ஐரிஷ் நாடக ஆசிரியர் ஆலிவர் கோல்ட்ஸ்மித் (Post No.10,0057)

WRITTEN BY LONDON SWAMINATHAN

Post No. 10,057

Date uploaded in London – 5 September   2021           

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

அயர்லாந்து நாட்டின் தலைசிறந்த, புகழ்பெற்ற எழுத்தாளர்களில் ஒருவர் ஆலிவர் கோல்ட்ஸ்மித் Oliver Goldsmith . அவர் எழுதிய Vicar of Wakefield  ‘விகார்  ஆப் வேக்பீல்ட்’ நாவலும் ‘ஷீ ஸ்டூப்ஸ் டு கான்கர்’ She Stoops to Conquer நகைச் சுவை நாடகமும் இன்றுவரை விரும்பிப் படிக்கப்படுகின்றன. அவர் முக்கியமான ஆங்கில நாடக ஆசிரியராகக் கருதப்படுகிறார்.

அயர்லாந்து நாட்டில் பாலிமஹோன் (Ballymahon)என்னும் ஊரில் கிறிஸ்தவ மதப்பிரசாரகரின் (Clergyman)  மகனாகப் பிறந்தார். தந்தை போலவே  தானும் கிறிஸ்தவ குருவாக எண்ணினார். ஆனால் சர்ச் இவரை ஏற்றுக் கொள்ள வில்லை.அதற்கு முன் அவர் 1755ம் ஆண்டில் டப்ளின் நகர ‘ட்ரீனிட்டி காலேஜில்’ (Trinity College, Dublin) படித்துப் பட்டமும் பெற்றார்.

பின்னர் ஸ்காட்லாந்தில் எடின்பரோ நகரில் மருத்துவப் படிப்பிற்காகச் சென்றார். ஆனால் அதைத் தொடர முடியாமல் பாதியில் விட்டார். 25 வயது வாக்கில் ஓராண்டுக்கு காலத்துக்கு ஐரோப்பிய நாடுகளை சுற்றிப் பார்த்தார் .பாதிப்பயணத்தில்  பண முடை ஏற்பட்டது. தன்னுடைய சங்கீத ஞானத்தைப் பயன்படுத்தி வாத்தியங்களை வாசித்து, தெருவில் துண்டு விரித்து(Busker)  பாட்டுப்பாடி பணம் சேர்த்தார்; தன்னுடைய நகைச் சுவை ஞானத்தையும் பயன்படுத்தி பேசிக்காட்டி காசு வாங்கிப் பிழைத்தார்.

கையில் கால் காசு இல்லாமல் 1756-ம் ஆண்டில் லண்டன் மாநகருக்கு வந்து சேர்ந்தார். டாக்டர் தொழில் நடத்தி பணம் சம்பாதிக்க முயன்றார். அதிக வெற்றி கிடைக்காததால் பத்திரிக்கையாளர் ஆனார்.புஸ்தகங்களுக்கு மதிப்புரை எழுதுவதோடு பல பத்திரிகைகளுக்கு கட்டுரைகளையும் எழுதினார்.

1760-களில் ‘அகராதி புகழ்’ டாக்டர் ஜான்சனைச் சந்தித்தார். அவர் ஆலிவர் கோல்ட்ஸ்மித்த்தின் திறமையை அறிந்து பாராட்டினார். 34 வயதில் அவர் எழுதிய ‘ட்ராவலர் / பயணி’ Traveller என்ற கவிதை அவருக்குப் புகழ் சேர்த்தது.அதற்கு இரண்டு ஆண்டுகளுக்குப் பின்னர்தான் அவருடைய ஒரே நாவலான ‘விகார் ஆப் வேக்பீல்ட்’ அச்சானது  ஒரு சமயப் பிரசாகரின் வாழ்க்கையில் ஏற்பட்ட இன்ப, துன்பங்களை விவரிக்கும் நாவல் இது.

கோல்ட்ஸ்மித்துக்கு 43 வயதானபோது அவர் எழுதிய நாடகம்தான் (She Stoops to Conquer)  அவரை புகழேணியின் உச்சத்திற்குக் கொண்டுசென்றது .

ஒரு பணக்கார நிலச்சசுவாந்தார் தனது மகளுக்கு நல்ல கணவன் கிடைக்க, படித்த பையனுடன் ஒரு சந்திப்பை ஏற்பட்டு செய்கிறார். அந்த மாப்பிள்ளை மாமனாரின் மாளிகையை, மதுபான விடுதி என்று நினைக்கிறார். எதிர்கால மணப்பெண்ணும் மதுபான விடுதி வேலைக்காரி போல நடந்து கொள்கிறாள். தன் கணவன் தன்னை பணத்துக்காக அன்றி, உண்மைக் காதலின்பேரில் ஏற்றுக்கொள்கிறானா என்று அவள் சோதிக்கிறாள். இதில் நிறைய ‘காமெடி’ வருகிறது. ஏனெனில் பெண்ணின் தாயார் அவளை பணக்கார உறவினனுக்கு கல்யாணம் கட்ட முயற்சி செய்கிறாள். இந்த நாடகம் அந்தக் காலத்திலேயே லண்டனில் மேடை ஏறி வெற்றி நடை போட்டது.

ஆலிவர் கோல்ட்ஸ்மித்

பிறந்த தேதி – நவம்பர் 10, 1728 ( 1730??)

இறந்த தேதி – ஏப்ரல் 4, 1774

வாழ்ந்த ஆண்டுகள் – 45 (43??)

