உலக இந்து சமய செய்தி மடல் 28-3-2021 (Post No.9433)

Hindu Temple Volunteers in Bangladesh

Compiled  BY LONDON SWAMINATHAN

Post No. 9433

Date uploaded in London – –28 MARCH  2021     

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

இன்று மார்ச் 28-ஆம் தேதி —  ஞாயிற்றுக் கிழமை ,2021

உலக இந்து   சமய செய்தி மடல்

தொகுத்து வழங்குபவர் வைஷ்ணவி ஆனந்த்

 இது ‘ஆகாச த்வனி’ யின் உலக இந்து சமய செய்தி மடல் நேயர்கள் அனைவருக்கும் வணக்கம்,

நமஸ்காரம் செய்திகள் வாசிப்பது VAISHNAVI     ANAND 

 எங்கள் நிகழ்ச்சிகளை ஞாயிற்றுக் கிழமை தோறும் லண்டன் நேரம் பிற்பகல் 2 மணிக்கும், இந்திய நேரம் மாலை 6-30 மணிக்கும் நேரடியாகக் கேட்கலாம். உலக இந்து சமய செய்தித் தொகுப்புடன் நேயர்களின் கேள்விகளுக்கு விடைகளும் அளிக்கப்படுகிறது.

எங்களை எந்நேரமும் தொடர்பு கொள்ள Facebook.com / Gnana mayam முகவரியில் அணுகவும் .

Xxxx

பங்குனி உத்திர திருநாள்; அமித்ஷா தமிழில் வாழ்த்து

மத்திய உள்துறை அமைச்சர் அமித்ஷா, பங்குனி உத்திர திருநாள் வாழ்த்து தெரிவித்துள்ளார். தனது டுவிட்டர் பக்கத்தில் அவர் தமிழில் வாழ்த்து பதிவிட்டுள்ளார்.

தமிழ் மாதமான பங்குனியில் உத்திர நட்சத்திரம் கூடிவரும் பவுர்ணமி நாள் பங்குனி உத்திரத் திருநாளாகும். தமிழகத்தில் சிறப்பாக கொண்டாடப்படும் சிறப்புமிக்க பங்குனி உத்திரம் திருநாளிற்கு மத்திய உள்துறை அமைச்சர் அமித்ஷா தமிழில் வாழ்த்து தெரிவித்துள்ளார். அவர் பதிவிட்டுள்ள டுவிட்:

தமிழ்நாட்டின் சகோதர சகோதரிகளுக்கு வணக்கம்! இறைவன் முருகன் அருளால் அனைவருக்கும் அமைதி, மகிழ்ச்சி செழித்திட இந்த புனித நாளில் எனது அன்பான “பங்குனி உத்திரம்” திருநாள் வாழ்த்துக்களைத் தெரிவித்துக் கொள்கிறேன். வெற்றி வேல்! வீர வேல்!

XXXXX

வங்கதேசத்தில் பழமையான காளி கோயிலில் பிரதமர் வழிபாடு

வங்கதேசத்திற்கு 2 நாள் பயணமாக சென்றுள்ள பிரதமர் மோடி, அங்குள்ள நூற்றாண்டுகள் பழமை வாய்ந்த ஜெஸ்சூரேஸ்வரி காளி கோயிலில் வழிபாடு நடத்தினார்.

வங்கதேசம் தனி நாடாக உருவாகி, 50 ஆண்டுகள் நிறைவு அடைந்ததை முன்னிட்டு, சுதந்திர தின பொன் விழாவை சிறப்பாக கொண்டாட, அந்த நாட்டு அரசு ஏற்பாடு செய்துள்ளது.இதையொட்டி, தலைநகர் டாகாவில் நடக்கும் விழாவில் பங்கேற்க, பிரதமர் மோடிக்கு, வங்கதேச பிரதமர் ஷேக் ஹசீனா அழைப்பு விடுத்தார். இதை, ஏற்று பிரதமர் மோடி டாகா சென்றுள்ளார்.

இரண்டாவது நாளான இன்று வங்கதேசத்தின் சக்திஹிரா மாவட்டத்தில் உளள ஈஸ்வரிபூர் நகரில் அமைந்துள்ள நூற்றாண்டுகள் பழமைவாய்ந்த ஜெஸ்சூ  ரேஸ்வரி காளி கோயிலில் பிரதமர் மோடி வழிபாடு நடத்தினார்.

கோயிலுக்கு வந்த மோடிக்கு, கோயில் நிர்வாகம் சார்பில் உற்சாக வரவேற்பு அளிக்கப்பட்டது. அங்கு தங்க மூலாம் பூசப்பட்ட வெள்ளியால் உருவாக்கப்பட்ட கிரீடத்தை காளி தேவிக்கு, மோடி சூட்டினார். பின்னர் வழிபாடு நடத்தினார். தியானமும் செய்தார். அப்போது, அர்ச்சகர் வேத மந்திரங்கள் ஓதினார்.

பின்னர் நிருபர்களை சந்தித்த மோடி கூறுகையில், கொரோனா வைரஸ் பாதிப்பில் இருந்து மனிதர்களை காக்க வேண்டும் என காளியிடம் பிரார்த்தனை செய்தேன். ஏராளமான பக்தர்கள், எல்லை தாண்டி வந்து வங்கதேசத்தில் உள்ள காளி கோயிலில் தரிசனம் செய்து செல்கிறார்கள். இந்த கோயிலுக்கு வரும் அனைத்து சமூகத்தினரும் தங்கும் வகையில் சமுதாய கூடம் தேவை. அவ்வாறு இருந்தால், அது பயனுள்ளதாக இருக்கும்.


சமுதாய கூடத்தை இந்தியா கட்டமைத்து கொடுக்கும். மதரீதியான நிகழ்ச்சிகள், கல்வி, சமூக நிகழ்ச்சிகள் அனைத்திற்கும் பயன்படும் வகையில் அந்தக்கூடம் இருக்கும். புயல், மழைகாலங்களில் மக்கள் தங்கி கொள்ளலாம். இதற்கான பணிகளை இந்தியா விரைவில் துவங்கும். இங்கு வழிபாடு நடத்த வாய்ப்பளித்த வங்கதேச அரசுக்கு நன்றி தெரிவித்து கொள்கிறேன் என தெரிவித்தார்.

பின்னர் கஷியானி உபஜிலா பகுதியில் .ள்ள ஒரகண்டி கோயிலிலும் பிரதமர் மோடி வழிபாடு நடத்தினார்.

தொடர்ந்து அவர் கூறியதாவது: இந்த கோயிலுக்கு வரவேண்டும் என நீண்ட நாட்களாக எண்ணி இருந்தேன். இந்த வாய்ப்புக்காக நீண்ட நாட்கள் காத்திருந்தேன். கடந்த 2015ம் ஆண்டு வங்கதேசம் வந்த போது, ஓரகண்டி கோயிலுக்கு செல்ல வேண்டும் என்ற எனது விருப்பத்தை தெரிவித்தேன். அது தற்போது தான் நிறைவேறி உள்ளது என தெரிவித்தார்

XXXX

திருவாரூர் ஆழித்தேரோட்டம்: பக்தர்கள் வடம் பிடித்து இழுத்து உற்சாகம்



“ஆழித்தேர் வித்தகனை நான் கண்டது ஆரூரே” என திருநாவுக்கரசரும், “தேராரூம் நெடுவீதி திருவாரூர்” என சேக்கிழாரும் பாடிய சிறப்பு மிக்கது திருவாரூர் ஆழித்தேராகும். திருவாரூரில் வீற்றிருக்கும் தியாகராஜர் கோவில் சைவ சமய மரபில் பெரிய கோயில் என்று அழைக்கப்படுகிறது.

இக்கோயில் சைவ சமயத்திற்கே பெரிய பீடமாய் விளங்குவது மட்டுமல்லாமல் பிறந்தாலும், பெயர் சொன்னாலும் முக்தி அளிப்பது ஆகும். பஞ்ச பூத தலங்களுல் பூமிக்குரிய தலமாக விளங்கும் இக்கோயில் சனீஸ்வரனும், நளனும் வணங்கி சாபம் போக்கியதன் மூலம் சர்வதோ‌ஷ பரிகாரதலமாகவும் விளங்குகிறது.

இக்கோயில் ஆழித்தேர் ஆசியாவிலேயே பெரிய தேராக விளங்குகிறது. இத்தகைய சிறப்பு மிக்க திருவாரூர் தியாகராஜர் கோயில் தேரோட்டம் மார்ச் 25ம் தேதி வெகு விமரிசையாக நடைபெற்றது. காலை 7.30 மணிக்கு தியாகராஜருக்கும் தேருக்கும் சிறப்பு பூஜைகள் நடத்தப்பட்டு தேரோட்டம் தொடங்கியது. வேத ஆகமங்கள் ஒலிக்க தேரோட்டத்தினை மாவட்ட கலெக்டர் சாந்தா கொடியசைத்து தொடங்கி வைத்தார்.

கொடி அசைக்கப்பட்டவுடன் பக்தர்கள் ஆருரா! தியாகேசா!! என உற்சாக குரல் எழுப்பி வடம்பிடித்து தேரினை இழுத்தனர். 450 டன் எடையுள்ள 96 அடி உயர தேரினை இழுக்க 15 டன் எடை கொண்ட வடக்கயிறு கட்டப்பட்டது.ஒவ்வொரு வடக்கயிறின் நீளம் சுமார் 1 கி.மீ. தூரம் என்பது குறிப்பிதக்கது.

தேரோட்டத்தினை முன்னிட்டு கோயிலின் தேவாசிரிய மண்டபத்தில் இருந்து தியாகராஜர் அஜபா நடனத்துடன் நகர்வலமாக வந்து திருத்தேர் ஏறினார். அதுமுதல் தேரிலிருந்தே பக்தர்களுக்கு தியாகராஜர் காட்சி அளித்தார். முன்னதாக 5 மணிக்கு விநாயகர், முருகன் தேர்கள் பக்தர்களால் இழுத்து செல்லப்பட்டது. தியாகராஜர் ஆழித்தேரை தொடர்ந்து அம்பாள் மற்றும் சண்டிகேசுவரர் தேர்களும் இழுக்கப்பட்டது. 5 தேர்கள் ஒன்றன்பின் ஒன்றாக சென்ற காட்சி பக்தர்களை பரவசப்படுத்தும் விதமாக இருந்தது.

96 அடி உயரத்தில் கம்பீரமாய் அசைந்தாடி வந்த தேரினை காண தமிழகத்தின் பல்வேறு பகுதிகளில் இருந்து பல்லாயிரக்கணக்கான பக்தர்கள் வந்திருந்தனர். தேரோட்ட நிகழ்ச்சியில் ஆதீன கர்த்தர்கள் தருமபுரம் ஆதீனம், திருப்புகழூர் வேளாக்குறிச்சி ஆதீனம், திருவாடுதுறை மற்றும் திருப்பனந்தாள் ஆதீனங்கள் பங்கேற்றனர். தேரானது பல்வேறு வீதிகளின் வழியாக சென்றது.

திருவாரூர் தியாகராஜர் கோயில் ஆழித்தேரோட்டம் வழக்கமாக 3 நாட்கள் நடைபெறும்.. இந்த ஆண்டு ஒரே நாளில் 5 தேரோட்டமும் நடைபெற்றது. கால விரயத்தினை தவிர்க்கும் வகையிலும் பொருளாதார சிக்கனத்தை முன்னிட்டும் ஒரே நாளில் 5 தேர்களும் இழுக்கப்பட்டதாக தெரிவிக்கப்பட்டது.

ஸ்ரீதிருநாவுக்கரசர் பெருமான் இத்திருவிழாவை,

ஊழித்தீயன்னானை ஓங்கொலி மாப்பூண்டதோர்

ஆழித்தேர் வித்தகனை நான் கண்டதாரூரே

என்று குறிப்பிடுகிறார்.இப்படி 7ம் நூற்றாண்டிலிருந்தே இத்திருத்தேர் ஆவணப்படுத்தப்படுகிறது.


இந்த ஆண்டு தேரோட்டத்திற்கும் ஏராளான சிவனடியார்கள் வந்திருந்தனர். இவர்கள் தியாகராஜரை தரிசித்துவிட்டு தேருக்கு முன்பகுதியில் உடுக்கு மற்றும் மேளம் இசைத்து அஜபா நடனம் ஆடி சென்றனர்.

XXXX

மேல்கோட்டையில் புகழ்பெற்ற செலுவநாராயணசாமி கோவிலில் வைரமுடி உற்சவம்;

கர்நாடக மாநிலத்தில்

மேல்கோட்டையில் புகழ்பெற்ற செலுவநாராயணசாமி கோவிலில் வைரமுடி உற்சவம் கொரோனா பரவல் காரணமாக எளிமையாக நடந்தது.

 இந்த கோவிலில் கொண்டாடப்படும் விழாக்களில் முக்கியமான வைரமுடி திருவிழா. இந்த திருவிழாவையொட்டி பெருமாளுக்கு வைர கிரீடம் அணிவிக்கப்படும். பின்னர் அந்த வைர கிரீடம் அணிந்த செலுவநாராயணசாமி கோவில் வளாகத்தில் திருவீதி உலா வருவார். இதை பார்க்க ஆண்டுதோறும் லட்சக்கணக்கான பக்தர்கள் வருகை தருவார்கள்.

  இத்தகைய சிறப்பு வாய்ந்த வைர முடி உற்சவ விழா எளிமையாக நடந்தது. இதையொட்டி நேற்று காலை மாவட்ட கருவூலத்தில் இருந்து வைர கிரீடம் கலெக்டர் அஸ்வதி தலைமையில் பலத்த போலீஸ் பாதுகாப்புடன் சிறப்பு பூஜை நடத்தி ஊர்வலமாக கோவிலுக்கு எடுத்து வரப்பட்டது. வழியில் மண்டியா லட்சுமி ஜனார்த்தனா கோவிலில் வைர கிரீடத்திற்கு சிறப்பு பூஜைகள் செய்யப்பட்டது.

  முன்னதாக கோவிலுக்கு வந்த பக்தர்கள் அந்த வைர கிரீடத்தை தரிசனம் செய்தனர். பின்னர் வைர கிரீடம் பெருமாளுக்கு  அணிவிக்கப்பட்டு சிறப்பு பூஜை நடந்தது.

  அதைத்தொடர்ந்து வைர கிரீடத்துடன் செலுவநாராயணசாமி தேரில் எழுந்தருளி, கோவிலின் ராஜவீதிகளில் வலம் வந்தார். அப்போது பக்தர்கள் சிறப்பு பூஜை செய்து வழிபட்டனர்.

  XXXXXXXXXXXX

கோவில்கள் பிரச்சனைகளில் அரசாங்கங்கள் தலையிடக்கூடாது

கேரள மாநிலத்தில் ஒரே கட்டமாக ஏப்ரல் 6ம் தேதி தேர்தல் நடத்தப்படுகிறது.. பாஜக மற்றும் கூட்டணி வேட்பாளர்களை ஆதரித்து மத்திய உள்துறை மந்திரி அமித் ஷா கேரளாவில் பிரசாரம் மேற்கொண்டார்.

