ஆப்ரஹாம்லிங்கன் கைகள் நடுங்கியது ஏன்? சுவிஸ் மீனும் ஹிட்லர் மீனும் ! (Post.7696)

WRITTEN BY LONDON SWAMINATHAN                   

Post No.7696

Date uploaded in London – – 15 March 2020

Contact – swami_48@yahoo.com

Pictures are taken from various sources for spreading knowledge; this is a non- commercial blog.

அமெரிக்காவில் மஹாத்மா காந்திக்கு இணையாகக் கருதப்படுபவரும், வெள் ளையரின், கறுப்பரின் சம உரிமைக்குப் போராடியவரும், அமெரிக்க சுதந்திர போர் வீரரும், அமெரிக்க ஜனாதிபதியுமான ஆப்ரஹாம் லிங்கன் (Abraham Lincoln) வரலாற்றுச் சிறப்புமிக்க பிரகடனத்தில் கை எழுத்து இடுவதற்கு முன்னர் நடந்த நிகழ்ச்சி இது:-

1863 ஜனவரி 1-ம் தேதியன்று அமெரிக்காவின் அடிமை ஒழிப்பு (Emancipation Proclamation) கறுப்பர் விமோசனம்) பிரகடனம் ஒழிப்பு வெளியானது. இந்தப் பிரகடனத்தில் கையெழுத்து வாங்குவதற்காக அதன் பிரதியை லிங்கனின் காரியரிசி (Secretary Seward) ஸீவார்ட் எடுத்து வந்தார். லிங்கனின் மேஜை மீது பிரகடனத்தை வைத்தார். லிங்கன் அதை ஒரு பார்வை பார்த்தார். மெதுவாக பேனாவை எடுத்தார். அதை மைக் கூட்டில் (Ink pot) தோய்த்தார் .கையெழுத்து இடவேண்டிய இடத்துக்கு பேனா சென்றது. திடீரென்று கையைப் பின்னுக்கு கொண்டு சென்று ஒரு உதறு உதறிவிட்டு பேனாவைக் கீழே போட்டார். பின்னர் மீண்டும் பேனாவை எடுத்தார். முன்னர் செய்த எல்லாவற்றையும் செய்து பேனாவை உதறிவிட்டார்.

இதையெல்லாம் காரியதரிசி வியப்புடன் பார்த்துக் கொண்டிருந்தார். அப்பொழுது செயலாளரின் முகத்தைப் பார்த்து லிங்கன் செப்பியது இதுதான்:-

“இன்று காலை ஒன்பது மணி முதல் என் கைகள் நடுங்கிக் கொண்டே இருக்கின்றன. வலது கை மரமரத்துப் (paralyzed)  போய்விட்டது. என்னுடைய பெயர் ஒரு காலத்தில் வரலாற்றில் இடம்பெறப் போவதாக வைத்துக் கொள்வோம். அது இந்த பிரகடனம் மூலம்தான் இருக்கும். ஏனெனில் என் ஆத்மா (வாழ் நாளின் லட்சியம்)  முழுதும் இதில்தான் இருக்கிறது .இந்த மாபெரும் அறிவிப்பில் நான் கையெழுத்து இடுகையில் என் கைகள் நடுங்கினால் , வருங்காலத்தில் இதை பார்ப்போர் நடுக்கமான தருணத்தில் இட்ட கையெழுத்தைப் பார்த்து, அட ஆப்ரஹாம் லிங்கன் மிக்க தயக்கத்தோடுதான் கையெழுத்துப் போட்டார் என்று சொல்லிவிடுவார்கள்”.

