உலக இந்து சமய செய்தி மடல் 1-8-2021 (Post No.9920)

Compiled  BY LONDON SWAMINATHAN

Post No. 9920

Date uploaded in London – 1 AUGUST  2021     

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com


இன்று ஞாயிற்றுக் கிழமை AUGUST 1 – —  ,2021


உலக இந்து   சமய செய்தி மடல்


தொகுத்து வழங்குபவர் RANI SRINIVASAN


 இது ‘ஆகாச த்வனி’ யின் உலக இந்து சமய செய்தி மடல் நேயர்கள் அனைவருக்கும் வணக்கம்,


நமஸ்காரம் செய்திகள் வாசிப்பது RANI SRINIVASAN


 எங்கள் நிகழ்ச்சிகளை ஞாயிற்றுக் கிழமை தோறும் லண்டன் நேரம் பிற்பகல் 2 மணிக்கும், இந்திய நேரம் மாலை 6-30 மணிக்கும் FACEBOOK.COM/ GNANAMAYAM மற்றும் ZOOM வழியாக நேரடியாகக் கேட்கலாம்./ காணலாம்.

XXXX

வழிபாட்டு தலங்களுக்கு பொது சட்டம் கோரி வழக்கு

‘ஹிந்து, சீக்கியர் உள்ளிட்டோரின் வழிபாட்டு தலங்களை மாநில அரசுகளின் நிர்வாகத்தில் இருந்து விடுவிக்க வேண்டும். அனைத்து மதங்களுக்கும் பொதுவான சட்டம் உருவாக்க வேண்டும்’ என, உச்ச நீதிமன்றத்தில் வழக்கு தொடரப்பட்டுள்ளது.



ஹிந்து மதத்தைச் சேர்ந்த ஜீயர் ஸ்வாமி ஜிதேந்திரானந்த் சரஸ்வதி சார்பில் உச்ச நீதிமன்றத்தில் பொது நல மனு தாக்கல் செய்யப்பட்டுள்ளது. அதில் கூறப்பட்டுள்ளதாவது:முஸ்லிம், கிறிஸ்துவர் மற்றும் பார்சி இன மக்களுக்கு தங்கள் வழிபாட்டு தலங்களுக்கு சொந்தமான சொத்துக்களை பராமரிக்கும், நிர்வகிக்கும், புதிய சொத்து வாங்கும் உரிமை வழங்கப்பட்டுள்ளது.அதே நேரத்தில் ஹிந்து, சீக்கியர், ஜெயின், புத்த மதத்தினருக்கு இதுபோன்ற உரிமை வழங்கப்படவில்லை. மாநில அரசுகளின் கட்டுப்பாட்டில் இந்த மதத்தினரின் வழிபாட்டு தலங்கள் உள்ளன.

மத விவகார நிர்வாகத்தில் எந்த பாகுபாடும் இருக்கக் கூடாது என அரசியல் சாசனம் கூறிஉள்ளது.குறிப்பிட்ட மதத்தின் மீது நம்பிக்கை உள்ளவர்களே அந்த மதத்துக்கு சொந்தமான வழிபாட்டு தலங்கள், சொத்துக்களை சிறப்பாக பராமரிக்க முடியும். மாநில அரசுகளால் செய்ய முடியவில்லை.முஸ்லிம், பார்சி, கிறிஸ்துவ மதங்களுக்கு வழங்கியுள்ளதுபோல் ஹிந்து, ஜெயின், புத்த, சீக்கிய மதத்தினருக்கும் தங்கள் மத வழிபாட்டு தலங்களை பராமரிக்கும், நிர்வகிக்கும் அதிகாரம், உரிமை வழங்கப்பட வேண்டும்.இல்லையெனில் நாடு முழுதும் அனைத்து மதங்களுக்கும் பொதுவான விதிகளை உருவாக்கும்படி, மத்திய அரசு மற்றும் சட்ட கமிஷனுக்கு உத்தரவிட வேண்டும்.இவ்வாறு மனுவில் கூறப்பட்டுள்ளது.பா.ஜ.,வைச் சேர்ந்த வழக்கறிஞர் அஸ்வினி உபாத்யாயும் இதுபோன்ற மனுவை ஏற்கனவே தாக்கல் செய்துள்ளார்.

xxxxx

அயோத்தி – ராமேஸ்வரம் விமானம் இயக்க திட்டம்

ராமேஸ்வரம் : ”மத்திய அரசிடம் ஆலோசித்து, அயோத்தி – ராமேஸ்வரம் இடையே விமான போக்குவரத்து துவக்கப்படும்,” என, உ.பி., போக்குவரத்து துறை அமைச்சர் நந்தகோபால் குப்தா தெரிவித்தார்.

ராமநாதபுரம் மாவட்டம், ராமேஸ்வரம் வந்த அவர், சுவாமி தரிசனத்துக்கு பின் கூறியதாவது:உ.பி.,யில் முதல்வர் யோகி ஆதித்யநாத் முதல்வரானதும், ரவுடியிசம் மற்றும் கட்ட பஞ்சாயத்துக்கு முற்றுப்புள்ளி வைத்துள்ளார். இம்மாநிலம் வளர்ச்சி பாதையில் செல்வதால், மக்களும் பொருளாதார ரீதியாக மேம்பட்டு உள்ளனர்.



அயோத்தியில் ராமர் கோவில் கட்டுமானம் முடிந்ததும், மத்திய அரசுடன் ஆலோசித்து, ராமாயண வரலாற்றில் தொடர்புடைய அயோத்தி – ராமேஸ்வரம் இடையே, விமான போக்குவரத்து துவக்கப்படும்.

XXXXX

திருப்பதி பாலாஜி வேங்கடாசலபதியை தரிசிக்க கூடுதலாக வெளியிட்ட 3,000 டிக்கெட்டுகள்   

திருமலை திருப்பதி தேவஸ்தானம் வெளியிட்டுள்ள செய்திக்குறிப்பில் கூறியிருப்பதாவது: ஆந்திராவில் கொரோனா தொற்று 2 சதவீதமாக குறைந்துள்ளது. இதனால், திருப்பதி BALAJI கோயிலில் தரிசனம் செய்யும் பக்தர்களின் எண்ணிக்கை உயர்த்தப்பட்டது.

பாலாஜி வேங்கடாசலபதியை தரிசனம் செய்ய ஆகஸ்ட் 1ம் தேதி முதல் 30ம் தேதி  வரையில் தினமும் 5 ஆயிரம் டிக்கெட்டுகள் என வெளியிடப்பட்டு விற்பனை செய்யப்பட்டது. இந்நிலையில், ஆகஸ்ட் 1ம் தேதி முதல் 30ம் தேதி வரை தினமும் 3 ஆயிரம் டிக்கெட்டுகள் கூடுதலாக விற்பனை செய்ய தேவஸ்தானம் நேற்று முடிவு செய்துள்ளது. சில மணி நேரத்தில் அனைத்து டிக்கெட்டுகளும் விற்று தீர்ந்து விட்டது. மேலும், ஆகஸ்ட் 17ம் தேதி முதல் 20ம் தேதி வரை வருடாந்திர பவித்ர உற்சவம் நடைபெறுகிறது. இதனால், இந்த 3 நாட்களுக்கான டிக்கெட்டுகள் மட்டும் நிறுத்தி வைக்கப்பட்டுள்ளது. இவ்வாறு அதில் கூறப்பட்டிருந்தது.

XXXXX

தெலுங்கானாவின் ராமப்பா கோயிலுக்கு  யுனெஸ்கோ அங்கீகாரம்

தெலங்கானா மாநிலத்தில் அமைந்துள்ள ருத்ரேஸ்வரா கோவில் உலக பாரம்பரிய சின்னமாக அறிவிக்கப்பட்டுள்ளது. கோயிலுக்கு  யுனெஸ்கோ அங்கீகாரம் கிடைத்திருக்கிறது இந்த கோவில் ராமப்பா கோவில் என்றும்  அழைக்கப்படும் .

இந்த கோவில். 12 மற்றும் 13வது நூற்றாண்டில் கட்டப்பட்டுள்ளது. சுமார் 40 ஆண்டு காலம் கட்டுமான பணிகள் நடைபெற்றுள்ளது. 

இது, வாரங்கல்லிலிருந்து 77 கி.மீ தொலைவில் அமைந்திருக்கிறது. கி.பி 1213 ம் ஆண்டு காகதீய அரசர் கணபதி தேவர் காலத்தில், அவரது படைத்தலைவர்      ரேச்சர்ல ருத்திரன் என்பவரால் எழுப்பப்பட்ட கோயில் இதுவாகும்.

