WRITTEN BY S NAGARAJAN                     

Post No. 8874

Date uploaded in London – – –31 OCTOBER 2020   

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

அயோத்யா – சில உண்மைகள்! – 1

ச.நாகராஜன்

ராம ஜென்ம பூமியைப் பற்றிய ஏராளமான உண்மைகள் உலகினருக்குத் தெரியாமல் மறைக்கப்பட்டுள்ளன. அவற்றில் சிலவற்றை இங்கு பார்ப்போம்.

1992ஆம் ஆண்டு டிசம்பர் 6ஆம் தேதி.

ராமஜென்ம பூமியைப் பற்றிய முக்கியமான தினம் இது.

இந்த தினத்தில் நடந்த சம்பவம் அனைவரும் அறிந்த ஒன்று.

ஆனால் இதற்கு முன்னர் 77 தடவைகள் ராம ஜென்ம பூமியில் உரிய வழிபாட்டை ஆரம்பிக்க ஹிந்துக்கள் முயற்சி செய்துள்ளனர்.

தொடர்ந்த இந்த முயற்சிகளை யாரும் வெளி உலகிற்குச் சொல்வதில்லை.

இந்த 77 முயற்சிகளில் 4 முயற்சிகள் பாபர் காலத்தில் மேற்கொள்ளப்பட்டன.

10 முயற்சிகள் ஹுமாயூன் அரசாண்ட காலத்தில் மேற்கொள்ளப்பட்டன.

30 முயற்சிகள் அவுரங்கசீப் காலத்தில் மேற்கொள்ளப்பட்டன.

5 முயற்சிகள் ஷாகத் அலி (Shahadat Ali) காலத்தில் மேற்கொள்ளப்பட்டன.

3 முயற்சிகள் நாசுருத்தீன் (Nasir-ud- din) காலத்தில் மேற்கொள்ளப்பட்டன.

2 முயற்சிகள் பிரிட்டிஷார் ஆட்சி காலத்தில் மேற்கொள்ளப்பட்டன.

இந்தியா சுதந்திரம் அடைந்த பின்னர், ஒரே ஒரு முயற்சி நரசிம்ம ராவ் பிரதமராக இருந்த போது மேற்கொள்ளப்பட்டது.

இந்த முயற்சிகளைப் பற்றி எல்லாம் மக்களுக்குச் சொல்லாமல் சில ஹிந்து விரோத சக்திகள் உண்மைகளை மறைத்தும் திரித்தும் எழுதி வந்துள்ளன.

உதாரணத்திற்குச் சொல்லப் போனால் ஆர்.எஸ்.சர்மா, விபுன் சந்திரா, ரோமிளா தாபர், இர்ஃபான் ஹபிப் (R.S.Sarma. Vipan Chandra, Romila Thapar, Irfan, Habib)  போன்றோரைச் சொல்லலாம்.

ஆனால் இந்திய அகழ்வாராய்வு நிறுவனம் (ASI) உண்மையை வெளி உலகிற்குக் கொண்டு வந்து விட்டது.

அலெக்ஸாண்டர் கன்னிங்ஹாம் (Alexander Cunningham) லக்னோ கெஜட்டில் (Lucknow Gazatteer) ஒரு  முக்கிய உண்மையைக் குறிப்பிடுகிறார்.

பாபரின் அரசாட்சி காலத்தில் கவர்னராக இருந்த மீர் பங்கி (Mir Banki) பீரங்கிகளை வைத்து அயோத்யா கோவில் முன்னர் குழுமி இருந்த ஒரு லட்சத்து எழுபத்திநான்காயிரம் பேர் மீது குண்டு மழை பொழிந்தான். பிணக்குவியல்கள் மலை மலையாய்க் குவிந்தன.

அந்த அயோக்கியன் ராமர் கோவிலின் மீதும் பீரங்கி மழை பொழிந்து அதை தரை மட்டமாக்கினான்.

ஹாமில்டன் (Hamilton – Barabanki Gazetteer) பாராப்ங்கி கெஜட்டில் ஜலால் ஷா (Jalal Shah) ஹிந்துக்களின் ரத்தம் தோய்ந்த கற்களைக் கொண்டு லாகூரில் மசூதியைக் கட்டினான் என்று குறிப்பிடுகிறார்.

