அனுமதி தேவி புகழ்பாடும் பீஹார்  கல்வெட்டு (Post No.11,213)

WRITTEN BY LONDON SWAMINATHAN

Post No. 11,213

Date uploaded in London – 22 AUGUST 2022         

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

IF U DONT SEE THE PICTURES HERE, GO TO MY OTHER BLOG, swamiindology.blogspot.com

https://www.pustaka.co.in/home/author/london-swaminathan

Xxx

மாதவ என்ற புலவர் இயற்றிய ஸம்ஸ்க்ருதக் கல்வெட்டு பீஹார் மாநில பகீரதபுரியில் (பகிரத்பூர் ) உள்ளது. இது அனுமதி தேவி என்ற ராணியின் புகழை அழகிய ஸம்ஸ்க்ருதத்தில் வடித்துள்ளது .

அனுமதி தேவி என்பவர் ராமபத்ராவின் மனைவி; ஹரிநாராயணனின் மருமகள்; கம்ச நாராயணனின் தாயார் .

கம்சநாராயண, மிதிலா நகர ஒயின்வாரா வம்ச சிற்றரசர்.. கி.பி.1500 ஐ ஒட்டி வாழ்ந்தவர்.லட்சுமண சேன சம்வத்சரம் 403.

இந்தக் கல்வெட்டு, அனுமதி தேவி கட்டிய தேவி கோவில் பற்றிப் பேசுகிறது. ஒன்பது செய்யுட்களைக் கொண்டது.

புலவர் மாதவ, தன்னுடைய வம்சாவளியையும் சொல்கிறார். மஹாதேவியின் தந்தை சிவா ஜா தனது வம்சத்தைச் சேர்ந்தவர்என்கிறார்.. மிதிலா நகரைச் சேர்ந்த கதாதர பட்டர் இயற்றிய ரசிகஜீவன பாடல் தொகுப்பில் இது குறிப்பிடப்பட்டதாகவும் புகழ்ந்து கொள்கிறார்.

அனுமதி தேவி தனது தானங்களால் உலகிலுள்ள கொடிய வறுமையை ஒழித்தாள் ;

தன்னுடைய புகழ் ஒளி மூலம் சரத் கால சந்திரனின் ஒளியைவிட பல்லாயிரம் பேரின் ஒளியை மேலும் பிரகாசமாக்கினாள் ;தனது அடக்கத்தாலும், விவேகத்தாலும் உறவினர்களைக் கவர்ந்தாள் ;

ஒப்பற்ற குணங்கள் அடங்கிய இத்தகையவரே இந்தக் கோவிலை நிர்மாணித்தார்.

இதை சம்ஸ்க்ருத மொழியில் காணும்போது இதன் அழகு தெரியும். இது கல்வெட்டின் இரண்டாவது செய்யுளாக அமைந்துள்ளது . இதோ அந்தப் பாடல் :

தானைர்யா தலயாம் பபூவ ஜகதாம்  தாரித்ர்ய மத்யுத்கடம்

கீர்த்யா யா சரத்திந்துசுந்தரதரா லோகாம்ஸ் சகாராயுதான்

கிஞ்சோச்சைர் விநயான்யாச்ச  வசதாம் நீதா யயா  பாந்தவாஹா

ஸேயம்  விஸ்வவிலக்ஷணோஜ்வல  குண க்ராமா  மடம் நிர்மமமே 

ராணியின் புகழ்பாடும் குலதரா என்னும் புலவரின் பெயரையும் கல்வெட்டில் காண முடிகிறது.

xxx

வந்தலி கல்வெட்டு

குஜராத் மாநில செளராஷ்டிர பிரதேசத்தைச் சேர்ந்த இன்னும் ஒரு மாதவ என்ற புலவரையும் காண்போம்.இவர் சமத்காரபுர நாகர பிராஹ்மணர். தந்தை பெயர் முஞ்ஜீக  . குஜராத் சாளுக்கிய மன்னர் சாரங்கதேவரின் கி.பி. (பொ .ஆ) 1290 காலத்தியவர்

கல்வெட்டில் ஒரு ஸப்தஸ்லோகி ( ஏழு செய்யுட்கள்) இருக்கிறது.வந்தலி என்னும் இடத்தில் உள்ள இக்கல்வெட்டு ராஜ்கோட் மியூசியத்தில் வைக்கப்பட்டுள்ள ஒரு கல்வெட்டைப் போல இருப்பதால் அதையும் இவர்தான் பாடி யிருக்க வேண்டும் என்று ஊகிக்கமுடிகிறது

வந்தலியில் நமக்குக் கிடைக்கும் ஏழு செய்யுட்களில் ஒன்று இதோ :

ச்ருங்கார பங்கிசஸு பகாஹா  சுபகானவீ சிவாசாலகண்டகுஹரா முஹராத்த வீணாஹா

காயந்தி ………… கிரா நகராஜச்ருங்கமாருஹ்ய  குஹ்யக சகோர த்ருசோ யசோ ஸ்ய

கல்வெட்டுகளில் காணப்படும் அத்தனை கவிதைகளையும் படி எடுத்து மொழிபெயர்ப்புடன் வெளியிடுவது நமது கடமை.

Xxx

காளிதாசனைப் பின்பற்றும் சமணமதப் புலவர்

கர்நாடக மாநில ஐஹோலவில் (அய்கொள) உள்ள சமண சமய ஸம்ஸ்க்ருதப் புலவர் ரவிகீர்த்தியின் கல்வெட்டு மிகவும் வரலாற்றுச் சிறப்பு வாய்ந்தது . ஸத்யாஸ்ரய என்னும் சாளுக்கிய அரசன் இரண்டாம் புலிகேசியின் காலத்தைச் சேர் ந்தது . கிபி. 634.

புலவரும் துறவியூமான ரவி கீர்த்தி கட்டிய சமணர் கோவில் பற்றி அவரே பாடிய செய்யுட்களில் காளிதாசன், பாரவி ஆகியோரின் பெயர்கள் வருவதால் அக்காலத்திலேயே காளிதாசன் புகழ் கர்நாடகம் வரை பரவி இருந்தது உறுதி ஆகிறது அவர் அலங்கார சாஸ்திரம் என்னும் செய்யுள் இயலையும் நன்கு அறிந்தவர் என்பது இவர் இயற்றிய கவிகளில் இருந்து தெரிகிறது பாரவியின் கிரார்த்தஜூனியம், காளிதாசனின் ரகு வம்சம் நூல்களில் உள்ள சொல்லோவியங்களை ரவி கீர்த்தி கையாளுவதால் அவர் சம்ஸ்க்ருத இலக்கியத்தை நன்கு கற்றவர் என்பதையும் அறிய முடிகிறது  வரலாறு , இலக்கியம் இரண்டையும் காட்டுவதால் இந்தக் கல்வெட்டு மிக முக்கியமானதாகக் கருதப்படுகிறது .

–சுபம் –tags- அனுமதி தேவி, மாதவ, சப்தஸ்லோகி , செளராஷ்டிர , பீஹார் 

மூளை ஆற்றலைக் கூட்ட 10 திரைப்படங்களைப் பாருங்கள்! (Post No.11212)

WRITTEN BY S NAGARAJAN

Post No. 11,212

Date uploaded in London – –    22 AUGUST 2022         

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

IF U DONT SEE THE PICTURES HERE, GO TO MY OTHER BLOG, swamiindology.blogspot.com

மூளை ஆற்றலைக் கூட்ட 10 திரைப்படங்களைப் பாருங்கள்!

ச.நாகராஜன்

பிரபல மூளை இயல் நிபுணரான டேவிட் டிசால்வோ மூளை ஆற்றலை முழுதுமாகப் புரிந்து கொள்வதையும் அதை எப்படிக்  கூட்டுவது என்பது பற்றியும் அருமையான ஒரு நூலை எழுதி இருக்கிறார்.

What Makes Your Brain Happy and Why You Should do the opposite என்ற இவரது புத்தகம் 15 மொழிகளில் மொழி பெயர்க்கப்பட்டு பல்லாயிரம் பேர்களால் படிக்கப்பட்டது. ஃபோர்பஸ், சைக்காலஜி டு டே போன்ற பத்திரிகைகளில் எழுதி வருபவர் இவர்.

அவரது இன்னொரு புத்தகம் Brain Changer – How Harnessing Your Brain’s Power To Adapt Can Change Your Life.

இதில் ஏராளமான பயனுள்ள தகவல்களை அவர் தந்துள்ளார்.

அவற்றில் ஒன்று  – அவர் பரிந்துரைக்கும் பத்து திரைப்படங்களைப் பாருங்கள் என்பது தான்.

படங்களைப் பற்றிய சுருக்கமான தகவல்கள் இதோ:

1) Adaptation (2002) Director Spike Jonze

Narration narrating narrated narrative – தலை சுற்றுகிறதா? விவரிக்கப்பட்ட ஒரு விவரணத்தை விவரிக்கும் விவரணம்! அது தான் அருமையான இந்தப் படம். பிரக்ஞை (Consciousness) எப்படி விவரணத்துடன் சம்பந்தப்பட்டுள்ளது என்பதைச் சித்தரிக்கிறது இது.

2) Barcelona (1994) Director and Writer : Whit Stillman

பார்த்தால் பிரமிக்க வைக்கும் படம் இது. இதே இயக்குநர் The Last days of Disco என்ற படத்தை எடுத்துள்ளார். இவரது வசனம் தான் பிரமிக்க வைக்கும் நம்மை.

3) The Diving Bell and the Butterfly (2007) Director : Julian Schnabel

 பிரபலமான ஒருவருக்கு திடீரென்று பேச முடியவில்லை; நகர முடியவில்லை. இடது கண்ணை சிமிட்ட மட்டும் முடிகிறது. அவர் எப்படி உலகத்துடன் தன்னை இணைத்துக் கொள்கிறார். அவருடன் சேர்ந்து செய்யும் ஒரு பயணம் தான் இந்தப் படம்.

4) Rectorum (2005) Director : Bent hamer

சார்லஸ் புகோவ்ஸ்கி என்ற எழுத்தாளரின் எழுத்தின் அடிப்படையில் உருவானது இது. குழப்பம், ஏமாற்றம்! இதிலிருந்து மீண்டு சுயமாக தன்னைக் கண்டுபிடிப்பதைக் காட்டும் படம் இது.

5) The Grey (2011) Director L Joe Carnahan

கதையின் பிரதானமான பாத்திரம் ஃப்ளாஷ்பேக்கில் தனது கடந்த கால வாழ்க்கையை நினைத்துப் பார்க்கிறார். அவர் எதிர்கொள்ளும் சவால்களை அவரோடு பயணித்து இந்தப் படத்தில் பார்க்கலாம்.

6) The Insider (1999) Director : Michael Mann

ஒரு மனிதர் தனது குடும்பத்தை இழக்கிறார்; தனது தொழிலை இழக்கிறார்.எப்படி அவர் மாறுகிறார் – இந்தப் படத்தில் காணலாம்.

7) The Salton Sea (2002) Director : D.J.Caruso

தான் யார் என்பதை நிஜமாக உணர்ந்த ஒருவர் ஒரு புது வாழ்க்கையைத் தொடங்குகிறார். அதைச் சித்தரிக்கும் படம் இது.

8) The Spanish Prisoner (1997) ) Director (and Writer) : David Mamet

கண்ணால் பார்ப்பதைப் போலத் தான் ஒருவர் நிஜமாக இருக்கிறாரா? படத்தின் ஹீரோ எப்படி மாறுகிறார் என்பதை அருமையாக விவரிக்கிறது இந்தப் படம்.

9) There Will be Blodd (2007) ) Director : Paul Thomas Anderson

எண்ணெய் நிறுவனத்தில் பெரும் புள்ளி. எப்படி வெற்றி பெறுகிறார்? இந்தப் படம் சித்தரிக்கிறது.

10) Vanilla Sky (2001) ) Director : Cameron Crowe

ஆழ்மனம் சக்தி வாய்ந்தது, அது வாழ்க்கையை புனரமைக்க வல்லது. நீங்கள் விரும்பும் வகையில் சிறிது சிறிதாக முன்னேற முடியும். இதைச் சொல்கிறது இந்தப் படம்.

நினைத்தபடி வாழ முடியுமா? உங்கள் ஆழ்மனம் இதற்கு உதவுமா? இந்த இரு கேள்விகளுக்கு விடை இந்தப் படத்தைப் பார்க்கும் போது கிடைக்கும்!

ஆக பத்து படங்களைப் பார்த்து விட்டு ஆஹா என்று சொல்பவருக்கு அவர் இன்னும் முப்பது படங்களைப் பரிந்துரைக்கிறார்.

அதைப் பின்னர் பார்ப்போம்.

***

புத்தக அறிமுகம் – 36

கொங்கு மண்டல சித்தர்கள்புலவர்கள், தலங்கள்!

பொருளடக்கம்

என்னுரை

அத்தியாயங்கள்

முதல் பகுதி : கொங்குமண்டல சதகம் தரும் சித்தர் வரலாறுகள்

1. அகத்தியர் சிவலிங்க பூஜை செய்த இடம்!

2. கருவூர்ச் சித்தர் வரலாறு!

3. கஞ்சமலைச் சித்தர்!

4. அதிசயம் அநேகமுற்ற பழனி மலையில் வசித்த போகர்!

5. செம்பைப் பொன்னாக்கி அனைவருக்கும் தந்த கொங்கண சித்தர்!

6. இடைஞானியார் வரலாறு!

இரண்டாம் பகுதி : கொங்குமண்டல சதகம் தரும் புலவர் வரலாறுகள்

7. சுந்தர மூர்த்தி நாயனாருக்கு சிவபிரான் பொன் கொடுத்த வரலாறு!

8. கம்பர் தமிழுக்குத் தந்த கலியாண வரி!

9. ஔவையாருக்குத் தங்க இலையில் அன்னமிட்டவன் யார்?

10. பவணந்தி மாமுனிவர்!

11. இது நாகமலை என்றால் நாகம் ஏன் படம் எடுத்து ஆடவில்லை? – பிரதிவாதி பயங்கரனின் இந்தக் கேள்விக்குப் பதில் என்ன?!

12. கவிதார்க்கிக சிங்கம் வேதாந்த தேசிகர் பரமத பங்கம் எங்கு இயற்றினார்?

13. கபிலதேவ நாயனார் போற்றிய செங்குன்றூர்!

14. இராமானுஜரை ஆதரித்த கொங்கு பிராட்டியார்!

15. பட்ட மரம் தழைக்கக் கவி பாடிய காழிப் புலவன்!

16. சாமிநாதப் புலவன் நெற்போர்கள் எரியப் பாடிய வசை வெண்பா!

