சூர்தாஸர் அவதரித்த கிராமம் உரிய பெயரைப் பெறுகிறது (Post.9767)

WRITTEN BY S NAGARAJAN

Post No. 9767

Date uploaded in London – –  –23 JUNE   2021   

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

சூர்தாஸர் அவதரித்த கிராமம் உரிய பெயரைப் பெறுகிறது!

ச.நாகராஜன்

16ஆம் நூற்றாண்டைச் சேர்ந்த மகான் சூர்தாஸர். இரு கண்களை இழந்த போதும் இடைவிடாமல் இறைவனைப் போற்றிப் பாடினார். ஊனக் கண்ணை இழந்த அவர் ஞானக் கண்ணைப் பெற்றார். இறைவன் அருளால் ஊனக் கண்களில் ஒளி பெற்று இறை தரிசனத்தையும் பெற்றார். 1478ஆம் ஆண்டு பிறந்த சூர்தாஸர் 1581ல் இறைவனுடன் ஒன்றினார். விரஜ மொழியில் பக்தி இலக்கியத்தைப் படைத்த இவர் மதுராவில் உள்ள பராசௌலி கிராமத்தில் இறுதிக் காலத்தில் வாழ்ந்து வந்தார். முகலாயப் படையெடுப்பை ஒட்டி இந்த கிராமம் மஹமத்பூர் என்று பெயரிடப்பட்டது.

இன்றைய உத்தரபிரதேசத்தை ஆட்சி செய்யும் பாரதீய ஜனதா கட்சியைச் சேர்ந்த முதல்வரான யோகி ஆதித்ய நாத் பண்டைய பழம் பெரும் பாரம்பரியத்தை கொண்ட ஊர்களை, அவை பெயர் மாற்றப்பட்டிருப்பின், மீண்டும் புகழோங்கிய பழைய பெயரைக் கொண்டு வருவதில் தீவிரமாக இருக்கிறார்.

அதையொட்டி அவர் அதிகாரபூர்வமாக கெஜட் வெளியீட்டில் மஹமத்பூரை பராசௌலியாக மாற்றியுள்ளார். பராசௌலி பராசர முனிவர் வாழ்ந்த இடம் என்று கூறப்படுகிறது.

பொதுமக்களின் நீண்டநாளைய வேண்டுகோள் நிறைவேற்றப்பட்டு விட்டதால் அங்கு ஒரே மகிழ்ச்சி. சூர்தாஸ் ப்ராஜ் ராஸ்தாலி விகாஸ் சமிதியின் செயலாளர் ஹரி பாபு கௌசிக், “ 1982ஆம் ஆண்டிலிருந்தே இந்த பெயர் மாற்றத்தை நாங்கள் வலியுறுத்தி வருகிறோம். ஆனால் யோகி ஆட்சிக்கு வந்த பின்னரேயே இது செயல்படுத்தப்பட்டிருக்கிறது” என்று மகிழ்ச்சியுடன் கூறினார். பராசௌலி கோவர்தனில் உள்ள ஒரு கிராமம். இங்கு ஏராளமான பக்தர்கள் சூர்தாஸரின் சமாதிக்கு வந்து வணங்குகின்றனர். இந்த கிராமத்தில் உள்ள வீடுகளின் சுவர்களில் சூர்தாஸரின் பாடல்கள் எழுதப்பட்டிருப்பது சாதாரணமான காட்சியாகும்.

மாவட்ட மாஜிஸ்ட் ரேட் நவ்நீத் சிங் சஹால், “2019இல் பிரேரிக்கப்பட்ட இந்த வேண்டுகோள் உத்தரபிரதேச அரசினால் அங்கீகரிக்கப்பட்டு சென்ற மாதத்தில் ( மார்ச் 2021இல்) கெஜட் அறிவிப்பும் வெளியிடப்பட்டு விட்டது” என்றார்.

(செய்தியின் ஆங்கில வடிவத்தைக் கீழே காணலாம்.)