இதற்குப் பின்னர் அவர் உறுதியாகக் கை எழுத்திட்டது எல்லாம் வரலாறு ஆகிவிட்டது. கறுப்பர்களை அமெரிக்க வெள்ளையர்கள், மிருகங்களை வேட்டை ஆடுவது போல ஆப்பிரிக்காவில் இருந்தும் மேற்கிந்தியத் தீவுகளிலும் பிடித்து வந்து, தெரு நாய்களை விட கேவலமாக நடத்தினர். இந்தக் கால கட்டத்தில் அமெரிக்க சுதந்திரப்  போர் வெடித்தது. அமெரிக்காவே இரண்டு கடசியாகப் பிரிந்து உள்நாட்டு யுத்தம் (Civil War) நடந்தது. அப்போது ஆப்ரஹாம் லிங்கன் ஜனாதிபதியாக இருந்தார். மூன்று ஆண்டுகளாக நடைபெற்றுவரும் உள்நாட்டு யுத்தம் ஆயிரக்கணக்கான உயிர்களைக் காவு கொண்டது. இந்தப் பிரகடனமானது அமெரிக்க ஐக்கிய நாட்டில் சேராத கலகம் செய்யும் மாநிலங்களில் (Rebellious States)  உள்ள எல்லாக் கறுப்பின மக்களுக்கும் விடுதலை கிடைக்கும் என்று அறிவித்தது. இது அமெரிக்கா முழுதும் வாழ்ந்த கறுப்பின அடிமைகளுக்கு விடுதலை தராவிடினும் ஒரு பெரிய புதிய சிந்தனையைத் தூண்டிவிட்டது. பல லட்சக் கணக்கான கறுப்பின மக்கள் ராணுவத்தில் சேர்ந்து முழு அமெரிக்காவை உருவாக்கினர்.

ஓர் தலைவன் என்பவன் எதை எதையெல்லாம் பற்றிக் கவலைப்பட வேண்டியிருக்கிறது , சிந்திக்க வேண்டி இருக்கிறது என்பதற்கு இந்த நிகழ்ச்சி ஒரு எடுத்துக்காட்டு.

Xxxxxx

சுவிஸ் மீனும் ஹிட்லர் மீனும் !

சுவிட்ஸர்லாந்து நாட்டுக்கும் ஹிட்லர் (Hitler) ஆண்ட ஜெர்மனிக்கும் இடையே ஓடிய ஆற்றில் இருவர் மீன் பிடித்தனர். சுவிஸ் (Swiss) நாட்டவர் தனது நாட்டுக் கரையில் மீன்பிடித்தார் . எதிர்க்கரையில் ஜெர்மன் நாட்டு எல்லைக்குள் ஹிட்லரின் நாஜிக் (Nazi) கட்ஸிக்காரர் மீன்பிடித்தார் .

சுவிஸ்காரன் தூண்டிலில் மிகப்பெரியாய் மீன்கள் சிக்கின . எடுத்து, எடுத்து கூடைக்குள் போட்டுக்கொண்டே எதிர்க்கரை நாஜியை ஏளனப் பார்வை பார்த்தார் . அந்த நாஜிக்கு மிக அபூர்வமாகவே சிக்கின. அதுவும் கூட சின்ன மீன்கள்தான்.

அந்த நாஜி வியப்புடன் கேட்டார் ,

“ஏய் தூண்டிலில் , நீ என்னடா வைத்திருக்கிறாய்? உனக்கு மட்டும் இவ்வளவு மீன்கள் சிக்குது? உனக்கு இன்னிக்கு அதிருஷ்ட நாளோ?”

அதற்கு சுவிஸ்காரன் பதில் சொன்னான்,

“ஓ அதுவா? என் பக்கமுள்ள மீன்கள் வாயைத் திறக்க பயப்படுவதில்லை!”