17. உரிச்சொல் நிகண்டு எனும் வெண்பா நூலை இயற்றியவர்!

18. அடியார்க்கு நல்லார் பிறந்த ஊர் எது?

மூன்றாம் பகுதி – கொங்குமண்டல சதகம் தரும் தலங்கள் பற்றிய வரலாறுகள்

19. அகத்தியரின் கைப்பிடியில் அடங்கிய சிவபெருமான்!

20. பொன்னுலகம் தரும் வாலிப காசி எந்த ஊர் தெரியுமா?

21. திருத்தலங்களில் வேடுபறி நிகழ்ச்சி நடக்கக் காரணம் என்ன?

22. பேரூர் நந்தியின் முகம் வெட்டப்பட்டு பின் மீண்டும் வளர்ந்தது ஏன்?

23. பழம் நீ அப்பா!

24. இடும்பாசுரன் காவடியாகத் தூக்கி வந்த மலைகள்!

25. மொக்கணீசுரர் என்ற திருநாமம் சிவனுக்கு ஏன் உண்டாயிற்று?

26. இறந்த யானை எழுந்த கதை!

27. சிதம்பரம் கோவிலுக்குப் பொன் வேய்ந்தது எப்படி?

28. இளங்கோவடிகள் சொல்லி அருளிய வேலனின் தலம் எது?

29. சித்தன் வாழ்வைப் புகழ்ந்து பாடிய ஔவை!

30. வயோதிகன் குமரன் ஆன விந்தைச் சம்பவம்!

31. கற்பணிக் கோவிலும் எண்கோணமான குளமும் அமைத்த கட்டி முதலி!

32. மலையைக் குடைந்து அரங்கநாதன் ஆலயம் அமைத்த அதியன்!

பாடல் முதல் குறிப்பும், பாடல் எண்ணும், வரலாறும்

*

நூலில் நான் வழங்கிய என்னுரை இது :

என்னுரை

தமிழகத்தின் தலை சிறந்த மண்டலங்களுள் ஒன்று கொங்கு மண்டலம்.

தங்கம் நிகர் கொங்குமண்டலத்தின் புகழ் பல நூறு வரலாறுகளைக் கொண்டது.

அவற்றில் அருமையான நூறு வரலாறுகளைத் தொகுத்தார் கார்மேகக் கவிஞர் என்னும் பெரும் புலவர்.

கொங்குமண்டலத்தில் குறும்பு நாட்டில் விஜயமங்கலம் என்னும் ஊரில் ஸ்ரீ வத்ஸ கோத்திரத்தில் ஔபாக்கிய சூத்திரம் விருத்தானிய யோகசாகை காசிபப் பிரவரணம் ஜைன பிராமண குலத்தில் பத்மநாப ஐயர் என்பாருக்கு இவர் மகனாகப் பிறந்தார். மேகம் பொழிவது போல் கவிதை மழை பொழிவதால் இவர் கார்மேகக் கவிஞர் என்று அழைக்கப்பட்டார். இவரது வரலாறு சிறப்பான ஒன்று. இவர் இயற்றிய அரும் நூலே கொங்குமண்டல சதகம்.

கொங்குமண்டல சதகம் என்னும் நூறு பாக்கள் அடங்கிய நூலில் கொங்குமண்டலத்தின் பெருமை அனைத்தும் அடக்கிய இவரது புலமை வியக்க வைக்கும் ஒன்று. கொங்குமண்டலம் பற்றி அறிய விரும்புவோரும் தமிழகத்தின் தலையாய வளர்ச்சியையும் பண்பாட்டையும் அறிய விரும்புவோரும் தமிழ்ச் சுவையைச் சுவைக்க விரும்புவோரும் படிக்க வேண்டிய அரிய நூல் இது.

இதில் கூறும் வரலாறுகளைக் கட்டுரைகளாகத் தொகுத்தேன்.

இந்தக் கட்டுரைகள் www.tamilandvedas.com-ல் அவ்வப்பொழுது வெளியிடப்பட்டு வந்தன.

இந்த வரலாறுகளில் 32 வரலாறுகள் முதல் பாகமாக இப்போது வெளியிடப் படுகிறது.

இதைத் தொடராக வெளியிட்ட லண்டன் திரு ச. சுவாமிநாதன் அவர்களுக்கு எனது நன்றி.

இந்த நூலை டிஜிடல் வடிவமாக வெளியிட முன் வந்த பெங்களூர் நிறுவனமான PUSTAKA DIGITAL MEDIAவின் உரிமையாளர் திரு ராஜேஷ் தேவராஜ் அவர்களுக்கு எனது நன்றியைத் தெரிவித்துக் கொள்கிறேன்.

தமிழ் மீது ஆர்வம் கொண்ட அனைத்து மக்களும் இதைப் படித்து உத்வேகம் பெற்றுத் தமிழைப் போற்றி வளர்ப்பார்கள் என்ற நம்பிக்கையுடன் இதைத் தமிழ் அன்பர்களுக்குச் சமர்ப்பிக்கிறேன். அனைவருக்கும் எனது நன்றி.

பங்களூர்
10-3-2022

ச.நாகராஜன்

*

நூலாக வெளியிடவேண்டுமென்று விரும்பிய அன்பர்களின் விருப்பம் இப்போது நிறைவேறி விட்டது.

இதை 1) படிப்பதற்காகவும் 2) மின் நூலாகப் பெறவும் 3) அச்சுப்பதிப்பாகப் பெறவும் என இப்படி மூன்று திட்டங்களை www.pustaka.co.in அறிமுகப்படுத்தியுள்ளது. இதன் உரிமையாளர் திரு டாக்டர் ராஜேஷ் தேவதாஸ் P.Hd அவர்கள்.

சந்தா விவரங்களையும் நூல் விலை விவரத்தையும் admin@pustaka.co.in

என்ற மின்னஞ்சலில் தொடர்பு கொண்டு பெறலாம்

தொடர்புக்கான தொலைபேசி எண் :   9980387852  

**

கணவனுக்காகப் போராடிய தமயந்தி, சாவித்திரி (Post No.11,211)

WRITTEN BY LONDON SWAMINATHAN

Post No. 11,211

Date uploaded in London – 21 AUGUST 2022         

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

IF U DONT SEE THE PICTURES HERE, GO TO MY OTHER BLOG, swamiindology.blogspot.com

https://www.pustaka.co.in/home/author/london-swaminathan

Xxx

‘கல்லானாலும் கணவன் புல்லானாலும் புருஷன்’ ,’கணவனே கண்கண்ட தெய்வம்’ , ‘அடுத்த பிறவியிலும் நீயே கணவன்’ என்று சங்கத் தமிழ் நூல்களிலும் சம்ஸ்க்ருத நூல்களிலும் மீண்டும் மீண்டும் வரும் கருத்துக்களை 3, 4 கட்டுரைகளில் எழுதிவிட்டேன் (கீழே இணைப்புகள் உள்ளன)

கணவர்களுக்காக தமயந்தியும் சாவித்ரிரியும் எப்படிப் புலம்பினார்கள் என்பது மஹாபாரதத்தில் உள்ளது

எல்லோருக்கும் தெரிந்த கதைதான்.

நள-தமயந்தி காதல் கதை மிகவும் பிரசித்தமானது  ஆயினும் நளன் , தமயந்தியைக் காட்டில் தவிக்கவிட்டுப் போய்விடுகிறான். அப்போது அவள் கதறிய கதறலை வியாசர் நமக்கு அப்படியே கண்முன் கொண்டுவருகிறார்.

அதே போல சத்யவான்- சாவித்திரி கதையையும் அறியாத இந்துப் பெண்கள் இருக்க முடியாது. சத்தியவானின் உயிரை, விதிப்படி யமன் பறித்துச் சென்றபோதிலும், தன்னுடைய பேச்சுத் திறமையாலும், பதிவிரதா குணத்தாலும் மீட்டு வருகிறாள் .

இரண்டு கதைகளையும் சற்று விரிவாகக் காண்போம்.

இதோ காட்டில் தனித்து விடப்பட்ட தமயந்தியின் புலம்பல்

ஹா நாத ஹா மஹாராஜ ஹா ஸ்வாமின் . கிம் ஜஹாமி மாம்

ஹா ஹதாஸ்மி விநஷ்டாஸ்மி பீதாஸ்மி விஜனே வனே

நனு  நாம மஹாராஜ  தர்மக்ஞஹ ஸத்ய வாகஸி

கதமுக்த்வா ததா  ஸத்யம் ஸுப்தாமுத் ச்ருஜ்ய  மாம் கதஹ

பர்யாப்தஹ  பரிஹாஸோ அயமேதாவான் புருஷஷர்ப 

பீதாஹமதி துர்கர்ஷ  தர்சயாத்மான மீஸ்வர

த்ருஸ்யஸே த்ருஸ்யஸே ராஜன்னேஷ த்ருஷ்டாஸி நைஷத

ஆவார்ய குல்மைராத்மானம்  கிம் மாம் ந ப்ரதிபாஷஸே

ந்ரும்ஸ பத ராஜேந்த்ர யன்மாமேவங்கதாமிஹ

விலபந்தீம் ஸமாகம்ய  நாசவாஸயஸி  பார்த்திவ

ந சோசா ம்யஹமாத்மானம் ந சான்யதபி கிஞ்சன

கதம் து பவிதாஸ்யேக  இதி த்வாம் ந்ருப ரோதிமி

கதம் நு ராஜம்ஸ் தூஷிதஹ  க்ஷு திதஹ ஸ்ரம கர்ஷிதஹ

ஸாயாஹ்னே வ்ருக்ஷ மூலேஷு மாம பச்யன் பவிஷ்யஸி

வன பர்வம் , மஹாபாரதம்

பொருள்

“ஆ, என் தெய்வமே ! ஆ என் அரசனே! ஆ என் கணவா ! ஏன் என்னைக் கைவிட்டீர்கள்? நான் செத்தேன் .என் முடிவு வந்துவிட்டது; இந்தத் தனிக்காட்டில்  பயந்து நடுங்குகிறேன். மஹாராஜனே  எனக்கு நல்லவராகவும் விசுவாசமாகவும் இருந்தீரே ! இப்படித் தூங்கும்போது என்னைத் தவிக்கவிட்டு ஓடுவது நியாயமா? ஒருவேளை தமாஷுக்காக இப்படிச் செய்தாலும் இவ்வளவு நேரம் தவிக்கவிடலாமா ?

ஆண் சிங்கமே ! எனக்குப் பயமாக இருக்கிறது எவராலும் வெல்லமுடியாத வீரனே! உங்கள் முகத்தைக் காட்டுங்கள் . அரசனே, என் தெய்வமே ! இதோ நான் கண்டுபிடித்துவிட்டேன், கண்டுபிடித்துவிட்டேன், புதருக்குப் பின்னே ஒளிந்து இருப்பதைப் பார்த்துவிட்டேன்; ஏன் என்னிடம் பேசவில்லை ? என்ன கொடுமை! பயந்துகொண்டும் கதறிக்கொண்டும் இருக்கும் எனக்கு ஆறுதல் சொல்ல வரமாட்டீர்களா ? எனக்காக நான் துக்கப்படவில்லை; வேறு எவருக்காகவும் இல்லை. நீங்கள் தனிமையில் என்ன  பாடு படுவீர்களோ என்று அஞ்சுகிறேன் . நான் இல்லாதபடி ஒரு மரத்தின் கீழ் பசியுடனும், தாகத்துடனும் , களைப்புடனும் எப்படி காலம் தள்ளுவீர்கள், அரசே?”

XXX

திடீரென்று விஷயம் தெரிந்த ஒருவர் நடுக்காட்டில் மறைந்தவுடன் முதலில் பயம் வருகிறது. பின்னர் ஒருவேளை இது ஜோக் Joke – ஆக இருக்குமோ என்ற சந்தேகம் வருகிறது. பின்னர் அப்படி இராது  என்று பயம் பற்றுகிறது. இறுதியில் அன்புள்ள மனைவிக்கு, எந்தத் தாய்க்கும் உள்ள பாசம் பீறிட்டெழுகிறது. நான் எப்படி வேண்டுமானாலும் சாவேன். நீங்கள் எப்படி பசியால், தாகத்தால் தவிப்பீர்களோ என்று எண்ணி அழுகிறேன்  என்கிறாள் தமயந்தி.

வியாசர்  ஒரு பெரிய PSYCHOLOGIST சைக்காலஜிஸ்ட். உள்ள இயல்/ மன இயல் நிபுணர். நடுக்காட்டில் திடீரென்று தொலைந்துபோன ஒருவரின் உணர்ச்சிகளை அற்புதமாக வடித்ததோடு பெண்ணுக்கே உள்ள உயரிய குணங்களையும் படம்பிடித்துக் காட்டிவிட்டார்.

இதே மஹாபாரதத்தில் நளோபாக்யானம் போல விரிவாக இல்லாவிடினும் ஸாவித்ரீ உபாக்யானமும் நமக்கு ஒரு  நல்ல காட்சியைத் தருகிறது மஹாபாரத்திலேயே ஸாவித்ரீ கதை மிகவும் பழையது என்று வியாஸர் சொல்லுவதால் அவருக்கும் முந்தைய காலக்  கதை என்பது புலப்படுகிறது. இன்றும் இந்து மதப் பெண்கள் ஸாவித்ரீ விரதம் அனுஷ்டிப்பதைக் காண்கிறோம்.

ஸாவித்ரீ விரதம் கடைப்பிடிப்போர் சொல்லும் ஸ்லோகத்தில் அவளை, கன்யா தேஜஸ்வினீ , தேவ கன்யா, ஜ்வலந்தீமிவ தேஜஸா , பதிவ்ரதா , த்யானயோக பராயணா என்று போற்றுவர். சுருக்கமாகச் சொல்லவேண்டுமானால் ‘ஒளி மயமாகப் பிரகாசிப்பவள் , பத்தினி’

.

மத்ர தேசத்தின் அரசன் அஸ்வபதி. அவன் மனைவி பெயர் மாளவிகா. புத்திரப் பேறு இல்லாமல் நீண்ட காலம் தவித்த அவர்களுக்கு சவிதா என்னும் சூரிய தேவனை வழிபடும்படி நாரதர் உபதேசித்தார். பெண் குழந்தை பிறந்தவுடன் சூரியனைப் போற்றும் வகையில் ஸாவித்ரீ என்று பெயர் சூட்டினார். பேரழகியாக  வளர்ந்த ஸாவித்ரீயிடம் உனக்குப் பிடித்த இளைஞனை நீயே தேர்ந்தெடு என்று சொன்னார் . ஒரு முறை அவள் காட்டுக்குச் சென்றபோது சாளுவ தேச இளவரசன் சத்தியவான் என்பவன், அவனுடைய கண் தெரியாத, வயதான தாய் தந்தையருக்குப் பணிவிடை செய்வதைக் கண்டு அவனிடம் மனதை பறிகொடுத்தாள் . ஆனால் நாரதர் மீண்டும் தோன்றி  எச்சரிக்கை விடுக்கிறார். சத்தியவான்  ஜாதகப்படி அவன் ஒரே வருடம்தான் உயிர்வாழ்வான் என்கிறார். ஸாவித்ரீயின் மனதை மாற்ற தாய் தந்தையர் செய்த முயற்சி பலிக்கவில்லை. அப்போது அவள் சொல்கிறாள் கல்லானாலும் கணவன், புல்லானாலும் அவனே என் புருஷன் என்று .