செம்மணற் கல்லால் எழுப்பப்பட்ட அழகிய கலைப் பெட்டகம் இந்தக் கோயில். அழகிய தூண்கள், குறுஞ்சிற்பங்கள், நளினமான சிற்பங்கள் நிறைந்த இந்தக் கோயிலை இந்தியத் தொல்லியல் துறையினர் தற்போது பராமரித்து வருகிறார்கள்.

ஹரப்பா நாகரீக ‘தோலவிரா’வுக்கு யுனெஸ்கோ அங்கீகாரம்

ஹரப்பா நாகரீகத்தை சேர்ந்த நகரமான தோலவிராவுக்கு யுனெஸ்கோவின் உலக பாரம்பரிய தளங்களுக்கான அங்கீகாரம் கிடைத்திருக்கிறது தெலங்கானாவின் ககாதியா ருத்ரேஷ்வரா (ராமப்பா) கோயில் மற்றும் குஜராத்தை சேர்ந்த தோலவிரா ஆகியவை சேர்க்கப்பட்டதால், இந்தியாவில் உள்ள உலக பாரம்பரிய தளங்களின் எண்ணிக்கை 40 ஆக அதிகரித்துள்ளது.

தோலவிரா குறித்து கருத்து தெரிவித்த யுனெஸ்கோ, ‘பழங்கால நகரமான தோலவிரா தெற்காசியாவில் மிகவும் குறிப்பிடத்தக்க நகர நாகரீகங்களில் ஒன்றாகும். சிந்து சமவெளி நாகரிகத்தின் ஐந்து பெரிய நாகரீக தளங்களில் தோலவிரா ஒன்றாகும். இந்தியாவின் மிக முக்கியமான தொல்பொருள் தளங்களில் ஒன்றாகவும் உள்ளது. கடந்த 1968ம் ஆண்டில் கண்டுபிடிக்கப்பட்ட இந்த தளத்தில் நீர் மேலாண்மை அமைப்பு, பல அடுக்கு தற்காப்பு வழிமுறை கட்டுமானங்கள், கட்டுமானத்தில் கல்லின் விரிவான பயன்பாடு, சிறப்பு கட்டமைப்புகள் போன்றவற்றால் கவனம் ஈர்க்கிறது.

செம்பு, கிளிஞ்சல்கள், கல், விலைமதிப்பற்ற கற்களின் நகைகள்,  தங்கம், தந்தங்கள் போன்ற பல்வேறு வகையான கலைப்பொருட்களும் இந்த இடத்தில் கண்டுபிடிக்கப்பட்டுள்ளன’ என்று தெரிவித்துள்ளது.

 XXXX

40 ஆயிரம் ஏக்கர் கோயில் நிலங்கள் ஆக்கிரமிப்பு: உயர்நீதிமன்ற கிளை

மதுரை: தமிழகத்தில் 40 ஆயிரம் கோயில் நிலங்கள் ஆக்கிரமிப்பில் உள்ளதாக உயர்நீதிமன்ற மதுரை கிளை கூறியுள்ளது.

கோயில் நிலங்களை மீட்பது தொடர்பான பொது நல வழக்கை விசாரித்த உயர்நீதிமன்ற கிளை பிறப்பித்த உத்தரவு: தமிழகத்தில், 40 ஆயிரம் ஏக்கர் கோயில் நிலங்கள் ஆக்கிரமிப்பில் உள்ளன. ஆக்கிரமிப்பு நிலங்களை மீட்டு, சொத்து விவரங்களை இணையத்தில் பதிவேற்ற வேண்டும். இதற்காக 2 குழுக்களை நியமிக்க வேண்டும். நிலங்களை மீட்பது தொடர்பான உயர்நீதிமன்ற உத்தரவுகளை விரைவாக செயல்படுத்த வேண்டும். இவ்வாறு அந்த உத்தரவில் நீதிமன்றம் கூறியுள்ளது.

XXX

ஆன்மிகத்தை மக்களிடம் சேர்ப்பதே ஆசை: சத்குரு பேச்சு

கோவை : ”தமிழகத்தில், ஒவ்வொருவரிடமும் ஒரு சொட்டு ஆன்மிகத்தையாவது சேர்க்க வேண்டும்,” என, ஈஷா யோகா மைய நிறுவனர் சத்குரு ஜக்கி வாசுதேவ்

பேசினார்.

ஈஷா சார்பில், ‘உயிர் நோக்கம்’ என்ற ‘ஆன்-லைன்’ வழி இலவச யோகா பயிற்சி அளிக்கப்பட்டது; மாநிலம் முழுவதும், 27 ஆயிரம் பேர் பங்கேற்றனர். நிறைவாக, ‘ஆனந்த சங்கமம்’ நிகழ்ச்சி நடந்தது; மக்களின் கேள்விகளுக்கு சத்குரு ஜக்கி வாசுதேவ் (JAGGI VASUDEV) பதிலளித்தார்.

நம் நாடு, பொருளாதார வளர்ச்சி அடையும் நோக்கத்தில், பெரிதும் சுற்றுச்சூழல் அழிவுக்கு உள்ளாகி உள்ளது.. மண் வளம் இருந்தால் மட்டுமே சத்தான உணவு கிடைக்கும். ஊட்டச்சத்து மிக்க உணவின்றி தவிக்கும் மக்களிடம், ஆன்மிகம் பேசுவது அசிங்கம். அதை ஒருபோதும் செய்யமாட்டேன். அதனால், சுற்றுச்சூழல் குறித்து அதிகம் பேசுகிறேன்.

தமிழகத்தில் ஒவ்வொருவருக்கும் ஒரு சொட்டு ஆன்மிகத்தையாவது சேர்க்க வேண்டும் என்பது எனது விருப்பம். அதற்காக, உயிர் நோக்கம், சூரிய சக்தி போன்ற யோகா பயிற்சிகளை, இலவசமாக சேர்ப்பிக்கும் பணியை தீவிரப் படுத்தியுள்ளோம்.இவ்வாறு, சத்குரு ஜக்கி வாசுதேவ் பதிலளித்தார்.

XXXX

கடவுளை அவமதித்ததாக விஜய் ஆண்டனி மீது புகார்

சென்னை : நடிகரும், இயக்குனருமான் விஜய் ஆண்டனி, ஹிந்து மதக்கடவுளை புண்படுத்தி விட்டதாக, இந்து மக்கள் கட்சி கண்டனம் தெரிவித்துள்ளது.

இந்து மக்கள் கட்சியை சேர்ந்த, மதுரை மாவட்ட தலைவர் சோலைகண்ணன் வெளியிட்ட அறிக்கை: ஹிந்து கடவுளை அவமதிக்கும் வகையில், காளி படத்தோடு, ‘பிச்சைக்காரன் 2’ படத்தின் போஸ்டரை வெளியிட்டுள்ளனர். விஜய் ஆண்டனியின் திரைப்பட தயாரிப்பு நிறுவனம், ஹிந்து மக்களிடம் மன்னிப்பு கேட்டு, போஸ்டரை அகற்ற வேண்டும். இல்லையேல் வழக்கு தொடரப்படும்.


திரைப்படம் என்ற போர்வையில், ஹிந்து கடவுள்களை அசிங்கப்படுத்தும் விதமாக, மதநல்லிணக்கத்திற்கு தொடர்ந்து குந்தகம் விளைவிக்கும் வகையில், போஸ்டர்கள் வெளியிடுவது கண்டிக்கத்தக்கது. ஹிந்து கடவுள்களை பயன்படுத்துவது போல, மற்ற மத கடவுள்களின் படத்தை போட்டு, ‘பிச்சைக்காரன் 2’ என்ற வார்த்தையை பயன்படுத்தும் துணிவு இருக்கிறதா. இவ்வாறு சோலை கண்ணன் கூறியுள்ளார்.

