120 வயது வாழ்ந்த அதிசய புத்த துறவி ஸு யுன்! -2

hsuyunportrait3

Written  BY S NAGARAJAN

Date: 22 April 2016

 

Post No. 2751

 

 

Time uploaded in London :–  15-47

 

( Thanks for the Pictures)

 

DON’T REBLOG IT AT LEAST FOR A WEEK!  DON’T USE THE PICTURES; THEY ARE COPYRIGHTED BY SOMEONE.

 

(for old articles go to tamilandvedas.com OR swamiindology.blogspot.com)

 

 

100 வயது வாழ்ந்த பெரியோர்

(இதற்கு முன்னர் வேதபிராயம் வகுத்த நூறு வயது வாழ்ந்த நால்வரைப் பற்றிய  கட்டுரைகள் படித்தவர்களுக்கு மீண்டும் ஒரு விருந்து! இப்போது120 வயது வாழ்ந்த புத்த துறவி ஸூ யுன் (Xu Yun or Hsu Yun) பற்றிய இரண்டாவது கட்டுரை இது.)

120 வயது வாழ்ந்த அதிசய புத்த துறவி ஸு யுன்! -2

.நாகராஜன்

பொதுவாக தனது நீண்ட நெடும் வாழ்க்கையில் காலால் நடந்தே அனைத்து தலங்களுக்கும் சென்றிருக்கிறார் ஸூ யுன் (Xu Yun). நதி, கடல் போன்ற நீர் நிலைகளில் மட்டும் படகில் ஏறிப் பயணம் செய்வார்.

அத்துடன் அவருடைய அதிசயமான ஒரு பழக்கம் ஒவ்வொரு மூன்று அடிகளிலும் புத்த மதத்தின் த்ரி ரத்தினங்களுக்குமூன்று ரத்தினங்களுக்குநமஸ்காரம் செய்வார். புத்தமதத்தின் த்ரி ரத்தினங்கள் என்று போற்றப்படுபவை புத்தர், தர்மா, சங்கம்!

இப்படி வாழ்நாள் முழுவதும் ஒவ்வொரு மூன்று அடிக்கும் த்ரி ரத்தின நமஸ்காரம் செய்து சென்றதால் இவரது நடைப்பயணம் சற்று மெதுவாகவே நடந்திருக்கும் என்பதை ஊகிக்கலாம்.

ஏராளமானோர் இப்படி அதிசயிக்கத்தக்க விதத்தில் மூன்று அடிக்கு நமஸ்காரம் செய்வதைப் பற்றிக் கேட்டு வியப்பர். அவரைப் பற்றிய மரியாதை கூடி பயபக்தியும் அதிகமாகும்கம்யூனிஸ்ட் கயவர்களைத் தவிர!

தனது வயிற்று உணவுக்கு இவர் பின்பற்றியது  பை ஸாங் ஹுய்ஹாய் (Master Bai zhang Hu-hai) என்பவரது வழியை. ஆங்காங்கே உள்ள ஆலயங்கள் மடாலயங்களுக்கு உரிய நிலத்தில் விவசாயம் செய்து அதில் கிடைக்கும் பயிரை வைத்து வாழ்க்கையை நடத்துவது இவர் பாணி!

வேலை செய்யாத ஒரு நாள், உணவு அருந்தாத ஒரு நாள்என்பது இவரது  கொள்கை. ஆகவே வாழ்நாள் முழுவதும் வேலை செய்து  கொண்டே இருந்தார்.

ஸூ யுன் 1940ஆம் ஆண்டு ஆகஸ்ட் மாதம் 26ஆம் தேதி க்வான் ஜோ (Quanzhou) என்ற இடத்தில் பிறந்தார். (1959ஆம் ஆண்டு அக்டோபர் மாதம் 13ஆம் தேதி மறைந்தார்.)

அவரது தாயார் பிரசவ வேதனையால் துடித்து கடைசியில் ஒருபையைகருப்பையிலிருந்து வெளியேற்றினார்.

ஆசை ஆசையாக ஒரு மகன் பிறப்பான் என்று எண்ணியிருந்த அந்தத் தாய் தன் வயிற்றிலிருந்து ஒரு பை வெளியானதைக் கண்டு அதிர்ச்சியுற்றார்.

