உலகின் அதி வித்தியாசமான வல்லுநர்கள்! –(Post No.6673)

WRITTEN  by S Nagarajan


swami_48@yahoo.com


Date: 24 JULY 2019


British Summer Time uploaded in London – 15-39

Post No. 6673


Pictures are taken from various sources including Facebook, google, Wikipedia. This is a non- commercial blog. 
((posted by swamiindology.blogspot.com AND tamilandvedas.com))

ச.நாகராஜன்

அபூர்வ தற்காப்புக் கலை வீரர் – ப்ரூஸ் லீ

     உலகம் இதுவரை கண்டிராத அதிசய தற்காப்புக் கலை வீரர் ப்ரூஸ் லீ. சான்பிரான்ஸிஸ்கோவில் சைனாடவுன் பகுதியில் ஹாங்காங்கைச் சேர்ந்த பெற்றோர்களுக்கு 1940, நவம்பர் 27ஆம் தேதி பிறந்த ப்ரூஸ் லீ 32 ஆண்டுகளே வாழ்ந்து பல அதிசய சாதனைகளை நிகழ்த்தி 1973, ஜூலை 20ஆம் தேதி மறைந்தார்.

மின்னல் வேக சண்டை நிபுணர் மட்டுமல்ல, அவர் ஒரு நடிகர், டைரக்டர், சண்டைகளைக் கற்பிக்கும் பள்ளியை நிறுவியவர், ஒரு தத்துவ வித்தகர்.

   இளம் வயதிலேயே நடிக்க ஆரம்பித்த அவருக்கு சீனத் தற்காப்பு சண்டை உத்திகள் அனைத்தும் அத்துபடி.   ‘எண்டர் தி ட்ராகன்’ உள்ளிட்ட அவரது திரைப்படங்களை உலகிலுள்ள மக்கள் இன்றளவும் பார்த்து வருகின்றனர். நொடியில் நூற்றில் ஒரு பங்கில் அவரது கைகள், கால்கள், உடல் அங்கங்கள் அசையும், மிகக் கூர்மையான கண் பார்வை அவர் நினைத்ததைச் செய்து முடிக்கும்! ஒரு விரலை வைத்துக் கொண்டு அதன் மீது உடலை அவர் தூக்குவார்! கையில் சீன உணவு சாப்பிடும் இரு கழிகளை வைத்துக் கொண்டு பறந்து செல்லும் அரிசி மணியைப் பிடிப்பார். அவரது திறன்கள் சொல்லுக்கு அப்பாற்பட்டவை. மனிதன் என்ன நினைக்கிறானோ அதைச் செய்ய முடியும் என்பது அவரது நம்பிக்கை.  அவருக்கு உலகெங்கும் பல நினைவுச் சின்னங்கள் உள்ளன. இரண்டரை மீட்டர் உயரமுள்ள வெங்கலச் சிலை அவர் நினைவாக 2005ஆம் ஆண்டு ஹாங்காங்கில் திறந்து வைக்கப்பட்டது. உலகம் போற்றும் அதிசய வீரரான இவரைப் போல இன்னொருவரை உலகம் காணுமா என்ற வியப்பு அனைவருக்கும் உண்டு!

எக்ஸ் ரே கண் கொண்ட நடாஷா டெம்கினா

    1987ஆம் ஆண்டு பிறந்த ரஷிய பெண்மணியான நடாஷா டெம்கினாவிற்கு (Natasha Demkina) ஒரு அபூர்வப் பார்வை உண்டு; ஆம், அவரது  கண்கள் எக்ஸ் ரே கண்கள். மற்றவர்களின் உடலின் உள்ளே இருப்பதை அவரால் சுலபமாகப் பார்க்க முடியும். அவரது பத்தாம் வயதிலிருந்தே இந்த அபூர்வ பார்வையை அவர் பயன்படுத்த ஆரம்பித்தார். டாக்டர்களால் என்ன வியாதி என்று நிர்ணயிக்க முடியாத சமயத்தில் அவசர உதவியாக அவர் அழைக்கப்பட்டு  என்ன சிகிச்சை மேற்கொள்ள வேண்டும் என்பதை முடிவு செய்ய உதவுவார். 2004இல் டிஸ்கவரி சேனலில் அவர் பல காட்சிகளில் தோன்றினார்; ஜப்பானிய தொலைக்காட்சியும் அவரை வரவேற்றது. உலகில் அடுத்தவரின் உள் உறுப்புகளைப் பார்க்கும் ஒரே பெண்மணி இன்று இவர் தான்!

