90 லட்சம் பெண்கள் உயிருடன் எரிப்பு – சேம்பர்ஸ் கலைக் களஞ்சியம் திடுக்கிடும் தகவல் (10,370)

WRITTEN BY LONDON SWAMINATHAN

Post No. 10,370

Date uploaded in London – –   23 NOVEMBER  2021         

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

கிறிஸ்தவ மதத்தில் நம்பிக்கை இல்லாத பெண்களை பேய்மகள் , சூன்யக்காரி என்று சொல்லி உயிருடன் எரித்துக்கொல்வதை உலகம் நன்கு அறியும் . பிரான்ஸ் நாட்டின் வீராங்கனை, பேரழகி ஜோன் ஆப் ஆ ர்க்கை  (JOAN OF ARC ஆர்க் நகர ஜோன் ) உயிருடன் எரித்துக் கொன்றதால் இது உலகம் முழுதும் அம்பலமாகியது. பின்னர் போப்பாண்டவர் இதற்கு மன்னிப்புக் கேட்டுவிட்டு அவளை செயின்ட் / புனிதவதி என்று அறிவித்தார். பெர்னார்ட் ஷா எழுதிய நாடகத்தில் இந்த அநியாயத்தைக் கண்டித்தார்  (பெர்னார்ட் ஷா நாடகத்தை  லண்டன் சுவாமிநாதன் பி.பி.சி. தமிழோசைக்காக தமிழில் மொழிபெயர்த்துள்ளார் ).

வெள்ளைக்கார மஹா பாவிகள் இதைப் பற்றி எழுதவே மாட்டார்கள்; அது மட்டுமல்ல இது 19-ம் நூற்றாண்டு வரை நடந்தது. அப்படி பெண்களை உயிரோடு எரிக்கையில் ஊரே கூ டி நின்று வேடிக்கை பார்க்கும். கூத்தாடி மகிழ்வார்கள். அங்குள்ள சிறுவர் சிறுமியர் மனதில் அனுதாபம், பரிதாபம் தோன்றக்கூடாது என்பதற்காக அவள் சூன்யக்காரி, மந்திரத்தால் இந்த ஊரையே  நாசம் செய்ய முயன்றாள் என்று வதந்தியைப் பரப்புவார்கள் . பின்னர் அவளை கயிற்றால் கட்டி, வைக்கப்போரில் வைத்து கொளுத்தி ஆடிப்பாடி மகிழ்வார்கள். இதற்கெல்லாம் முன்னின்று அனுமதி கொடுப்பவர் கிறிஸ்தவப் பாதிரி. இதே போல மதம் மாறாதவர்களை முஸ்லீம்கள் கொன்று குவித்தார்கள் . இந்த வரலாற்று உண்மை களை ஆதாரபூர்வமாக இந்துக்களுக்குக் கற்பிக்கவேண்டும்.

மாற்று மதத்தினர் இந்து மதத்தினரைத் தாக்கிப் பிரசாரம் செய்தால் இதை அச்சிட்டு அவர்கள் கைகளில் கொடுக்க வேண்டும்.

முதலில் CHAMBERS ENCYCLOPAEDIA சேம்பர்ஸ் என்சைக்ளோபீடியா என்ன கூறுகிறது என்பதைப்  பார்ப்போம் .

அதர்வண வேதம் ஐந்தாம் காண்டத்தில் 28-ஆவது மந்திரம் (ஸூக்தம் எண் 171) பேய் ஒட்டும் மந்திரம் ஆகும் .அதுபற்றி வேத மந்திரங்களை ஆங்கிலத்தில் மொழி பெயர்த்த ரால்ப் டி .எச் . கிரிப்பித்  RALPH T H GRIFFITH இவ்வாறு கூறுகிறார்