சாத்தனூரில் நடைபெற்ற பிரசார கூட்டத்தில் பேசிய அமித் ஷா, கோவில்கள் தொடர்பான பிரச்சனைகளில் அரசாங்கங்கள் தலையிடக்கூடாது என்று பாஜக நம்புகிறது என்றார். கோவில் பிரச்சனைகளை பக்தர்கள் வசம் விட்டுவிட வேண்டும் என்றும் அவர் கூறினார்.

‘போலீஸ் சீருடை அணிந்து வந்த கம்யூனிஸ்ட் கட்சியினர் சபரிமலை பக்தர்களிடம் தவறாக நடந்து கொண்டனர் என்றும் அமித் ஷா குற்றம்சாட்டினார்.

XXXXX

அழிந்துவரும் தமிழக கோவில்கள்! சத்குரு  ஜக்கி வாசுதேவுக்கு பிரபலங்கள் ஆதரவு

தமிழகத்தில் சிதிலமடைந்த கோவில்களின் வீடியோக்களை, பகிர்ந்த சத்குரு  ஜக்கி வாசுதேவ் அவர்களுக்கு  பல பிரபலங்கள் ஆதரவு தெரிவித்துள்ளனர்.

தமிழகத்தில் பிரசித்தி பெற்ற, பல நுாறு கோவில்கள் முறையாக பராமரிப்பின்றி சிதிலமடைந்து வருகின்றன. ஈஷா யோகா அறக்கட்டளை நிறுவனர் சத்குரு, ‘கோவில் அடிமை நிறுத்து’ என்ற இயக்கத்தை துவக்கினார்.

இந்நிலையில், 100க்கும் மேற்பட்ட கோவில்களின் வீடியோ, போட்டோக்களை பக்தர்கள் டுவிட்டரில் பதிவிட்டனர். அவற்றை, சத்குரு பகிர்ந்துள்ளார். அதற்கு, பிரபலங்கள், ‘கோவில் அடிமை நிறுத்து’ என்ற ‘ஹேஷ்டேக்’ பயன்படுத்தி ஆதரவு தெரிவித்தனர்.

கிரிக்கெட் வீரர் வீரேந்திர சேவாக், ‘பையோகான்’ நிறுவனத் தலைவர் கிரண் மசூம்தார், முன்னாள் சி.பி.ஐ., இயக்குனர் நாகேஸ்வர ராவ், நடிகைகள் கங்கனா ரணவத், கஸ்தூரி, ஸ்ரீதிவ்யா, ஸ்ரீநிதி ஷெட்டி, ரவினா டான்டன், மவுனி ராய் மற்றும் சினிமா இயக்குனர் மோகன், பா.ஜ., தமிழக பொறுப்பாளர் ரவி உள்ளிட்ட பலர், டுவிட்டரில் ஆதரவு அளித்துள்ளனர். தமிழக அளவில், ‘கோவில் அடிமை நிறுத்து’ என்ற ‘ஹேஷ்டேக்’ டிரெண்டிங் ஆகியுள்ளது.

கிரிக்கெட் வீரர் சேவாக், “நம் கோவில்களின் நிலையை பார்க்கும்போது, வேதனை அளிக்கிறது. முறையான நிர்வாக அமைப்பை உருவாக்கி, பக்தர்களிடம் ஒப்படைக்க வேண்டும். இந்த முன்னெடுப்பில் சத்குருவுடன் இருக்கிறேன்,” என, தெரிவித்துள்ளார்.

நடிகை கஸ்தூரி தனது பதிவில், “நம் புனித ஸ்தலங்களில் நடக்கும் இதயமற்ற சுரண்டல்களை பார்த்து மனம் வலிக்கிறது. மற்ற வழிபாட்டு ஸ்தலங்களை போல், நம் கோவில்களும் விடுதலை பெற வேண்டும்,” எனக் கூறியுள்ளார்.

நடிகை ஸ்ரீதிவ்யா, “இது மதம் பற்றிய விஷயம் அல்ல. சமூகத்தில் ஒரு தரப்பினருக்கு நிகழ்த்தப்பட்ட அநீதி,” எனக் கூறியுள்ளார்.

நடிகை கங்கனா ரனாவத், “இது, இதயத்தை நொறுங்க செய்கிறது. நம் கலாசாரம் மற்றும் பாரம்பரியத்துக்காக எழுந்து நிற்காமல் இருப்பது அவமானமாக இருக்கிறது,” என, பதிவிட்டுள்ளார்.


சத்குரு கூறியுள்ளதாவது: தமிழக கோவில்களின் அவலநிலையை பார்த்து, உருவான வலியால் ‘கோவில் அடிமை நிறுத்து’ இயக்கத்தை துவங்கினோம். ஆயிரக்கணக்கான கோவில்கள் சிதிலமடைந்துள்ளன. அக்கோவில்களை அரசின் கட்டுப்பாட்டில் இருந்து விடுவிக்க வேண்டும். அதற்காக,  நான், 100 ‘டுவிட்’களை பதிவிட உள்ளேன். மதங்களை கடந்து அனைவரும் ஆதரவு கொடுங்கள். இது, ஹிந்துக்களை பற்றியது மட்டும் அல்ல. நம் அரசியல் அமைப்பு சட்டம் வழங்கியுள்ள அடிப்படை மனித உரிமைக்கு இழைக்கப்பட்ட அநீதி. நாம் ஒன்றிணைந்து, தமிழக கோவில்களை அரசு பிடியில் இருந்து விடுவிப்போம். இவ்வாறு அவர் கூறியுள்ளார்.

XXX

திருமலை தேவஸ்தானத்திற்கு ஜி.எஸ்.டி., விலக்கு இல்லை

திருப்பதி:”திருமலை திருப்பதி தேவஸ்தானத்திற்கு, ஜி.எஸ்.டி.,யிலிருந்து விலக்கு அளிக்க முடியாது,” என, மத்திய நிதியமைச்சர் நிர்மலா சீதாராமன் தெரிவித்தார். ”நாட்டில் முக்கிய கோவில்கள் ஏராளமாக உள்ளன. ”அவற்றிற்கெல்லாம் வழங்கப்படாத, ஜி.எஸ்.டி., விலக்கு, திருமலை திருப்பதி தேவஸ்தானத்திற்கு மட்டும் வழங்க முடியாது,” என்றார்.



பக்தர்களின் உண்டியல் காணிக்கைகள் மற்றும் அறக்கட்டளைகளுக்கு அளிக்கப்படும் நன்கொடைகளை, திருமலை திருப்பதி தேவஸ்தானம், வங்கியில் முதலீடு செய்கிறது.

இதன் வாயிலாக கிடைக்கும் வட்டி வருவாய் உள்ளிட்டவற்றை கொண்டு, தேவஸ்தான பணிகள் நிர்வகிக்கப்பட்டு வருகின்றன. உண்டியலில் பெறப்படும் தங்கம், நன்கொடையாக வழங்கப்படும் தங்க ஆபரணங்கள் உள்ளிட்டவற்றை நிரந்தர வைப்பு திட்டங்களில் முதலீடு செய்வதால் கிடைக்கும் வருவாயும், இதில் உள்ளடக்கியது.

இவற்றுக்கு, ஜி.எஸ்.டி., விதிக்கப்படுகிறது. மேலும், ஏழுமலையானை தரிசிக்கும் பக்தர்களுக்கு, தலா, ஒரு லட்டு இலவசமாக வழங்கப்பட்டு வருகிறது. அதற்கு, ஜி.எஸ்.டி., வரி விதிக்கப்படவில்லை. என்றாலும், அந்த லட்டு தயாரிப்பிற்காக பயன்படுத்தப்படும் மூலப் பொருட்களுக்கும், அறைகளின் வாடகை கட்டணத்தின் மீதும், ஜி.எஸ்.டி., விதிக்கப்பட்டு வருகிறது.


இந்நிலையில், ஆந்திர மாநில எம்.பி., விஜயசாரதி ரெட்டி, சமீபத்தில் பார்லிமென்டில் பேசுகையில், ‘நாட்டில் உள்ள கோவில்களில் மிக முக்கிய கோவிலாக ஏழுமலையான் கோவில் கருதப்படுகிறது. ‘எனவே, அதை நிர்வகிக்கும் தேவஸ்தானத்திற்கு, ஜி.எஸ்.டி.,யிலிருந்து விலக்கு அளிக்க வேண்டும்’ என்றார்.

அதற்கு பதிலளித்த மத்திய நிதியமைச்சர் நிர்மலா சீதாராமன் கூறுகையில், நாட்டில் முக்கிய கோவில்கள் ஏராளமாக உள்ளன. ”அவற்றிற்கெல்லாம் வழங்கப்படாத, ஜி.எஸ்.டி., விலக்கு, திருமலை திருப்பதி தேவஸ்தானத்திற்கு மட்டும் வழங்க முடியாது,” என்றார்.

XXXX

ஹரித்வாரில் ஒரு மாதமே ‘கும்பமேளா’ திருவிழா

உத்தரகண்டின் ஹரித்வாரில், கொரோனா அச்சுறுத்தல் காரணமாக, முதல் முறையாக, கும்பமேளா திருவிழா, ஒரு மாதம் மட்டுமே நடக்கவுள்ளது.

உத்தரகண்ட் மாநிலம் ஹரித்வாரில், 12 ஆண்டுகளுக்கு ஒரு முறை, மஹா கும்பமேளா திருவிழா, கோலாகலமாக கொண்டாடப்பட்டு வருகிறது. கடந்த, 2010ம் ஆண்டு, கடைசியாக நடந்த விழாவில், ஜனவரி 14ம் தேதி துவங்கி, ஏப்ரல் 28ம் தேதி வரை நடந்தது. எனினும், இம்முறை, கொரோனா வைரஸ் அச்சுறுத்தல் காரணமாக, கும்பமேளா விழாவை, ஹரித்வாரில் ஒரு மாதம் மட்டுமே கொண்டாட முடிவு செய்யப்பட்டது.

அதன்படி, வரும் ஏப்ரல் 1ம் தேதி துவங்கி, ஏப்ரல் 30ம் தேதி வரை, கும்பமேளா கொண்டாடப்படுகிறது. கும்பமேளா திருவிழா, ஒரு மாதம் மட்டுமே கொண்டாடப்படுவது, இதுவே முதன்முறை..

XXXXX

அனைவருக்கும் பங்குனி உத்திரத் திருநாள் வாழ்த்துக்கள் உரித்தாகுக!

XXXX

இத்துடன் லண்டனிலிருந்து வரும் செய்திகள் நிறைவடைந்தன………………………….. செய்திகளை உங்களுக்கு வழங்கியவர் வைஷ்ணவி ஆனந்த்………………………… நன்றி, வணக்கம்.

tags — உலக இந்து, செய்தி மடல், 28-3-2021 ,

உலக இந்து சமய செய்தி மடல் 14-2-2021(Post No.9264-B)

Compiled BY LONDON SWAMINATHAN

Post No. 9264-B

Date uploaded in London – –14 FEBRUARY  2021     

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

இன்று பிப்ரவரி -14 ஆம் தேதி —  ஞாயிற்றுக் கிழமை ,2021

உலக இந்து   சமய செய்தி மடல்

தொகுத்து வழங்குபவர் வைஷ்ணவி ஆனந்த்

 இது ‘ஆகாச த்வனி’ யின் உலக இந்து சமய செய்தி மடல் நேயர்கள் அனைவருக்கும் வணக்கம்,

நமஸ்காரம் செய்திகள் வாசிப்பது VAISHNAVI     ANAND 

 எங்கள் நிகழ்ச்சிகளை ஞாயிற்றுக் கிழமை தோறும் லண்டன் நேரம் பிற்பகல் 1 மணிக்கும், இந்திய நேரம் மாலை 6-30 மணிக்கும் நேரடியாகக் கேட்கலாம். உலக இந்து சமய செய்தித் தொகுப்புடன் நேயர்களின் கேள்விகளுக்கு விடைகளும் அளிக்கப்படுகிறது.

எங்களை எந்நேரமும் தொடர்பு கொள்ள Facebook.com / Gnana mayam முகவரியில் அணுகவும்

Xxx

அயோத்தியில் ராமர் கோயில் கட்டுவதற்காக இதுவரை ரூ.1,511 கோடி நன்கொடை வசூல்

அயோத்தியில் ராமர் கோயில் கட்டுவதற்காக உச்சநீதிமன்ற தீர்ப்பின் அடிப்படையில், மத்திய அரசு ராமஜென்மபூமி தீர்த்த ஷேத்ரா அறக்கட்டளையை உருவாக்கியது.

இந்த அறக்கட்டளை மூலம் ராமர் கோயில் கட்டுவதற்காக பொது மக்களிடம் நன்கொடைகள் பெறப்பட்டு வருகிறது. இதுவரை மக்களிடம் பெறப்பட்டுள்ள நன்கொடை குறித்து ராமஜென்மபூமி தீர்த்த ஷேத்ரா அறக்கட்டளை பொருளாளர் சுவாமி கோவிந்த் தேவ் கிரி, பிப்ரவரி 13 ஆம் தேதி,   குஜராத் மாநிலம் சூரத் நகரில் செய்தியாளர்களை சந்தித்து பேசினார்.

அப்போது அவர், “மக்கள் ராமர் கோயில் கட்டுவதற்கு தங்களால் முடிந்த நன்கொடைகளை வழங்கி வருகிறார்கள். 492 ஆண்டுகளுக்குப்பின் மக்கள் மீண்டும் மிகப்பெரிய தர்மத்தைச் செய்ய வாய்ப்பு கிடைத்துள்ளது. இதுவரை ராமர் கோயில் கட்டுவதற்கு ரூ.1,511 கோடி நன்கொடையாக அறக்கட்டளை திரட்டியுள்ளது” என்று தெரிவித்தார்.

ராமர் கோவிலுக்கு முஸ்லிம்கள் நன்கொடை

உத்தர பிரதேசத்தின் அயோத்தியில் கட்டப்படும், ஹிந்து கடவுள் ராமருக்கான கோவிலுக்கு, பைசாபாதைச் சேர்ந்த, முஸ்லிம்கள், 5,100 ரூபாய் நன்கொடை நன்கொடை அளித்து உள்ளனர்.


”ராமர் ஹிஸ்துஸ்தானுக்கு சொந்தம்; நாங்களும் இந்த நாட்டைச் சேர்ந்தவர்கள். ஹிந்துக்கள் எங்களுடைய சகோதரர்கள். கோவில் கட்டுவதற்கு தொடர்ந்து நன்கொடை வழங்குவோம்,” என, அயோத்தி முஸ்லிம் ராஷ்ட்ரீய மஞ்ச் உறுப்பினர் ஹாஜி சயீது அகமது கூறியுள்ளார்.
”நம் நாட்டில் அமைதி மற்றும் ஒற்றுமை நிலவுவதை உலக நாடுகளுக்கு மீண்டும் உறுதி செய்துள்ளோம். ”ராமர் கோவிலுக்கு முஸ்லிம் சகோதரர்கள் நன்கொடை அளித்துள்ளதை வரவேற்கிறோம்,” என, பைசாபாதின் ராம் பவனின் தலைவர் சக்தி சிங் கூறியுள்ளார்.

