WRITTEN BY LONDON SWAMINATHAN

Post No. 10,508

Date uploaded in London – –   31 DECEMBER  2021         

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

ஜராதுஷ்ட்ரர் (ZOROASTER= ZARA THUSHTRA) யார்?

பார்ஸி (PARSI= PARSEE) மத ஸ்தாபகர் . அவர் அகண்ட பாரதத்தின் ஒரு பகுதியான ஆப்கானிஸ்தானிலிருந்து ஈரானுக்கு குடியேறி ஒரு புது மதத்தை ஸ்தாபித்தார். அவர்களுக்கு முக்கிய வழிபாடு அக்னீ வளர்த்தல். (FIRE WORSHIP) எப்படி வேத கால பிராமணர்கள் வீட்டில் மூன்று வகை அணையாத அக்னீ இருந்ததோ அதஹி போல இவர்கள் எங்கு சென்றாலும் தீயுடன் செல்வர். அவர்களுடைய மதச் சின்னமே அக்கினி (FIRE ALTAR) குண்டம்தான்.

வேத கால சம்ஸ்க்ருதம் அறிந்தவர்களுக்கு பார்சி மத சொற்கள் அனைத்திலும் சம்ஸ்க்ருதம் கலந்திருப்பதைக் காணலாம்.

வெள்ளைக்காரர்கள் பார்ஸி மதம் அல்லது ஜொராஷ்ட்ரியன் மதம்  பற்றி எழுதிய எல்லாம் ஆயிரம் குழப்பம் உடையவை. அவர் பெயரில் குழப்பம், அவர் பிறந்த இடத்தில் குழப்பம்; அவர் சொன்ன சொற்களை வியாக்கியானம் செய்வதில் குழப்பம். அவர் வாழ்ந்த காலம் பற்றிக் குழப்பம். ஆயினும் வேதம் படித்தவர்கள் பல குழப்பங்களை எளிதில் தீர்க்கிறார்கள் ‘ போதாக்குறைக்கு பொன்னியும் வந்தாளாம் என்ற ப ழ  மொழிக்கு ஏற்ப கிரேக்கர்கள் பெயர்களிலும் அவர் வாழ்ந்த காலத்திலும் மகா குழப்பம் செய்தனர். ஜரா துஷ்ட்ரா என்பதை ஜொராஸ்டர் என்று மாற்றினார்கள். ஒரு கிரேக்கர், இவர் 6000 ஆண்டுகளுக்கு முன்னர் வாழ்ந்தவர் என்று எழுதினார் . உடனே அத்தனை பேரும் அதைத் திருப்பி எழுதினர் . பிறந்த இடத்தையும் அவர்கள் குழப்பினர் . பிளினி (Pliny)  என்பவர் இரண்டு ஜொராஸ்டர் உண்டு என்று ஒரு வெடி குண்டையும் வீசினார்.

காஞ்சி பரமாசார்ய சுவாமிகள் , ஜராதுஷ்ட்ரர் பற்றிச் சொன்ன உண்மைகளை எவரும் கண்டுகொள்ள வில்லை. நான் முன்னரே எழுதிய விஷயங்களை இணைப்பில் காண்க

இன்று பார்ஸி சமய மக்கள், குஜராத்திலும் பம்பாயிலும் வசிக்கக் காரணமே அவர்களின் மூதாதையர்கள் செளராஷ்டிர தேசத்தில் இருந்து சென்றதே . முஸ்லீம்கள் அவர்களை படுகொலை செய்தவுடன் அவர்கள் செளராஷ்டிரத்துக்கே திரும்பி வந்தனர். இன்று ஈரான் எனப்படும் பாரசீகம் (IRAN= PERSIA) வெறிபிடித்த முஸ்லீம்களலின் ஆக்கிரமிப்பில் உள்ளது. ஈரான் என்ற சொல்லே ஆர்யன் (ARYAN = IRAN) என்பதிலிருந்து வந்ததுதான்.

SOURASHTRA= ZORASHTRA

ஜராதுஷ்ட்ரா  என்றால் ஸெளராஷ்ட்ர என்பது காஞ்சி சுவாமிகள் சொன்னது ‘

ஜராத் + உஷ்ட்ர = ஹர + உஷ்ட்ர = ஒட்டகத்தை விரும்புவோர் LOVER OR RAISER OF CAMELS , வளர்ப்போர் என்பது வெள்ளக்கார மொழி ஆராய்சசியாளர் சொல்லுவது.. இது இரண்டும் ஸம்ஸ்க்ருதம் தான் . ஆகையால் வேத காலத்துக்கும் பாரசீக மதத்துக்கும் உள்ள தொடர்பை எல்லோரும் ஏற்றுக்கொள்கின்றனர்.