தூங்காத மனிதர் தாய் காக்

   வியட்நாமைச் சேர்ந்த அதிசய மனிதர் தாய் காக் (Thai Ngoc).

1942ஆம் ஆண்டில் பிறந்தவர். இவர் நாற்பத்தாறு ஆண்டுகள் தூங்கவே இல்லை. ஆனால் செயல் திறனில் இவரிடம் எந்தக் குறைபாடும் இல்லை. 50 கிலோ சாக்குகளை ஐந்து கிலோமீட்டர் தூக்கிச் செல்வாராம். இளமையிலிருந்தே தூங்குவதில்லை என்று கூறும் இவர் “நீரில்லாத செடி போல என் வாழ்வு இருக்கிறது” என்கிறார்.

ஒரே ஒரு நாள் தூக்கம் இல்லாவிட்டால் நாம் படும் பாடு என்ன என்பது நமக்கே நன்கு தெரியும். ஆக, தூங்காத இந்த மனிதர் உலகின் வியப்பூட்டும் மனிதர் வரிசையில் சேர்கிறார்.

கராத்தே வீரர் மாஸ் ஒயாமா

   உலகம் அறிந்த கராத்தே வீரர் மாஸ் ஒயாமா. (Mas Oyama).

 1923 ஜூலை 27ஆம் தேதி கொரியாவில் ஜிம்ஜி என்ற இடத்தில் பிறந்தார். 1994 ஏப்ரல் 26ஆம் தேதி மறைந்தார்.

குமைட் என்று சொல்லப்படும் ஒரு சண்டையில் 300 பேரை மூன்று நாட்கள் சண்டையிட்டுத் தோற்கடித்தார். இப்படி ஒரு அரிய சாதனையை நிகழ்த்தக் காரணம் மிகவும் கட்டுப்பாடான வாழ்க்கை முறை தான் என்றார் அவர். ‘வாட் இஸ் கராத்தே’ என்று 1963இல் இவர் எழுதிய புத்தகம் உலகில் மிக அதிக விற்பனையான கராத்தே புத்தகம் என்ற புகழைப் பெற்றது.கராத்தேயில்  ஒரு புதிய உத்தியைக் கண்டுபிடித்து அதை அனைவருக்கும் இவர் கற்பித்து வந்தார்.

சிங்கங்களின் தோழர் கெவின் ரிச்சர்ட்ஸன்

     சிங்கத்தின் அருகில் சென்று அதை முத்தமிடும் மனித சிங்கம் கெவின் ரிச்சர்ட்ஸன்! (Kevin Richardson) சிங்கத்தின் வாயில் தன் கையை சாதாரணமாக விடுவார். ஏன், சிங்கங்களுடனேயே படுத்துத் தூங்குவார். சிங்கங்களைப் பழக்கும் சர்க்கஸ் வீரர்கள் உலகில் பலர் உண்டு. ஆனால் அவர் போல சிங்கங்களுடன் சகஜமாக யாராலும் இருக்க முடிவதில்லை; இருந்ததில்லை! தென்னாப்பிரிக்காவில் ஜோஹன்னஸ்பர்க்கில் 1974 அக்டோபர் 8ஆம் தேதி பிறந்த கெவின், ஜூவாலஜி, மரைன் பயாலஜி படிப்பில் தேறினார். 1600 ஏக்கர் பரப்பளவுள்ள மிருகக்காட்சி சாலையில் பணி புரிய ஆரம்பித்தார். அங்கிருந்த சிங்கங்கள், சிறுத்தைகள் அவருடன் தோழமை கொண்டன. சில சமயம அவரை அவை பிராண்டும், கடிக்கும்; என்றாலும் அவர் அவைகளைக் கண்டு அஞ்சி ஓடவில்லை. நன்கு பழக ஆரம்பித்தார். உலகின் ஒரே ‘சிங்க மனிதர்’ (Lion Whisperer) என்ற பெயரையும் பெற்றார். இவர் எழுதிய புத்தகங்கள் வியக்க வைப்பவை; உலகில் அதிக பிரதிகள் விற்பனையானவை. காணொளிக் காட்சிகளாக ஏராளமான காட்சிகள் இவரைப் பற்றி உள்ளன. பார்ப்பவர்களை வியப்படையச் செய்யும் காட்சிகள் இவை!

அடுத்து இன்னும் சில அதிசய வல்லுநர்களைப் பார்ப்போம்.

அறிவியல் அறிஞர் வாழ்வில் .. ..

