WRITTEN BY BRHANNAYAKI SATHYANARAYANAN

Post No. 9034

Date uploaded in London – –14 DECEMBER 2020       

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

லண்டனிலிருந்து வாரம் தோறும் ஞாயிற்றுக்கிழமை மாலை இந்திய நேரம் மாலை 6.30 மணிக்கு ஒளிபரப்பாகும் தமிழ் முழக்கம் நிகழ்ச்சியில் 13-12-2020 அன்று ஒளிபரப்பான உரை. இதை www.facebook.com/gnanamayam தளத்திலும் youtubeலும் எப்போதும் காணலாம்.

ஆலயம் அறிவோம்!    

வழங்குவது பிரஹன்நாயகி சத்ய நாராயணன்.

ஆலயம் அறிவோம் தொடரில் இன்று நமது யாத்திரையில் இடம் பெறுவது  ஏழு மோக்ஷபுரிகளில் நடு நாயகமாகத் திகழும் காசி ஸ்தலமாகும். இதன் புனிதத்தன்மையையும்  மஹிமையையும் யாராலும் முழுவதுமாக விளக்க முடியாது. 1800 கோவில்கள் உள்ள நகரம் உலகிலேயே காசி ஒன்று தான் என்று சரித்திர ஆசிரியர்கள் வியந்து கூறுகின்றனர். அன்னபூரணி,விசாலாட்சி, துண்டி கணபதி, துர்க்கா, சங்கட விமோசன ஹனுமான், கால பைரவர், பசுபதிநாதர், பிந்து மாதவர் என மஹிமை வாய்ந்த ஆலயங்கள் பல இங்கு உள்ளன. ஆகவே இரவும் பகலுமாக பக்தர்கள் கூட்டத்தை ஆங்காங்கே கண்டு கொண்டே இருக்கலாம்.

அத்துடன் மிக அதிகமான புண்ணிய ஸ்நான கட்டங்கள் கங்கைக் கரை ஓரம் அமைந்திருக்கும் இடமும் காசி தான்.

க்ருதே த்ரிசூலவத் ஞேயம் த்ரேதாயாம் சக்ரவத்ததா |

த்வாபரம் து ரதாகாரம் ஷங்காகாரம் கலௌ யுகே ||

கிருத யுகத்தில் திரிசூல வடிவத்திலும், திரேதாயுகத்தில் சக்கர வடிவத்திலும், துவாபர யுகத்தில் தேர் வடிவத்திலும் கலி யுகத்தில் சங்கு வடிவத்திலும் காசி க்ஷேத்திரம் இருப்பதாக காசி ரகஸ்யம் கூறுகிறது.

காசி என்றால் ஒளி தரும் இடம் என்று பொருள்.

காசி என்றவுடன் கங்கை நதி நம் மனதிலே எழுந்தருளுவாள்.

அரிய தவம் செய்து பகீரதன் கங்கையை பூமிக்குக் கொண்டு வந்த வரலாற்றை நாம் அனைவரும் அறிவோம். அனைத்துப் பாவங்களையும் போக்கும் புனித நதி கங்கை.

கங்கைக் கரை ஓரமாகச் சென்றால் காசியின் நீளம் சுமார் நான்கு மைல்கள். இந்தப் பகுதியில் 64 ஸ்நான கட்டங்கள் உள்ளன. இவற்றில் முக்கியமானவை ஐந்து.

அஸி கட்டம் என்பது காசியின் தொடக்கத்தில் இருப்பது. இங்கு தான் அஸி நதி கங்கையுடன் கலக்கிறது. தச அசுவமேத கட்டம் என்பது பத்து அசுவமேத யாகங்களைச் செய்வதால் கிடைக்கும் பலனைத் தரும் கட்டம்.வருணாகட்டம் என்பது வருணா நதி சங்கமம் ஆகும் இடம் ஆகும். அடுத்து பஞ்ச கங்கார கட்டம் என்பது ஐந்து நதிகள் கங்கையுடன் சங்கமம் ஆகும் இடத்தில் அமைந்துள்ள கட்டமாகும். எல்லாவற்றையும் விட மிக முக்கியமான கட்டம் மணிகர்ணிகா கட்டம். இதுவே பிரதான ஸ்நான கட்டமாகும். இந்த ஐந்து கட்டங்களில் நீராடியவர்கள் பித்ரு காரியங்களைச் செய்வது மரபு.