Xxxx

தை அமாவாசை! தமிழகம் முழுவதும் புனித நீர்நிலைகளில் நீராடி முன்னோர்களுக்கு தர்ப்பணம் கொடுத்து வழிபாடு..!!

தை மாத அமாவாசையை முன்னிட்டு, தமிழகம் முழுவதும் பிப்ரவரி 11ம் தேதி முன்னோர்களுக்கு தர்ப்பணம் கொடுக்கப்பட்டது. பவானி கூடுதுறையில் பக்தர்கள் நீராடினர். ராமேஸ்வரம் அக்னி தீர்த்த கடற்கரையில் பக்தர்கள் நீராடி,முன்னோர்களுக்கு தர்ப்பணம் செய்தனர். இதேபோல் கன்னியாகுமரி முக்கடல் சங்கமத்தில் ஏராளமானோர் தங்களது முன்னோர்களுக்கு பலி தர்ப்பணம் செய்து கடலில் புனித நீராடினர். பலர் காவிரியில் தர்ப்பணம் கொடுத்து பிண்டங்களை கரைத்து வழிபட்டனர். திருச்செந்தூர் கடற்கரை, வேதாரண்யம், கோடியக்கரை உள்பட தமிழகத்தின் பல்வேறு பகுதிகளிலும் மக்கள் கூட்டம் கூட்டமாக வந்து புனித நீராடி திதி கொடுத்தனர்.

தை முதல் ஆனி வரையிலான 6 மாதங்களும் ‘உத்தராயன புண்ணிய காலம்’ எனப்படும். அதே போல், ஆடி முதல் மாா்கழி வரையான 6 மாதங்களும் ‘தட்சணாயன புண்ணிய காலம்’ ஆகும். இரண்டு அயனங்களும் தொடங்கும் காலம் என்பதால்தான், ஆடி மாதத்தில் வரும் அமாவாசையும், தை மாதத்தில் வரும் அமாவாசையும் முன்னோர் வழிபாட்டில் முக்கியத்துவம் பெறுகின்றன.

xxxx

புனித நீராடிய பிரியங்கா

: ‛மவுனி அமாவாசையை’ முன்னிட்டு பிரயாக்ராஜில் உள்ள சங்கமில் congress, பொதுச்செயலாளர் பிரியங்கா புனித நீராடினார்.

உத்தரபிரதேச மாநிலம் பிரயாக்ராஜில் கங்கை, யமுனை, சரஸ்வதி நதிகள் சங்கமிக்கும் பகுதியில் கும்பமேளா நடைபெறுவது வழக்கம். அந்த இடத்தில் பிப்ரவரி -11 ஆம் தேதி ‛மவுனி அமாவாசையை’ காங்., பொதுச்செயலர் பிரியங்கா, புனித நீராடினார். அப்போது அவருடன் உதவியாளர்கள், மகள் மிராயா மற்றும் காங்., எம்எல்ஏ ஆராதனா மிஸ்ரா ஆகியோர் உடன் இருந்தனர். புனித நீராடிவிட்டு, பிரார்த்தனை செய்தார்.
முன்னதாக, அவர் நேரு – காந்தி குடும்ப இல்லமான ஆனந்த் பவனை பார்வையிட்டார். பிறகு, அங்கிருந்து படகில் பயணம் மேற்கொண்டார்.

xxx

மதுரை மீனாட்சி அம்மன் கோவிலில் ஒவ்வொரு ஆண்டும் தை அமாவாசை, தமிழ் புத்தாண்டு, தீபாவளி ஆகிய 3 நாட்கள் மட்டும் மூலவர் மீனாட்சி அம்மனுக்கு தங்க கவசம் அணிவிக்கப்படும். அதன்படி இந்தாண்டு தை அமாவாசை தினமான நேற்று மூலவர் மீனாட்சி அம்மனுக்கு தங்க கவசம், வைர கிரீடமும், சுந்தரேசுவரர் சுவாமிக்கு வைர நெற்றிப்பட்டையும் அணிவிக்கப்பட்டது.

Xxx

ராமேஸ்வரம் தீர்த்தக் கிணறுகளில் புனித நீராட அனுமதி

ராமேஸ்வரம் அருள்மிகு ராமநாத சுவாமி கோவில் வளாகத்தில் உள்ள 22 தீர்த்தங்களிலும்  பிப்ரவரி  1 -ஆம் தேதி முதல் பக்தர்கள் புனித நீராட அனுமதி அளிக்கப்பட்டுள்ளது.

கொரோனா ஊரடங்கு காரணமாக கடந்த மார்ச் 24-ம் தேதி முதல் அனைத்து வழிபாட்டுத் தலங்களும் மூடப்பட்டன. ஆனால் வழக்கமான பூஜைகள் நடைபெற்று வந்தன. பின்னர் செப்டம்பர் மாதம் படிப்படியாக அறிவிக்கப்பட்ட தளர்வுகளின் அடிப்படையில்  பக்தர்கள் சுவாமி தரிசனம் செய்ய அனுமதிக்கப்பட்டனர். 

பக்தர்களின் கோரிக்கையை ஏற்று தீர்த்தக் கிணறுகளை திறக்க தமிழக அரசு உத்தரவிட்டது. அதன்படி 11 மாதங்களுக்கு பிறகு  ராமேஸ்வரம் ராமநாத சுவாமி கோவிலில் உள்ள  22 தீர்த்த கிணறுகளிலும் பக்தர்கள் மகிழ்ச்சியுடன் புனித நீராடி வருகின்றனர்.

Xxxx

கிருபானந்த வாரியார் பிறந்த நாள், அரசு விழாவாக கொண்டாடப்படும் -முதல்வர் அறிவிப்பு

தமிழக முதல்வர் எடப்பாடி பழனிசாமி தமிழகம் முழுவதும் சுற்றுப்பயணம் மேற்கொண்டு தேர்தல் பிரசாரத்தில் ஈடுபட்டுள்ளார். அவ்வகையில் பிப்ரவரி -9 ஆம் தேதி அவர் வேலூர் மாவட்டத்தில் பிரசாரம் மேற்கொண்டார். பிரசார கூட்டத்தில் முதல்வர் எடப்பாடி பழனிசாமி பேசியதாவது:-

கிருபானந்த வாரியாரின் பிறந்த நாளான ஆகஸ்ட் 25ஆம் தேதி இனி அரசு விழாவாக கொண்டாடப்படும். எம்ஜிஆருக்கு பொன்மனச் செம்மல், என்ற பட்டத்தை வழங்கியவர் கிருபானந்த வாரியார்.

இவ்வாறு அவர் பேசினார்.

வேலூர் மாவட்டம், காட்பாடிக்கு அருகே பாலாற்றங்கரையில் அமைந்துள்ள காங்கேயநல்லூர் என்னும் சிற்றூரில் கடந்த 1906 ஆம் ஆண்டு ஆகஸ்ட் 25 ஆம் தேதி கிருபானந்த வாரியார் பிறந்தார். இவரது இயற்பெயர் கிருபானந்த வாரி. முருகப் பெருமான் மீது அளவற்ற பற்றும், பக்தியும் கொண்டவராக அவர் விளங்கியதால் திருமுருக கிருபானந்த வாரியார் என்று அழைக்கப்பட்டார்.

கிருபானந்த வாரியார், 1993ஆம் ஆண்டு நவம்பர் 7 ஆம் தேதி லண்டனில் இருந்து இந்தியா வரும் போது விமானப் பயணத்திலேயே காலமானார். வேலூர் மாவட்டம், காட்பாடிக்கு அருகே கிருபானந்த வாரியாரை சிறப்பிக்கும் வகையில் கோயில் ஒன்று அமைக்கப்பட்டுள்ளது குறிப்பிடத்தக்கது.

Xxxx

திருப்பதி கோவிலில் பிப்ரவரி -19 ஆம் தேதி ரத சப்தமி விழா

திருப்பதி ஏழுமலையான் கோவிலில் வருகிற 19-ந்தேதி ரத சப்தமி விழா நடக்கிறது. அன்று அதிகாலையில் இருந்து இரவு வரை 7 வாகனங்களில் உற்சவர் மலையப்பசாமி தனித்தும், உபய நாச்சியார்களுடன் எழுந்தருளி கோவிலின் நான்கு மாடவீதிகளில் உலா வந்து பக்தர்களுக்கு அருள்பாலிக்கின்றனர்.

ரத சப்தமி விழாவில் பங்கேற்று சாமி தரிசனம் செய்ய பக்தர்களுக்கு கூடுதலாக 25 ஆயிரம் தரிசன டிககெட் ஆன்லைனில் வெளிடப்பட்டுள்ளதாக திருமலை-திருப்பதி தேவஸ்தானம் தெரிவித்துள்ளது.

xxx

பாகிஸ்தானில் ஹிந்து கோவில்கள் நிலை; படு மோசம்

 பாகிஸ்தானில், பாரம்பரிய கலாசார சின்னங்களாக விளங்கும் பெரும்பாலான ஹிந்து கோவில்கள், பராமரிப்பின்றி சிதிலமடைந்த நிலையில் உள்ளதாக, உச்ச நீதிமன்றத்தில் அறிக்கை தாக்கல் செய்யப்பட்டுள்ளது.


கடந்த ஆண்டு இறுதியில், பாகிஸ்தானின், கைபர் பக்துன்கவா மாகாணம், தெரி கிராமத்தில் உள்ள கிருஷ்ணர் கோவில், ‘ஜமாத் உலேமா இ இஸ்லாம்’ என்ற அமைப்பினரால் இடித்து நொறுக்கப்பட்டது. இது தொடர்பான வழக்கில், உச்ச நீதிமன்றம், சோஹப் சுடல் தலைமையில் விசாரணைக் குழுவை அமைத்தது.இக்குழு, சக்வாலில் உள்ள கடாஸ் ராஜ் மந்திர், முல்தானில் உள்ள பிரகலாத் மந்திர் உட்பட பல வழிபாட்டு இடங்களுக்குச் சென்று, ஆய்வு செய்து, அறிக்கையை உச்ச நீதிமன்றத்தில் வழங்கியது.

அந்த அறிக்கையில் கூறப்பட்டுள்ளதாவது: ஹிந்துக்கள் வழிபட்டு வந்த பாரம்பரிய கோவில்கள், சீக்கியர்களின் குருத்துவாராக்கள், தற்போது படு மோசமான நிலையில் உள்ளன. மிகவும் பிரசித்தி பெற்ற நான்கு இடங்களில், இரண்டு மிகவும் சிதிலமடைந்த நிலையில் காணப்படுகின்றன. உடனடியாக, தெரி மந்திர், கடாஸ் ராஜ் கோவில்கள், பிரஹலாத் மந்திர், ஹிங்லஜ் மந்திர் ஆகியவற்றை சீரமைக்க வேண்டும்.



ஹிந்து, சீக்கியர் ஆகியோரின் நுாற்றுக்கணக்கான சொத்துக்கள், வழிபாட்டு தலங்கள் ஆகியவற்றை, இந்த அமைப்பு ஆக்கிரமித்துள்ளது.மோசமான நிலையில் உள்ள, சிறுபான்மையினரின் புராதன வழிபாட்டு தலங்களை சீரமைக்க நடவடிக்கை எடுக்க வேண்டும்.இவ்வாறு, அறிக்கையில்கூறப்பட்டுள்ளது.

xxx

இறுதியில் ஒரு சுவையான செய்தி

எமதர்மராஜா வேடத்தில் கொரோனா தடுப்பூசி போட்டுக்கொண்ட போலீஸ் அதிகாரி

மத்திய பிரதேசத்தில் எமதர்மராஜா வேடமணிந்து போலீஸ் அதிகாரி ஒருவர் கொரோனா தடுப்பூசி போட்டுக்கொண்ட புகைப்படம் வைரலாகியுள்ளது.

இந்தியாவில் கடந்த ஜனவரி 16ம் தேதி முதல் கொரோனா தடுப்பூசி செலுத்தப்பட்டு வருகிறது. மத்திய பிரதேசம் மாநிலம் இந்தூரில் போலீஸ் அதிகாரி ஒருவர் இந்து மதத்தில் மரண தேவதையான எமதர்மராஜா வேடமணிந்து கொரோனா தடுப்பூசி போட்டுக்கொண்டார்.

இது குறித்து அவர் கூறுகையில், ஒவ்வொரு சுகாதார பணியாளர்கள் மற்றும் முன்கள வீரர்கள் கொரோனா தடுப்பூசி போட்டுக்கொள்ள முன் வர வேண்டும் என்ற செய்தியை பரப்பவே இவ்வாறு செய்ததாக அவர் கூறினார்

Xxx

இத்துடன் லண்டனிலிருந்து வரும் செய்திகள் நிறைவடைந்தன………………………….. செய்திகளை உங்களுக்கு வழங்கியவர் வைஷ்ணவி ஆனந்த்………………………… நன்றி, வணக்கம்

 tags- உலக இந்து சமய ,செய்தி மடல், 14-2-2021,

23-11-2020 உலக இந்து சமய செய்தி மடல் (Post .8964-b)

Compiled and Edited BY LONDON SWAMINATHAN (News Editor, Gnanamayam)

Post No. 8964-b

Date uploaded in London – –24 NOVEMBER 2020   

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

நவம்பர் 23-ம்  தேதி  —   திங்கட் கிழமை

உலக இந்து   சமய செய்தி மடல்

தொகுத்து வழங்குபவர் வைஷ்ணவி ஆனந்த்

 இது ‘ஆகாச த்வனி’ யின் உலக இந்து சமய செய்தி மடல் நேயர்கள் அனைவருக்கும் வணக்கம்,

நமஸ்காரம் செய்திகள் வாசிப்பது VAISHNAVI     ANAND 

அனைவர்க்கும் ஞான மயக்  குழுவினரின்   திருக்  கார்த்திகை தீ பத் திருநாள் வாழ்த்துக்கள்

நவம்பர் 29-ம் தேதி திருக்  கார்த்திகை தீபத் திருநாள்  தினம் கொண்டாடப்படுகிறது. 

 எங்கள் நிகழ்ச்சிகளை திங்கட்கிழமை தோறும் லண்டன் நேரம் பிற்பகல் 1 மணிக்கும், இந்திய நேரம் மாலை 6-30 மணிக்கும் நேரடியாகக் கேட்கலாம். உலக இந்து சமய செய்தித் தொகுப்புடன் நேயர்களின் கேள்விகளுக்கும் விடைகளும் அளிக்கப்படுகிறது.

உங்கள் பேட்டை, நகரத்தில் நடைபெறும் விழாக்கள், உற்சவங்கள் பற்றி எங்களுக்கு செய்தி அனுப்புங்கள்.