இதோ அந்த மஹாபாரத ஸ்லோகம்

தீர்காயுரதவால்பாயுஹு  சகுணோ நிர்குணோபி வா

ஸக்ருத் துவ்ருத்தோ மயாபர்த்தா ந த்விதீயம் வ்ருணோ அம்யஹம்

பொருள்

“அவருக்கு குறைவான ஆயுளோ, அல்லது நீண்ட ஆயுளோ, அவர் நல்ல குணம் உடையவரோ  கெட்ட குணங்கள் உடையவரோ, ஒரு முறை கணவன் என்று நான் தேர்ந்தெடுத்துவிட்டால் , வேறு எவரையும் நான் நாடமாட்டேன்” .

பல்லாயிரம் ஆண்டுகளுக்கு முன்னர் எழுதப்பட்ட இந்த சக்திமிகு வரிகள்தான் இன்றும் பெண்களை ஸாவித்ரீ விரதம் இருக்கச் செய்கிறது!

பின்னர் தன்னுடைய திறமை மிகு பேச்சினாலும் தவத்தினாலும் யமனையே ஸாவித்ரீ வெல்லுவதால், பெண்களின் நம்பிக்கை நட்சத்திரமாக ஸாவித்ரீ திகழ்கிறாள் .

கணவன் தெய்வம் | Tamil and Vedas

https://tamilandvedas.com › tag › க…

· 

13 Mar 2017 — Pictures are taken from various sources; thanks. contact; swami_48@yahoo.com. கணவனே கண்கண்ட தெய்வம்; சாமியைக் …

கணவனே கண்கண்ட | Tamil and Vedas

https://tamilandvedas.com › tag › க…

· 

13 Apr 2016 — (for old articles go to tamilandvedas.com OR … கணவனே கண்கண்ட தெய்வம்; உறவுகள் அல்ல.

விவாதம் | Tamil and Vedas

https://tamilandvedas.com › tag › வ…

11 Feb 2020 — … ‘கல்லானாலும் கணவன்புல்லானாலும் புருஷன்‘ என்று படிக்கிறோம்.

–சுபம்—

Tags- தமயந்தி, சாவித்திரி, புலம்பல், விரதம், பெண்கள் குணம், கல்லானாலும், கணவன், புருஷன்

விண்வெளி மற்றும் சந்திரன் பற்றிய திரைப்படங்கள்! – 8 (Post No.11,210)

WRITTEN BY S NAGARAJAN

Post No. 11,210

Date uploaded in London – –    21 AUGUST 2022         

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

IF U DONT SEE THE PICTURES HERE, GO TO MY OTHER BLOG, swamiindology.blogspot.com

விண்வெளிச் சாலை மற்றும் சந்திரன் பற்றிய திரைப்படங்கள்! – 8

ச.நாகராஜன்

  விண்வெளி பற்றிய படங்களின் தொகுப்பு தொடர்கிறது. மேலும் சில படங்களைப் பற்றிய விவரங்களைப் பார்ப்போம்:

லாக் அவுட் 2011இல் வெளியான படம் இது. அதிகமான பாதுகாப்புடன் உள்ள விண்வெளிச் சிறைச்சாலைகளை மையமாக வைத்து எடுக்கப்பட்ட படம் இது. இதற்கான சரியான தலைப்பு ‘எஸ்கேப் ஃப்ரம் லியோ” என்று இருந்திருக்க வேண்டும். ஜனாதிபதியின் மகள் மனிதாபிமானத்தின் அடைப்படையில் உண்மை அறியும் ஒரு பணியை விண்வெளியில் உள்ள நிலையத்திற்குச் சென்று மேற்கொள்கிறாள். ஆனால் அது தவறான திசையில் போகிறது. அவளை ஒரு ஹீரோ மீட்டுக் கொண்டு வரும் கதை இது!

லவ் : 2011இல் வெளியான படம் இது. ஐ எஸ் எஸ் படத்தில் வந்து விடுகிறது. ஒரு விண்வெளி வீரர் அவர்களிடம் சிக்கி விடுகிறார். மனித நேசம் தேவையாகிறது. அஸ்ட்ரானெட் : தி லாஸ்ட் புஷ் என்ற படம் போல அமைந்திருக்கும் இது. விண்வெளியில் எடையற்ற தன்மை இருக்கும் அல்லவா? அதைப் பற்றியெல்லாம் படத்தை எடுத்தவர்கள் கவலைப்படவில்லை. அதை அப்படியே காட்டவும் இல்லை. ஆனால் . ஐ எஸ் எஸ் பற்றிய பகுதி நன்றாக சித்தரிக்கப்படுகிறது.

க்வான் க்ஜு ரி லியான் (Quan Qiu Re Lian – விண்வெளிக் காதல்) : இது 2011இல் வெளி வந்தது. காதலும் நகைச்சுவையும் கலந்த சீனப்படம் இது. விண்வெளி நிலையத்தில் உள்ள ஒரு விவாக ரத்து ஆன ஜோடி சந்திரனுக்குப் பயணமாகச் செல்கிறது. அங்கு ஒரு சிவப்புக் கொடியை நாட்டுகிறது. காதல் ஜெயிக்கிறதா? ஓ! விண்வெளிப் படம் என்றாலே பிடிக்காது என்று இருக்கும் பெண்மணிகளைக் கவர்ந்திழுக்க இந்த விண்வெளிக் கதை தயார் செய்யப்பட்டுள்ளது. ஓகே என்று சொல்லும்படியான படமாக ஆனது. மாண்டரின் மொழி பேசும் பெண்மணி அவள். இனிமையான உள்ளத்தைத் தொடும் சித்திரம் இது!

அபல்லோ 18 : 2011இல் வெளியான படம் இது. சந்திரனில் பல விசித்திரமான செயல்கள் நிகழ்வதை அங்கு செல்லும் அபல்லோ மிஷன் கண்டு பிடிக்கிறது. ஏன் அங்கு செல்வோர் திரும்புவதில்லை என்பதைச் சொல்கிறது.

அயர்ன் ஸ்கை : 2012 இல் வெளி வந்த படம் இது. இரண்டாம் உலகப் போரின் முடிவில் பூமியிலிருந்து தப்பிய நாஜிகள் சந்திரனுக்குச் சென்று பூமியின் மீது படையெடுக்க ஒரு சூப்பரான ஆயுதத்தை உருவாக்குகின்றனர். படம் பூமியில் உள்ள நாடுகள், நாஜிக்களால் சேமிக்கப்பட்டுள்ள ஹீலியம் -3 -க்காக சண்டையிடுவதைக் காட்டி முடிகிறது.

ஜெனிஸில் 7 : ஃபர்ஸ்ட் மிஷன் : 2012இல் வெளியான படம் இது. விண்வெளியை மையமாகக் கொண்ட கிறிஸ்தவப் படம் இது. இளம் சாகஸவீரர்கள் சூரிய மண்டலத்தை ஆராயப் புறப்படுகின்றனர்.  சில மாதிரிகளை சேகரிப்பதற்காகச் சந்திரனுக்குச் செல்கின்றனர்.  மதமாற்றம், கொஞ்சம் விஞ்ஞான உண்மைகள் என்ற அடிப்படையில் செல்கிறது படம்.

எலிஸியம் : 2013இல் வெளியான படம் இது. அதி நவீன முதலாளித்துவ மனப்பான்மை கொண்ட சிலர் விண்வெளிக்குச் சென்று அதிநவீன பூங்காக்கள், தோட்டங்கள், சுத்தமான காற்று ஆகியவற்றைத் தாம் மட்டுமே அனுபவிக்கத் திட்டம் இடுகின்றனர். இது எப்படி மாற்ற முனையப்படுகிறது என்பதைச் சித்தரிக்கும் படம் இது.

ஸ்பேஸ் வாரியர்ஸ் : 2013இல் வெளியான படம் இது. நவீன கால ஸ்பேஸ் முகாமைச் சித்தரிக்கிறது இது. ஒரு சிக்கலான நிலை உருவாகவே மாணவர்கள் விண்வெளி செல்கின்றனர். இளம் தலைமுறையினரை, விண்வெளி ஆய்விற்கு உத்வேகம் ஊட்டுவதை நோக்கமாகக் கொண்டு எடுக்கப்பட்ட படம் இது.

ஸ்ட்ராண்டட் : 2013இல் வெளியான படம் இது. விண்கற்கள் சந்திர தளத்தில் பொழிகிறது. அதை ஆராயப் புறப்படுகின்றனர் ஆய்வாளர்கள். அதற்கான காரணம் ஒன்று உண்டு. பான்ஸ்பெர்மியா எனப்படும் ‘இசைவான சூழ்நிலையில் பெருக்கம் அடையத்தக்க எண்ணற்ற நுண்மங்கள் வளிமண்டலத்தில் நிறைந்துள்ளன’ என்னும் கோட்பாட்டின் அடிப்படையில் கதை செல்கிறது!

க்ராவிடி : 2013இல் வெளியான படம் இது டிவிடியில் வெளியான படம் இது. விண்வெளி பற்றிய இதை ஏராளமானோர் பார்த்தனர். ஒரு விண்வெளி வீரர் விண்கல ஓடுபாதையில்  விண்கலம் ஒன்று சோதனை செய்யப்படும் போது அபாயகரமாகச் சிக்கிக் கொள்கிறார். ஷட்டிலே கட்டுப்பாடை இழந்து சிதைகிறது. இதை இந்தப் படம் சித்தரிக்கிறது.

இதுவரை 87 சந்திரனைப் பற்றிய திரைப்படங்களின் விவரத்தை மிகச் சுருக்கமாகப் பார்த்தோம்.

2013க்குப் பின்னர் ஏராளமான படங்கள் வெளி வந்துள்ளன.

அவற்றையும் தொகுத்துப் பார்த்தால் சந்திரன் திரைப்படத்துறையை கவர்ந்த விதத்தையும், திரைப்படத் துறை சந்திரனை மையமாக வைத்து மக்களைக் கவர்ந்த விதத்தையும் அறியலாம்.

நிலா நிலா ஓடி வா, நில்லாமல் ஓடி வா என்று சின்னக் குழந்தையிலிருந்தே  அம்புலி மாமா பாட்டு கேட்டு வளர்ந்தோம்!.

இளைஞர்களான போது காதல் பாடல்களில் காதல் சுவை நனி சொட்டச் சொட்ட நிலாப் பாடல்களையும் கேட்டு மகிழ்ந்தோம்!

மனித வாழ்க்கையில் மகிழ்ச்சி தரும் ஒரு அங்கமாகத் திகழ்வது சந்திரன்!

அதிசயம் அநேகம் தரும் சந்திரனைப் பற்றிய திரைப்படங்கள் எண்ணற்றவை இனியும் உருவாகும் என்பதில் ஐயமில்லை.

***

சந்திரனைப் பற்றிய திரைப்படங்கள் பற்றிய இந்தத் தொடர் நிறைவுறுகிறது.

புத்தக அறிமுகம் – 33

திரைப்படங்களில் ராமர் பாடல்கள்!

பொருளடக்கம்

என்னுரை

1. ராமன் எத்தனை ராமனடி!

2. வசந்தத்தில் ஓர் நாள்!

3. ஜனகனின் மகளை மணமகளாக ராமன் நினைத்திருந்தான்!

4. வீணைக் கொடியுடைய வேந்தனே!

5. ஜகம் புகழும் புண்ய கதை இராமனின் கதையே!

6. ஸ்ரீ ராம பக்த ஹனுமான்

7. ஸ்ரீ ராமராஜ்யம்!

8. ராதைக்கேற்ற கண்ணனோ சீதைக்கேற்ற ராமனோ!

9. யாருக்கு ஜானகி காத்திருந்தாள்!

10. ராமனின் மோகனம் ஜானகி மந்திரம்!

11. ராம நாமம் ஒரு வேதமே!

12. ஸ்ரீ ராமனின் ஸ்ரீ தேவியே அனுமான் உன்னைக் காக்க!

13. ராமன் கதை கேளுங்கள்!

14. லாலி! லாலி! ஆகாயவண்ணனுக்கு தியாகையர் நானே!

15. ராகவனே ரமணா ரகுநாதா!

16. வைதேகி ராமன் கை சேரும் காலம்!

17. ஒருவனுக்கு உலகில் ஒரு தாரம் எனும் உயர்வினைக் காட்டிய அவதாரம்!

முடிவுரை

இந்த நூலில் இடம் பெற்றுள்ள பாடல்கள் பற்றிய குறிப்புகள்

*

நூலில் என்னுரையாக இடம் பெற்றுள்ளது இது:

என்னுரை

‘திரைப்படப் பாடல்களோடு ஒரு பயணம்’ என்ற எனது நூலைத் தொடர்ந்து இந்த நூல் எழுதப்பட்டது.

காலம் காலமாக பாரத தேச மக்கள் வழிபட்டு வரும் ராமரைப் பற்றிய பல்லாயிரக்கணக்கான ஸ்லோகங்கள், துதிகள், நூல்கள் எழுந்துள்ளன.

இமயம் முதல் குமரி வரை மக்கள் ராமரின் மீது கொண்டுள்ள பக்தியையும் சீதையைத் தாயாக மதிக்கும் பாங்கையும் கண்டு அனைவரும் மகிழ்வது இயல்பே. பாரத தேசம் ஒரே பண்பாடு உடையது என்பதற்குச் சான்றாக இலங்குவது வேதம், புராணங்கள், இதிஹாஸம் ஆகியவையே.

நவீன தொழில்நுட்பத்தின் ஒரு கண்டுபிடிப்பாக அமைந்துள்ள திரைத்துறையிலும் இதன் தாக்கம் இருப்பது இயல்பே.

திரைப்பாடல்களில் ராமர், சீதை என்று சொல்லும்போதே அதற்கென இருக்கும் ஒரு பெரும் பாரம்பரியத்தையும் அந்தச் சொற்கள் கொண்டு வந்து தருகின்றன; ஆகவே பாடலாசிரியர் சொல்ல வேண்டியதை அர்த்தத்துடனும் ஆழத்துடனும் சொல்கிறார். மக்களிடையே நல்ல வரவேற்பையும் இந்தப் பாடல்கள் பெறுகின்றன; பெறும்.