இன்னொரு குழந்தை தனக்கு பிறக்கவே முடியாது என்ற மனவிரக்தியில் ஆழ்ந்தார்.மயக்கமுற்றார்.

இந்த மனவேதனையில் உடனடியாக அவர் மரணம் சம்பவித்தது.

அடுத்த நாள் மருந்துகள் விற்கும் வயதான முதியவர் நடந்ததைக் கேட்டுப் பையைக் கீறினார்.

அதற்குள்ளிருந்து வந்தார் ஸூ யுன். இப்படி அவரது பிறப்பே அதிசயமாக அமைந்தது! குழந்தையை பாட்டி கண்காணித்து வளர்த்தார். மாமாவின் ஆதரவில் குழந்தை வளர்ந்து 11 வயது ஆனது.

பாட்டிக்கு ஒரு ஆசை டியான் மற்றும் டான் (Tian and Tan families) குடும்பங்களிலிருந்து குடும்பத்திற்கு ஒன்றாக இரு பெண்களைத் தன் பேரன் மணம் செய்து கொள்ள வேண்டும் என்று. ஆனால் அந்த ஆண்டு குளிர் காலத்தில் பாட்டி காலமானார்.

13ஆம் வயதில் வீட்டிலிருந்த புத்த மத நூல்களை ஸூ யுன் படிக்க ஆரம்பித்தார். தன் மாமாவுடன் நான் யுயே (Nan Yuye)என்ற இடத்திற்குச் சென்று பல புத்த மடாலயங்களுக்குச் சென்றார்.

பூர்வ ஜென்ம நல்வினையின் காரணமாக அவருக்கு வீடு திரும்ப மனம் இல்லாமல் போனது.

ஆனால் மாமாவோ கூட இருந்து அவரை வீடு திரும்ப வற்புறுத்தினார். வேறு வழியில்லாமல் வீடு வந்தார் ஸூ யுன்!

                                          –தொடரும்

 

 

ஆய கலைகள் 64 முழு விவரம் – பகுதி-2 (Post No 2699)

chatus-shasti-kala

Compiled by london swaminathan

Date: 6 April, 2016

Post No. 2699

Time uploaded in London :–  8-11 AM

( Thanks for the Pictures  ) 

DON’T REBLOG IT AT LEAST FOR A WEEK!  DON’T USE THE PICTURES; THEY ARE COPYRIGHTED BY SOMEONE.

(for old articles go to tamilandvedas.com OR swamiindology.blogspot.com)

 

நேற்று இதன் முதல் பகுதி வெளியிடப்பட்டது. அதில் முதல் 21 கலைகளின் விவரங்கள் உள்ளன.

 

முந்தைய கட்டுரைகள்

Previous articles on 64 Arts:

உலகம் வியக்கும் பெண்கள் பாட திட்டம் !! ( 4 May 2014)

 

Wonderful Syllabus for Women (Posted on 4 May 2014)

பெண்களின் 64 கலைகள்! (29 May 2012)

Techniques of Secret Writing in India ( 19 March 2013)

காதல் கடிதம் எழுத ரகசிய சங்கேத மொழி ( 19 March 2013)

64 art-13

 

64 art-14

 

 

64 art -15

64 art-15

 

64 art-16

64 art-17

64 art-18

64 art-19

 

64 art-20

 

64 art-21

 

64 art-22

 

64 art-23

 

64 art-24

64 art-25

64 art-26

–சுபம்–

 

 

12 அத்தியாயங்களில் 2647 ஸ்லோகங்களில் மனு என்ன செப்பினார்?- பகுதி 2

IMG_4622

Article No. 2054

Written by London swaminathan

Swami_48@yahoo.com

Date : 9  August  2015

Time uploaded in London :– காலை 7- 59

பகுதி ஒன்றை முதலில் காண்க! (பக்கங்களைப் பெரிது படுத்தி படிக்கவும்)

மனு என்ன சொன்னார்? மனு நீதி நூலை முழுக்க படிக்கா முடியாவிட்டாலும் அவர் எதைப் பற்றி எழுதினார் என்று அறிய பினவரும் பொருளடக்கம் உதவும் (நன்றி:பிரிட்டிஷ் லைப்ரரி, லண்டன்). அடுத்தமுறை காமெராவுடன் சென்று இதைவிட நல்ல காப்பி எடுக்கையில் இதை அழித்து, அதைப் போடுகிறேன்.