சோவியத் ரஷ்யாவைச் சேர்ந்த உயிரியல் விஞ்ஞானி இல்யா இவானோவ் பைத்தியக்காரத்தனமான சோதனை ஒன்றை மேற்கொண்டார்.

1924ஆம் ஆண்டு போல்ஷ்விக் அரசாங்கம் ரஷியாவில் ஆட்சி நடத்தியபோது அவருக்கு நாட்டை விட்டு வெளியேறி உயர் ரக மனிதர்களை உருவாக்கும் முயற்சியைச் செய்ய அனுமதியை வழங்கியது. 1926ஆம் ஆண்டு கோடைகாலத்தில் பாரிஸுக்கு வந்தார். அங்கு நோவா என்ற பெயருடைய  ஒரு சிம்ப் குரங்கின் உடலில் ஒரு பெண்ணின் கருப்பையை ஒட்ட வைத்தார். அந்தக் குரங்கிடம் மனித விந்து செலுத்துவதன் மூலம் சூப்பர் மனிதனை உருவாக்க முயன்றார். அதே ஆண்டு நவம்பரில் ஆப்பிரிக்கா சென்ற அவர் அங்கேயும் இது போல குரங்குகளின் மீது விஷப்பரிட்சையைச் செய்ய ஆரம்பித்தார். ஆனால் ஒரு குரங்கும் கூடக் கருத்தரிக்கவில்லை. இதனால் ஏமாற்றம் அடைந்த அவர் தன் உத்தியை மாற்றிக் கொண்டார். இப்போது ஒர் பெண்மணியின் கருப்பையில் குரங்கின் விந்தைச் செலுத்திப் பார்க்க எண்ணினார். இதற்காகத் தாமாக முன் வரும் சோவியத் பெண்மணிகளை அவர் தேடினார். ஐந்து பெண்மணிகள் இந்தச் சோதனையை மேற்கொள்ள முன் வந்தனர். ஆனால் இந்தச் சோதனை நடப்பதற்கு முன்பாகவே ஸ்டாலின் ரஷியாவை ஆள்வதற்கு வரவே, ஒரு ஸ்டாலின் ஆதரவாளர் அவரை கழக்கஸ்தானுக்கு நாடு கடத்தி விட்டார். அங்கு சென்ற அவர் இரு வருடங்களுக்குள்ளாக உயிரிழந்தார்.

ஒரு அபாயகரமான பரிசோதனை நடைபெறாமலேயே நின்றது!

***

உலகின் அதி வித்தியாசமான வல்லுநர்கள்! – 3 (Post No.6545)

Painting by Stephen Wiltshire

Written by S Nagarajan


swami_48@yahoo.com


Date: 14 June 2019


British Summer Time uploaded in London –  6- 35 am

Post No. 6545

Pictures shown here are taken from various sources including google, Wikipedia, Facebook friends and newspapers. This is a non- commercial blog. ((posted by swamiindology.blogspot.com AND tamilandvedas.co

.﷽﷽﷽﷽﷽﷽﷽﷽﷽﷽﷽﷽﷽﷽﷽﷽﷽﷽﷽பாக்யா 1-6-2019 இதழில் அறிவியல் துளிகள் தொடரில் வெளி வந்துள்ள ஒன்பதாம் ஆண்டு ஒன்பதாம் கட்டுரை – அத்தியாயம் 425

உலகின் அதி வித்தியாசமான வல்லுநர்கள்! – 3

ச.நாகராஜன்

உலகின் அதி வித்தியாசமான வல்லுநர்கள்! – 3

ச.நாகராஜன்

அபூர்வ ஓவியர் – ஸ்டீபன் வில்ட்ஷைர் (Stphen Wiltshire)