இப்படிப்பட்ட பாடல்களைத் தொகுத்து பாடலாசிரியர், படம் உள்ளிட்ட முழு விவரங்களையும் கொடுக்க எண்ணம் உண்டாயிற்று, அதன் வெளிப்பாடே இந்த நூல்.

லண்டன் திரு ச. சுவாமிநாதன் அவர்களுக்கு எனது நன்றி உரித்தாகுக.

இந்த நூலை வெளியிட முன் வந்த பெங்களூர் நிறுவனமான PUSTAKA DIGITAL MEDIAவின் உரிமையாளர் திரு ராஜேஷ் தேவராஜ் அவர்களுக்கு எனது உளம் கனிந்த நன்றியைத் தெரிவித்துக் கொள்கிறேன்.

தொடராக வெளிவந்த போது இதைப் படித்து உற்சாகத்துடன் அனைவரும் வரவேற்ற ஆர்வத்தின் அடிப்படையில் இந்த நூல் வெளியிடப்படுகிறது.

தமிழ் உலகம் இந்த நூலை வரவேற்கும் என்ற நம்பிக்கை எனக்கு உண்டு.

இந்தப் புவி வாழ் அனைத்து மக்களும் நலமுடன் வாழ ஸ்ரீ ராமரைப் பிரார்த்திக்கிறேன்.

நன்றி

பங்களூர்                                               ச.நாகராஜன்
13-1-2022

*

நூலாக வெளியிடவேண்டுமென்று விரும்பிய அன்பர்களின் விருப்பம் இப்போது நிறைவேறி விட்டது.

இதை 1) படிப்பதற்காகவும் 2) மின் நூலாகப் பெறவும் 3) அச்சுப்பதிப்பாகப் பெறவும் என இப்படி மூன்று திட்டங்களை www.pustaka.co.in அறிமுகப்படுத்தியுள்ளது. இதன் உரிமையாளர் திரு டாக்டர் ராஜேஷ் தேவதாஸ் P.Hd அவர்கள்.

சந்தா விவரங்களையும் நூல் விலை விவரத்தையும் admin@pustaka.co.in

என்ற மின்னஞ்சலில் தொடர்பு கொண்டு பெறலாம்

தொடர்புக்கான தொலைபேசி எண் :   9980387852  

**

நேபாளத்தில் ‘சதி’ – கணவனுடன் மனைவி எரிப்பு (Post No.11209)

WRITTEN BY LONDON SWAMINATHAN

Post No. 11,209

Date uploaded in London – 20 AUGUST 2022         

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

https://www.pustaka.co.in/home/author/london-swaminathan

Xxx

முதலில் லண்டனில் பிரிட்டிஷ் மியூசியத்தில் உள்ள கல்வெட்டில் கிடைக்கும் செய்தியைக் காண்போம். இது கி.பி. 725-ல் செதுக்கப்பட்டது. இதில் 5 ஸம்ஸ்க்ருதச் செய்யுட்கள் இருக்கின்றன. தேவானந்த  என்ற புலவர் கவிதைகளை யாத்துள்ளார். வகுலஜா என்ற சந்நியாசியைப் பற்றியும் இறைவன் சித்தேஸ்வரா பற்றியும் பாடும் கல்வெட்டு  இது.

சிவன் கோவில் கட்டப்பட்ட செய்தியைக் கொடுக்கும் மற்றொரு கல்வெட்டும் இருக்கிறது. ராஸ்தானிலுள்ள ஒரே ஊரிலிருந்து இரண்டு கல்வெட்டுகளையும் பிரிட்டிஷார் கொண்டுவந்துள்ளனர்.

XXX

தரணீதர இயற்றிய 112 செய்யுட்கள்

குஜராத்தில் வெராவல் பகுதியில் தரணீதர என்னும் ஸம்ஸ்க்ருதப் புலவர் இயற்றிய 76 செய்யுட்கள் அடங்கிய கல்வெட்டும் 46 செய்யுட்கள் அடங்கிய இன்னும் ஒரு கல்வெட்டும் இருக்கின்றன. குஜராத் சாளுக்கிய அரசன் சாரங்க தேவனின்  — கி.பி. 1287—  காலத்தியவை இவை.

தொந்த என்பவரின் மகன் தரணீதர. அவர் லகுலீச பாசுபத சந்நியாசி கண்டபர  பிருஹஸ்பதியின் மற்றும்  த்ரிபுராந்தகரின் திருப்பணிகளைப் புகழ்ந்து எழுதியுள்ளார். அந்த சைவ சந்நியாசி 5 லிங்கங்களையும் கோவிலகளையும் சோமநாத பாடனவில்  ஸ்தாபித்தார். காவிய  பாணியில் எழுத தரணீதர முயற்சித்த போதிலும் அதன் தரம் அவ்வளவுக்கு உயர்ச்சியாக இல்லை என்றும், இடையிடையே குஜராத்திச் சொற்கள் வருவதாகவும் அறிஞர்கள் செப்புவர்.

46 செய்யுட்கள் அடங்கிய இன்னும் ஒரு கல்வெட்டில் மேலும் சில சைவ அடியார்களின் பெயர்கள் கிடைக்கின்றன – த்ரைலோக்ய ராசி, தர்ம ராசி, கண்டபர ப்ருஹஸ்பதி.

துண்டு துண்டுகளாக இருக்கும் சோமநாத பட்டண  கல்வெட்டுகள் ‘தாராத்வம்ஸ’  என்னும் நூல் பற்றியும் குறிப்பிடுகிறது. கல்வெட்டுகள் குறிப்பிடும் ஏராளமான நூல்களும் ,கோவில்களும், இரத்தின, தங்க நகைகளும் இப்போது இல்லை என்பது ஆராயப்படவேண்டிய விஷயங்கள் ஆகும் .

xxxx

“சதி” (Sati) அல்லது உடன்கட்டை ஏறுதல் என்னும் வழக்கம் கல்வெட்டில் முதல் முதலில் கிடைப்பது நேபாள நாட்டில்தான். தமிழ் இலக்கியத்தில் பெருங் கோப்பெண்டு (மஹாதேவி) , அவருடைய கணவன் சிதைத்தீயில் பாய்ந்து எரிந்தது புறநானுற்றின் 246, 247 பாடல்களில் இருப்பதை அனைவரும் அறிவர். மேலும் பல பாடல்களில் கரிகாற் சோழன் மனைவிமார்கள், இமயவரம்பன் நெடுஞ்சேரலாதன் மனைவியர், ஆய் அண்டிரன் மனைவியர் தீப்பாய்ந்து கருகி எரிந்ததையும் , அவர்களில் இருவர் அதை ‘குளிர்ந்த தாமரைக்குளம்’ என்று வருணித்ததையும் தமிழ் கூறு நல்லுகம் அறியும் . ஆயினும் இதற்குச் சில நூற்றாண்டுகளுக்குப் பின்னர் நேபாளத்தில் இவ்வழக்கம் கல்வெட்டில் பதிந்து இருப்பது முக்கியத் தகவலை அளிக்கிறது. இது க்ஷத்ரியர்கள் இடையே இமயம் முதல் குமரி வரை இருந்த வழக்கம் என்பதும் 2000 ஆண்டுக்குப் பின்பற்றப்பட்ட வழக்கம் என்பதும் தெரிகிறது.

எகிப்து நாட்டில் மன்னர் இறந்தவுடன் அவருடைய மனைவியர், மந்திரிகள், ஊழியர்கள் முதலிய அனைவரும்  உயிருடன் புதைக்கப்பட்டதையும் உலகம் அறியும். புற  நானூற்றில் ஒரு பெண்மணி “ஏ , குயவா என்னையும் சேர்த்துப் புதைக்கும் அளவுக்கு பெரிய தாழி (பானை) செய்துகொடு” என்று வேண்டும் பாடல் இருப்பதைப்பார்க்கும்போது உயிருடன் எரிப்பது மட்டுமின்றி உயிருடன் புதைக்கும் வழக்கமும் தமிழர்களிடையே இருந்ததை அறிய முடிகிறது . இது எகிப்து அல்லது கிரேக்கத்தில் இருந்து பரவி இருக்கலாம் என்பது ஒரு சிலர் கருத்து .

1991ம் ஆண்டில் கே.வி.ராமகிருஷ்ணராவ் எழுதிய ஆங்கிலக் கட்டுரையில் தமிழர்களின் “சதி” மரணங்கள் குறித்து முழு விவரங்களும் உள்ளன.

இப்பொழுது கல்வெட்டு விஷயங்களை ஆராய்வோம்

நேபாளத்தின் காத்மாண்டு பள்ளத்தாக்கில் புகழ்பெற்ற சங்கு நாராயணர் கோவில் உள்ளது. அங்கிருந்த கல்வெட்டு பாதி  மணலில்  புதைந்து கிடந்தது. வெள்ளைக்காரர் ஆட்சிக்காலத்தில் எல்லா கல்வெட்டுகளையும் படி எடுத்தபோது அதையும் படி எடுக்க அனுமதி கோரினர். கோவிலுக்குள் வெள்ளைக்காரர்கள் நுழையக்கூடாது என்று பூஜாரிகள் தடுத்தனர். பின்னர் வரலாற்று ஆராய்ச்சிக்காக என்று மன்றாடியவுடன் அர்ச்சகர்களின் அனுமதி கிடைத்தது. அது கி.பி. அல்லது பொது ஆண்டு 464 ஆண்டு  செதுக்கப்பட்ட கல்வெட்டு. அதில் ராஜ்யதேவி என்பவர் சதி முறையில் இறக்க விரும்பியபோது அனைவரும் அவரைத் தடுக்கவே அவர் விதவைகளுக்கான விரத வாழ்க்கையைக் கடைப்பிடித்தார் என்ற செய்திகள் உள்ளன. அருந்ததிக்கு நிகரான கற்புக்கரசியான அவர் கோவில் ,குளம் வெட்டி, புனித வாழ்க்கை நடத்தியத்தைக் கல்வெட்டு காட்டுகிறது.

‘மனு ஸ்ம்ருதி’ முதலான தர்ம சாஸ்திரங்களோ, ரிக் வேதமோ இதை ஆதரிக்கவில்லை.ராமாயணத்தில் தசரதன் இறந்தபோது அவரது மனைவியர் சதி  செய்துகொள்ளவில்லை. மஹாபாரதத்தில் குந்தியும் சதி மரணத்தைக் கடைப்பிடிக்கவில்லை. பாண்டுவின் மனைவி மாத்ரி மட்டும் அப்படி இறந்தாள் ராமாயணத்தில் ராவணன் மனைவி மண்டோதரியும் அப்படி இறந்தாள் . நேபாள கல்வெட்டும் சங்கத் தமிழ் இலக்கியமும் நமக்குச் சொல்லும் செய்தி- இமயம் முதல் குமரி  வரை இந்த வழக்கம் இருந்தது என்பதாகும். ஆனால் இது மனைவியரின் விருப்பத்தின் பேரிலேயே நடந்தது . பிற்காலத்தில்  சில இடங்களில் பெண்களைக் கட்டாயப்படுத்திய செய்தியும் உள்ளன. குறிப்பாக வங்காளத்தில் அப்படி நடந்தது . அதை எதிர்த்து ராஜாராம் மோஹன்ராய் முதலியோர் போர்க்கொடி தூக்கினர்.

xxx

1160-ம் ஆண்டு கல்வெட்டு ஹிமாச்சல பிரதேச சம்பா பகுதியை ஆண்ட நாக பால  என்ற சிற்றரசரைப் பற்றியதாகும் . அவர் இறந்தபோது அவருடைய மனைவி பலஹா,  ‘சதி’ முறையில் இறக்க விரும்பினார்.அவரையும் பலரும் தடுக்கவே அவர் விரத வாழ்க்கை மேற்கொண்டு புனிதப் பணிகள் செய்ததை கமல லாஞ்சன என்ற புலவர்  அழகிய கவிதை வடிவில் கல்வெட்டில் எழுதி வைத்துள்ளார்.

–SUBHAM–

tags-கல்வெட்டு, சங்கு நாராயணர் கோவில் , தரணீதர, “சதி” , ராஜ்யதேவி, நேபாளத்தில்,

விண்வெளி மற்றும் சந்திரன் பற்றிய திரைப்படங்கள்! – 7 (Post.11208)

WRITTEN BY S NAGARAJAN

Post No. 11,208

Date uploaded in London – –    20 AUGUST 2022         

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

IF U DONT SEE THE PICTURES HERE, GO TO MY OTHER BLOG, swamiindology.blogspot.com

விண்வெளிச் சாலை மற்றும் சந்திரன் பற்றிய திரைப்படங்கள்! – 7

ச.நாகராஜன்

  விண்வெளி பற்றிய படங்களின் தொகுப்பு தொடர்கிறது. மேலும் சில படங்களைப் பற்றிய விவரங்களைப் பார்ப்போம்:

ஃப்ரீடம் (Freedom) : 2006 ஆம் ஆண்டு வெளியான அனிமேஷன் படம் இது. பூமியின் சுற்றுப்புறச் சூழ்நிலை மோசமாகவே மனித குலத்தின் எஞ்சிய பகுதி சந்திரனுக்குக் குடி பெயர்கிறது.பூமியைப் பற்றிய புது செய்தி ஒன்றை ஒரு இளைஞன் கண்டு பிடிக்கிறான். சந்திரனிலிருந்து தப்பி விடுதலை அடைய நினைக்கிறான். அவன் நினைத்ததை சாதித்தானா என்பதை படம் சித்தரிக்கிறது.

எர்த்ஸ்டார்ம் (Earthstorm): 2006ஆம் ஆண்டு வெளியானது இந்தப் படம். ஒரு பெரிய விண்பொருள் சந்திரனைத் தாக்கி அதை இரண்டாகப் பிளக்கப் பார்க்கிறது. இதனால் வெடித்துச் சிதறும் விண்வெளிக் குப்பை பூமியின் மீது குப்பை மழையாகப் பொழிந்து பூமியும் அழியும். சந்திரனைக் காக்க ஒரு பெரும் நிபுணரால் மட்டுமே முடியும். அவரது சாகஸ செயலால் சந்திரன் அழிவு தடுக்கப்படுகிறது.

அஸ்ட்ரானட் ஃபார்மர் (Astronaut Farmer) :-2006ஆம் ஆண்டு வெளியானது இந்தப் படம் இதில் டெக்ஸாஸை சேர்ந்த மிருகப் பண்ணை ஒன்றின் உரிமையாளர் ராக்கெட் ஒன்றைத் தன் பண்ணையில் அமைத்து தானே விண்வெளியில் ஏவி விண்வெளிச்சாலையில் சுழல விடும் தனது கனவை நிறைவேற்ற நினைக்கிறார். வேடிக்கையும், குடும்பப் பின்னணியும் இணைந்த விண்வெளிக் கதை இது.

