ஏப்ரல் 2021 காலண்டர் ; நீதி வெண்பா பொன்மொழிகள் (Post No.9427)

WRITTEN BY LONDON SWAMINATHAN

Post No. 9427

Date uploaded in London – –27 MARCH  2021     

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

if u want the article in word format, please write to us.

சார்வரி வருஷம் முடிந்து ஏப்ரல் 14-ம் தேதி ‘ப்லவ’ (பிலவ ) வருஷம் துவங்குகிறது

நீதி வெண்பா நூலிலிருந்து 30 பொன்மொழிகள்!! (இலவசமாக எல்லா நூல்களையும் வெளியிட்டுள்ள மதுரை பிராஜெக்ட் PROJECT MADURAI  வெப்சைட்டிற்கு நன்றி)இலவச காலண்டரை வழங்கும் தினமலருக்கு நன்றி.

 TAMIL APRIL 2021 CALENDAR

ஏப்ரல் 11-அமாவாசை ;26-சித்ரா பௌர்ணமி ; ஏகாதஸி  விரத நாட்கள் -7, 23

ஏப்ரல் மாத முகூர்த்த நாட்கள் -22, 25, 26, 29

  ஏப்ரல் 01 (வி) புதுக்கணக்கு (காலை 10:30 – 12.00 மணி)

  ஏப்ரல் 02 (வெ) புனித வெள்ளி GOOD FRIDAY

  ஏப்ரல் 04 (ஞா) ஈஸ்டர் EASTER

ஏப்ரல் 12- GUDI PADWA

  ஏப்ரல் 13 (செ) தெலுங்கு புத்தாண்டு UGADHI AND BAISAKHI

  ஏப்ரல் 14 (பு) தமிழ் புத்தாண்டு PLAVA YEAR, VISHU, CHETI CHAND

  ஏப்ரல் 17 (ச) வசந்த பஞ்சமி

  ஏப்ரல் 21 (பு) ஸ்ரீராம நவமி

  ஏப்ரல் 21 (பு) ஷீரடி சாய்பாபா பிறந்த நாள்

  ஏப்ரல் 22 (வி) மதுரை மீனாட்சி பட்டாபிஷேகம்

ஏப்ரல் 23 – THRISSUR POORAM FESTIVAL

  ஏப்ரல் 24 (ச) மதுரை மீனாட்சி திருக்கல்யாணம்

  ஏப்ரல் 24 (ச) சாய்பாபா ஸித்தி தினம்

  ஏப்ரல் 25 (ஞா) மகாவீர் ஜெயந்தி

  ஏப்ரல் 25 (ஞா) மதுரை மீனாட்சி தேர்

  ஏப்ரல் 26 (தி) சித்ரா பெளர்ணமி

  ஏப்ரல் 27 (செ) மதுரையில் கள்ளழகர் எழுந்தருளல்

ஏப்ரல் 1 வியாழக்கிழமை

எங்கே பிறந்தாலும் எள்ளாரே நல்லோர்கள்
எங்கே பிறந்தாலும் என் (நல்லோர் எங்கும் தோன்றலாம்)

***

ஏப்ரல்  2 வெள்ளி க்கிழமை

அறிவன் பகையேனும் அன்புசேர் நட்பாம் (அறிவடையோர் பகைவனாகினும் நண்பனே)

***

ஏப்ரல்  3 சனிக் கிழமை

உற்றபெருஞ் சுற்றம் உறநன் மனைவியுடன்
பற்றிமிக வாழ்க (இல்வாழ்தலே நல்வழி)

****

ஏப்ரல் 4  ஞாயிற்று க்கிழமை

தவத்தால் அருள்ஞானம் பெற்றோர்க்கு
அநந்தம் விழியென்று அறி.( எல்லாம் அறிவர் ஞானியர்)

****

ஏப்ரல்  5 திங்கட் கிழமை

ஓருபோது யோகியே ஓண்டளிர்க்கை மாதே
இதுபோது போகியே யென்ப – திரிபோது
ரோகியே நான்குபோது உண்பான் உடல்விட்டுப்
போகியே யென்று புகல் (நலமாகவாழ ஓர் பொழுதுண்க)

****

ஏப்ரல் 6  செவ்வாய்க்கிழமை

மென்மதுர வாக்கால் விரும்பும் சகம் கடின
வன்மொழியி னால்இகழும் மண்ணுலகம் (இன்சொல்லே யாவரும் கேட்பர்)

****

ஏப்ரல் 7  புதன் கிழமை

பகைவரிடம் மெய்யன்பு பாவித்து அவரால்
சுகமுறுதல் நல்லோர் தொழில் (அன்பினால் மாற்றோரிடமும் நன்மை)

