ராமாயணத்தின் முக்கிய வருடங்கள் 38- Part 2 (Post No.11,598)

WRITTEN BY S NAGARAJAN

Post No. 11,598

Date uploaded in London – 29 December 2022                  

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

ராமாயண வழிகாட்டி! 

ராமாயணத்தின் முக்கிய வருடங்கள் 38 : அதில் அதிசயமான ஒன்றரை நாள்! – 2

                                                             ச.நாகராஜன்

ராமாயணத்தின் கால விமரிசனத்தைச் செய்தால் நமக்கு பிரமிப்பும் ஆச்சரியமும் ஏற்படும்.

ராமர் 11000 வருடங்கள் ஆண்டதாக இதிஹாஸம் கூறுகிறது.

ஆனால் அவரது வாழ்வில் முக்கிய நிகழ்ச்சியோ முதல் 38 வருடங்களில் நடைபெற்று முடிந்து விடுகிறது.

 ராவணனின் வாழ்நாளோ இன்னும் அதிசயிக்க வைக்கும் ஒன்று.

பல ஆயிரம் ஆண்டுகள் அவன் தபஸ் செய்வதாக அறிகிறோம்.

‘முக்கோடி வாழ்நாளும் முயன்றுடைய பெரும் தவமும்’ என கவிச் சக்கரவர்த்தி கம்பன் ராவணனின் வாழ்நாளைக் கோடிட்டுக் காட்டுகிறான்.

ஆக நீண்ட நெடுங்காலத்தில் ஒரு சிறிய கால அளவீட்டினில் நடந்ததே ராமாயணம் தரும் அதிசய சம்பவங்கள்.

ராமருடனான ஹனுமாரின் தொடர்பு :-

சீதையை மீட்க ராமர் இலங்கையை நோக்கிச் செல்லும் வரை 8 மாதங்கள் 27 நாட்களாகும்.

 ஹனுமானின் அனைத்துச் சாதனைகளும் மிகக் குறுகிய காலத்தில் செய்யப்பட்டவையே. இலங்கைக்குச் சென்றது, மீண்டு வந்தது, ராமரிடம் நடந்ததை எல்லாம் சொன்னது ஆகிய அனைத்தும் ஒன்றரை நாட்களிலேயே நடந்து முடிந்து விட்டது.

 ராவணனுடனான ராமரின் போர் நிகழ்ந்த நாட்கள் வெறும் 7 நாட்கள் மட்டுமே.

ராமர் வனவாசம் செய்த காலம் 13 வருடங்கள் ஒரு மாதம். சீதையை அவர் விட்டுப் பிரிந்திருந்த காலம் 9 மாதங்கள் 20 நாட்கள்.

லங்கையிலிருந்து அவர் கிஷ்கிந்தை, நந்திகிராமம் வழியாக அயோத்திக்கு முடி சூட திரும்பி வந்தது இரண்டே நாட்களில்!

வனத்திற்குச் செல்லும் முன்னர் சீதையை மணந்து அவர் சந்தோஷமாக இருந்த காலம் 12 வருடங்கள் 1 மாதம் 10 நாட்கள். அவர் வனவாசம் செய்ததோ 14 வருடங்கள், சீதையுடன் வாழ்ந்த காலத்தை விட இது அதிகம்.

 அயோத்தியில் ராமர் வாழ்ந்த 24 வருடங்கள் அமைதியான காலம். அதே போல வனவாசத்தில் 13 வருடங்களும் அமைதியான காலமே.

 ராமரின் அவதார நோக்கம், அதாவது ராவண வதம் நிகழ்ந்தது ஒரு வருடத்திற்கும் குறைவான காலத்திலேயே.

 அவருடைய ராவணனுடனான போரோ 7 நாட்களில் மட்டுமே நிகழ்ந்தது.

ஹனுமானின் செயற்கரிய செயலோ (சீதையை அசோகவனத்தில் கண்டது, ராவணனைச் சந்தித்தது, அவனுக்கு அறவுரை கூறியது, இலங்கையை எரியூட்டியது,திரும்பி ராமரிடம் வந்து செய்தியைச் சொன்னது) ஒன்றரை நாட்களிலேயே முடிந்து விட்டது. காலமெல்லாம் பேசப்படுகிறார், துதிக்கப்படுகிறார்.

அடுத்த இருபதரை (20 ½) நாட்களில் அவர் மற்ற காரியங்களைச் செய்து முடிக்கிறார்.

 ராவணன் சீதையைத் தூக்கி வந்தது ஒரு நாளில். அவன் சீதையை அசோகவனத்தில் சிறை வைத்தது 9 மாதங்கள்.

 செயற்கரிய தவம் அவன் செய்தாலும், அனைவரையும் அடக்கி அவன் பல்லாயிரம் ஆண்டுகள் வாழ்ந்தாலும் அவன் ஒரு நாளில் செய்த தவறே அவனை காலமெல்லாம் அனைவரும் இகழும் வண்ணம் ஆக்கி விட்டது.

ஆகவே, மிகப் பெரிய அவதாரங்கள், மகான்கள், அருளாளர்கள் பெரிய செயல்களை மிகக் குறுகிய காலத்தில் செய்வதையும் அதன் விளைவாக அவர்கள், காலத்தை வென்று எல்லாக் காலமும் போற்றப்படுவதையும் பார்க்க முடிகிறது.

 ராமாயணம் முழுவதிலும் வாழ்வாங்கு வாழ்வதற்கான விதிகள், சூத்திரங்கள் ஆங்காங்கே தரப்படுகின்றன.

ஆகவே ராமாயணத்தை தினம் தோறும் படிக்க வேண்டும் என்பது வெற்றி பெற விரும்புவோரின் முதல் யுக்தியாக அமைகிறது. 

குறிப்பு :

காலம் பற்றிய அட்டவணை காலம்சென்ற வித்வான் D.T.தாத்தாசாரியார் அவர்களால் தொகுக்கப்பட்டது.

இந்த விவரத்தை அப்படியே மறுபிரசுரம் செய்துள்ளார்

திரு S.V. பார்த்தசாரதி அவர்கள், தனது புத்தத்தில்.

புத்தகம் : “ Whatever is Your Profession

                                       Valmiki’s

                              GUIDE TO GOOD LIFE

வெளியிட்ட ஆண்டு : 1975

நன்றி : வித்வான் திரு  D.T.தாத்தாசாரியார்,

திரு திரு S.V. பார்த்தசாரதி அவர்கள், 

***

இந்தத் தொடர் நிறைவுறுகிறது.

Leave a comment

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: