வீணைக் கொடியுடைய வேந்தனே! (Post No.9124)

WRITTEN BY LONDON SWAMINATHAN

Post No. 9124

Date uploaded in London – –9 January 2021      

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

வீணைக் கொடியுடைய வேந்தனே!

கொடிகளைக் கண்டுபிடித்தவர்கள் இந்துக்கள்.  சின்னங்கள் முத்திரைகளைக் கண்டுபிடித்தவர்கள் இந்துக்கள் ; வாகனங்களையும் இறைவனுக்கு அர்ப்பணித்தவர்கள் இந்துக்கள் (READ MY OLD RESEARH ARTICLES ON VAHANAS, SYMBOLS AND FLAGS PLEASE). தொல்காப்பியத்திலேயே பலராமனின் பனைக்கொடி உளது.

புறநானூற்றுப் பாடல் 56, மதுரைக்கணக்காயனார் மகனார் நக்கீரனாரால் பாடப்பட்டது அதில்  சிவனின் ரிஷபக் கொடி, முருகனின் மயில் கொடி, பலதேவனின் பனைக்கொடி, விஷ்ணுவின் கருடக்  கொடி  ஆகிய அனைத்தும்  குறிப்பிடப்படுகிறது. 2000 ஆண்டுகளுக்கு முன்னர் வாழ்ந்த தமிழர்கள்  அதி தீவிர இந்துக்கள் . அவர்களுக்கு ராமாயண, மஹாபாரத, புராணக் கதைகள் அத்துபடி!! திருப்பறங்குன்றத்தில் இருந்த இந்திரன்-அகலிகை ஓவியத்தை ஒரு கிராமத்தான், அவனுடைய  மனைவிக்கு விளக்கிய பரிபாடல் காட்சி மூலமும் இது தெரிகிறது

துரியோனாதணனுக்கு பாம்புக் கொடி ; ராவணனுக்கு வீணைக் கொடி என்பதும் நமக்குத் தெரியும் .

ஆயினும் திருக்குறள் காலம் வரை யாழ் பற்றிய குறிப்பே கிடைக்கிறது. சங்கம் மருவிய காலத்தில் எழுத்து வடிவில் உருவான சிலப்பதிகாரத்தில்தான் முதல் முதலில் வீணையை சந்திக்கிறோம்.(6-18). ‘நாரதர் வீணை’ (6-18, 22) பற்றி இளங்கோ பாடுகிறார். பின்னர் மணிமேகலையில் (CHAPTER 29) காண்கிறோம் . ஆனால் கம்பன் பல இடங்களில் வீணைக் கொடியைக் குறிப்பிடுகிறான்; பாடுகிறான்

சம்பூர்ண ராமாயணம் திரைப்படத்தில் வரும் இராவணன் பற்றிய பாடல் எல்லோரும் கேட்டு ரசித்த பாடல் …………….

வீணைக் கொடியுடைய வேந்தனே

வீரமே உருவாகிடும் இசை வெள்ளமே

உயிரெனவே நினைந்து உலவும் வீணைக் கொடியுடைய வேந்தனே

ஆனந்தகான அமுத மழையே

பொழிந்து மனம் தனை உருக வழி செய்த

வீணைக் கொடியுடைய வேந்தனே (பாடல் – ஏ.மருதகாசி

வால்மீகி ராமாயணத்தில்தான் இதற்கான மூலம் உளது. ஸீதையைத் தேடிச் சென்ற அனுமன், ராவணனின் அந்தப்புரத்தில் நுழைந்த போது, ‘விபஞ்சி’ என்ற ஒரு வகை வீணையுடன் பல பெண்கள் தூங்குவதைக் காண்கிறான். ஒரு பெண்மணி வீணை வாசித்த களைப்பில் அதைக் கட்டிக்கொண்டு உறங்கும் காட்சியும் வருகிறது . இவை சுந்தர காண்டத்தில் உளது. ஆயினும் இராவணன் சாம கானப் பிரியன், சிவ பக்தன் , வீணை வாசிப்பதில் வல்லவன் என்று கேட்டபோதிலும் அவன் வீணை வசிக்கும் காட்சியை வால்மீகி வருணிக்கவில்லை. அவனுக்கும் வீணாவுக்கும் உள்ள தொடர்பை ஒரு அற்புத உவமை விளக்குகிறது. அவன் போர்க் களத்தையே வீணை வாசிப்பதற்கு ஒப்பிடுகிறான்.