IMG_4732

IMG_4733

IMG_4734

IMG_4735

IMG_4736

IMG_4737

IMG_4738

IMG_4739

IMG_4740

IMG_4741

IMG_4742

IMG_4743

IMG_4744

IMG_4745

IMG_4746

IMG_4747

IMG_4748

IMG_4749

IMG_4750

IMG_4751 (2)

IMG_4751

IMG_4752

IMG_4753

முற்றும்.

பகுதி 2: – மஹாபாரத மர்மங்கள்: விஞ்ஞான விளக்கம் கிடைத்தது!

mahabaharat

கட்டுரையாளர்: லண்டன் சுவாமிநாதன்
கட்டுரை எண் 935 தேதி 26 மார்ச் 2014

முதல் பகுதியைப் படித்துவிட்டு இதைப் படிக்கவும். முதல் பகுதியில் மஹாபாரத கதா பாத்திரங்களின் ஐந்து மர்மப் பிறப்புகள் பற்றி ஆராய்ந்தோம். இதோ மேலும் ஐந்து சுவையான மர்மப் பிறப்புகள்:–

மர்மம் 6: மாந்தாதா – தந்தையிடமிருந்து பிறந்தவர்
மாந்தாதாவின் தந்தை பெயர் யவனஷ்வா. அவர், மஹாராணிகளுக்காக விஷேஷமாக தயாரித்து வைக்கப்பட்டிருந்த ‘’தண்ணீரைக்’’ குடித்துவிட்டார். இதைத் தொடர்ந்து மாந்தாதா, அவரது தந்தையின் உடலில் இருந்து தோன்றினார். விஷேசமாகத் தயாரிக்கப்பட்ட ‘’தண்ணீர்’’ என்பது ஏதோ மருந்தாக இருக்கலாம். இப்போதுள்ள ‘’ஸ்டெம் செல்’’ உத்திகள் அல்லது ‘’க்ளோனிங்’’ உத்திகள் முதலியவைகள் அந்தக் காலத்தில் இருந்திருக்கலாம்.

மர்மம் – 7: கபோடரோமா – மாமிசத்தில் இருந்து பிறந்தார்!
சிபிச் சக்ரவர்த்தி கதை எல்லோருக்கும் தெரியும். இந்த வட இந்தியச் சக்ரவர்த்தியை தங்கள் முன்னோர்கள் என்று சோழ வம்ச அரசர்கள் கூறினர். சிபி, ஒரு புறாவைக் காப்பதற்காக தனது சதையை அறுத்துக் கொடுத்தார். அந்த சதையிலிருந்து கபோடரோமா வந்தார். இதுவும் மாந்தாதா கதை போலவே உள்ளது. ‘’க்ளோனிங்’’ முறை மூலம் இவர் உருவானதையே இவர்கள் இப்படிச் சொல்கிறார்களா என்று தெரியவில்லை.

ரக்த பீஜன் கதை என்னும் புராணக் கதையில் ரக்த பீஜ அசுரனின் ரத்தம் சிந்தியவுடன் ஒவ்வொரு துளியில் இருந்தும் ஒரு அசுரன் தோன்றினான் என்று கூறுவர்.
ஸ்டெம் செல் உத்தியைப் பயன் படுத்தி சில குறிப்பிட்ட உறுப்புகளை வளர்க்கலாம். இது வரை ஆடு, எலி போன்ற பிராணிகள் ‘க்ளோனிங்’ மூலம் உருவாக்கப்பட்டன. அவை ஒன்றின் அச்சுப் போல் மற்றொன்று தோன்றும்.
mahabharata-and-jaya