யோகி ஆதித்ய நாத் அரசுப் பொறுப்பை ஏற்றவுடன் அலஹாபாத் ப்ரயாக் ராஜ் என பெயர் மாற்றம் செய்யப்பட்டது. அதே போல ஃபஜியாபாத் அயோத்யா ஆனது;  முகல்சராய் தீன் தயாள் உபாத்யாயா நகர் ஆனது. ஆக்ராவில் உள்ள முகல் மியூஸியம், சத்ரபதி சிவாஜி மஹராஜின் பெயரைக் கொண்டு விளங்குகிறது!

இதே போல ஆக்ராவையும், வரலாற்றை நன்கு ஆய்வு செய்து அதன் பெயரை அக்ராவன் என மாற்ற வேண்டும் என்று மக்கள் கோரிக்கை வைத்துள்ளனர். பெயர் மாற்றம் நடக்கும் என்றே நம்பலாம்!

ஜெய் சூர்தாஸ்!

Mathura, Apr 8, 2021 (PTI) The Uttar Pradesh government has renamed Mathura’s Mahmudpur village as Parasauli, an official said on Thursday.

Confirming it, District Magistrate Navneet Singh Chahal said a gazette notification has been issued, renaming the village in Goverdhan tehsil.

The village is associated with Bhakti saint Surdas, who had spent over seven decades here, an office-bearer of Surdas Braj Ras Sthali Vikas Samiti said here, adding that they have been demanding a change in the name since 1982.

Narrating the history of the village, another office-bearer of the Samiti said the village was named Parasauli as noted sage Parashar was born here.

Lord Krishna and his divine consort Radha took part in a ‘Raslila’ for uninterrupted six months in the Chandra Sarovar area of the village, the office-bearer added.

***

tags–  சூர்தாஸர், கிராமம் , parasauli, surdas village,

இந்தியாவில் மிகவும் “கவர்ச்சி” மிகுந்த கிராமம் எது? (Post N0.9350)

WRITTEN  BY KATTUKKUTY

Post No. 9350

Date uploaded in London – –     7 MARCH  2021     

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

ராமருக்கும் கும்பகர்ணனுக்கும் போர் நடந்த பொழுது, கும்பகர்ணன்

ராமரைப் பார்த்து “ இராமா, இந்தப் போரில் நீ வெற்றி பெறுவதும்

நான் இறப்பதும் உறுதி. அப்படி இருக்கும் போது நமக்குப் பின்னால்

வரக்கூடிய சந்ததியினர் உன்னையும், இராவணனைப் பற்றியும்

பெருமை பேசுவார்களே தவிர என்னைப் பற்றி நினைக்கக் கூட

வகையில்லாமல் போய் விட்டதே என்று கூறி வருந்தினான்.

“ வருந்தாதே, கும்பகர்ணா, எங்களைப் பற்றி பேசும் இடங்களில்

உன்னைப் பற்றி பத்து பேராவது நினைக்கும்படி செய்துவிடுகிறேன்”

என்றாராம் ராமர்!!!

அதனால் தான் இராமயணம் நடக்கும் இடங்களில் குறைந்தது பத்து

பேராவது கும்பகர்ணனை நினைத்துத் தூங்கிக்கொண்டிருக்கிறார்கள்.

(புலவர் கீரனின் சொற்பொழிவிலிருந்து)

****

அற்பதங்களில் உங்களுக்கு நம்பிக்கை உண்டா?? என்று பிரபல

ஓவியர் பிக்காசோவைப் பார்த்து ஒருவர்கேட்டார்.

உண்டு, உண்டு, நான் இதுவரை சுமார் 5000 படங்களை வரைந்திருக்கிறேன். ஆனால நான்

வரைந்ததாக உலகில் சுமார் 10,000 படங்கள் உலவுகின்றனவே??? இது அற்புதம் இல்லையா ???

மருத்துவக்கல்லூரியில் பாடம் நடத்திக் கொண்டிருக்கும்போது

பேராசிரியர் ஒரு மாணவனிடம் கேட்டார்” இந்த மருந்தை நோயாளிக்கு எந்த அளவில் ஊசி

மூலம் செலுத்த வேண்டும்?

“இரண்டு ஸி ஸி “ என்றான் மாணவன்.

இரண்டு நிமிடம் கழித்து என்ன நினைத்துக் கொண்டானோ,

 அந்த மாணவன் “ஐ யாம் சாரி சார், ஒரு ஸி ஸி தான்” என்றான்.