போஸ்ட்கார்ட்ஸ் ஃப்ரம் தி ஃப்யூச்சர் (Postcards from the Future) :- 2007ஆம் ஆண்டு வெளியான படம் இது. சந்திரனிலிருந்து சனி கிரகத்திற்கு முதலாவது பயணம் மேற்கொள்ளப்படும் நாட்களில் நிகழும் கதை இது. சீன் ஈவர் என்பவர் ஒரு எலக்ட்ரிகல் எஞ்சினியர்.அவருக்கு எதிர்காலம் பற்றிய அனைத்தும்  வீடியோ “போஸ்ட்கார்ட்” காட்சிகளாகத் தெரிகிறது. சுவாரசியமான இந்தப் படம் நல்ல வரவேற்பைப் பெற்றது. ஒவ்வொரு வருடமும் மூன் டே (MOON DAY) எனப்படும் சந்திர தினக் கொண்டாட்டத்தில் டல்லாஸில் (ஓவ்வொரு ஆண்டும் ஜூலை 20 ஆம் தேதி சந்திர தினமாக டல்லாஸில் கொண்டாடப் படுகிறது) இந்தப் படம் காண்பிக்கப்படுகிறது.2007ஆம் ஆண்டு பன்னாட்டு விண்வெளி மேம்பாட்டு மாநாட்டிலும் இந்தப் படம் திரையிடப்படும் பெருமையைப் பெற்றது!

ராக்கெட் கேர்ள்ஸ் (Rocekt Girls) :- 2007-2008ஆம் ஆண்டில் ஒளிபரப்பப்பட்ட 12 எபிசோடு அனிமேஷன் தொலைக்காட்சித் தொடர் இது. ஒரு விண்வெளி ஏஜன்ஸி, சாடலைட் ரிப்பேர் கம்பெனி ஒன்றைத் தொடங்குகிறது. அவர்களுக்குத் தேவையோ குட்டி விண்வெளி வீர்ர்கள் தான். பள்ளியில் படிக்கும் மூன்று மாணவிகள் இதற்குப் பொருத்தமானவர்களாக ஆகின்றனர் அவர்களை சித்தரித்து எடுக்கப்பட்ட தொடர் இது.

மூன்லைட் மைல் (Moonlight Mile):- 2008ஆம் ஆண்டு வெளியான இன்னொரு அனிமேஷன் படம் இது. இரண்டு நண்பர்கள் பூமியின் மிக உயரமான மலை சிகரத்தில் ஏறி வெற்றி பெறுகின்றனர். அங்கிருந்து ஆகாயத்தைப் பார்த்தால் தெரிவது சந்திரன். அதையும் வென்று விட எண்ணம் கொள்கின்றனர். அதைத் தொடர்ந்து ஏற்படும் சாகஸ செயல்களை இந்தத் தொடர் சித்தரிக்கிறது.

ஃப்ளை மீ டு தி மூன் (Fly Me to the Moon) :- 2008ஆம் ஆண்டு வெளியான படம் இது. சிறுவர்களுக்கான படம். அபல்லோ 11 விண்கலம் சந்திரனை அடைந்ததைப் பின்னணியாகக் கொண்ட படம். குட்டிகளுக்கான சுட்டிக் கதை!

ஸ்பேஸ் பட்டீஸ் (Space Buddies) :- 2009ஆம் ஆண்டு வெளியான படம் இது. ஐந்து நாய்க் குட்டிகள் விண்வெளிப் பயணத்தை மேற்கொள்கின்றன. ஒரு விண்வெளி கம்பெனி ராக்கெட் டெஸ்டை நடத்தும் போது இந்த நாய்க்குட்டிகள் அங்கு சென்று சேர்கின்றன. சுட்டிகள் இதைப் பார்த்தால் கும்மாளம் போடுவார்கள். ஒரே வேடிக்கை தான்!

ல்யூனாபோலிஸ் (Lunapolis) :- காலப் பயணம் மேற்கொள்ளும் ஒரு ரகசிய மார்க்கத்தினரைப் பற்றிய கதை இது. சந்திரன், காலப் பயணம் போன்ற அனைத்தையும் இணைத்த அறிவியல் புனைகதை படம் இது.

இம்பாக்ட் (Impact):- 2009ஆம் ஆண்டு வெளியானது இந்தப் படம். ஒரு பெரும் விண் பொருள் சந்திரனைத் தாக்குகிறது. அதனால் சந்திரனின் ஓடு பாதை இன்னும் விரிவடைகிறது. இந்த மாற்றத்தால் சந்திரன் பூமியுடன் மோதும் அபாயம் உருவாகிறது.இதைத் தடுக்க பெரும் சாகஸப் பணி ஆற்றப்பட வேண்டும். சந்திரனை இழுத்து அதன் சரியான ஓடுபாதையில் செல்ல வைத்து பூமி ஒருவழியாகக் காக்கப்படுகிறது.

மூன் (Moon) :- 2009ஆம் ஆண்டு வெளியான படம் இது. மனிதன் என்பதன் அர்த்தம் என்ன என்பதை தத்துவ ரீதியாகப் பார்க்கும் கதை இது. சந்திரனில் தனி  மனிதன் ஒருவன் ஹீலியம்-3 ஐ வெட்டி எடுக்கிறான். அதைப் பூமிக்கு அனுப்பத் தயார். மூன்று வருடப் பயணத்திற்குப் பின் அவன் மீண்டும் பூமியை அடைகிறானா? விடை படத்தில்!

ஸ்பேஸ் டாக்ஸ் (Space Dogs):- 2010 ஆம் ஆண்டு வெளியான ஒரு அனிமேஷன் படம் இது. ரஷியாவிலிருந்து வெளியானது. ஸ்ட்ரெல்கா மற்றும் பெல்கா ஆகிய இரு நாய்களைப் பற்றிய கதை இது.குழந்தைகள் ரசிக்கும் வேடிக்கைச் சித்திரம்!

மிக நீண்ட சந்திர பயணத்தை விண்வெளிச்சாலையில் மேற்கொண்டு விட்டோம். இன்னும் மீதமிருக்கும் சில படங்களையும் பார்த்து விடலாமே!

                    -அடுத்த இதழில் இந்தத் தொடர் முடிகிறது

********************

புத்தக அறிமுகம் – 35

வெற்றிக் கலை உத்திகள்! 

பொருளடக்கம்

என்னுரை

அத்தியாயங்கள்

1. ஓஷோவின் அறிவுரை : புத்தகம் படியுங்கள்!

2. படேரெவ்ஸ்கியின் அறிவுரை: பயிற்சி செய்யுங்கள்!

3. லிங்கனின் அறிவுரை: மன்னித்து விடுங்கள்!

4. மஹாத்மா காந்திஜியின் அறிவுரை: நேரத்தைக் கடைப்பிடியுங்கள்!

5. ஆதிசங்கரரின் அருளுரை: நல்லோரைச் சேருங்கள்!

6. ஜீன் ராபர்ட்ஸனின் அறிவுரை: சிரித்து மகிழுங்கள்!

7. புத்தரின் அருளுரை: நிகழ்காலத்தில் வாழுங்கள்!

8. ஸ்வாமி விவேகானந்தரின் அருளுரை : சேவை புரியுங்கள்!

9. எட்வர்ட் டீ போனோவின் அறிவுரை: மாற்றி யோசியுங்கள்!

10. வெப்ஸ்டரின் அறிவுரை: மொழிப்புலமை பெறுங்கள்

11. ஸ்டீவ் ஜாப்ஸின் அறிவுரை: தொழில்நுட்பம் பழகுங்கள்!

12. ஷேக்ஸ்பியரின் அறிவுரை: இசை மூலம் இன்புறுங்கள்!

13. பகவான் ரமணரின் அருளுரை: மௌனம் பழகுங்கள்!

14.பதஞ்சலி முனிவரின் அருளுரை: யோகம் புரியுங்கள்!

15. எமர்ஸனின் அறிவுரை: இயற்கையை நேசியுங்கள்!

16. கோப்மேயரின் அறிவுரை: கேளுங்கள்!

17. அருளாளர்களின் அருளுரை: கீதை படியுங்கள்!

18. கபீரின் அருளுரை: குறை காணாதீர்கள்!

19. டேல் கார்னீகியின் அறிவுரை: பாராட்டத் தவறாதீர்கள்!

20. பெஞ்ஜமின் ஃபிராங்க்ளினின் அறிவுரை: குறிப்புப் புத்தகம் எழுதுங்கள்!

21. மஸாகி இமாயின் அறிவுரை: படிப்படியாகத் தொடர்ந்து முன்னேறுங்கள்!

22. அம்பலவாணர் அறிவுரை : இரகசியம் காத்துக் கொள்ளுங்கள்!

23. மஹரிஷி வசிஷ்டரின் அருளுரை:சமநிலையுடன் இருங்கள்!

24. வள்ளுவரின் அருளுரை : குடும்பத்துடன் குலவுங்கள்!

25. ஹெட்விக் லூயிஸின் அறிவுரை : ஆளுமை கவர்ச்சியை அதிகரியுங்கள்!

26. ஜீன் கால்மெண்டின் அறிவுரை: அதிக வயது ஒரு தடையில்லை என்பதை உணருங்கள்!

27. அற்புதங்கள் புரியுங்கள்; ஆனால் அவற்றை விளக்காதீர்கள்!

28. முடிவுரை

*

நூலில் நான் வழங்கிய என்னுரை இது :

என்னுரை

வெற்றிக் கலை என்ற எனது புத்தகத்திற்குக் கிடைத்த ஆதரவு என்னை இன்னும் அதிகமதிகம் வெற்றிக் கலை பற்றி எழுத உந்தியது.

முதல் பாகத்திற்கு எனது இனிய நண்பரும் பிரபல டைரக்டரும் பாக்யா இதழ் ஆசிரியருமான திரு கே. பாக்யராஜ் அவர்கள் முன்னுரை தந்து கௌரவித்தார்.

இன்றைய போட்டி மிகுந்த உலகில் நாளுக்கு நாள் தொழில் நுட்ப வளர்ச்சி பெருகிக் கொண்டே போகிறது.

பழைய கால உத்திகளுடன் நவீன உத்திகளும் வாழ்க்கையில் வெற்றி பெற இன்றியமையாத ஒன்றாக அமைகிறது.

ஏராளமான பெரியோர்களும், வெற்றியாளர்களும் எப்படி வாழ வேண்டும் என்பதைப் பல்வேறு விதமாக எடுத்துக் கூறியுள்ளனர். தாங்கள் வெற்றி பெற்ற வழியைக் காண்பித்துள்ளனர்.

இவற்றையெல்லாம் சிறிய கட்டுரைகளாக இணைய தள இதழான நிலாச்சாரல் இதழில் 2015ஆம் ஆண்டு எழுதி வந்தேன்.

வாசகர்களின் பேராதரவு கிடைத்தது.

வெற்றிக் கலையின் இரண்டாம் பாகமாக மிளிர்ந்த அந்தக் கட்டுரைகளின் தொகுப்பே இப்போது வெற்றிக்கலை உத்திகள் என்ற நூலாக உங்கள் முன் மலர்கிறது.

இதை நிலாச்சாரல் இதழில் வெளியிட்ட திருமதி நிர்மலா ராஜு அவர்களுக்கு எனது நன்றியை இங்கு பதிவு செய்கிறேன்.

இந்த நூலின் முடிவுரையில் வெற்றிகரமான வாழ்க்கைக்கான வரையறை தரப்பட்டுள்ளது. அதை அடைவதே ஒவ்வொரு மனிதனின் இலட்சியமாக காலம் காலமாக இருந்து வந்துள்ளது. அதை அடைய இந்த உத்திகள் வழி வகுக்கும் என்பதில் ஐயமில்லை.

இந்தப் புத்தகத்தை வெளியிட முன் வந்த Pustaka Digital Mediaவின் உரிமையாளர் திரு ராஜேஷ் தேவதாஸ் அவர்களுக்கு என் நன்றி உரித்தாகுக!

இதைத் தொடராக வந்த போது இதைப் படித்து ஆதரவு தந்த பல்லாயிரக் கணக்கான வாசகர்களுக்கும் எனது நன்றி உரித்தாகுக!

வெற்றி பெற விழையும் அனைவரையும் வருக வருக என வரவேற்கிறேன்.

இந்த வெற்றிக்கலை உத்திகளைப் பயன்படுத்தி வெற்றி பெற வாழ்த்துகிறேன்.

நன்றி

பெங்களூர்                                       ச.நாகராஜன்
5-3-2022

*

நூலாக வெளியிடவேண்டுமென்று விரும்பிய அன்பர்களின் விருப்பம் இப்போது நிறைவேறி விட்டது.

இதை 1) படிப்பதற்காகவும் 2) மின் நூலாகப் பெறவும் 3) அச்சுப்பதிப்பாகப் பெறவும் என இப்படி மூன்று திட்டங்களை www.pustaka.co.in அறிமுகப்படுத்தியுள்ளது. இதன் உரிமையாளர் திரு டாக்டர் ராஜேஷ் தேவதாஸ் P.Hd அவர்கள்.

சந்தா விவரங்களையும் நூல் விலை விவரத்தையும் admin@pustaka.co.in

என்ற மின்னஞ்சலில் தொடர்பு கொண்டு பெறலாம்

தொடர்புக்கான தொலைபேசி எண் :   9980387852  

**

WIDOW BURNING OR SATI IN NEPAL AND TAMIL LITEARTURE (Post No.11,207)

WRITTEN BY LONDON SWAMINATHAN

Post No. 11,207

Date uploaded in London – 19 AUGUST 2022         

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

IF U DONT SEE THE PICTURES HERE, GO TO MY OTHER BLOG, swamiindology.blogspot.com

https://www.pustaka.co.in/home/author/london-swaminathan

Xxx

 Those who do not study literature in Tamil and Sanskrit, two ancient languages of India, can easily mislead the people. Sati or Widow Burning was practised in India from the Himalayas in the north to Kanyakumari in the south. Dharma sastras including the well -known Manu Smrti, don’t speak about it. Since they were very old, the custom of widow burning, did not exist during the time of Smrtis. Not even Kautilya’s Arha sastra mentioned it. Even the only one Anti- Sati remark in the Rig Veda is interpreted differently. Some people say the word AGRE is misspelt as Agneh and so it did not speak about ‘Sati’ at all.

Sati or Widow burning is a custom where out of extreme affection and love, a woman who lost her husband, climbs the funeral pyre and burns herself. Two women in Tamil literature described the fire in the funeral pyre as a cool Lotus Tank.

