சாக்ரடீஸுக்கு வேதம் கூட தெரியும்! (Post.10,387)

WRITTEN BY LONDON SWAMINATHAN

Post No. 10,387

Date uploaded in London – –   28 NOVEMBER  2021         

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

கிரேக்க தத்துவ ஞானி சாக்ரடீஸுக்கு(Socrates)  இந்து மத உபநிஷத்துக்கள் அத்துப்படி என்று பல ஆங்கில நூல்கள் வந்துவிட்டன. சாக்ரடீஸ் நேரடியாக நமக்கு எதையும் எழுதி வைக்க வில்லையாயினும் அவருடைய பிரதம சீடன் பிளாட்டோ(Plato) எழுதிய விஷயங்கள் மூலமாக நாம் முழு சித்திரத்தைப் பெறுகிறோம்.

சுமார் 2400 ஆண்டுகளுக்கு முன்னர் வாழ்ந்த கிரேக்க அறிஞர் அவருக்கு முந்தைய பித்தகோரஸ் (Pythagoras) முதலியோர் மூலம் இந்து மத நூல்களை அறிந்ததை நாம் ஊகிக்க முடிகிறது. பித்தகோரஸ் தியரம் (Pythagoras Theorem தேற்றம்) என்பது இந்துக்கள் முன்னரே வேத காலத்தில் சொன்னது என்பதை இப்பொழுது உலக அறிஞர்கள் ஒப்புக்கொள்ளுகின்றனர்.(கணித வரலாறு பற்றிய நூல்களைக் காண்க)

ஆக, பித்தகோரஸ், அவருக்குப் பின்னர் சாக்ரடீஸ், அவரது சிஷ்யன் பிளாட்டோ, அவரது சிஷ்யன் அரிஸ்டாட்டில் (Aristotle) , அவரது சிஷ்யன் மாமன்னன் (Alexander)அலக்ஸ்சாண்டர் என்று வரிசையாக இந்து மத ஆதரவாளர்களைக் காணமுடிகிறது. கிரேக்க அறிஞர்களே இவர்களுடைய இந்து மத தொடர்பு, சைவ உணவு ஆதரவு பற்றி எழுதிவிட்டனர்.

நான் செய்த ஆராய்ச்சியில் வள்ளுவருக்கு சாக்ரடீஸ் தெரியும் என்று கண்டுபிடித்தேன். 1990-களில்  லண்டனிலிருந்து டாக்டர் இந்திரகுமார் வெளியிட்ட மேகம் பத்திரிகையில் எழுதிய கட்டுரையில் இதை எழுதி அது 2015ல் விநாயகா பதிப்பக புஸ்தத்த்திலும்  வந்துவிட்டது. (காண்க – தமிழ் இலக்கியத்தில் அதிசயச் செய்திகள்)

குறள் 580-ல் நண்பர்களே விஷம் கொடுத்தாலும் அதை நண்பர்கள் மனம் வருந்தாமல் இருக்க குடிப்பது நாகரீகம் என்று வள்ளுவர் பாடுவது சிவபெருமானை அல்ல; சாக்ரடீஸையே என்று நான் எழுதியுள்ளேன்.

சாக்ரடீஸ் போதித்த ‘உன்னையே நீ அறிவாய்’ (Know thyself) என்ற ஆத்ம விசாரம், உபநிஷத் வாக்கியம் என்பதை உலகமே அறியும். மேலும் சாவதற்கு சில நிமிடங்களுக்கு முன்னர், நண்பன் கிரிட்டோ(Creto) வை அழைத்து “ஏய் , ஆத்தாளுக்கு கோழியை பலி கொடுக்க மறந்துவிடாதே ; நான் ஆத்தாளுக்கு நேர்த்திக் கடன் செய்ய வேண்டியுள்ளேன்” என்று சொன்னதும் அவர் ஒரு பக்கா ஹிந்து என்பதைக் காட்டுகிறது.

இப்பொழுது அதர்வண வேதத்தைப் படித்துக் கொண்டு இருக்கிறேன். அதில் சூரியனுக்கும் கண்ணுக்கும் உள்ள தொடர்பு பற்றிய பாடலில் வெள்ளைக்காரன் Ralph T H Griffith கிரிப்பித் கூட சாக்ரடீசும் இதைச் சொல்லியுள்ளார் என்று அடிக்குறிப்பில் சொல்கிறார்.

