சங்க இலக்கியத்தில் அமிர்தம், அமிழ்தம், இந்திரன் (Post No.9330)

WRITTEN BY LONDON SWAMINATHAN

Post No. 9330

Date uploaded in London – –2 MARCH  2021     

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

If u need this article in word format, please write  to us

சங்க இலக்கியத்தில் அமிர்தம், அமிழ்தம்

BY LONDON SWAMINATHAN

உலகிலேயே தலை சிறந்த இந்துக்கள் தமிழர்கள்தான். 2000 ஆண்டுகளுக்கு முன்னரே இந்திரன், அமிர்தம் பற்றிய குறிப்புகள் தமிழில் கிடைக்கின்றன.

இந்திரன் பற்றி சங்க இலக்கியத்தில் குறைந்தது ஐந்து இடங்களில் செய்திகள் கிடைக்கின்றன. பிற இடங்களிலும் தொல்காப்பியத்திலும் வேந்தன் முதலிய பெயர்களால் இந்திரன் பற்றிய குறிப்புகள் உள .தமிழர்கள் வாழ்வில் 2000 ஆண்டுகளுக்கு முன்னரே இந்திரனும் அமிழ்தமும் இரண்டறக் கலந்துவிட்டனர் ; ஆண்கள்  பெயர்களில் மட்டும் இன்றி பெண்கள் பெயர்களிலும் அம்ருதா

tags —சங்க இலக்கியம், அமிர்தம், அமிழ்தம், இந்திரன், 

அளவுக்கு மிஞ்சினால் அமிர்தமும் விஷமாகும்- சாணக்கியன்! (Post No.4535)

Written by London Swaminathan 

 

Date: 23 DECEMBER 2017 

 

Time uploaded in London- 9-16 am

 

 

Post No. 4535

Pictures shown here are taken from various sources such as Facebook friends, Books, Google and newspapers; thanks

 

 

எல்லோருக்கும் தெரிந்த பழமொழி- ஆயினும்

நாம் அளவோடு சாப்பிடுகிறோமா? இல்லை;

அளவோடு பேசுகிறோமா? இல்லை

அளவோடு செலவழிக்கிறோமா? இல்லை;

அளவோடு FACEBOOK முகநூல், TV டெலிவிஷன், WHATSUP வாட்ஸப்பில் இருக்கிறோமா? இல்லை

 

அந்தக் காலத்திலேயே அளவு பற்றி அழகாகச் சொன்னான் சாணக்கியன்! அளவுக்கு மிஞ்சினால் எதுவுமே ஆபத்துதான்.

 

 

அதிரூபேண வை ஸீதா ஹ்யதிகர்வேன ராவணஹ

அதிதானம் பலிர்தத்வா சர்வத்ர வர்ஜயேத்

–சாணக்ய நீதி, அத்தீயாயம் 3, ஸ்லோகம் 12

 

 

பொருள்

சீதைக்கு அதிக அழகினால் ஆபத்து நேரிட்டது;

ராவணனுக்கு அதிக கர்வத்தால் ஆபத்து நேரிட்டது;

பலிச் சக்ரவர்த்திக்கு அதிக கொடையால் ஆபத்து நேரிட்டது.

 

ஷேக்ஸ்பியரும் AS YOU LIKE IT ஆஸ் யூ லைக் இட் என்ற நாடகத்தில் அழகு பற்றி எச்சரிக்கிறான்:

 

ROSALIND

Alas, what danger will it be to us,

Maids as we are, to travel forth so far?

Beauty provoketh thieves sooner than gold.

 

அழகு என்பது தங்கத்தை விட விரைவில் திருடர்களைக் கவர்ந்திழுக்கக்கூடியது- ரோஸாலிண்ட்

 

இதனால்தான் பெரியோர்கள் சொன்னார்கள்: அளவோடு நில்.

வள்ளுவனும் சொல்கிறான்:

மயில் தோகை எவ்வளவு மென்மையானது? அதை, வண்டியில் ஏற்றினாலும் அதற்கும் ஒரு அளவு உண்டு. உச்ச கட்ட பாரத்துக்கும் மேலாக ஒரு மயில் தோகையை ஏற்றினாலும் வண்டியின் அச்சு முறிந்து விடுமாம்! என்ன அற்புதமான உண்மை!