” கெட்ட பிசாசுகளை அழிக்க அக்கினியை நாடும் இப்பழக்கம் ஐரோப்பாவில் உள்ளதைவிட தேவலை போல் உள்ளது. அங்கு சென்ற நூற்றாண்டின் துவக்கத்தில்  தோன்றிய பயங்கரமான பேய்களுக்கு பெண் மந்திரவாதிகள்தான் கரணம் என்று நம்பினர்; மக்களும் கூட அதை நம்பினர். அம்மந்திரவாதிகள் பொதுவாக ஏழைக் கிழவிகளாக இருப்பார்கள். சுருக்கங்கள் நிறைந்த முகம், ரோமங்கள் அடர்ந்த உதடுகள் , பூனைக் கண்கள், கீச் என்ற குரல்,  வசைபாடும் நாக்குகள் உடையோர் என்று அவர்களை வருணிப்பார்கள். கிறிஸ்தவ சகாப் தத்தில் சுமார் 90 லட்சம் பெண் மந்திரவாதிகள் எரிக்கப்பட்டதாக டாக்டர் ஸ்ப்ரெங்கர் ” முகமது நபியின் வாழ் க்கைச் சரிதம் என்ற நூலில் கூறுகிறார்- ஆதாரம் சூன்யக் காரிகள் – சேம்பர்ஸ் என்சைக்ளோபீடியா  WICHCRAFT ,CHAMBRS ENCYCLOPEDIA.

DR SPRENGHER IN HIS BOOK ‘ LIFE OF MOHAMMED’.

குறிப்பிட்ட அதர்வண வேத மந்திரத்தில் ஜாதவேதஸ் என்னும் அக்கினி தேவன் குறித்துப் பாடும் பாடலில் உயிர்க்கொலை எதுவுமில்லை. பேய் பிசாசுகள் மீது சாபம் மட்டுமே உளது. ஆகையால் கிரிப்பித் இது ரொம்பவும் தேவலை போல இருக்கிறதே. எங்கள் ஐரோப்பா மிகவும் மோசம் என்று சொல்லாமல் சொல்கிறார்.

XXXX

கிரிப்பித் மறைத்த விஷயங்கள்

வயதான, ஆதரவற்ற, தனித்து வாழும் பெண்கள் எவருக்கும் ஐரோப்பாவில் பாதுகாப்பு இல்லை. அவர்கள் எரிக்கப்படுவார்கள். அது மட்டுமல்ல. கிறிஸ்தவ மதத்தை ஏற்காத இளம்பெண்களையும் இப்படி எரித்தார்கள். கிரிப்பித் மிகவும் சாதுர்யமாக, ஜோன் ஆப் ஆர்க் பற்றி எதுவும் சொல்லவில்லை. ஆர்லியன்ஸ் நகர பேரழகி ஜோன், 19 வயதில் சூன்யக்காரி முத்திரை குத்தப்பட்டு உயிருடன் எரிக்கப்பட்டாள் . இது 500 ஆண்டுகளுக்கு முன்னர் நடந்தது. இறுதியாக நெப்போலியன் இந்த அக்கிரமத்தைக் கண்டித்து அவளை பிரான்ஸ் நாட்டின் தேசீய சின்னம் என்றும் அறிவித்தார். இதற்கு மேலும் இந்த அநியாயத்தைக் கண்டிக்காமல் இருந்தால் பிரான்சும் ஜெர்மனி போல கத்தோலிக்க கிறிஸ்தவத்துக்கு எதிராகப் போர்க்கொடி தூக்கும் என்று கருதி 1920ம் ஆண்டில் நா ங்கள் செய்தது மஹா தப்பு; அவளை இன்று முதல் பு ண்ய ஆத்மா என்று வணங்குவோம் என்று அறிவித்தார் அப் போதைய போப்பாண்டவர்.

கிறிஸ்தவர்கள் இதை 2000 ஆண்டுகளாக செய்து வந்தனர். 1700 ஆண்டுகளுக்கு முன்னர் ஹைப்பேஷியா HYPATIA என்னும் பேரழகி எகிப்து நாட்டில் மக்களுக்கு கணிதம் சொல்லிக்கொடுத்தார். அவர் பிற்காலத்தில் கெப்ளர் KEPLER  கண்டுபிடித்ததாகச் சொல்லப்படும் சூரிய சித்தாந்தத்தை 1700 ஆண்டுகளுக்கு முன்னரே சொன்னார். அவளை கிறிஸ்தவ மத விரோதி என்று முத்திரை குத்தி படுகொலை செய்தனர். கோபர்நிக்கஸ், கலீலியோ போன்ற விஞ்ஞானிகளை கிறிஸ்தவர்கள் கொடுமைப் படுத்தியதை எல்லா புஸ்தகங்களிலும் காணலாம்.