இதோ அதர்வண வேத மந்திரமும்  Griffith கிரிப்பித் விமர்சனமும்

காண்டம் 5; துதி 9 (சூக்தம் எண் 151)

மந்திரம் 7

“சூரியன் என் கண் ; காற்று என் பிராணன்; வானம் என் ஆத்மா; பூமி என் உடம்பு; எனக்கு வெல்லப்படாதவன் என்ற பெயர் உண்டு ; அப்படிப்பட்ட நான் என் ஆத்மாவை பாதுகாப்பதற்காக பூமிக்கும் வானத்துக்கும் அளிக்கிறேன்”.

நம்முடைய ஆராய்ச்சிக்கு தேவையான வரி “சூரியன் என் கண்”; இது பல இடங்களில் வேதங்களில் வருகிறது ; ரிக் வேத மந்திரங்களில் மிகவும் பிரசித்தமானது புருஷ சூக்தம் (10-90) இதை கோவிலில் அபிஷேக காலத்தில் சொல்லுவதால் எல்லோருக்கும் தெரிந்த மந்திரம். அதில் கடவுளின் கண்களில் இருந்து சூரியன்  பிறந்ததாக வருகிறது. மேலும் இறுதிச் சடங்கு மந்திரம் (10-16-3) ஒன்றிலும் கண்களை சூரியன் எடுத்துக்கொள்ளட்டும் என்றும் வருகிறது . இது தவிர ஏனைய வேதங்களில் ‘’சூரியன்- கண்’ தொடர்பு  காணக்கிடக்கிறது

கிரிப்பித் Griffith Footnote அடிக்குறிப்பு

சாக்ரடீஸ் கூறுகிறார்:எல்லா புலன்களுக்கும் கண்களையே நான் சூரிய ன் போல ஒளி உள்ளதாகக் கருதுவேன் :

இது அக்காலத்திலேயே பிளாட்டோ எழுதிய Republic  ரிபப்ளிக் என்ற நூலில் உளது

அக்காலத்திலேயே,  வேதங்கள் பல இடங்களில் கூறும் விஷயத்தை சாக்ரடீசும் குறிப்பிடுவது அவருக்கு இந்துமத கருத்துக்களைப் பரப்புவதில் இருந்த ஆர்வத்தைக் காட்டுகிறது.

My Old Articles:-



சாக்ரடீஸுடன் 60 வினாடி பேட்டி | Tamil and Vedas

https://tamilandvedas.com › சாக்…

12 Feb 2012 — சாக்ரடீஸ், நீரோ தத்துவ ஞானி, உமது மனைவியோ அடங்காப் பிடாரி. ஒரு முறை நீர் …

DID SOCRATES KNOW VEDAS? HIS ‘SUN AND EYE …

https://tamilandvedas.com › 2021/11/27 › did-Socrates-…

1 day ago — 13 Jun 2021 — tamilandvedas.com, swamiindology.blogspot.com. Tiru Valluvar , author of Tamil Veda Tirukkural, says that man becomes god in two …



Strange Link between Lord Shiva, Socrates and Thiruvalluvar

https://tamilandvedas.com › strange-l…

·

18 Sept 2011 — Lord Shiva is one of the Hindu Trinity, a great god worshipped by millions of Hindus. Socrates was a great Greek philosopher who lived …

Missing: valuvar ‎| Must include: valuvar



Socrates’ Meeting with a Hindu Saint | Tamil and Vedas

https://tamilandvedas.com › 2014/02/22 › socrates-meet…

22 Feb 2014 — Socrates (499- 399 BC) Greek Philosopher Plato (427-347 BC) Philosopher … Drinking poison: Shiva Socrates and Valluvar, Know thyself in …

–subham–

tags- சாக்ரடீஸ், சிவபெருமான், வேதம், வள்ளுவர், கண், சூரியன்,Scrates

சிங்கப்பூரில் சிவபெருமான்! வியட்நாமில் முருகன்!! (Post No.7112)

Shiva in Singapore Museum
Shiva in Berlin Museum

WRITTEN BY London Swminathan
swami_48@yahoo.com

Date: 19 OCTOBER 2019
British Summer Time uploaded in London – 8-50 am
Post No. 7112

