அரிய உயிரினம் காப்போம்

Written by S Nagarajan

swami_48@yahoo.com

 Date: 12 AUGUST 2019  


British Summer Time uploaded in London –  7-27 am

Post No. 6764

 Pictures are taken from various sources.  ((posted by swamiindology.blogspot.com AND tamilandvedas.com))

stranded whales
crocodiles killed by villagers, Indonesia

ஆல் இந்தியா ரேடியோ, சென்னை வானொலி நிலையத்தின் வாயிலாக தினமும் இந்திய நேரம் காலை 6.55 மணிக்குச் சுற்றுப்புறச் சூழல் நிகழ்ச்சியில் 1-8-19 முதல் 10-8-19 முடிய சுற்றுப்புறச் சூழலைக் காப்பது பற்றிய ச.நாகராஜனின் 10 உரைகள் ஒலிபரப்பப்படுகின்றன. இந்த உரைகளை     www.allindiaradio.gov.in  தளத்தில் தமிழ் ஒலிபரப்பைத் தேர்ந்தெடுத்து  நிகழ்நிலையில் கேட்கலாம்.   7-8-19 அன்று காலை ஒலிபரப்பட்ட ஏழாம் உரை இங்கு தரப்படுகிறது.

அரிய உயிரின வகை வேறுபாட்டைக் காப்போம்!

ச.நாகராஜன்

இயற்கையின் ஒரு அற்புதமான அமைப்பே பயோ டைவர்ஸிடி (Bio diversity) எனப்படும் உயிரினவகை வேறுபாடாகும்.

ஆனால் அற்புதமான இந்த அமைப்பு மனிதர்களால் சிறுகச் சிறுக அழிக்கப்பட்டு வருவது வேதனைக்குரிய ஒன்றாகும்.

 மிக அதிகமாக உலகெங்கும் பெருகி வரும் ஜனத்தொகை, உலகப் பொருளாதாரம், மக்களின் நுகர்வு ஆகியவற்றால் கடந்த 50 ஆண்டுகளாக பூமியின் உயிர்க்கூறான அமைப்பு சிதைந்து வருகிறது.

ஒருபுறம் மக்களின் ஆயுட்காலம் பழைய காலத்தை விட அதிகமாகி இருக்கிறது என்பதும், மத்தியதர வர்க்கத்தினரின் வாழ்க்கை நிலை சிறப்பாக மேம்பட்டு வருகிறது என்பதும் மகிழ்ச்சிக்குரிய விஷயமாக இருந்த போதிலும் இவை உயிரினவகை வேறுபாட்டுக்கு ஊறு செய்தே அடையப்படுகிறது என்பதையும் கருத்தில் கொள்ள வேண்டும்.

1970ஆம் ஆண்டிலிருந்தே உயிரின வகை வேறுபாடு கீழ் நோக்கிப் போய்க் கொண்டிருக்கிறது என்பதே விஞ்ஞானிகளின் ஆய்வுகளின் முடிவாகும். இதை அவர்கள் Great Acceleration – க்ரேட் ஆக்ஸிலரேஷன் – பெரும் முடுக்கம் என்று வர்ணிக்கின்றனர்.

பறவைகள், விலங்கினங்கள் மற்றும் மீன் உள்ளிட்ட கடல் வாழ் உயிரினங்கள் ஆகியவற்றின் எண்ணிக்கை குறைந்து கொண்டே வருகிறது.

விலங்குகள் இயற்கையாக உயிர் வாழும் இடம் குறைந்து கொண்டே வருவது, உயிரினங்களை வேட்டையாடுவது ஆகியவையே இந்த எண்ணிக்கை குறைபாட்டிற்கான பிரதான காரணங்களாகும்.

பூமியின் ஆரோக்கியமும் சமச்சீர்தன்மையும் இந்த பல்வேறு உயிரினங்களைச் சார்ந்தே இருக்கிறது என்பது ஒரு முக்கிய செய்தி.

750 கோடி ஜனத்தொகையைக் கொண்டுள்ள உலகம் 980 கோடி என்ற அளவில் ஜனத்தொகைப் பெருக்கத்தை 2050ஆம் ஆண்டு வாக்கில் எட்டி விடும் என்கிறது அறிவியல் ஆய்வு.

பூமியில் 30 விழுக்காட்டுப் பரப்பளவே காடுகள் உள்ளன. ஆனால் இந்தக் காடுகளிலேயே பூமியில் உயிர் வாழும் பல்வேறு உயிரினங்களில் 80 விழுக்காடு வாழ்கின்றன. பூமியின் ஜனத்தொகைப் பெருக்கத்தினால் 2000ஆம் ஆண்டு முதல் 2010க்குள் 40 சதவிகிதம் காடுகள் அழிக்கப்பட்டு விளை நிலங்களாக மாற்றப்பட்டுள்ளன. இதனால் பாதிக்கப்பட்டவை பல்வேறு வகை உயிரினங்களே!