அவர்களுடைய மத நூலுக்கு பெயர் செண்ட் அவஸ்த்தா ZEND AVESTA.

இதில் செண்ட் என்பது சந்தஸ் ZEND = CHANDAS ( வேத இலக்கணம் உடைய கவிதை) என்பதன் மருவு என்பது காஞ்சி சுவாமிகள் சொன்னது.

அவஸ்தா AVESTA என்பது பழங்க கால கிழக்கு ஈரானில் (பாரசீகரத்தில்) பேசப்பட்ட மொழி.

அவர்கள் பாடல்களை காதா GATHA  என்பர்; இதுவும் வேத காலம் முதல் இன்றுவரை புழக்கத்தில் உள்ள ஸம்ஸ்க்ருதச் சொல்.

பார்சி மதத்தினரின் மற்றோரு சொல் யாஸ்ன ; இது யக்ஞ (YASNA= YAGNA)  என்பதன் திரிபு.

அவர்கள் வணங்கும் பெரிய கடவுள் அசுர மஸ்தா AZURA MAZDA (MAHAT ASURA= BIG AND POWERFUL= SUPREME) .

அசுர என்பது சக்தி வாய்ந்த பலமான என்ற பொருளில் பயன்படும் ஸம்ஸ்க்ருதச் சொல். பல வேத கால கடவூரின் அடை மொழி அசுர ; பின்னர் இதை மற்ற எதிரிகளுக்கு பயன்படுத்தினர். அஸீரிய (AYYRIAN = ASURA DYNASTY) நாகரீகம் அசுரர் என்ற பெயரை பெருமையுடன் பயன்படுத்தியது. இன்றும் நாம் ஒரு கார் CAR  வெகு வேகத்தில் வந்தால் அது அசுர வேகத்தில் வந்தது என்கிறோம் .

அசுரர் என்பதை பார்சீ மக்களும் எதிரி/ கெட்டவன் என்றும் பயன்படுத்தினர் (E.G DORA ASURAN= ENEMY OF ZARA THUSHTRA).

ZORASHTRIAN MIRACLES AND KRISHNA MIRACLES AND TAMIL MIRACLES

இப்போது ஜராதுஷ்டிரர் வாழ்வில் நடந்த சுவை மிகு அற்புதங்களை தமிழ் அற்புதங்களுடன் ஒப்பிட்டுக் காண்போம்..

கிருஷ்ண பரமாத்மாவைக் கொல்ல வந்த அத்தனை எதிரிகளுக்கும் ஒவ்வொரு அசுரன் பெயர் கொடுத்தோம். அதே போல ஒட்டகம் வளர்த்த ஜராத் உஷ்ட்ரர் – ஐக் கொல்லவந்தவனும் ஒரு அசுரன்தான் . அவன் செய்த செயல்கள் கந்த சஷ்டிக் கவசத்தில் வருவது வியப்புக்குரியதாகும்

ஒட்டகம் என்ற சொல் சங்க இலக்கியத்தில் வருகிறது; இது உஷ்டிர என்ற (USHTRA= OTTAKA IN TAMIL) ஸம்ஸ்க்ருதச் சொல்லின் மருவு.

XXX

அற்புதம் 1

குழந்தைகள் பிறந்தவுடன் அழும் ; இதை எல்லா ஆஸ்பத்திரிகளில் இன்றும் காணலாம் . ஆனால் ஜராதுஷ்ட்ரர் பிறந்தவுடன் சிரித்தாராம் . அவர் பிறந்தவுடன் இயற்கையில் உள்ள செடி, கோடி, மரங்கள் ஆனந்தம் அடைந்தன அவருடைய தலை மிகவும் அதிர்ந்து ஆடியதால் யாரும் அவர் தலையைப் பிடிக்க முடியவில்லை என்று பிளினி ( PLINY 23-79 CE) கி.பி. 23- 79 — இயற்கை வரலாறு NATURAL HISTORY  என்னும் நூலில் எழுதியுள்ளார்.