பேராசிரியர் அமைதியாக சொன்னார், “டூ லேட், உன் பேஷன்ட்

இறந்து போய் ஒரு நிமிடம் ஆகி விட்டது………….”

****

வால் உண்டுவயிறில்லை,

வால் உண்டு , கால் இல்லை,

வாய் வழியே குடிப்பதெல்லாம்

வால் வழியே விட்டிடுவான்?

நான் யார்??

விடை : Funnel- புனல்

***

இந்தியாவில் மிகவும் “கவர்ச்சி” மிகுந்த கிராமம் எது?

குஜராத் மாநிலத்தில் உள்ள “ சாரதா” என்னும் கிராமம்!!!

எப்படியா? அதன் P I N கோடு 36 – 22 – 35 !!!

****

அரசியல் இப்போ ரொம்ப மோசமாகிவிட்டது……..

எப்படிச் சொல்கிறீர்கள்?

தேர்தலில் தோற்றுப் போவதற்குக் கூட நிறைய செலவு செய்ய

வேண்டியிருக்கிறது !!!

***

நமது இளைஞர் சமுதாயம் ஆடம்பரத்தை நாடுகிறது.

கட்டுப்பாடுகளை மீறுகிறதுபெரியவர்களை மதிப்பதில்லை.

இந்தக் குழந்தைகள் யதேச்சிகாரத்தை விரும்புகின்றன.

பெற்றோர்களை மதித்து நடப்பபதில்லை

சொன்னது – இரண்டாயிரத்து ஐநூறு ஆண்டுகளுக்கு முன்

வாழ்ந்த சாக்ரடீஸ் SOCRATES  !!!

–subham—

tags-கவர்ச்சி , கிராமம் 

சந்திரனில் ஒரு கிராமம்!(Post No 2812)

moon value

Written  BY S NAGARAJAN

Date: 15 May 2016

 

Post No. 2812

 

 

Time uploaded in London :–  6-25 AM

 

( Thanks for the Pictures)

 

DON’T REBLOG IT AT LEAST FOR A WEEK!  DON’T USE THE PICTURES; THEY ARE COPYRIGHTED BY SOMEONE.

 

(for old articles go to tamilandvedas.com OR swamiindology.blogspot.com)

 

 

அறிவியல் துளிகள் தொடரில் 13-5-16  இதழில் வெளியாகியுள்ள கட்டுரை

 

 

 

 

சந்திரனில் ஒரு கிராமம்!

ச.நாகராஜன்

 

 

“சந்திரனைக் குறி வையுங்கள். ஒருவேளை தவறி விட்டாலும் ஒரு நட்சத்திரத்தை அடையலாம்.”

டபிள்யூ க்ளிமெண்ட் ஸ்டோன்

 

 

உல்கெங்கும் சந்திரனில் ஒரு கிராமம் அமைக்க வேண்டும் என்ற திட்டத்திற்கு ஆதரவு பெருகி வருகிறது. 2016 ஏப்ரல்  மாத ஆரம்பத்தில் 32வது விண்வெளி கருத்தரங்கம் ஒன்று அமெரிக்காவில் நடைபெற்றது. இதில் எப்படி இந்த கிராம திட்டத்தை நிறைவேற்றுவது என்பதை ஆர்வலர்கள் தீவிரமாகப் பரிசீலித்தனர்.

 

 

நாஸாவோ செவ்வாய்ப் பயணத்தில் தீவிர ஈடுபாட்டைக் காண்பிப்பதால் சந்திரனில் கிராமம் அமைக்கும் திட்டத்திற்கு அவ்வளவாக ஆதர்வு காட்டவில்லை.

 

 

ஆனால் சந்திரனில் ஒரு தளத்தை முதலில் அமைத்து விட்டால் அங்கிருந்து செவ்வாய்க்குச் செல்லும் பயணம் சுலபமாகும் என்று அங்கு குழுமியிருந்த விஞ்ஞானிகள் உள்ளிட்ட அனைவரும் ஒரு கருத்தை முன் வைத்தனர்.இரண்டாயிரத்து இருபதுகளில் இது முடிந்து விட்டால் இரண்டாயிரத்து முப்பதுகளில் செவ்வாய்ப் பயணம் உருவாகி விடும் என்பது அவர்களின் கணிப்பு.