During the Ithiihasa/ epic period Sati was optional. In the Ramayana, none of his wives died after Dasaratha’s death. But Mandothari died along with Ravana. In the Mahabharata Kunti did not die but Madri died by Sati when Pandu died. It was not compulsory. Moreover those who had the responsibility of raising their children did not opt for Sati and the society also showed sympathy for them.

In fact, ancient Tamil literature has more references to widows dying in the funeral pyre of their husbands.

Purananuru, the ancient part of 2000 year old Sangam literature, has many references to Sati. K V Ramakrishna Rao has dealt with it in great detail, in his 1991 research paper. A Pandya queen was very keen about it and rejected all the requests  not to commit Sati (see Pura Nauru verse 246, 247)

Tamils practised both cremation and burials like the Rig Vedic people. In one of the poems (Verse 256), a woman asked the potter to make a big urn so that she can also be buried along with her husband. In ancient Egypt hundreds of queens, ministers and workers were buried alive with the king. Scholars are of the opinion that it came to India from outside.

Another verse (No. 78 in Purananuru) showed that all the wives of the seven enemies died because of shame after the defeat of their husbands in a battle. If all the seven or more wives die at the same time it must be by Sati only. Poet also did not mention any other type of suicide.

Other verses show the wives of Karikal Choza, Neduncheralathan and Ay Andiran burning themselves in the funeral pyre of their husbands. (Full details are available in K V Ramakrishna Rao’s article  ‘Sati in Tamil Literature’ in the website)

Even a monkey commits suicide after its male partner died according to Kuruntokai verse 69.

Tamil epics Silappadikaram and Manimegalai also show evidence to Sati or widow burning. Wives of Neduncheralathan and a Choza king died in funeral pyre when both died in a battle. Senguttuvan, son of Neduncheralathan, went all the way to Holy Himalayas to bring stone to erect in her memory.

In Manimegalai, Athirai  (aathirai) tried to commit Sati but the fire refused to burn her because her husband, who she thought died in a ship wreck, was actually alive. But we know the custom was followed even by the Buddhists.

xxx

In Nepal

An inscription in Nepal shows that Sati was practised in 464 CE. Lichaavis ruled Nepal from (300 to 880 CE.)

The inscription is in the Changu Narayana Temple in Kathamandu valley. When King Dharmadeva died, his wife Queen Rajyavati wanted to commit Sati. But others prevented her from doing Sati. So she lived a pious life and was a chaste woman like Arundhati. The inscription can be compared with Sangam Tamil Literature, which is only a few hundred years older than the inscription. In Tamil Purananuru (verses 246, 247) we see Pandya Queen Mahadevi (in Tamil Perum Ko Pendu) committed Sati after rejecting all the appeals from ministers and Brahmin priests. Other verses show the miserable life of widows who followed strict Vrata. Rajyadevi of Nepal preferred the second option, that is vrata.

But yet another inscription in the near by Himachala Pradesh shows practice of Sati in that area even in 11th century. Kamalalanchana , Guru of Nagapala (naaga paala) composed the Devi-ri-Kothi fountain inscription in 1159 CE. The inscription consists of 17 verses and the last part is preserved. It described all the good and pious work done by Balha, the queen of Nagapala after his death. She also , like Rajyavati of Nepal, tried to commit Sati, but was prevented by the near and dear ones.

The poet who composed the verses in the inscription described the instability of the world in a beautiful verse:-

Javanapavanavelllolla kallollamaalaa

Paratimitasasilekhaachanchalam jeevalokam

Paratipadamavabuddhayaacheekaratsaatha balhaa

Nijapati sukruthaartam pushkaraadhaarametam

–subham–

tags- Sati, Widow burning, Nepal, Rajyavati, Balha, Tamil literature, Madri, Mandothari, Purananuru, Verses 245, 246

“Aryan SATI” in Sangam Tamil Literature!

https://tamilandvedas.com › 2014/06/14 › aryan-sati-in-…

14 Jun 2014 — Tamil and Vedas. A blog exploring themes in Tamil and vedic literature. “Aryan SATI” in Sangam Tamil Literature …

கணவனுடன் எரிந்து கருகிய தமிழ்ப் பெண்கள் பட்டியல்-2 (Post No.11,206)

WRITTEN BY LONDON SWAMINATHAN

Post No. 11,206

Date uploaded in London – 19 AUGUST 2022         

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

IF U DONT SEE THE PICTURES HERE, GO TO MY OTHER BLOG, swamiindology.blogspot.com

https://www.pustaka.co.in/home/author/london-swaminathan

Xxx

புறநானூற்றின் பாடல்கள் 246, 247 பெருங்கோப்பெண்டு உடன்கட்டை ஏறி இறந்ததை வர்ணிப்பது போல மற்ற பாடல்கள் விரிவாகப் பேசுவதில்லை. காரணம். எல்லோருக்கும் தெரிந்த அளவுக்குத் தமிழ் நாட்டில் இது பரவி இருந்ததே .

புறம் பாடல் 256,  கணவனுடன் உயிருடன் புதைக்கப்படும் வழக்கத்தையும் காட்டுகிறது; பாடியவர் பெயரோ, பாடப்பட்டவர் பெயரோ இல்லை. கணவனை இழந்த ஒரு பெண் என்னையும் சேர்த்து தாழியில் புதைத்துவிடு என்று பாடுகிறாள்

கலம் செய் கோவே கலம் செய் கோவே

 அச்சுடைச் சாகாட்டு ஆரம் பொருந்திய

சிறு வெண் பல்லி போலத் தன்னொடு

சுரம் பல வந்த எமக்கும் அருளி,

வியல் மலர் அகன் பொழில் ஈமத் தாழி

அகலிது ஆக  வனைமோ”

நனந்தலை  மூதூர்க் கலம் செய் கோவே

இதே போல ஒரு பாடல் புறம் 226-லும் இருப்பதை ஒப்பிட்டால் வளவனின் மனைவிதான் இதைப் பாடினாளோ என்று எண்ண வேண்டியுள்ளது.

XXX

குறைந்தது 7 மன்னர்களின் மனைவியர், கணவன் இறந்தவுடன் நாணத்தால் இறந்த செய்தியை புறப்பாடல் 78 பாடுகிறது . இதைப் பாடியவர் இடைக்குன்றுர் கிழார்.  இளம் வயதில் அரசுக்கட்டில் ஏறிய பாண்டியன் நெடுஞ்செழியனைத் தோற்கடிக்க வந்த அந்த மன்னர்கள் போரில் இறந்துபட்டனர்.அதன்பின்னர் மனைவியர் இறந்தனர் என்பது சதி முறையில்தான் நிகழ முடியும் .அவர்கள் தற்கொலை செய்துகொண்டனர் என்று கவி பாடவில்லை.

78. தலையாலங்கானத்துச் செருவென்ற பாண்டியன் நெடுஞ்செழியன்

தலையாலங்கானத்துச் செருவில் பாண்டியன் நெடுஞ்செழியனைப் போரெதிர்ந்த பகைவேந்தர் எழுவர் புறங்கொடுத் தோடுமாறு வென்றதனோடமையாத எங்கள் இறைவனான செழியன் அவர்தம் மகளிர் நாணமுற்று உயிர் விடுமாறு அவர்கட்குத் தொன்றுதொட்டுரிய ஊர்கட்கும் சென்று ஆங்கே அவ் வேந்தர்களைக் கொன்றழித்தான்” என்று பாடிக் காட்டுகின்றார்.


வணங்குதொடைப் பொலிந்த வலிகெழு நோன்றாள்
அணங்கருங் கடுந்திற லென்னை முணங்குநிமிர்ந்
தளைச்செறி யுழுவை யிரைக்குவந் தன்ன
மலைப்பரு மகல மதியார் சிலைத்தெழுந்து
விழுமியம் பெரியம் யாமே நம்மிற்         5
பொருநனு மிளையன் கொண்டியும் பெரிதென
எள்ளி வந்த வம்ப மள்ளர்
புல்லென் கண்ணர் புறத்திற் பெயர
ஈண்டவ ரடுதலு மொல்லா னாண்டவர்
மாணிழை மகளிர் நாணினர் கழியத்         10
தந்தை தம்மூ ராங்கண்
தெண்கிணை கறங்கச்சென் றாண்டட் டனனே.         (78)

https://www.projectmadurai.org/pm_etexts/utf8/pmuni0494_02.html

XXX

புறநானூறு பாடல் 280- பாடியவர் மாறோக்கத்து நப்பசலையார். கணவனை இழந்த ஒரு பெண் நான் உயிர் வாழ்தல் அரிதினும் அரிது. விதவை வாழ்க்கையை நான் வாழ மாட்டேன் என்கிறார். சிலர் விதவைகளாக வாழ்வதும் விருப்படுவோர் கணவனுடன் இறப்பதையும் இது காட்டுகிறது கெட்ட சகுனங்கள் பற்றியும் இப்பாடல் தெரிவிக்கிறது: விளக்கு அணைதல் , ஆந்தை குரல் கேட்டல், குறி சொல்லும் பெண்கள் நல்லதைச் சொல்லாமை, உறக்கம் வராமல் தவிப்பது ஆகியன கெட்ட நிமித்தங்கள் 

என்னை மார்பிற் புண்ணும் வெய்ய

நடுநாள் வந்து தும்பியுந் துவைக்கும்

நெடுநகர் வரைப்பின் விளக்கு நில்லா

துஞ்சாக் கண்ணே துயிலும் வேட்கும்

அஞ்சுவரு குராஅற் குரலுந் தூற்றும்

நென்னீ ரெறிந்து விரிச்சி யோர்க்கும்

செம்முது பெண்டின் சொல்லு நிரம்பா

துடிய பாண பாடுவல் விறலி

என்னா குவிர்கொ லளியிர் நுமக்கும்

இவணுறை வாழ்க்கையோ வரிதே யானும்

மண்ணுறு மழித்தலைத் தெண்ணீர் வாரத்

தொன்றுதா முடுத்த வம்பகைத் தெரியற்

சிறுவெள் ளாம்ப லல்லி யுண்ணும்

கழிகல மகளிர் போல

வழிநினைந் திருத்த லதனினு மரிதே.

XXX

குறுந்தொகையில் ஒரு குரங்கு கூட  , கணவன் இறந்ததைப் பொறுக்க மாட்டாது இறந்ததை பாடல் 69 காட்டுகிறது.

குட்டியை வேறு ஒருவர் பொறுப்பில் விட்டுவிட்டு தற்கொலை செய்து கொண்டதைக் காண்கிறோம் 

குறுந்தொகை பாடல் 69

கருங்கண் தாக்கலை பெரும்பிறி துற்றெனக்

கைம்மை உய்யாக் காமர் மந்தி

கல்லா வன்பறழ் கிளைமுதற் சேர்த்தி

ஓங்குவரை அடுக்கத்துப் பாய்ந்துயிர் செகுக்கும்

சாரல் நாட நடுநாள் 5

வாரல் வாழியோ வருந்துதும் யாமே.     

– கடுந்தோட் கரவீரனார்

கரிய கண்ணையும் தாவுதலையும் உடைய ஆண்குரங்கு இறந்தவுடன், கைம்மைத் துன்பத்தை விரும்பாத  பெண்குரங்கானது மரமேறுதல் முதலிய தம் தொழிலைக் கல்லாத வலிய குட்டியை, சுற்றத்தினிடத்து கையடையாக ஒப்படைத்துவிட்டு,  ஓங்கிய மலைப் பக்கத்தில் தாவி உயிரை மாய்த்துக் கொள்ளும் சாரலையுடைய நாட்டுக்குத் தலைவனே! நள்ளிரவில் வரவேண்டாம் ; அங்ஙனம் நீவரின் நினக்குத் தீங்குண்டா மென்றெண்ணி நாம் வருந்துவோம் நீ தீங்கின்றி வாழ்வாயாக!

XXX

சிலப்பதிகாரம்மணிமேகலையில் ‘சதி’

இமயவரம்பன் நெடுஞ்சேரலாதனும் சோழ மன்னனும் போட்ட சண்டையில் இருவரும் உயிர்துறந்தனர். உடனே அவர்களுடைய மனைவியர் தீயில் பாய்ந்து இறந்தனர் என்பதை பழைய சிலப்பதிகார உரைகளில் காண்கிறோம்.அப்படிப்பட்ட தருணங்களில் மஹா சதிக்  கல் நிறுவுவார்கள். இதைப் பேச்சு வழக்கில் மாஸ்திக்கல் என்பர். தொல்காப்பியம் இதிலுள்ள ஆறு கட்டங்களை விரிவாகப் பேசுகிறது சேரன் செங்குட்டுவன் முதல் தடவை இமய மலைக்குச் சென்று நடு கல் கொண்டுவந்தான்.. இரண்டாம் முறை கண்ணகிக்கு நடு கல் கொண்டுவந்தான் .

மணிமேகலையில்  ஆதிரை சதி

மணிமேகலை என்னும் காப்பியத்தில் கப்பல் விபத்தில் “கணவன் சாதுவன் இறந்ததை” அறிந்தவுடன் ஆதிரை என்பவள் தீப்பாய்ந்து இறக்க முயற்சிப்பதைக் காணலாம். அத்தகைய பெண் எப்படி அதற்குத் தயார் செய்கிறாள் என்பதும் விரிவாகவே உள்ளது .

ஆனால் ஆதிரையின் கணவன் உண்மையில் இறக்காததால் ஆதிரை உடலை அக்கினி எரிக்கவில்லை . பின்னர் இருவரும் சேர்ந்து வாழ்ந்தனர் என்று கதை தொடர்ந்தாலும், புத்தமத நூல்களும் இதை ஆதரித்தன என்பதை உணரலாம். இதோ ஆதிரை பற்றிய பகுதி :-

இடை இருள் யாமத்து எறி திரைப் பெருங் கடல்

உடை கலப் பட்டு ஆங்கு ஒழிந்தோர் தம்முடன்  16-020

சாதுவன் தானும் சாவுற்றான்” என

ஆதிரை நல்லாள் ஆங்கு அது தான் கேட்டு

ஊரீரேயோ! ஒள் அழல் ஈமம்

தாரீரோ?” எனச் சாற்றினள் கழறி

சுடலைக் கானில் தொடு குழிப்படுத்து

முடலை விறகின் முளி எரி பொத்தி

மிக்க என் கணவன் வினைப் பயன் உய்ப்பப்

புக்குழிப் புகுவேன்” என்று அவள் புகுதலும்

படுத்து உடன் வைத்த பாயல் பள்ளியும்

உடுத்த கூறையும் ஒள் எரி உறா அது     16-030

ஆடிய சாந்தமும் அசைந்த கூந்தலில்

சூடிய மாலையும் தொல் நிறம் வழாது

விரை மலர்த் தாமரை ஒரு தனி இருந்த

திருவின் செய்யோள் போன்று இனிது இருப்பத்

“தீயும் கொல்லாத் தீவினையாட்டியேன்

யாது செய்கேன்?” என்று அவள் ஏங்கலும்

“ஆதிரை! கேள் உன் அரும் பெறல் கணவனை

ஊர் திரை கொண்டு ஆங்கு உய்ப்பப் போகி

நக்க சாரணர் நாகர் வாழ் மலைப்

பக்கம் சேர்ந்தனன் பல் யாண்டு இராஅன்   16-040

சந்திரதத்தன் எனும் ஓர் வாணிகன்

வங்கம் தன்னொடும் வந்தனன் தோன்றும்

நின் பெருந் துன்பம் ஒழிவாய் நீ” என

அந்தரம் தோன்றி அசரீரி அறைதலும்”

XXXX

தர்ம சாஸ்திரங்களிலோ, அர்த்த சாஸ்திரத்திலோ இதுபற்றிய குறிப்புகள் இல்லாததால் இது பொதுவாகப் பின்பற்றப்படவில்லை என்று தெரிகிறது.