Pictures are taken from various sources; beware of copyright rules; don’t use them without permission; this is a non- commercial, educational blog; posted in swamiindology.blogspot.com and tamilandvedas.com simultaneously. Average hits per day for both the blogs 12,000.

broken Murug/ SKANDA
MURUGA/ SKANDA WITH HEAD IN 1903
DANANAG MUSEUM IN VIETNAM

அறிவியல் மாநாட்டில் சிவபெருமான்! (Post No.2765)

வீர சிவன்

Written  BY S NAGARAJAN

Date: 29 April 2016

 

Post No. 2765

 

 

Time uploaded in London :–  6-12 AM

 

( Thanks for the Pictures)

 

DON’T REBLOG IT AT LEAST FOR A WEEK!  DON’T USE THE PICTURES; THEY ARE COPYRIGHTED BY SOMEONE.

 

(for old articles go to tamilandvedas.com OR swamiindology.blogspot.com)

 

 

பாக்யா  29-4-2016 தேதியிட்ட இதழில் அறிவியல் துளிகள் தொடரில் வெளியான கட்டுரை

 

 

 

103வது இந்திய அறிவியல் மாநாட்டில் சிவபெருமான்!

ச.நாகராஜன்

 

 

“விஞ்ஞானிகளே! பிரதிநிதிகளே. இந்தியாவின் எதிர்காலம் பற்றிய எங்களது நம்பிக்கை நாங்கள் உங்களிடம் வைத்திருக்கும் நம்பிக்கையிலிருந்தே வருகிறது –பிரதமர் நரேந்திர மோடி அறிவியல் மாநாட்டைத் துவக்கி வைத்துப் பேசும் போது கூறியது

 

கோலாகலமாக 103வது  இந்திய ஸயின்ஸ் காங்கிரஸ் (இந்திய அறிவியல் மாநாடு) மைசூரில் 2016 ஜனவரி மூன்றாம் தேதி துவங்கி 7ஆம் தேதி முடிய நடந்தது.

 

வழக்கம் போல இந்திய விஞ்ஞானிகள் மகிழ்ச்சியுடன் இதில் பங்கேற்க வந்தனர்.

 

ஆனால் இதில் சர்ச்சை எப்போது துவங்கியது என்றால் பேச அழைக்கப்பட்டவர்களுள் ஒருவரான அகிலேஷ் கே.பாண்டே  சிவ பெருமானை ஒரு பெரும் சுற்றுப்புறச்சூழலாளராக அவைக்கு முன் வைத்த போது தான்! (ஒரு சிறிய விபத்து நேர்ந்ததால் இவர் தன் உரையைப் படிக்கவில்லை. சுற்றுக்கு இவரது உரை வந்தது)

இதைத் தொடர்ந்து ஐஏஎஸ் அதிகாரி ஒருவர் இரு நிமிடங்கள் இடைவிடாது சங்கொலியை முழக்கி அவையைத் திகைப்படையச் செய்தார். இந்த ஒலி சங்கின் அற்புதமான ஒலி இது மனித குலத்தை இன்று பிடித்திருக்கும் பீடைகளை அகற்றும் என்றார் அவர்!

 

 

சில விஞ்ஞானிகள் திகைத்தனர். 2009ஆம் ஆண்டு நோபல் பரிசு பெற்ற விஞ்ஞானி வெங்கட் ராமகிருஷ்ணனோ நொந்து போனார்.இது அறிவியல் மாநாடு இல்லை, இது ஒரு சர்கஸ் என்று விமரிசனமே செய்து விட்டார்.

 

 

சிவபிரானின் பக்தர்களுக்கே இது பிடிக்கவில்லை. ஏனெனில் தென்னாடுடைய சிவன் எந்நாட்டவர்க்கும் இறைவன், கோடானுகோடி அண்டங்களைக் காக்கும் அவனுக்கு சாதாரண சுற்றுப்புறச  சூழலாளர் அந்தஸ்தைத் தந்து அவரைக் கீழே இறக்கலாமா என்பது அவர்கள் வாதம்!