****

ஏப்ரல் 8 வியாழக்கிழமை

காந்தன்இல் லாத கனங்குழலாள் பொற்புஅவமாம்
சாந்தகுணம் இல்லார் தவம்அவமாம் – அன்னைஇல்லாப் பிள்ளை இருப்பது அவம் (பயனற்றவை)

****

ஏப்ரல்  9 வெள்ளிக்கிழமை


ஆசை தனையடிமை கொண்டவனே தப்பாது உலகம்
தனையடிமை கொண்டவனே தான். (துறந்தோரே உலகம் ஆள்பவர்)

****

ஏப்ரல்  10 சனிக் கிழமை

ஆன்,அந்தணர்,மகளிர், அன்பாம் குழந்தைவதை,
மானம் தெறும்பிசி வார்த்தை,இவை பாவம்(பசு, பிராமணர், பெண்கள், குழந்தைகள் ஆகியோருக்கு எதிராகப் பேசுவது பாவம் )

****

ஏப்ரல் 11  ஞாயிற்று க்கிழமை

நாவின் நுனியில் நயமிருக்கின் பூமாதும்
நாவினிய நல்லோரும் நுண்ணுவார் (நயமான சொல்லால் நன்மையே)

****

ஏப்ரல்  12 திங்கட் கிழமை

செய்யும் ஓருகருமம் தேர்ந்து புரிவதுஅன்றிச்
செய்யின் மனத்தாபம் சேருமே (செயலின் முன் எண்ணுக)

****

ஏப்ரல் 13  செவ்வாய்க்கிழமை

மானமிலா இல்லாளும் மானமுறு வேசியரும்
ஈன முறுவார் (மனைவிக்கு மானமும் , வேசிகளுக்கு மானம் இல்லாமையும் புகழ் தரும்)

*****

ஏப்ரல் 14  புதன் கிழமை

கற்றோர் கனம்அறிவர் கற்றோரே கற்றறியா
மற்றோர் அறியார்  (கல்விதன்மாண்பு கற்றோரே அறிவர்)

****

ஏப்ரல் 15 வியாழ க்கிழமை

 துர்ச்சனருக்கு
அங்கம்முழு தும்விடமே ஆம். (ஈக்கு தலையிலும், தேளுக்கு கொடுக்கிலும், பாம்புக்கு பல்லிலும் விஷம் ; கெட்டவர்களுக்கு உடம்பு முழுதும் விஷம் )

****

ஏப்ரல்  16 வெள்ளி க்கிழமை

துர்ச்சனர்தாம் எந்தவிதத்தாலும் இணங்காரே பாம்புமணி
மந்திரத்தால் ஆமே வசம். (பாம்பைக்கூட ரத்தினக்கல், மந்திரம், மூலிகை வேர் இவற்றால் அடக்கலாம்; கெட்டவர்களை எதனாலும் வசப்படுத்த முடியாது)

***

ஏப்ரல்  17 சனிக் கிழமை

துன்னும் இருமலும் துர்ச்சனரும் ஒக்குமே (இருமலும் புல்லோரும் நிகரே- nuisance for ever)

***

ஏப்ரல் 18 ஞாயிற்று க்கிழமை

கந்தம் பலவும் கலந்தாலும் உள்ளியது
கந்தம் கெடுமோ கரை. (எத்தனை வாசனை கலந்தாலும் உள்ளிப்பூண்டு மணம் போகாது. கெட்டவர்களும் அப்படித்தான் )

***

ஏப்ரல்  19 திங்கட் கிழமை

தீங்கினர்தம் கண்ணில் தெரியாத தூரத்து
நீங்குவதே நல்ல நெறி. மாட்டுக்கு 5, குதிரைக்கு 10, யானைக்கு 1000 முழம் தள்ளி நில்; கெட்டவர்களைக் காணில் ஓடி ஒளிந்து கொள் )

***

ஏப்ரல் 20  செவ்வாய்க்கிழமை

புண்ணியரைப் போல இருந்தாலும் புல்லியர்தாம்
புண்ணியர்ஆ வாரோ புகல்.( அற்பர் நன்மை செய்யார்)

****

ஏப்ரல் 21   புதன் கிழமை

முற்றும் இறைசெயலே முற்றிடினும் தன்அருளைப்
பெற்றவர்தம் பாலே பெரிதாகும் (பக்தனே சக்தி வாய்ந்தவன் )