ஹைப்பேஷியா HYPATIA கொல்லப்பட்ட அ லெக்ஸ்சாண்ட்ரியா துறைமுகத்தில் இந்துக்கள் காலனி  HINDU COLONY இருந்தது. இந்து வணிகர்கள் அங்கு பெரும் அளவில் இருந்தனர். ஆக , ஹைபேசியா சொன்ன புதுமை விஷயம் இந்துக்களின் கண்டுபிடிப்பே. ஏனெனில் கிரஹணம் பற்றிய தகவல்கள் 2000 ஆண்டுகளாக சங்கத் தமிழ் நூல்களிலும்  அதற்கு பல்லாயிரம் ஆண்டுகளுக்கு முந்தைய ரிக் வேதத்திலும் உளது. நாம் நாள் தோறும் பார்க்கும் பஞ்சாங்கத்திலும் உளது. ஆக சூரியனைச் சுற்றித்தான் கிரகங்கள், பூமி முதலியன செல்கின்றன என்பது இந்துக்களுக்குத் தெரியும். அல்லது கிரஹணத்தை சொல்லியிருக்க முடியாது .

கிறிஸ்தவ, முஸ்லீம் படுகொலைகளை மார்க்ஸீயக் கும்பலும், வாத்திகன் ஆதரவு கும்பலும் மறைத்து வருகின்றன. இவற்றை இந்து மத சிறுவர் சிறுமியர்க்கு கற்பது மிகவும் அவசியம் ஆகும் .

இதைவிட கொடூரமான சம் பவம்  கிரேக்க நாட்டிலும் இத்தாலியிலும் நடந்தன. கிரேக்க நாட்டில் அவர்களுடைய தெய்வத்துக்கு எதிராகப்  பேசிய சாக்ரடீஸ் முதலியோருக்கு கட்டைப் பஞ்சாயத்து நடத்தி கட்டாய விஷம் கொடுத்துக் கொன்றனர். ரோமானிய மன்னர்கள் அசுரர்கள். ராவணன் போன்றவர்கள். அவர்கள் அடிமைகளையும் போர் எதிரிகளையும் சிங்கம் புலிகள் முன்னிலையில் தூக்கி எறிந்து சண்டை போட்டு சாகுங்கள் —  என்று சொல்லி வேடிக்கை பார்த்தனர். அதை வேடிக்கை பார்க்க பிரம்மாண்டமான ஸ்டேடியம் கட்டினார்கள் ( கட்டுரையாளர் லண்டன் சாமிநாதன் இரண்டு முறை ரோம் சென்ற போதும் அந்தக் கட்டிடங்களை புகைப்படம் எடுத்து முன்னரே  இங்கு வெளியிட்டுள்ளார்.)

90 லட்சம் பெண்களின் ஆன்மா சாந்தி அடைவதாக !

PLEASE GO TO WIKIPEDIA FOR MORE INFORMATION ABOUT HYPATIA OF ALEXANDRA, JOAN OF ARC OF FRANCE.

–SUBHAM–

tags- சூன்யக்காரி பிரான்ஸ் , வீராங்கனை,  ஜோன் ஆப் ஆர்க்  ,JOAN OF ARC , Hypatia, ஹைப்பேஷியா

தனிமையில் கடல் தாண்டிய வீராங்கனை (Post No.7280)

Written by LONDON SWAMINATHAN

swami_48@yahoo.com

Date: 30  NOVEMBER 2019

Time  in London – 8-46 am

Post No. 7280

Pictures are taken from various sources; beware of copyright rules; don’t use them without permission; this is a non- commercial, educational blog; posted in swamiindology.blogspot.com and tamilandvedas.com simultaneously. Average hits per day for both the blogs 12,000

அட்லாண்டிக் கடல் கடந்த வீராங்கனையின் சுவையான அனுபவம் பற்றி 1992-ம் ஆண்டில்  எழுதிய  கட்டுரை இது

விண்வெளியில் நடை பயிலும் வீராங்கனைகள்! (Post No.7275)

Written by S NAGARAJAN

swami_48@yahoo.com

Date: 29 NOVEMBER 2019

Time  in London – 6-17 AM

Post No. 7275

Pictures are taken from various sources; beware of copyright rules; don’t use them without permission; this is a non- commercial, educational blog; posted in swamiindology.blogspot.com and tamilandvedas.com simultaneously. Average hits per day for both the blogs 12,000

16-11-2019 பாக்யா இதழில் அறிவியல் துளிகள் தொடரில் வெளியாகியுள்ள (ஒன்பதாம் ஆண்டு இருபதாம்) கட்டுரைஅத்தியாயம் 436

விண்வெளியில் நடை பயிலும் வீராங்கனைகள்!