ஒரே ஒரு முறை பார்த்தால் போதும் எந்த இயற்கை காட்சியாக இருந்தாலும் சரி, நகர்ப்புறத் தோற்றமானாலும் சரி, கட்டிடமானாலும் சரி அப்படியே துல்லியமாக வரைந்து விடும் ஆற்றல் கொண்ட அபூர்வ கலைஞர் ஸ்டீபன் வில்ட்ஷைர். லண்டனில் 1974, ஏப்ரல் 24ஆம் தேதி பிறந்த ஸ்டீபன் குழந்தையாக இருந்த போது ஊமை போல இருந்தார். ஆனால் எதையும் பார்த்தவுடன் வரையும் தன் அபூர்வ ஆற்றலை மூன்று வயதிலேயே வெளிப்படுத்தி விட்டார்.ஐந்தாம் வயதில் அவரை லண்டனில் உள்ள க்வீன்ஸ்மில் பள்ளிக்கு அனுப்பினர். அங்கு அவரது அபூர்வ ஓவியத் திறமை கண்டறியப்பட்டது. பள்ளியில் அவரிடம் அவரது ஓவியம் பற்றி அனைவரையும் கேட்க வைக்கவே இறுதியில் பேப்பர் என்ற வார்த்தையை முதன் முதலாகப் பேசினார். ஒன்பது வயதில் பேச ஆரம்பித்தார். உலகெங்கும் அவர் பெயர் பிரபலமானது. அமெரிக்க கார்களைப் பற்றிய என்சைக்ளோபீடியா என அவர் புகழப் படுகிறார். உலகெங்கும் அவரது ஓவியங்களைப் பார்க்காதவர்கள் இல்லை; பாராட்டாதவர்கள் இல்லை!

இசை மேதை – டெரிக் பரவிசினி (Derek Paravicini)

ஹ்யூமன் ஆர்கெஸ்ட்ரா என புகழப்படுபவர் டெரிக் பரவிசினி.

ஒரே ஒரு முறை ஒரு இசையைக் கேட்டால் போதும் அதை அப்படியே இசைப்பார் அவர். 1979, ஜூலை 26ஆம் தேதி பிறந்த பரவிசினி லண்டனில் வசித்து வருகிறார். பார்வையில்லாத இவர் பிரபல எழுத்தாளரான சாமர்செட் மாமின் கொள்ளுப் பேரன். இவரது அதிசயத் திறமை இளம் வயதிலேயே வெளிப்பட்டது. ஒன்பதாம் வயதில் லண்டனில் பொது அரங்கம் ஒன்றில் தனது இசை நிகழ்ச்சியை நடத்தினார். 2010, ஆகஸ்ட் 26ஆம் தேதியன்று ஹிஸ்டரி சேனலில் உலகப் புகழ் பெற்ற ஸ்டான் லீயின் சூப்பர் ஹ்யூமன்ஸ் நிகழ்ச்சியில் பங்கு கொண்டு பல சோதனைகளையும் எதிர்கொண்டு தன் திறமையைக் காண்பித்து அனைவரையும் அயரச் செய்தார். பி.பி.சியும் இவரது நிகழ்ச்சியை ஒலிபரப்பியது. இவரது அபாரத் திறமை இன்றும் தொடர்கிறது.

வேகமாகப் படிக்கும் பெண்மணி – ஆன்னி டோன்ஸ் (Anne Tones)

உலகின் அதி வேகமாகப் படிக்கும் பெண்மணி என்ற புகழைப் பெற்றவர் ஆன்னி டோன்ஸ்! பிரபல நாவல் தொடரான ஹாரி பாட்டர் தொடரில் ஏழாவது நாவல் 608 பக்கம் உடையது. அதை அவர் 47 நிமிடம் ஒரு வினாடியில் படித்து முடித்தார். இப்படியும் படிக்க முடியுமா என்ற வியப்பை உலகெங்கும் ஏற்பத்துபவர் இந்த அதிசயப் பெண்மணி.

 மாரத்தான் மன்னர் – டீன் கர்னாஸஸ் (Dean Karnazes)

லாஸ் ஏஞ்சல்ஸ் அருகில் உள்ள இங்கிள்வுட் என்ற இடத்தில் 1962, ஆகஸ்ட் 23ஆம் தேதி பிறந்த டீன் கர்னாஸஸ் உலகின் அதிவேக ஓட்டக்காரர். இவரை ‘அல்ட்ரா மாரதான் மேன்’ என்று அழைக்கின்றனர். 50 மாரத்தான்களை 50 நாட்களில் அமெரிக்காவில் உள்ள 50 மாகாணங்களில் இவர் 2006இல் ஓடிக் காட்டவே உலகினர் பிரமித்துப் போனார்கள். இவரது திறமை எப்படிப்பட்டது தெரியுமா? 2005இல் 350 மைல்களை 80 மணி நேரம் 44 நிமிடங்களில் தூங்காமல் ஓடிக் காட்டினார்.