****

ஏப்ரல் 22 வியாழ க்கிழமை

ஈசன்எதிர் நின்றாலும் ஈசனருள் பெற்றுயர்ந்த
நேசர்எதிர் நிற்பது அரிதாமே (பக்தனுக்குத் தீங்கு செய்தால் கடவுளாலும் காப்பாற்ற முடியாது; பக்தனே சக்தி வாய்ந்தவன் )

****

ஏப்ரல் 23 வெள்ளிக்கிழமை

மந்திரமும் தேவும் மருந்தும் குருவருளும்
தந்திரமும் ஞானம் தரும்முறையும் – யந்திரமும்
மெய்யெனில் மெய்யாய் விளங்குமே மேதினியில்
பொய்யெனில் பொய்யாகிப் போம். (நம்பிக்கை இல்லாவிடில் பலன் கிடைக்காது |)

****

ஏப்ரல் 24 சனிக் கிழமை

பேதையரைக் கண்டால் பெரியோர் வழிவிலகி
நீதியொடு போதல் நெறியன்றோ (தீயவரின் சேய்மை நன்று)

****

ஏப்ரல் 25  ஞாயிற்றுக்கிழமை

சிற்றுணர்வோர் என்றும் சிலுசிலுப்பர் ஆன்றமைந்த
முற்றுணர்வோர் ஒன்றும் மொழியாரே (குறைகுடம் கூத்தாடும்; நிறைகுடம் தழும்பாது)

****

ஏப்ரல் 26 திங்கட் கிழமை

பெண்ணொருத்தி பேசில் பெரும்பூமி தான்அதிரும்
பெண்ணிருவர் பேசில்விழும் வான்மீன்கள் – பெண்முவர்
பேசில் அலைசுவறும் பேதையே பெண்பலர்தாம்
பேசில்உலகு என்னாகுமோ பின். (பெண்கள் வம்பு பேசக்கூடாது)

****

ஏப்ரல் 27 செவ்வாய்க்கிழமை

அன்னை தயையும் அடியாள் பணியும்மலர்ப்
பொன்னின் அழகும் புவிப்பொறையும் – வன்னமுலை
வேசி துயிலும் விறல்மந் திரிமதியும்
பேசில் இவையுடையாள் பெண்.(நல்ல மனைவி கருணையில் அன்னை, வேலை செய்வதில் பணிப்பெண், தோற்றத்தில் அழகி, படுக்கையில் வேசி, பேச்சில் மந்திரி போல இடத்துக்குத் தக்கவாறு செயல்படுவாள் )

***

ஏப்ரல் 28  புதன் கிழமை

மெய்ஞ்ஞானி நின்றநிலை
வேறு படினும்சிறப்பாமே (ஞானியர்தம் சிறப்பு)

****

ஏப்ரல் 29 வியாழக்கிழமை

பிறந்தஇடத்து அன்றிப் பிறிதொருதேசத்தே
செறிந்தஇடத்து அன்றோ சிறப்பு. (இடத்தினால் தான் சீர் சிறப்பு)

****

ஏப்ரல் 30 வெள்ளிக்கிழமை

குணநன்கு உணராக் கொடியோர் இடத்தில்
குணநன் குடையார் குறுகார் (கொடியவரை நல்லோர் அணுகார்)

–subham–

tags- ஏப்ரல் 2021 காலண்டர் , நீதி வெண்பா, பொன்மொழிகள் ,

பெண்ணின் மனம்: ரிக் வேதம், ஷேக்ஸ்பியர், தமிழ் பாட்டு ஒப்பீடு (Post No.4220)

Written by London Swaminathan

 

Date: 17 September 2017

 

Time uploaded in London- 6-56 am

 

Post No. 4220

 

Pictures are taken from various sources; thanks.

 

 

பெண்களை தாயார் ஸ்தானத்தில் வைக்கும்போது அவர்களை இந்து மதம் புகழ்வது போல வேறு எந்த மதமும் புகழ்வதில்லை; தமிழ் சம்ஸ்கிருத நூல்களில் கண்டது போல வேறு எங்கும் கண்டதில்லை. மனு தர்ம சாஸ்திரமோ பெண்களை உச்சானிக்  கொம்பில் வைத்து போற்றுகிறது. அவர்கள் அழுதால் அந்தக் குடும்பம் அல்லது அதற்குக்  காரணமானவர் வேருடன் சாய்வர் என்று எச்சரிக்கிறார் மனு. பெண்களுக்கு நகை நட்டுகளை வாங்கிக் கொடுத்து அவர்களை எப்போதும் மகிழ்ச்சிக் கடலில் மிதக்க வைக்க வேண்டும் என்றும் உலகிற்கு புத்திமதி சொல்கிறார். சுத்த மான இடங்கள் எவை என்பதை பட்டியலிடுகையில் பெண்களின் வாய் எப்போதும் சுத்தமானது என்றும் சொல்லுகிறார் மனு (எனது பழைய கட்டுரைகளில் ஸ்லோக எண்களுடன்  மேல் விவரம் காண்க)