யுத்த காண்டத்தில் வரும் வால்மீகி ஸ்லோகம் ஒரு புதுமையான உவமை! போர்க்களம் என்பது  ‘வீணை யாம்’ . அதில் அவன் பயன்படுத்தும் வில், அம்புகள் வீணை வாசிக்கும் கருவியாம் . இதைப் புரிந்துகொள்ள ராவணன் வைத்திருந்த விநோத வகை வீணையை நாம் அறியவேண்டும். அவனிடம் ‘ராவண ஹஸ்தக’ என்ற விசேஷ வகை வீணை இருந்தது. இதை வயலின் வாசிப்பது போல அவன் (violin bow)வில்லால் வாசிப்பானாம். ஆகையால்தான் போர்க்களத்தை வீணைக்கு ஒப்பிடும் உவமையை வால்மீகி பயன்படுத்துகிறார்.

கம்பனும் ‘ராவணன்- வீணை’ தொடர்பை பல பாடல்களில் ‘வீணைக்கொடி’ மூலம் விளக்குகிறான் .

ஆரண்ய காண்டத்தில் ராவணனுடன் சடாயு போரிட்ட காட்சியை வர்ணிக்க வந்த கம்பன் கொடியை மறக்கவில்லை

“இடிப்பு ……………

…………….

கடிப்பக் கடிது உற்றவன் காண் தகும் நீண்ட வீணைக்

கொடிப் பற்றி ஒடித்து உயர் வானவர் ஆசி கொண்டான்”

பொருள் —

இடி முழக்கத்துடன் பறந்துவந்து, சிறகுகளால் ராவணன் தலைகளைத் தள்ளிவிட்டு , நீண்ட வீணைக்கொடியைப் பழித்து ஒடித்து , அச்செயல் மூலம் தேவர்களின் வாழ்த்துக்களைப் பெற்றான்

Xxx

பின்னரும் சடாயு உயிர் நீத்த படலத்தில் கொடியை மறக்கவில்லை கம்பன் …

இராமனும் இலக்குவனும் தெற்கு நோக்கி பயணம் செய்கையில் சடாயு இறந்த இடத்தில் வீணைக்கொடி ஒன்று தரையின் மீது கிடந்ததைக் கண்டனர்

“பாக வீணையின் கொடி ஒன்று கிடந்தது பார்மேல் “–

இதற்கு அடுத்த சில பாடல்களில் சடாயுதான் சீதையைக் கவர்ந்த பகைவருடன் போரிட்டு இதைச் செய்திருக்க வேண்டும் என்று இலக்குவனிடம் சொல்லி கண்ணீர் விடுகிறான்.

Xxxx

கம்ப இராமாயண யுத்த காண்டத்தில், முதற் போர் புரி படலத்தில் வரும் பாடல் இதோ ………………………

ஏழிசைக் கருவி வீற்றிருந்தது என்னினும்

சூழிருந்திசைகளைத் தொடரும் தொல்கொடி

வாழிய உலகு எலாம்  வளைத்து வாய் இடும்

ஊழியின் அந்தகன் நாவின் ஓங்கவே

பொருள் ……….

“தேரிலே ஏழிசைக் கருவியாகிய வீணையின் உருவம் பொறிக்கப்பட்டிருந்தது .அந்தக் கொடி காற்றில் திக்குகள் தோறும் படபடத்தது. அது யமனுடைய நாக்கு போல இருந்தது ஊழிக் காலத்தில் உலகத்தை எல்லாம் தனது வாய்க்குள் போட்டு விழுங்கும் யமனின் நாக்கு போல உயர்ந்து விளங்கியது”.

யுத்த காண்டத்தில், இன்னும் ஒரு பாடலில் வீணைக்கொடியின் அவல நிலையைப் பாடுகிறான் கம்பன் …

எழுத்து வீணை கொடு ஏந்து பதாகை மேல்

கழுகும் காகமும் மொய்த்தன 

பொருள்

வரையப் பெற்ற வீணையைச் சின்னமாகக் கொண்ட ராவணனின் கொடி மீது  காகமும் கழுகும் மொய்த்தன .