இதற்கிடையில் இப்போது வெளியாகி உலகில் பரபரப்பூட்டை ஊட்டும் ஒரு புத்தகமாக பால் ஸ்புடிஸ் என்ப்வர் எழுதிய ‘தி வால்யூ ஆஃப்  தி மூன்’ என்ற புத்தகம் அமைகிறது.

 

 

ஸ்புடிஸ் சந்திரனைப் பற்றிய ஒரு ஸ்பெஷலிஸ்ட். முதலில் சந்திரனில் மனித குலம் குடியேற வேண்டும் என்பதில் முனைப்பாக இருக்கும் விஞ்ஞானி.

ரொபாட்டுகளையும் மனிதர்களையும் சந்திரனுக்கு அனுப்பி அங்கிருக்கும் நீர் உள்ளிட்ட அனைத்து ஆதார வளங்களையும் பயன்படுத்தி அற்புதமான ஒரு குடியிருப்பை அமைத்து விடலாம் என்பது அவரது ஆலோசனை.

 

 

இந்தியாவின் சந்திராயன் – 1 திட்டத்தை அவர் வெகுவாக ஆதரிக்கிறார்.

 

நாஸாவின் செவ்வாய் மோகத்தில் அவருக்கு சந்தேகம்! சமீப காலத்தில் நிச்சயமாக செவ்வாய்க்குச் செல்ல  முடியாது; அப்படியே போனாலும் அது மனிதனின் கால் பதிக்கும் பயணமாகவே அமையும். ஆனால் சந்திரன் அருகில்  இருக்கும் கிரகம். அதில் காலனி ஏற்படுத்துவது என்பது சுலபம் என்கிறார் அவர்.

 

 

சந்திரனில் நீர் இருப்பது உறுதியாகி விட்ட நிலையில் அந்தப் பனிக்கட்டி நீரைப் பயன்படுத்துவதோடு சந்திரனில் எப்போதுமே வெளிச்சமாக இருக்கும் பகுதியைப் பயன்படுத்தினால் சூரிய ஒளி பிரதேசத்தில் சரியான தளம் ஒன்றை அமைக்க முடியும். அங்கிருந்து மனிதர்களின் சந்திரனுக்கும் பூமிக்குமான பயணம் சுலபமாகும், சாடலைட்டுகளை சர்வீஸ் செயவதும் சுலபம். இது இன்னும் தொலைதூரப் பயணங்களுக்கு வழி வகுத்து அப்பயணங்களை எளிதாக்கும் என்று விவரமாக அவர் விளக்குகிறார்.

 

 

இந்த திட்டத்திற்கு 2011இல் உத்தேசிக்கப்பட்ட செலவு சுமார் 88 பில்லியன் டாலராகும் (ஒரு பில்லியன் என்பது நூறு கோடி).

இப்போது கொஞ்சம் கூட செலவாகும்.

ஆனால் சந்திர தளத்தை அமைத்து விட்டால் டெலி ஆபரேடட் ரொபாட்டுகள் அனைத்து வேலைகளையும் அங்கு செய்து மனிதர்கள் வாழத் தக்க ஒரு கிராமத்தை உருவாக்கி விடும். சந்திரனில் தளம் அமைக்க வேண்டிய அவசியம் என்ன?

ஏராளமான காரணங்கள் உள்ளன.

 

முதலில் தளம் அமைக்கும் தேசத்தின் கௌரவம் உயரும். அறிவியல் புதிய பரிமாணத்தை எட்டும். வணிகம் உயரும். சந்திர பயணங்கள் ஏற்பட்டு கிரகங்களுக்கு இடையேயான பயணம் ஆரம்பிக்கும்.

 

 

 

1972இலிருந்து ஒருவரும் சந்திரனுக்குச் செல்லவில்லை. இரண்டாயிர்த்து இருபதுகளிலிருந்து இந்த நிலை மாறும். இப்படி ஒரு சந்திர கிராமம் அமைய வேண்டுமெனில் மேலும் பல கருத்தரங்கங்கள் தேவை. இதை ஜாம் செஷன் என்று அழைக்கின்றனர்.

