூதாதையர் வசந்த காலத்தில் ஏதோ ஒரு நாளில் தான் தீ என்பதையே கண்டு பிடித்தார்கள்.

இந்த அரிதான கண்டுபிடிப்பிற்குப் பின்னரும் கூட முன்னேற்றம் என்பது சற்று மெதுவாகத் தான் இருந்தது.

இதோ நமது சுருக்கப்பட்ட வருடத்தில் அக்டோபர் மாதம் வந்து விட்டது. இன்னும் மனிதர்கள் கற்கால ஆயுதங்களைத் தான் கையில் வைத்திருக்கிறார்கள்.

இப்போது நாம் கூறுகிறோமே மனிதன் என்ற இனம் – உயிரியல் தத்துவப்படி – நவம்பர் நடுவில் தான் தோன்றுகிறது.

டிசம்பர் 19. சற்று நாகரிகம் இலேசாகத் தோன்றுவது தென்படுகிறது.

குகையில் சித்திரங்களைக் காண்கிறோம். மனிதனைப் புதைப்பது ஆரம்பிக்கிறது.

டிசம்பர் 27. மனிதன் ஊசி கொண்டு தைக்க ஆரம்பிக்கிறான். ஈட்டி ஆயுதத்தைக் கையில் கொண்டிருக்கிறான், அட, வில்லும் அம்பும் கூட அவனிடம் இருக்கிறது.

இன்னும் வருடம் முடிய நான்கு நாட்கள் தான் இருக்கிறது. அவனது புதுமைக் கண்டுபிடிப்பும் வளர்ச்சியும் அபாரமாக இருக்கிறது.

இன்று டிசம்பர் 30. 24 மணி நேரத்திற்கு முன்பு இருந்ததை விட, அவனது பொருளாதார வளர்ச்சி பத்து மடங்கு அபாரமாக ஆகி வளர்ந்திருக்கிறது!

இந்த கால கட்டத்தில் தான் எகிப்திய பாரோக்கள் அரசாளுகிறார்கள்.

பேரரசான சீனா டிசம்பர் 31இல் பெரும்பாலும் இருக்கிறது. ஆனால் ரோம சாம்ராஜ்யமோ வீழ்ந்து பட்டு அழிகிறது. இப்போது உலக பொருளாதாரம் இன்னும் பத்து மடங்கு அதிகரித்து விட்டது! இதோ, புது வருடம் இன்னும்  சில மணி நேரங்களில் வரப் போகிறது. இப்போது மணி இரவு 7.30

சரியாக இதே நேரத்தில் தான் கொலம்பஸ் அமெரிக்காவைக் கண்டுபிடித்து விட்டார்.

உலக பொருளாதாரம் 7.30 மணியிலிருந்து இரவு 11.20க்குள் இன்னும் பத்து மடங்கு அதிகரித்து விட்டது. அட, சரியான இந்தத் தருணத்தில் தான் முதலாம் உலக மகா யுத்தம் ஆரம்பித்து விட்டது.

பிரம்மாண்டமான கண்டு பிடிப்புகள், அறிவியல் வளர்ச்சி, ஆஹா, ஊஹூ என்று புகழும் பொருளாதார வளர்ச்சி எல்லாம் கடைசி நாற்பது நிமிடங்களில் தான் ஏற்பட்டிருக்கிறது.

பத்து லட்சம் வருடங்கள்! அதில் கடைசி நாற்பது நிமிடங்கள்!!

பொருளாதாரம், அறிவியல் வளர்ச்சி தற்செயலானதா, தேக்கமடைந்து வளர்ந்ததா, அதிர்ஷ்டமா, இல்லை முயற்சியா?

நன்கு யோசித்துப் பார்த்தால் மனிதன் புத்திசாலி தான் இல்லையா!

எப்படி இருந்தவன் இப்போது இப்படி ஆகி இருக்கிறான்!

இன்னும் சந்திரனில் குடியிருப்பு அமைப்பான். செவ்வாய்க்குப் போவான்.

இன்னும் … அடுத்த பத்து லட்சங்களைப் பார்ப்பான்!

அப்போது எழுதுவோம் முடிவை முத்தாய்ப்பாகச் சொல்லும் இன்னொரு கட்டுரையை!

மனிதர்கள் முட்டாள்களே, இல்லை, இல்லை புத்திசாலிகளே என்று!