Xxxx

இத்துடன் லண்டனிலிருந்து வரும் செய்திகள் நிறைவடைந்தன………………………….. செய்திகளை உங்களுக்கு வழங்கியவர் RANI SRINIVASAN

நன்றி, வணக்கம்

tags- இந்து சமய, செய்தி மடல், 182021

16-11-2020 உலக இந்து சமய செய்தி மடல் (Post No.8942-b)

COMPILED BY LONDON SWAMINATHAN  (News Editor, Gnanamayam)

Post No. 8942-b

Date uploaded in London – –17 NOVEMBER 2020   

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

நவம்பர் 16-ம்  தேதி  —   திங்கட் கிழமை

உலக இந்து   சமய செய்தி மடல்

தொகுத்து வழங்குபவர் வைஷ்ணவி ஆனந்த்

 இது ‘ஆகாச த்வனி’ யின் உலக இந்து சமய செய்தி மடல் நேயர்கள் அனைவருக்கும் வணக்கம்,

நமஸ்காரம் செய்திகள் வாசிப்பது VAISHNAVI     ANAND 

அனைவர்க்கும் ஞான மயக்  குழுவினரின்   ஸ்கந்த சஷ்டி   வாழ்த்துக்கள்

நவம்பர் 20-ம் தேதி ஸ்கந்த சஷ்டி   தினம் கொண்டாடப்படுகிறது. 

 எங்கள் நிகழ்ச்சிகளை திங்கட்கிழமை தோறும் லண்டன் நேரம் பிற்பகல் 1 மணிக்கும், இந்திய நேரம் மாலை 6-30 மணிக்கும் நேரடியாகக் கேட்கலாம். உலக இந்து சமய செய்தித் தொகுப்புடன் நேயர்களின் கேள்விகளுக்கும் விடைகளும் அளிக்கப்படுகிறது.

உங்கள் பேட்டை, நகரத்தில் நடைபெறும் விழாக்கள், உற்சவங்கள் பற்றி எங்களுக்கு செய்தி அனுப்புங்கள்.

எங்களை எந்நேரமும் தொடர்பு கொள்ள Facebook.com / Gnana mayam முகவரியில் அணுகவும்

XXXX

முதலில் நீங்கள் ஆங்கிலத்தில் கேட்ட செய்திகளை சுருக்கமாகச் செப்பிவிட்டு தமிழ் நாட்டுச் செய்திகளை விரிவாக வழங்குகிறேன்.

ராணுவ வீரர்களுடன் கொண்டாடும் போது தான் எனக்கு தீபாவளி நிறைவடைகிறது: பிரதமர் மோடி உரை

தீபாவளி பண்டிகையையொட்டி, குடியரசுத்தலைவர் ராம்நாத் கோவிந்த், பிரதமர் நரேந்திர மோடி, ஆளுநர்கள், மாநில முதல்வர்கள், அரசியல் கட்சித்தலைவர்கள் உள்ளிட்டோர் மக்களுக்கு வாழ்த்துத் தெரிவித்துள்ளனர். இந்நிலையில் பிரதமர் நரேந்திர மோடி ராஜஸ்தானின் ஜெய்சால்மரில் உள்ள லோங்கேவாலாவில் இந்திய ராணுவத்தினருடன் தீபாவளி பண்டிகையைக் கொண்டாடி உரையாற்றினார்

மக்களுடைய அன்பை உங்களுக்காக நான் கொண்டுவந்துள்ளேன். நாட்டு மக்களின் ஆதரவும் ஆசிர்வாதமும் உங்களுக்கு எப்போதும் உண்டு என கூறினார். ராணுவ வீரர்களுடன் கொண்டாடும் போது தான் எனக்கு தீபாவளி நிறைவடைகிறது என கூறினார். பனிமலையோ, பாலைவனமோ ராணுவத்தினர் எங்கிருக்கிறார்களோ அங்கு தான் எனக்கு தீபாவளி என பேசினார்

பிரதமர் மோடி டிவிட்டரில் நேற்று வெளியிட்டுள்ள பதிவில், ‘அச்சமின்றி நம் நாட்டைப் பாதுகாத்து வரும் ராணுவ வீரர்களுக்காக தீபாவளியன்று தீபமேற்றுவோம். அவர்களின் தைரியத்தினைப் பாராட்டவும், நன்றி சொல்லவும் வார்த்தைகள் இல்லை. எல்லைகளில் போராடிக் கொண்டிருக்கும் வீரர்களின் குடும்பத்தினருக்கும் நாம் நன்றி சொல்லக் கடமைப்பட்டு உள்ளோம்,’ என கூறியுள்ளார்.

XXXXX

RAJNIKANT DEEPAVALI

தீபாவளி பண்டிகையை முன்னிட்டு ரஜினிக்கு வாழ்த்து தெரிவிப்பதற்காக சென்னை போயஸ் கார்டனில் உள்ள அவரது வீட்டின் முன்புகாலையிலேயே ஏராளமான ரசிகர்கள் திரண்டனர்.

பண்டிகை நாளான இன்று சந்திக்க வந்த ரசிகர்களை ஏமாற்றம் அடைய வைக்க ரஜினி விரும்பவில்லை. அதனால் அவர்களை சந்தித்து தீபாவளி வாழ்த்து தெரிவித்தார். மாஸ்க் MASK அணிந்தபடி, கேட்டிற்கு பின்னால் நின்று ரசிகர்களை பார்த்து கையசைத்து தீபாவளி வாழ்த்து தெரிவித்தார் ரஜினி. பின்னர் அனைவரையும் நோக்கி கைகளை கூப்பி வணக்கம் தெரிவித்தார். அப்போது ரசிகர்கள் ஆரவாரம் செய்து அவரை வாழ்த்தி கோஷமிட்டனர்.

XXX

அமெரிக்காவில் வசிக்கும் 40 லட்சத்துக்கும் அதிகமான இந்திய வம்சாவளியைச் சேர்ந்த ஹிந்துக்கள், சீக்கியர்கள் தீபாவளி பண்டிகையை உற்சாகமாக கொண்டாடினர். தீபாவளி பண்டிகையின் கலாசாரம் மற்றும் வரலாற்று முக்கியத்துவத்தை அங்கீகரிக்கும் வகையில் அமெரிக்க பார்லிமென்டின் பிரதிநிதிகள் சபையில் தீர்மானம் தாக்கல் செய்யப்பட்டுள்ளது. இந்திய வம்சாவளியைச் சேர்ந்த எம்.பி. ராஜா கிருஷ்ணமூர்த்தி இந்த தீர்மானத்தை தாக்கல் செய்துள்ளார்.


தீபாவளியை பண்டிகையை முன்னிட்டு நியூயார்க்கில் உள்ள 102 மாடிகள் அடங்கிய EMPIRE STATE  ‘எம்பயர் ஸ்டேட்’ கட்டடம் ஆரஞ்ச் நிற மின் விளக்குகளால் ஜொலித்தது.

XXXX

பிரிட்டிஷ் பிரதமர் பாரிஸ் ஜான்சன், இளவரசர் சார்ல்ஸ் ஆகியோரும் தனித்தனியே தீபாவளி வாழ்த்துச் செய்திகளை வழங்கினார்கள்.

XXXX

இங்கிலாந்தின் சுலவ் SLOUGH தமிழ் சங்கமமும் , ஜப்பானின் டோக்யோ TOKYO தமிழ் சங்கமும் முதல் முறையாக இணையத்தில் உலக தமிழ் சங்கங்களுடன் இணைந்து கோலாகலத் தீபாவளிக் கொண்டாட்டம். நடத்தின .

48 மணி நேரம் இடைவிடாது நேரடி ஒளிபரப்பு நடந்தது

உலகத் தமிழ் சங்கங்கள் முன்னெடுப்பில் இந்த மெகா தீபாவளி சிறப்பு நிகழ்ச்சிகள் மூலம் ஆயிரத்துக்கும் மேற்பட்ட நலிவடைந்த குடும்பம் தீபாவளி கொண்டாட நிதியுதவி வழங்கப்படுவதாக அவை அறிவித்துள்ளன

லண்டனில் உள்ள SOUTH INDIAN SOCIETY சவுத் இந்தியன் சொசைட்டி, HINDU FORUM OF BRITAIN ஹிந்து போரம் ஆப் பிரிட்டன்  ஆகியனவும் இணையவளி தீபாவளி கொண்டாடின

XXXXXX

தீபாவளி விழாவுக்கு முத்தாய்ப்பு வைத்த நிகழ்ச்சி உத்தர பிரதேச மாநில அயோத்தி மாநகரில் ராம ஜென்ம பூமியில் நடந்தது . சுமார் ஆறு லட்சம் தீபங்களை வெள்ளிக்கிழமை இரவில் ஏற்றினர். மாநில  முதலமைச்சர் ஆதித்ய நாத்  யோகிஜியின் முயற்சியில் இது நடந்தது. சென்ற ஆண்டே 4 லட்சம் தீபம் ஏற்றி  கின்னஸ் சாதனை நூலில் அயோத்தி இடம்பெற்றது குறிப்பிடத்தக்கது

இது ஒரு புறமிருக்க தில்லி ஜவஹர்லால் நேரு பல்கலைக் கழகத்தில்  சுவாமி விவேகானந்தரின் சிலையை பிரதமர் நரேந்திர மோடி திறந்து வைத்தது இந்துக்களுக்கு தீபாவளிப்  பரிசாக வந்தது.

