ஆஸ்துமாவுக்கு ஆனியன் (onion) ! டயபடீஸுக்கு நிலக்கடலை!! (Post.8264)

WRITTEN BY LONDON SWAMINATHAN

Post No. 8264

Date uploaded in London – 30 June 2020       

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

கை  மேல் பழம்! கை மேல் பலன் !

கை  நிறைய, பை  நிறைய பழங்களையும்  , காய்கறிகளையும் வாங்கிச் சாப்பிடுங்கள் ; கை மேல், அதாவது உடனே பலனும் கிடைக்கும் ; பலமும் வரும்; நோய்களுக்கு ‘குட் பை’  சொல்லவும் இயலும். 

காய்கறிகள், பழங்கள் மூலமாக பல நோய்களைக் கட்டுப்படுத்தும் ஒரு பக்கப் படத்தைத் (ONE PAGE A 4 SHEET PICTURE) தருகிறேன். இதை பிரிண்ட் அவுட் எடுத்து வீட்டில் சுவரில் அல்லது கதவில் அல்லது பிரிட்ஜ்(Fridge) மீது ஒட்டிவையுங்கள் என்று இந்த ஆங்கிலப் பக்கத்தின் அடியில் எழுதப்பட்டிருப்பதையும் கவனியுங்கள்

ஆங்கில மூலத்தின் சுருக்கம் இதோ:–

1.தலை வலி தீர இஞ்சி சாப்பிடு!

மீன்களில் உள்ள புரதச் சத்து (Protein)  தலைவலி வருவதைத் தடுக்கும் ;

மீன் எண்ணையாகவும் ( Fish Oil) சாப்பிடலாம்  இஞ்சியும் (Ginger)  வலியையும் , ரணத்தையும் ஆற்றும்

*****

2.ஹே பீவர் HAY FEVER போக தயிர் உதவும்!

மேலை நாடுகளில் வசந்த காலப் பூக்கள் மகரந்தங்களைப் (Pollen grains) பரப்பும் ; அப்போது மூக்கு ஒழுகும், உடல் அரிக்கும்; கண் எரியும் ; இன்னும் பல தொல்லைகள் ஏற்படும். இவை நீங்க ‘யோகர்ட்’ (Yoghurt) என்று வெளிநாட்டினர் அழைக்கும்  கட்டித் தயிர் சாப்பிட்டால் குணம் கிடைக்கும் .

***

3.தேநீர் சாப்பிட்டால் ஸ்ட்ரோக் STROKE வராது!

அவ்வப்போது தேநீர் எனப்படும் ‘டீ’ (Tea)  குடித்தால் ரத்தக் குழாய்கள் அடைபடுவதைத் தடுக்கலாம் . ரத்தக் குழாய்களில் கொழுப்புச் சத்து படிந்து ரத்த ஓட்டம் தட்டைப்படும்போது ‘ஸ்ட்ரோக்’ ஏற்படுகிறது.

***

4.தேன் HONEY சாப்பிட்டால் தூக்கம் கிடைக்கும்

நம்மில் பலரும் இரவில் தூக்கம் வராமல் தவிக்கிறோம். தேன் சாப்பிட்டால் தூக்கமின்மை (Insomnia) அகன்று சுகமாகத் தூங்கலாம் ; சுவீட் ட்ரீம்ஸ்! SWEET DREAMS!!

****

CELERY

5.ஆஸ்த்மாவை அகற்ற வெங்காயம் போதும்

மூச்சு விடும் குழாய்கள் பாதிக்கப்படுவதால் ஆஸ்த்மா வருகிறது. இந்த மூச்சு இளைப்பு ஏற்படாமல் இருக்க  சிவப்பு வெங்காயம் (Red Onions)  சாப்பிட வேண்டும்

***

6.ஆர்த்ரைடிஸ் ARTHRITIS போக மீன் சாப்பிடுங்கள்

மூட்டு வலி, வீக்கம் , கீல் வாதம் பூக்கும் சக்தி சால்மன் , ட்யூனா , மகரில் (Salmon, Tuna, Mackerel)  மீன் வகைகளுக்கு உண்டு