எங்களை எந்நேரமும் தொடர்பு கொள்ள Facebook.com / Gnana mayam முகவரியில் அணுகவும்

XXXX

முதலில் நீங்கள் ஆங்கிலத்தில் கேட்ட செய்திகளை சுருக்கமாகச் செப்பிவிட்டு தமிழ் நாட்டுச் செய்திகளை விரிவாக வழங்குகிறேன்.

இன்று நவம்பர் 23-ம் தேதி ஸ்ரீ சத்ய சாய் பாபாவின் பிறந்த நாளை உலகெங்கிலும் உள்ள அவரது பக்தர்கள் கொண்டாடுகின்றனர். லண்டன் உள்பட உலகின் பெரிய நகரங்களில் அகண்ட நாம பஜனை நடைபெறுகிறது

Xxx

முதலில் கேரள செய்திகள்

கேரளத்தில் சபரி மலை சாஸ்தா கோவில் வருமானம் மிகவும் குறைந்து விட்டது. கடந்த சில நாட்களில் கிடைத்த வருவாய் சுமார் பத்து லட்சம் ரூபாய்கள்தான் .சென்ற ஆண்டு இதே காலத்தில் மூன் ற ரரைக் கோடி ரூபாய் வருமானம் கிட்டியது . இதற்குக் காரணம் குறைவான பக்கதர்களை அய்யப்பன் கோவிலுக்குள் அனுமதிப்பதாகும் வைரஸ் நோய் தாக்குதல் காரணமாக 50,000 பக்தர்களுக்குப்  பதிலாக 1000 முதல் 2000 பக்தர்களே ஒவ்வொரு நாளும் அனுமதிக்கப்படுகின்றனர்.

கோவிலை நிர்வகிக்கும் திருவாங்கூர்  தேவஸ்வம் போர்டு கேரள அரசிடம் நிதி உதவி கோருகிறது. அத்தோடு பக்தர் எண்ணிக்கையை அதிகரிக்க அனுமதியும் கோரியுள்ளது.

XXX

கேரளத்திலிருந்து யானைக் குழப்பம் பற்றிய சுவையான செய்தியும் கிடைத்துள்ளது.

கேரளத்தில் கோவில் விழா காலத்தில் அலங்கார யானைகள் அணிவகுப்பு நடைபெறும்  ஆனால் இப்போது ஒரே ஒரு யானையை மட்டும் பயன்படுத்த வேண்டும் என்று கொச்சி நகரிலிருந்து வரும் செய்திகள் கூறுகின்றன. மாவட்ட யானைகள் பராமரிப்புக் கண்காணிப்புக்கு குழுவின் தலைவர் ஐசக்  இவ்வாறு ஒரே யானை உத்தரவைப் பிறப்பித்துள்ளார்

ஆனால் மூன்று யானைகளை த்ரிபுனித்துறை கோவில் விழாவில் பயன்படுத்த கலெக்டர் அனுமதித்துள்ளார் யானைக் குழப்பம் யானை அளவுக்கு நீடிக்கிறது.

XXXX

வட இந்தியாவில் பெரும்பாலான மாநிலங்களில் நடைபெறும் சாத் பூஜை கள் இனிதே நிறைவேறின. இந்துப் பெண்கள் விரத மிருந்து நதிகளில் நீராடி சூரிய தேவனுக்கு அர்க்யம் கொடுப்பது முக்கிய சடங்கு ஆகும். இந்த ஆண்டு பாட்னா நகரில் கங்கை நதிக்குச் செல்லாமல் பீஹார் மாநில முதலமைச்சர் நிதிஷ் குமாரும். துணை முதலமைச்சர் ரேணு தேவியும் வீட்டில் இருந்தவாறே சூரிய பகவானை வழிபட்டனர்.

XXXX

குருப் பெயர்ச்சிக் கொண்டாட்ட செய்திகள் இதோ

சென்ற 20-ம் தேதி முதல் குரு ப் பெயர்ச்சி பூஜைகள் தமிழ் நாட்டின் கோவில்களில் நடந்து வருகின்றன. குரு என்றும் வியாழன், பிருஹஸ்பதி என்றும் அழைக்கப்படும் ஜூப்பிட்டர் என்னும் கி ரஹம் சூரியனை சுற்றி வர 12 ஆண்டுகள் ஆகும் .ஒவ்வொரு ஆண்டும் இது வேறு ஒரு ராசிக்குச் செல்லுகையில் அரசியல், அலுவலகம், குடும்பங்களில் பெரும் மாறுதல்கள் ஏற்படும் என்பது இந்துக்களின் நம்பிக்கை. இதனால் மக்கள் இதை கவனமாக பார்ப்பார்கள்.

 மேலும் உலகிலேயே மிகப் பெரிய விழாவான கும்பமேளாவும் குருவின் இயக்கத்தைப் பொறுத்து 12 ஆண்டுகளுக்கு ஒரு முறை நடைபெறும் இதற்கு இடையில் 4 ஆண்டுகளுக்கு ஒரு முறை மினி அதாவது குட்டி கும்பமேளாக்கள் நடைபெறும். அப்படிப்பட்ட குட்டி மேளா  புஷ்கரம் என்று அழைக்கப்படும் ஆந்திர மாநிலத்தில் உள்ள கர் நூல் நகரில் தூங்க பத்ரா நதியில் புஷ்கரம் துவங்கி விட்டது.

இந்த நதி செல்லும் மாநிலங்களில் இவ்விழா நடைபெறுகிறது.ஆந்திர முதலமைச்சர் ஜெகன் மோகன் ரெட்டி வேத கோஷ முழக்கத்திடையே பாரம்பர்ய முறையில் விழவைத் தவக்கிவைத்து பூஜை செய்தார். நதி மாதாவுக்கு புடவையும் அர்ப்பணித்தார். அவரது குடும்பத்தினர் கிறிஸ்தவ மதத்தினர் என்பதால் வரவில்லை. இந்துக்களின் பெரிய யாக யக்ஞங்களை மனைவியுடன் தான் செய்ய முடியும். ஆனால் நதிக்கரையில் நடந்த யாகத்தில் ஜெகன்,  மனைவி இல்லாமல் பங்கு கொண்டார்..

இதற்கிடையில்  கர்நூல் மாவட்ட நிர்வாகம் 23 நதித் துறைகளை ஏற்படுத்தி “பிண்ட பிரத நம்” கிரியைகளுக்கு வகை செய்துள்ளது . பல லட்சம் மக்கள் பங்கு கொள்ளும் இந்த 12 நாள் விழாவில் மக்கள், துங்க பத்ரா நதிக்குள் இறங்கி புனித ஸ்னாநம் செய்யக்கூடாது என்று தடை விதித்த நிர்வாகம்,  நதி நீரை ஷவர் SHOWER வழியாக மக்களுக்கு வழங்க ஏற்பாடு செய்துள்ளது .

பக்தர்கள் அருவி நீரில் குளி ப்பது போல நின்று குளித்து  விட்டு அருகிலுள்ள கூடாரங்களில் உடை மாற்றிக் கொள்ளவும் இலவச உணவு பெறவும் ஏற்பாடுகள் உள்ளன. ஆயினும் வைரஸ் நோய் தடுப்பு விதி முறைகளைக் கடைப்பிடித்த பின்னரே பங்கு கொள்ள இயலும்.

XXX

பஞ்ச பூதத்  தல ங்களில் ஒன்றான திருவண்ணாமலையில் கொடியேற்றத்துடன் கார்த்திகைத் தீ ப த் திருநாள் துவங்கி விட்டது . சுமார் 20 லட்சம்  பேரைக் கவர்ந்திழுக்கும் இவ்விழா இந்த ஆண்டு வைரஸ் நோய் ஆபத்து காரணமாக சில ஆயிரம் பேராகச் சுருங்கிவிட்டது. மலை மீது நவம்பர்  29–  ம் தேதி பெரிய தீபம் ஏற்றப்படும். ஆனால் கார்த்திகை நாளன்று கோவிலுக்குள்ளும் மலை மீதும் பக்தர்கள் செல்ல முடியாது.

இது ஒருபுறமிருக்க வீ டு தோறும் , வீதி தோறும் மக்கள் விளக்கேற்றி வழிபட ஆயத்தமாகி வருகின்றனர் சங்கத் தமிழ் நூல்களும் போற்றும் கார்த்திகை நாளன்று  தமிழ் நாடு முழுதும் தீப ஜோதி விளக்குகளில் பிரகாசிப்பது கண் கொள்ளா க் காட்சி ஆகும் . இதை ஒட்டி மூன்று நாட்களுக்கு விளக்கு ஏற்றுவது. சொக்கப்பனை கொளுத்துவது தமிழ ர்களின் வழக்கம்.

கடலூர் திருப்பாதிரிப்புலியூர் பாடலீஸ்வரர்கோவிலில்  15 ம் தேதி  குரு பகவானுக்கு பால், தயிர், நெய், இளநீர், சந்தனம், விபூதி போன்ற பொருட்களால் சிறப்பு அபிஷேகம் செய்யப்பட்டது. இதேபோல் சிதம்பரம் நகரின் மேற்கு பகுதியில் பதஞ்சலி முனிவர் பூஜித்து வழிபட்டு வந்த சவுந்தரநாயகி உடனாகிய அனந்தீஸ்வரர்கோவிலில் சிறப்பு யாகம் மற்றும் பூஜைகள் நடந்தன.

XXXX

தமிழக முதலமைச்சர் பழனிசாமி தனது குடும்பத்துடன் திருப்பதி ஏழுமலையானை தரிசனம் செய்தார்.

திருப்பதி கோவிலில் சாமி தரிசனம் செய்வதற்காக தமிழக முதலமைச்சர் எடப்பாடி பழனிசாமி 16-  ம் தேதி மாலை தனது குடுப்பத்தினருடன் திருப்பதிக்கு சென்றார். அங்கு முதலமைச்சர் எடப்பாடி பழனிசாமிக்கு மேளதாளங்கள் முழங்க சிறப்பு வரவேற்பு அளிக்கப்பட்டது. அதனை தொடர்ந்து இரவு 7 மணிக்கு வராக சுவாமி கோயிலிலும், ஹயக்ரீவர் கோவிலும் சாமி தரிசனம் செய்தார்.

அத்துடன் 17-  ம் தேதி அதிகாலையில் நடைபெற்ற வாராந்திர சேவையான அஷ்டதள பாத பத்ம ஆராதனையில் கலந்து கொண்டு முதலமைச்சர் எடப்பாடி பழனிசாமி தனது குடும்பத்துடன் திருப்பதி ஏழுமலையானை  தரிசனம் செய்தார்.

XXXXX

பாகிஸ்தானிலிருந்து ஒரு இனிப்பான செய்தி வந்துள்ளது  1300 ஆண்டுப் பழமையான இந்து க் கோவிலை இத்தாலிய பாகிஸ்தானிய தொல் பொருட் துறை அறிஞர்கள் கண்டு பிடித்துள்ளனர். இது சாஹி வம்சத்தாரால் விஸ்ணு பகவானுக்கு அமைக்கப்பட்ட கோவில். முன் காலத்தில் மஹாபாரத காந்தாரியைப் பெற் றெ டுத்த காந்தாரம் மற்றும் வட மேற்கு இந்தியாவை இந்து மத சாஹி மன்னர்கள் 200 ஆண்டுகளுக்கு ஆண்டனர். இப்போது அந்தப் பகுதிகள் ஆப்கானிஸ்தான் பாகிஸ்தான் நாடுகளில் உள்ளன.

வடமேற்கு பாகிஸ்தானில் Swat ஸ்வாட் மாவட்டத்தில் Barikot Ghundai பாரிகோட்   குண்டாய் என்னும் ஊரில் இந்த விஷ்ணு ஆலயம் கண்டு பிடிக்கப்பட்டுள்ளது

XXXX

ஜைனத் துறவியின் 151-வது ஜெயந்தி

ஜைனத்துறவி ஶ்ரீ விஜய் வல்லப் சுரீஷ்வர்ஜி மகாராஜின், 151-வது ஜெயந்தியை முன்னிட்டு 16-ம் தேதி அமைதிக்கான சிலையை பிரதமர் மோடி திறந்து வைத்தார்.

ஜைனத் துறவியான ஶ்ரீ விஜய் வல்லப் சுரீஷ்வர்ஜி மகாராஜ்( 1870-1954), எளிய வாழ்க்கையை வாழ்ந்து, பகவான் மகாவீரரின் போதனைகளைப் பின்பற்றி கல்வியைப் பரப்புவதற்காகவும், சமூக தீமைகளை எதிர்க்கும் வகையிலும் பல்வேறு கவிதைகள், கட்டுரைகள் மற்றும் பக்தி பாடல்களை படைத்தவர்., விடுதலைப் போராட்டத்திற்கும் தீவிர ஆதரவளித்தார்.

அவருடைய ஊக்குவிப்பால் கல்லூரிகள், பள்ளிகள், கல்வி மையங்கள் உள்ளிட்ட 50-க்கும் மேற்பட்ட சிறப்பு வாய்ந்த கல்வி நிறுவனங்கள், பல்வேறு மாநிலங்களில் இயங்கி வருகின்றன

XXXX

லண்டனில் மீட்ட கோவில் சிலைகள் தமிழக போலீசிடம் ஒப்படைப்பு

லண்டனில் இருந்து 42 ஆண்டுகளுக்கு பின் மீட்கப்பட்ட தமிழக கோவில் சிலைகளை மத்திய கலாசார துறை அமைச்சர் பிரகலாத் சிங் படேல்   17-ம் தேதி தமிழக போலீசாரிடம் ஒப்படைத்தார்.

மயிலாடுதுறை மாவட்டம் அனந்தமங்கலத்தில் ஸ்ரீ ராஜகோபால சுவாமி கோவில் உள்ளது. இக்கோவிலில் இருந்து 1978ம் ஆண்டில் ராமர் சீதை லட்சுமணன் சிலைகள் திருடு போயின. இந்த சிலைகள் பிரிட்டன் தலைநகர் லண்டனுக்கு கடத்தப்பட்டது தமிழக சிலை கடத்தல் தடுப்பு பிரிவு போலீசாருக்கு தெரியவந்தது.

திருடுபோன ராமர் உள்ளிட்ட மூன்று சிலைகளும் செப்டம்பரில் மீட்கப்பட்டன. அதன்பின் பிரிட்டன் அரசு சிலைகளை மத்திய அரசிடம் முறைப்படி ஒப்படைத்தது.

பின் மத்திய அமைச்சர் பிகலாத் சிங் படேல் கூறுகையில் ”பிரதமர் மோடி தலைமையிலான மத்திய அரசு வெளிநாடுகளுக்கு கடத்தப்பட்ட 40க்கும் மேற்பட்ட சிலைகள் உள்ளிட்ட கலைப் பொக்கிஷங்களை மீட்டுள்ளது” என்றார்.