XXXXX

SKANDA SHASTI

ஆண்டுதோறும் தமிழ் நாட்டிலுள்ள எல்லா முருகன் கோவில்களிலும் ஸ்கந்த சஷ்டி உற்சவம் வெகு விமரிசையாக கொண்டாடப்படும் . அந்த விழாவும் விரதமும் நேற்று 15ம் தேதி துவங்கியது . நவம்பர் 20 ம் தேதி ஸ்கந்த சஷ்டி. அன்று சூர ஸம்ஹா ரத்துடன்  விழா நிறைவு பெறும்.

முருக பெருமானின் அறுபடை வீடுகளில் 2-ம் படை வீடான திருச்செந்தூர் சுப்பிரமணிய சுவாமி கோவிலில் ஆண்டுதோறும் நடைபெறும் பல்வேறு விழாக்களில் கந்தசஷ்டி திருவிழா மிகவும் சிறப்பு வாய்ந்தது ஆகும்.

தூத்துக்குடி மாவட்ட கலெக்டர் சந்தீப் நந்தூரி வெளியிட்டுள்ள செய்திக்குறிப்பில் கூறி இருப்பதாவது:-


சுப்பிரமணிய சுவாமி கோவிலில் கந்த சஷ்டி 20-ந் தேதி அன்று சூரசம்ஹார நிகழ்ச்சியும், 21-ந் தேதி அன்று திருக்கல்யாண நிகழ்ச்சியும் மிக முக்கிய நிகழ்வுகள் ஆகும். சூரசம்ஹார நிகழ்ச்சி ஆண்டுதோறும் திருச்செந்தூர் கோவில் அருகில் உள்ள கடற்கரையில் நடைபெறும். இந்த ஆண்டு சூரசம்ஹார நிகழ்ச்சி கோவில் பிரகாரத்தில் நடைபெறும். இந்நிகழ்ச்சியில் பொதுமக்கள் மற்றும் பக்தர்களுக்கு அனுமதி இல்லை.

தொலைக்காட்சி மற்றும் உள்ளூர் தொலைக்காட்சி, யூடியுப் மூலம் நேரடி ஒளிபரப்பு செய்ய கோவில் நிர்வாகத்தின் மூலம் ஏற்பாடு செய்யப்படும். மேலும் சூரசம்ஹாரம் மற்றும் திருக்கல்யாண நாட்களை தவிர மற்ற நாட்களில் தினசரி காலை 5 மணி முதல் இரவு 6 மணி வரை 10 ஆயிரம் பக்தர்கள் சுவாமி தரிசனம் செய்ய அனுமதிக்கப்படுவார்கள். பக்தர்கள் கண்டிப்பாக முககவசம் அணிந்து வர வேண்டும்.

திருப்பரங்குன்றம் கோயிலில் கந்தசஷ்டி விழா காப்பு கட்டுதலுடன் துவங்கியது. முக்கிய விழாவான சூரசம்ஹாரம் நவ.20ல் நடைபெறுகிறது.  முதல்படை வீடான திருப்பரங்குன்றம் சுப்பிரமணியசுவாமி கோயிலில்

19ம் தேதி நடைபெறும் வேல் வாங்குதல், 20ம் தேதி நடைபெறும் சூரசம்ஹாரம் ஆகிய நிகழ்வுகள் உள் விழாவாக கோயிலுக்குள் நடத்தப்படும். இதில் பங்கேற்க பக்தர்களுக்கு அனுமதி இல்லை என கோயில் நிர்வாகம் தெரிவித்துள்ளது.

XXXXX

திருவண்ணாமலை அருணாசலேஸ்வரர் கோவில் விழாக்கள் ரத்து செய்யப்பட அ றிவிப்பு  சிவ பக்தர்களுக்கு பெரிய ஏமாற்றத்தைத் தந்துள்ளது.

திருவண்ணாமலை தீப திருவிழாவில் பக்தர்களுக்கு அனுமதியில்லை. தீப திருவிழாவின் முக்கிய நிகழ்வான தேர் திருவிழா ரத்து செய்யப்பட்டுள்ளது. கார்த்திகை தீபத் திருநாளன்று பக்தர்கள் மலை ஏறவும்,  கிரிவலம் செல்லவும் தடை விதிக்கப்பட்டுள்ளது.

கார்த்திகை தீபத்தன்று கோவிலுக்குள் பக்தர்களுக்கு அனுமதி கிடையாது என்று கலெக்டர் வெளியிட்ட அறிவிப்பு கூறுகிறது.

XXXXXXX

கேரளத்திலுள்ள புகழ் பெற்ற  சபரிமலை ஐயப்பன் கோயில் பற்றிய செய்தி இதோ…………………

ஆண்டுதோறும் நவம்பர், டிசம்பர் மற்றும் ஜனவரி ஆகிய 3 மாதங்கள், சபரிமலை ஐயப்பன் கோயில் நடை திறக்கப்படுவது வழக்கம். அதன்படி,  நேற்று மாலை 5 மணிக்கு கோயில் நடை திறக்கப்பட்டது. கொரோனா பாதிப்பு காரணமாக பக்தர்களுக்கு பல்வேறு கட்டுப்பாடுகள் விதிக்கப்பட்டுள்ளன. 

பம்பை ஆற்றில் நீராட பக்தர்களுக்கு அனுமதி மறுக்கப்பட்டுள்ளது.

ஆன்லைன் மூலம் பதிவு செய்பவர்களுக்கு மட்டுமே அனுமதி வழங்கப்படும். தினமும் 1000 பக்தர்களுக்கும், சனி மற்றும் ஞாயிறு நாட்களில் 2,000 பக்தர்களுக்கும், மண்டல, மகர விளக்கு நாட்களில் 5,000 பக்தர்களும் தரிசனத்திற்கு அனுமதிக்கப்படுவார்கள் என தெரிவிக்கப்பட்டுள்ளது. 

முன்பதிவு செய்த பக்தர்கள் சபரிமலைக்கு வருவதற்கு 24 மணி நேரத்துக்கு முன்னதாக எடுத்த “கொரோனா இல்லை“ என்ற சான்றிதழ் கட்டாயம் வைத்திருக்க வேண்டும்.

இந்த சான்றிதழை நிலக்கல்லில் உள்ள முகாமில் சமர்ப்பித்தபின்பு தான் சபரிமலைக்கு பக்தர்கள் அனுமதிக்கப்படுவார்கள்.

XXXXX

இத்துடன் லண்டனிலிருந்து வரும் செய்திகள் நிறைவடைந்தன………………………….. செய்திகளை உங்களுக்கு வழங்கியவர் வைஷ்ணவி ஆனந்த்………………………… நன்றி, வணக்கம்

அனைவர்க்கும் ஞான மயக்  குழுவினரின்   ஸ்கந்த சஷ்டி வாழ்த்துக்கள்

 tags–உலக , இந்து சமய,  செய்தி மடல் 161120, 

–subham–

5-10-2020 இந்து சமய செய்தி மடல் (Post No.8778)

WRITTEN BY LONDON SWAMINATHAN (News Editor, Gnanamayam)

Post No. 8778

Date uploaded in London – –5 OCTOBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

அக்டோபர் ஐந்தாம் தேதி திங்கட்கிழமை     —  இந்து சமய செய்தி மடல் —

இது ‘ஆகாச த்வனி’யின்  உலக இந்து சமய செய்தி மடல்

நேயர்கள் அனைவருக்கும் வணக்கம், நமஸ்காரம்

செய்திகள் வாசிப்பது VAISHNAVI ANAND

எங்கள் நிகழ்ச்சிகளை திங்கட்கிழமை தோறும் லண்டன் நேரம் பிற்பகல் 2 மணிக்கும்,

 இந்திய நேரம் மாலை 6-30 மணிக்கும் நேரடியாகக் கேட்கலாம்.