மர்மம் 8 :பழ விதைகளில் இருந்து குழந்தைகள்!!
சகரன் என்ற மன்னனின் மனைவி வைதர்பி. அவளுக்கு ஒரு பூசணிக்காய் குழந்தை பிறந்தது. அதிலுள்ள விதைகளைப் பல கலசங்களில் பதியம் வைக்கவே 60,000 குழந்தைகள் உருவாயின. 60,000 என்பது ஒரு மரபுச் சொற்றொடர். அதிகமாக என்பதற்குப் பதிலாக 60,000 என்று சொல்வது வடமொழி வழக்கு. தசரதனுக்கு 60,000 மனைவி, கிருஷ்ணனுக்கு 60,000 கோபியர் பெண்கள் நண்பர்கள் என்றெல்லாம் வடமொழி இலக்கியம் சொல்லும். இதற்கு ‘’வழக்கத்துக்கும் மேலாக’’ என்றே பொருள். பழ விதைகளப் பானையில் நட்டு குழந்தைகளை உற்பத்தி செய்தார்கள் என்பது ஒரு ரகசிய சங்கேத மொழி. அந்தக் காலத்தில் இருந்தவர்களுக்கு இதன் அர்த்தம் விளங்கி இருக்கும். காலப் போக்கில் நமக்கு அது புரியாமல் போய்விடும் பின்னர் வந்த உபந்யாசகர்கள் அதை அப்படியே வார்த்தைக்கு வார்த்தை அர்த்தம் செய்து அதை அனர்த்தம் ஆக்கிவிட்டனர்.

இதுவும் காந்தாரி கதை போலவே இருக்கிறது. ஆக அந்தக் காலத்தில் ஏதோ ஒரு டெக்னிக் மூலம் ‘அபார்ஷன்’ ஆன சிசுவின்பகுதிகளைக் கொண்டும் பிள்ளைகளை உருவாக்க முடிந்தது என்றே ஊகிக்க வேண்டி இருக்கிறது.

gandhari

Gandhari and Kunti

மர்மம் 9: மாமிசப் புகையிலிருந்து குழந்தைகள் பிறப்பு!!
மஹாபாரதத்தில் வரும் சோமகன் கதை மிகவும் சுவையானதும் வியப்பானதும் ஆகும். சோமகன் என்ற மன்னனுக்கு 100 மனைவியர். ஆனால் ஒரு ராணிக்கும் குழந்தை பிறக்கவில்லை. ரொம்ப நாளைக்குப் பின்னர் ஒரு ராணிக்கு மட்டும் ‘’ஒன்னே ஒன்னு கண்ணே கண்ணு’’– என்று ஒரு குழந்தை பிறந்தது. அதற்கு ஜண்டு என்று பெயர் வைத்தனர். எல்லோரும் அதைக் கொஞசத் துவங்கினர். அதனிடம் உள்ள அன்பைக் காட்டுவதற்காக ஒவ்வொருவரும் போட்டி போட்டுக் கொண்டு ராஜாவிடம் ஓடிப்போய் எறும்பு கடித்தது, கொசு கடித்துவிட்டது, கரப்பு கடிக்கப் பார்த்தது என்று முறையிட்டனர். அன்புத் தொல்லை பொறுக்க மாட்டாத ராஜா, குருவிடம் போய் ஆலோசனை கேட்டார்.

குரு சொன்னார்: ‘’அந்தக் குழந்தையை தீயில் எறிந்து விடுங்கள். நூறு மஹாராணிகளையும் அந்த மாமிசப் புகையை முகரட்டும். அவர்கள் கர்ப்பம் அடைந்து ஆளுக்கு ஒரு குழந்தையைப் பெறுவர்.’’ ராஜாவும் குரு சொன்னபடியே செய்தார். மாமிசப் புகையை முகர்ந்த மஹாராணிகள் குழந்தைக்குத் தாயாயினர்! இந்தக் கதை நமக்கு சொல்லும் செய்தி என்ன என்று தெரியவில்லை. புகை மூலம் கர்ப்பம்? யார் கண்டது. விஞ்ஞானம் வளர வளர நமது புராண, இதிஹாசக் கதைகளுக்கு புதுப்புது விளக்கம் கிடைக்கிறது. பொறுத்திருந்து பார்ப்போம்.