காஜல் அப்பாஸ் முஸா அஷிகான் கலாந்தர் ஷாஹிப் (Kajal Abbas Musa Shikan Kalandarsahib) என்ற முஸ்லீம் பக்கீரே இந்தக் கோவிலை இடித்து மசூதி ஒன்றைக் கட்ட “உத்வேகம்” ஊட்டியவர் என்பதை வரலாறு கூறுகிறது.

தனது நினைவலைகளில் பாபர் ராமர் கோவிலை இடிக்க அப்பாஸ் முஸா அஷிகான் கலாந்தர் ஷாஹிப் கொடுத்த ஆணையைக் குறிப்பிடுகிறார்.

கோவிலை இடித்தவுடன் அதிலிருந்து கிடைத்த பொருள்களை வைத்து எப்படி மசூதி அதே இடத்தில் கட்டப்பட்டது என்பதையும் பாபர் குறிப்பிடுகிறார்.

ஆயிரக்கணக்கானோரை ஹிந்து விரோதிகள் கொன்று குவித்த போதும் ஹிந்துக்கள் பின்வாங்கவில்லை; மனம் தளரவில்லை.

பாபருக்குப் பின் அரசாளவந்த ஹுமாயூன் காலத்திலும் தங்கள் முயற்சியைத் தொடர்ந்தனர். அயோத்திக்கு அருகில் இருந்த சிர்சிந்தா மற்றும் ராஜேபூர் (Sirsinda and Rajepur) ஆகிய இடங்களிலிருந்து 10000 சூரியவம்சி க்ஷத்திரிய போர் வீரர்கள் ஒன்று திரண்டனர். இஸ்லாமியர் மீது போர் தொடுத்தனர். கோவிலைச் சுற்றிக் கட்டப்பட்ட இஸ்லாமிய ஆக்கிரமிப்புகளை இடித்துத் தள்ளினர். பாப்ரி மஸ்ஜித்தின் வாயிலைக் கூட அவர்கள் இடித்தனர். மூன்று நாட்கள் கழித்து அங்கு வந்த முகலாயர் சேனை அவர்களுடன் போர் செய்து அவர்களை அழித்தது. அது மட்டுமல்ல, இந்த க்ஷத்திரிய போர் வீரர்கள் எந்த கிராமத்திலிருந்தெல்லாம் வந்தார்களோ அந்த கிராமங்களுக்கெல்லாம் சென்று தீ வைத்து அவற்றை அந்த சேனை அழித்தது.

சில காலம் சென்றது.

ஹிந்துக்கள் மனம் தளராமல் மீண்டும் ஒன்று சேர்ந்தனர். அக்பர் காலத்தில் இன்னும் ஒரு போர் மூண்டது.

இந்த முறை நேருக்கு நேர் சண்டை நிகழ்ந்தது.

கோவிலுக்கு எதிரே ஒரு மேடையையும் அவர்கள் அமைத்தனர்.

ராஜா பீர்பலும் ராஜா தோடர்மாலும் அக்பரிடம் பேசி அந்த மேடையை அப்படியே இருக்குமாறு செய்தனர்.

tags- அயோத்யா,  உண்மைகள்! – 1,

to be continued………………………………………….

***

WRITTEN BY S NAGARAJAN                                    

Post No. 8871

Date uploaded in London – – –30 OCTOBER 2020   

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

15873 சுபாஷித ஸ்லோகங்களைப் படிக்கும் அரிய வாய்ப்பை இந்தக் கட்டுரை தருகிறது!

சுபாஷித நூல்களின் பட்டியல்! – 1

ச.நாகராஜன்

சம்ஸ்கிருதத்தில் பல்லாயிரக்கணக்கில் சுபாஷித ஸ்லோகங்கள் உள்ளன.

இவற்றைத் தொகுத்துள்ள நூல்களும் ஏராளாமாக காலம்தோறும் வெளி வந்துள்ளன.

இவற்றைப் படிப்பதே ஒரு சுகமான அனுபவம்.

இவற்றில் புதிர்கள் உண்டு; விடுகதைகள் உண்டு; புராண வரலாறுகள் உண்டு. இதிஹாஸ நாயகர்கள் பற்றிய அரிய தகவல்களை இவை தருகின்றன. அவதாரங்கள், மகான்கள், ஸ்தலங்கள் என்று இப்படி பல்வேறு பொருள்களில் வேறு எங்கும் காண முடியாத விவரங்களை சுபாஷிதங்கள் தருகின்றன.

