புற்று நோயைக் கண்டுபிடிக்க உதவும் உலோகம் ரூபீடியம் (Post No.10080)

WRITTEN BY LONDON SWAMINATHAN

Post No. 10,080

Date uploaded in London – 11 September   2021           

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

புற்று நோயைக் கண்டுபிடிக்க உதவும் உலோகம் ரூபீடியம்

இதுவரை இந்த ‘பிளாக்’கில் 37 மூலகங்களின் (Element தனிமம்) கதைகளைக் கேட்டீர்கள். இன்று 38ஆவது தனிமத்தின் கதையைக் காண்போம்.

ருபீடியம் RUBIDIUM ஒரு உலோகம். இது பொட்டாசியம் போல கார வகையைச் (ALKALI METAL) சேர்ந்த உலோகம்.

இது பற்றிய சுவையான விஷயங்கள் : இது மூளையில் (Brain Tumours) ஏற்படும் கட்டி மற்றும் புற்று நோயைக் கண்டுபிடிக்க உதவுகிறது. நேரத்தைத் துல்லியமாகக் காட்டும் அணுசக்திக் கடிகாரங்களிலும் (Atomic clocks) பயன்படுகிறது. நாம் காணும் வாண வேடிக்கைகளில் ஊதா நிற ஒளி (purple) உண்டாக்குவதும் ருபீடிய உப்புகள தான் !

. லத்தீன் மொழியில் ருபிடியஸ் என்றால் ஆழ்ந்த சிவப்பு வர்ணம் என்று பொருள். இதனால்தான் மாணிக்கக் கற்களையும் ஆங்கிலத்தில் ரூபி Ruby  என்று அழைக்கிறோம். சரியான உச்சரிப்பு ரூபிடியம்.

இந்த உலோகத்தை வெட்ட வெளியிலோ தண்ணீரிலோ வைத்திருக்க முடியாது. ஏனெனில் அது தீப்பிடித்து எரிந்துவிடும் அல்லது தண்ணீரில் அதிவேகமாகச் செயல்பட்டு தீயை உண்டாக்கும். ஆகையால் இதை எண்ணைக்கு அடியில் வைத்திருப்பார்கள்

மற்றோர் சிறப்பு என்னவென்றால் ரூபீடிய -வெள்ளி அயோடைட் என்னும் உப்பு மின்சாரத்தை எளிதில் கடத்தும்.

நாம் சாப்பிடும் உணவில் சோயா மொச்சை, ஆப்பிள், தேநீர், காப்பி ஆகியவற்றில் குறிப்பிடத் தக்க அளவுக்கு ருபிடியம்  இருக்கிறது ஆயினும் இதற்கு உடலில் வேலை எதுவும் இல்லை.

***

மருத்துவத்தில்

பொட்டாசியம் போலவே இதையும் நமது உடல் எளிதில் கிரகித்து விடுகிறது. இது சிறிது கதிரியக்கம் உடையது . இதனால் இதை உடலில் செலுத்தினால் அது எங்கே செல்கிறது என்று அறியலாம்.  குறிப்பாக புற்றுநோயால் பாதிக்கப்பட்ட செல்கள் இதை வலிந்து இழுக்கின்றன.

இதை வைத்து அங்கே புற்றுநோயோ வேறு வகை கட்டியோ இருக்கிறதா என்று அறியமுடியும் . ஆயினும் இந்த உலோகத்தின் உப்புகள் விஷத் தன்மை உடையவை.

பெர்லின் அகாடமியில் ஜெர்மன் விஞ்ஞானியான ராபர்ட் வில்லியம் புன்சென் மற்றும் குஸ்தாவ் ராபர்ட் கிச்சாப் ஆகிய இருவரும் இதன் கண்டுபிடிப்பை 1861-ல் அறிவித்தனர்.

டயாலிசிஸ்(Dialysis)  சிகிச்சைக்கு செல்லுவோர் மனத் தொய்வை அடைகின்றனர். அவர்களுக்கு மனக்கவலை நீங்க ருபிடிய மருந்துகள் உதவுகின்றன.

ருபிடியம் பூமியின் மேற்பரப்பில் மற்ற பொருள்களுடன் கலந்து இருக்கிறது; இதற்கு அதிக உபயோகம் இல்லாததாலும் உற்பத்திக்கு அதிக செலவு பிடிப்பதாலும் ஆராய்ச்சிக்குத் தேவையான அளவுக்கே இது உற்பத்தி ஆகிறது

கண்ணாடித்  தொழிலிலும் , வெப்ப சக்தியை மின்சார சக்தியாக மாற்றும்  சாதனங்களிலும் பயன்தருகிறது. ருபிடியம்- ஸ்ட்ரான்ஷியம் கலப்பு தாது இருக்கும் பாறைகளின் வயதைக் (Dating the rocks) கண்டு பிடிப்பது எளிதாகிறது. ஆகையால் அந்த விஷயத்திலும் இது நமக்கு உதவுகிறது. போட்டோ செல்களிலும், விண்கலத்தைக் கொண்டு செல்லும் ராக்கெட் என்ஜின்களிலும்  இதை பயன்படுத்துகிறார்கள்.