இத்துடன் லண்டனிலிருந்து வரும் செய்திகள் நிறைவடைந்தன………………………….. செய்திகளை உங்களுக்கு வழங்கியவர் வைஷ்ணவி ஆனந்த்………………………… நன்றி, வணக்கம்

அனைவர்க்கும் ஞான மயக்  குழுவினரின்   கார்த்திகை தீபத் திருநாள் வாழ்த்துக்கள்

 TAGS- 23-11-2020,  உலக இந்து சமய ,செய்தி மடல்

9-11-2020 உலக இந்து சமய செய்தி மடல் (Post No.8912-b)

COMPILED BY LONDON SWAMINATHAN

Post No. 8912-b

Date uploaded in London – –10 NOVEMBER 2020   

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

நவம்பர் ஒன்பதாம்  தேதி  —   திங்கட் கிழமை

உலக இந்து   சமய செய்தி மடல்

தொகுத்து வழங்குபவர் வைஷ்ணவி ஆனந்த்

 இது ‘ஆகாச த்வனி’ யின் உலக இந்து சமய செய்தி மடல் நேயர்கள் அனைவருக்கும் வணக்கம்,

நமஸ்காரம் செய்திகள் வாசிப்பது VAISHNAVI     ANAND 

அனைவர்க்கும் ஞான மயக்  குழுவினரின்   தீபாவளி  வாழ்த்துக்கள்

நவம்பர் 14ம் தேதி தீபாவளியும் இந்தியாவில் குழந்தைகள் தினமும் கொண்டாடப்படுகிறது.  உங்கள் குழந்தைகள் அனைவர்க்கும் குழந்தைகள் தின வாழ்த்துக்களும் உரித்தாகுக

 எங்கள் நிகழ்ச்சிகளை திங்கட்கிழமை தோறும் லண்டன் நேரம் பிற்பகல் 1 மணிக்கும், இந்திய நேரம் மாலை 6-30 மணிக்கும் நேரடியாகக் கேட்கலாம். உலக இந்து சமய செய்தித் தொகுப்புடன் நேயர்களின் கேள்விகளுக்கும் விடைகளும் அளிக்கப்படுகிறது.

உங்கள் பேட்டை, நகரத்தில் நடைபெறும் விழாக்கள், உற்சவங்கள் பற்றி எங்களுக்கு செய்தி அனுப்புங்கள்.

எங்களை எந்நேரமும் தொடர்பு கொள்ள Facebook.com / Gnana mayam முகவரியில் அணுகவும்

XXXX

ayodhya

முதலில் நீங்கள் ஆங்கிலத்தில் கேட்ட செய்திகளை சுருக்கமாகச் செப்பிவிட்டு தமிழ் நாட்டுச் செய்திகளை விரிவாக வழங்குகிறேன்.

பிரிட்டிஷ் பிரதமர் பாரிஸ் ஜான்சன் தீபாவளி வாழ்த்துச் செய்தி அனுப்பியுள்ளார்.

உத்தரப் பிரதேசத்தில் அயோத்தியில் ராமஜென்ம பூமியில் 400 ஆண்டுகளுக்குப் பின்னர் முதல் தடவையாக தீபாவளி கொண்டாடப்படும் என்று அந்த மாநிலத்தின் முதல்வர் யோகி ஆதித்யநாத் அறிவித்துள்ளார். சென்ற ஆண்டு 4 லட்சம் தீபங்களை ஏற்றி கின்னஸ் சாதனைப் புஸ்தகத்தில் இடம்பெற்ற அயோத்தி , இம்முறை 5 லட்சம் தீபங்களை ஏற்ற திட்டமிட்டுள்ளது.

லவ் ஜிஹாத் எனப்படும் கட்டாய மத மாற்ற காதல் வலையை எதிர்த்து உத்தரப்பிரதேசம் மத்திய பிரதேசம் ஆகிய மாநிலங்கள்  சட்டங்களை இயற்றத் தீர்மானித்துள்ளன. கர்நாடகமும் இதை பரிசீலித்து வருகிறது. திருமணத்துக்காக மதம் மாறுவதை அனுமதிக்க முடியாது என்று முன்னதாக உயர்நிதி மன்றமும் தீர்ப்பு வழங்கி இருந்தது.

மதம் மாற்றம் செய்யும் நோக்கத்தோடு இந்து சமயப் பெண்களையும் ஆண்களையும், ஏனைய மதத்தினர்  காதல் வலையில் சிக்க வைப்பது லவ் ஜிஹாத் என அழைக்கப்படுகிறது .

XXX

மதுரா  நகரிலுள்ள கிருஷ்ண பரமாத்மாவின் கோவிலில் ஒரு முஸ்லிம்  தொழுகை செய்ததைக்  கண்டித்து பாக் பட் நகரில் பாரதீய ஜனதா  எ ம் எல் ஏ . ஹனுமான் சாலீஸா   துதியைப்  படித்தார். இருவர் மீதும் அதிகாரிகள் நடவடிக்கை எடுத்தனர்.

XXX

லவ் ஜிஹாத்துக்கு எதிராக 3 மாநிலங்கள் சட்டம் இயற்றும்

உத்தரப்பிரதேசத்தில் மதுரா நகர கிருஷ்ணன் கோவிலுக்குள் ஒருவர் நமாஸ் தொழுகை நடத்தியதை அடுத்து இந்து எம் எல் ஏ ஒருவர் மசூதியில் ஹனுமான் சாலிசா பாராயணம் செய்தார் . இதில் தொடர்புடைய முஸ்லிமும் ஹிந்துக்களும் கைது செய்யப்பட்டனர்

XXXX

காமாக்யா கோவிலில் தங்க கலசம்

அஸ்ஸாம் மாநிலத்தில் கெள ஹாத்தி நகரிலுள்ள அன்னை காமாக்யா தேவி கோவில் மிகவும் புகழ்பெற்றது. அது நாட்டிலுள்ள சக்திக் கேந்திரங்களில் ஒன்று.

அந்தக் கோவில் கோபுரத்தில் மூன்று பெரிய  தங்கக்  கலசங்களைப்   

 பொருத்துவதற்காக  ரிலையன்ஸ் நிறுவன உரிமையாளர் முகேஷ் அம்பானி 20 கிலோ தங்கத்தை கொடுத்துள்ளார்.

XXX

கோவில்களின் நிதியை இந்து சமயம் தொடர்பில்லாத பணிகளுக்குப் பயன்படுத்தக் கூடாதென்று சென்னை உயர்நீ தி மன்றம் கூறியுள்ளது..

XXX

கேரளத்தில்  தாழ்த்தப்பட்ட வகுப்பினருக்கு அர்ச்சகர் பதவி

கேரளத்திலுள்ள திருவாங்கூர் தேவஸ்வம் போர்டு, புகழ் பெற்ற சபரிமலை ஆலயம் உள்பட 1200 க்கும் மேலான கோவில்களை நிர்வகித்து வருகிறது .கேரளத்தில் கடந்த 4 ஆண்டுகளில் பிராமணர் அல்லாத 133 அர்ச்சகர்கள் நியமிக்கப்பட்டனர். இப்போது பகுதி நேர அடிப்படையில் ஷெட்யூல்ட்டு வகுப்பினர், பழங்குடி வகுப்பைச் சேர்ந்த மேலும் 19 பேரை பகுதிநேர அர்ச்சகராக நியமிக்க போர்டு தீர்மானித்துள்ளது

XXX

தீபாவளியில் இருளை ஒளி வெல்வது போல நாம் ஒன்றிணைந்து கொரோனாவை வெல்வோம் என இங்கிலாந்து பிரதமர் போரிஸ் ஜான்சன் தெரிவித்துள்ளார்.

இங்கிலாந்தில் தற்போது கொரோனா பரவல் காரணமாக 2-வது முறையாக முழு LOCK DOWN அமல்படுத்தப்பட்டுள்ள நிலையில், ‘உலக தீபாவளி திருவிழா 2020’ கொண்டாட்டங்கள் காணொலி காட்சி வாயிலாக நடக்கிறது. 3 நாட்கள் நடைபெறும் இந்த விழாவை பிரதமர் போரிஸ் ஜான்சன் நேற்று தொடங்கி வைத்து பேசினார். அப்போது அவர் தீபாவளியில் இருள் மீது ஒளி வெற்றி பெறுவது போல் நாம் ஒன்றிணைந்து கொரோனாவை வெல்வோம் என நம்பிக்கை தெரிவித்தார். இது குறித்து அவர் பேசியதாவது:-

 இருள் மீது ஒளி வெற்றி பெறுகிறது; தீமை அழிகிறது; அறியாமை அகலுகிறது; என்பதை தீபாவளி நமக்கு கற்பிப்பதை போலவே நாம் ஒன்றாக சேர்ந்து இந்த வைரசை வெல்வோம்.

XXXX

திருச்சியில் ஒவ்வொரு ஆண்டும் சுமார் 100 முதல் 150 இலங்கை தமிழ் பெண்கள் விரதமிருந்து 21 நாட்களும் கேதார கவுரி அம்மனுக்கு பூஜை செய்து வழிபட்டு வருவது வழக்கம்.

ஐப்பசி மாதத்தில் வரும் விரதங்களில் ஒன்றாக கேதார கவுரி விரதம் கடைப்பிடிக்கப்பட்டு வருகிறது. இந்த விரதமானது தீபாவளி அமாவாசையன்று முடிவுறும் 21 ஒரு நாள் விரதம் ஆகும். சிவனைக்குறித்து அன்னை பார்வதி மேற்கொண்ட விரதங்களில் முக்கியமானது இந்த கேதார கவுரி விரதம்.

அன்னை பராசக்தியான கவுரி இறைவனின் ஒரு பாகத்தை அடைய மேற்கொண்ட இந்த விரதம் 21 திதிகள் அடங்கிய 21 தினங்களில் கடைபிடிப்பது. இந்த விரதம் பெரும்பாலும் புரட்டாசி மாதத்தில் நவமி அல்லது அஷ்டமி திதியில் தொடங்கும். திருச்சி கே.கே.நகர் அய்யப்பநகர் புவனேஸ்வரி அம்மன் கோவிலில் கேதாரேஸ்வரர் மற்றும் கேதார கவுரி அம்மன் சன்னதி உள்ளது.


இந்த ஆண்டு இலங்கை தமிழ் பெண்கள் சுமார் 300 பேர் விரதம் இருந்து வருகிறார்கள். இந்த விரதத்தின் இறுதி நாளான தீபாவளி அன்று சிறப்பு பூஜைகள் நடத்தப்பட்டு இந்த விரதமானது முடித்து வைக்கப்படுகிறது.

XXXX

அமெரிக்க துணை அதிபர் தேர்தலில் முதன் முதலில் இந்திய வம்சாவளியை சேர்ந்த பெண் ஒருவர் வெற்றி பெற்றதால் அவரது சொந்த ஊரான துளசேந்திரபுரம் கிராம மக்கள் மகிழ்ச்சி அடைந்தனர். பட்டாசுகள் வெடித்தும், இனிப்பு வழங்கியும் வெற்றியை கொண்டாடினர். வீட்டு வாசல்களில் ரங்கோலி வரைந்து வாழ்த்து தெரிவித்தனர். அமைச்சர் காமராஜ் அங்குள்ள கோவிலுக்குச் சென்று அர்ச்சனை செய்து வழிபட்டார்.

பின்னர் செய்தியாளர்களை சந்தித்த அமைச்சர் காமராஜ் கூறுகையில், “இந்த சிறிய கிராமத்தைச் சேர்ந்த ஒரு பெண் இப்போது அமெரிக்காவில் மிக உயர்ந்த பதவிகளில் ஒன்றில் அமர்கிறார். இது ஒரு பெருமையான தருணம்” என்றார்.

கமலா ஹாரிஸ்  சொந்த ஊர் தமிழகத்தின் திருவாரூர் மாவட்டம் மன்னார்குடி அருகே உள்ள துளசேந்திரபுரம் கிராமம் ஆகும். கமலா ஹாரிசின் தாய்வழி தாத்தா கோபாலன், பாட்டி ராஜம் ஆகியோர் மன்னார்குடியை அடுத்துள்ள துளசேந்திரபுரம் கிராமத்தை சேர்ந்தவர்கள்.

XXXXX

தமிழகத்திலுள்ள சிவாலயங்களில் தொன்மை வாய்ந்தது திருவண்ணாமலை அருணாசலேஸ்வரர் கோவில். இக்கோவிலில் ஆண்டுதோறும் நடைபெறும் திருக்கார்த்திகை தீபத் திருவிழா மிகவும் பிரசித்தி பெற்றது. சுமார் 20 லட்சம் பக்தர்கள் வரை அன்று கிரிவலம் மற்றும் சாமி தரிசனம் செய்ய வருவார்கள்.

இந்த ஆண்டுக்கான தீபத் திருவிழா முன்னேற்பாடு பணிகள் தொடங்கி நடந்து வருகின்றன. வருகிற 20–ந்தேதி திருவிழா தொடங்குகிறது.29–ந்தேதி மகா தீபம் ஏற்றப்படுகிறது.

திருவண்ணாமலை தீபத் திருவிழா பல்லாண்டுகளாக தடையின்றி நடந்து வரும் நிலையில் அதனை தடுத்து நிறுத்துவது தெய்வ குற்றம் ஆகும். எனவே தீபத்திருவிழா தேரோட்டம் மற்றும் சாமி வீதி உலா வுக்கு தடை விதிக்கக் கூடாது. தற்போது கொரோனா கட்டுக்குள் இருப்பதால் தேவையான கட்டுப்பாடுகளை விதித்து வழக்கம்போல் தேரோட்டம் மற்றும் சாமி வீதி உலா நிகழ்ச்சிகளை நடத்த வேண்டும் என்று திருவண்ணாமலையில் வசிக்கும் அனைத்து தரப்பு மக்களும் கோரிக்கை விடுத்துள்ளனர்.

XXXX

அடுத்த சில நாட்களில் வரும் முக்கிய விழாக்கள்

நவ 09, திங்கள் : நவமி. திருவல்லிக்கேணி ஸ்ரீபார்த்தசாரதிப் பெருமாள் திருக்கோயிலில் மூலவருக்குத் திருமஞ்சன சேவை. மதுரகவி சுவாமிகள் குருபூஜை.

நவ 10, செவ்வாய் : தசமி. ஐப்பசி பூரம். சுவாமிமலை ஸ்ரீமுருகப்பெருமான் பேராயிரம் கொண்ட தங்கப்பூமாலை சூடியருளல். திருநெல்வேலி ஸ்ரீகாந்திமதியம்மாள் இரவு தங்க சப்பரத்தில் தபசுக்காட்சி.

நவ 11, புதன் : ஏகாதசி. விஷ்ணு தலங்களில் சிறப்பு அலங்கார தீபாராதனை. தென்காசி, கடையம், பத்தமடை, தூத்துக்குடி, சங்கரநயினார் கோவில் ஆகிய திருத்தலங்களில் ஸ்ரீஅம்பாள் திருக்கல்யாணம்.

நவ 12, வியாழன் : துவாதசி. பிரதோஷம். திருப்பதி ஸ்ரீஏழுமலையப்பன் கத்தவால் சமஸ்தான மண்டபம் எழுந்தருளல்.