(லண்டனில் என் நண்பர் ஒருவர் ரசம் குழம்பு, சாம்பாரில் புளிக்கு பதிலாக எலுமிச்சம் பழத்தைப் பயன்படுத்தி  கீல் வாதத்தை விரட்டினார் ; இது அனுபவ வைத்தியம் )

****

7.வயிற்றுக் கோளாறுக்கு (STOMACH UPSET) வாழைப்பழ வைத்தியம்

கல்யாணத்தில் ஐந்து முறை சாப்பிட்டு ‘அடித்து நொறுக்கியதால்’ வயிற்றுக்கு கோளாறா ? பரவாயில்லை . வாழைப்பழம் சாப்பிட்டால் வயிறு சம நிலை அடைய உதவி செய்யும்; இஞ்சியும் கைகண்ட மருந்து. காலையில் எழுந்தவுடன் குமட்டல், வாந்தி எடுக்கும் பயம் வந்தாலும் இஞ்சியே துணை !!

***

8.நீர்கடுப்புக்கு கிரான்பெரி ஜூஸ்

சிறு நீர் போக முடியாமல் அந்த இடத்தில் எரிச்சலோ , அரிப்போ (BLADDER INFECTIONS) ஏற்பட்டால் அடிக்கடி கிரான் பெரி பழ ரசம் (Cranberry juice) சாப்பிட வேண்டும். மேலை நாடுகளில் இது எல்லா சூப்பர்  ஸ்டார்களிலும் கிடைக்கிறது

***

9.எலும்புக்கு அன்னாசிப் பழம்

எலும்பு முறிவு ஏற்பட்டாலோ, அல்லது வயதான பெண்களுக்கு வரும் ஆஸ்தியோபொரோசிஸ் OSTEOPOROSIS ( எலும்புகள் பலவீனமாகி எளிதில் சேதம் அடையும் நிலைமை) ஏற்பட்டாலோ அன்னாசிப் பழம்  (Pine apple) சாப்பிட வேண்டும். அதிலுள்ள ‘மங்கனீஸ்’ நல்ல பலன் தரும்

***

10.மாத விலக்கு பிரச்சினைகளுக்கு (PMS) கார்ன் பிளேக்ஸ் (CORN FLAKES) 

பெண்களுக்கு மாதம் தோறும் ஏற்படும் பிரச்சினை இது (PRE MENSTRUAL SYNDROME) . மாத விலக்கு ஏற்படுவதற்கு  முன்னர் கவலை வரலாம்; மனத் தொய்வு ஏற்படலாம்; காரணமே இல்லாமல் கணவன் மீது சீறி விழலாம். உடம்பில் உள்ள ஹார்மோன்களின் அளவு மாறுபடுவதே இதற்குக் காரணம் . இதைத் தடுக்க, சோளத்தினால் ஆனா கார்ன் பிளேக்ஸ் (CORN FLAKES)  உதவும் .

***

11.ஞாபக சக்திக்கு ஆய்ஸ்டர் (OYSTERS)

வெளி நாடுகளில் சிப்பிகளுக்குள் இருக்கும் பூச்சியை (OYSTERS) சாப்பிடுவர். இதிலுள்ள துத்த நாகச் சத்து நினைவாற்றலை வளர்க்கும். மாமிசம், கடல் உணவு சாப்பிடாதோர் வல்லாரைக் கீரையைப் (BRAHMI)  பயன்படுத்தலாம்; வல்லாரைத் துவையல் சுவையானது. வேதங்களை ஆயிரக்கணக்கான ஆண்டுகளாக, எழுதாமல் மனப்பாடம் மூலம் பரப்பிவரும் பிராமணர் பாடசாலைகளில் வல்லாரைக் கீரையை அடிக்கடி பயன்படுத்துவர் ; இப்போது பிராமி டானிக் , பிராமி வில்லைகள் முதலியவையும் விலைக்குக் கிடைக்கிறது

***

CRANBERRY JUICE

12.இருமலுக்கு சிவப்பு மிளகாய் (RED PEPPER)

