பிரெஞ்ச் நாவலாசிரியர் பால்சாக்(Post No.9695)

WRITTEN BY LONDON SWAMINATHAN

Post No. 9695

Date uploaded in London – –6 JUNE   2021           

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

பால்சாக் (Honoré de Balzac)

பால்சாக் என்பவர் பிரெஞ்ச் நாவலாசிரியர். இவர் 1799ஆம் ஆண்டில் பிறந்தார். 1850-இல் இறந்தார். புகழ் பெற்ற புதின எழுத்தாளர்களில் ஒருவர்.

     பெற்றோர் தன் மீது பாசம் காட்டவில்லை என்று கருதிய பால்சாக் 21 வயதில் வீட்டை விட்டு வெளியேறினார். நேரடியாக பாரிஸுக்குச் சென்று வாழ்ந்தார். எழுத்தாளராகி காலந்தள்ள முயன்றார். பாரிஸில் வாழ்ந்த காலத்தில் உயர்மட்ட மனிதர்கள் இவருக்கு அறிமுகமானார்கள். பணக்காரர்களைக் கண்டவுடன் அவருக்கும் பணக்காரராக வேண்டும் என்ற ஆசை வந்தது.

     பால்சாக் எழுதிய முதல் புதினங்களுக்கு வரவேற்பு இல்லை. எழுத்துமூலம் போதுமான பணம் கிடைக்காததால் பெற்றோர்களிடமே திரும்பிச் சென்றார். பின்னர் புத்தகங்களை வெளியிடும் தொழிலில் இறங்கினார். அந்தத் தொழிலும் மூன்றே ஆண்டுகளில் படுத்துவிட்டது. பால்சாக்கின் வாழ்க்கையில் மிகவும் இக்கட்டான காலம் அது. மிகவும் மனம் உடைந்து போனார்.

     இதற்குப் பின்னர் அவர் எழுதி வெளியிட்ட புத்தகம் நல்ல வரவேற்பைப் பெற்றது. 1831இல் THE WILD ASS’S SKIN என்ற அவரது நூல் வெற்றிநடை போட்டது. போலந்து பிரபு COUNTESS HANSKA இவரது ரசிகையானாள். அவருக்கு உடனே கடிதம் எழுதினார். இருவரிடையேயும் காதல் மலர்ந்தது. ஆனால் அந்த பெண்மணி ஏற்கனவே திருமணம் ஆனவள். ஆகையால் வெளிப்படையாக சந்திக்க முடியவில்லை. அவளைப் பார்ப்பதற்கு பால்சாக் ரோம், பிரஸ்ஸல்ஸ், செயின்ட் பீட்டர்ஸ்பர்க், வியன்னா என்று நகரம் நகரமாக அலைய வேண்டியிருந்தது.

     இதற்குப் பின்னர் 18 ஆண்டுக் காலத்தில் பால்சாக் எழுதிய புத்தகங்கள் சக்கைப்போடு போட்டன. அவைகளில் சிறந்தது OLD GORIOT. இது ஒரு தந்தையின் துயரக்கதை. தனது குழந்தைகளை உளமார நேசித்த ஒரு தந்தை அவர்களுக்காக உழைத்து உழைத்து ஓடாக தேய்ந்து போகிறார். ஆனால் குழந்தைகளோ அவரிடம் சிறிதும் பாசமோ மதிப்போ வைக்கவில்லை என்பது கதையின் மையக் கருத்து.

     பால்சாக்கிற்கு எழுதுவதில் வேகம் பிறக்கவே கடினமாக உழைக்கத் தொடங்குகிறார். சில நாட்களில் 16 மணி நேரத்திற்கு இடைவிடாமல் உழைப்பார். கடுங்காப்பியை கோப்பை கோப்பையாகக் குடிப்பார். அந்தக் காப்பியே அவரது உடலைக் கெடுத்துவிட்டது.

     அவர் இறக்கும் தருவாயில் COUNTESS HANSKAவைத் திருமணம் செய்துகொண்டார். 18 ஆண்டுக் காதல் அப்போதுதான் கனிந்தது. அவர் பணக்காரராக வாழ்ந்தாலும் வரவுக்கு மேல் செலவு செய்தார். திருமணம் ஆன சில மாதங்களிலேயே இறந்து விட்டார். அப்போது அவர் பெரிய கடனாளி!