***

Tim Harford எழுதிய The Logic of Life அக்கு வேறு ஆணி வேறாக மனிதனை அலசுகிறது. கண்டிக்கிறது, வியக்கிறது, புகழ்கிறது!

நன்றி டிம் ஹார்போர்ட், நன்றி!

***********

வைரத்தின் குணங்கள் (POST No.7471)

WRITTEN BY LONDON SWAMINATHAN

Post No.7471

Date uploaded in London – 19 January 2020

Contact – swami_48@yahoo.com

Pictures are taken from various sources for spreading knowledge; this is a non- commercial blog.

இது இத்தொடரில் ஐந்தாவது கட்டுரை

வெளியான தேதி-  ஆகஸ்ட் – செப்டம்பர்  1999

பத்திரிக்கையின் பெயர்- ஜெம்மாலஜியும் ஜோதிடமும்

கட்டுரைத் தலைப்பு – வைரத்தின் குணங்கள்.

Actress Elizabeth Taylor wearing Burton-Taylor Diamond
subham

tags – வைரம் , குணங்கள்

வள்ளுவர் பற்றி முதலியார் சொல்லும் அதிசய விஷயங்கள் (Post No.7463)

Tiruvalluvar with Brahmin’s Punul

WRITTEN BY LONDON SWAMINATHAN

Post No.7463

Date uploaded in London – 17 January 2020

Contact – swami_48@yahoo.com

Pictures are taken from various sources for spreading knowledge; this is a non- commercial blog.

Tags — யாளி தத்தன் , ஞாளி தத்தன், வள்ளுவர் , ஆதி, பகவன் , புலைச்சி , அவ்வை

tamilandvedas.com › 2017/02/10 › வள்ளுவ…

வள்ளுவருக்கு ஏன் 11 பெயர்கள்? (Post …

1.      

10 Feb 2017 – Written by London swaminathan Date: 10 FEBRUARY 2017 Time uploaded in London:- 20-56 Post No. 3624 Pictures are taken from different sources; thanks. contact; swami_48@yahoo.com திருவள்ளுவரின் …

Missing: யார் ‎| Must include: யார்

tamilandvedas.com › 2015/11/14 › அவ்வை…

அவ்வையார், வள்ளுவர் பற்றிய …

1.      

14 Nov 2015 – அவ்வையார் ஏழு பேருடன் பிறந்தார். அவர்களில் கடைசி சகோதரர் திருவள்ளுவர்! coin valluvar. யார் அந்த எழுவர்? பூர்வத்தில் ஆதி என்ற …

You’ve visited this page 2 times. Last visit: 05/11/19

tamilandvedas.com › tag › திருவள்ளுவ…

திருவள்ளுவர் மனைவி பெயர் | Tamil and …

1.      

30 Sep 2018 – Posts about திருவள்ளுவர் மனைவி பெயர் written by Tamil and Vedas. … இயற்பெயர் வாசுகி என்றும் சிறப்புப்பெயர் பெயர் மாதானுபங்கி என்றும் …

tamilandvedas.com › tag › திருவள்ளுவ…

திருவள்ளுவர் யார் | Tamil and Vedas

1.      

12 Feb 2016 – Tagged with திருவள்ளுவர் யார்திருவள்ளுவர் பற்றிய பழைய புத்தகம் (Post No. 2532). IMG_3156 (2). Written by london swaminathan. Post No. 2532. Date: 12th February 2016.

tamilandvedas.com › 2013/12/17 › திருவள…

திருவள்ளுவர் யார்? | Tamil and Vedas

1.      

17 Dec 2013 – இந்திரன் குறித்து பரிமேலழகர் செய்த தவறு! By London Swaminathan; Post No. 748 dated 17th December 2013. –லண்டன் சுவாமிநாதன் தமிழ் வேதமான …

tamilandvedas.com › 2018/10/27 › வள்ளுவ…

வள்ளுவரின் சகோதரி அவ்வையார் …

1.      

27 Oct 2018 – திருவள்ளுவர் யார் | Tamil and Vedastamilandvedas.com/tag… Posts about திருவள்ளுவர் யார் written by Tamil and Vedasதிருவள்ளுவர் பற்றிய பழைய புத்தகம் (Post …

–subham–

தமிழர்களின் ஜோதிட நம்பிக்கைகள் (Post No.7458)

WRITTEN BY LONDON SWAMINATHAN

Post No.7458

Date uploaded in London – 15 January 2020

Contact – swami_48@yahoo.com

Pictures are taken from various sources for spreading knowledge; this is a non- commercial blog.