பெரிய மிளகாய் அல்லது கொடை மிளகாய் பச்சை , சிவப்பு, மஞ்சள்  வர்ணங்களில் கிடைக்கும். இதில் சிவப்பு மிளகாயில் இருமலைப் போக்கும் சத்து இருக்கிறது

***

13.மார்பக புற்று நோய் BREAST CANCER

பெண்களை அதிக அளவில் பாதிக்கும் நோய் மார்பக த்தில் ஏற்படும் புற்று நோய் ஆகும். பால் கொடுக்கும் உறுப்பில் (BREAST)  கட்டி போல கையில் நெருடினாலோ வலி ஏற்பட்டாலோ உடனே மருத்தவ பரிசோதனைக்குப் போகவேண்டும். பலரும் வெட்கப்பட்டுக் கொண்டு டாக்டரிடம் சொல்லாமல் இருந்து உயிரையே இழக்கின்றனர் கோதுமைத் தவிடு, முட்டைக் கோசு  (WHEAT BRAN, CABBAGE) ஆகியன பெண்களின் உடலில் சுரக்கும் ஈஸ்ட்ரோஜன் (ESTROGEN)  ஹார்மோனை ஆரோக்கியமான அளவில் வைக்க உதவுகின்றன .

***

14.நுரையீரல் புற்றுநோய் (LUNG CANCER)

ஆரஞ்சு மற்றும் கீரை முதலிய பச்சிலைகளில் உள்ள பீட்டா கரோட்டின் (BETA- CAROTENE) என்னும் வைட்டமின், நுரையீரல் புற்றுநோய் வராமல் தடுக்கும்

***

15.வயிற்றுப்  புண் (ULCERS)

குடலில் அல்லது வயிற்றில் புண்கள் ஏற்பட்டால் வயிற்று வலி, வயிற்று எரிச்சல் ஏற்படும். இதில் இரண்டு வகை உண்டு . இதைத் தடுக்கவும், குணப்படுத்தவும் முட்டைக்கு கோசு (CABBAGE) உதவுகிறது .

***

16.வயிற்றுப்போக்கு (DIARRHEA)

ஆப்பிள் பழத்தைத் தோலுடன் துருவி காற்றுப்படும்படி வைத்தால் அது கொஞ்சம் பழுப்பு நிறத்தை அடையும். தைச் சாப்பிட்டால் வயிற்றுப் போக்கு நிற்கும்

****

17.கொலட்ஸ்ரால் என்னும் கொழுப்பு (CLOGGED ARTERIES):–

கொலட்ஸ்ரால் (CHOLESTEROL) என்னும் கொழுப்புச் சத்து ரத்தக் குழாய்களில் படியும்போது  ரத்த ஓட்டம் தடைப்படும் . இதனால் இருதய நோய்கள் வருகின்றன. அவகாடோவிலுள்ள (AVOCADO) சத்து கொலஸ்ட்ரால் பிரச்சினைக்கு கைகண்ட மருந்து

***

RED PEPPER

18.உயர் இரத்த அழுத்தம் (HIGH BLOOD PRESSURE)

ஆலிவ் எண்ணை, செலரி (CELERY) தண்டுகள் இரத்த அழுத்தத்தைக் குறைத்து சரியான அளவில் வைக்க உதவுகின்றன

***

19.டயபட்டிஸ் (DIABETES) எனப்படும் நீரிழிவு நோய்

ரத்தத்தில் உள்ள இன்சுலின் (INSULIN) என்னும் ஹார்மோன் சம நிலையில் இல்லாதது  நீரிழிவு நோய்க்கு காரணம் ஆகும் . ப்ராக்கோலி (BROCCOLI) , நிலக்கடலை ஆகியவற்றில் காணப்படும் குரோமியம் இன்சுலினை ஒழுங்குபடுத்தும்

***

“எல்லோரும் இன்புற்றிருப்பதேயன்றி யாம் ஒன்றும் அறியோம் பராபரமே” – தாயுமான சுவாமிகள்

BROCCOLI

TAGS– ஆஸ்துமா, ஆனியன், நிலக்கடலை,புற்று நோய்



LEMON, MANGO, AVOCADO, COCONUT