 

பீலிபெய் சாகாடும் அச்சிறும் அப்பண்டஞ்

சால மிகுத்துப் பெயின் (குறள் 475)

 

 

பலிச் சக்ரவர்த்தி அதிக தானம் கொடுத்து அழிந்த கதையை நினைவிற்கொண்டு வள்ளுவனும் பாடுகிறான்:

 

உளவரை தூக்காத ஒப்புரவாண்மை

வளவரை வல்லைக் கெடும் (480)

பொருள்

ஒருவனிடம் உள்ள பொருளின் அளவைக் கணக்கிடாதபடி அவன் அதிக தானம் செய்தால்– உபகாரம் செய்தால்- அவனுடைய செல்வத்தின் அளவு விரைவில் தேய்ந்து போகும்;

 

( பலிச் சக்ரவர்த்தி நாட்டையும் மன்னர் பதவியையும் இழந்தான்)

இன்னும் ஒரு குறளில் மேலும் தெளிவாக உரைக்கிறார்:

 

அளவறிந்து வாழாதான் வாழ்க்கை உளபோல

இல்லாகித் தோன்றாக் கெடும் (குறள் 479)

 

பொருள்:

ஒருவனின் வருமானத்துக்கு ஏற்ப வாழாதவன் வாழ்க்கை , முதலில் பகட்டான காட்சியைத் தரும் பின்னர் ஒன்றுமில்லாமற் (புஸ்வாணம்) ஆகிவிடும்.

அளவுக்கு மிஞ்சினால் அமிர்தமும் விஷமாகும்!

 

அமிர்தமும் விஷமும்: மஹாபாரதம் தரும் அற்புத ஸ்லோகம் (Post No.3635)

Written by London swaminathan

 

Date: 14 FEBRUARY 2017

 

Time uploaded in London:- 20-02

 

Post No. 3635

 

 

Pictures are taken from various sources; thanks.

 

 

contact; swami_48@yahoo.com

 

 

அமிர்தம் என்ற சம்ஸ்கிருதச் சொல் திருக்குறளில் குறைந்தது மூன்று இடங்களிலும் (64, 720, 1106) சங்க இலக்கியத்தில் குறைந்தது 37 இடங்களிலும் பயிலப்படுகிறது. இது பற்றியும் அமிர்தம் என்ற சம்ஸ்கிருதச் சொல் சங்கத் தமிழ் நூல்களில் மூன்று விதமாக (அமிழ்தம், அமிர்தம், அமுதம்) என்று கையாளப்படுவது குறித்தும் ஏற்கனவே எழுதிவிட்டேன்.

 

இப்பொழுது மஹாபாரத பாடல்கள் சிலவற்றைக் காண்போம். அத்துடன் அமிர்தத்தையும் விஷத்தையும் ஒப்பீட்டும் பார்ப்போம்.

 

தேவர்களும் அசுரர்களும் பாற்கடலைக் கடைந்தபோது தோன்றியது அமிர்தம். அதற்கு ஈடு இணையானது எதுவும் இல்லாததால் அதிக இனிமையானது, இன்பம் பயப்பது எல்லாவற்றையும் அமிர்தமென்போம். தேவாமிர்தம் என்றும் சொல்லுவதுண்டு.

யத் த அக்ரே விஷம் இவ

பரிநாமே அம்ருதோபமம்

தத் சுகம் சாத்விகம் ப்ரோக்தம்

ஆத்ம புத்தி ப்ரசாதஜம் (6-40-37)

 

முதலில் விஷம் போல இருந்து பின்னர் எது அமிர்தம் போலத் தோன்றுகிறதோ அது சாத்வீக மகிழ்ச்சி (இன்பம்) மனதுக்கும் ஆன்மாவுக்கும் சாந்தி தருவதால் இந்த இன்பம் கிட்டுகிறது.

விஷ்யேந்த்ரிய சம்யோகாத்

யத் தத் அக்ரே அம்ருதோபமம்

பரினாமே விஷம் இவ

தத் சுகம் ராஜசம் ஸ்ம்ருதம் (6-40-38)

 

எது முதலில் புலன் இன்பம் காரணமாக அமிர்தம் போலத் தோன்றுகிறதோ, ஆனால் நாளடைவில் விஷம் போல ஆகிறதோ அது ராஜச இன்பம் ஆகும்

 

சாத்வீக இன்பத்துக்கு மருத்துவர் தரும் மருந்துகளையும் சிகிச்சைக ளையும் எடுத்துக் காட்டலாம். முதலில் நமக்கு கசக்கும்; பின்னர் நோய் குணமானவுடன் இனிக்கும்

அதே போல சிறு வயதில் அம்மா அப்பா சொல்லும் புத்திமதி,,,,ள் விஷம் போலக் கோபத்தைத் தரும். ஆனால் வயதானவுடன் அவர்கள் புத்தி சொல்லாவிடில் நாம் எவ்வளவு சீரழிந்து போயிருப்போம் என்று எண்ணி மகிழ்வோம்.