சென்னையில் எனது சகோதரர் நடத்தும் ஜெம்மாலஜி பத்திரிக்கையின் இரண்டாவது இதழில் நான்  — 1999ம் ஆண்டு எழுதிய கட்டுரை –

தலைப்பு – தமிழர்களின் ஜோதிட நம்பிக்கைகள்

வெளியான தேதி – மார்ச் 1999.

ஞாயிறு வணக்கம் – சூர்யாய நம: (Post No.7456)

ஞாயிறு வணக்கம் – சூர்யாய நம: (Post No.7456)

WRITTEN BY S NAGARAJAN

Post No.7456

Date uploaded in London – 15 January 2020

Contact – swami_48@yahoo.com

Pictures are taken from various sources for spreading knowledge; this is a non- commercial blog.

பொங்கல் 15, ஜனவரி 2020

எமது உளங்கனிந்த பொங்கல் நல் வாழ்த்துக்கள்!

ஞாயிறு வணக்கம் – சூர்யாய நம:

ச.நாகராஜன்

1

சூரியனின் புகழ் பாடுவோம்:

அவன் புகழ் பாடுவது :-

புண்ணியத்தைத் தருகிறது.

எதிரிகளை அழிக்கிறது

வெற்றியைத் தருகிறது.

அழியாத மங்களத்தைத் தருகிறது.

கணவன் மனைவியை இடைபிரியாமல் அன்யோன்யமாக இருக்க வைக்கிறது.

ஆரோக்கியத்தைத் தருகிறது.

பூரண ஆயுளைத் தருகிறது.

செல்வத்தை வழங்குகிறது.

தலைமைப் பதவியைத் தருகிறது.

நல்லனவற்றை நாடிச் செய்ய வைக்கிறது.

புத்திர பாக்கியத்தைத் தந்து அவர்களின் புகழையும் ஓங்க வைக்கிறது.

ஞாயிற்றால் பெற முடியாது ஒன்றும் இல்லை.

அவனைத் தொழுவோம் உயர்வோம்.

2

மஹாகவி சுப்ரமணிய பாரதியாரின் சூர்ய அஞ்சலியை மனதில் நினைத்து சூர்யனின் புகழைப் பாடுகிறோம்.

ஞாயிறு வணக்கம்

கடலின்மீது கதிர்களை வீசிக்
கடுகி வாள்மிசை ஏறுதி யையா!
படரும் வானொளி யின்பத்தைக் கண்டு
பாட்டுப்பாடி மகிழ்வன புட்கள்
உடல்ப ரந்த கடலுந் தனுள்ளே
ஒவ்வொர் நுண்துளி யும்விழி யாகச்
சுடரும் நின்தன் வடிவையுட் கொண்டே
சுருதி பாடிப் புகழ்கின்ற திங்கே.

என்த னுள்ளங் கடலினைப் போலே
எந்த நேரமும் நின்னடிக் கீழே
நின்று தன்னகத் தொவ்வொர் அணுவும்
நின்தன் ஜோதி நிறைந்தது வாகி
நன்று வாழ்ந்திடச் செய்குவை யையா!
ஞாயிற் றின்கண் ஒளிதருந் தேவா!
மன்று வானிடைக் கொண்டுல கெல்லாம்
வாழ நோக்கிடும் வள்ளிய தேவா!

காதல்கொண்டனை போலும் மண்மீதே,
கண்பிறழ் வின்றி நோக்குகின்றாயே
மாதர்ப் பூமியும் நின்மிசைக் காதல்
மண்டினாள்,இதில் ஐயமொன்றில்லை;

சோதி கண்டு முகத்தில் இவட்கே
தோன்று கின்ற புதுநகை யென்னே!
ஆதித் தாய்தந்தை நீவிர் உமக்கே
ஆயி ரந்தரம் அஞ்சலி செய்வேன்.

 3

மஹாகவியின் வசன கவிதைகளில் ஞாயிற்றின் புகழ் பாடும் அருமையான நீண்ட கவிதை  ஞாயிறு.

அதில் சில பகுதிகளைப் பார்ப்போம்:

ஒளி தருவது யாது? தீராத இளமையுடையது யாது?