XXXX

MY OLD ARTICLE………

அகத்தியரும் வீணை வாசிப்பதில் வல்லவர்

நச்சினார்க்கினியர் சொல்லும் இராவணன் வீணைக்  கதை 

ராவணன் – பாண்டியர் சமாதான …

tamilandvedas.com › 2014/06/24 › ர… 

24 Jun 2014 — ராவணன் – பாண்டியர் சமாதான உடன்படிக்கை ! pandya-flags. Pandya Flags drawn by me. தமிழ் இலக்கியத்தில் ஓர் அதிசயத் தகவல்!! ஆராய்ச்சிக் …

–subham—

tags- வீணைக் கொடி, நச்சினார்க்கினியர், ,ராவணன் 

தொல்காப்பியத்தில் வடதிசை பற்றி முதலில் சொன்னது ஏன் ?—2(Post.8764)

HIMALAYAS BY RADHIKA BALAKRISHNAN

WRITTEN BY LONDON SWAMINATHAN

Post No. 8764

Date uploaded in London – –2 OCTOBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

தொல்காப்பியத்தில் வடதிசை பற்றி முதலில் சொன்னது ஏன் ?—2(Post.8764)

கட்டுரையின் முதல் பகுதி நேற்று வெளியாகியது . நல்ல காரியங்களை முடிவு செய்யும்போது கிழக்கு அல்லது  வடக்கு திசையை நோக்கி உட்கார்ந்து அல்லது நின்று கொண்டு முடிவு செய்தல் மரபு என்ற அரிய விஷயத்தை நச்சினார்க்கினியர் குறிப்பிட்டதை நேற்று பார்த்தோம்.

உரை எழுதுவதில் மன்னன் நச்சி. .அவரை “உச்சி மேற் புலவர் கொள் நச்சினார்க்கினியர்” என்று ஆய்ந்தவிந்தடங்கிய கொள்கைச் சான்றோர் போற்றுவர். அவர் மேலும் ஒரு அதிசயச் செய்தியை சொல்கிறார்.

தொல்காப்பிய நூல் பாயிரத்தில் ‘வட வேங்கடம் தென் குமரி’ என்று ஏன் வடதிசையை முதலில் வைத்தனர் என்ற விவாதத்தில் நச்சினார்க்கினியர் கூறும் மேலும் ஒரு கருத்து இதோ :–

“தென்புலத்தார்க்கு வேண்டுவன செய்வார் தெற்கும் மேற்கும் நோக்கிக் கருமங்கள் செய்வார் ஆதலின் கூறப்பட்டது” என்கிறார்.

இதில் அதிசயம் என்ன வென்றால் தெற்கு யமனுடைய திசை என்பதும் தென்புலத்தார் என்பவர் இறந்து போன நம்முடைய முன்னோர்கள் என்பதும் வேதங்களிலும் சங்க இலக்கியங்களிலும் அதற்குப்பின் வந்த திருக்குறளிலும் உளது ;ஆனால் மேற்கு பற்றி நச்சினார்க்கினியர் சொல்லும் கருத்து எகிப்திய நாகரீகத்தில்தான் உளது.

சூரியன் மறையும் இருண்ட திசை; அதனால் அதை இறந்தோர்க்கு ஒதுக்கினர் என்று சிலர் விளக்கம் காணக்கூடும்; அது சரியல்ல என்பதற்கு நான் சொல்லும் காரணங்கள் இதோ :-

1. எகிப்திய பெயர்கள்- தமிழ் பெயர்கள் இடையே ஒற்றுமை உளது.

2.எகிப்திய முத்திரைகள் தமிழ் சித்தர்கள் முனிவர்கள் முத்திரை போல உளது.

3. எகிப்திய குள்ளர் தந்தத்தில் கிடைத்தது இந்திய முனிவர் போல உள்ளது

4. மிக முக்கியமாக, சூரியனை வானத்தில் ஓடும் படகு/ ஓடம் என்ற வர்ணனை அகநாநூற்றிலும் (மாமூலனார் பாடல்) எகிப்திலும் உளது. சம்ஸ்க்ருத இலக்கியத்தில் சூரியன் 7 குதிரை பூட்டிய ஒரு சக்கரத் தேரில் ஊர்பவன் என்ற கருத்தே உளது. அதையும் தமிழ் இலக்கியத்தில் காணலாம்.