அத்துடன் வாழ்க்கைக்குப் பயன் தரும் நூற்றுக் கணக்கான குறிப்புகளை இவை சுவைபடச் சொல்வதால் இவற்றைப் படிப்பதால் வாழ்க்கையில் வெற்றியும் சித்திக்கிறது.

இவற்றின் பட்டியல் நீண்ட ஒன்று.

சில நூல்கள் பற்றிய விவரங்களை இங்கு பார்க்கலாம்.

மஹா சுபாஷித ஸங்க்ரஹ – மொத்தம் எட்டுத் தொகுதிகள்

Maha Subhasihita Sangraha  – Main Author Sternbach, Ludwik – with translation in English

1. முதல் தொகுதியில் உள்ள ஸ்லோகங்களின் எண்ணிக்கை           1873

   (1 முதல் 1873 முடிய)

2. இரண்டாம் தொகுதியில் உள்ள ஸ்லோகங்களின் எண்ணிக்கை      2335

   (1874 முதல் 4208 முடிய)

3. மூன்றாம் தொகுதியில் உள்ள ஸ்லோகங்களின் எண்ணிக்கை       2077

   (4209 முதல் 6285 முடிய)

4. நான்காம் தொகுதியில் உள்ள ஸ்லோகங்களின் எண்ணிக்கை       1979

    (6286 முதல் 8264 முடிய)

5. ஐந்தாம் தொகுதில் உள்ள ஸ்லோகங்களின் எண்ணிக்கை

    (8265 முதல் 9979 முடிய)                                     1715

6. ஆறாம் தொகுதில் உள்ள ஸ்லோகங்களின் எண்ணிக்கை       1512 

   (9980 முதல் 11491 முடிய)

7. ஏழாம் தொகுதில் உள்ள ஸ்லோகங்களின் எண்ணிக்கை             1527

    (11492 முதல் 13018 முடிய)

8. எட்டாம் தொகுதில் உள்ள ஸ்லோகங்களின் எண்ணிக்கை

    (13019 முதல் 14653 முடிய)                                   1635

இந்த எட்டு தொகுதிகளையும் டவுன் லோட் செய்ய விரும்புவோர் நாட வேண்டிய தளம் :

1

https://archive.org/details/MahaasubhaasitasamgrahaVol1-8/Mahaasubhaasitasamgraha_Vol_1

2

Mahaasubhaasitasamgraha_Vol_2.pdf

3

Mahaasubhaasitasamgraha_Vol_3.pdf

4

Mahaasubhaasitasamgraha_Vol_4.pdf

5

Mahaasubhaasitasamgraha_Vol_5.pdf

6

Mahaasubhaasitasamgraha_Vol_6.pdf

7

Mahaasubhaasitasamgraha_Vol_7.pdf

8

Mahaasubhaasitasamgraha_Vol_8.pdf

9. சுபாஷிதங்களை ஆங்கிலத்தில் தரும் ஒரு அழகான நூல்

Sanskrit Subhasitas in English Verse (An Anthology)

Dt Veluri Subba Rao – Professor of Sanskrit, Andhra University, Waltair

First Edition 1972

40 தலைப்புகளில் இந்த நூல் 300 அரிய சுவையான சுபாஷிதங்களைத் தருகிறது. இந்த நூலில் ஒரு சிறப்பு உள்ளது – ஆங்கில மொழிபெயர்ப்பும் அற்புதமாக கவிதையாகவே அமைந்துள்ளது!

10. Sanskrit Subhasita Ratnakara

English translation by Dr N.P. Unni – Ex-vice-Chancellor, Sri Sankaracharya Sanskrit University, Kaladim Kerala

Published by Chowkhamba Krishnadas Academy, Varanasi, 221002 First Edition 2009

சம்ஸ்கிருத மூலமும் ஆங்கில மொழியாக்கமும் உள்ளது இந்தப் புத்தகம்.

200 பக்கங்கள் உள்ள இந்தப் புத்தகத்தில் சுமார் 920 சுபாஷித ஸ்லோகங்கள் உள்ளன.

அடுத்து இன்னும் சில நூல்களைப் பார்ப்போம்!

****

This article gives you the details of 15873 Subhasita Slokas.