 

மேல் நாட்டு இலக்கியங்களில் பெண்களின் அழகை வருணிப்பர்; அவர்களைத் தூற்றுவர். ஆங்கில  மஹா கவி ஷேக்ஸ்பியர் நாடக வசனங்களிலும் இதைக் காணலாம்; கம்பனிலும் இதைக் காணலாம். நீதி வெண்பாவிலும் இதைக் காணலாம்; திருக்குறளிலும் இதைப் படிக்கலாம்.

 

ஆனால் தாய், சஹோதரி என்ற நிலையில் நாம் புகழ்வோம்; மேல்நாட்டு இலக்கியங்களில் அப்படி இல்லை!

 

அதிகம் கேட்டிராத நீதி வெண்பாப் பாடலைப் பார்ப்போம்:

 

அத்தி மலரும் அருங்காக்கை வெண்ணிறமுங்

கத்து புனல் மீன் பதமுங் கண்டாலும் — பித்தரே

கானார் தெரியற் கடவுளருங் காண்பரோ

மானார் விழியார் மனம்.

 

பொருள்:

பித்தரே= பெண் மயக்கம் கொண்ட பித்தர்களே; பைத்தியக்காரர்களே!

 

அரு = பார்ப்பதற்கு அருமையான

அத்தி மலரும் = அத்திப் பூவும்

காக்கை வெண்ணிறமும் = காக்கையின் வெள்ளை நிறமும்

கத்து புனல் மீன் பதமும் = ஒலிக்கின்ற கடலில் உள்ள பெரு மீன்களின் கால்களும்

கண்டாலும் = ஒருக்கால் பார்க்க இயன்றாலும்

(பெண்களின் மன நிலையை நம்மால் காண/ அறிய முடியாது)

(நாம் மட்டும் அல்ல)

கான் ஆர் தெரியல் கடவுளரும் = மணம் பொருந்திய மாலைகளை உடைய தேவரும்

மான் ஆர் விழியார் மனம் = மான் பார்வை போலும் மருண்ட கண்களை உடைய அப்பெ ண்களின் நெஞ்சத்தைக் காண்பரோ = காண்பார்களோ?

(அவர்களும் காண மாட்டார்)

 

ஷேக்ஸ்பியர் என்ன சொல்கிறார்?

புலியின் இதயம், பெண்ணின் அழகிய தோலுக்குள் மறைந்திருக்கிறது

ஹென்ரி 6- பகுதி 3

Oh tiger’s heart wrapped in a woman’s hide – York

Henry VI Part 3

 

ஒரு விலைமாது போல சொற்களால் என் இதயத்தைத் திறந்து காட்டுவேன்– ஹாம்லெட்

Must, like a whore, unpack my heart with words – Hamlet

 

ரிக் வேதத்தில் ஊர்வசிக்கும் (10-95) புரூருவசுக்கும் இடையே நடை பெறும் அற்புதமான உரையாடல் உளது; அதில் ஊர்வசி சொல்கிறாள்

 

வேண்டாம்; புரூருவஸ், இறந்து விடாதே, றைந்து விடாதே. கெட்ட ஓநாய்கள் உன்னை விழுங்கிவிடக் கூடாது.

 

பெண்களுடன் நிரந்தர நட்பு என்று எதுவுமே கிடையாது; பெண்களின் இதயம் புலியின் (கழுதைப் புலி) இதயம் போன்றது.

 

ஷேக்ஸ்பியர் சொன்ன அதே சொற்கள்!

Nay, do not die Puruvas, nor vanish;

let not the evil-omened wolves devour thee.

With women, there can be no lasting friendship; hearts of the hyenas are the hearts of women.

RV 10-95-15

கம்பன், வள்ளுவன், வேத கால ரிஷி, ஷேக்ஸ்பியர் ஆகியோர் எச்சரிக்கும் அழகே தனி! ஒப்பிட்டு மகிழ்க!

 

My Old Article:

  1. பெண்களின்எதிரி | Tamil and Vedas

tamilandvedas.com/tag/பெண்களின்…

Posts about பெண்களின் … பெண்களின் எதிரியா? … கம்பன், …

 

 

 

TAGS: பெண் மனம், புலியின் இதயம், ஷேக்ஸ்பியர், ரிக்வேதம், நீதி வெண்பா

 

–Subham–