M Bharat

மர்மம் 10: இறந்த கணவனுக்குப் பிறந்த குழந்தை!
வியுஷிஷ்டஷ்வா என்ற மன்னனுக்கு பத்ரா என்ற மனைவி இருந்தாள். கணவனிடம் பேரன்பு கொண்டவள். இருவரும் அன்றில் பறவைகள் போல இணை பிரியாதவர்கள். ஒரு நாள் மன்னன் திடீரென்று இறந்துவிட்டான். குழந்தையும் கணவனும் இன்றி வாழவதில் பொருள் ஏதும் இல்லை என்று கருதிய அவர் இறந்துவிடத் துணிந்தார். கணவன் சடலத்தில் இருந்து ஒரு அசரீரி கேட்டது. உனக்குக் குழந்தை பிறக்கும் என்று. உடனே கணவன் சடலத்தை கட்டிக் கொண்டு படுத்தார். அவருக்குப் பல குழந்தைகள் பிறந்தன. இந்தக் காலத்தில் இது நடக்கக் கூடியதே. ஏனெனில் லண்டனில் புற்று நோய்க்காக இளைஞர்கள் ‘’கீமோதெரபி’’ பெற வந்தால் நாங்கள் அவர்களை எச்சரிப்போம். ஆறு முறை ‘’கீமோதெரபி’’ முடிந்தவுடன் நீங்கள் குழந்தைகள் பெற முடியாமல் போக வாய்ப்புண்டு. ஆகையால் முதலில் விந்துவைப் போய் சேகரித்துவிட்டு வாருங்கள் என்று. அதற்கும் ஆஸ்பத்திரியே வசதி செய்து கொடுத்துவிடும். இதற்குப்பின் திடீரென்று கணவன் இறந்தாலும் அவரது விந்து மூலம் மனைவி குழந்தை பெற முடியும். இதே போல, ஒருவர் இறப்பதற்கு முன் மனைவியுடன் குடும்ப உறவு வைத்துக் கொண்டாலும் அவள் கர்ப்பமுற வாய்ப்பு இருக்கிறது.

மேலை நாடுகளில் இன்றும் கூட ஒருவர் கணவன் இல்லாமல் கர்ப்பம் அடைந்தால் கிசுகிசுக்கள் பரவத் துவங்கும். இந்தியா போன்ற நாடுகளில் கேட்கவே வேண்டாம்!! ஆகையால் அந்தக் காலத்தில் இப்படிச் சுவையான கதை சொன்னார்களா அல்லது நவீன கால கேன்ஸர் ஆஸ்பத்திரி போல் அந்தக் காலத்தில் இந்தியாவிலும் நாம் அறியாத டெக்னிக் இருந்ததா என்று சொல்ல முடியவில்லை.

மேற்கூறிய பத்து சம்பவங்கள் போல இன்னும் எவ்வளவோ சுவையான கதைகள் மாபாரதத்தில் இருக்கின்றன. நேரம் கிடைக்கையில் அவைகளை ஆராய்வோம். அதிலுள்ள ஒவ்வொரு கதையும் நம் சிந்தனையைத் தூண்டும். தொட்டனைத்தூறும் மணற் கேணி போல படிக்கப் படிக்க புதுப்புது அர்த்தம் தோன்றும். விஞ்ஞானம் வளர வளர, புராண, இதிஹாச கதா பாத்திரங்களையும் நாம் மிக மிக அதிக வெளிச்சத்தில் காண முடிகிறது!!

Contact swami_48@yahoo.com

பாரதி தரிசனம் – Part 2

bharati new

ச.நாகராஜன்
Post No 743 dated 12th December 2013

வினா: புண்ணியன் யார்?
விடை: பக்கத்திலிருப்பவர் துன்பம் – தன்னைப்
பார்க்கப் பெறாதவன் புண்ணியமூர்த்தி
வினா: எது சுகம்?
விடை: வேலைப் பணிந்தால் விடுதலையாம்; வேல்முருகன்
காலைப் பணிந்தால் கவலை போம் – மேலறிவு
தன்னாலே தான் பெற்று, சக்தி சக்தி சக்தியென்று
சொன்னால் அதுவே சுகம்