XXX

அற்புதம் 2

துராஸுரன் என்ற மந்திரவாதியும் அவனுடைய அடியாட்களும் ஜராதுஷ்டிரரைக் கொல்ல  பல தாக்குதல்களை நடத்தினர்.இதை கிருஷ்ணர் மீது கம்சன் நடத்த்திய தாக்குதலுடன் ஒப்பிடலாம்

தராசுரன் அல்லது துர் அசுரன் (DORASURAN= DUR+ ASURA)  என்பதில் வரும் அசுரன் என்ற சொல் முக்கியமானது . அவனுடைய அடியாட்கள், குழந் தையாக இருந்த ஜராதுஷ்டிரரை மாடுகளுக்கு இடையே  மிதிபட்டு சாகட்டும் என்பதற்காக தூக்கி எறிந்தார்கள் . ஆனால் பலம் வாய்ந்த ஒரு பசுமாடு அந்தக் குழந்தைக்கு பாதுகாப்பாக அதன்மீதுகுடை போல நின்றது. பின்னர் குழந்தையைத் த்தேடி வந்த தாய் அதை மீட்டுச் சென்றாள்

இதைக் கன்ற்றால் விளா எறிந்த கிருஷ்ணனின் லீலையுடன் ஒப்பிடலாம்

ஜராதுஷ்ட்ரரின் தாயார் பெயர் பால்காரி; ஸம்ஸ்க்ருதத்தில் துக்தோவா. அவரை யசோதாவுடன் ஒப்பிடலாம்

XXX

அற்புதம் 3

பின்னர் தராசுரன் ஆட்கள், ஒரு ஓநாய் வசிக்கும் இடத்தில் இருந்த குட்டி ஓநாய்களைக் கொன்றுவிட்டு அதன் நடுவே குழந்தை ஜராதுஷ்ட்ரனை வைத்தனர். ஒநாய்க் குட்டிகளின் பெற்றோர்கள் திரும்பிவந்தவுடன் கோபத்தோடு குழந்தையை விழுங்க வாயைத் திறந்த பொழுது அவை அப்படியே அசைக்க முடியாதபடி ஸ்தம்பித்தது PARALYSED. பின்னர் அந்தப் பகுதியில் வந்த பெண் ஆடுகள் குழந்தையைத் தூக்கிச் சென்றன துக்தோவா தன மகனை மீட்டாள் .

XXXXX

அற்புதம் 4

கடைசி தாக்குதலில் துராசுரனே வருகிறான். ஜராதுஷ்ட்ரர் தூங்கிக்கொண்டு இருந்த படுக்கை அறைக்குள் குழந்தையைக் கொல்வதற்காக வேல் கம்புடன் நுழைகிறான். அவன் அதைத் தூக்கிய அடுத்த நொடியில் அவன் கைகள் பக்கவாதத்தால் தாக்குண்டு அசையாமல் நின்றன. ; கையில் இருந்த வேல்கம்பு  விழுந்து சப்தம் உண்டாக்கவே பயந்து ஓடிவிட்டான்.

அஸுர = சக்தி வாய்ந்த

மஸ்தா = மஹதா / பெரிய  MAHAT= MAZDA; ASURA= STRONG, BOLD

இருபது வயதான போது ஜராதுஷ்ட்ரர் ஒரு குகைக்குள் தியானம் செய்யச் சென்றார் . இது அவர் ஒரு இந்து என்பதைக் காட்டுகிறது . அங்கு ஒளி மிகுந்த ‘ஞான ஒளி’ அசுர மாஸ்தாவைக் கண்டார். அப்போது அவருக்கு வயது 30. மொத்தம் ஏழு முறை இப்படி தரிசனம் கிடைத்தது அவரிடமிருந்து ஆறு செய்திகள் கிடைத்தன  இதை அமேஷா ஸ்பென்ட என்பர்; இதன் மொழி பெயர்ப்பு  அமரத்துவம் மிக்க நன்மொழிகள்

அமேஷா என்பது அமிர்த என்ற ஸம்ஸ்க்ருத்ச் சொல் போலும்.

AMESHA = AMIRTA IN TAMIL AMUTHA

அவருடைய முதல் சீடரின் பெயர் மைத்யோமாவோங்க

வைத்ய மஹாதுங்க அல்லது வித்யா மகத் துங்க = அறிவின் சிகரம் .