மூச்சைப் பிடிக்கும் ஆற்றல் கொண்டவர் – ஸ்டிக் செவெரின்ஸென் (Stig Severinsen)

டென்மார்க்கைச் சேர்ந்த ஸ்டிக் செவெரின்ஸென் 1973, மார்ச், 8ஆம் தேதி பிறந்தவர். கின்னஸ் வோர்ல்ட் ரிகார்டில் நான்கு முறை மூச்சைப் பிடித்து நீந்தும் ஆற்றல் உடையவராக அறிவிக்கப்பட்டவர். 22 நிமிடங்கள் மூச்சைப் பிடித்து இவர் தனது ஆற்றலைக் காட்டிய போது உலகமே வியந்தது.நல்ல ஆரோக்கியமான ஒருவர் இரு நிமிடங்களுக்கு மேல் மூச்சைப் பிடித்து நிறுத்த முடியாது. ஸ்டான் லீயின் சூப்பர்ஹ்யூமன் நிகழ்ச்சியில் இவர் கலந்து கொண்ட போது இவரைச் சோதித்துப் பார்த்தனர். அப்போது அவரது இந்த அபூர்வ ஆற்றலுக்குக் காரணம் அவரது இரத்தச் சிவப்பு அணுக்களை அவர் தனது மண்ணீரலில் சேமித்து வைத்திருப்பது தான் என்பதைக் கண்டறிந்தனர். இதே போல டால்பினும் செய்வது குறிப்பிடத் தகுந்த ஒரு விஷயம்!

பல் மொழி வல்லுநர் – ஹரால்ட் வில்லியம்ஸ் (Harold Williams) 

 இவர் (தோற்றம் 6-4-1876 மறைவு 18-11-1928) நியூஜிலாந்தைச் சேர்ந்தவர். ஒரு மொழியை நன்கு கற்பதிலேயே அனைவரும் படும் கஷ்டம் அனைவரும் அறிந்ததே. ஆனால் இவரோ 58 மொழிகளை நன்கு அறிந்திருந்தார்.  சிறந்த பத்திரிகையாளர்; தி டைம்ஸ் பத்திரிகையின் அயல்நாட்டு ஆசிரியராகவும் பணியாற்றினார். சீன மொழி, ஜப்பானிய மொழி, எகிப்திய மொழி உள்ளிட்ட பல மொழிகளில் இவர் கொண்டிருந்த அறிவு திகைப்படையச் செய்யும் ஒன்று.

ரப்பர் பாய் – டேனியல் ப்ரௌனிங் ஸ்மித் (Daniel Browning Smith)

தன் உடலை ரப்பர் பந்து போல வளைத்து நெளித்து உலகின் மிகவும் நெகிழ்வான நபர் தான் என்பதை நிரூபிப்பவர் டேனியல் ப்ரௌனிங் ஸ்மித்! இவரது செல்லப் பெயர் ரப்பர் பாய்! 1979 மே மாதம் 8ஆம் தேதி பிறந்த இவர், தனது உடலை  முன்னும் பின்னுமாக வளைப்பார். கை கால்களை 180 டிகிரி சுழற்றிக் காட்டுவார். கின்னஸ் வோர்ல்ட் ரிகார்ட் இவரை வாழ்ந்து கொண்டிருக்கும் உலக மக்களில் உலகின் அதி நெகிழ்வான மனிதன் (most flexible man alive) என்று அறிவித்திருக்கிறது; ஏழு கின்னஸ் ரிகார்டுகளை வழங்கி இருக்கிறது.இவர் ஒரு நடிகர். காமெடியன்.விளையாட்டு வீரர். தொலைக்காட்சியில் பேட்டி எடுப்பவர். ஸ்டண்ட்மேன்.

இன்னும் சிலரை அடுத்துப் பார்ப்போம்.

அறிவியல் அறிஞர் வாழ்வில் .. ..

உலகம் கண்ட விசித்திரமான விஞ்ஞானிகளில் ஒருவர் ஜோஸா டெல்காடோ. (Josa Delgado). யேல் பல்கலைக் கழகத்தில் பேராசிரியாரக்ப் பணியாற்றினாலும் கூட அவர் ஆர்வம் கொண்டிருந்தது மனம் பற்றிய ஆராய்ச்சியில் தான். ஆயிரத்தி தொள்ளாயிரத்து ஐம்பதுகளிலும் அறுபதுகளிலும் டெல்காடோ உயர் விலங்குகளின் மூளையில் எலக்ட்ரோடுகளைச் செருகிப் பதித்தார். தன் கையில் ஒரு ரிமோட் கண்ட் ரோலை வைத்துக் கொண்டு அந்த விலங்குகளைத் தன் கட்டுப்பாட்டில் கொண்டு வந்து தான் சொன்னபடி அவற்றை ஆட்டுவித்தார். கஷ்டமான இயக்கங்களை அவை செய்யுமாறு கட்டளையிட்டார். ஒரு காளையின் மூளையில் எலக்ட்ரோடைப் பதித்து அதை ஒரு ரிங்கில் தன்னுடன் சண்டை போடுமாறு செய்து அது தன்னை முட்ட வரும் போது டிரான்ஸ்மிட்டரை உபயோகித்து அது தன்னை முட்ட வருவதை நிறுத்தினார்.