இதன் ரசாயனக் குறியீடு Rb

அணு  எண் -37

உருகு நிலை – 39 டிகிரி சி

கொதி நிலை – 688 டிகிரி சி

இது ஒரு மென்மையான, வெள்ளை நிற உலோகம். குறைந்த வெப்ப நிலையில் கூட ஆக்சிஜனுடன் கலந்து எரியத் தொடங்கிவிடும்; ஆகையால் எண்ணை அல்லது கிரீசுக்குள் வைத்திருப்பார்கள். ருபிடியம்- 85, ருபிடியம் -87 என்று இரண்டு ஐசடோப்புகள் உண்டு. இவற்றில் இரண்டாவது ஐசடோப் கதிரியக்கம் கொண்டது .

–subham–

tags-  புற்றுநோய்   ,உலோகம், ரூபீடியம், rubidium

கரி என்னும் அற்புத மூலகம்-2; CO உயிருக்கு ஆபத்து (Post No.9520)

WRITTEN BY LONDON SWAMINATHAN

Post No. 9520

Date uploaded in London – –22 APRIL  2021     

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

if u want the article in word format, please write to us.

கரி என்னும் அற்புத மூலகம்-2; CO உயிருக்கு ஆபத்து

கரி என்னும் கார்பனுக்கு மூன்று வடிவங்கள் உண்டு. சுத்தமான அடுப்புக் கரி (CHARCOAL)கிராஃபைட் (GRAPHITE)  மற்றும் வைரக்கல் (DIAMOND) .

கரியின் ரசாயனக் குறியீடு – சி C

அணு எண் – 6

உருகு நிலை (வைரம்) – 3550 டிகிரி C

ஆக்சைடுகள் – கார்பன் மானோக்சைட் (CO) , கார்பன் டை ஆக்சைட் (CO2)

ஐசடோப்புகள் (மூலக அவதாரங்கள் ) – கார்பன்-12, கார்பன்- 13, கார்பன் -14.

tags- கார்பன், மானோ ஆக்சைட், கரி, புற்றுநோய், கண்டுபிடிக்கும், கருவி, PET

தக்காளி ரசத்தின் மகிமை

 

தமிழர்களின் சாப்பாட்டில் சாம்பார், ரசம், தயிர்/மோர் என்று மூன்று ‘கோர்ஸ்’ உணவு இருக்கும். இன்றும் தமிழ்நாட்டு ஹோட்டல்களில் இதே முறை பின்பற்றப்படுகிறது. கல்யாணச் சாப்பாடுகளிலும் இதுதான் பிரதானம். சப்பாத்தி, பரொட்டா போன்றவை எல்லாம் பிற்காலத்தில் சேர்க்கப்பட்டவை. கூட்டு, காய்கறிகள் மற்ற வெஞ்சனம் (சைட் டிஷ்) ஆகும். தமிழ் பிராமணர் வீடுகளில் இன்றும் இதே வழக்கம் நீடிக்கிறது. இந்த தக்காளி புற்றுநோயை ஒழித்துவிடும் என்று இப்போது ஆராய்ச்சியில் தெரியவந்துள்ளது.

தக்காளிக்கு சிவப்பு நிறம் கிடைக்க உதவுவது லைகோபின் என்னும் ஒரு பொருளாகும். இது புற்றுநோயின் எதிரி. அதாவது புற்று நோய் செல்களுக்கான ரத்த சப்ளையத் தடுத்துவிடுகிறது. இதை பிரிட்டனில் போர்ட்மவுத் பல்கலைக்கழகத்தில் பார்மஸி பிரிவைச் சேர்ந்த ம்ருதுலா சோப்ராவும் அவருடைய சகாக்களும் கண்டுபிடித்தனர். சமைக்கப்பட்ட தக்காளி நன்கு வேலை செய்கிறது. புற்றுநோய் செல்கள் ரத்த ஓட்டத்தைக் கடத்திச் சென்று தங்களுக்குப் பயன்படுத்தும். அதை தக்காளியின் லைகோபின் தடுக்கிறது அல்லது மெதுவாகச் செயல்படவைக்கிறது.

சோதனைச் சாலையில் நடைபெறும் இந்த நிகழ்ச்சி மனித உடலிலும் நடைபெறுகிறதா என்பதை அடுத்து ஆராயப்போகிறார்கள்.அவர்கள் முடிவை அறிவிப்பதற்கு முன்னால் நானே சொல்லிவிடுகிறேன். தமிழர்கள் நூற்றுக்கணக்கான ஆண்டுகளாகச் சாப்பிடுவதன் காரணமே அதன் மருத்துவ குணத்தால்தானே.

தக்காளியை 2500 ஆண்டுகளுக்கு முன் தென் அமெரிக்க அஸ்டெக் (ஆஸ்தீக) நாகரீக மக்கள் கண்டுபிடித்தனர். பிறகு ஸ்பானியர்கள் இதை இலகம் முழுதும் கொண்டுசென்றனர். பிரிட்டிஷார் மூலம் நமக்கும் 300 ஆண்டுகளுக்கு முன் வந்து சேர்ந்தது.

 

If you are a health freak, please read also other posts by Santanam Swaminathan:

1.இளநீர் மகிமையும் தென்னையின் பெருமையும் 2.நெல்லிக்காய் மகிமை: அவ்வையாரும் ஆல்பிரூனியும் அலெக்சாண்டரும் 3.வடக்கே தலை வைக்காதே 4. Amazing Medical Knowledge of Tamils 5. Why do Hindus practise Homeopathy? 6. Hindu Wisdom: Copper Kills Bacteria 7. Copper kills Cancer 8. How did a Pandya King get a Golden Hand?