கணவன் இறந்ததை அறிந்த உடனே கணவனுடன் தீப்பாய்ந்த ஒரு வகையினரையும், அதற்குப்பின்னர் தீ மூட்டி இறந்த ஒரு வகையினரையும் காண்கிறோம். இன்னும் சிலர், பிள்ளைகளை வளர்த்து ஆளாக்குவதற்காக கைம்மை நோன்புடன் உயிர் வாழ்ந்ததையும் பார்க்கிறோம். சதி என்பது கட்டாயம் ஆக்கப்படவில்லை .

–SUBHAM —

Tags- ஆதிரை, சதி , உடன்கட்டை ஏறுதல் , நெடுஞ்சேரலாதன் , தீப்பாய்தல்

விண்வெளிச் சாலை மற்றும் சந்திரன் பற்றிய திரைப்படங்கள்! – 6

WRITTEN BY S NAGARAJAN

Post No. 11,205

Date uploaded in London – –    19 AUGUST 2022         

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

IF U DONT SEE THE PICTURES HERE, GO TO MY OTHER BLOG, swamiindology.blogspot.com

விண்வெளிச் சாலை மற்றும் சந்திரன் பற்றிய திரைப்படங்கள்! – 6

ச.நாகராஜன்

 விண்வெளி பற்றி வெளிவந்துள்ள மேலும் சில திரைப்படங்களைப் பார்ப்போம்:

டீப் இம்பாக்ட் (Deep Impact):- 1998ஆம் ஆண்டு வெளி வந்த படம் இது. விண்வெளி பற்றிய திரைப்படங்களில் சிறந்த படங்களில் ஒன்றாக இன்று வரை போற்றப்பட்டு வரும் படம் இது. ஒரு பெரும் பாறை பூமியை நோக்கி மோதும் வகையில் வருகிறது. அதை விண்கலம் இடைமறித்துத் தடுக்கிறது.

இன் தி டெட் ஆஃப் ஸ்பேஸ் (In the Dead of Space):- 1999 ஆம் ஆண்டு வெளி வந்த இந்தப் படம் ரஷிய ஸ்பேஸ் ஸ்டேஷன் ஒன்று தீவிரவாதிகளின் தாக்குதல் முயற்சிக்கு இலக்காவதைச் சித்தரிக்கிறது.

ஆஸ்டின் பவர்ஸ்: தி ஸ்பை ஹூ ஷேக்ட் மி (Austin Powers: The Spy Who Shagged Me):- 1999 ஆம் ஆண்டு வெளி வந்த படம் இது ஆயிரத்தி தொள்ளாயிரத்து அறுபதுகளில் வெளியான ஸ்பை திரைப்படங்களை கௌரவிக்கும் விதமாக எடுக்கப்பட்ட இந்தப் படத்தில் டாக்டர் ஈவில் (கயவன் ஒருவன்) விண்வெளி சுற்றுப்பாதையிலிருந்து சில சக்திகளைத் திருட வருகிறான். ஆனால் அறுபதுகளில் வெளியான ஸ்பை படங்களைப் போல இது அமையவில்லை.

ஃபோர்ட்ரெஸ் 2: ரீ-எண்ட்ரி (Fortress 2: Re-Entry) :- 2000ஆம் ஆண்டில் வெளியான படம் இது. 1992ஆம் ஆண்டு எடுக்கப்பட்ட ஃபோர்ட்ரெஸ் படத்தின் தொடர்ச்சியாக எடுக்கப்பட்டது. பூமியைச் சுற்றும் ஒரு விண்கலம் சிறையாகப் பயன்படுத்தப்பட்டு அங்கு கிரிமினல்கள் அடைத்து வைக்கப்படுகின்றனர். அந்த விண்கலச் சிறை பூமிக்கு மேலே 22300 மைல்கள் மேலே சுற்றுவதால் பூமிக்கு இணையாக அதே 24 மணி நேர சுழற்சியைக் கொண்டிருக்கிறது. அதனால் எப்போதும் பூமிக்கு மேலே ஒரே இடத்தில் நிலையாக இருப்பது போலச் சுழலும். (இதை ஜியோசிங்க்ரனஸ் கலம் என அறிவியல் கூறும்) இதிலிருந்து தப்புவது என்பது முடியவே முடியாது. ஆனால் கதாநாயகன் ஜான் விண்கலம் ஒன்றின் மூலமாகத் தப்பி பூமியை அடைகிறான்.இது தான் கதை.

ஸ்பேஸ் கௌபாய்ஸ் (Space Cowboys):- 2000ஆம் ஆண்டு வெளியான படம் இது.நான்கு விண்வெளிவீர்ர்கள் சோவியத் யூனியனின் கலத்தில் உள்ள அபாய ஆயுதங்களை செயலிழக்கச் செய்வதைச் சித்தரிக்கிறது.

சோலார் ஃபோர்ஸ் (Solar Force) :- 1995 ஆம் ஆண்டு வெளியான படம் இது. பூமியின் ஓஜோன் படலம் சீரழிந்து விடுகிறது ஸ்பேஸ் ஸ்டேஷனில் வசிக்கும் பூமி வாசிகள் சிலர் பூமியின் பசுமையைக் காக்க முயல்கின்றனர். இதைத் தடுக்க சுயநலமிகள் முயல அவர்களை வெற்றி கொண்டு பூமியைக் காப்பது தான் கதை.

2001: எ ஸ்பேஸ் ட்ராவெஸ்டி (A Space Travesty) :- 2000ஆம் ஆண்டு வெளியான படம் இது.அமெரிக்க ஜனாதிபதி வேகன் என்ற சந்திரனில் உள்ள தளத்திற்கு விஜயம் செய்ய தீயவர்கள் அவரைக் கடத்தி விடுகிறார்கள்.அவரைப் போலவே உள்ள க்ளோனை ஜனாதிபதியாக இருக்க வைக்கிறார்கள். மார்ஷல் டிக் டிக்ஸன் என்ற ஒரே ஒருவர் தான் அவரைக் காப்பாற்ற முடியும். அவரின் சாகஸம் மூலம் எல்லாம் சுபமாக முடிகிறது!

ப்ளாக் ஹொரைஸன் (Black Horizen):- ரஷிய விண்வெளி நிலையம் ஒன்றை மீட்கச் செல்லும் மீட்புக் குழு எதிர்கொள்ளும் சிக்கல்களைச் சித்தரிக்கும் இப்படம் 2001ஆம் ஆண்டு வெளி வந்தது.

தண்டர்பேண்ட்ஸ் (Thunderpants):- 2002ஆம் ஆண்டு வெளியான படம் இது. சின்னக் குழந்தைகள் விரும்பும் படம்.இளைஞன் ஒருவன் அளிக்கும் பரிசுகள் விண்வெளியில் ஒரு மீட்புப் பணியையே செய்ய வைப்பதை மையமாகக் கொண்டு எடுக்கப்பட்ட படம் இது.

தி அட்வெஞ்சர்ஸ் ஆஃப் ப்ளூடோ நாஷ் (The Adventures of Pluto Nash):- 2002ஆம் ஆண்டு வெளியான படம் இது. பூமியில் உள்ள மதவாதிகளின் பிடியிலிருந்து தப்பி வெளியேறும் சிலர், சந்திரனை அடைந்து அங்கு குடி, கும்மாளம், சூதாட்டம், இதர “கெட்ட” காரியங்கள் அனைத்தையும் செய்வதைக் கருவாகக் கொண்டு எடுக்கப்பட்ட இந்தப் பட்ம் கடுமையான விமரிசனத்திற்கு உள்ளானது. பார்த்து ரசித்த ரசிகர்களும் ஏராளம் தான்!

தற்போதைய படங்கள்

விண்வெளியில் ஏராளமான விண்கலங்கள் இன்று செலுத்தப்படுகின்றன. அறிவியல் வெகுவாக முன்னேறி விட்டது. திரைப்படத் தொழில்நுட்பமோ மிகுந்த முன்னேற்றத்தை அடைந்து விட்டது. தற்போது வெளி வரும் படங்கள் காலத்திற்கு ஏற்றபடி அற்புத திரை ஓவியங்களாக வெளி வருகின்றன. மேலும் சில படங்கள் இதோ!

ப்ளானெடஸ் (Planetes) :- 2003ஆம் ஆண்டு அக்டோபரில் ஆரம்பித்து 26 எபிசோடுகளைக் கொண்ட ஜப்பானிய தொலைக்காட்சித் தொடர் இது. விண்வெளியில் ஏராளமான விண்கலக் குப்பைகள் சுழன்று கொண்டே இருக்கின்றன. இவற்றை விண்வெளியிலிருந்து நிபுணர் குழு ஒன்று அகற்றுகிறது. அவர்களது நிறுவனத்திற்கு போதுமான நிதி இல்லை என்பதால் எல்லாமே அரைகுறையாகவே அவர்களுக்குக் கிடைத்து வருகிறது. பாதி அளவே பணியாளர்கள், பாதி சாதனங்கள் எல்லாமே பாதி பாதி தான். ஆகவே இந்த டீமே அரைகுறை டீம் என்று அழைக்கப்படுகிறது அவர்கள் விண்வெளிச் சுற்றுப்பாதையிலும் சந்திரனிலும் செய்யும் சாகஸங்கள் இந்தத் தொடரில் சித்தரிக்கப்பட்டன. விண்வெளிக் குப்பையை அகற்றும் விதங்களைச் சுவைபடச் சொல்வதால் அனைவராலும் பாராட்டப்பட்டது.

ரேஸ் டு ஸ்பேஸ் (Race to Space) :- 2004ஆம் ஆண்டு வெளிவந்த படம் இது. குடும்பத்துடன் சென்று பார்க்கும் வகையில் நல்ல பண்புகளை வலியுறுத்திய படம். ஒரு ராக்கெட் விஞ்ஞானியின் மகன் ஒரு சிம்பன்ஸியுடன் நட்பு கொள்கிறான். இருவரும் விண்வெளிப் பயணத்திற்குத் தயாராகின்றனர். ஆனால் அவன் திடீரென்று சதி ஒன்றைக் கண்டுபிடிக்கிறான். தந்தையுடன் இணைந்து அபாயத்திலிருந்து மீள்வது தான் கதை.

டிசாஸ்டர்! (Disaster!) :- 2005ஆம் ஆண்டு வெளியான படம் இது. பேரிடர்களை வைத்து ஏராளமான ஹாலிவுட் படங்கள் வெளி வந்து விட்டன. இந்தப் படம் ஆர்மெகடானைப் பார்த்து எடுக்கப்பட்ட படம். எல்லா பேரிடர் படங்களில் உள்ள நல்ல காட்சிகளையும் அம்சங்களையும் துணுக்குகளாக்க் கோர்த்து எடுக்கப்பட்ட படம் என்றே சொல்லலாம். விண்ணில் உள்ள கிரகம் போன்ற பெரிய பொருள் ஒன்று பூமியை நோக்கி வருகிறது. அது மோதினால் நிச்சயம் மனித குலமே அழிந்து விடும். ஸ்பேஸ் நிறுவனம் ஒன்றுடன் அரசு ஒப்பந்தம் செய்து அதில் பணிபுரியும் எரிமலை பற்றிய நிபுணரான ஹாரி பாட்டம்ஸ் என்பவரை இந்த அபாயத்தை நீக்க அமர்த்துகிறது. அவர் தலைமையில் ஒரு குழு விண்வெளி சென்று விண்வெளிப் பொருள் மோதுவதைத் தடுத்து நிறுத்துகிறது.

******************** (தொடரும்)

புத்தக அறிமுகம் – 34

மாறி வரும் பெண்கள் உலகம்

பொருளடக்கம்

என்னுரை

1. மாறி வரும் டீன் ஏஜ் பெண்கள்!

2. ஏ டு இஸட் – உங்கள் கணவரை அலசுங்கள்!

3. பெண்களின் 64 கலைகள்!

4. அலங்காரம் செய்து கொண்டு அழகுக்கு மெருகூட்டலாமா?

5. என்ன விலை அழகே? சொன்ன விலைக்கு வாங்க வருவேன்!!

6. என்றும் இளமையோடு இருக்கலாமே!

7. பெண் சக்தி பெரும் சக்தியாக மாற புது வழி!

8. ஐந்து தளைகளை உடைத்தால் பெண்களும் சி.இ.ஓ. தான்!

9. பாரதி பாடிய மூன்று காதல் பாடல்!

10. ஆயிரம் மலர்களே மலருங்கள்! அன்னை கீதம் பாடுங்கள்!

11. ஸ – கோத்ர திருமணம் சரிதானா?

12. இசை என்னும் இன்ப மருந்து!

13. சிரித்து மகிழுங்கள்! சிறப்புடன் வாழுங்கள்!

14. சின்னச் சின்ன செயல்கள்!

15. குழந்தைகள் காட்டிய வழி!

16. நினைவாற்றலைக் கூட்டுவது எப்படி?

17. IQ வை அதிகப்படுத்துவது எப்படி?

18. குழந்தைகளின் அறிவுத்திறனைக் கூட்டுவது எப்படி?

19. சிறந்த மூளைத் திறனுக்கான பத்து பழக்க வழக்கங்கள்!

20. சண்டையைத் தீர்க்கும் திருப்பு வார்த்தைகள்!

21. உங்கள் பிரச்சினைகளைத் தீர்க்க புதிய வழிமுறைகள் – அவுட் ஆப் தி பாக்ஸ், செலக்டிவ் என்கோடிங் சிந்தனா முறைகள்!

22. அதிர்ஷ்டத்தை அழைப்பது எப்படி?