25 மனிதர்களிடமும் இப்படி எலக்ட்ரோடுகளைப் பதித்தார். எப்படியேனும் அவர்களின் மனங்களைத் தன் கட்டுப்பாட்டில் கொண்டு வந்து ஆட்டிப் படைக்க வேண்டும் என்று நினைத்தார். வலுச்சண்டைக்குப் போவதில் தான் அவரது  ரிமோட் கண்ட்ரோல் வேலை செய்தது. ஒரு முறை அவர் இப்படிச் சொன்னார் : “நாம் மின்னணு ஆற்றலால் மூளையைக் கட்டுப்படுத்த வேண்டும். ஒரு நாள் இல்லாவிட்டால் ஒரு நாள் படைகளும் போர் தளபதிகளும் மூளையில் செய்யப்படும் மின்சக்தி தூண்டுதலால் கட்டுப்படுத்தப்படுவர்.”

மனக் கட்டுப்பாடு ஆராய்ச்சியில் ஈடுபட்ட இவரது நோக்கம் நிறைவேறுமா? காலம் தான் பதில் சொல்ல வேண்டும்!

***

Stephen Wiltshire

உலகின் அதி வித்தியாசமான வல்லுநர்கள்! – 2 (Post No.6424)

Written by S NAGARAJAN


swami_48@yahoo.com


Date: 22 May 2019


British Summer Time uploaded in London – 6-16 am

Post No. 6424

Pictures shown here are taken from various sources including google, Wikipedia, Facebook friends and newspapers. This is a non- commercial blog. ((posted by swamiindology.blogspot.com AND tamilandvedas.com))

16-5-2019 தேதியிட்ட பாக்யா இதழில் அறிவியல் துளிகள் தொடரில் வெளியாகியுள்ள (ஒன்பதாம் ஆண்டு எட்டாம்) கட்டுரை – அத்தியாயம் 424

உலகின் அதி வித்தியாசமான வல்லுநர்கள்! – 2

ச.நாகராஜன்

அதிசயப் பெண்மணி நினா குலாஜினா

அதீத உளவியல் ஆற்றல் பெற்ற அதிசயமான ஆண், பெண் பட்டியலில் நினா குலாஜினாவின் (Nina Kulagina) பெயர் தனி இடம் பெறுகிறது.ரஷியப் பெண்மணியான நினா (பிறப்பு 30-7-1926 மறைவு ஏப்ரல் 1990) அதி மானுட ஆற்றலைக் காட்டி விஞ்ஞானிகளை வியக்க வைத்தவர்.

    Psyckokinetic (PK) ஆற்றலில் அவர் வல்லவர் என்பது நிரூபிக்கப்பட, ஆயிரத்தி தொள்ளாயிரத்து அறுபதுகளில் அவரது அதீத உளவியல் ஆற்றல் உலகில் பிரபலமானது.

      மேஜை மேலிருக்கும் ஒரு பொருளைத் தொடாமலேயே நகர வைக்கும் சக்தி கொண்டவர் அவர் என்பதை நேரடியாகப் பலரும் பார்த்து வியந்தனர்.

ரஷியாவில் இரண்டு நோபல் பரிசு பெற்ற விஞ்ஞானிகள் உள்ளிட்ட நாற்பது விஞ்ஞானிகள் குலாஜினாவின் சக்தியைச் சோதனை செய்து பார்த்தனர்.

லெனின்கிராட் லாபரட்டரி ஒன்றில் 1970ஆம் ஆண்டு மார்ச் 10ஆம் தேதி அவர் மீது விஞ்ஞானிகளால் பல சோதனைகள் நடத்தப்பட்டன.

     எதையும் தொடாமலேயே பார்வையினால அவர் பொருள்களை நகர்த்துவது பற்றிய சோதனையால் விஞ்ஞானிகள் வியந்தனர்.

உலோகங்களினால் ஆன பொருள்களையும், உலோகம் அல்லாத பொருள்களையும் அவர் நகர்த்திக் காட்டினார். பல்வேறு வடிவங்கள் மற்றும் அளவுகள் கொண்டவை இவை. காந்தசக்தி கொண்ட பொருள்கள், காந்தசக்தி அற்ற பொருள்கள் என எல்லாவற்றையும் அவரால் நகர்த்த முடிந்தது!