அவர்கள் இருவரும் கிராமம் கிராமமாகச் சென்று பிரசாரம் செய்தனர் எவரும் கேட்கவில்லை

அவர்களுடைய நல்லதிர்ஷ்டம் ஆப்கானிஸ்தானை ஆண்ட கவி விஸ்டாஸ்பா (SVASTI ASVA) அவர்களை அழைத்து உபதேச மொழிகளை    கேட்டான். மூன்று நாட்களுக்கு ஜராதுஷ்ட்ரர் உபதேசம் செய்தார் ; அரசவையில் இருந்த பொறாமைக்காரர்கள் ஒரு சதி செய்தனர் அவர்கள் எலும்பு, மனித முடி/ரோமம், மாமிசம், அழுகிய நகம்  ஆகியவற்றை ஜராதுஷ்ட்ரர் தங்கியிருந்த சத்திரத்தின் அறைக்குள் ரகசியமாக வைத்தனர் . வெளியே சொன்னால் கொன்றுவிடுவோம் என்று சத்திரக் காவலனை மிரட்டிவிட்டுச் சென்றனர் . பின்னர் அரசனிடம் சென்று, ஜராதுஷ்ட்ரர்  ஒரு ‘மந்திரவாதி’ ‘சூனியக்காரன்’ என்று குற்றம் சாட்டி சத்திர அறைக்குள் இருந்த பில்லி சூன்ய பொருட்களைக் காட்டினார்கள் . உடனே மன்னன் வெகுண்டு எழுந்து,  ஜராதுஷ்ட்ரரை பாதாள சிறைக்குள் அடைக்க உத்தரவிட்டான். அப்போது மன்னனின் அபிமான குதிரை அஸ்ப சீஹா ASVA SEEHA  , தரையில் விழுந்து வலி தாங்க முடியாமல் அலறியது. அதன் நான்கு கால்களும் வயிற்றை நோக்கி வளைந்தது. யார் வந்தும் அதை மீட்க முடியவில்லை. அப் போது கூன் பாண்டியனை நின்ற சீர் நெடுமாறனாக திருஞான சம்பந்தர் மாற்றியது போல ஒரு அற்புதம் நடந்தது

அதைப் பார்ப்பதற்கு முன்னர் ஒரு அற்புதமான ஒற்றுமையைக் கண்டேன். பில்லி சூனியம் வைப்போர் என்ன செய்வதாக தேவராய சுவாமிகள் கந்த சஷ்டிக் கவசத்தில் சொன்னாரோ அது ஜராதுஷ்ட்ரர் காலத்தில் ஆப்கானிஸ்தானத்தில் நடந்தது எனக்கு வியப்பைத் தந்தது

இதோ கந்த சஷ்டி வரிகள்

பில்லி சூனியம் பெரும்பகை அகல

வல்ல பூதம் வலாட்டிகப் பேய்கள்

அல்லற் படுத்தும் அடங்கா முனியும்

பிள்ளைகள் தின்னும் புழக்கடை முனியும்

கொள்ளிவாய்ப் பேய்களும் குறளைப் பேய்களும்

பெண்களைத் தொடரும் பிரம்ம ராட்சதரும்

அடியனைக் கண்டால் அலறிக் கலங்கிட

இரிசி காட்டேரி இத்துன்ப சேனையும்

எல்லிலும் இருட்டிலும் எதிர்ப்படும் அண்ணரும்

கனபூசை கொள்ளும் காளியோடனைவரும்

விட்டாங் காரரும் மிகுபல பேய்களும்

 தண்டியக் காரரும் சண்டாளர்களும்

என்பெயர் சொல்லவும் இடி விழுந்து ஓடிட

ஆனை அடியினில் அரும் பாவைகளும்

பூனை மயிரும் பிள்ளைகள் என்பும்

நகமும் மயிரும் நீள்முடி மண்டையும்

பாவைகளுடனே பல கலசத்துடன்

மனையிற் புதைத்த வஞ்சனை தனையும்

ஒட்டியச் செருக்கும் ஒட்டியப் பாவையும்

காசும் பணமும் காவுடன் சோறும்

ஓது மஞ்சனமும் ஒருவழிப் போக்கும்

அடியனைக் கண்டால் அலைந்து குலைந்திட

மாற்றார் வஞ்சகர் வந்து வணங்கிட

கால தூதாள் எனைக் கண்டால் கலங்கிட

குதிரை அற்புதத்தை அடுத்த கட்டுரையில் காண்போம்

அஸ்வ என்ற சஸ்க்ருதச் சொல்லின் பொருள் குதிரை வ= ப (வங்கம் = பெங்கால்)

ASPA= ASVA

முதலில் அஸ்வ பின்னர் அதன் பெயர் வரும். இது ஜராதுஷ்ட்ரர்  கதை முழுதும் வருகிறது. அவருடைய தந்தை குடும்பப் பெயரில் வெள்ளைக் குதிரை உண்டு. ஸ்வேத அஸ்வ SPITASVA .

