உங்களுக்கு குளூட்டன் ஒவ்வாமையா? இதோ நிவாரணம்! (Post.9605)

WRITTEN BY S NAGARAJAN

Post No. 9605

Date uploaded in London – –  –15 May   2021     

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

ஹெல்த்கேர் மே 2021 இதழில் வெளியாகியுள்ள கட்டுரை!

உங்களுக்கு குளூட்டன் ஒவ்வாமையா? இதோ நிவாரணம்!

ச.நாகராஜன்

ஹலோ, என்ன எல்லோருக்கும் குளூட்டன் ஒவ்வாமை வந்து விட்டதா? யாரைப் பார்த்தாலும் இதைப் பற்றியே பேசுகிறார்களே!

சிலியாக் வியாதி – Celiac disease – எனப்படும் குளூட்டன் ஒவ்வாமை என்பது ஒரு தன் எதிர்ப்பு நோய் (Immune disease)ஆகும். இதில், குளூட்டனை எடுத்துக் கொள்வதால் சிறுகுடல் பாதிப்பு ஏற்படுகிறது. சுருக்கமாகச் சொல்லப் போனால் குளூட்டன் உணவை ஒருவர் எடுத்துக் கொள்ளும் போது குடலை பாதிக்கும் தன் எதிர்ப்பு நோய் தூண்டி விடப்படுகிறது. இதனால் உடலில் முக்கியமான உணவுச் சத்துக்கள் உட்கிரகிப்பது தடுக்கப்படுகிறது.

எப்படி நமக்கு குளூட்டன் ஒவ்வாமை இருக்கிறதா என்பதைக் கண்டுபிடிப்பது?

இதோ முக்கிய அறிகுறிகள் – குளூட்டன் ஒவ்வாமை இருக்கிறதா என்பதைக் கண்டுபிடிக்க!

  1. வயிற்று உப்புசம் – சாப்பிட்ட பின்னர் உங்கள் வயிறு வீங்கி இருப்பது போலவோ அல்லது வாயு நிரம்பி இருப்பது போலவோ உணர்தல்
  2.  டயரியா, மலச்சிக்கல் அல்லது துர் நாற்றமுடைய மலம்
  3. அடிவயிற்றில் வலி
  4. தலைவலி
  5. மிகுந்த களைப்பாக இருப்பதாக உணர்வது
  6. தோல் சம்பந்தமான பிரச்சினைகள்
  7. எதனால் என்று தெரியாத உடல் எடை இழப்பு

குளூட்டன் பற்றிய அறிகுறிகள்

Brain fog – இது தான் குளூட்டன் ஒவ்வாமைக்கான பொதுவான அறிகுறி. இது உள்ள குழந்தைகள் அடிக்கடி மிகவும் களைப்பாக இருப்பர் அல்லது அப்போது தான் படுக்கையிலிருந்து எழுந்திருப்பது போல உணர்வர்.

தலைவலி அல்லது மைக்ரேன்

கிறுகிறுப்பு, முகப் பருக்கள் அல்லது உடலில் அரிப்பு ஏற்பட்டு சொறிதல்

டயரியா, வாயுப் பொருமல், மலச்சிக்கல்

பெருத்த வயிறு அல்லது வயிற்று உப்புசம்

யாராவது உண்மையிலேயே குளூட்டன் ஒவ்வாமை கொண்டிருக்கிறார்களா?

உண்மையில் குளூட்டன் ஒவ்வாமை என்று ஒன்று இல்லை ஆனால் சிலியாக் வியாதி என்று ஒன்று இருக்கிறது. சிலியாக் வியாதி என்பது ஜீரண சம்பந்தமானது. அது மிகவும் சீரியஸான ஒன்று தான் – கவனிக்காமல் இருந்தாலோ அல்லது சிகிச்சை எடுக்கப்படாமல் விட்டு விட்டாலோ!

வாழ்க்கையின் பின்பகுதியில் நீங்கள் குளூட்டன் ஒவ்வாமைக்கு உட்பட முடியுமா?

மரபணுவின் அடிப்படையில் திடீரென்று குளூட்டன் ஒவ்வாமைக்கு நீங்கள் உள்ளாகலாம். சில பேருக்கு வாழ்க்கையின் முற்பகுதியில் இந்த நோயின் அறிகுறிகள் தோன்றும் போது சிலருக்கோ அவர்கள் வயதாகும் வரை இந்த நோயின் அறிகுறிகளே ஏற்படுவதில்லை.

இதை எப்படி சோதனையின் மூலம் அறிவது?