 

அண்ட பிரபஞ்சத்தின் அணுத்துகள் நடனத்தை அறிய வேண்டுமானால் சிதம்பரம் நடராஜரின் பிரபஞ்ச நடனத்தைப் பாருங்கள் என்று பிரிட்ஜாப் காப்ரா உள்ளிட்ட விஞ்ஞானிகள் பெருமிதத்தோடு பேசும் போது அவரைச் சுற்றுப்புறச்சூழலின் காவலராகச் சித்தரிப்பது அவசியமா?

 

 

வெங்கட் ராமகிருஷ்ணன் இந்திய விண்வெளி ஆய்வு நிறுவனமான ஐஎஸ் ஆர் ஓவில் சோதனை ராக்கட்டுகள் விண்ணில் ஏவப்படும் போதெல்லாம் பூஜைகள் போடப்படுகின்றன. நான் மட்டும் அதன் தலைவராக இருந்தால் அந்த சோதனைகளிலிருந்து விலகியே இருப்பேன்” என்றார்.

 

 

 

ஆனால் ஐ எஸ் ஆர் ஓவின் தலைவராக 2003இலிருந்து 2009 முடிய இருந்த  பத்ம விபூஷன் பட்டம் பெற்ற மதிப்பிற்குரிய விஞ்ஞானி ஜி மாதவன் நாயரோ வேதங்கள் பற்றிய மாநாடு ஒன்றில் பேசுகையில்  வேதங்களில் உள்ள ஸ்லோகங்கள் இன்றும் பொருந்துகின்றன. சந்திரனில் நீர் இருக்கிறது என்று வேதங்கள் கூறுகின்றன. சந்த்ராயன் திட்டத்திலேயே ஆர்யபட்டரின் சமன்பாடுகள் பயன்படுத்தப்பட்டன” என்று பெருமிதத்துடன் கூறியிருக்கிறார்.

 

 

வேதங்களில் உள்ள பிரம்மாண்டமான விஷயங்கள் சூத்திர வடிவில் உள்ளன.அதனால் தான் அதை நவீன விஞ்ஞானிகள் ஏற்றுக் கொள்வதில் சிரமப்படுகிறார்கள்” என்று அவர் மேலும் கூறினார்.

 

 

 

கிறிஸ்துவுக்கு முன் அறுநூறு ஆண்டுகள் வரை விஞ்ஞானத்தில் செழித்திருந்த நாம், பல்வேறு படைஎடுப்புகள் மற்றும் ஆதிக்கத்தின் காரணமாக்ச் செயலிழந்திருந்தோம் இப்போது பழையபடி வளர்ச்சி அடையத் துவங்கி விட்டோம். அணு விஞ்ஞானத்தை நாம் அமைதிக்குப் பயன்படுத்துகிறோம்” என்றார் அவர்.

 

 

ஒரு வழியாக மாநாட்டில் விஞ்ஞானிகள் சமாதானம் அடைய வெங்கட் ராமகிருஷ்ணனின் அற்புதமான பேச்சு உதவியது.

அவர் ஆயுர்வேதத்தில் உள்ள உண்மைகளை விளக்கி வெகுவாக அதைப் புகழ்ந்தார்.

 

 

ஆயுர்வேதம் ஒவ்வொரு மனிதனுக்கும் உகந்த மருத்துவ முறையைத் தருகிறது. மரபணுவைப் பற்றிய வரைபடத்தை நாம் பூர்த்தி செய்து விட்டால் ஒவ்வொருவருக்குரிய தனிப்பட்டதான மருத்துவ முறையை நாம் கையாள முடியும் என்றார் அவர்.

IMG_4972

சங்கு ஒலி மூலம் தைராய்ட் நோய்ச் சிகிச்சை!

 

சங்கொலியின் மகத்துவத்தைப் பற்றிக் கூறிய ஐ ஏ எஸ் அதிகாரி ராஜீவ் சர்மா தனது கூற்றில் விஞ்ஞானம் அல்லாத எதுவும் கூறப்படவில்லை என்றும்  உடல் ரீதியிலும் உள்ள ரீதியிலும் ஏற்பட்டுள்ள பல வியாதிகளை சங்கின் ஒலி நீக்கும். இதை இரண்டரை ஆண்டு காலம் நான் பரிசோதித்துப் பார்த்துள்ளேன்.