உலக இந்து சமய செய்தித் தொகுப்புடன் நேயர்களின் கேள்விகளுக்கும் விடைகளும்  அளிக்கப்படுகிறது

உங்கள் பேட்டை, நகரத்தில் நடைபெறும் விழாக்கள், உற்சவங்கள் பற்றி எங்களுக்கு செய்தி அனுப்புங்கள்

எங்களை எந்நேரமும் தொடர்பு கொள்ள  Facebook.com / Gnana mayam  முகவரியில் அணுகவும்

XXXX

உலகெங்கிலும் வாழும் இந்துக்கள் ‘நவராத்ரி’ விழாவை அக்டோபர் 17ம் தேதி துவங்கு கின்றனர். கோவில்களும் இந்துக்களும் இந்த உற்சவத்தை கொண்டாட தயாராகி வருகின்றனர். இந்த விழாவின் முடிவில் மைசூரில் தசரா விழாவும், மேற்கு வங்கத்தில் துர்கா பூஜையும், தில்லியில் ராம்லீலா உற்சவமும் நடைபெறும் .

தென்னிந்தியாவில் , குறிப்பாக தமிழ் நாட்டில், கோவில்களிலும் வீடுகளிலும் கொலு பொம்மைக் காட்சியும் , தேவியரின் அலங்காரமும் நடைபெறும் ; ஆனால் இந்த ஆண்டு மக்கள், சீன வைரஸ் தாக்குதல் அச்சத்தால் கட்டுத்திட்டங்களுடன் இதைக் கொண்டாடுவர்.

இதற்கிடையில்

மேற்கு வங்க மாநிலத்திலிருந்து இந்துக்களை மகிழ்விக்கும் செய்தி வெளியாகியுள்ளது ………………………..

துர்கா பூஜையை பேட்டைதோறும், ஊர்தோறும், நடத்தும் 37,000 அமைப்பாளர்களுக்கு ஒவ்வொருவருக்கும் 50,000 ரூபாய்  தரப்படும் என்று மேற்கு வாங்க மாநில முதலமைச்சர் மம்தா பானர்ஜி அறிவித்துள்ளார்.  திருவிழாக் காலத்தில் தெருவில் கடைவிரிக்கும் நடைபாதை வண்டிக்காரர்களுக்கு ஒவ்வொருவருக்கும் 2000 ரூபாய் மான்யமும் அறிவித்து இருக்கிறார்.

இரண்டு வாரங்களுக்கு முன்னர் , மம்தா பானர்ஜி, இந்து சமய புரோகிதர்களுக்கும் மாத ஊதியம் 1000 ரூபாயும் வீட்டு வசதி வாய்ப்புகளையும்  அறிவித்தார். இதனால் 8000 புரோகிதர்கள் பயன் அடைவர்.

இதைக்  கடுமையாக விமர்சித்த பாரதிய ஜனதா தலைவர்கள், இது கடைத் தேங்கயாயை எடுத்து வழிப் பிள்ளையாருக்கு உடைக்கும் செயல் போன்றது ; மக்கள் வரிப்பணத்தை இப்படி வாரி வழங்குகிறாரே என்று குறைகூறினர் .

Xxxx

அடுத்ததாக ஆந்திர மாநில செய்தி

ஆந்திர மாநிலத்தில்,, சித்தூர் அருகில், மேலும் ஒரு சிவன் கோவிலை விஷமிகள் தாக்கியுள்ளனர்.

அபய மங்கலம் என்னும் ஊரில் அபய ஆஞ்சனேயர் கோவில் இருக்கிறது ;

 கோவிலிலுள்ள  நந்தி  சிலையைக் கோவிலுக்குப் பின்னால்  கொண்டு  சென்று உடைத்திருக்கினர்.

இதன் கீழ் தங்கம் இருக்கும் என்ற வதந்தி  பரவியவுடன் பேராசைகொண்ட கும்பல் இதைச்

செய்ததாக போலீஸ் அதிகாரி கூறினார். விஷமிகளைக் கண்டுபிடிக்க உயர் போலீஸ் அதிகாரிகள் கீழே 3 குழுக்கள்  அமைக்கப்பட்டுள்ளன.

Xxxxx

நேயர்கள் கேட்டுக்கொண்டிருப்பது திங்கட் கிழமை தோறும் லண்டனிலிருந்து ஒலிபரப்பாகும்

ஆகாசத் த்வனியின்

உலக இந்து சமய செய்தி மடல்

XXX

28 ஆண்டுகாலமாக நாட்டை  உலுக்கி வந்த பாபர் மசூதி இடிப்பு வழக்கில் , சிபிஐ கோர்ட் தீர்ப்பு வாங்கியது உங்களுக்குத் தெரியும், வழக்கில் குற்றம் சாட்டப்பட்ட  32 பேரையும் கோர்ட் நிரபராதிகள் என்று சொல்லி விடுதலை. குரற்றம் சாட்டப்பட்டவர்களில் பாரதீய ஜனதா தலைவர் லால் கிருஷ்ண அத்வானி , முரளிமனோகர் ஜோஷி ஆகியோர் பெயர்களும் இருந்தன. இப்பொழுது கோர்ட் , இவர்களை விடுதலை செய்துவிட்டதால் இனி ஏச்சுப் பேச்சுக்கு இடமிராது.

இது சனாதன தர்மத்தின் வெற்றி என்று விசாகப்பட்டின சாரதா பீடத் தலைவர் ஸ்ரீ ஸ்வரூபானேந்திர சரஸ்வதி அறிக்கை வெளியிட்டார்.

Xxxx

யூ கே சங்கீத் சங்கம் என்ற அமைப்பு பேஸ்புக் மூலமாக இசையையும் நாட்டியத்தையும் ஊக்குவித்தும் பரப்பியும்  வருகிறது. புரட்டாசி மாதத்தில் இறைவன்- இறைவியின் கல்யாண உற்சவங்களை நடத்துவது சர்வ மங்களத்தையும் தரவல்லது . இதை முன்னிட்டு அக்டோபர்

பத்தாம் தேதி சனிக்கிழமையன்று

ஸ்ரீனிவாச கல்யாணம் நடைபெறும் என்று அறிவிக்கப்பட்டுள்ளது.

 சம்பிரதாய பஜனை பத்ததியைப் பரப்புவதில் முன்னிலையில் நிற்கும் புகழ்பெற்ற டாக்டர் உடையாளூர் கல்யாணராமன்  இந்த ஸ்ரீனிவாஸ கல்யாண உற்சவத்தை நடத்துகிறார். அவருடன் புகழ்பெற்ற பக்கவாத்யக்காரர்களும் இடம்பெறுவர். இதை பேஸ்புக்கில் கண்டு களித்து சகல செளபாக்கியத்தையம் அடைய விரும்புவோர் யூகே சங்கித் சங்கத்தை பேஸ்புக் மூலம் அணுகலாம்.

xxx

இறுதியாக தமிழகத்தை துயரத்தில் ஆழ்த்திய இரண்டு செய்திகள்

இந்து முன்னணியின் ஸ்தாபகரும், ராஷ்ட்ரீய ஸ்வயம்சேவக சங்கத்தின் பிரசாரக் பொறுப்பு வகித்தவருமான திரு ராம கோபாலன் இறைவனடி சேர்ந்தார். 70 ஆண்டுக்காலத்திற்கு பொதுப்பணி செய்துவந்த ராம கோபாலனை தமிழ் மக்கள் அன்போடு வீரத்துறவி என்று அழைத்துவந்தனர் . அவர் சென்னையில் 94-வது வயதில் வைரஸ் நோய்  தாக்குதலால் உயிர்நீ த்தார் . சட்டநாதபுரத்தில் பிறந்த கோபால்ஜி பிரம்மச்சாரி. அவரது உடல் உறையூர் அருகிலுள்ள சீராத்தோப்பில் நல்லடக்கம் செய்யப்பட்டது.

அவர் காயத்ரீ உபாசகர் என்பதையும் முந்தைய சங்கராசார்யார்களின் பரிபூரண ஆசியைப்பெற்றவர் என்றும் காஞ்சி சங்கராசார்யார்  ஸ்ரீ விஜயேந்திர சரஸ்வதி அவர்கள் இரங்கல் செய்தி அனுப்பியுள்ளார்.ஏனைய அரசியல் தலைவர்களும் அனுதாபச் செய்தி அனுப்பியுள்ளனர்

கோபால்ஜி,  கனல் கக்கும் உணர்ச்சியூட்டும், சொற்பொழிவாளர். எழுத்தாளர், சிறந்த நிர்வாகி. தேச பக்தப் பாடல்களை இயற்றிப் பாடியவர். பல்லாயிரம் தமிழ் மக்களை ஆர்.எஸ். எஸ் பணியில் ஈடுபடுத்தியவர் என்பது குறிப்பிட்டது தக்கது.

xxx

இதே போல மற்றொறு வருந்தத்தக்க செய்தி அம்புலிமாமா- சந்தமாமா என்று அழைக்கப்படும் சிறுவர் பத்திரிக்கைக்கு  வண்ண ஓவியங்கள் வரைந்த சங்கர் 97–வது வயதில் சென்னையில் இறந்த செய்தி ஆகும்.