இவற்றின் இடை 380 கிராம் அளவில் இருந்தன.

     இந்த அபூர்வ ஆற்றல் உயிர்களில் உள்ள தசை, திசு மற்றும் அங்கங்களின் மீதும் செலுத்தப்பட முடியுமா என்று பார்க்க அவர்கள் மிகுந்த ஆவல் கொண்டனர்.

சோதனைகளை முன்னின்று நடத்தியவர் பிரபல ரஷிய விஞ்ஞானியான செர்ஜியெவ் ( Gennady Sergeyev).

    ஒரு தவளையின் இதயம் எடுக்கப்பட்டு உடல் இயக்கவியல் கரைசல் (Physiological solution) ஒன்றில் பத்திரமாக வைக்கப்பட்டது. நினா இருந்த இடத்திலிருந்து தவளையின் இதயம் சுமார் ஒன்றரை மீட்டர் தூரத்தில் இருந்தது.இதயத்துடன் எலக்ட்ரோடுகள் இணைக்கப்பட்டன – சோதனை அனைத்தையும் துல்லியமாக ரிகார்ட் செய்வதற்காக!

   இந்த மாதிரி நிலைகளில் தவளையின் இதயம் சுமார் 30 முதல் 40 நிமிடங்கள் வரை இயங்கும். அரிதான சில கேஸ்களில் 90 நிமிடம் இது இயங்கலாம்.

இதய இயக்கம் நின்றவுடன் அதை எலக்ட்ரோ ஸ்டிமுலேஷன் (Electrostimulation) மூலம் மீண்டும் இயங்க வைக்க முடியும்.

நினா தனது சக்தியை தவளையின் இதயம் மீது செலுத்திய 40 விநாடிகளில் அதன் இயக்கம் முற்றிலுமாக நின்றது. மீண்டும் எலக்ட்ரோ ஸ்டிமுலேஷன் (Electrostimulation) மூலம் அதை இயக்க முயன்ற போது அது இயங்கவில்லை!

“நாங்கள் இதயத்தைச் சோதனை செய்த போது அது வெடித்துச் சிறு சிறு துகள்களாக ஆகி இருந்தது. அந்த ஆற்றலின் வேகம் அப்படிப்பட்ட தீவிரத்தன்மை கொண்டதாக இருந்தது” என்று கூறி செர்ஜியெவ் வியந்தார்.

    நினாவின் இன்னொரு சக்தியையும் விஞ்ஞானிகள் சோதித்தனர்.

அவர் தன் தீவிர பார்வையை ஒருவர் கையின் மீது செலுத்தியபோது அது முதலில் சற்று சூடானது, பிறகு தோல் இன்னும் அதிக உஷ்ணத்தை அடைந்தது. பின்னர் தோல் எரிந்து தீப்புண் பட்டது போல் ஆனது. ஐந்து நாட்கள் வரை அந்தப் புண்ணின் காயம் தென்பட்டது.

   நினா தன் கையின் மீது பார்வையைச் செலுத்த அவரது தோல் சிவப்பானது. பின்னர் ஐந்து அல்லது பத்து நிமிடங்கள் கழித்த பின்னர் அவர் அதை தன் சிகிச்சை தரும் ஆற்றலின் மூலம் ஆறச் செய்த போது அது சாதாரண நிலைக்கு மீண்டது. தனது கைவிரல்களால் அவர் பல வண்ணங்களையும் உணர்ந்து அவற்றை விவரித்தார்.

இது போன்ற ஏராளமான சோதனைகளை லாபரட்டரி கட்டுப்பாடுகளில் அவர் நிகழ்த்திக் காட்டி விஞ்ஞானிகளை அயர வைத்தார்.

ஐஸ் மேன்

நெதர்லாந்தைச் சேர்ந்த விம் ஹாஃப் (Wim Hof – பிறப்பு 20-4-1959) வெறும் காலுடன் தொடர்ந்து பனிக்கட்டியின் மீது நடந்து காட்டும் ஒரு அதிசய மனிதர். அதி வேக இதயத் துடிப்பும் அதிக அட்ரினலின் சுரப்புமே அவரது இந்த ஆற்றலுக்குக் காரணம் என அவரைச் சோதித்த விஞ்ஞானிகள் கருத்துத் தெரிவித்தனர்.