SVETA ASVA = SPITASPA

ஜொராஸ்டர் | Tamil and Vedas

https://tamilandvedas.com › tag › ஜ…

Tagged with ஜொராஸ்டர். அலெக்ஸாண்டர் ‘புராண’மும், ஜொராஸ்டர் அதிசயமும் (Post … https://tamilandvedas.com/…

• 
  

அலெக்ஸாண்டர் ‘புராண’மும், ஜொராஸ்டர் …

https://tamilandvedas.com › அல…

·

30 May 2018 — Written by London Swaminathan. Date: 30 May 2018. Time uploaded in London – 22-18. Post No. 5061. Pictures shown here are taken from various …

சடலங்களை உண்ண கழுகுகள் தேவை !! (Post No.7539)

https://tamilandvedas.com › சடலங…

· Translate this page

5 Feb 2020 — நான் தினமணிக் கதிரில் 1992ம் ஆண்டு டிசம்பரில் பார்சி மத மக்கள், இறந்த பின்னர் ..

Zoroaster | Tamil and Vedas

https://tamilandvedas.com › tag › zoroaster

Posts about Zoroaster written by Tamil and Vedas. … We see some other Vedic concepts in the teachings of Zarathushtra (Zoroaster).

You’ve visited this page 2 times. Last visit: 23/05/21

• 
  

MORE ABOUT ZOROASTER FROM RIG VEDA, VARAHA …

https://tamilandvedas.com › 2020/08/01 › more-about-…

1 Aug 2020 — Thanks for your great pictures. tamilandvedas.com, swamiindology.blogspot.com MORE ABOUT ZOROASTER FROM RIG VEDA, VARAHA MIHIRA AND KANCHI …

Who was Zoroaster? Why Did Parsees ‘Return’ to Gujarat?

https://tamilandvedas.files.wordpress.com › 2013/12

PDF

25 Dec 2013 — Kanchi Paramacharya (Shankaracharya). Swamikal said in one of his talks that Zoroaster was from Saurashtra. The reason for Parsees coming back …

8 pages

Parsee | Tamil and Vedas

https://tamilandvedas.com › tag › parsee

19 Apr 2017 — Why did Parses Return to India, I gave 20 points listed by Dattopant Thengadi … The reason for Parsees coming back to Gujarat after the ..

தொடரும்

Tags–ஜராதுஷ்ட்ரர், ஜொராஸ்டர், பார்சி, பார்ஸி  அற்புதம், பில்லி சூனியம், செண்ட் அவஸ்தா

WRITTEN BY S NAGARAJAN
Post No. 10,503
Date uploaded in London – – 30 DECEMBER 2021

Contact – swami_48@yahoo.com
Pictures are taken from various sources for spreading knowledge;
this is a non- commercial blog. Thanks for your great pictures.
tamilandvedas.com, swamiindology.blogspot.com

தாயுமானவர்! – 3
ச.நாகராஜன்

அவன் அன்றி ஓர் அணுவும் அசையாது எனும் பெரிய ஆப்தர் மொழி ஒன்று பற்றி அவர் சுட்டிக் காட்டுகிறார்.
அவரது கண்ணிகள் மிகவும் சிறப்பு வாய்ந்தவை.
அன்பர் பணி செய்ய வெனை யாளாக்கி விட்டு விட்டால்
இன்ப நிலை தானே வந்தெய்தும் பராபரமே என்று பராபரக் கண்ணியில் தொண்டு பற்றிக் குறிப்பிடுகிறார்.
எல்லோரும் இன்புற்றிருக்க நினைப்பதுவே யல்லாமல்
வேறொன்றறியேன் பராபரமே.

இதுவே அவரது கொள்கை.
காகமுறவு கலந்துண்ணக் கண்டீர் அகண்டாகார சிவ
போகமெனும் பேரின்ப வெள்ளம் பொங்கித் ததும்பிப் பூரணமா
யேக உருவாக் கிடக்குதையோ வின்புற்றிட நாம் இனி எடுத்த
தேகம் விழுமுன் புசிப்பதற்குச் சேர வாரும் ஜெகத்தீரே
என்று ஜெகத்தினரை பேரின்ப வெள்ளத்தை அனுபவிக்க அழைப்பு விடுக்கிறார்.

சைவ சமயமே சமயம் என்பதில் திடமாக இருக்கும் அவர் அதை அப்படியே கூறி விடுகிறார்:
சைவ சமயமே சமயம் சமயாதீதப் பழம் பொருளைக்
கைவந்திடவே மன்றுள் வெளிக்காட்டு மிந்தக் கருத்தை விட்டுப்
பொய் வந்துழலும் சமய நெறி புகுத வேண்டா முத்தி தரும்
தெய்வ சபையைக் காண்பதற்கு சேர வாரும் ஜெகத்தீரே
இதுவே அவரது அறைகூவல்!