 

இது போலவே ஆன்மீகத்திலும் எடுத்துக் காட்டுகள் உண்டு.

இரண்டாவது பாடல் சிற்றின்ப சுகம் முதலில் சுகம் தந்தாலும் பிற்காலத்தில் சம்சார சாகரத்தில் – குடும்ப பாரத்தில்— ததளிக்கும் போது அது சிற்றின்பமே, பேரின்பமில்லை என்று தெளிவு பிறக்கும்.

 

எது இனிமையானதோ அது அமிர்தம்; எது மிகவும் திருப்தியை உண்டாக்குகிறதோ அது அமிர்தம்; பழங்கள் அமிர்தம் போன்றவை (மஹா பாரதம் 3-155-44)

 

தண்ணீரும் அமிர்தம் (3-152; 6-116-23)

சுவையான கதை அமிர்தம் போன்றது (1-90-5)

 

ஆறுதல் தரும் சொல் அமிர்தம் போன்றது (1-147-24; 149-19; 3-79-17)

 

ந த்ருப்யாமி கதாம் ச்ரவணம்

அம்ருதஸ்வாத சம்மிதம் (1-90-5)

அமிர்தம் போன்ற சுவையுடன் சொல்லப்பட்ட கதை கேட்பதால் நான் திருப்தி அடையவில்லை.

 

திருவள்ளுவர் கண்ட அமிழ்தம்:–

 

அமிழ்தினும் ஆற்ற இனிதே தம் மக்கள்

சிறுகை அளாவிய கூழ் (64)

 

இனிமை மிக்க அமிதத்தை விட மிகவும் இனிமையானது- தம்முடைய குழந்தையின் பிஞ்சுக் கரங்களால் அளாவப்பட்ட கூழ்.

 

அங்கணத்துள் உக்க அமிழ்தற்றால் தங்கணத்தார்

அல்லார்முன் கோட்டி  கொளல் (720)

 

படிக்காதவர் கூட்டத்தில் பேசுவது தூய்மை இல்லாத முற்றத்தில் (சாக்கடையில்)  சிந்திய அமிழ்தம் போன்றது.

உறுதோறு உயிர்தளிப்பத் தீண்டலால் பேதைக்கு

அமிழ்தின் இயன்றன தோள் (1106)

 

காதலியின் தோளைத் தொடும்போதெல்லாம், உயிர் தளிர்ப்பதால், அந்தப் பெண்ணின் தோள்கள் அமிழ்தத்தால் செய்யப்பட்டிருக்க வேண்டும்.

விஷம் எது?

 

ஒரு முனிவரின் மகனுடைய கோபத்தை விஷத்துக்கு ஒப்பிடுகிறது மஹாபாரதம் :–விஷகல்ப ரிஷேஹே சுதஹ (1-36-23)

 

திரவுபதிக்கு ராஜ சபையில் ஏற்பட்ட அவமானத்தை நினைத்து தருமர் (யுதிஷ்டிரர்) வருத்தப்பட்டார். இந்த அவமானம் விஷத்துடன் ஒப்பிடப்படுகிறது (3-35-17)

 

விஷம் கொடுத்தவனுக்கு என்ன என்ன விளைவுகள் ஏற்படுமோ அது போல திருதராஷ்டிரனின் படைகளுக்குத் தோல்வியால் வாயில் நுரை தள்ளியது; கைகால்கள் சுண்டி இழுத்தன.(6-79-23)

 

–Subaham–

 

‘இந்திரனும் வேண்டாம், அமிழ்தமும் வேண்டாம்’: தமிழர் நிலைப்பாடு

tamil yal panan

‘இந்திரனும் வேண்டாம், அமிழ்தமும் வேண்டாம்’: தமிழர் நிலைப்பாடு
Post No 744 dated 13th December,2013.