5. இதைவிட முக்கியமாக ஆத்மாவை கூண்டுப் பறவை (Cage bird) என்ற வர்ணனையை திருக்குறளிலும் எகிப்திலும் காணப்படுகிறது; பகவத் கீதை போன்ற நூல்களில் பழைய உடைகளுக்கே உடல் ஒப்பிடப்படுகிறது. பறவைக்  கூண்டுக்கு அல்ல.

6. திருமூலர் கருத்து எகிப்தில் இருப்பதையும் முன்னர் கட்டுரைகளில் கண்டோம்.

சுருக்கமாகச் சொன்னால் சம்ஸ்கிருத நூல்களில் உள்ள கருத்துக்களோடு, கூடுதல் எகிப்திய – இந்திய ஒற்றுமையைக் காணப்படுகிறது. நச்சி . சொல்லும் இறந்தோர் திசை மேற்கு எனபது புதிய விஷயம்.

யக்ஷர்கள் (Hyksos) எகிப்து மீது படை எடுத்த விஷயம், தசரதன் எழுதிய கடிதங்கள் (Amarna Letters) எகிப்தில் இப்பொழுதும் மியூசியத்தில் உள்ளது என்பதெல்லாம்  நான் முன்னரே எழுதிய விஷயங்கள்தான்.

***

வடக்கு உணர்ந்தே தெற்கு உணரப்படுதலின் பிற்கூறப்பட்டது என்பர் அரசஞ் சண்முகனார்.

இனி தொல்காப்பிய பாயிரத்திலுள்ள பிற சுவையான செய்திகளைக் காண்போம்.

வட வேங்கடம் என்பது திருப்பதி வேங்கடாசலபதி உறையும் புனித மலை ; குமரித் துறையோ புனித நீராடும் துறை. (தேவாரத்திலும் சிலப்பதிகாரத்திலும் காண்கிறோம்). இதனால்தான் — புனிதம் கருதித்தான் —   இதைக் குறிப்பிட்டனர் என்று மிகப் பழைய உரை ஆசிரியரான இளம்பூரணர் எழுதுகிறார். சுருங்கச் சொன்னால் தமிழர்கள் என்பவர் இந்துக்களே ; சம்ஸ்கிருத நூல்களில் உள்ள கருத்துக்களே இமயம் முதல் குமரி வரை உள்ளதும என்று அடித்துப் பேசுகிறார் இளம்பூரணர். அதாவது தமிழையும் இந்துமதத்தையும் பிரிக்க எண்ணுவோருக்கு சாவுமணி அடிக்கிறார்.

நச்சினார்க்கினியர் மேலும் ஒருபடி போகிறார் :-

“நிலங்கடந்த நெடுமுடியண்ணலை நோக்கி உலகந் தவஞ்செய்து வீடு பெற்ற மலையாதலானும் , எல்லாராலும் அறியப்படுதலானும்  வேங்கடத்தை எல்லையாகக் கூறினார் . குமரியும் தீர்த்தமாகலின் எல்லையாகக் கூறினார். இவ்விரண்டும் காலையே ஓதுவார்க்கு நல்வினை (புண்ணியம்) உண்டாம் என்று கருதிக் கூறினார்” .

ஆக, மதுரை நகர பாரத்துவாஜ கோத்ர ப்ராஹ்மணன் நச்சினார்க்கினியர் இங்கே மேலும் ஒரு புதிய செய்தியை நமக்கு அளிக்கிறார். இந்துக்கள் 7 புனித நதிகள், 7 புனித நகரங்கள், 7 சிரஞ்சீ விகள் , 7 புனிதக் காடுகள், 5 புண்ய ஸ்திரீக்கள்/பெண்கள் பெயரை தினமும் காலையில் பிரா த ஸ்மரணத்தில் சொல்லுவார்கள். இன்றும் ஆர் எஸ் எஸ் ஷாகாக்களில் இதைக் கேட்கலாம். பல லட்சம் இந்துக்கள் தினமும் காலையில் சொல்லுவர்; இதில் இல்லாதவை குமரியும் வேங்கடமும். 7 என்பது ஒரு தொடக்கம்தான் . அவற்றைச் சொல்லுகையில் அதுபோன்ற பல்லாயிரம் புனிதம் மிக்க என்ற பொருளும் தொனிக்கும். அதில் குமரி , வேங்கடம் என்ற பெயரைக் காலையில் சொன்னால் புனிதம் என்பதால்தான் தொல்காப்பியத்தில் – பாயிரத்தில் – அது இடம்பெற்றது என்பது நச்சி. தரும் நல்ல செய்தி ; அவரை மெச்சிப்  போற்றுவோம்.