 

 

சுமார் 40 பேருக்கு இந்த சங்கொலி சிகிச்சையைத் தந்து தைராய்ட் மற்றும் கழுத்தில் ஏற்படும் ஸ்பாண்டிலிடிஸ் உள்ளிட்ட நோய்களைக் குணப்படுத்தியுள்ளேன். இது விஞ்ஞான்ம் இல்லை என்றால் எது தான் விஞ்ஞானம்?” என்று கேள்வியை எழுப்பினார்.

 

 

 

மாநாட்டில் ஆறு நோபல் பரிசு பெற்ற அறிஞர்கள் பங்கேற்றனர். ஆயிரக்கணக்கான இளைஞர்கள் இந்த அறிவியல் மாநாட்டில் பங்கேற்று உத்வேகம் பெற்றனர்.

 

 

சூடாகவும் சுவையாகவும் இருந்த மாநாடு எதிர்கால அறிவியல் இந்தியா பற்றிய நம்பிக்கையைத் தருகிறது.

 

 

 

அறிவியல் அறிஞர் வாழ்வில் .. ..

பிரிட்டனைச் சேர்ந்த பிரபல கம்ப்யூட்டர் விஞ்ஞானியான ஆலன் டூரிங் (தோற்றம் 23-6-1912 மறைவு 7-6-1954) ஒரு இளவயது மேதை.

 

 

மூன்றே வாரங்களில் அவர் படிக்கத் தெரிந்து கொண்டாராம். நம்பர்களில் அவருக்கு இயல்பாகவே ஒரு ஆர்வம் இருந்ததால் ஒவ்வொரு தெரு விளக்கு அருகிலும் நின்று அதன் தொடர் எண்ணைக் கவனிப்பாராம்!

 

 

ஏழு வயதில் ஸ்காட்லாந்தில் உள்ள உல்லாபூல் என்ற இடத்திற்கு குடும்பத்தினர் உல்லாசப் பயணமாகச் சென்றனர். அங்கு தேனீக்கள் பறக்கும் விதத்தை நன்கு கவனித்த டூரிங் அவற்றின் பயணப்பாதையை வைத்து அவைகள் அனைத்தும் எங்கு ஒன்று கூடுகின்றன என்ற இணையும் புள்ளியைக் கணக்கிட்டு அங்கு சென்றார். அவர் கணித்த படியே அங்கு தேன்கூடு இருந்தது. அதிலிருந்து தேனை எடுத்த அவர் குடும்பத்தினருக்கு வழங்க அவர்கள் மிகுந்த ஆச்சரியத்திற்குள்ளாயினர்.

 

 alan-turing-970-80

ALAN TURING

அவர் வாழ்வில் நடந்த இன்னொரு சம்பவம் இது:

டூரிங்கிடம் ஒரு சைக்கிள் இருந்தது. அதில் கியரிலிருந்து செயின் அடிக்கடி நழுவி விடவே சைக்கிளிலிருந்து கீழிறங்கி அதை மாட்டுவது அவருக்குப் பழக்கமானது. இந்தத் தொல்லை தாங்க முடியாமல் போகவே சக்கரம் எத்தனை முறை சுற்றினால் கியரிலிருந்து செயின் கழறுகிறது என்று கணக்கிட்டு சரியாக அந்தச் சுழற்சி வரும் போது சைக்கிளை நிறுத்தி செயினை அவர் அட்ஜஸ்ட் செய்ய ஆரம்பித்தார். ஆனால் இதுவும் அடிக்கடி செய்ய வேண்டியதாக இருக்கவே அவர் ஒரு விசேஷ கருவியைச் செய்து அதைச் சைக்கிளில் பொருத்தினார். சரியான நேரத்தில் அது கியரில் செயினை மாட்டி விடும். ஆனால் இப்படிப்பட்ட மேதைக்கு ஒரு புது செயினை மாட்டி விட்டால் இந்த பிரச்சினை நிரந்தரமாகத் தீர்ந்து விடும் என்று தோன்றவில்லை.

கணித சவாலாக அதை எடுத்துக் கொண்டு மாற்றி யோசித்து தீர்வைக் காண்பதையே அவர் விரும்பினார் போலும்.

அது தான் ஆலன் டூரிங்!

 

*********