(ஹிட்லர் ஆட்சியில் எவரும் வாயைத்  திறந்து எதிர்ப் பேச்சு பேச முடியாது! )

Xxx

வெள்ளைக்காரன் கொடுத்த விடுதலை

வெள்ளைக்காரன் குடியேறிய இடங்களில் எல்லாம் அந்த நாடுகளின் பூர்விகக்குடிகள் மீது செய்த அட்டூழியங்களுக்கு அளவேயில்லை அவர்களை மிருகங்கள் போல பிடித்து வந்து , விலங்கிட்டு வேலை வாங்கினர். பிரிட்டிஷ்காரர்கள் மேற்கிந்தியத் தீவுகளில் இப்படி அட்டூழியம் செய்தனர். மக்கள் சக்தி ஒன்று கூடவே , பெரும்பாலுமுள்ள பூர்வ குடிகளை அடக்கி ஆள முடியாது என்று தெரிந்தது . ரத்தக் களரியைத் தடுப்பதற்காக தாங்களே விடுதலை அறிவித்தனர். அதுவும் கொஞ்சம் கொஞ்ச்ம் ஆக .

தென் ஆப்பிரிக்காவில் இருந்த அடிமைத்தனம் நம் கண்கள் முன்னே நெல்சன் மண்டேலா மூலம் விடுதலை ஆனதைக் கண்டோம் . அது நடக்கும் நாள் வரை பிரிட்டிஷாரும் அதற்கு ‘ஜே’ போட்டு வந்ததை நாம் பத்திரிகைகளில் படித்தோம் .

இதோ மேற்கிந்தியத் தீவுகளில் நடந்த ஒரு அரிய காட்சி !

பிரிட்டிஷ் பார்லிமெண்ட் 1836 கஸ்ட் 1-ஆம் தேதி மேற்கிந்தியத் தீவுகளில் (West Indies) அடிமைத் தனம் (abolition of slavery)  கைவிடப்படும் என்று சட்டம் போட்டது. ஆயினும் கறுப்பர்கள் இன்னும் ஓராண்டுக்கு அடிமை விலங்காக இருக்க வேண்டும் .1837-ல்தான் அவர்கள் சுதந்திரப் பறவைகள் என்றும் அறிவித்தனர். ஆண்டாண்டுக் காலமாக அடிமைத் தனத்தில் உழன்ற கறுப்பின மக்கள் பல்லைக் கடித்துக் கொண்டு பொறுமை காத்தனர். 1837 ஜூலை 31-ம் தேதி வந்தது ; நாளை காலை முதல் நாம் விடுதலைப் பறவைகள் என்ற உணர்வு கொப்பளித்தது. ஆக அதைக் கொண்டாடுவதற்காக ஜமைக்காவில் (Jamaica) பல்லாயிரக்கணக்கான கறுப்பர்கள் ஒன்று கூடினர் . எல்லோரும் வெள்ளை உடை தரித்தனர் . இரவு 11 மணிக்கு எல்லோரும் மண்டியிட்டு வானத்தை நோக்கிப் பிரார்த்தனை செய்தனர் ; இரவு 12 மணிக்கு ஆலய மணிகள் ஒலிக்க துவங்கின.

எல்லோரும் ஒரே குரலில் நாம் விடுதலை ஆகிவிட்டோம் ; நாம் சுதந்திர பறவைகள் என்று ஆனந்தக் கூத்தாடினர் . பாரதியார் பாடிய “ஆடுவோமே ; நாம் பள்ளுப் பாடுவோமே ; ஆனந்த சுதந்திரம் அடைந்துவிட்டோம் என்று ஆடுவோமே ; நாம் பள்ளுப் பாடுவோமே”– என்ற பாடலை உண்மையாக்கிய காட்சி இது.