மார்ச் 16ஆம் தேதி 2000-இல் அவர் ஐஸுக்கு அடியில் நீந்தி கின்னஸ் வோர்ல்ட் ரிகார்ட் படைத்தார், 2007 ஜனவரி 26ஆம் தேதி பனியில் 2 மணி 16 நிமிடம் 34 விநாடிகள் வெறும் காலுடன் ஐஸ் மீது நடந்து உலக ரிகார்டை ஏற்படுத்தினார். முழு உடலையும் ஐஸில் மூழ்கடித்து நீண்ட நேரம் ஐஸில் இருந்து 16 முறை ரிகார்டை ஏற்படுத்தினார்.

 அவரது இந்த அதிசய ஆற்றல் உலக விஞ்ஞானிகளை வியப்பில் ஆழ்த்தியுள்ளது.

ஒரு சில விநாடிகள் கூட எவரும் ஐஸ் கட்டி மீது தன் முழு உடலையும் பட்டவாறு இருக்க முடியாது. ஆனால் இந்த அதிசய மனிதரோ ஒரு மணி நேரம் 42 நிமிடங்கள் ஐஸுடன் உடலை ஒட்டி இருந்து அனைவரையும் அசத்துகிறார்.

இவரை உலக மக்கள் ஐஸ் மேன் என்று அழைப்பது பொருத்தம் தான்.

இன்னும் சில அதிசய ஆற்றல் படைத்த வல்லுநர்களை அடுத்துப் பார்ப்போம்.

அறிவியல் அறிஞர் வாழ்வில் .. ..

பிரபல விஞ்ஞானி தாமஸ் ஆல்வா எடிஸன் மின் பல்பைக் கண்டுபிடிக்க முயன்ற போது நடத்திய சோதனைகள் அனைவரும் அறிந்த ஒன்று. சுமார் ஆயிரம் முறைகள் சோதனைகளைத் திருப்பித் திருப்பி நடத்தி கடைசியில் அவர் மின்சார பல்பைக் கண்டுபிடிப்பதில் வெற்றி பெற்றார். அவரது உதவியாளர்கள் அனைவரும் இந்த வெற்றியால் பெரும் மகிழ்ச்சி அடைந்தனர்.

எடிஸன் தனது ஆபீஸ் பையனைக் கூப்பிட்டு அதை சோதனை செய்யுமாறு கூறினார். மிக்க பயத்துடனும் நடுக்கத்துடனும் அதைக் கையில் ஏந்திச் சென்ற அவன் தவறுதலாக அந்த பல்பைக் கீழே போட அது உடைந்தது.

எடிஸன் இதனால் கோபம் கொண்டு தன்னை வேலையை விட்டு நீக்கி விடுவார் என்று பயந்தான் அவன்.

எடிஸன் இன்னொரு பல்பைச் செய்தார். திருப்பி அதே ஆபீஸ் பாயைக் (Office Boy) கூப்பிட்டு அவன் கையில் புதிய பல்பைத் தந்து அதை சோதித்துப் பார்க்குமாறு கூறினார்.

எடிஸனின் உதவியாளர்கள்  எதற்காக அதே பையனிடம் பல்பைத் தந்து விஷப்பரிட்சை செய்ய வேண்டும் என்று வியந்தனர். எடிஸனிடமே அதைக் கேட்டனர். அந்தப் பையன் திருப்பி அதைக் கீழே போட்டு விட்டால் என்ன செய்வது என்பதே அவர்களின் கேள்வி.

எடிஸன் பதில் கூறினார் இப்படி: “ புதிய பல்பை 24 மணி நேரத்தில் நான் செய்து விட்டேன். ஒருவேளை அவன் இந்த பல்பையும் கீழே போட்டு உடைத்து விட்டால் இன்னொரு பல்பைச் செய்ய எனக்கு இன்னும் 24 மணி நேரம் தான் ஆகும். ஆனால் இதே வேலையை அவனிடம் நான் கொடுக்கா விட்டால் அவனுக்குத் தன் மீது இருக்கும் நம்பிக்கையே போய்விடும். அந்தத் தன்னம்பிக்கையை அவன் பெறவே முடியாமல் போய்விடும். அப்படி அவன் தன்னம்பிக்கையை இழந்து விடக்கூடாது என்பதற்காகத் தான் அதே வேலையை அவனிடம் கொடுத்தேன். இந்த முறை அவன் சோதனையை முடித்து விட்டால் ஆயுளுக்கும் அவன் தன்னம்பிக்கை குறைவு படாது”

அனைவரும் எடிஸனின் இந்த பதிலைக் கேட்டு அவரைப் பாராட்டினர்.

***