நவ 13, வெள்ளி : திரயோதசி. மாத சிவராத்திரி. தன்வந்திரிபகவான் ஜெயந்தி. வள்ளியூர் ஸ்ரீமுருகப் பெருமான் உற்ஸவாரம்பம். வெள்ளி மயில் வாகனத்தில் திருவீதிவுலா. திரு இந்துளூர் ஸ்ரீபரிமளரெங்கநாதர் திருக்கல்யாண வைபவம்.

XXXXX

இத்துடன் லண்டனிலிருந்து வரும் செய்திகள் நிறைவடைந்தன………………………….. செய்திகளை உங்களுக்கு வழங்கியவர் வைஷ்ணவி ஆனந்த்………………………… நன்றி, வணக்கம்

அனைவர்க்கும் ஞான மயக்  குழுவினரின்   தீபாவளி  வாழ்த்துக்கள

 9-11-2020, உலக இந்து சமய,  செய்தி மடல்

5-10-2020 இந்து சமய செய்தி மடல் (Post No.8778)

WRITTEN BY LONDON SWAMINATHAN (News Editor, Gnanamayam)

Post No. 8778

Date uploaded in London – –5 OCTOBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

அக்டோபர் ஐந்தாம் தேதி திங்கட்கிழமை     —  இந்து சமய செய்தி மடல் —

இது ‘ஆகாச த்வனி’யின்  உலக இந்து சமய செய்தி மடல்

நேயர்கள் அனைவருக்கும் வணக்கம், நமஸ்காரம்

செய்திகள் வாசிப்பது VAISHNAVI ANAND

எங்கள் நிகழ்ச்சிகளை திங்கட்கிழமை தோறும் லண்டன் நேரம் பிற்பகல் 2 மணிக்கும்,

 இந்திய நேரம் மாலை 6-30 மணிக்கும் நேரடியாகக் கேட்கலாம்.

உலக இந்து சமய செய்தித் தொகுப்புடன் நேயர்களின் கேள்விகளுக்கும் விடைகளும்  அளிக்கப்படுகிறது

உங்கள் பேட்டை, நகரத்தில் நடைபெறும் விழாக்கள், உற்சவங்கள் பற்றி எங்களுக்கு செய்தி அனுப்புங்கள்

எங்களை எந்நேரமும் தொடர்பு கொள்ள  Facebook.com / Gnana mayam  முகவரியில் அணுகவும்

XXXX

உலகெங்கிலும் வாழும் இந்துக்கள் ‘நவராத்ரி’ விழாவை அக்டோபர் 17ம் தேதி துவங்கு கின்றனர். கோவில்களும் இந்துக்களும் இந்த உற்சவத்தை கொண்டாட தயாராகி வருகின்றனர். இந்த விழாவின் முடிவில் மைசூரில் தசரா விழாவும், மேற்கு வங்கத்தில் துர்கா பூஜையும், தில்லியில் ராம்லீலா உற்சவமும் நடைபெறும் .

தென்னிந்தியாவில் , குறிப்பாக தமிழ் நாட்டில், கோவில்களிலும் வீடுகளிலும் கொலு பொம்மைக் காட்சியும் , தேவியரின் அலங்காரமும் நடைபெறும் ; ஆனால் இந்த ஆண்டு மக்கள், சீன வைரஸ் தாக்குதல் அச்சத்தால் கட்டுத்திட்டங்களுடன் இதைக் கொண்டாடுவர்.

இதற்கிடையில்

மேற்கு வங்க மாநிலத்திலிருந்து இந்துக்களை மகிழ்விக்கும் செய்தி வெளியாகியுள்ளது ………………………..

துர்கா பூஜையை பேட்டைதோறும், ஊர்தோறும், நடத்தும் 37,000 அமைப்பாளர்களுக்கு ஒவ்வொருவருக்கும் 50,000 ரூபாய்  தரப்படும் என்று மேற்கு வாங்க மாநில முதலமைச்சர் மம்தா பானர்ஜி அறிவித்துள்ளார்.  திருவிழாக் காலத்தில் தெருவில் கடைவிரிக்கும் நடைபாதை வண்டிக்காரர்களுக்கு ஒவ்வொருவருக்கும் 2000 ரூபாய் மான்யமும் அறிவித்து இருக்கிறார்.

இரண்டு வாரங்களுக்கு முன்னர் , மம்தா பானர்ஜி, இந்து சமய புரோகிதர்களுக்கும் மாத ஊதியம் 1000 ரூபாயும் வீட்டு வசதி வாய்ப்புகளையும்  அறிவித்தார். இதனால் 8000 புரோகிதர்கள் பயன் அடைவர்.

இதைக்  கடுமையாக விமர்சித்த பாரதிய ஜனதா தலைவர்கள், இது கடைத் தேங்கயாயை எடுத்து வழிப் பிள்ளையாருக்கு உடைக்கும் செயல் போன்றது ; மக்கள் வரிப்பணத்தை இப்படி வாரி வழங்குகிறாரே என்று குறைகூறினர் .

Xxxx

அடுத்ததாக ஆந்திர மாநில செய்தி

ஆந்திர மாநிலத்தில்,, சித்தூர் அருகில், மேலும் ஒரு சிவன் கோவிலை விஷமிகள் தாக்கியுள்ளனர்.

அபய மங்கலம் என்னும் ஊரில் அபய ஆஞ்சனேயர் கோவில் இருக்கிறது ;

 கோவிலிலுள்ள  நந்தி  சிலையைக் கோவிலுக்குப் பின்னால்  கொண்டு  சென்று உடைத்திருக்கினர்.

இதன் கீழ் தங்கம் இருக்கும் என்ற வதந்தி  பரவியவுடன் பேராசைகொண்ட கும்பல் இதைச்

செய்ததாக போலீஸ் அதிகாரி கூறினார். விஷமிகளைக் கண்டுபிடிக்க உயர் போலீஸ் அதிகாரிகள் கீழே 3 குழுக்கள்  அமைக்கப்பட்டுள்ளன.

Xxxxx

நேயர்கள் கேட்டுக்கொண்டிருப்பது திங்கட் கிழமை தோறும் லண்டனிலிருந்து ஒலிபரப்பாகும்

ஆகாசத் த்வனியின்

உலக இந்து சமய செய்தி மடல்

XXX

28 ஆண்டுகாலமாக நாட்டை  உலுக்கி வந்த பாபர் மசூதி இடிப்பு வழக்கில் , சிபிஐ கோர்ட் தீர்ப்பு வாங்கியது உங்களுக்குத் தெரியும், வழக்கில் குற்றம் சாட்டப்பட்ட  32 பேரையும் கோர்ட் நிரபராதிகள் என்று சொல்லி விடுதலை. குரற்றம் சாட்டப்பட்டவர்களில் பாரதீய ஜனதா தலைவர் லால் கிருஷ்ண அத்வானி , முரளிமனோகர் ஜோஷி ஆகியோர் பெயர்களும் இருந்தன. இப்பொழுது கோர்ட் , இவர்களை விடுதலை செய்துவிட்டதால் இனி ஏச்சுப் பேச்சுக்கு இடமிராது.

இது சனாதன தர்மத்தின் வெற்றி என்று விசாகப்பட்டின சாரதா பீடத் தலைவர் ஸ்ரீ ஸ்வரூபானேந்திர சரஸ்வதி அறிக்கை வெளியிட்டார்.

Xxxx

யூ கே சங்கீத் சங்கம் என்ற அமைப்பு பேஸ்புக் மூலமாக இசையையும் நாட்டியத்தையும் ஊக்குவித்தும் பரப்பியும்  வருகிறது. புரட்டாசி மாதத்தில் இறைவன்- இறைவியின் கல்யாண உற்சவங்களை நடத்துவது சர்வ மங்களத்தையும் தரவல்லது . இதை முன்னிட்டு அக்டோபர்

பத்தாம் தேதி சனிக்கிழமையன்று

ஸ்ரீனிவாச கல்யாணம் நடைபெறும் என்று அறிவிக்கப்பட்டுள்ளது.

 சம்பிரதாய பஜனை பத்ததியைப் பரப்புவதில் முன்னிலையில் நிற்கும் புகழ்பெற்ற டாக்டர் உடையாளூர் கல்யாணராமன்  இந்த ஸ்ரீனிவாஸ கல்யாண உற்சவத்தை நடத்துகிறார். அவருடன் புகழ்பெற்ற பக்கவாத்யக்காரர்களும் இடம்பெறுவர். இதை பேஸ்புக்கில் கண்டு களித்து சகல செளபாக்கியத்தையம் அடைய விரும்புவோர் யூகே சங்கித் சங்கத்தை பேஸ்புக் மூலம் அணுகலாம்.

xxx

இறுதியாக தமிழகத்தை துயரத்தில் ஆழ்த்திய இரண்டு செய்திகள்

இந்து முன்னணியின் ஸ்தாபகரும், ராஷ்ட்ரீய ஸ்வயம்சேவக சங்கத்தின் பிரசாரக் பொறுப்பு வகித்தவருமான திரு ராம கோபாலன் இறைவனடி சேர்ந்தார். 70 ஆண்டுக்காலத்திற்கு பொதுப்பணி செய்துவந்த ராம கோபாலனை தமிழ் மக்கள் அன்போடு வீரத்துறவி என்று அழைத்துவந்தனர் . அவர் சென்னையில் 94-வது வயதில் வைரஸ் நோய்  தாக்குதலால் உயிர்நீ த்தார் . சட்டநாதபுரத்தில் பிறந்த கோபால்ஜி பிரம்மச்சாரி. அவரது உடல் உறையூர் அருகிலுள்ள சீராத்தோப்பில் நல்லடக்கம் செய்யப்பட்டது.

அவர் காயத்ரீ உபாசகர் என்பதையும் முந்தைய சங்கராசார்யார்களின் பரிபூரண ஆசியைப்பெற்றவர் என்றும் காஞ்சி சங்கராசார்யார்  ஸ்ரீ விஜயேந்திர சரஸ்வதி அவர்கள் இரங்கல் செய்தி அனுப்பியுள்ளார்.ஏனைய அரசியல் தலைவர்களும் அனுதாபச் செய்தி அனுப்பியுள்ளனர்

கோபால்ஜி,  கனல் கக்கும் உணர்ச்சியூட்டும், சொற்பொழிவாளர். எழுத்தாளர், சிறந்த நிர்வாகி. தேச பக்தப் பாடல்களை இயற்றிப் பாடியவர். பல்லாயிரம் தமிழ் மக்களை ஆர்.எஸ். எஸ் பணியில் ஈடுபடுத்தியவர் என்பது குறிப்பிட்டது தக்கது.

xxx

இதே போல மற்றொறு வருந்தத்தக்க செய்தி அம்புலிமாமா- சந்தமாமா என்று அழைக்கப்படும் சிறுவர் பத்திரிக்கைக்கு  வண்ண ஓவியங்கள் வரைந்த சங்கர் 97–வது வயதில் சென்னையில் இறந்த செய்தி ஆகும்.

வேதாளமும் விக்கிரமாதித்தனும் கதைகளுக்கு அவர் வரைந்த ஓவியம், குறிப்பாக விக்ரமன் வேதாளத்தை தோளில் சுமந்து செல்லும் காட்சி முதலியன மக்களின் மனதைவிட்டு அகலாது.

ஈரோடு மாவட்டத்தில் பிறந்த சங்கர்,

அம்புலிமாமா   தவிர, ராமகிருஷ்ண விஜயம் என்னும் ஆன்மிகப் பத்திரிகைக்கும் அற்புத ஓவியங்களை வரைந்து கொடுத்தார்.

ராமகோபாலன், சங்கர் ஆகியோர் மறைவுக்கு ஞான மயம் குழுவும் அனுதாபத்தைத் தெரிவிக்கக் கடமைப்பட்டுள்ளது

இத்துடன் லண்டனிலிருந்து வரும் செய்திகள் நிறைவடைந்தன…………………………..

செய்திகளை உங்களுக்கு வழங்கியவர் வைஷ்ணவி ஆனந்த்…………………………

நன்றி, வணக்கம்

……………….

அடுத்ததாக நமது கர்நாடக மாநில சிறப்பு நிருபர்

 பிரஹன்நாயகி சத்ய நாராயணன்,   பங்களூர் நகரிலிருந்து செய்தி வழங்குகிறார்

xxxxxx

tags – 5-10-2020 ,இந்து சமய , செய்தி மடல்

28-9-20 உலக இந்து சமய செய்தி மடல் (Post.8750)

statues, idols recovered from Pondicherry

WRITTEN BY LONDON SWAMINATHAN

Post No. 8750

Date uploaded in London – –28 SEPTEMBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

செப்டம்பர் 28 திங்கள்    —  இந்து சமய செய்தி மடல் —

இது ‘ஆகாச த்வனி’யின்  உலக இந்து சமய செய்தி மடல்

நேயர்கள் அனைவருக்கும் வணக்கம், நமஸ்காரம்

செய்திகள் வாசிப்பது VAISHNAVI ANAND

எங்கள் நிகழ்ச்சிகளை திங்கட்கிழமை தோறும் லண்டன் நேரம் பிற்பகல் 2 மணிக்கும்,

 இந்திய நேரம் மாலை 6-30 மணிக்கும் நேரடியாகக் கேட்கலாம்.

உலக இந்து சமய செய்தித் தொகுப்புடன் நேயர்களின் கேள்விகளுக்கும் விடை அளிக்கப்படுகிறது

உங்கள் பேட்டை, நகரத்தில் நடைபெறும் விழாக்கள், உற்சவங்கள் பற்றி எங்களுக்கு செய்தி அனுப்புங்கள்

எங்களை எந்நேரமும் தொடர்பு கொள்ள  facebook.com/gnana mayam  முகவரியில் அணுகவும்

Xxxxx

கிருஷ்ண ஜென்ம பூமி

மதுராவில் உள்ள கிருஷ்ண ஜென்ம பூமியை மீட்கக் கோரி புதிய வழக்கு தொடரப்பட்டுள்ளது. அங்கு ஆக்கிரமித்து கட்டப்பட்டுள்ள, ‘ஷாயி ஈத்கா’ மசூதியை மாற்ற வேண்டும் எனவும் வழக்கில் கோரப்பட்டுள்ளது.

‘அயோத்தியில் ராமர் கோவில் கட்டலாம்’ என, கடந்த 2019 நவ.,ல் உச்ச நீதிமன்றம் தீர்ப்பளித்தது; ராமஜென்ம பூமி வழக்கில் உச்ச நீதிமன்றம் தீர்ப்பு வழங்கிய போதே, ‘உத்தர பிரதேசம் மதுராவில் கிருஷ்ண ஜென்ம பூமியையும் மீட்க வேண்டும்’ என, இந்து அமைப்புகள் குரல் எழுப்பின.
இதற்காக, கடந்த ஆகஸ்ட் மாதத் துவக்கத்தில், ‘கிருஷ்ண ஜென்ம பூமி நிர் மாண் நியாஸ்’ என்ற அமைப்பு உருவாக்கப்பட்டது. இதில் 14 மாநிலங்களைச் சேர்ந்த 80 சாதுக்கள் இடம்பெற்றுள்ளனர்.