23. மேனகா காந்தி கூறும் அதிர்ச்சி தரும் உண்மைகள்!

24. பேசுவது மானம் இடை பேணுவது காமம்! விழித்தெழுவோம்!

25. ஏமாற்றுவதற்கென்றே அலைகிறார்கள், ஜாக்கிரதை!

26. வித்தியாசமான பெண்மணிகள்!

27. ஒரு அம்மாவும் மூன்று பெண்களும்!

*

நூலில் என்னுரையில் ஒரு பகுதி இது:

என்னுரை

பட்டங்கள் ஆள்வதும் சட்டங்கள் செய்வதும்
பாரினில் பெண்கள் நடத்த வந்தோம்
எட்டும் அறிவினில் ஆணுக்கிங்கே பெண்
இளைப்பில்லை காண் என்று கும்மியடி

என்ற மஹாகவி பாரதியாரின் புதுமைக் கும்மியைப் படித்த போது இப்படி ஒரு பொற்காலம் விரைவில் வந்து விடுமா என்ற எண்ணம் ஐம்பது ஆண்டுகளுக்கு முன்னர் அனைவருக்கும் இருந்தது. ஆனால் வியக்கத்தக்க விதத்தில் மஹாகவியின் தீர்க்க தரிசனம் இன்று உண்மையாகி இருப்பதைப் பார்க்கிறோம்.

எங்கும் பெண்கள்; எல்லாத் துறைகளிலும் பெண்கள்!, ஜனாதிபதியாக, பிரதம மந்திரியாக, முதன் மந்திரியாக, பாராளுமன்ற, சட்ட மன்ற உறுப்பினராக, விண்வெளியில் விண்கலத்தில் செல்லும் வீராங்கனையாக, பைலட்டாக, பேராசிரியையாக, விஞ்ஞானியாக, பத்திரிகை ஆசிரியராக, வக்கீலாக, நீதிபதியாக, விளையாட்டு வீராங்கனையாக, முதன்மை அதிகாரியாக எதிலும் எங்கும் பெண்கள் என்ற நிலையைப் பார்த்து இன்று பிரமிக்கிறோம்.

பெண் சக்தி பெரும் சக்தியாக ஆகி உலகை எப்படியெல்லாம் முன்னேற்றம் அடையச் செய்து வருகிறது என்பதையும் ஆச்சரியத்துடன் பார்க்கிறோம்.

பெண்ணுலக முன்னேற்றம் பற்றியும் பெண்கள் முன்னேற்றம் சார்ந்த கட்டுரைகளையும் மங்கையர் மலர், கோகுலம் கதிர், சினேகிதி ஆகிய பத்திரிக்கைகளில் எழுதி வந்தேன்.

இந்தப் பத்திரிக்கைகளில் ஆசிரியர்களாக இருப்பவர்கள் அனைவருமே மங்கையரே! கோகுலம் கதிரில் திருமதி கமலி ஸ்ரீ பால், சினேகிதியில் திருமதி மஞ்சுளா ரமேஷ் ஆகியோர் அளவற்ற ஊக்கத்துடன் மங்கையர் முன்னேற்றத்தில் அக்கறை செலுத்துவதோடு எனது கட்டுரைகளையும் தொடர்ந்து பிரசுரித்து வந்தனர்.

அந்தக் கட்டுரைகளின் தொகுப்பே இந்த நூல்.

வழக்கம் போல இந்த நூலையும் வெளியிட முன் வந்த Pustaka Digital Mediaவின் உரிமையாளர் திரு ராஜேஷ் தேவதாஸ் அவர்களுக்கும் அவரது குழுவினருக்கும் என் நன்றி உரித்தாகுக!

இந்த நூல் தரும் நல்ல கருத்துக்களினால் பெண்கள் அனைவரும் உத்வேகம் பெற்று பாரதத்தைப் பொன்னொளிர் பாரதமாக உயர்த்த இறைவனைப் பிரார்த்திக்கிறேன்.

நன்றி!

பங்களூர்                                        ச. நாகராஜன்
13-1-2022
மின்னஞ்சல்: snagarajans@yahoo.com

*

நூலாக வெளியிடவேண்டுமென்று விரும்பிய அன்பர்களின் விருப்பம் இப்போது நிறைவேறி விட்டது.

இதை 1) படிப்பதற்காகவும் 2) மின் நூலாகப் பெறவும் 3) அச்சுப்பதிப்பாகப் பெறவும் என இப்படி மூன்று திட்டங்களை www.pustaka.co.in அறிமுகப்படுத்தியுள்ளது. இதன் உரிமையாளர் திரு டாக்டர் ராஜேஷ் தேவதாஸ் P.Hd அவர்கள்.

சந்தா விவரங்களையும் நூல் விலை விவரத்தையும் admin@pustaka.co.in

என்ற மின்னஞ்சலில் தொடர்பு கொண்டு பெறலாம்

தொடர்புக்கான தொலைபேசி எண் :   9980387852  

**

கணவனுடன் எரிந்து கருகிய தமிழ்ப் பெண்கள் பட்டியல்-1 (Post No.11204)

WRITTEN BY LONDON SWAMINATHAN

Post No. 11,204

Date uploaded in London – 18 AUGUST 2022         

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

IF U DONT SEE THE PICTURES HERE, GO TO MY OTHER BLOG, swamiindology.blogspot.com

https://www.pustaka.co.in/home/author/london-swaminathan

Xxx 

கணவன் இறந்தவுடன் அன்பின் காரணமாக அவனுடைய சிதைத் தீயில் புகுந்து உயிர் விடும் வழக்கம் “சதி” அல்லது “உடன்கட்டை ஏறுதல்” எனப்படும்

மனு ஸ்ம்ருதி இது பற்றி எதுவும் சொல்லாதது, வேத காலத்தில் இந்த வழக்கம் இல்லை என்பதைக் காட்டுகிறது. மேலும் ரிக் வேதத்திலுள்ள 1000 துதிகளில்  (10,000 மந்திரங்களில்) ஒரே ஒரு இடத்தில் சதி என்று ஊகிக்க ஒரே ஒரு குறிப்பு வருகிறது. அதுவும் சிதைத் தீயில் இருந்து வெளியே வா என்று சதிக்கு எதிராகவே உள்ளது. ராமாயண காலத்தில் இது இல்லை போலும். தசரதனின் மனைவியர் அவன் இறந்த போதும் தீப் பாயவில்லை. மஹாபாரதத்தில் பாண்டு இறந்த போது குந்தி தீப்பாயவில்லை. மாத்ரி மட்டுமே சதி முறையில் இறந்தாள் . ஆக இது கட்டாயம் இல்லை என்றே தோன்றுகிறது. ராமாயண காலத்தில் இலங்கையில் மட்டும் ‘சதி’ இருந்தது. மண்டோதரி, ராவணனுடன் உயிர் நீத்தாள்  .ஆனால் சங்க இலக்கியத்தில் இது அதிகமான இடங்களில் வருவது வியப்புக்குரியது. குறிப்பாக மன்னர்கள் இறந்தவுடன் மஹாராணிகள் சதி முறையில் கணவனுடன் தீயில் கருகி இறந்தனர்.

புறநானூற்றில் வரும் பூதப் பாண்டியன் பெருந்தேவி (பாடல் 246) மரணம் எல்லோரும் அறிந்ததே. அறிஞர்கள் தடுத்தும் அவள் தீப்பாய்ந்து இறந்தாள் . மஹா பாரதத்தில் புறாக்கள் உயிர்விட்டது போல, குறுந்தொகை என்னும் சங்க நூலில் குரங்குகள் ‘சதி’ செய்துகொண்டதை முன்னரே எழுதியுள்ளேன் (கீழேயுள்ள இணைப்புகளைக் காண்க)

இப்போது மேலும் சில ‘சதி’ மரணங்களைக் காண்போம்

கே.வி.ராமகிருஷ்ணராவ் 1991ம் ஆண்டு எழுதிய ஆங்கிலக்கட்டுரையில் உலகம் முழுதும் இவ்வழக்கம் இருந்ததையும் தமிழ் இலக்கியத்தில் இது பற்றி உள்ள விஷயங்களையும் விரிவாக எழுதியுள்ளார்

இந்த வழக்கம் எகிப்து முதலிய நாடுகளில் இருந்து உலகெங்கும் பரவியதாக ஆங்கிலேயர்கள் எழுதி வைத்துள்ளனர். சதி என்றால் நல்ல பெண் என்று பொருள்; அதாவது உத்தமி; கணவனிடத்தில் பேரன்பு கொண்டவள் .

கர்ம வினைக் கொள்கையிலும் மறு பிறப்பிலும் தமிழர்கள் ஆழ்ந்த நம்பிக்கை கொண்டிருந்தார்கள். அவர்கள் அதி தீவிர இந்துக்கள் என்பதை புற  நானூற்றுப் பாடல்கள்  27, 214, 236, 240 பறை சாற்றுகின்றன .

வட இந்தியா போல தமிழ் மன்னர்கள் பலதார மணத்தைக் கைப்பிடித்தாலும், ஒருவனுக்கு ஒருத்தி என்பதே நல்லது என்பதை தமிழர்கள் உணர்ந்து இருந்தனர். புறம் 71, 73, 245 பாடல்களில் இக்கருத்தைக் காண்கிறோம்.

புறம் 62-ம் பாடல், சேரமான் குடக்கோ நெடுஞ் சேரலாதனும் , சோழன் வேற்பல் தடக்கைப் பெருவிரற் கிள்ளியும் சண்டை போட்டு இறந்த போது கழாத்தலையார் பாடியதாகும் . மன்னர்கள் இறந்து சொர்க்கத்துக்குப் போனார்கள். அவர்களுடைய மனைவியரும் மார்புகளைத் தழுவியபடி இறந்தனர் என்றும் அவர்கள் கீரை உணவையும் குளிர்ந்த நீரில் நீராடும் விதவை வாழ்க்கையை விரும்பவில்லை என்றும் அவர்கள் தேவர் உலகத்துக்கு விருந்தினர் ஆயினர் என்றும் காண்கிறோம்.

………………………………………………பெண்டிரும்

பாசடகு மிசையார் பனி நீர் மூழ்கார்

மார்பகம் பொருந்தி ஆங்கமைந்தனரே 

………….

அரும்பெறல் உலகம் நிறைய

விருந்து பெற்ற யாரால் பொலிக நும் புகழே (புறம் 62)

போரில் இறந்தால் சொர்க்கத்துக்கு நேரடியாக செல்லலாம்  என்று கிருஷ்ண பரமாத்மாவும் பகவத் கீதை 2-32, 2-37 ஸ்லோகங்களில் தெளிவாகவே சொல்கிறார்.

புறம் பாடல் 240 ஆய் அண்டிரன் இறந்தது பற்றியும் அவனுடைய மனைவியர் அனைவரும் அவனுடன் இறந்தது பற்றியும் கூறுகிறது . அந்தக் காலத்தில் ‘சதி’ என்பதை அனைவரும் அறிந்து இருந்ததால் குறிப்பாக தீப்பாய்ந்தாள் , தீக்குளித்தாள் என்ற சொற்கள் காணப்படவில்லை. ஆனால் போர்க்களத்திற்கு மனைவியர் செல்வதில்லை என்பதால் தகனத்தின்போது அவர்கள் சென்று தீப்பாய்ந்தது வெள்ளிடை மலை .

பாடுநர்க்கு அருகா ஆய் அண்டிரன்

கோடு ஏந்து அல்குல் குறுந்தொடி மகளிரொடு

காலன் என்னும் கண்ணிலி உய்ப்ப

மேலோர் உலகம் எய்தினன்

இதைப்படியவர் குட்டுவன் கீரனார். ஆய் அண்டிரன் இறந்தவுடன் ஈமத் தீயில் அவனது உரிமை மகளிரையும் இட்டு எரித்ததை நேரில் கண்டு பாடுகிறார்.

அவர்கள் மேல் உலகம் சென்றவுடன் இந்திரா லோக ‘ஆர்க்கெஸ்ட்ரா’ ORCHESTRA  இசை பாடி வரவேற்றதை உறையூர் ஏணிச் சேரி முடமோசியார் அடுத்த பாடலில் நமக்குத் தெரிவிக்கிறார்.

திண் தேர்  இரவலர்க்கு ஈத்த தண் தார்

அண்டிரன் வரூ  உம் என்ன ஒண் தொடி

வச்சிரத் தடக்கை நெடியோன் கோயிலுள்

போர்ப்புறு  முரசும் கறங்க

ஆர்ப்பு எழுந்தன்றால் விசும்பினோனே

–புறம் 241.

புறம் 246, 247 பாடல்களில் பெருங் கோப்பெண்டு , பூதப் பாண்டியன் இறந்தவுடன் பலர் தடுத்தும் தீயில் புகுந்ததோடு அந்த சிதைத்தீ தாமரைக்குளம் போன்ற குளிர்ச்சி உடையது என்றும் வருணிக்கிறார்.

இந்தப் பாடல்களை பெருங் கோப்பெண்டும், மதுரைப் பேராலவாயாரும் பாடியுள்ளனர்  பெருங்கோப்பெண்டு காட்டில் உள்ள காளி கோயிலின் முன் மூட்டப்பட்ட தீயை வ  ம் வந்து தீப்புகுந்து உயிர்விட்டாள்.

XXXX

PREVIOUS POSTS

பாண்டிய மஹாராணி தீயில் குதித்ததற்கு தொல்காப்பியமே காரணம்? (Post No.3210)

பாண்டிய மஹாராணி தீயில் குதித்ததற்கு …

https://tamilandvedas.com › பாண…

· Translate this page

2 Oct 2016 — … Post No.3210 Pictures are taken from various sources; thanks. … குதித்ததற்கு தொல்காப்பியமே காரணம்?

You visited this page on 18/08/22

சங்கத் தமிழ் நூல்களில் “சதி”

சங்கத் தமிழ் நூல்களில் “சதி” | Tamil and Vedas

https://tamilandvedas.com › சங்க…

· Translate this page

15 Jun 2014 — Suttee in Bali in 1597 (Wikipedia picture) சங்கத் தமிழ் நூல்களில் “சதி” (உடன்கட்டை ஏறுதல்) …

“Aryan SATI” in Sangam Tamil Literature!

“Aryan SATI” in Sangam Tamil Literature!

https://tamilandvedas.com › 2014/06/14 › aryan-sati-in-…

14 Jun 2014 — Tamil and Vedas. A blog exploring themes in Tamil and vedic literature. “Aryan SATI” in Sangam Tamil Literature …

தொடரும் —————–

TAGS-சதி , உடன் கட்டை ஏறுதல் , சங்க இலக்கியம் , பெருங்கோப்பெண்டு