அத்வைத மார்க்கத்தைப் போற்றும் அவர் அதுவே Inference, experience, Logic ஆகிய மூன்றுக்கும் ஒத்தது என்று உறுதி கூறுகிறார் இப்படி:

“வேதமுடன் ஆகம முராண இதிகாசமும்
வேறும் உள கலைகள் எல்லாம்
மிக்காக அத்வைத த்வைத மார்க்கத்தையே
விரிவாய் எடுத்துரைக்கும்
ஓதரிய த்வைதமே அத்வைத ஞானத்தை
உண்டு பணும் ஞானம் ஆகும்;
ஊகம், அனுபவம், வசனம் மூன்றுக்கும் ஒவ்வும் ஈது”

இது அவர் வாக்கு!
மனத்தைப் பற்றிப் பல இடங்களில் அவர் அழகுறக் குறிப்பிடுகிறார்:

கந்துக மதக் கரியை வசமா நடத்தலாம்;
கரடி வெம்புலி வாயையும் கட்டலாம்;
ஒரு சிங்கம் முதுகின் மேல் கொள்ளலாம்;
கண் செவி எடுத்து ஆட்டலாம்;
வெந்தழலின் இரதம் வைத்து ஐந்து லோகத்தையும் வேதித்து விற்று உண்ணலாம்;
வேறு ஒருவர் காணாமல் உலகத்து உலாவலாம்;
விண்ணவரை ஏவல் கொள்ளலாம்;
சந்ததமும் இளமையோடு இருக்கலாம்;
மற்று ஒரு சரீரத்தினுள் புகுதலாம்;
ஜலம் மேல் நடக்கலாம்;
கனல் மேல் இருக்கலாம்;
தன் நிகர் இல் சித்தி பெறலாம்;
என்று பட்டியலிடும் அவர்
“சிந்தையை அடக்கியே சும்மா இருக்கின்ற திறம் அரிது;

சத்து ஆகி என் சித்தமிசை குடி கொண்ட அறிவு ஆன தெய்வமே!
தேஜோமயானந்தமே என்று கூறுகிறார்.

மனதை அடக்குவது என்பது கடினமான ஒரு விஷயம் என்பதால் அவன் இறைவன் அருளை இப்படி வேண்டுகிறார்:

ஆழாழி கரை இன்றி நிற்கவிலையோ கொடிய ஆலமும் அமுதாக விலையோ,
அக்கடலின் மீது வட அனல் நிற்கவில்லையோ
அந்தரத்து அகில கோடி
தாழாமல் நிலை நிற்கவில்லையோ மேருவுந்
தனுவாக வளைய விலையோ
சப்த மேகங்களும் வ்ஜ்ரதரன் ஆணையிற்
சஞ்சரித்திடவில்லையோ
வாழாது வாழவே இராமன் அடியால் சிலையும்
மடமங்கை யாக விலையோ
மணி மந்த்ர மாதியால் வேண்டு சித்திகளுலக
மார்க்கத்தில் வைக்க விலையோ
என்று இப்படிக் கேட்கும் அவர் பாடலின் இறுதியில்
பாழான என் மனம் குவிய ஒரு தந்திரம்
பண்ணுவது உனக்கு அருமையோ

என்று,

பார்க்கும் இடம் எங்கும் ஒரு நீக்கமற நிறை நின்ற பரிபூரண ஆனந்தத்திடம் கேட்கிறார்!

‘நேற்றுளார் இன்று மாளா நின்றனர்’ என்ற உண்மையை அவர் சுட்டிக் காட்டுவதோடு, ‘எத்தனை பிறப்போ, எத்தனை இறப்போ எளியனேற்கு இதுவரை அமைத்தது’ என்று கூறி ஜென்மம் இனி வேண்டாம் என்று கூறி அதற்கு அருள் பாலிக்க வேண்டுகிறார்.
சமய ஆசாரியர்களை அவர் போற்றத் தவறுவதே இல்லை.
‘ஐயா, அருணகிரி, அப்பா, உனைப் போல மெய்யாக ஒரு சொல் விளம்பினவர் யார்?” என்று அருணகிரிநாதரைப் போற்றுகிறார்.

தன் குருவான மௌனகுரு ஸ்வாமிகளை அவர் ஆங்காங்கே குறிப்பிடத் தவறுவதே இல்லை.