வினா: பூமியில் மனிதனின் கடமைகள் என்ன?
விடை: தன்னைக் கட்டுதல்
பிறர் துயர் தீர்த்தல்
பிறர் நலம் வேண்டுதல்
விநாயக தேவனாய், வேலுடைக் குமரனாய்,
நாராயணனாய், நதிச்சடை முடியனாய்
பிறநாட்டிருப்போர் பெயர் பலக் கூறி
அல்லா! யெஹோவா! எனத் தொழுதன்புறும்
தேவரும்தானாய், திருமகள், பாரதி,
உமை எனுந் தேவியர் உகந்த வான் பொருளாய்
உலகெலாங் காக்கும் ஒருவனைப் போற்றுதல்
இந்நான்கே இப்பூமியில் எவர்க்கும் கடமை எனப்படும்

வினா: இதனால் விளையும் பயன்கள்?
விடை பயன் இதில் நான்காம்!
அறம், பொருள், இன்பம், வீடெனும் முறையே
வினா: (குழந்தையின் குரல்) வாழும் முறை எது?
விடை: உயிர்களிடத்தில் அன்பு வேணும்;
உண்மை என்றுதானறிதல் வேணும்
வயிரமுடைய நெஞ்சு வேணும்
இது வாழும் முறைமையடி பாப்பா.

வினா: தெய்வம் என்பது…?
விடை: உண்மையின் பேர் தெய்வம் என்போம்
வினா: தெய்வம் எப்போது எல்லோரையும் வாழ்த்தும்?
விடை: அறிவை வளர்த்திட வேண்டும் – மக்கள்
அத்தனை பேருக்கும் ஒன்றாய்
சிறியரை மேம்படச் செய்தால் – பின்பு
தெய்வம் எல்லோரையும் வாழ்த்தும்
வினா: பாரை உயர்த்திட வழி சொல்லுங்களேன்.
விடை: வயிற்றுக்குச் சோறிட வேண்டும் – இங்கு
வாழும் மனிதருக்கெல்லாம்
பயிற்றிப் பல கல்வி தந்து — இந்தப்
பாரை உயர்த்திட வேண்டும்!

வினா: கண்ணனைத் தாயாக, தந்தையாக, தோழனாக, அரசனாக, சேவகனாக்க் கண்டீர்களே, அவனைப் பற்றி ஒரு வரி சொல்லுங்களேன்!
விடை: மழைக்குக் குடை; பசி நேரத்து உணவு;
என்றன் வாழ்வினுக்கு எங்கள் கண்ணன்
வினா: கண்ணன் அருளிய கீதையின் சாரத்தை இரு வரிகளில் கூறுங்களேன்!
விடை: பக்தி பண்ணி பிழைக்கச் சொன்னான்
பலனை எண்ணாமல் உழைக்கச் சொன்னான்

வினா: ஆணும் பெண்ணும் நிகர் தானா?
விடை: ஆணும் பெண்ணும் நிகர் எனக் கொள்வதால்
அறிவில் ஓங்கி இவ்வையம் தழைக்குமாம்
தாதர் என்ற நிலைமை மாறி ஆண்களோடு பெண்களும்
சரிநிகர் சமானமாக வாழ்வம் இந்த நாட்டிலே!

வினா: நீங்கள் வேண்டுவது என்ன?
விடை: எண்ணிய முடிதல் வேண்டும்
நல்லவே எண்ணல் வேண்டும்
திண்ணிய நெஞ்சம் வேண்டும்
தெளிந்த நல்லறிவு வேண்டும்
மனதில் உறுதி வேண்டும்
வாக்கினிலே இனிமை வேண்டும்
நினைவு நல்லது வேண்டும்
நெருங்கின பொருள் கைப்பட வேண்டும்
பாட்டுத் திறத்தாலே இவ்வையத்தைப்
பாலித்திட வேணும்