ஒரு சின்ன ரத்த சோதனை போதும் சிலியாக் வியாதி இருக்கிறதா இல்லையா என்று கண்டு பிடிக்க. குளூட்டனை உண்ணும் போது சிலியாக் வியாதி உள்ளவர்கள் ஆன்டி பாடிஸ் (Anti Bodies) எனப்படும் உடல் எதிர் பொருளை சாதாரண அளவை விட அதிகமாகக் கொண்டிருப்பர். இந்த ஆன்டி பாடிஸ் உடலில் இம்யூன் அமைப்பால் உற்பத்தி செய்யப்படுகின்றன. ஏனெனில் கோதுமை பார்லி போன்றவற்றில் உள்ள புரோட்டின்களை உடலுக்குத் தீங்கு தரும் அச்சுறுத்தலாக இம்யூன் அமைப்பு பார்ப்பதால் இப்படி உற்பத்தியாகின்றன

#

எனக்கு குளூட்டன் ஒவ்வாமை உண்டா இல்லையா என்பதை எப்படி அறிவது?

இதற்கான பொதுவான அறிகுறி : மலச்சிக்கல் அல்லது டயரியா. அதிகமான வயிற்று உப்புசம். தலைவலி.

இதிலிருந்து எப்படி என் உடலை விடுபடச் செய்வது?

சில எளிய உணவுத் திட்டக் குறிப்புகள் கீழே தரப்படுகின்றன. இவற்றின் மூலம் விடுபடலாம

குளூட்டன் இல்லாத தானிய வகைகளைத் தேர்ந்தெடுங்கள்.

கோதுமை, ஓட்ஸ், பார்லி, ரை எனப்படும் புல்லரிசி இவை குளூட்டன் நிறைந்தவை. இவற்றைத் தவிர்க்கலாம்.

குளூட்டன் இல்லை என்ற சான்றிதழ் பாக்கிங் அட்டையில் இருக்கிறதா என்பதைப் பார்த்து வாங்குங்கள். உங்கள் உக்கிராண (சாமான்கள் வைத்திருக்கும்) அறையை குளூட்டன் இல்லாதபடி சுத்தப்படுத்துங்கள். குளூட்டன் உள்ள பானங்களைத் தவிருங்கள். எங்குமே வீட்டில் தயாரிக்கப்பட்டஉங்களுடைய சொந்த உணவைக் கொண்டு செல்லுங்கள். பருப்பு வ்கைகளை அதிகம் சாப்பிடுங்கள். கோதுமையின் பல்வேறு பெயர்களை அறிந்து கொள்ளுங்கள். குளூட்டன் கோதுமையைத் தவிருங்கள்!

குளூட்டன் இல்லா உணவுத் திட்டத்தை ஏற்றுக் கடைப்பிடித்தால் மூன்று மாதங்களில் அறவே இது நீங்கி விடும். பழைய ஆரோக்கிய நிலையை முற்றிலுமாக அடைய ஆறு மாதங்கள் ஆகும். அப்போது குடல் தனது சீரான நல்ல நிலையை அடையும்.

முதல் சில வாரங்கள் அதிகப் பசி இருப்பது போல உணர்வு ஏற்படும். எப்போதும் சாப்பிடத் தோன்றும். இது உங்கள் உடல் உணவை உட்கிரகிக்க முடியாததால் ஏற்படும் நிலை தான். பின்னர் படிப்படியாக இந்த உணர்வு சரியாகி விடும்.

இதற்கான மாத்திரை ஏதேனும் உண்டா?

இதற்கென CVS Health GlutenAid தயாரிக்கப்படுகிறது. உங்கள் டாக்டரை அணுகி ஆலோசித்து தக்க மாத்திரையை உட்கொள்ளலாம். கோதுமை உள்ளிட்ட சில தானிய வகைகளைச் சாப்பிட்டவுடன் குளூடன் இன்டாலரன்ஸ் (Gluten intolerance) ஏற்பட்டால் தக்க மருத்துவ ஆலோசனை பெறலாம். குளூடன் என்பது பார்லி, ரை, கோதுமை உள்ளிட்டவற்றில் காணப்படும் புரதச் சத்து ஆகும்.

இந்த குளூட்ட்ன் ஒவ்வாமை தீரக் கூடிய ஒன்று தானா?

சில வருடங்களுக்கு முன் வரை மருத்துவர்கள் இந்த சிலியாக் வியாதி குழந்தைகளுக்கு மட்டுமே வரும் ஒன்று, வளரும் போது சரியாகி விடும் என்று நினைத்தனர். ஆனால் இப்போதோ இது வயதானவர்களுக்குக் கூட வரும் ஒன்று என்பதை அறிந்து கொண்டுள்ளனர். குளூட்டன் இல்லா உணவே இதற்கு சரியான தீர்வு என்று கூறுகின்றனர்.

இதை அலட்சியப் படுத்தி விட்டு விட்டால் ஜீரண சம்பந்தமான கான்ஸர் வியாதி ஏற்படக்கூடும். லிம்போமா (Lymphoma) எனப்படும் மிக அரிதாக வரும் ஒரு சிறுகுடல் கான்ஸர் வியாதி வரக்கூடும்.

ஆகவே சிலியாக் வியாதியை அலட்சியமாக ஜீரண கோளாறு என்று விட்டு விடக் கூடாது. மருத்துவரின் ஆலோசனையை உடனடியாகப் பெறுதல் அவசியம்!

***

tags- குளூட்டன்,  ஒவ்வாமை, gluten free