Aborigines of Australia

TAGS —  ஆப்ரகாம் , லிங்கன், ஆப்ரஹாம் ,சுவிஸ் , நாஜி , கறுப்பர், அடிமை, விடுதலை

–Subham–

பாரசீகக் கிளி செய்த தந்திரம்!

alexandrine_parrot_f

கிளி படங்கள் பல  இடங்களிலிருந்து எடுக்கப்பட்டன; நன்றி)

Article No. 2104

Written by London swaminathan (தமிழில் மொழி பெயர்ப்பு)
Date : 28 August  2015
Time uploaded in London :– 8-38 am

காஷ்மீரில் ஒரு பெரிய வணிகர் இருந்தார். அவர் ஆண்டுதோறும் பாரசீகத்துக்குச் சென்று வணிகம் செய்து வந்தார். (பாரசீகத்தின் தற்போதைய பெயர் ஈரான்). இந்திய சரக்குகளை அங்கே விற்றுவிட்டு ஈரானிய சரக்குகளைக் காஷ்மீருக்குக் கொண்டுவந்து விற்பது அவரது வழக்கம். ஒரு முறை பாரசீகத்தில் ஒரு அழகான கிளியைப் பார்த்தார். அது மனிதர்களைப் போலவே பேசுவது கண்டு வியப்படைந்தார். உடனே அந்தக் கிளியை ஒரு விலை பேசி வாங்கிவிட்டார்.

காஷ்மீருக்குத் திரும்பிவந்தவுடன் அழகான, பெரிய கூண்டு செய்து அதற்கு ராஜ உபசாரம் செய்துவந்தார். அவரது குடும்பத்தினரும் அக்கிளியைப் போற்றி வளர்த்தனர். தங்கக் கூண்டு ஆனாலும், கூண்டு என்பது சிறைவாசம்தானே! இருந்த போதிலும் கிளி அழகாகப் பேசி அவர்களை மகிழ்வித்து வந்தது.

ஒரு குறிப்பிட்ட ஆண்டில் காஷ்மீர் வணிகருக்கு உலல்நலம் சரியில்லை. உடனே அந்தரங்கக் காரியதரிசியை அழைத்து, “இந்த ஆண்டு நீ போய் பாரசீகத்திலிருந்து சரக்குகளை வாங்கி வா; எனக்கு உடம்பு சரியில்லை” என்றார். எஜமானர் போட்ட உத்தரவை சிரம் மேல் தாங்கி அவரும் பாரசீகத்துக்குப் புறப்படத் தயாரானார்.

எல்லோர் அன்புக்கும் பாத்திரமான கிளி, அவரை அழைத்து, “அன்பரே. நீர் பாரசீகத்துக்குச் செல்லும்போது எனக்கு ஒரு உதவி செய்ய வேண்டும். இங்கு எனக்கு ராஜபோக உபசாரம் கிடைத்தாலும் என் சொந்தக்காரர்களைப் பார்க்காமல் எனக்கு வருத்தமாக இருக்கிறது. அவர்களை நீங்கள் சந்தித்து நான் குசலம் (நலம்) விசாரித்ததாகக் கூறுங்கள். என் சொந்தக்கார கிளிகள் நீர் செல்லும் நகருக்குக் கிழக்கேயுள்ள தோட்டத்தில்தான் வசிக்கின்றன. மிகப் பெரிய கூட்டம் என்பதால் அந்தக் கிளிகளை நீவீர் எளிதில் இனம் காண முடியும். இடர்ப்பாடு ஏதும் இராது “ என்றது. கடைசியாக நான் அவர்களைப் பார்க்க வேண்டும். அதற்கு என்ன வழி என்றும் ஒரு கேள்வியைக் கேளும்; அவர்கள் சொல்லும் பதிலை என்னிடம் மறவாது செப்பும்” என்றும் கிளி பகன்றது. காரியதரிசியும் அதற்கு ஒப்புக்கொண்டார்.