****

இவ்வாசிரியர் ‘அகத்தியனார்க்குத் தமிழை செவியறிவுறுத்திய செந்தமிழ்ப் பரமாசாரியனாகிய  அறுமுகக் கடவுள் வரைப்பென்னும் இயைபு பற்றி என்பது’ எனக்கூறுவர்.

(இவ்வாசிரியர் என்பது தொல்காப்பிய விருத்தி ஆசிரியர் மாதவ சிவஞான யோகிகள்/ முனிவர் என்று நான் நினைக்கிறேன் . முனிவரின் சொற்களுக்கு தண்டபாணி தேசிகர் கூறும் விளக்கப் பகுதியில் இவை உள்ளன )

****

அரசஞ் சண்முகனார் கருத்து :-

“வேங்கட மலையின் வடக்கிலிருந்து இமயமலை வரை ஆரியமும், வேங்கட மலையின் தெற்கிலிருந்தது குமரிமலை வரைத் தமிழும் பரவியிருந்த படியா லும், அக்காலத்து வடதிசைக்கண் கங்கை யாறும் இமயமலையும் போல தென்றிசைக்கண் பஃறு ளி யாறும் குமரி  மலையும் எல்லோரானும் அறியப்பட்டுக் கிடந்தமையின் வடக்கும் தெற்கும் பிறவெல்லையும் உளவாக அவற்றைக் கூறாமல் , எல்லாரும் உணர்தற்பொருட்டு மறைவின்றி நெடுந்தூரந் தோன்றற்பாலவாகிய  மலைகளைக் கூறினார் என்பர் .

****

ZOGILLA PASS IN THE HIMALAYAS BY RADHIKA BALAKRISHNAN

முடிவுரை

இதிலிருந்து நாம் பெறும் கருத்துக்கள் என்ன?

தமிழ் மொழி எக்காலத்தும் வட வேங்கட மலைக்கு அப்பால் — திருப்பதிக்கு அப்பால் வழங்கவில்லை. எமனோ, பர்ரோ , ஐராவதம் மகாதேவன் , அசுகோ பர்போலா சொல்வதெல்லாம் மஹா ‘பேத்தல்- உளறல்’;. வட திராவிட மொழிகள், மத்திய திராவிட மொழிகள்,  தென் திராவிட மொழிகள் என்பனவெல்லாம் மஹா ‘கப்ஸா’ . அங்குள்ள தமிழ் சொற்கள் என்று அவர்கள் கூறுவது போல உலகில் வேறு எந்த இரண்டு பழைய மொழிகளிலும் நான் சொற்களையும் காட்ட முடியும்; இலக்கண விதிகளையும் காட்ட முடியும் . அவையெல்லாம் ஒரு மொழியின் 100 சதவிகிதத்தில் 2 அல்லது 3 விழுக்காடே. ஜப்பானிய, கொரிய , ஆஸ்திரேலிய, ஆப்பிரிக்க செனகல் மொழிகளை ஒப்பிடும் கட்டுரைகளை படிக்கையில் எனக்கு சிரிப்புதான் வரும். உண்மையான நெருக்கம் தமிழுக்கும் சம்ஸ்கிருதத்துக்கும்தான் என்பதை சந்தி / புணர்ச்சி  விதிகள் காட்டுகின்றன. தேவாரமும் திருவிளையாடல் புராணமும் இரு மொழியும் ஒரே இடத்தில் தோன்றியவை என்பதைக் காட்டும்.

இரண்டாவது முக்கிய விஷயம், தமிழை சிவன், முருகன், அகத்தியனிடமிருந்து எவனாலும் பிரிக்க முடியாது. பழைய  உரைகாரர்கள் அனைவரும் இதை ஆதரிக்கின்றனர். தேவாரமும் திருவாசகமும் திவ்வியப்பிரபந்தமும் தெய்வத் தமிழ் என்பதை மீண்டும் மீண்டும் செப்புகின்றன.