ச.நாகராஜன்

 

 

முதல் முதலாக பெண்கள் மட்டும் விண்கலத்திலிருந்து வெளியில் வந்து நடந்த சாதனை 2019 அக்டோபர் 18ஆம் தேதி வெள்ளிக்கிழமை வெற்றிகரமாக நடந்து முடிந்திருக்கிறது. விண்கலத்திலிருந்து வெளியில் வந்து நடந்த அமெரிக்க வீராங்கனைகள் இருவர் – கிறிஸ்டினா கோச் மற்றும் ஜெஸிகா மெயர்(Christina Koch, Jessica Meyer).

 

 

விண்வெளி வீரர்களின் அகராதியில் இந்த விண்வெளி நடைக்கு எக்ஸ்ட்ரா வெஹிகுலர் ஆக்டிவிடி (Extra Vehicular Activity – EVA)என்று பெயர்.

விண்கலத்திலிருந்து வெளியில் வந்து சுமார் ஐந்தரை மணி நேரம் இருந்த இந்த இரு வீராங்கனைகளும்  செயலிழந்திருந்த ஒரு பவர் கட்டுப்பாடு சாதனத்தை எடுத்து விட்டு புதிய ஒன்றைப் பொருத்தும் வேலையைச் செய்தனர்.

 

 

ஏழு மாதங்களுக்கு முன்பேயே இந்த  சாதனை நடந்து முடிந்திருக்க வேண்டும். ஆனால் விண்கலத்திலிருந்து வெளியில் செல்வதற்கான ஸ்பேஸ் சூட் – ஆடை – ஒன்று தான் விண்கலத்தில் இருந்தது. இன்னொன்று தேவைப்படவே அதைத் தயாரித்து நாஸா அனுப்பியது. பின்னர் இந்த சாதனை மேற்கொள்ளப்பட்டது.

 

 

முதலில் கோச் வெளியில் வரவே அவரைப் பின் தொடர்ந்து மெதுவாக  கருவிகள் அடங்கிய பை ஒன்றை எடுத்துக் கொண்டு ஜெஸிகா வந்தார். கைப்பிடி ஒன்றுடன் இவர்கள் இணைக்கப்பட்டனர். தேவையான போது இதிலிருந்து விடுபட்டு அவர்கள் தங்கள் வேலையை விண்வெளியில் மிதந்தவாறே செய்தனர்.

 

 

பூமிக்கு மேலே 260 மைல் உயரத்தில் உள்ளது விண்வெளி நிலையம். அதில் இப்படி ஒரு சாதனையைச் செய்வது உலகெங்குமுள்ள தாய்க்குலத்தையே பரவசப்படுத்தி இருக்கிறது.

 

 

வேலையை முடித்து விட்டு பழுதான பேட்டரியை பத்திரமாக விண்கலத்திற்குள் கொண்டு வந்து வைத்து விட்டனர் இந்த இருவரும். அது பூமிக்குக் கொண்டுவரப்பட்டு ஆய்வுக்கு உட்படுத்தப்படும்.

விண்வெளியில் நடை பயிலும் இந்த வீராங்கனைகளின் அடுத்த ஆசை என்ன தெரியுமா? சந்திரனில் கால் பதிக்கும் முதல் பெண்மணியாக ஆக வேண்டும் என்பது தான். ஜெஸிகா மெயர், “ சந்திரனில் கால் பதிக்கும் முதல் பெண்மணியாக ஆவதை நான் பெரிதும் விரும்புகிறேன். அதுவே எனது இலட்சியப் பயணமாக அமையும். இதோ நேரம் நெருங்கி விட்டது – நாம் திரும்பவும் சந்திரனுக்குப் போக! வெகு விரைவில் இந்தப் பயணம் மேற்கொள்ளப்படும் என நான் நம்புவதோடு அந்தக் குழுவில் நானும் இருக்க வேண்டும் என்று விரும்புகிறேன்” என்றார்.