 

ஆனால் இப்படிப்பட்ட தளம் அமைக்கப்பட வேண்டும் என்று இந்தியா உள்ளிட்ட ப்ல நாடுகளும் விரும்புகின்றன. அனைத்து நாடுகளும் இந்த திட்டத்தில் இணைந்தால் திட்டம் வெற்றி பெறும்.

 

 

யூரோப்பிய ஸ்பேஸ் ஏஜன்ஸியின் டைரக்டராக 2015இல் பொறுப்பெற்றவுடன் ஜோஹன் டயட்ரிச் வோர்னர்  இதை வலியுறுத்தினார்.

 

சந்திர கான்க்ரீட்டைக் கொண்டு பாறைகள் உள்ள பகுதியில் விண்வெளி வீரர்களுக்கு ஒரு கிராமம் அமைக்கலாம். கிராமம் என்றால் ஒரு சர்ச், ஒரு டவுன் ஹால், வீடுகள் என்று அர்த்தமில்லை. ரொபாட்டுகள்  மற்றும் மனிதர்களின் செய்ல்பாட்டிற்கு உதவும் ஒரு தளம், அவ்வளவு தான்,

 

ஆனால் இதிலும் அபாயங்கள் இல்லாமல் இல்லை. சந்திரனின் உஷ்ணநிலை மாறுபாடு அபாரமாக இருக்கும். சூரிய கதிரியக்கம் வேறு அதிகம். அத்துடன் விண்கற்கள் மோதாமல் இருக்க வேண்டும். இதையெல்லாம் மீறி நாம் நினைத்ததைச் சாதிக்க வேண்டும் என்றார் அவர்.

 

 

விண்வெளி வீரர்கள் சிறிது சிறிதாக அங்கு வாழும் நிலையை உருவாக்கிக் கொண்டே தான் இருக்கின்றனர். ஓடுபாதையில் விண்கலத்திலேயே உருவாக்கப்பட்ட உணவுவகைகளை அவர்கள் சாப்பிடுவது உள்ளிட்ட பல முயற்சிகள் வெற்றி பெற்றுள்ளன.

 

விண்வெளி கருத்தரங்கமும் சந்திர தளம் அமைப்பதற்கு ஆதரவாக வெளியாகியுள்ள புதிய புத்தகமும் நல்ல முயற்சிக்கான ஆரம்பம் என்று சந்திரப் பிரியர்கள் கருதுகின்றனர்.

 

einstein

 

அறிவியல் அறிஞர்கள் வாழ்வில .. ..

 

பிரபல விஞ்ஞானி ஐன்ஸ்டீன் ஒரு சிறந்த விஞ்ஞானி மட்டுமல்ல, மனிதாபிமானம் மிக்க சிறந்த ஒரு மனிதரும் கூட என்று அவரது வாழ்க்கைச் சமபவங்கள் பல நிரூபித்துள்ளன. அவற்றில் முக்கியமான ஒன்று இது:

 

1903ஆம் ஆண்டு நோபல் பரிசைப் பெற்ற முதல் பெண்மணி என்ற புகழைப் பெற்றார் மேரி க்யூரி. (தோற்றம் 7-11-1867 மறைவு 4-7-1934). அவரது கணவரான பியரியுடன் இணைந்து இப்பரிசு அவருக்கு அளிக்கப்பட்டது.

1906ஆம் ஆண்டு ஏப்ரல் மாதம் 10ஆம் தேதி நிகழ்ந்த ஒரு விபத்தில் அவர் கணவர் அகால மரணம் அடைய அவர் விதவையானார். பெரும் துக்கம் அவரை ஆட்கொண்டது.

 

 

காலப்போக்கில் ஆறுதல் அடைந்த அவர்  மனம், பால் லாங்வின் (Paul Langevin) என்ற  இயற்பியல் பேராசிரியரின் மீது நாட்டம் கொண்டது. பால் தன் மனைவியிடமிருந்து ஒதுங்கித் தனித்து வாழ்ந்து வந்தார். ஏனெனில் அடிதடிக்குத் தயங்காதவர் அவர் மனைவி.