ஸ்ரீகிருஷ்ண விராஜ்மன் சார்பில் லக்னோவை சேர்ந்த ரஞ்சனா அக்னிஹோத்ரி மனு தாக்கல் செய்துள்ளார்

இந்தியாவில் கடந்த 1658ம் ஆண்டு முதல் 1707ம் ஆண்டு வரை முகலாய மன்னர் அவுரங்கசீப் ஆட்சி நடத்தினார். அவரது ஆட்சிக் காலத்தில் ஏராளமான இந்து கோவில்கள் இடிக்கப்பட்டன. அவுரங்கசீப்பின் உத்தரவுபடி அவரது படையினர், மதுராவில் உள்ள கேசவ தேவ் கோவிலின் ஒரு பகுதியை இடித்துவிட்டு ஷாயி ஈத்கா மசூதியை கட்டினர். மசூதி அமைந்துள்ள இடம் பகவான் கிருஷ்ண விராஜ்மனுக்கு சொந்தமானது. அந்த ஆக்கிரமிப்பு மசூதியை அகற்ற வேண்டும். என்று மனுதாரர் கோரியுள்ளார்

XXXXXX

ஜெகன் மோகன் ரெட்டி சர்ச்சை

திருப்பதி- திருமலை தேவஸ்தானம் சென்ற வாரம் ஆந்திர முதலமைச்சர் ஜெகன் மோகன் ரெட்டியை கோவில் மரியாதையைப் பெற்றுக்கொள்ள அழைத்தது. இதன்  காரணமாக ஒரு சர்ச்சைப் புயல் கிளம்பியது. அவரும் அவர் குடும்பத்தினரும் கிறிஸ்தவ மதத்தினர்.

மேலும் அவர் கருட வாகனத்தன்று பட்டு வஸ்திர மரியாதையை ஏற்க மனைவி இல்லாமல் வந்தார். அவர் கிறிஸ்தவர் என்பதால் வர மறுத்ததாகச் சொல்லப்படுகிறது. மேலும் இந்து அல்லாதவர்கள் ஒரு மனுவை பூர்த்தி செய்யவேண்டும். அதையும் ரெட்டி விஷயத்தில் பாலாஜி கோவில் நிர்வாகம் வலியுத்தவில்லை. அவரது மனைவி இல்லாத வருகை, இந்து மதக் கடவுளரை இழிவு படுத்துவது போல உள்ளது என்று முன்னாள் முதலமைச்சர் சந்திர பாபு நாயுடுவும் பாரதிய ஜனதா கட்சியினரும் கண்டித்துள்ளனர்.

இந்து சமய வழக்கப்படி, மனைவி உயிரோடு இருக்கையில் மனைவி இல்லாமல் யாக யக்ஞங்களை செய்யவும் முடியாது. கோவில் மரியாதைகளை ஏற் கவும் முடியாது.

XXXX

பால்கர் சாது சன்யாசி படுகொலை

மஹாராஷ்டிரா மாநிலத்தில் பால்கர் என்னும் வட்டாரத்தில் சென்ற ஏப்ரல் 16 ம் தேதி இரண்டு சாது சன்யாசிக்களை ஒரு கும்பல் போலீசார் முன்னிலையில் கொடூரமாக அடித்துக்கொன்றது. இந்த படுகொலைத் தாக்குதலை பாரதிய ஜனதாக கட்சி எம்.பி.யு ம் காவி உடைதரித்த ன்யாசினியுமான பிரயாகா தாகூர் லோக் சபையில் எழுப்பினார் .

சீ ன வைரஸ் தாக்குதலால்  ‘லாக்டவுன்’ கட்டுப்பாடுகள் உள்ள மஹாராஷ்டிர மாநிலத்தில் எப்படி பெரிய கும்பல் சேர்ந்தது, போலீசார் இருந்தும் அவர்கள் முன்னிலையில் சாது சன்யாசிகளை அடித்தே கொன்றது எப்படி?  என்பதை மத்திய அரசின் விசாரணை அமைப்புகள் விசாரிக்க வேண்டும் என்றார். மார்க்சிஸ்ட் கசியினரின் தாக்குதல் இது என்றும் முன்னரும் இதுபோன்ற தாக்குதல்கள் அவ்வட்டாரத்தில் நிகழ்ந்துள்ளன என்றும் அவர் லோக சபையில் சுட்டிக்காட்டினார்.

XXXXX

நேயர்கள் கேட்டுக்கொண்டிருப்பது திங்கட் கிழமை தோறும் லண்டனிலிருந்து ஒலிபரப்பாகும்

ஆகாசத் த்வனியின்

உலக இந்து சமய செய்தி மடல்

XXX

உத்தர பிரதேசத்தில் இருந்து ஒரு நல்ல செய்தி இதோ.

பிரயாக் ராஜ் மாவட்டத்தில் அரக்கு மாளிகைச் சின்னம் உள்ள இடத்தில் மஹாபாரத ஆராய்ச் சி  நிலையம் அமைக்கப்படும் என்று  உத்தர பிரதேச சுற்றுலாத் துறை அதிகாரிகள் அறிவித்துள்ளனர்.

மஹாபாரதத்தில் வரும் அரக்கு மாளிகை சம்பவம் இந்துக்கள் எல்லோரும் அறிந்ததே.

அரக்கு என்னும் மெழுகினால் செய்யப்படும் பொருட்கள், கட்டிடங்கள். முதலியன எளிதில் தீப்பற்றி எரியக்கூடியது . பாண்டவர்களை அதில் தங்க வைத்து எரித்துச் சாம்பலாக்கி விட  கௌரவர்கள் திட்டமிட்டனர். ஆனால் பாண்டவர்கள் நல்லோர் துணையுடன் அந்த சதித்திட்டத்தில் அகப்படாமல் உயிர்தப்பினர் அந்த இடம் பிரயாகை வட்டாரத்தில் உள்ளது. அங்குதான் இந்த ஆய்வு மையம் அமையப்போகிறது அங்கே மஹாபாரதம் குறித்த ஆராய்ச்சிகள் நடை பெறும்  என்ற நல்ல செய்தியை சுற்றுலா அதிகாரிகள் தெரிவித்தனர்.

XXXX

மதுரை மீனாட்சி  சுந்தரேஸ்வரர் கோவிலில் 410 கல்வெட்டுகள்

மதுரை பற்றிய புதிய வியப்பான செய்திகளை தொல்பொருட்த் துறை ஆராய்ச்சியாளர்கள் வெளியிட்டுள்ளனர். உலகப் புகழ் பெற்ற மதுரை மீனாட்சி  சுந்தரேஸ்வரர் கோவிலில் 410 கல்வெட்டுகள் உள்ளன என்றும் அவை 11ம் நூற்றா ண்டு முதல் வெட்டப்பட்டவை என்றும் சாந்தலிங்கம் என்பவர் தலைமையில் அமைக்கப்பட்ட குழு அறிவித்துள்ளது

சங்க காலம் முதல் மதுரையின் புகழ் பரவியபோதும் கோவிலில் உள்ள கல்வெட்டுகள் 11- 12ம் நூற்றாண்டு முதலே கிடைக்கின்றன. இதுவரை எல்லா கல்வெட்டுகளும் வெயிடப்படவில்லை. ஆகவே புதிய நூல் ஓன்றில்  410 கல்வெட்டு விவரங்களையும் வெளியியிடவும் குழு முடிவு செய்துள்ளது

முதல் கல்வெட்டு என்பது வைகைக்கரையில் கிடைத்தது. இது 1961ல் வைகையில் கண்டெடுக்கப்பட்டு, ஆயிரங்கால் மண்டபத்தில் பதிக்கப்பட்டது. கி.பி., 700ஐ சேர்ந்த கூன்பாண்டியன் காலத்து கல்வெட்டு இது… தேவார பாடல்களில் இக்கோயில் இடம்பெற்றுள்ளது. அதில் அங்கையற்கண்ணி உடன் ஆலவாய் அண்ணல் என்று இறைவனின் பெயர் குறிப்பிடப்பட்டுள்ளது. எனவே 7 ம் நுாற்றாண்டில் இக்கோயில் செங்கல், சுண்ணாம்பால் கட்டப்பட்டிருக்க வேண்டும்.

XXXX

சபரிமலையில் மேல்சாந்தி தேர்வு அக்., 17ல் சபரிமலை சன்னிதானத்தில் நடக்கிறது.

சபரிமலையில் அனைத்து பூஜைகளுக்கும் தலைமை வகிப்பவர் தந்திரி. தாழமண் குடும்பத்தில் கண்டரரு ராஜீவரரு, கண்டரரு மகேஷ் மோகனரரு ஆகியோர் சுழற்சி முறையில் இதை கவனிக்கின்றனர். இவர்களுக்கு உதவியாக ஒவ்வொரு ஆண்டும் ஒரு மேல்சாந்தி நியமிக்கப்படுவார். தற்போதைய மேல்சாந்தி சுதிர் நம்பூதிரியின் பதவி காலம் வரும் அக்., 16ம் தேதி நிறைவு பெறுகிறது.

அடுத்த மேல்சாந்தியை தேர்வு செய்வதற்கான பணிகள் துவங்கி உள்ளன. இதற்கான நேர்காணல் அக்., 5, 6 தேதிகளில் திருவனந்தபுரத்தில் நடக்கிறது. இதில் வெற்றி பெறுபவர்களில் ஒருவர் அக்., 17-ல் சபரிமலை சன்னிதானத்தில் நடக்கும் குலுக்கல் தேர்வில் தேர்வு செய்யப்படுவார்.


XXXXX

புதுச்சேரியில் மீட்கப்பட்ட பழமைவாய்ந்த 74 சிலைகளை, சிலை கடத்தல் தடுப்பு பிரிவு போலீசார் கும்பகோணம் கோர்ட்டில் ஒப்படைத்தனர்.



தமிழகத்தில் உள்ள பழமை வாய்ந்த கோவில்களில் இருந்து திருடி கொண்டு வந்து விற்கப்பட்ட ஏராளமான உலோகம் மற்றும் கற்சிலைகள் புதுச்சேரி ரோமன் ரோலண்டு தெருவை சேர்ந்த ஜீன்பால் ராஜரத்தினம் என்பவரது வீட்டில் மறைத்து வைக்கப்பட்டிருப்பதாக சிலை கடத்தல் தடுப்பு பிரிவு போலீசாருக்கு தகவல் கிடைத்தது.


இதையடுத்து கோர்ட்டு உத்தரவின் பேரில் சிலை கடத்தல் தடுப்பு பிரிவு போலீசார், ஜீன்பால் ராஜரத்தினம் வீட்டுக்கு நேற்று முன்தினம் சென்று சோதனை செய்தனர். சோதனையில் 60 உலோக சிலைகள் மற்றும் 14 கற்சிலைகள் மறைத்து வைக்கப்பட்டிருந்தது தெரிய வந்தது. இதையடுத்து சிலை கடத்தல் தடுப்பு பிரிவு போலீசார், அந்த சிலைகளை மீட்டனர்.

மீட்கப்பட்ட சிலைகள் அனைத்தையும் கும்பகோணம் கூடுதல் தலைமை குற்றவியல் நீதித்துறை நடுவர் நீதிமன்றத்தில் போலீசார் நேற்று காலை ஒப்படைத்தனர்.


புதுச்சேரியில் கைப்பற்றப்பட்ட அனைத்து சிலைகளும் கோவில்களில் இருக்கக்கூடிய உற்சவர் சிலைகள். கோவில்களில் வைத்து வழிபாடு செய்யப்படக்கூடிய சிலைகள்.

XXXXXXX

பாடும் நிலா என்று அழைப்பட்ட , பல்லாயிரம் மக்களின் உள்ளத்தைக் கொள்ளை கொண்ட, எஸ் பி பால சுப்பிரமணியத்தின் உடல் நேற்று நல்லடக்கம் செய்யப்பட்டது. அவர்களுடைய குல வழக்கப்படி  சென்னை அருகிலுள்ள தாமரைப்பாக்கத்தில் போலீஸ் மரியாதையுடன் இறுதிச் சடங்குகள் நடந்தன ; முன்னதாக வழி நெ டுகிலும் மக்கள் நின்று அஞ்சலி  செலுத்தினர்.

ஞானதீபம் மற்றும் நமது செய்திக் குழுவினரும் அவரது குடும்பத்துக்கு ஆழ்ந்த அனுதாபங்களைத் தெரிவித்துக் கொள்கிறோம்.

அவரது தெய்வீ கப்  பாடல்களைப் போற்றும் விதத்தில் அடுத்த திங்கட்கிழமை ஒரு சிறப்பு நிகழ்சசியை  இங்கே ஒலி பரப்புகிறோம். அவரது தெய்வீ கப் பாடல்களை போற்றிப்  பேசியோ பாடியோ உங்கள் அன்பையும் தெரிவிக்கலாம். ஆடியோ அல்லது வீடியோ க்ளிப்பு CLIPS களை எங்களுக்கு அனுப்புங்கள். மூன்று அல்லது 4 நிமிடங்களுக்குள் இருக்க வேண்டும். நேரடியாக திங்கட் கிழமை பங்கேற்க விரும்பினால் ஜூம் ZOOM LINK  லிங்க் அனுப்புவோம். எங்கள் முகவரி

FACEBOOK.COM / GNANA MAYAM

இத்துடன் உலக இந்து சமய வார செய்தி மடல் நிறைவு பெறுகிறது

செய்திகளை உங்களுக்கு வழங்கியவர் வைஷ்ணவி ஆனந்த்.

நன்றி, வணக்கம்

TAGS — 28-9-20, இந்து சமய, செய்தி மடல்

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

பங்களூர் செய்தி மடல்  by  பிரஹன்நாயகி சத்ய நாராயணன்

28-9- 2020 திங்கள் கிழமையன்று லண்டன் நேரப்படி மதியம் 2 மணிக்கும் இந்திய நேரப்படை மாலை 6.30 மணிக்கும் பங்களூர் செய்தி மடல் ஒளிபரப்பானது. ஒவ்வொரு திங்களன்றும் நடைபெறும் இந்த நிகழ்ச்சிக்கு அனைவரையும் அழைக்கிறோம்.

28-9-2020 அன்று ஒலிபரப்பான செய்தி மடல் இதோ:

வணக்கம்.

ஞானமயம் வழங்கும் பங்களூர் செய்தி மடல்.

வழங்குவது பிரஹன்நாயகி சத்ய நாராயணன்.

தலைப்புச் செய்திகள்

மைசூர் தசரா விழாவிற்கான ஏற்பாடுகள் ஆரம்பம்

பெங்களூர் இயல்பு நிலைக்குத் திரும்புவதால் ஆலயங்களுக்கு மக்களின் வருகை அதிகரிப்பு

பங்களூரின் அருகே உள்ள சிறப்பு வாய்ந்த கோவில் சாமுண்டீஸ்வரி ஆலயம் பற்றிய ஒரு சிறு அறிமுகம்

இனி விரிவான செய்திகள்.