 

 

இருவரும் நெருங்கிய தோழிகள் என்பதால் மெயரை கிறிஸ்டினா கோச் மிகவும் ஆதரித்து  ஆமோதித்தார்.

கோச் (வயது 40) விண்வெளி நிலையத்தில் 2020 பிப்ரவரி முடிய இருக்க திட்டமுள்ளது. அப்போது அவர் விண்வெளி நிலையத்தில் இருக்கும் மொத்த நாட்கள் 328 நாட்களாகும். இது தொடர்ந்து ஒரு பெண்மணி விண்வெளியில் இருந்த அதிக நாட்களாக அமையும். ஸ்காட் கெல்லி என்பவர் 340 நாள் விண்வெளியில் இருந்திருக்கிறார், ஆனால் தொடர்ந்து அல்ல!

கோச் விண்வெளியில் நீண்ட காலம் இருந்த போது அவர் உடலில் என்னென்ன மாற்றம் ஏற்பட்டுள்ளது என்பதை விஞ்ஞானிகள் ஆராய்வர்.

பொதுவாக ஆண்களை விட பெண்களுக்கு விண்வெளியில் களைப்பு சீக்கிரம் ஏற்படுகிறது.

 

 

இதுவரை 14 வீராங்கனைகளும் 213 விண்வெளி வீரர்களும் விண்வெளியில் நடந்துள்ளனர். விண்வெளியில் நடந்த முதல் பெண்மணி ரஷியாவைச் சேர்ந்த ஸ்வெட்லானா ஸவிட்ஸ்கயா என்பவர். சல்யுட் 7 என்ற கலத்தில் 1984இல்  விண்வெளி சென்றார்.

 முதன் முதலாக  விண்வெளியில் நடந்த அமெரிக்க பெண்மணி காத்ரீன் சல்லிவன்.

இதற்கிடையில் நாஸா சந்திரனுக்குச் செல்வோர் அணியும் புதிய ஆடையின் வடிவமைத்து அதன் முன் மாதிரியைக் காட்டியுள்ளது.

ஸ்பேஸ் சூட் என்பது மிக முக்கியமான ஒன்று – ஏனெனில் விண்வெளியில் நடந்து செல்வோர் பல்வேறு உஷ்ணநிலையைச் சமாளிக்க வேண்டி இருக்கிறது. விண்ணில், உறைய வைக்கும் மைனஸ் 250 டிகிரி பாரன்ஹீட்டிலிருந்து மிக அதிக வெப்பமான 250 டிகிரி பாரன்ஹீட் வரை இருப்பதால் விண்வெளி வீரர்களைப் பாதுகாப்பது அவர்கள் அணியும் ஸ்பேஸ் சூட் தான்!

 

 

பூமியில் இந்த ஆடையின் எடை 280 பவுண்டுகள். ஆனால் விண்வெளியில் எடையற்ற சூழ்நிலையில் இதற்கு எடையே இருக்காது.

பூமியிலிருந்து சந்திரனுக்குச் செல்ல சாதாரணமாக 3 நாட்கள் ஆகும். ஒரு விண்கலம் இரண்டு லட்சத்து நாற்பதினாயிரம் மைல்கள் பயணப்பட்டு சந்திரனை அடைகிறது. இதுவே பூமிக்கும் சந்திரனுக்கும் இடைப்பட்ட தூரமாகும். ஆனால் சரியான தூரத்தைக் கணக்கிட வேண்டுமானால் விண்கலம் எந்த ஓடுபாதை வழியே செல்ல இருக்கிறது என்பதை நிர்ணையித்து அதற்குத் தக தூரத்தைக் கணக்கிட்டு பின்னர் எவ்வளவு நேரம் ஆகும் என்பதைத் துல்லியமாகக் கணக்கிட முடியும்.

ஆனால் விண்வெளி விஞ்ஞானம் வெகு விரைவில் வளர்ந்து 12  மணி நேரத்தில் சந்திரனை அடைந்து விட முடியும் என சில விஞ்ஞானிகள் கருத்துத் தெரிவித்துள்ளனர்.