‘ஜாதி, குலம், புறப்பு, இறப்பு, பந்தம், முக்தி, அரு உருவத்தனமை, நாமம், ஏதும் இன்றி எப்பொருட்கும் எவ்விடத்தும் பிரிவு அற நின்று இயக்கம் செய்யும் ஜோதியை’ இனம் காட்டும் அவர்,
அதை ‘சிந்தை செய்வாய்’ என்று அறிவுரை புகட்டுகிறார்.
உலகத்தின் இயற்கையையும் ஆங்காங்கே அவர் சுட்டிக் காட்டத் தவறுவதில்லை.

“வாயார உண்ட பேர் வாழ்த்துவதும், நொந்த பேர் வைவதுவும் எங்கள் உலக வாய்பாடு” என்று உலக இயல்பை அவர் கூறுகிறார்.
எளிய தமிழில் இனிய கருத்துக்களைப் பாடுவதில் தாயுமானவர் ஒரு புதுவழியைக் காட்டியவர் என்றே கூறலாம்.
இவரை அடுத்துப் பின்னால் வந்த திரு அருட்பிரகாச வள்ளலார், மஹாகவி பாரதியார் ஆகியோர் இந்த நடையைப் போற்றித் தாமும் எளிய நடையை மேற்கொண்டதைப் பார்க்கலாம்.
ஏன், எளிய தமிழில் அரிய கருத்தை அவர் கூறுவது திரைப்படப் பாடல்களில் கூட எதிரொலிப்பதைப் பார்க்க முடிகிறது.
ஒரு எடுத்துக் காட்டு இது:

“எண்ணாத எண்ணமெல்லாம் எண்ணி எண்ணி ஏழை நெஞ்சம்
புண்ணாகச் செய்தது இனிப் போதும் பராபரமே” இந்தக் கண்ணியைப் படிப்போருக்கு பின்னால் வந்த
“எண்ணாத எண்ணமெல்லாம் எண்ணி எண்ணி ஏங்குறே” என்ற பாடல் நினைவுக்கு வருகிறதில்லையா?

அவரது அற்புதமான பாடல்களை விரித்துக் கூறுவதற்கோர் எல்லையே இல்லை.
அவரது பாடல்களை அனுதினமும் படிப்போம்; உணர்வோம்; உயர்வோமாக!
நன்றி வணக்கம்!

** முற்றும்

tags- தாயுமானவர் – 3

WRITTEN BY Dr A Narayanan

Post No. 10,501

Date uploaded in London – –   29 DECEMBER  2021         

Contact – swami_48@yahoo.com

Pictures are taken from various sources for spreading knowledge.

this is a non- commercial blog. Thanks for your great pictures.

tamilandvedas.com, swamiindology.blogspot.com

கண்ணனைக் கடத்திய கன்னியர்

(Uploaded on 2^nd January 2022)