இவர் 90க்கும் மேலான நாவல்களை எழுதி 2000க்கும் மேலான கதா பாத்திரங்களைப் படைத்தவர் என்பது குறிப்பிடத்தக்கது

–subham–

tags-  Balzak, பிரெஞ்ச், நாவலாசிரியர், பால்சாக்,

அமெரிக்க நாவலாசிரியர் எர்னஸ்ட் ஹெமிங்வே (Post No.9688)

WRITTEN BY LONDON SWAMINATHAN

Post No. 9688

Date uploaded in London – –4 JUNE   2021           

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

HEMINGWAY

(1898 – 1963)

எர்னஸ்ட் ஹெமிங்

வே (ERNEST MILLER HEMINGWAY) அமெரிக்க சிறுகதை எழுத்தாளர் – நாவலாசிரியர். இவரது கதாபாதிரங்கள் துணிச்சல்மிக்கவர்கள் – உறுதிபடைத்தவர்கள் அவர்களது உரையாடல்களின் வாயிலாக ஹெமிங்வே தனது எழுத்துத் திறனை வெளிபடுத்தியுள்ளார்.

     இல்லினாய்ஸ் மாகாணத்தில் OAK PARK-இல் பிறந்தார். இவரது தந்தை ஒரு டாக்டர். தனது மகனையும் ஒரு டாக்டராக்க வேண்டும் என்பது அவரது ஆசை,

     ஆனால் ஹெமிங்வேயுக்கோ செய்தியாளர் ஆக வேண்டும் என்று ஆசை. 16 வயதினிலெயே பள்ளியை விட்டுச்சென்றார். ஒரு பத்திரிகை அலுவலகத்தில் சேர்ந்தார்.

     முதல் உலகப்போர் வந்தவுடன் படையில் சேர்ந்து இதாலியர்களுடன் —– கடுமையாகக் காயமடைந்தார். அவருக்கு CROIX DE GUERRE விருது அளிக்கப்பட்டது. இந்த அனுபவத்தை மையமாக வைத்து A FAREWELL TO ARMS என்ற நாவலை எழுதினார். முதல் உலகப்போருக்குப் பின்னர் பாரிஸ் மாநகரம் சென்றார். அங்கு (EZRA POUND) எஸ்ரா பவுண்ட் (JAMES JOYCE) ஜேம்ஸ் ஜாய்ஸ் (GERTRUDE STEIN) ஜெர்ட்ரூட் ஸ்டெய்ன் ஆகிய இலக்கிய உலகப் பெரும்புள்ளிகளைக் கண்டு கருத்துப் பரிமாற்றம் செய்து கொண்டார்.

     பின்னர் அமெரிக்காவிலும் கியூபாவிலும் தங்கினார். கியூபாவில் தங்கிய காலத்தில் DEATH IN THE AFTERNOON என்ற நூலை எழுதினார். முரட்டுக் காளைகளை அடக்கும் விளையாட்டின் பெயரில் நடக்கும் கொடுமைகளை இந்த நூல் சித்தரிக்கிறது.

இவருக்கு வேட்டையாடுவதிலும் ஆர்வம் உண்டு. இதற்காக ஆப்பிரிக்கா சென்ற ஹெமிங்வே வேட்டையாடிய அனுபவங்களை THE GREEN HILLS OF AFRICA என்ற நூலில் வடித்தார். ஆப்பிரிக்காவில் இரண்டு விமான விபத்துகளிலிருந்து அதிசயமாக உயிர் தப்பினார்.

     1936ஆம் ஆண்டில் ஸ்பானிய உள்நாட்டுப் போர் (SPANISH CIVIL WAR) பற்றிய செய்திகளை திரட்டுவதற்காக ஸ்பெயின் நாட்டிற்குச் சென்றார். அவருடைய மிகவும் புகழ் பெற்ற FOR WHOM THE BELL TOLLS என்ற நாவல் இந்த அனுபவத்தின் அடிப்படையில் எழுதப்பட்டது.

     ஸ்பானியப் போர் முடிந்த பின்னர் அமெரிக்காவுக்குத் திரும்பியவர், ஏராளமான சிறுகதைகளை எழுதி குவித்தார். அமெரிக்காவின் தலைசிறந்த எழுத்தாளர் வரிசையில் இவரும் ஒருவர்.

1952ஆம் ஆண்டில் THE OLD MAN AND THE SEA என்ற நூலை எழுதினார். 1954ஆம் ஆண்டில் இலக்கியத்திற்கான நோபல்  பரிசைப் பெற்றார்.

     ஆனால் இறுதிநாட்களில் இவருக்கு எழுதமுடியவில்லை. மனம் தளர்ந்து நின்றார். 1962இல் ஒரு துப்பாக்கிச் சூட்டு விபத்தில் சிக்கி உயிரிழந்தார்.

அமெரிக்க,  நாவலாசிரியர், எர்னஸ்ட் ஹெமிங்வே,

–xxxx–

ஜெர்மானிய நாவலாசிரியர் தாமஸ் மான் (Post No.9657)

WRITTEN BY LONDON SWAMINATHAN

Post No. 9657

Date uploaded in London – –28 May   2021           

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

THOMAS MANN

(1875 – 195)

தாமஸ் மான் ஜெர்மனியைச் சேர்ந்த நாவலாசிரியர். சிறுகதை எழுத்தாளர்.

ஜெர்மனியிலுள்ள லூபெக் (LUBECK) நகரில் பிறந்தார். அவருடைய தந்தை பெரும் பணக்காரர். ஆகவே மானின் இளமைக்காலம் மகிழ்ச்சியான பருவமாகக் கழிந்தது.  இளம் வயதில் தந்தை திடீரென்று இறக்கவே குடும்பத்தின் சூழ்நிலை தலைகீழாக மாறியது. வறுமை வாட்டியது.

தனது தந்தை எப்படி பணக்காரர் ஆனார் என்பதை அடிப்படையாக வைத்து அவர் முதல் நாவலை BUDDEN BROOKS எழுதினார். மானுக்கு 25 வயதானபோது இந்தப் புதினம் வெளியானது. இது ஜெர்மானிய மொழியில் ஒரு சிறந்த நாவல். இதற்கடுத்த நாவலை அவர் 25 ஆண்டுகளுக்குப் பின்னர்தான் எழுதினார். அந்த நாவலின் பெயர் THE MAGIC MOUNTAIN ஆனால் இடைப்பட்ட காலத்தில் அவர் சிறுகதைகளை எழுதினார்.

மாயாஜால மலை (THE MAGIC MOUNTAIN) என்ற புதினம் இவருக்கு அக்காலத்தில் ஐரோப்பாவின் மிகப்பெரிய நாவலாசிரியர் என்ற புகழைத் தந்தது. ஒரு மலைமீதுள்ள மனநோய் மருத்துவமனையில் வாழ்பவர்கள் உலகத்தை எப்படி கண்ணோட்டமிட்டார்கள் என்பதை விளக்கும் கதையாகும். இந்த உலகில் வாழ்பவர்களை அவர்கள் கடவுள்களாகக் காண்கிறார்கள்.

இந்த நாவல் எழுதிப் புகழ் பெற்றவுடன் 1929-இல் மானுக்கு இலக்கியத்திற்கான நோபல் பரிசு கிடைத்தது.

1933ஆம் ஆண்டில் இவர் இன்னுமொரு நாவலை எழுதினார். பழங்கால எகிப்தை கதை நடைபெறும் இடமாக வைத்து எழுதப்பட்டாலும் இக்கால மனிதர்களின் வாழ்க்கை குறித்த எதிரொலியாக இருந்தது இந்த நாவல். இந்த நாவலின் தலைப்பு JOSEPH AND HIS BRETHEREN

மானின் எழுத்துக்களுக்களிடையே இழையோடிய ஒரு கருத்து – தனிமனிதனின் சுதந்திரத்திற்கும் அரசின் கொடுகோன்மைக்கும் இடைப்பட்ட மோதலாகும். நாஜி (NAZI) இயக்கத்தின் போக்கை அவர் முன்கூட்டியே உணர்ந்திருந்தார். அவர்கள் ஆட்சிக்கு வந்தவுடன் ஜெர்மனியிலிருந்து அமெரிக்கவுக்கு குடியேறினார். அங்குதான் அவரது முக்கிய படைப்பான DR FAUSTUS உருவானது. இந்த நாவல், ஜெர்மனியைப் பிடித்த பைத்தியத்தையும் அது எப்படிப் போரில் நுழைந்தது என்பதையும் விளக்கும் உருவகமாக (ALLEGORICAL) அமைக்கப் பட்டிருந்தது. போர் முடிந்த பின் ஜெர்மனிக்குத் திரும்பிய MANN இறுதிநாட்களை சுவிட்சர்லாந்தில்  (SWITZERLAND) கழித்தார்.