வெய்யவன் யாவன்? இன்பம் எவனுடையது?

மழை எவன் தருகின்றான்? கண் எவனுடையது?

உயிர் எவன் தருகிறான்? புகழ் எவன் தருகின்றான்?

புகழ் எவனுக்குரியது?

அறிவு எதுபோல் சுடரும்?

அறிவுத் தெய்வத்தின் கோயில் எது?

ஞாயிறு. அது நன்று.

நீ ஒளி, நீ சுடர், நீ விளக்கம், நீ காட்சி.

மின்னல், இரத்தினம், கனல், தீக்கொழுந்து

இவை யெல்லாம் நினது திகழ்ச்சி.

கண் நினது வீடு.

புகழ், வீரம்இவை நினது லீலை.

அறிவு நின் குறி. அறிவின் குறி நீ.

நீ சுடுகின்றாய், வாழ்க. நீ காட்டுகின்றாய், வாழ்க.

உயிர் தருகின்றாய், உடல் தருகின்றாய்.

வளர்க்கின்றாய், மாய்க்கின்றாய்,

நீர் தருகின்றாய், காற்றை வீசுகின்றாய், வாழ்க.வளர்க்கின்றாய், மாய்க்கின்றாய்,
நீர் தருகின்றாய், காற்றை வீசுகின்றாய், வாழ்க.

4

அகஸ்திய மஹரிஷி ஸ்ரீராமருக்கு உபதேசித்து அருளிய ஆதித்ய ஹ்ருதயம் சூரியனைத் துதிக்கும் ஸ்தோத்திரம்.

அதைப் பாடுவோம்.

ராவண சக்திகளை அழிப்போம்.

5

சிவபிரான் அருளியுள்ள சூர்யாஷ்டகத்தைப் பொருளுணர்ந்து ஓதுவோம்.

சூரிய அஷ்டோத்திர சத நாமாவளியை ஓதித் துதிப்போம்.

6

கஸ்யப மஹரிஷிக்கும் அதிரிக்கும் மகனாப் பிறந்தவர் சூரியன். சூரிய வம்சத்தை உருவாக்கியவர் சூரியன்.

சூரியனின் ரதம் 9000 யோஜனைகள் நீளம் உள்ளது. இதில் சக்கரம் பொருத்தப்பட்டுள்ளது. காலச் சக்கரம் மூன்று மையங்களையும் ஐந்து உருளிப்பட்டைகளையும் ஆறு ஆரைகளையும் கொண்டது.

ஏழு வேத சந்தங்களான ஏழு குதிரைகளைக் கொண்டது அந்தத் தேர்.

காயத்ரி, ப்ருஹதி, உஷ்ணிக், ஜகதி, த்ருஷ்டுப், அனுஷ்டுப், பங்க்தி ஆகியவையே அந்த ஏழு குதிரைகள்.

சூரிய ரதத்தின் இன்னொரு அச்சு 45,500 யோஜனைகள் நீளம் கொண்டது.

இந்த ரதத்தின் பெருமை மிக மிக நீண்டது.

ஆதித்யனைப் பற்றி விஷ்ணு புராணம் கூறும் பெருமை எல்லையற்றது.

அனைத்து கிரகங்களுக்கும் ராஜாவாக சூரியனை சிவபிரான் நியமித்ததை மஹாபாரதம் சாந்தி பர்வம் விவரிக்கிறது. (அத்தியாயம் 112)

சுப்ரஜா, பாஸ்வரா ஆகிய இரண்டு ஏவலாட்களைத் சுப்ரமண்யருக்குச் சூரியன் தந்தார்.

7

எல்லையற்ற மஹிமை கொண்ட சூரியனுக்கு அளவற்ற நாமங்கள் உண்டு.

பானோ பாஸ்கர மார்த்தாண்ட சண்ட ரஸ்மே திவாகரா என்று கூறித் தொழுவோம்.

சூர்யா, ஆர்யமா, ஆதித்யா, திவாகரா,அர்கா, மிஹிரா, லோக பாந்தவா, தின மணி, இனா, பர்கா, தர்ம நிதி … அடடா எத்துணை அற்புதமான பெயர்கள்!

அனைத்தையும்  கூறி அனுதினமும் அவனைத் தொழுவோம்.

உயர்வோம்.

*******