 

 

சந்திரனுக்கு அடுத்த பயணம் வெகு விரைவில் மேற்கொள்ளப்படும் என்ற செய்தி வலுப்பட்டு வரும் நிலையில் அங்கு  செல்லும் குழுவில் ஒரு பெண்மணியும் இடம் பெறுவார் என்பது அனைவருடைய எதிர்பார்ப்பாகவும் இருக்கிறது.

 

அறிவியல் அறிஞர் வாழ்வில் .. ..

 

 

விக்ரம் அம்பாலால் சாராபாய் (தோற்றம் 12, ஆகஸ்ட்,1919 மறைவு : 30 டிசம்பர் 1971) மிகப் பெரிய இந்திய விஞ்ஞானி. இஸ்ரோ நிறுவப்பட பெரிதும் காரணமாய் இருந்தவர் அவரே. இந்திய விண்வெளித் திட்டத்தின் தந்தை என்று அவர் போற்றப்படுகிறார்.

அவரது மகள் மல்லிகா சாராபாய் பரத நாட்டிய நிகழ்ச்சிகளை நடத்திப் பெயர் பெற்றவர். அவர் ஒரு நடிகையும் கூட! தன் தந்தையைப் பற்றி விழா ஒன்றில்  அவர் கூறிய சம்பவம் இது.

 

 

மல்லிகா பள்ளியில் படித்துக் கொண்டிருந்த போது இரண்டு மாணவர்கள் தங்களுக்குள் அவர் யாருடைய கேர்ள்-ப்ரண்ட் என்பது பற்றி விவாதிக்க ஆரம்பித்தனர். விவாதம் பெரிய சண்டையாக ஆகி ஒரு மாணவர் இன்னொருவரைக் கத்தியால் குத்தி விட்டார்.

விஷயம் பெரிதாகி விடவே விக்ரம் சாராபாய் பள்ளிக்கு அழைக்கப்பட்டார். பள்ளியின் பிரின்ஸிபால் விக்ரமின் சகோதரியான லீலாபென் தான்!

பிரின்ஸிபாலின் அறைக்குள் நுழைந்த வெகத்தில் திரும்பி வந்தார் விக்ரம், சிரித்துக் கொண்டே.

அவர் தனது மகளிடம் கூறினார்; “மல்லிகா, இந்த மீட்டிங் இவ்வளவு சீக்கிரம் முடிந்து விடும் என்று நான் எதிர்பார்க்கவே இல்லை. நீ ஒரு குற்றமும் செய்யாத போது நீ தான் காரணம் என்று உன் மீது குற்றம் சுமத்துவது அர்த்தமற்றது. ஒன்று தெரிந்து கொள்! இந்த உலகத்தில் இரண்டு வகையான மனிதர்கள் உள்ளனர். முதல் வகையினர் தான் எப்படி இருக்கிறோமோ அப்படியே வாழ்ந்து கொண்டிருப்பர். அவர்கள் எதைப் பற்றியும் கேள்வி கேட்க மாட்டார்கள். வசதியாக தங்களுக்குக் கொடுக்கப்பட்ட வேலையை செய்து கொண்டே இருப்பார்கள்.

இரண்டாவது வகையினர் தங்கள் வாழ்க்கையைத் தங்கள் வழியில் அமைத்துக் கொள்பவர்கள். அவர்கள் தங்களுக்கு எது உண்மை என்று படுகிறதோ அந்த வழியில் செல்வார்கள்.

நான் இரண்டாவது ரகத்தைச் சேர்ந்தவன். இந்த வழி தான் என் வாழக்கை எப்படிப்பட்டது என்பதைக் காண்பிக்கிறது.

இந்த வழிகாட்டுதலை மனமுவந்து ஏற்றுக் கொண்டார் மல்லிகா.

விக்ரம் சாராபாய் பத்மபூஷன் (1966ஆம் ஆண்டு) மற்றும் பத்ம விபூஷண் (இறந்த பிறகு 1972இல் வழங்கப்பட்டது) விருதுகளைப் பெற்றவர்.

தந்தையிடமிருந்து அரிய வழிகாட்டுதலைப் பெற்ற மல்லிகா பின்னால் பிரபலமானதில் ஆச்சரியமே இல்லை!

***