மூன்றாவது முக்கிய விஷயம், இமயம் முதல் குமரி வரை புனித பூமி; நச்சி. சொல்லுவது போல ‘வடவேங்கடம் தென்குமரி’ என்று தொல்காப்பியத்தை படிக்கத் துவங்கினாலேயே  புண்ணியம்!!

கட்டுரையை முடிப்பதற்கு முன்பாக ஒரு எச்சரிக்கை. ‘ஆரியம்’ என்ற சொல் தேவாரம் முதல் தொல்காப்பிய விருத்திவரை காணப்படும் . இதன் பொருள் “பண்பட்ட” (மொழி, மக்கள் ) என்பதேயாம் என்பதை சங்க இலக்கிய தேவார உரைகளை படிப்போர் அறிவர் . கால்டு வெல்களும் மாக்ஸ்முல்லர்களும் பயன்படுத்தும் ‘விஷமேற்றிய சொல்’ (Polluted/poisoned) அல்ல. நேற்று வந்த கழிசடைகளை ஒதுக்கி விட்டு பழந்தமிழ் உரைகாரர்களை நம்புவோமாக.

வாழ்க தமிழ் !!

–சுபம்–

tags- வட திசை -2, தொல்காப்பியம் , நச்சினார்க்கினியர்

சங்க இலக்கியத்தில் ‘அஹம் பிரம்மாஸ்மி’ (Post No.7786)

WRITTEN BY LONDON SWAMINATHAN

Post No.7786

Date uploaded in London – 5 April 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

சுமார் 2000 ஆண்டுகளுக்கு முன்னர் 450 தமிழ்ப் புலவர்கள்  ஏறத்தாழ 2500 கவிதைகள் இயற்றினர். இதில் 4 வரிப் பாட்டிலிருந்து 782 அடிகள் உள்ள மதுரைக்காஞ்சி வரை 18 நூல்கள் உள . இவற்றில் மதுரைக் காஞ்சி என்ற நூல் மதுரையின் சிறப்பைக் கூறுகிறது. ஆயினும் ஒரு வியப்பான செய்தி மதுரை என்ற சொல் 782 அடிகளில் வரவில்லை. அதைப் பாடிய மாங்குடி மருதனுக்கு ‘மதுரை பாக்காதவன் கழுதை’ என்ற மலையாளப் பழமொழி நினைவுக்கு வந்திருக்கும். அட, ஊரறிந்த பார்ப்பானுக்குப் பூணுல்  எதற்கு என்ற பாணியில் பாட்டின் தலைப்பில் மட்டும் மதுரையை வைத்துவிட்டு உள்ளே கூடல் முதலிய பெயர்களை பயன்படுத்துகிறார். அதில் மதுரை நகரில் அந்தணர் பள்ளி பற்றியும் பாடுகிறார். பிராமணர்களின் வீடுகள் மலைக்குடைவரை போன்ற அமைப்பில் வீடுகளில் வசித்ததாகவும் பாடுகிறார். அவர்கள் ‘தத்  த்வம் அசி (நீயே அது ) , அஹம் பிரஹ்மாஸி  (நானே பிரம்மம் /இறைவன் ) என்ற கருத்தை உணர்ந்தவர் அந்தணர் என்றும் போற்றுகிறார். இதற்கு அடுத்தபடியாக மதுரையில் அக்காலத்தில் இருந்த சமணர், பவுத்தர் பற்றியும் குறிப்பிடுகிறார்.

இக்கருத்தை ‘ஏகமேவ அத்விதீயம்’ என்ற பிரம்ம சூத்திர சொற்களாலும் விளக்குவார்கள். அதாவது ‘ஒன்றேயன்றி இரண்டல்ல’ என்னும் அத்வைத தத்துவம் tamilandvedas.com, swamiindology.blogspot.com

Nachiketas meeting Yama, Katopanishad

நச்சினார்க்கினியர் மதுரைக் காஞ்சி அந்தணர் பள்ளிக்கு எழுதிய உரைதனில்  ‘ஒருதாம்’ என்ற சொல்லை விளக்குகிறார்.