தமிழர்கள் இந்திரனையும் அமிழ்தத்தையும் மிக உயர்வாகக் கருதியதால் அவைகளை அளவு கோலாக வைத்துப் பாடிய பாடல்கள் புறநானூறு முதல் நாயன்மார்கள், ஆழ்வார்கள், பாரதிதாசன் பாடல்கள் வரை பல இடங்களில் காணப்படுகின்றன.. இதிலிருந்து அவர்கள் இந்திரன் மீதும் அமிழ்தம் மீதும் எவ்வளவு மதிப்பு வைத்திருந்தார்கள் என்பதும் தெளிவாகின்றது. உலகமே அறிந்திருந்த உயர்வான பொருள்களைத்தான் புலவர்கள் உவமையாகப் பயன்படுத்துவார்கள்.
கடலுள் மாய்ந்த இளம்பெரு வழுதி என்னும் பாண்டிய மன்னன் கூறுகிறான்: “இந்திரனின் அமிழ்தமே கிடைத்தாலும் தனியாக உண்ண மாட்டோம். உலகமே கிடைத்தாலும் பழி என்றால் அதன் பக்கமே போக மாட்டோம். ஆனால் புகழ் தரக்கூடிய நற்செயல்கள் என்றால் உயிரையே கொடுக்கவும் தயங்க மாட்டோம். இப்பேற்பட்ட தனக்கென வாழாத, பிறர்க்கு என வாழ்வோர்தான் பெரியோர்கள். அவர்களால்தான் இவ்வுலகம் நிலைபெற்றுள்ளது.”

உண்டால் அம்ம, இவ்வுலகம்; இந்திரர்
அமிழ்தம் இயைவதாயினும், இனிது எனத்
தமியல் உண்டலும் இலரே; முனிவிலர்;
துஞ்சலும் இலர்; பிறர் அஞ்சுவது அஞ்சிப்
புகழ் எனின் உயிரும் கொடுக்குவர்; பழியெனின்
உலகுடன் பெறினும் கொள்ளலர்; அயர்விலர்;
அன்னமாட்சி அனையராகித்
தமக்கென முயலா நோன் தாள்
பிறர்க்கென முயலுநர் உண்மையானே
–புறம் 182, கடலுள் மாய்ந்த இளம்பெரு வழுதி

திருவள்ளுவரும் அமிழ்தத்தை அளவு கோலாக, உவமைப்பொருளாக வைத்து சில குறள்கள் இயற்றினார்:

அமிழ்தினும் ஆற்ற இனிதே தம் மக்கள்
சிறு கை அளாவிய கூழ் —-(குறள் 64)
தனது குழந்தை கைகளைப் போட்டு துளாவிய கூழ் அமிழ்தத்தை விட சிறந்தது.
விருந்து புறத்ததாத் தானுண்டல் சாவா
மருந்தெனினும் வேண்டற்பாற்றன்று—- (குறள் 82)

அமிழ்தமே கிடைத்தாலும் வீட்டுக்கு வந்த விருந்தினரை விட்டுவிட்டு தனித்து உண்ணுவது விரும்பத்தக்கதல்ல. (புறநானூற்று செய்யுளின் கருத்தையே வள்ளுவரும் எதிரொலிக்கிறார்).
Ramayan 1

‘இந்திரலோகம் வேண்டாம்‘

பன்னிரு ஆழ்வார்களில் ஒருவரான தொண்டரடிப்பொடி ஆழ்வார் திருவரங்கப் பெருமானைப் போற்றும் பணியைத்தவிர இந்திரலோகம் ஆளும் பதவி கிடைத்தாலும் வேண்டாம் என்கிறார்:
பச்சை மாமலைபோல் மேனி, பவளவாய், கமலச் செங்கண்
அச்சுதா! அமரர் ஏறே! ஆயர்தம் கொழுந்தே! என்னும்
இச்சுவை தவிர, யான் போய் இந்திர லோகம் ஆளும்
அச்சுவை பெறினும் வேண்டேன் அரங்கமா நகருளானே!
–தொண்டரடிப்பொடி ஆழ்வார்

கந்தபுராணத்தில் வீரவாகுத் தேவரும் முருகனுடைய பாத கமலங்களில் சேவித்துப் பெறும் அன்பும் ஆதரவுமே வேண்டும். இந்திரலோகம் ஆளுவதைக் கனவிலும் கூடக் கருத மாட்டேன் என்கிறார்:

“ கோல நீடிய நீதிபதி
வாழ்க்கையும் குறியேன்
மேலை இந்திரன் அரசினைக்
கனவிலும் வெஃகேன்
மாலையன் பெறு பதத்தையும்
பொருளென மதியேன்
சால நின்பதத் தன்பையே
வேண்டுவன் தமியேன்” கந்தபுராணம்:
இவ்வாறு வீரவாகு தேவர் முருகனிடம் வரம் கேட்கிறார்:

இன்னொரு புலவர் தமிழ் ஒன்றே போதும், அமிழ்தமே வேண்டாம் என்கிறார்.
இருந்தமிழே உன்னால் இருந்தேனே வானோர்
விருந்தமிழ்தம் என்னினும் வேண்டேன் (ஒரு புலவர் பாட்டு)

பாரதிதாசனோ தமிழுக்கும் அமுது என்று பெயர் என்கிறார்.

அப்பர் தேவாரம்: குபேரனுடைய செல்வமே வேண்டாம்

செல்வத்துக்கு அதிதேவதையான குபேரனுடைய கட்டுப்பாட்டில் இருக்கும் சங்க நிதி, பதும நிதி முதலிய ஒன்பது நிதிகளைக் கொடுத்து இந்த உலகையே ஆளும் பதவியைக் கொடுத்தாலும், அத்தகையோர் சிவபக்தர்கள் இல்லை எனில் அந்த செல்வத்தை ஏற்கமாட்டோம். கங்கையைத் தலையில் தாங்கும் சிவபெருமானின் சீடர்கள் மாடு தின்னும் புலையரானாலும், அங்கம் எல்லாம் அழுகித் தொங்கும் குஷ்டரோகிகள் ஆனாலும் அவர்களைக் கடவுளாக வழிபடுவோம் என்கிறார்.

சங்கநிதி பதுமநிதி இரண்டும் தந்து
தரணியோடு வானாளத் தருவரேனும்
மங்குவார் அவர் செல்வம் மதிப்போம் அல்லோம்
மாதேவர்க்கு ஏகாந்தர் அல்லாராகில்
அங்கமெலாம் குறைந்து அழுகு தொழுநோயராய்
ஆவுரித்துத் தின்று உழலும் புலையரேனும்
கங்கைவார் சடைக்கரந்தார்க்கு அன்பராகில்
அவர் கண்டீர் நாம் வணங்கும் கடவுளாரே.
rohit prasad

சங்க காலத்தில் உலவிய அதே கருத்து, சங்கம் மருவிய கால நூலான திருக்குறளிலும் அதற்குப் பின்னர் மஹேந்திர பல்லவன் காலத்தில் வாழ்ந்த அப்பர் காலத்திலும் அதற்குப் பின்னர் ஆழ்வார் பாடலிலும் இருக்கக் காண்கிறோம். இதில் வியப்பு ஒன்றும் இல்லை. தமிழர்களின் கொள்கையே அகில பாரதத்திலும் நிலவியது.

அழகான பொன்மயமான இலங்கை பற்றி லெட்சுமணன் புகழ்ந்தபோது இராம பிரானும் இதையேதான் கூறுகிறான்:
“ஜனனி ஜன்ம பூமிஸ்ச ஸ்வர்காது அபி கரியஸி”–(வால்மீகி ராமாயணம்)
பெற்றதாயும் பிறந்த பொன்னாடும் நற்றவ வானினும் நனி சிறந்தனவே (பாரதியாரின் மொழி பெயர்ப்பு)

இராமனும் கூட இந்திரலோகத்தை (நற்றவ வானினும்=ஸ்வர்கம்) விட தாய்நாடே சிறந்தது, தாயே சிறந்தவள் என்கிறான். என்ன அருமையான சிந்தனை. இப்படி பாரத நாடு முழுவதும் ஒரே உவமையை — ஸ்வர்கத்தை விட, அமிதத்தை விட— பயன்படுத்தியிருப்பது இந்திய கலாசாரத்தின் மையக் கருத்தை எடுத்துகாட்டுகிறது. சங்க கால பாண்டிய மன்னன் முதல் நமது கால பாரதிதாசன் வரை அமிழ்தத்தை உவமையாகப் பயன்படுத்தியதை எண்ணி எண்ணி மகிழலாம்.

தொடர்பு முகவரி: Contact swami_48@yahoo.com