 

இருவரின் காதலும் வளர்ந்ததைப் பார்க்கச் சகிக்காத பாலின் மனைவி  அவரது வீட்டின் கதவை உடைத்து காதல் கடிதங்களைக் கைப்பற்ற ஒரு ஆள் மூலமாக ஏற்பாடு செய்தார். அந்தக் கடிதங்களை பத்திரிகைகளுக்கு வேறு அனுப்ப ஏற்பாடு செய்தார். அவ்வளவு தான், பத்திரிகைகள் மேரி க்யூரியைக் கண்டபடி சித்தரிக்க ஆரம்பித்தன.

 

 

 

இதனால் மிகவும் மன வருத்தமுற்றார் அவர். இதற்கிடையே ப்ரஸ்ஸல்ஸ் நகரில் நடந்த பிரம்மாண்டமான அறிவியல் மாநாட்டில் கலந்து கொண்ட அவர் அங்கே ஐன்ஸ்டீனைச் சந்தித்தார். மாநாட்டிலிருந்து திரும்பி பாரிஸுக்கு வந்த அவர் தன் வீட்டின் முன்னால் திரண்டிருந்த கோபம் கொண்ட கும்ப்லைக் கண்டு திடுக்கிட்டார். வீட்டை விட்டு தனது மகள்களுடன் வெளியேறிய அவர் தன் நண்பர் ஒருவர் வீட்டில் தஞ்சம் புக நேர்ந்தது.

 

இதைக் கேட்ட ஐன்ஸ்டீன் மிகுந்த வருத்தம் அடைந்தார். மேரி க்யூரியை அபூர்வமான அறிவு கொண்ட பிழையில்லாத நேர்மையான பெண்மணி என்று அவர் கணித்து வைத்திருந்தார். ஆனால் பத்திரிகைகளும் மஞ்சள் பத்திரிகைகளும் பல்வேறு விதமாக அவரைச் சித்தரித்து அவருக்கு களங்கத்தை உண்டாக்கின. குறிப்பாக அவரது அறிவியல் சாதனையை மட்டம் தட்ட வேண்டும் என்பதே அவற்றின் குறிக்கோளாக இருந்தது.

 

 

ஆறுதல் கடிதங்கள் எழுதுவதில் புகழ் பெற்ற ஐன்ஸ்டீன் அற்புதமான ஒரு கடிதத்தை மேரி க்யூரிக்கு எழுதி அதில் தனது உறுதியான ஆதரவை அவருக்குத் தெரிவித்தார். களங்கமே இல்லாத நபர் என்று மேரியை ஐன்ஸ்டீன் புகழ்ந்தார்.

 

“இந்தக் கடிதத்தை எழுதுவதைப் பார்த்துச் சிரிக்க வேண்டாம், ஆனால் நடப்பதைப் பார்த்து நான் மிகவும் கோபமடைகிறேன், உங்களின் அறிவையும் உங்கள் ஆற்றலையும் நேர்மையையும் பார்த்து நான் வியக்கிறேன். ப்ரஸ்ஸல்ஸ் நகரில் உங்களைச் சந்தித்ததில் பெருமைப் படுகிறேன். கண்டதை எல்லாம் படித்து குழப்பம் அடையவேண்டாம். உங்களுக்கும் லாங்வினுக்கும் என் மரியாதையைத் தெரிவித்துக் கொள்கிறேன்” என்று நீண்ட கடிதம் ஒன்றை ஐன்ஸ்டீன் எழுதினார்.

 

இதைப் பார்த்த மேரி பெரும் ஆறுதலை அடைந்தார். தொடர்ந்து பணியாற்றினார். அவருக்கு இரண்டாவது முறையாக நோபல் பரிசு அளிக்கப்பட்டது.

இந்த கடிதத்தை ‘ஐன்ஸ்டீன்: ஹிஸ் லைஃப் அண்ட் யுனிவர்ஸ்’ என்ற சமீபத்திய புத்தகத்தில்  வால்டர் ஐஸக்ஸன் என்பவர் வெளியிட்டுள்ளார்.

**********