தேடியவள் வந்தாளோ

தேடுபவனைக் கண்டாளோ

ஒடியதவ ளுடெம்பெலாம்

ஊதுகுழல் கான ஒலி

உளத்தி லுஞ்சலா டியவன்

உதட்டிலே உறவாடி

தேனுரும் பார்வையிலே

தேரோட்டம் கண்ட சாரதி

ரதியோ இந்த ராதை என்

கதியோ முக மதியோ வென

குழல் தழுவிய கை வார்

குழலி இடை தழுவியது

வண்ண மலர் தேன் உரும்

வண்டினம் போல் வந்தகோபியர்கள்

முகுந்தன் மூச்சுக் காற்றில்

மூர்ச்சித்த ராதையைக் கண்டு

கடத்தினரோ கோவலனை யாதவனோ

மாதவனோ யாவரமிவனோடு

உறவாடபிறவிப் பெரும் பேறாக

பெருந்தன ஆய்ச்சியரை

பிடித்த பேயோ அவ்வஞ்சியர்

கண்ட இடமெலாம் ஒன்றில்

பலவாக நின்றோன் பண்டொரு

நாள் பேய்முலை நஞ்சுண்டனே

நாராயணன்

xxxxxxxxxxxxxxx

POEMS BY DR A NARAYANAN, LONDON

ராதையும் கோதையும்

அந்திமந்தாரைப் பூத்த சந்திவேளையில்

முந்தானையில் முகுந்தனை முடியத் தேடி

வந்த வனிதை ராதையைக் கண்டோடி

ஏங்கிய அவள் மார்பகத்து விமலன் விட்ட

மூச்சுக்காற்று சிந்திய முத்தமோ வெனப்

பேச்சிலா நிலைலயிலவள் கண்கள் சொருக

மேனிப் பெருகிய நீரைப் பருகியதவள் 

மேலாடை யாயினும் பால் மணமே

ஆய்ச்சியர் குலப் பெண் மனமேயாக 

அவளுடல் பெருகியது பாலோவென்ற

தவள் வெண்ணிறமான மேலாடை

மேவிய நூலிடையை இடைச்சி மகன்

மேகலையாய்த் தழுவ எம்மாதருமவன்

மேய்த்திடும் கறவையாய் சுரந்த பாலில்

திரண்ட அன்பாயமுதாயயராப்பற்றாய்

ஆயன் திருடியுண்ட வெண்ணெயாக

வெண்ணெய் களவாடிய கண்ணன்

பெண்ணுள்ளம் பத்திச்சிறைப் பட்ட

மறையோனென விண்ணோரன்றி

மண்ணோரறியா மாயன் லீலையே 

வட மதுரை ராதையின் மேகலையில்

தென் மதுரைக் கோதையின் பாமாலை

தென்றல் சுமந்தத் தேனிசையாயொலிக்க

கன்றொன்று அலருகிறதென்றதனைக்

காக்கச்செல்ல வேண்டுமென்று சாக்கு

சொல்லித் தப்பி வந்த தாமோதரனை

விட்டு விடுவாளோ வில்லிபுத்தூராழ்வான்

விட்டுசித்தன் மகள்!  தேடி வந்த வேணு

விலோலனுக்குச் சூடிக்கோடுத்தப் பூ

மாலையில் பாசுரங்களின் மணம் கமழ

மாதவியின்  மஞ்சள் முகத்தில் தஞ்ச

மடைந்த மாதவனே கஞ்சன் வயிற்றில்

நெருப்பென்ன நின்ற நெடுமாலன் 

நப்பின்னையின் மாலை ஏற்று அவள்

கைப்பற்றித் தீவலம் வந்துத் தாள்பற்றி

மெட்டியிட்டுத் தாரமாக்கிய தரணீதரனே

பண்டொரு நாள் ஆமையாய் அமுதம் 

கடைந்த மந்தரகிரியை மத்தாகத் தாங்க

இன்றோ மங்கையர் மனமெனும் தாழியில்

மத்தாகி பத்தியெனுமமுதம் கடைகிறான் 

உலகத்தோர் உடலுறவாடல் போகம்

உள்ளத்தினுள்ளனோடுறவாடல் யோகம்

BY DR A. NARAYANAN, LONDON

Xxxxxxxxx

சபரிகிரி சாமியே அருள் தாராய்

சபரி கிரி வாழ் சாமி நமோ நம

சர்வ மங்கள ரூபா நமோ நம

சரணம்  ஐயப்பா நமோ நம

அருள் தாராய்

மகர ஜோதியான மணிகண்டனே  நமோ நம

மாலையணிந்துன் மலை ஏறுவோம் நமோ நம

மண்டியிட்டு வருவோரை மறவாத மலையோனே

அருள் தாராய்

ஹரி ஹர சுதனாய் அவதரித்தாய் நமோ நம

ஆதியந்த மில்லா ஈசா நமோ நம

நாதி இலலாதர் நாடிடும் தேவா நமோ நம

அருள் தாராய்

இருமுடி கட்டி உன் திருவடி சேவைக்கு

கல்லும் முள்ளுமுள்ள பாதையானாலும்

கால் வருந்தா வந்தோரைக் கைவிடா

கனக  கிரி ராஜா  நமோ நம

அருள் தாராய்

திரியும் நெய்யும் இட்ட தீபத்தில்

எரியுமோ எங்கள் மேல் சாபமெல்லாம்

ஏற்ற நிலையில் போற்றும் தெய்வமாய்

தேற்றி எம்மைக் காப்பாய் நமோ நம

அருள் தாராய்

ஓதிய வேதமே சரணமயப்பாவென

சாதி சமயம் பாராத தேவனே

தேதியும் கிழமையும் பாராது

தேவை ஒன்றுன் சரணமே ஐயனே

அருள் தராய்

மகர ஜோதியான மணிகண்டனே நமோ நம

மாலையணிந்துன் மலை ஏறுவோம் நமோ நம

மண்டியிட்டு வருவோரை மறவாதமலையோனே

அருள் தாராய்

நாராயணன்

—- subham —–

Tags- ராதையும் கோதையும், சபரிகிரி சாமியே ,அருள் தாராய்