வினா: நீங்கள் வாழ்க்கையில் எடுத்துக் கொண்ட உறுதிமொழிகள் என்னென்ன?
விடை: இயன்றவரை தமிழே பேசுவேன், தமிழே எழுதுவேன், சிந்தனை செய்வது தமிழிலே செய்வேன். எப்போதும் பராசக்தி – முழு உலகின் முதற்பொருள் – அதனையே தியானம் செய்து கொண்டிருக்க முயல்வேன். அதனைக் குறித்தே ஓயாமல் எழுதிக் கொண்டிருக்க முயல்வேன்.
பொழுது வீணே கழிய இடம் கொடேன்.
லௌகிக கார்யங்களை ஊக்கத்துடனும் மகிழ்ச்சியுடனும், அவை தோன்றும் பொழுதே பிழையறச் செய்து முடிக்கப் பழகுவேன்.
உடலை நல்ல காற்றாலும், இயன்றவரை சலிப்பதாலும் தூய்மையுறச் செய்வேன்.
மறந்தும் தற்புகழ்ச்சி பாராட்டுதல் விரும்பேன்.
மூடரின் உள்ளத்தில் என்னைப் பற்றி பொய் மதிப்புண்டாக இடங்கொடேன்.
சர்வசக்தியுடைய பரம்பொருளைத் தியானத்தால் என்னுள்ளே புகழச் செய்து எனது தொழில்களெல்லாம் தேவர்களின் தொழில்போல் இயலுமாறு சூழ்வேன்.
பொய்மைம் இரட்டுற மொழிதல், நயவஞ்சனை, ந்டிப்பு இவற்றால் பொருளீட்டிப் பிழைத்தல் நாய்ப் பிழைப்பென்று கொள்வேன்.
இடையறாத் தொழில் புரிந்து இவ்வுலகப் பெருமைகள் பெற முயல்வேன்.இல்லாவிடின் விதிவசமென்று மகிழ்ச்சியோடிருப்பேன்.
எப்போதும் மலர்ந்த முகம், இனிய சொல், தெளிந்த சித்தம் இவற்றோடிருப்பேன்.

bharathy and Chelamma
Bharati with his beloved wife Chellamma

வினா: இளைஞர்களுக்கு அறிவுரை சொல்லுங்களேன்.
விடை: அறமொன்றே தரும் மெய்யின்பம் என்ற
நல்லறிஞர் தம்மை அனுதினம் போற்றுவேன்.
பிற விரும்பி உலகினில் யான் பட்ட
பீழை எத்தனை கோடி! நினைக்கவும்
திறனழிந்தென் மனம் உடைவெய்துமால்
தேசத்துள்ள இளைஞர் அறிமினோ!
அறமொன்றே தரும் மெய்யின்பம்; ஆதலால்
அறனையே துணை என்று கொண்டு உய்திரால்

வினா: மஹாத்மா காந்தியைப் பற்றி….?
விடை: வாழ்க நீ எம்மான்! இந்த வையத்து நாட்டிலெல்லாம்
தாழ்வுற்று வறுமை மிஞ்சி விடுதலை தவறிக் கெட்டுப்
பாழ்பட்டு நின்றதாமோர் பாரத தேசந்தன்னை
வாழ்விக்க வந்த காந்தி மஹாத்மா! நீ வாழ்க! வாழ்க!!
வினா: உங்களுக்குப் பிடித்த உங்கள் பாட்டு ஒன்று கேட்க ஆசைப்படுகிறோம்.
விடை: வந்தேமாதரம் என்போம்… எங்கள் மாநிலத் தாயை வணங்குதும் என்போம்!

வினா: உங்கள் தரிசனம் கிடைக்கும் பேறு பெற்றோம்; மகிழ்ச்சி; ஒரு தீர்க்க தரிசனம் சொல்லுங்களேன்!
விடை: எல்லா உயிர்களிலும் நானே இருக்கிறேன்
என்றுரைத்தான் கண்ணபெருமான்
எல்லாரும் அமர நிலையை எய்தும் நன்முறையை
இந்தியா உலகிற்களிக்கும் – ஆம்
இந்தியா உலகிற்களிக்கும் – ஆம், ஆம்
இந்தியா உலகிற்களிக்கும் – வாழ்க!
வந்தே மாதரம்; வந்தே மாதரம்; வந்தே மாதரம்!

முடிவுரை:
பாரதி தரிசனம் கேட்டீர்கள். மஹாகவி பாரதியாரின் கவிதை, கட்டுரைகளிலிருந்து எடுத்து இணைக்கப்பட்ட ஒரு தொகுப்பு.

contact swami_48@yahoo.com
*******************************