எழுதிய நூல்கள்:-

1764 – The Traveller

1766 – The Vicar of Wakefield

1768 – The Good Natured Man

1770- The Deserted Village

1773 – She Stoops to Conquer

1774 – Retaliation (unfinished work)

-subham-

tags- ஐரிஷ், நாடக ஆசிரியர், ஆலிவர் கோல்ட்ஸ்மித், Oliver Goldsmith

சிறை சென்ற ஐரிஷ் நாடக ஆசிரியர் ஆஸ்கர் வைல்ட் (Post No.9904)

WRITTEN BY LONDON SWAMINATHAN

Post No. 9904

Date uploaded in London –28 JULY   2021           

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

அயர்லாந்து நாட்டின் நாடக ஆசிரியரும் கவிஞருமான ஆஸ்கர் வைல்ட் OSCAR WILDE ஹோமோசெக்ஸ் HOMOSEX – ஒரு பால் புணர்ச்சி– குற்றத்துக்காக சிறையில் அடைக்கப்பட்டார். ஆயினும் அவரது படைப்புகள் இந்தக் குற்றத்துக்கு அப்பாற்பட்டவை . இன்றளவும் படிக்கப்படுபவை. நகைச் சுவை ததும்ப எழுதக்  கூடியவர் ஆஸ்கர் வைல்ட்.

அயர்லாந்து நாட்டின் தலைநகரான டப்ளின் நகரில் பிறந்தார். அவருடைய தந்தை ஒரு டாக்டர்; தாயார் ஒரு கவிஞர். ஆஸ்கர் வைல்ட் பிறவியிலேயே ஒரு மேதை. டப்ளின் மற்றும் ஆக்ஸ்போர்ட் பல்கலைக் கழகங்களில் சிறப்பாகத் தேறினார். கவர்ச்சிகரமான தோற்றம் உடையவர். படாடோப உடைகளை அணிபவர். இதனால் லண்டன் பிரமுகர் வட்டாரத்தில் எல்லோ ருக்கும்  அவரைத் தெரியும்

1884ல் அவர் கான்ஸ்டன்ஸ் லாயிட் என்பவரை மணந்தார். இரண்டு குழந்தைகளுக்குத் தந்தையும் ஆனார்.

முதலில் பத்திரிகையில் சேர்ந்தார். 34 வயதில் சிறுவர்க்காக எழுதிய கதைப் புஸ்தகம் வெற்றி நடை போட்டது .ஒரே ஒரு நாவல் மட்டுமே எழுதினார்.அ து ஒரு அழகான இளைஞரின் கதை. கெட்ட வழக்கங்களால் அவருடைய அழகிய தோற்றம் எப்படி அவலம் அடைகிறது என்பதை வருணிக்கும் கதை.

1879 முதல் 1895க்குள் ஒன்பது நாடகங்களை எழுதினார். அவற்றில் THE IMPORTANCE OF BEING EARNEST ‘இம்பார்ட்டன்ஸ் ஆப் பீயிங் ஏர்னஸ்ட்’ என்ற நாடகம் நல்ல நகைச்சுவை உடையது இரண்டு  வருங்கால மாப்பிள்ளைகளின் இருவிதமான வாழ்க்கையை இது விளக்குகிறது .

இவ்வாறு நாடகங்களின் மூலம்  புகழ் சேரும் தருவாயில் அவருடைய சுய வாழ்வு பற்றிய ரகசியங்கள் அம்பலமாயிற்று .ஆல்ப்ரட் டக்ளஸ் என்ற பிரபுவுடன் அவர் கொண்ட தகாத உறவு வெளிச்சத்துக்கு வந்தது. அக்காலத்தில் ஆணுடன் ஆண் கொள்ளும் ஒரு பால் புணர்ச்சி பிரிட்டனில் சட்ட விரோதமானதாக இருந்தது. இதன் காரணமாக அவர் சிறையில் அடைக்கப்பட்டார். சிறைச்சாலை

அனுபவங்களையும் கவிதையாக எழுதி வெளியிட்டார். இரண்டு ஆண்டுகளுக்குப் பின்னர் விடுதலை கிடைத்தது. பின்னர் அவர் பிரான்ஸ் நாட்டுக்குச்சென்று வசித்தார்.

அவருடைய உடல்நலமும் குன்றியது. விடு தலை அடைந்த மூன்றே ஆண்டுகளில் ஆஸ்கர் வைல்ட்  இறந்தார்.

பிறந்த தேதி – அக்டோபர்  16, 1854

இறந்த தேதி -நவம்பர் 30, 1900

வாந்தி ஆண்டுகள் – 46 ஆண்டுகள்

அவருடைய நாடகங்களும் கவிதை நூல்களும்

1890- THE PICTURE OF DORIAN GRAY

1891-  LORD ARTHUR SAVILE’S CRIME

1892- LADY WINDERMERE’S FAN

1893- A WOMAN OF NO IMPORTANCE

1895 – THE IMPORTANCE OF BEING EARNEST

1895- AN IDEAL HUSBAND

1896- SALOME

1898- THE BALLAD OF READING GAOL

DRAMA WAS A SUCCESS, BUT AUDIENCE WAS A FAILURE …

https://tamilandvedas.com › drama-w…

  1.  

5 Apr 2019 — ((posted by swamiindology.blogspot.com AND tamilandvedas.com)). Playwright Anecdotes: –. SUCCESS AND FAILURE. Oscar Wilde arrived at his …

Rudeness anecdotes | Tamil and Vedas

https://tamilandvedas.com › tag › rudeness-anecdotes

  1.  

21 Dec 2016 — Oscar Wilde indulged his penchant for baiting Yankees when he met Richard Harding Davis. “So you are from Philadelphia where Washington is …

–SUBHAM-

TAGS- சிறை , ஐரிஷ்,  நாடக ஆசிரியர்,  ஆஸ்கர் வைல்ட், OSCAR WILDE