–subham—

tags — ஜெர்மனி,  நாவலாசிரியர்,  தாமஸ் மான்

ஆங்கில அமெரிக்க நாவலாசிரியர் ஹென்றி ஜேம்ஸ் (Post.9649)

WRITTEN BY LONDON SWAMINATHAN

Post No. 9649

Date uploaded in London – –26 May   2021           

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

ஆங்கில அமெரிக்க நாவலாசிரியர் ஹென்றி ஜேம்ஸ்

Henry James

(1843 – 1916)

ஹென்றி ஜேம்ஸ் ஒரு ஆங்கில அமெரிக்க நாவலாசிரியர், – சிறுகதை ஆசிரியர். நியூயார்க்கில் பிறந்தார். இவரது தந்தை சமயம் தொடர்பான விஷயங்களை எழுதி வந்தார். பணம் படைத்தவர். இதனால் ஜேம்ஸ் அவர்களுக்கு விருப்பம் எதையும் செய்ய முடிந்தது.

      சிறுவயதிலேயே ஐரோப்பா சென்று வந்தார். இதனால் ஐரோப்பிய பண்பாட்டில் அவருக்குப் பற்றும் பாசமும் ஏற்பட்டது. அமெரிக்கவிலும் ஐரோப்பாவிலும் பல பள்ளிகளில் அவர் கல்வி கற்றார். பின்னர் ஹார்வர்டு பல்கலைக்கழத்தில் சட்டம் பயின்றார். படிப்பை முடித்த சிறிது காலத்தில் அவருடைய முதலவது நாவல் வெளிவந்தது. 30 வயதானபோது அமெரிக்காவிலிருந்து புறப்பட்டார். அடுத்த 20 ஆண்டுகள் லண்டனில் வாழ்ந்தார்.

      ஜேம்ஸின் படைப்புகளை மூன்று வகையாகப் பிரிக்கலாம்.

      பழைய அமைதியான ஐரோப்பிய வாழ்க்கை முறைக்கும், புதிய முதிர்ச்சி பெறாத அமெரிக்க வாழ்க்கை முறைக்கும் இடையே ஏற்பட்ட மோதல்களைச் சித்தரிக்கும் நாவல்கள் முதல் காலகட்டத்தில் எழுதப்பட்டன. “PORTRAIT OF A LADY”, “DAISY MILLER”, “THE BOSTONIANS” இவ்வகையைச் சேர்ந்தவை.

      இரண்டாவது காலகட்டத்தில் அவர் எழுதிய நாவல்கள் முழுக்க முழுக்க ஆங்கிலேயர்களை அடிப்படையாக வைத்து எழுதப்பட்டன. WHAT MAISIE KNEW, THE AWKWARD AGE ஆகிய நாவல்கள் இந்த காலத்தைச் சேர்ந்தவை.

மூன்றாவது காலகட்டத்தில் மீண்டும் அமெரிக்க ஆங்கிலேய மோதல்கள் முரண்பாடுகளை மையமாக வைத்து எழுதினார். “THE WINGS OF A DOVE”, THE AMBASSADORS ஆகியன இந்தக் காலத்தைச் சேர்ந்தவை.

ஜேம்ஸ் திருமணம் செய்துகொள்ளவே இல்லை. 1915-இல் அவர் பிரிட்டிஷ் குடிமகனானார். 1916-இல் “ORDER OF MERIT” விருது பெற்றார்.

xxxxxxxxxxxxxxxxxxxxxxxxxxxxxxxxxxxxxxxxxxxx

tags– ஆங்கில, அமெரிக்க, நாவலாசிரியர், ஹென்றி ஜேம்ஸ், Henry James,