10 நாள் உற்சவமான மைசூர் தசரா விழா 400 வருட பாரம்பரியத்தைக் கொண்ட மாபெரும் விழாவாகும். இந்த ஆண்டும் கொரானா கொள்ளை நோய் மக்களைப் பயமுறுத்திய போதிலும் பாரம்பரியத்தை விடாது மிக எளிமையாகக் கொண்டாடப்படும் என்பது தெரிய வந்துள்ளது.

இந்த ஆண்டு தசரா விழா அக்டோபர் 17ஆம் தேதி சனிக்கிழமை காலை ஒன்பது மணிக்குத் துவங்கும். அக்டோபர் 26ஆம் தேதி விஜயதசமி நாளன்று கோலாகல வெற்றியுடன் முடியும்.  ஜம்போ சவாரி மற்றும் டார்ச் லைட் பாரேட் ஆகிய இரு நிகழ்ச்சிகள் உண்டா என்பது பற்றி வெகு விரைவில் முடிவு எடுக்கப்படும்.

சென்ற ஆண்டு மிக கோலாகலமாக நடந்த தசரா விழா 409ஆம் ஆண்டு விழாவாக அமைந்திருந்தது. இதையொட்டி மைசூரின் அரண்மனை, மிருகக் காட்சிச் சாலை, சாமுண்டீஸ்வரி ஆலயம், கிருஷ்ணராஜ சாகர் அணை, பிருந்தாவன் தோட்டம் உள்ளிட்ட ஏராளமான இடங்கள் மின் விளக்குகளால் அலங்கரிக்கப்பட்டிருந்தன. நாட்டின் பல்வேறு இடங்களிலிருந்து திரண்டவர்களும் உள்ளூர்வாசிகளும் லட்சக் கணக்கில் இந்த 10 நாள் திருவிழாவில் கலந்து கொண்டனர்.

தசராவை ஒட்டி பல்வேறு இடங்களிலும் கலை நிகழ்ச்சிகள், திரைப்பட விழா உள்ளிட்டவை நடைபெற்றன.  சென்ற ஆண்டு இந்த விழா இனிதே யானை ஊர்வலத்துடன் நிறைவேறியது. அதே போல இந்த ஆண்டும் இந்த விழா விஜயதசமி குறிக்கும் வெற்றி விழாவாக அமையும் என எதிர்பார்க்கப்படுகிறது.

 அடுத்து இன்றைய பங்களூர் நிலையைப் பார்ப்போம்.

கொரானா நோய் பயத்தால் வீட்டினுள்ளே முடங்கி இருந்த மக்கள் இப்போது வெளிவரத் துவங்கி உள்ளதால் மெள்ள மெள்ள இயல்பான நிலைக்கு பங்களூர் திரும்பி வருகிறது. இதையொட்டி ஆங்காங்கே அமைந்திருக்கும் கோவில்களுக்கு வரும் பக்தர் கூட்டமும் அதிகரித்த வண்ணம் உள்ளது.  என்ற போதிலும் அரசு அறிவித்திருக்கும் பாதுகாப்பு நடவடிக்கைகளை மக்கள் உரிய முறையில் மேற்கொண்டு நடந்து வருகின்றனர்.

நீங்கள் கேட்டுக் கொண்டிருப்பது பங்களூர் செய்தி மடல்.

வழங்குவது ப்ரஹன் நாயகி சத்யநாராயணன்

மைசூர் சாமுண்டீஸ்வரி கோவில் பற்றிய ஒரு சிறிய செய்திக் குறிப்பு.

மைசூர் ராஜ்யத்தின் காவல் தெய்வமாக சாமுண்டீஸ்வரி அம்மனை தொன்று தொட்டு மக்கள் வழிபட்டு வருகின்றனர்.

சாமுண்டீஸ்வரி அம்மனின் கோவில் மைசூரிலிருந்து சுமார் 8 மைல் தொலைவில் உள்ளது.

சாமுண்டி மலையின் உச்சியில் சுமார் 3000 அடி உயரத்தில் அமைக்கப்பட்டுள்ள சாமுண்டீஸ்வரி ஆலயம் 18 மஹா சக்தி பீடங்களில் ஒன்றாகும்.

இந்த மலையின் மீது அமைந்திருக்கும் கோவிலுக்குச் செல்ல  ஆயிரம் படிக்கட்டுகள் அமைக்கப்பட்டுள்ளன.

இதில் 800வது படிக்கட்டில் ஒரு சிறு சிவன் கோவில் உள்ளது. சிவபிரானுக்கு எதிரில்  அமைந்திருக்கும் நந்தி மாபெரும் நந்தியாகும். கருங்கல்லினால் அமைக்கப்பட்டிருக்கும் இந்த நந்தியின் சிலை 15 அடி உயரம் உள்ளது. 24 அடி நீளம் உள்ளது.

இந்த கோவிலுக்கான கோபுரத்தை விஜயநகர சாம்ராஜ்ய மன்னர் 17ஆம் நூற்றாண்டில் கட்டினார்.

பெரியகோயில் என்று அழைக்கப்படும் தஞ்சை பிருஹதீஸ்வரர் ஆலயத்தில் உள்ள நந்தி ஒரே கல்லினால் அமைக்கப்பட்ட ஒன்றாகும். இதன் நீளம் சுமார் 16 அடி. உயரம் சுமார் 13 அடி.

ஆக, நாட்டின் உள்ள நந்திகளில் பெரிய நந்தியைக் கொண்டுள்ளது சாமுண்டீஸ்வரி ஆலயம்.

மக்கள் தொன்று தொட்டு பயபக்தியுடன் வணங்கி வரும் சாமுண்டீஸ்வரி அனைவருக்கும் சர்வ மங்களத்தை தர ஞானமயம் சார்பில் பிரார்த்திக்கிறோம்.

இதுவரை நீங்கள் கேட்டது பங்களூர் செய்தி  மடல்.

வழங்கியது ப்ரஹன் நாயகி சத்யநாராயணன்.

நன்றி!

tags– ப்ரஹன் நாயகி

21-9-20 உலக இந்து செய்தி மடல் (Post No.8722)

Bollywood Ram Leela planned  for Ayodhya 

WRITTEN BY LONDON SWAMINATHAN (News Editor)

Post No. 8722

Date uploaded in London – –22 SEPTEMBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

இது ‘ஆகாச த்வனி’யின்  உலக இந்து சமய செய்தி மடல்

நேயர்கள் அனைவருக்கும் வணக்கம், நமஸ்காரம்

செய்திகள் வாசிப்பது VAISHNAVI ANAND

எங்கள் நிகழ்ச்சிகளை திங்கட்கிழமை தோறும் லண்டன் நேரம் பிற்பகல் 2 மணிக்கும்,

 இந்திய நேரம் மாலை 6-30 மணிக்கும் நேரடியாகக் கேட்கலாம்.

உலக இந்து சமய செய்தித் தொகுப்புடன் நேயர்களின் கேள்விகளுக்கும் விடை அளிக்கப்படுகிறது

உங்கள் பேட்டை, நகரத்தில் நடைபெறும் விழாக்கள், உற்சவங்கள் பற்றி எங்களுக்கு செய்தி அனுப்புங்கள்

எங்களை எந்நேரமும் தொடர்பு கொள்ள  facebook.com/gnanamayam  முகவரியில் அணுகவும்

Xxxxx

பிரம்மோற்சவ விழா

திருப்பதியில் பிரம்மோற்சவ விழா செப்டம்பர் 19ம் தேதி கோலாகலமாகத் துவங்கியது.

இந்த ஆண்டு உலகப் புகழ் பெற்ற திருப்பதி- திருமலை பாலாஜி கோவிலில் இரண்டு பிரம்மோற்சவங்கள் நடை பெ றும்.மூன்று ஆண்டுகளுக்கு ஒரு முறை வரும் அதிக மாசத்தால் இப்பொழுதும், அக் டோபர்  16ம் தேதியும் உற்சவங்கள் நடை பெறும்

சூரிய – சந்திரர்களின் இயக்கத்தின் அடிப்படையில் கணிக்கப்படும் இரண்டு பஞ்சாங்கங்களை இந்துக்கள் பின்பற்றுவதால் இரண்டுக்கும் இடையில் கால வேறுபாடு ஏற்படும் . இதைச் சரிக்கட்ட இந்துக்கள்  சுமாராக மூன்று ஆண்டுக்கு ஒருமுறை  அதிக மாசம் என்னும் 13 ஆவது மாசத்தை அறிமுகப்படுத்துவர்

இந்த புரட்டாசி மாதம்  ஒரு அதிக மாதம்

புருஷோத்தம மாதம் என்று ஆன்றோர் அழைக்கும் இந்த மாதத்தில் சிறப்பு வழிபாடுகளும் நடைபெறு ம்

Xxxxxx

இதோ காஞ்சிபுரத்திலிருந்து ஒரு செய்தி

காஞ்சி காமகோடி பீ ட சங்கராசார்ய சுவாமிகள் ஆசியுடன் இந்த மாதம் முழுதும் முல்லைவாசல் டாக்டர் கிருஷ்ணமூர்த்தி  சாஸ்திரிகள் உபன்யாசம் செய்கிறார். அவர் 30 நாட்களும் ஆதி சங்கரரின் 30 துதிகள் பற்றி சிறப்பு சொற்பொழிவு ஆற்றி வருகிறார். இதை காமகோடி கைங்கர்ய ஸபா ZOOM  வழியாக ஒளிபரப்புகிறது என்று நடராஜன் சுந்தர் அறிவிக்கிறார்.

Xxxx

கோவில் நகரமான ஸ்ரீரங்கத்தில் புகழ்மிகு ரெங்கநாத பெருமாள் கோவில் இருக்கிறது . புரட்டாசி சனிக்கிழமைகளில் பெரும் பக்தர் கூட்டம் வரும் என்பதால் இன்டர்நெட் மூலமாக பதிவு செய்வோர் மட்டுமே கோவிலுக்குள் அனுமதிக்கப்படுவர் என்று அறநிலையத் துறை அதிகாரிகள் அறிவித்துள்ளனர். கட்டண தரிசனமும் , இலவச தரிசனமும் உண்டு

Xxxx

இலங்கையில் யாழ்பா ணம்

ஸ்ரீ வெங்கடேச வரதராஜ பெருமாள் கோவில் உற்சவம் கொடியேற்றத்துடன் துவங்கி விட்டது .

ஜெர்மனியில் ஹம் நகர காமாட்சி அம்மன் தேர்த் திருவிழா சிறப்பாக நடைபெற்றது

தமிழ் நாடு எங்கிலும் பெருமாள் கோவில்களில் புரட்டாசி உற்சவம் நடைபெற்று வருகிறது

xxxxx

லவ் ஜிஹாத்

உத்தர பிரதேசத்தில் லவ் ஜிஹாத் (Love Jihad) என்னும் பலவந்த மத மாற்றத்தைத் தடுக்க புதிய சட்டம் வருகிறது.

இந்தியாவின் உத்தரப்பிரதேச மாநிலத்தில் பலவந்த காதல் திருமணங்கள் மூலம் மத மாற்றம் அதிகரித்து வருகிறது . முஸ்லிம்கள் இந்துப் பெண்களை வசப்படுத்தி இஸ்லாமுக்கு மதம் மாற்றுவதைத் தடுக்க உத்தர பிரதேச முதலமைச்சர் யோகிஜி புதிய சட்டம் கொண்டுவரப்போகிறார்.

xxxxx

சென்னை கலாஷேத்ரா அமைப்பின் சார்பில் இசைக்குயில் ரமணன் தெய்வத்தின் குரல் என்னும் நிகழ்சசியைத் துவங்கியுள்ளார்.

சென்னை கலா க்ஷேத்ரா நிறுவனத்தின் சார்பில் இசைக்குயில் ரமணன் தெய்வத்தின் குரல் நிகழ்ச்சியை நடத்தி வருகிறார். காஞ்சி பராமசர்ய சுவாமிகள் 100 ஆண்டுகள் வாழ்ந்து 1994–ல் சமாதி அடைந்தார் . அவரது சொற்பொழிவுகள் தெய்வத்தின் குரல் என்ற நூல் வாடிவில் 7 பாகங்களாக வந்திருப்பதை அனைவரும் அறிவர் ..

xxxxxxx

செப்டம்பர் 17 மாளய  அமாவாஸையன்று லட்சக்கணக்கான ஹிந்துக்கள் நீத்தார் நினைவு நாளை அனுஷ்டித்தனர்.  கல்கத்தாவில் ஹூக்ளி நதியில் மட்டுமே பல லட்சம் இந்துக்கள் நீராடி முன்னோர்களுக்கு எள்ளும் நீரும் இறைத்தனர்.

xxxx

உத்தர பிரதேச மாநிலத்தில் சம்ஸ்க்ருத ஆசிரியர்கள் கிடைக்காததால் பல சமம்ஸ்கிருதப் பள்ளிகளை முட்டும் அவல நிலை ஏற்பட்டுள்ளது

xxxxx

அயோத்தி மாநகரில் OCTOBER 17ம் தேதி முதல்  ஒன்பது நாட்களுக்கு பாலிவுட் நடிகர்கள் பங்கேற்புடன் நவராத்ரி- ராம்லீ லா உற்சவம் நடைபெறும்

புதிய ராமர் கோவில் எழும்பிவரும் உத்தரப் பிரதேச மாநிலத்தின் அயோத்தி நகரில் ராமலீலா உற்சவத்தில், முன்பு ராமாயண திரைப்படம், டெலிவிஷன் சீரியல்களில்  நடித்து புகழ் பெற்ற நடிக்க, நடிகையர் பங்கேற்கின்றனர்  .

நேயர்கள் கேட்டுக்கொண்டிருப்பது திங்கட் கிழமை தோறும் லண்டனிலிருந்து ஒலிபரப்பாகும்

ஆகாசத் த்வனியின்

உலக இந்து சமய செய்தி மடல்

Xxx

கல்கத்தாவிலிருந்து ஒரு நல்ல செய்தி

மேற்கு வங்க மாநிலத்தில் 8000 க்கும் அதிகமான இந்து மத புரோகிதர்கள் , பூஜாரிகள் குறைந்த வருவாயில் வாழ்ந்து வருகின்றனர். முஸ்லிம்  மத குருமார்கள்  மட்டுமே அதிக சலுகையை பெறுகிறார்கள் என்ற குற்ற ச் சாட்டுகள்  எழுந்து வந்தன. இதற்கிடையில் மேற்கு வாங்க மாநில முதலமைச்சர் மமதா பானர்ஜி ஒவ்வொரு பூஜாரி, அர்ச் சகருக்கும் மாதம்தோறும் ஆயிரம் ரூபாய் வழங்கப்படும் என்று அறிவித்தார். இதை பு ரோகிதர் அர்ச்சகர் சபை   வரவேற்றுள்ளது.

Xxx

இத்துடன் உலக இந்து சமய வார செய்தி மடல் நிறைவு பெறுகிறது

செய்திகளை உங்களுக்கு வழங்கியவர் வைஷ்ணவி ஆனந்த்.

–subham–

tags — உலக இந்து,  ,செய்தி மடல், 21-9-2020