சம்ஸ்க்ருத நூல்கள் | Tamil and Vedas

tamilandvedas.com › tag › சம்ஸ…

12 Aug 2019 — Tagged with சம்ஸ்க்ருத நூல்கள். 150 இந்திய வானியல் விஞ்ஞானிகளும், 300 சம்ஸ்க்ருத நூல்களும்! (Post No.6766). Written by London … are taken from various sources. ((posted by swamiindology.blogspot.com AND tamilandvedas.com)).

சம்ஸ்கிருதம் என்னும் … – Tamil and Vedas

tamilandvedas.com › 2012/05/11 › ச…

 11 May 2012 — சம்ஸ்கிருதம் என்பது பெரிய சமுத்திரம். அதன் கரையைக் கண்டவர்கள் யாரும் இல்லை. ஏனைய பழைய மொழிகளில் உள்ள நூல்கள் …

tags — சுபாஷித நூல், பட்டியல்

—subham—-

WRITTEN BY S NAGARAJAN                     

Post No. 8868

Date uploaded in London – – –29 OCTOBER 2020   

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

பாஸ்கரராயரின் ‘சௌபாக்ய பாஸ்கரம்’! – 2

ச.நாகராஜன் உரை தொடர்ச்சி

பாஸ்கரராயரிடம் லலிதா சஹஸ்ரநாமத்தில் 237வது நாமமாக வரும் ‘மஹா சதுஷ் ஷஷ்டி கோடி யோகினீ கண ஸேவிதா’ என்பதற்கு பொருளை விளக்குமாறு வேண்டினர்.

‘மஹா சதுஷ் ஷட்ஹ்டி கோடி யோகினீ கணங்களால் சேவிக்கப்படுபவள் என்று கூறப்படுவதால் அறுபத்தி நான்கு கோடி யோகினிகளின் உற்பத்தி லக்ஷணம், சரித்திரம் ஆகியவற்றைச் சொல்லும் படி அவர்கள் கேட்டனர்.

உடனே பாஸ்கரராயர், “நான் அவைகளைச் சொல்லிக் கொண்டு வருகிறேன். நீங்கள் எழுதிக் கொண்டு வாருங்கள்” என்று சொல்லி விட்டுக் கடகடவென சொல்ல ஆரம்பித்தார். அதை எழுத ஆரம்பித்தவர்கள் திகைத்துப் போனார்கள். வேகமாக பாஸ்கரராயர் சொல்லிக் கொண்டு வரவே அவரது வேகத்திற்கு அவர்களால் ஈடு கொடுக்க முடியவில்லை. சிறிது நேரத்திலேயே அவர்கள் அனைவரும் க்ளைத்துப் போயினர். திகைத்துப் பிரமித்துப் போன அவர்கள் அவரை வணங்கி தங்களை மன்னித்து அருள் புரிய வேண்டும் என வேண்டினர்.

இப்படி ஒன்றல்ல, இரண்டல்ல ஏராளமான சம்பவங்கள் மூலம் அம்பாளின் அனுக்ரஹம் எப்படி எல்லாம் வரக்கூடும் என்பதை அவர் நிரூபித்து அனைவரையும் அம்பாளின் அனுக்ரஹத்திற்கு பாத்திரமாகும்படி அருள் பாலித்து வந்தார்.

பாஸ்கரராயர் நாற்பதுக்கும் மேற்பட்ட அரிய நூல்களைப் படைத்துள்ளார். வேதாந்தத்திற்கு ஒரு சண்ட பாஸ்கரம், மீமாஸைக்கு ஒரு வாத கௌதூஹலம், வியாகரணத்திற்கு ஒரு ரஸிக ரஞ்ஜனி, நியாயத்திற்கு ஒரு நியாய கண்டனம், சந்தஸ் சாஸ்திரத்திற்கு ஒரு சந்தோ பாஸ்கரம், காவ்யத்திற்கு ஒரு ஸுபாஷிதம், வேதத்திற்கு ஒரு வைதீக கோசம், ஸ்மிருதிக்கு ஒரு ஸ்மிருதி தத்வம், ஸ்தோத்ரத்திற்கு ஒரு சிவ தண்டகம், மந்த்ர சாஸ்திரத்திற்கு ஒரு வரிவஸ்யா ரஹஸ்யம் என்று இப்படி சொல்லிக் கொண்டே போகலாம்.