மதுரைக் காஞ்சி என்னும் சங்க கால நூல் தலையாலங்கானத்து செருவென்ற பாண்டியன் நெடுஞ்செழியனைப் பாடும் நூல். எழுதியவர் மாங்குடி மருதனார்

உ.வே.சாமிநாதையர் வெளியிட்ட ‘பத்துப் பாட்டு மூலமும் நச்சினார்க்கினியர் உரையும்’ என்ற நூலும், ‘வேதங்களை ஏற்றுப்  போற்றும் தமிழ் இலக்கியங்கள்’ என்ற தலைப்பில்  கே.சி. லட்சுமிநாராயணன் எழுதிய மிகப் பெரிய நூலும் ‘ஒருதாம்’ பற்றிய விளக்கத்தைத் தருகின்றன .

முதலில் மதுரைக் காஞ்சி நூலில் வரும்  அந்தணர் பள்ளி வரிகள் – 468-474

“சிறந்த வேதம் விளங்கப் பாடி

விழுச்சீர்  எய்திய ஒழுக்கமொடு புணர்ந்து

நிலம் அமர் வையத்து ஒருதாம் ஆகி

உயர் நிலை உலகம் இவண் நின்று எய்தும்

அறநெறி பிழையா அன்புடை நெஞ்சின்

பெரியோர் மேஎய் இனிதின் உறையும்

குன்று குயின்றன்ன அந்தணர் பள்ளியும்”

பொருள்

மதுரை மாநகரில் அந்தணர்கள் வாழ்ந்த இடம் குறித்து இந்த அடிகள் தெரிவிக்கின்றன. அந்தணர்கள் வேதங்களை பொருள் விளங்க கற்று அறிந்தவர்கள்.  அவர்கள் அந்த வேதங்கள் கூறுகின்ற ஒழுக்கங்களின்படி வாழ்பவர்கள் . அவர்கள் தாங்களே இறைவர்கள்களாக ஆனவர்கள். அவர்கள் மிக உயர்ந்த மோட்சத்தை இந்த உலகத்தில் இருந்தபடியே அடைபவர்கள். அவர்கள் கர்ம நெறியிலிருந்து ஒரு போதும் விலகாதவர்கள். அவர்கள் உயிர்களிடத்தில்  அருள் நிரம்பியவர்களாக இருப்பவர்கள் .

ஒரு தாம் ஆகி – என்ற சொற்றொடர்  மிக ஆழமான பொருளைக் கொண்டது  அவனே தானே ஆகிய  நிலை. ஒன்றான பிரமம் தாங்களே ஆய் — என்பது பொருள். tamilandvedas.com, swamiindology.blogspot.com

‘தத் த்வம் அசி’ – ‘அது நீ ஆகிறாய்’ – என்ற வேத மஹா வாக்கியம் இது. இதை ‘அஹம்  பிரஹ்மாஸ்மி’ – ‘நான் பிரம்மம் ஆக இருக்கிறேன்’ என்றும் சொல்லுவார்கள்.

நச்சினார்க்கினியர் வேறு சில சுவையான செய்திகளையும் சேர்க்கிறார்.

“வேதங்கள் மூன்றே என்பதும் அதர்வ வேதம் மந்திர சாகை என்பதும் இங்கே அறியற்பாலன .

இருக்கும் யசுரும் சாமமும் – இவை தலையாய ஒத்து. இவை வேள்வி முதலியவற்றை விதித்தலின் இலக்கணமுமாய், வியாகரணத்தாற் காரியப்படுத்தலின் இலக்கியமுமாயின.அதர்வமும் ஆறங்கமும் தரும நூலும் இடையாய ஒத்து . அதர்வம் ஒழுக்கம் கூறாது பெரும்பான்மையும் உயிர்கட்கு ஆக்கமேயன்றிக் கேடு சூழும் மந்திரங்களும் பயிறலின் அவற்றோடு கூறப்படாதாயிற்று” — என்று தொல்காப்பிய புறத்திணை சூத்திரம் 20 க்கு நச்சி. எழுதிய உரையை உ.வே.சா . எடுத்துக்காட்டியுள்ளார்.

அந்தணர் என்போர் வேதாந்தத்தை எப்போதும் பார்ப்பார்.

இதனால் அந்தணர், பார்ப்பார் என்று அழைக்கப்படுவர்.

வேத+அந்தம்= வேதாந்தம் என்பது வேதத்தின் முடிவு/ துணிபு. அதாவது உபநிஷதம் கூறும் உண்மை. tamilandvedas.com, swamiindology.blogspot.com

நீயே கடவுள் – என்னும் உயர் நிலை.

இதை அஹம் பிரம்மாஸ்மி , தத் த்வம் அசி என்பர்; இவை மகா வாக்கியங்கள் நான்கினில் இரண்டு.

மற்ற இரு வாக்கியங்கள்

பிரக்ஞானம் பிரம்ம

அயமாத்மா பிரம்ம

அந்தணர் என்போர் மூன்று வேதங்களைக் கற்றவர்கள்; நான்கு வேதங்களை அறிந்தவர்கள்  என்பதையும் நச்சி . உரை தெளிவாக உரைக்கிறது. சம்ஸ்கிருதத்தை அறியாதோர் வேதத்தைப் பயிலவும் இயலாது.

XXXXX

மூன்று கின்னஸ் நூல் சாதனையாளர்கள்

இந்தியாவில் மூன்று பேர் பிரம்மாண்டமான சாதனை செய்தனர். எழுதி, எழுதி, எழுதி, எழுதி …………. வாழ்நாள் முழுதும் எழுதித் தள்ளினார்கள். அவர்களில் முதலாமவர் வேத வியாசர். 5000 ஆண்டுகளுக்கு முன்னர் துவாபர யுகத்தில் வாழ்ந்தவர். கலியுகம் வந்தவுடன் ஒவ்வொரு வேத நூலாக அழியப் போகிறதை ஞானக் கண்களால் கண்டு  18 புராணங்களையும், உலகிலேயே மிகப் பெரிய நூலான  மகா பாரதத்தையும் எழுத்து வடிவில் கொணர்ந்தார்.வேதங்களையும் நான்காகப் பிரித்து 4 சீடர்களை அழைத்து  இதை பரப்புங்கள் என்றார் . அதனால் இன்று வரை எல்லா பிரிவு இந்துக்களும் அவரைக் குரு என்கின்றனர்; வழிபடுகின்றனர்.

அடுத்ததாக ஆதி சங்கரர். அவர் காலத்தில் ‘தடி எடுத்தவன் எல்லாம் தண்டல் காரன்’, தமிழில் ‘டைப் அடிக்கத்  தெரிந்தவன் எல்லாம் பிளாக் எழுதும் அறிஞன்’ என்ற அதி பயங்கரக் கொடுமை நிலவியது.  96 வகை பிரிவுகள் தாண்டவமாடின . அவற்றை எல்லாம் அழித்து அறு வகை வழிபாட்டை உருவாக்கி, உபநிஷதம் முதல் விஷ்ணு சஹஸ்ரநாமம் வரை உரைகளை எழுதித் தள்ளினார். அதனால் இன்றும் வரை இன்றும் குருவாக்கப் போற்றுவர் சிவனை வழிபடுவோர். tamilandvedas.com, swamiindology.blogspot.com

இதே போல தமிழுக்கு என்று ஒருவனை இறைவன் படைத்தான் அவர் பெயர் நச்சினார்க்கினியர் . மதுரையைச் சேர்ந்த பாரத்வாஜ கோத்ரப் பிராஹ்மணன் ; இதை அவரே ஒவ்வொரு உரைக்கும் கீழாக எழுதி பெருமைப்படுகிறார் . அவர் கையில் கிடைத்த,  தமிழ் நூல்களுக்கு எல்லாம் உரைகளை எழுதித் தள்ளினார். இதனால் அவரை மற்றவர்கள் ‘உச்சிமேற் புலவர்கொள் நச்சினார்க்கினியர்’ என்று பாடிப் பரவினர்

அவர் உரை ல்லாவிடில் இன்று பெரும்பாலான சங்கத் தமிழ்ப் பாடல்களுக்கு அர்த்தம் தெரியாமல் போயிருக்கும். tamilandvedas.com, swamiindology.blogspot.com

tags — சங்க இலக்கியம், ‘அஹம் பிரம்மாஸ்மி’ ,மதுரைக் காஞ்சி, ‘ஒருதாம்’,
நச்சினார்க்கினியர்

—-subham—-