வேதாளமும் விக்கிரமாதித்தனும் கதைகளுக்கு அவர் வரைந்த ஓவியம், குறிப்பாக விக்ரமன் வேதாளத்தை தோளில் சுமந்து செல்லும் காட்சி முதலியன மக்களின் மனதைவிட்டு அகலாது.

ஈரோடு மாவட்டத்தில் பிறந்த சங்கர்,

அம்புலிமாமா   தவிர, ராமகிருஷ்ண விஜயம் என்னும் ஆன்மிகப் பத்திரிகைக்கும் அற்புத ஓவியங்களை வரைந்து கொடுத்தார்.

ராமகோபாலன், சங்கர் ஆகியோர் மறைவுக்கு ஞான மயம் குழுவும் அனுதாபத்தைத் தெரிவிக்கக் கடமைப்பட்டுள்ளது

இத்துடன் லண்டனிலிருந்து வரும் செய்திகள் நிறைவடைந்தன…………………………..

செய்திகளை உங்களுக்கு வழங்கியவர் வைஷ்ணவி ஆனந்த்…………………………

நன்றி, வணக்கம்

……………….

அடுத்ததாக நமது கர்நாடக மாநில சிறப்பு நிருபர்

 பிரஹன்நாயகி சத்ய நாராயணன்,   பங்களூர் நகரிலிருந்து செய்தி வழங்குகிறார்

xxxxxx

tags – 5-10-2020 ,இந்து சமய , செய்தி மடல்

28-9-20 உலக இந்து சமய செய்தி மடல் (Post.8750)

statues, idols recovered from Pondicherry

WRITTEN BY LONDON SWAMINATHAN

Post No. 8750

Date uploaded in London – –28 SEPTEMBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

செப்டம்பர் 28 திங்கள்    —  இந்து சமய செய்தி மடல் —

இது ‘ஆகாச த்வனி’யின்  உலக இந்து சமய செய்தி மடல்

நேயர்கள் அனைவருக்கும் வணக்கம், நமஸ்காரம்

செய்திகள் வாசிப்பது VAISHNAVI ANAND

எங்கள் நிகழ்ச்சிகளை திங்கட்கிழமை தோறும் லண்டன் நேரம் பிற்பகல் 2 மணிக்கும்,

 இந்திய நேரம் மாலை 6-30 மணிக்கும் நேரடியாகக் கேட்கலாம்.

உலக இந்து சமய செய்தித் தொகுப்புடன் நேயர்களின் கேள்விகளுக்கும் விடை அளிக்கப்படுகிறது

உங்கள் பேட்டை, நகரத்தில் நடைபெறும் விழாக்கள், உற்சவங்கள் பற்றி எங்களுக்கு செய்தி அனுப்புங்கள்

எங்களை எந்நேரமும் தொடர்பு கொள்ள  facebook.com/gnana mayam  முகவரியில் அணுகவும்

Xxxxx

கிருஷ்ண ஜென்ம பூமி

மதுராவில் உள்ள கிருஷ்ண ஜென்ம பூமியை மீட்கக் கோரி புதிய வழக்கு தொடரப்பட்டுள்ளது. அங்கு ஆக்கிரமித்து கட்டப்பட்டுள்ள, ‘ஷாயி ஈத்கா’ மசூதியை மாற்ற வேண்டும் எனவும் வழக்கில் கோரப்பட்டுள்ளது.

‘அயோத்தியில் ராமர் கோவில் கட்டலாம்’ என, கடந்த 2019 நவ.,ல் உச்ச நீதிமன்றம் தீர்ப்பளித்தது; ராமஜென்ம பூமி வழக்கில் உச்ச நீதிமன்றம் தீர்ப்பு வழங்கிய போதே, ‘உத்தர பிரதேசம் மதுராவில் கிருஷ்ண ஜென்ம பூமியையும் மீட்க வேண்டும்’ என, இந்து அமைப்புகள் குரல் எழுப்பின.
இதற்காக, கடந்த ஆகஸ்ட் மாதத் துவக்கத்தில், ‘கிருஷ்ண ஜென்ம பூமி நிர் மாண் நியாஸ்’ என்ற அமைப்பு உருவாக்கப்பட்டது. இதில் 14 மாநிலங்களைச் சேர்ந்த 80 சாதுக்கள் இடம்பெற்றுள்ளனர்.

ஸ்ரீகிருஷ்ண விராஜ்மன் சார்பில் லக்னோவை சேர்ந்த ரஞ்சனா அக்னிஹோத்ரி மனு தாக்கல் செய்துள்ளார்

இந்தியாவில் கடந்த 1658ம் ஆண்டு முதல் 1707ம் ஆண்டு வரை முகலாய மன்னர் அவுரங்கசீப் ஆட்சி நடத்தினார். அவரது ஆட்சிக் காலத்தில் ஏராளமான இந்து கோவில்கள் இடிக்கப்பட்டன. அவுரங்கசீப்பின் உத்தரவுபடி அவரது படையினர், மதுராவில் உள்ள கேசவ தேவ் கோவிலின் ஒரு பகுதியை இடித்துவிட்டு ஷாயி ஈத்கா மசூதியை கட்டினர். மசூதி அமைந்துள்ள இடம் பகவான் கிருஷ்ண விராஜ்மனுக்கு சொந்தமானது. அந்த ஆக்கிரமிப்பு மசூதியை அகற்ற வேண்டும். என்று மனுதாரர் கோரியுள்ளார்

XXXXXX

ஜெகன் மோகன் ரெட்டி சர்ச்சை

திருப்பதி- திருமலை தேவஸ்தானம் சென்ற வாரம் ஆந்திர முதலமைச்சர் ஜெகன் மோகன் ரெட்டியை கோவில் மரியாதையைப் பெற்றுக்கொள்ள அழைத்தது. இதன்  காரணமாக ஒரு சர்ச்சைப் புயல் கிளம்பியது. அவரும் அவர் குடும்பத்தினரும் கிறிஸ்தவ மதத்தினர்.

மேலும் அவர் கருட வாகனத்தன்று பட்டு வஸ்திர மரியாதையை ஏற்க மனைவி இல்லாமல் வந்தார். அவர் கிறிஸ்தவர் என்பதால் வர மறுத்ததாகச் சொல்லப்படுகிறது. மேலும் இந்து அல்லாதவர்கள் ஒரு மனுவை பூர்த்தி செய்யவேண்டும். அதையும் ரெட்டி விஷயத்தில் பாலாஜி கோவில் நிர்வாகம் வலியுத்தவில்லை. அவரது மனைவி இல்லாத வருகை, இந்து மதக் கடவுளரை இழிவு படுத்துவது போல உள்ளது என்று முன்னாள் முதலமைச்சர் சந்திர பாபு நாயுடுவும் பாரதிய ஜனதா கட்சியினரும் கண்டித்துள்ளனர்.

இந்து சமய வழக்கப்படி, மனைவி உயிரோடு இருக்கையில் மனைவி இல்லாமல் யாக யக்ஞங்களை செய்யவும் முடியாது. கோவில் மரியாதைகளை ஏற் கவும் முடியாது.

XXXX

பால்கர் சாது சன்யாசி படுகொலை

மஹாராஷ்டிரா மாநிலத்தில் பால்கர் என்னும் வட்டாரத்தில் சென்ற ஏப்ரல் 16 ம் தேதி இரண்டு சாது சன்யாசிக்களை ஒரு கும்பல் போலீசார் முன்னிலையில் கொடூரமாக அடித்துக்கொன்றது. இந்த படுகொலைத் தாக்குதலை பாரதிய ஜனதாக கட்சி எம்.பி.யு ம் காவி உடைதரித்த ன்யாசினியுமான பிரயாகா தாகூர் லோக் சபையில் எழுப்பினார் .

சீ ன வைரஸ் தாக்குதலால்  ‘லாக்டவுன்’ கட்டுப்பாடுகள் உள்ள மஹாராஷ்டிர மாநிலத்தில் எப்படி பெரிய கும்பல் சேர்ந்தது, போலீசார் இருந்தும் அவர்கள் முன்னிலையில் சாது சன்யாசிகளை அடித்தே கொன்றது எப்படி?  என்பதை மத்திய அரசின் விசாரணை அமைப்புகள் விசாரிக்க வேண்டும் என்றார். மார்க்சிஸ்ட் கசியினரின் தாக்குதல் இது என்றும் முன்னரும் இதுபோன்ற தாக்குதல்கள் அவ்வட்டாரத்தில் நிகழ்ந்துள்ளன என்றும் அவர் லோக சபையில் சுட்டிக்காட்டினார்.