லலிதா சஹஸ்ரநாமத்திற்கு அவர் அருளியுள்ள பாஷ்யம் சௌபாக்ய பாஸ்கரம் என்ற நூலாகும். ஆயிரம் நாமங்களுக்கும் பாஸ்கரராயர் தரும் அற்புதமான விளக்கங்கள் மெய்சிலிர்க்க வைப்பவையாகும்,

அம்பாளின் அருளைப் பெற விழையும் யாரானாலும் அற்புதமான இந்த நூலைப் படிக்காமல் யாரும் இருக்கக் கூடாது. நூற்றுக் கணக்கான அபூர்வமான ரகசியங்களை இதிலிருந்து பெறலாம். இதை உணர்ந்து சஹஸ்ரநாமத்தைச் சொல்பவர்கள், இகலோகத்திற்கான செல்வம், ஆரோக்கியம், குடும்ப மேன்மை, மன நிம்மதி ஆகியவற்றையும் பரலோகத்திற்கான அம்பாளின் அருளையும் நிச்சயமாகப் பெறலாம்.

விஷ்ணு சஹஸ்ர நாமம் ஆயிரத்தையும் சொல்ல முடியாதவர்கள் என்ன செய்வது என்று கவலைப்பட்ட அம்பிகை ஈஸ்வரனை நோக்கி கேன லகு உபாயம் – ஏதாவது ஒரு எளிய வழி Short Cut இருக்கிறதா என்று கேட்க ஈஸ்வரன், ஸ்ரீ ராம ராம ராமேதி ரமே ராமே மனோரமே சஹஸ்ர நாம தத்துல்யம் ஸ்ரீ ராம நாம வரானனே – ராம நாமம் ஆயிரம் நாமங்களுக்கு சமம் என்று கூறி லகு உபாயத்தைச் சொல்லி அருளினார்.

அது போல அம்பிகையின் நாமம் ஆயிரத்தையும் சொல்ல முடியாதோர் கங்கா, பவானி, காயத்ரி, காளி லக்ஷ்மி, சரஸ்வதி, ராஜராஜேஸ்வரி ,பாலா, சியாமளா, லலிதா என்ற நாமங்களைச் சொன்னால் அது ஆயிரம் நாமத்தைச் சொன்னதற்கு சமமாகும். இது போன்ற அபூர்வ தகவல்களைத் தரும் நூல் ஒன்று உள்ளது. அதுதான் லலிதாசஹஸ்ரநாம பாஷ்யம்!

சஹஸ்ரநாம பாஷ்யமானது G.V. கணேச ஐயரால் தமிழிலே வழங்கப்பட்டிருக்கிறது. இந்த தமிழ் நூல் 1938ஆம் ஆண்டு வெளியிடப்பட்டுள்ளது. இது பாஸ்கரராயரின் பாஷ்யத்திற்கிணங்க இனிய தமிழ் நடையில் தரப்பட்டுள்ள ஒரு அரிய நூலாகும்.

இதில் பாஸ்கரராயர் வரலாறு பற்றியும் ஆயிரம் நாமங்களுக்கான அதிசய அபூர்வ அர்த்தங்களும் உள்ளன. சுமார் 978 பக்கங்கள் உள்ள இந்த நூலின் அருமையை வர்ணிக்க வார்த்தைகளே இல்லை; அவ்வளவு ரகஸியார்த்தங்களைத் தரும் நூல் இது.

பாஸ்கரராயர் 1729ஆம் ஆண்டு ஆஸ்வீஜ சுக்ல நவமி அன்று இந்த பாஷ்யத்தை ஆரம்பித்து 1733ஆம் ஆண்டு சிவராத்ரி புண்யதினத்தன்று இதைப் பூர்த்தி செய்துள்ளார்.

பாஸ்கரராயரின் சமாதி கும்பகோணம் – மயிலாடுதுறை மார்க்கத்தில் திருவாலங்காடு ஊருக்கு அருகே உள்ள பாஸ்கரராயபுரத்தில் அமைந்துள்ளது. இந்த அதிஷ்டானத்தில் உரிய முறைப்படியான வழிபாடு இன்றும் சிறப்பாக நடைபெற்று வருகிறது.

அருமையான இந்த நூலை இணையதளத்திலிருந்து SCRIBD.COM உள்ளிட்ட பல தளங்களிலிருந்தும் டவுன்லோட் செய்து கொள்ளலாம்.

ஸர்வம் ஜயதி.

நன்றி, வணக்கம்.

tags– பாஸ்கரராயர்-2

***