330591-green-parrot

வணிகரின் செயலர் பாரசீகத்துக்குச் சென்று வணிகப் பணிகளை செவ்வனே செய்து முடித்தார். திடீரென காஷ்மீரிலுள்ள கிளி சொன்ன விஷயம் நினைவுக்கு வரவே நகருக்கு வெளியேயுள்ள தோட்டத்துச் சென்றார். அந்தக்கிளி சொன்னது போலவே எளிதில் சொந்தக் கார கிளிக்கூட்டத்தைக் கண்டு பிடித்தார். அவர்களுடைய சொந்தக்கார கிளி காஷ்மீரில் அடைபட்டிருப்பதையும் அது “நலம்தானா?” என்று வினவியதையும் செப்பிய பின்னர், ”ஒரு முக்கிய விஷயம் காஷ்மீர் கிளி உங்களை மீண்டும் பார்க்கவேண்டுமாம். நீங்கள்தான் வழி சொல்லவேண்டுமாம்” என்றார். அந்தக் கிளிகளோ கீச்சுக் கீச்சு என்று ஒலி எழுப்பியனவே அன்றி பதில் இறுக்கவில்ல. அவரும் மூன்று நான்கு முறை கேட்டுப் பார்த்தார். பலனில்லை. அவர் புறப்படும் முன் ஒரே ஒரு கிளி மட்டும்—வயதான கிளி—இறக்கையெல்லாம் பாதி இழந்துவிட்ட கிளி- தொப்பென்று மரத்திலிருந்து கீழே விழுந்தது. செத்துப்போன கிளி போல சிறகெல்லாம் விரிந்து, மல்லாந்து கிடந்தது. அதைப் பார்த்த செயலர், “ஐயோ பாவம்; தள்ளாத வயது போலும்” என்று சொல்லிக் கொண்டே வெளியேறினார்.

காஷ்மீருக்குத் திரும்பிவந்தவுடன் , எஜமானரிடம் – முதலாளியிடம் – வணிக விஷயங்களை ஒப்புவித்தார். அவருக்கும் மிக்க மகிழ்ச்சி. இதைப் பார்த்துக் கொண்டிருந்த கிளி மெதுவாக அவரை அழைத்து “நான் சொன்ன விஷயம் என்னவாயிற்று?” என்று கேட்டது. அவரும் நடந்ததை நடந்தபடியே சொல்லிவிட்டு கடைசியில் ஒரு கிளி மரத்திலிருந்து கீழே விழுந்து இறந்ததையும் கூறினார். இதைக் கேட்டுக்கொண்டே இருந்த கிளி திடீரென கூண்டின் உட்புறத்தில் நிற்கும் மரக்குச்சியில் இருந்து விழுந்தது. அது சிறகை விரித்து மல்லாந்து கிடந்ததைப் பார்த்துவிட்டு எஜமானரிடம் கிளி திடீரென்று இறந்துவிட்டது என்றார். அவரும் அதன் பரிதாபச் சாவைப் பார்த்துவிட்டு வேலைக்கரனைக் கூப்பிட்டு, ஊருக்கு வெளியேயுள்ள தோட்டத்தில் உரிய மரியாதையுடன் அடக்கம் செய்யச் சொன்னார்.

உடனே வேலைக்கரன் அந்தக் கிளியை மிகவும் மரியாதையுடன் எடுத்துக்கொண்டு ஊருக்கு வெளியே ஒரு இலைதழை படுக்கை செய்து அதன்மீது வைத்துவிட்டு, ஒரு குழிதோண்டத் துவங்கினான். இதுவரை இறந்ததுபோல பாவனை செய்த கிளி சிறகடித்துப் பறந்தோடிப் போய்விட்டது!!!

விடுதலை! விடுதலை!

சுவாமி ராமதாஸ் சொன்ன கதை இது.

Parrot_clay_lick

(கிளி ப்டம்: விக்கிபீடியா)

அவர் சொல்லுவார்: எப்படி அந்தக் கிளி தான் (நான்) என்னும் தன்மையை இழந்தவுடன் விடுதலை பெற்றதோ அது போல நாமும் அஹம்காரம் (யான், எனது என்னும் செருக்கு) என்பதை இழந்தோமானால் விடுதலை/ முக்தி/ மோக்ஷம் கிடைக்கும்.

தமிழில் மொழிபெயர்ப்பு- லண்டன் சுவாமிநாதன்

parrot group