XXXXX

நேயர்கள் கேட்டுக்கொண்டிருப்பது திங்கட் கிழமை தோறும் லண்டனிலிருந்து ஒலிபரப்பாகும்

ஆகாசத் த்வனியின்

உலக இந்து சமய செய்தி மடல்

XXX

உத்தர பிரதேசத்தில் இருந்து ஒரு நல்ல செய்தி இதோ.

பிரயாக் ராஜ் மாவட்டத்தில் அரக்கு மாளிகைச் சின்னம் உள்ள இடத்தில் மஹாபாரத ஆராய்ச் சி  நிலையம் அமைக்கப்படும் என்று  உத்தர பிரதேச சுற்றுலாத் துறை அதிகாரிகள் அறிவித்துள்ளனர்.

மஹாபாரதத்தில் வரும் அரக்கு மாளிகை சம்பவம் இந்துக்கள் எல்லோரும் அறிந்ததே.

அரக்கு என்னும் மெழுகினால் செய்யப்படும் பொருட்கள், கட்டிடங்கள். முதலியன எளிதில் தீப்பற்றி எரியக்கூடியது . பாண்டவர்களை அதில் தங்க வைத்து எரித்துச் சாம்பலாக்கி விட  கௌரவர்கள் திட்டமிட்டனர். ஆனால் பாண்டவர்கள் நல்லோர் துணையுடன் அந்த சதித்திட்டத்தில் அகப்படாமல் உயிர்தப்பினர் அந்த இடம் பிரயாகை வட்டாரத்தில் உள்ளது. அங்குதான் இந்த ஆய்வு மையம் அமையப்போகிறது அங்கே மஹாபாரதம் குறித்த ஆராய்ச்சிகள் நடை பெறும்  என்ற நல்ல செய்தியை சுற்றுலா அதிகாரிகள் தெரிவித்தனர்.

XXXX

மதுரை மீனாட்சி  சுந்தரேஸ்வரர் கோவிலில் 410 கல்வெட்டுகள்

மதுரை பற்றிய புதிய வியப்பான செய்திகளை தொல்பொருட்த் துறை ஆராய்ச்சியாளர்கள் வெளியிட்டுள்ளனர். உலகப் புகழ் பெற்ற மதுரை மீனாட்சி  சுந்தரேஸ்வரர் கோவிலில் 410 கல்வெட்டுகள் உள்ளன என்றும் அவை 11ம் நூற்றா ண்டு முதல் வெட்டப்பட்டவை என்றும் சாந்தலிங்கம் என்பவர் தலைமையில் அமைக்கப்பட்ட குழு அறிவித்துள்ளது

சங்க காலம் முதல் மதுரையின் புகழ் பரவியபோதும் கோவிலில் உள்ள கல்வெட்டுகள் 11- 12ம் நூற்றாண்டு முதலே கிடைக்கின்றன. இதுவரை எல்லா கல்வெட்டுகளும் வெயிடப்படவில்லை. ஆகவே புதிய நூல் ஓன்றில்  410 கல்வெட்டு விவரங்களையும் வெளியியிடவும் குழு முடிவு செய்துள்ளது

முதல் கல்வெட்டு என்பது வைகைக்கரையில் கிடைத்தது. இது 1961ல் வைகையில் கண்டெடுக்கப்பட்டு, ஆயிரங்கால் மண்டபத்தில் பதிக்கப்பட்டது. கி.பி., 700ஐ சேர்ந்த கூன்பாண்டியன் காலத்து கல்வெட்டு இது… தேவார பாடல்களில் இக்கோயில் இடம்பெற்றுள்ளது. அதில் அங்கையற்கண்ணி உடன் ஆலவாய் அண்ணல் என்று இறைவனின் பெயர் குறிப்பிடப்பட்டுள்ளது. எனவே 7 ம் நுாற்றாண்டில் இக்கோயில் செங்கல், சுண்ணாம்பால் கட்டப்பட்டிருக்க வேண்டும்.

XXXX

சபரிமலையில் மேல்சாந்தி தேர்வு அக்., 17ல் சபரிமலை சன்னிதானத்தில் நடக்கிறது.

சபரிமலையில் அனைத்து பூஜைகளுக்கும் தலைமை வகிப்பவர் தந்திரி. தாழமண் குடும்பத்தில் கண்டரரு ராஜீவரரு, கண்டரரு மகேஷ் மோகனரரு ஆகியோர் சுழற்சி முறையில் இதை கவனிக்கின்றனர். இவர்களுக்கு உதவியாக ஒவ்வொரு ஆண்டும் ஒரு மேல்சாந்தி நியமிக்கப்படுவார். தற்போதைய மேல்சாந்தி சுதிர் நம்பூதிரியின் பதவி காலம் வரும் அக்., 16ம் தேதி நிறைவு பெறுகிறது.

அடுத்த மேல்சாந்தியை தேர்வு செய்வதற்கான பணிகள் துவங்கி உள்ளன. இதற்கான நேர்காணல் அக்., 5, 6 தேதிகளில் திருவனந்தபுரத்தில் நடக்கிறது. இதில் வெற்றி பெறுபவர்களில் ஒருவர் அக்., 17-ல் சபரிமலை சன்னிதானத்தில் நடக்கும் குலுக்கல் தேர்வில் தேர்வு செய்யப்படுவார்.


XXXXX

புதுச்சேரியில் மீட்கப்பட்ட பழமைவாய்ந்த 74 சிலைகளை, சிலை கடத்தல் தடுப்பு பிரிவு போலீசார் கும்பகோணம் கோர்ட்டில் ஒப்படைத்தனர்.



தமிழகத்தில் உள்ள பழமை வாய்ந்த கோவில்களில் இருந்து திருடி கொண்டு வந்து விற்கப்பட்ட ஏராளமான உலோகம் மற்றும் கற்சிலைகள் புதுச்சேரி ரோமன் ரோலண்டு தெருவை சேர்ந்த ஜீன்பால் ராஜரத்தினம் என்பவரது வீட்டில் மறைத்து வைக்கப்பட்டிருப்பதாக சிலை கடத்தல் தடுப்பு பிரிவு போலீசாருக்கு தகவல் கிடைத்தது.


இதையடுத்து கோர்ட்டு உத்தரவின் பேரில் சிலை கடத்தல் தடுப்பு பிரிவு போலீசார், ஜீன்பால் ராஜரத்தினம் வீட்டுக்கு நேற்று முன்தினம் சென்று சோதனை செய்தனர். சோதனையில் 60 உலோக சிலைகள் மற்றும் 14 கற்சிலைகள் மறைத்து வைக்கப்பட்டிருந்தது தெரிய வந்தது. இதையடுத்து சிலை கடத்தல் தடுப்பு பிரிவு போலீசார், அந்த சிலைகளை மீட்டனர்.

மீட்கப்பட்ட சிலைகள் அனைத்தையும் கும்பகோணம் கூடுதல் தலைமை குற்றவியல் நீதித்துறை நடுவர் நீதிமன்றத்தில் போலீசார் நேற்று காலை ஒப்படைத்தனர்.


புதுச்சேரியில் கைப்பற்றப்பட்ட அனைத்து சிலைகளும் கோவில்களில் இருக்கக்கூடிய உற்சவர் சிலைகள். கோவில்களில் வைத்து வழிபாடு செய்யப்படக்கூடிய சிலைகள்.

XXXXXXX

பாடும் நிலா என்று அழைப்பட்ட , பல்லாயிரம் மக்களின் உள்ளத்தைக் கொள்ளை கொண்ட, எஸ் பி பால சுப்பிரமணியத்தின் உடல் நேற்று நல்லடக்கம் செய்யப்பட்டது. அவர்களுடைய குல வழக்கப்படி  சென்னை அருகிலுள்ள தாமரைப்பாக்கத்தில் போலீஸ் மரியாதையுடன் இறுதிச் சடங்குகள் நடந்தன ; முன்னதாக வழி நெ டுகிலும் மக்கள் நின்று அஞ்சலி  செலுத்தினர்.

ஞானதீபம் மற்றும் நமது செய்திக் குழுவினரும் அவரது குடும்பத்துக்கு ஆழ்ந்த அனுதாபங்களைத் தெரிவித்துக் கொள்கிறோம்.