ஆக தன்னுடன் சேர்ந்து வாழும் உயிரின வகைகளை அழிக்காமலும் அவை வசிக்கும் காடுகளை அழிக்காமலும் இருக்க வேண்டிய பெரும் பொறுப்பு மனித குலத்தைச் சார்ந்திருக்கிறது. இதைக் கருத்திக் கொண்டு பயோ டைவர்ஸிடி எனப்படும் உயிரின வகை வேறுபாட்டை இயற்கை அமைத்தபடியே அப்படியே காக்க உறுதி பூணுவோம். –subham–

மேற்குத் தொடர்ச்சி மலை வளத்தைக் காப்போம் (Post No 2548)

forest2

Written by S Nagarajan

 

Date: 17  February 2016

 

Post No. 2548

 

Time uploaded in London :–  7-50 AM

 

( Thanks for the Pictures  ) 

 

DON’T REBLOG IT AT LEAST FOR A WEEK!  DON’T USE THE PICTURES; THEY ARE COPYRIGHTED BY SOMEONE.

 

(for old articles go to tamilandvedas.com OR swamiindology.blogspot.com; contact 

 

swami_48@yahoo.com)

 

 

train watr falls

சுற்றுப்புறச் சூழல் பாதுகாப்பு

 

ஆல் இந்தியா ரேடியோ சென்னை ஏ அலைவரிசை  11-12-2015 முதல் 20-12-2015முடிய ஒலிபரப்பிய 10 உரைகளில் முதலாவது உரை

 

 

மேற்குத் தொடர்ச்சி மலை வளத்தைக் காப்போம்

 

ச.நாகராஜன்

 

மேற்குத் தொடர்ச்சி மலை இந்தியாவின் அற்புதமான வளங்களில் ஒன்று. இந்த அரிய வளத்தில் அமைந்துள்ள காடுகள் கடந்த பல ஆண்டுகளாக அழிக்கப்பட்டு வருவது துரதிர்ஷ்டமான விஷயம்.

 

தாபியிலிருந்து கன்யாகுமாரி வரை உள்ள இந்த மலைத் தொடரின் நீளம் சுமார் 1500 கிலோமீட்டர். 1.6 லட்சம் சதுர கிலோமீட்டர் பரப்பைக் கொண்ட இதில் 30 ச்தவிகிதப் பரப்பு காடுகளில் உள்ளது. இதன் சிறப்புக்கள் பல. கிழக்குத் தொடர்ச்சி மலை போல விட்டு விட்டு இல்லாமல் இது தொடர்ந்த ஒரு மலைத் தொடராக உள்ளது. இதன் உயரம் 1500இலிருந்து 2000 மீட்டர் வரை உள்ளது. இது வெப்ப மண்டல பிரதேசமாகும். தென்னிந்தியாவின் முக்கிய நதிகளான கிருஷ்ணா, கோதாவரி மற்றும் காவேரி உருவாவது மேற்குத் தொடர்ச்சி மலையில் தான்.

 

பயோடைவர்ஸிடி எனப்படும் உயிரியப் பன்மயத்திற்கான அரிய இடம் இது. உலகில் உள்ள புலிகளின் எண்ணிக்கையில் பத்து சதவிகிதம் இந்த மலைத் தொடரி பிரதேசத்தில் இருப்பதும் நீலகிரி மலைத்தொடரில் சுமார் பத்தாயிரம் யானைகள் இருப்பதும் இதன் முக்கியத்துவத்தை விளக்குகிறது.

 

இப்படிப்பட்ட காரணங்களால் யுனெஸ்கோ உலகின் எட்டு அரிய இயற்கை வளங்களால் மேற்குத் தொடர்ச்சி மலை வளத்தையும் ஒன்றாக அறிவித்திருக்கிறது.

 

இப்படிப்பட்ட உலகின் அரிய இயற்கை வளம் நவீன யுகத்தின் தொழில் மயமாக்கல், காட்டுச் செல்வத்தைச் சுரண்டி சுயந்லத்திற்காகப் பயன்படுத்தல் உள்ளிட்ட ஏராளமான காரணங்களால் அழிக்கப்பட்டு வருகிறது. ஓரின பயிர் வளர்ப்பு சாகுபடிக்காக காடுகள் விளைநிலங்களாக மாற்றப்படுவதும், இரும்பு போன்ற தாதுப் பொருட்கள் சுரண்டப்படுவதும் இந்த இயற்கை வளம் அழிவதற்கான முக்கியமான காரணங்களாகும்.

 

இந்த அழிவைத் தடுக்க இந்திய அரசு உரிய நடவடிக்கை எடுத்து வருகிறது. அத்துடன் பல தன்னார்வத் தொண்டு நிறுவனங்களும் இப்பகுதி வாழ் மக்களிடம் விழிப்புணர்வை ஊட்டி வருகின்றன.கடத்தல்காரர்களையும் வேட்டையில் ஈடுபடுவோரையும் தடுப்பது, வனவிலங்குகளை அழிக்காமல் அவற்றையும் வாழ விடும் நோக்கத்தை அப்பகுதி வாழ் மனிதர்களிடையே ஏற்படுத்துவது, காடுகளை அழித்து விளைநிலம் ஆக்காமல் இருப்பது, சுற்றுப்புறச் சூழல் பாதுகாப்பை வலியுறுத்தி அதை மேம்படுத்தும் ப்ணிகளை மக்களே உணர்ந்து செயல்படுத்துவது ஆகியவை இந்த அரிய வளத்தைக் காக்கும்.

 

அரசின் ஆக்கபூர்வமான திட்டங்களுக்கு பெரும் நிறுவனங்களும் மக்களும் ஆதரவு தருவது இன்றைய நிலையில் அவசரமானதும் அவசியமானதுமான ஒரு நற்பணியாகும்.

 

***