அவரது தெய்வீ கப்  பாடல்களைப் போற்றும் விதத்தில் அடுத்த திங்கட்கிழமை ஒரு சிறப்பு நிகழ்சசியை  இங்கே ஒலி பரப்புகிறோம். அவரது தெய்வீ கப் பாடல்களை போற்றிப்  பேசியோ பாடியோ உங்கள் அன்பையும் தெரிவிக்கலாம். ஆடியோ அல்லது வீடியோ க்ளிப்பு CLIPS களை எங்களுக்கு அனுப்புங்கள். மூன்று அல்லது 4 நிமிடங்களுக்குள் இருக்க வேண்டும். நேரடியாக திங்கட் கிழமை பங்கேற்க விரும்பினால் ஜூம் ZOOM LINK  லிங்க் அனுப்புவோம். எங்கள் முகவரி

FACEBOOK.COM / GNANA MAYAM

இத்துடன் உலக இந்து சமய வார செய்தி மடல் நிறைவு பெறுகிறது

செய்திகளை உங்களுக்கு வழங்கியவர் வைஷ்ணவி ஆனந்த்.

நன்றி, வணக்கம்

TAGS — 28-9-20, இந்து சமய, செய்தி மடல்

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

பங்களூர் செய்தி மடல்  by  பிரஹன்நாயகி சத்ய நாராயணன்

28-9- 2020 திங்கள் கிழமையன்று லண்டன் நேரப்படி மதியம் 2 மணிக்கும் இந்திய நேரப்படை மாலை 6.30 மணிக்கும் பங்களூர் செய்தி மடல் ஒளிபரப்பானது. ஒவ்வொரு திங்களன்றும் நடைபெறும் இந்த நிகழ்ச்சிக்கு அனைவரையும் அழைக்கிறோம்.

28-9-2020 அன்று ஒலிபரப்பான செய்தி மடல் இதோ:

வணக்கம்.

ஞானமயம் வழங்கும் பங்களூர் செய்தி மடல்.

வழங்குவது பிரஹன்நாயகி சத்ய நாராயணன்.

தலைப்புச் செய்திகள்

மைசூர் தசரா விழாவிற்கான ஏற்பாடுகள் ஆரம்பம்

பெங்களூர் இயல்பு நிலைக்குத் திரும்புவதால் ஆலயங்களுக்கு மக்களின் வருகை அதிகரிப்பு

பங்களூரின் அருகே உள்ள சிறப்பு வாய்ந்த கோவில் சாமுண்டீஸ்வரி ஆலயம் பற்றிய ஒரு சிறு அறிமுகம்

இனி விரிவான செய்திகள்.

10 நாள் உற்சவமான மைசூர் தசரா விழா 400 வருட பாரம்பரியத்தைக் கொண்ட மாபெரும் விழாவாகும். இந்த ஆண்டும் கொரானா கொள்ளை நோய் மக்களைப் பயமுறுத்திய போதிலும் பாரம்பரியத்தை விடாது மிக எளிமையாகக் கொண்டாடப்படும் என்பது தெரிய வந்துள்ளது.

இந்த ஆண்டு தசரா விழா அக்டோபர் 17ஆம் தேதி சனிக்கிழமை காலை ஒன்பது மணிக்குத் துவங்கும். அக்டோபர் 26ஆம் தேதி விஜயதசமி நாளன்று கோலாகல வெற்றியுடன் முடியும்.  ஜம்போ சவாரி மற்றும் டார்ச் லைட் பாரேட் ஆகிய இரு நிகழ்ச்சிகள் உண்டா என்பது பற்றி வெகு விரைவில் முடிவு எடுக்கப்படும்.

சென்ற ஆண்டு மிக கோலாகலமாக நடந்த தசரா விழா 409ஆம் ஆண்டு விழாவாக அமைந்திருந்தது. இதையொட்டி மைசூரின் அரண்மனை, மிருகக் காட்சிச் சாலை, சாமுண்டீஸ்வரி ஆலயம், கிருஷ்ணராஜ சாகர் அணை, பிருந்தாவன் தோட்டம் உள்ளிட்ட ஏராளமான இடங்கள் மின் விளக்குகளால் அலங்கரிக்கப்பட்டிருந்தன. நாட்டின் பல்வேறு இடங்களிலிருந்து திரண்டவர்களும் உள்ளூர்வாசிகளும் லட்சக் கணக்கில் இந்த 10 நாள் திருவிழாவில் கலந்து கொண்டனர்.

தசராவை ஒட்டி பல்வேறு இடங்களிலும் கலை நிகழ்ச்சிகள், திரைப்பட விழா உள்ளிட்டவை நடைபெற்றன.  சென்ற ஆண்டு இந்த விழா இனிதே யானை ஊர்வலத்துடன் நிறைவேறியது. அதே போல இந்த ஆண்டும் இந்த விழா விஜயதசமி குறிக்கும் வெற்றி விழாவாக அமையும் என எதிர்பார்க்கப்படுகிறது.

 அடுத்து இன்றைய பங்களூர் நிலையைப் பார்ப்போம்.

கொரானா நோய் பயத்தால் வீட்டினுள்ளே முடங்கி இருந்த மக்கள் இப்போது வெளிவரத் துவங்கி உள்ளதால் மெள்ள மெள்ள இயல்பான நிலைக்கு பங்களூர் திரும்பி வருகிறது. இதையொட்டி ஆங்காங்கே அமைந்திருக்கும் கோவில்களுக்கு வரும் பக்தர் கூட்டமும் அதிகரித்த வண்ணம் உள்ளது.  என்ற போதிலும் அரசு அறிவித்திருக்கும் பாதுகாப்பு நடவடிக்கைகளை மக்கள் உரிய முறையில் மேற்கொண்டு நடந்து வருகின்றனர்.

நீங்கள் கேட்டுக் கொண்டிருப்பது பங்களூர் செய்தி மடல்.

வழங்குவது ப்ரஹன் நாயகி சத்யநாராயணன்

மைசூர் சாமுண்டீஸ்வரி கோவில் பற்றிய ஒரு சிறிய செய்திக் குறிப்பு.

மைசூர் ராஜ்யத்தின் காவல் தெய்வமாக சாமுண்டீஸ்வரி அம்மனை தொன்று தொட்டு மக்கள் வழிபட்டு வருகின்றனர்.

சாமுண்டீஸ்வரி அம்மனின் கோவில் மைசூரிலிருந்து சுமார் 8 மைல் தொலைவில் உள்ளது.

சாமுண்டி மலையின் உச்சியில் சுமார் 3000 அடி உயரத்தில் அமைக்கப்பட்டுள்ள சாமுண்டீஸ்வரி ஆலயம் 18 மஹா சக்தி பீடங்களில் ஒன்றாகும்.

இந்த மலையின் மீது அமைந்திருக்கும் கோவிலுக்குச் செல்ல  ஆயிரம் படிக்கட்டுகள் அமைக்கப்பட்டுள்ளன.

இதில் 800வது படிக்கட்டில் ஒரு சிறு சிவன் கோவில் உள்ளது. சிவபிரானுக்கு எதிரில்  அமைந்திருக்கும் நந்தி மாபெரும் நந்தியாகும். கருங்கல்லினால் அமைக்கப்பட்டிருக்கும் இந்த நந்தியின் சிலை 15 அடி உயரம் உள்ளது. 24 அடி நீளம் உள்ளது.

இந்த கோவிலுக்கான கோபுரத்தை விஜயநகர சாம்ராஜ்ய மன்னர் 17ஆம் நூற்றாண்டில் கட்டினார்.

பெரியகோயில் என்று அழைக்கப்படும் தஞ்சை பிருஹதீஸ்வரர் ஆலயத்தில் உள்ள நந்தி ஒரே கல்லினால் அமைக்கப்பட்ட ஒன்றாகும். இதன் நீளம் சுமார் 16 அடி. உயரம் சுமார் 13 அடி.

ஆக, நாட்டின் உள்ள நந்திகளில் பெரிய நந்தியைக் கொண்டுள்ளது சாமுண்டீஸ்வரி ஆலயம்.

மக்கள் தொன்று தொட்டு பயபக்தியுடன் வணங்கி வரும் சாமுண்டீஸ்வரி அனைவருக்கும் சர்வ மங்களத்தை தர ஞானமயம் சார்பில் பிரார்த்திக்கிறோம்.

இதுவரை நீங்கள் கேட்டது பங்களூர் செய்தி  மடல்.

வழங்கியது ப்ரஹன் நாயகி சத்யநாராயணன்.

நன்றி!

tags– ப்ரஹன் நாயகி