மணிகர்ணிகா கட்டத்தில் அமைந்துள்ள இடத்திற்கு அருகில் உள்ளது அரிச்சந்திரா காட்! இங்கு தான் சந்திரமதி தன் மகன் லோகிதாசனை எரிக்க வரும் போது அரிச்சந்திரன் வெட்டியானாக வந்து பார்த்த இடம்.

இந்த ஸ்நானத்தை முடித்தவுடன் மணிகர்ணிகா கட்டத்திற்கு அருகில் உள்ள தாரகேஸ்வரர் ஆலயம் சென்று ஸ்வாமியைத் தொட்டு பூஜிக்கலாம். கங்கை நீரை எடுத்துக் கொண்டு வந்து அபிஷேகமும் செய்யலாம்.  மேலே துர்க்கையம்மன் ஆலயம் உள்ளது. இந்த தரிசனத்தை முடித்த பின்னரே காசி விஸ்வநாதரைத் தரிசிக்க வேண்டும் என்பது பாரம்பரிய பழக்கமாகும்.

     காசி விஸ்வநாதர் ஆலய பிரகாரம் வழவழப்பான சலவைக் கல்லால் அமைந்துள்ள பிரகாரமாகும். மையத்தில் விஸ்வநாதரின் கர்பக்ருஹம் உள்ளது. கங்கை நீர், பால் ஆகியவற்றால் பக்தர்கள் விஸ்வநாதருக்கு அபிஷேகம் செய்வது தொன்று தொட்டு இருந்து வரும் பழக்கமாகும்.

இந்த ஆலயத்தை ராணி அகல்யாபாய் கட்டியதாக வரலாறு கூறுகிறது. கோவிலில் இருபத்தி இரண்டு மணங்கு தங்கத் தகடுகள் பயன்படுத்தப்பட்டன. ஆகவே இதை தங்க ஆலயம் என்றே அனைவரும் அழைக்கின்றனர்.

       தேவியானவள் காசி ஈஸ்வரருக்கு உணவு அளித்த இடம் இது.

இங்குள்ள அன்னபூரணி கோவிலை மராட்டிய மன்னர்கள் பயபக்தியுடன் வடிவமைத்துள்ளனர். கோயிலின் நடுவில் எண்கோண வடிவத்தில் மண்டபம் உள்ளது. அதை பன்னிரெண்டு கல் தூண்கள் தாங்குகின்றன. பலவித ரத்தினங்கள், மணிகள் பதிக்கப்பட்ட மணிமகுடத்துடன் அழகிய  ரூபத்தில் காட்சி தரும் அன்னபூரணிக்கு கீழே ஸ்ரீ சக்ர மேரு யந்திரம் பிரதிஷ்டை செய்யப்பட்டிருக்கிறது.

       இடது கரத்தில் தங்கக் கிண்ணம், வலது கரத்தில் தங்கக் கரண்டி இவற்றுடன் பிட்சை ஏந்தி நிற்கும் இறைவனுக்கே அன்னம் அளிக்கிறாள் லோகமாதா.

அம்பாளின் அருகே இரு புறமும்  தங்கத்தினால் ஆன ஸ்ரீ தேவியும் பூதேவியும் கொலுவிருந்து கையைத் தூக்கி ஆசீர்வதித்து அருள்கிறார்கள்.

அன்னபூரணி ஆலயத்திற்குச் சற்றுத் தொலைவில் விசாலாட்சி ஆலயம் அமைந்துள்ளது. குத்துவிளக்கு எரிய கர்பக்ருஹத்தில் தேவியை தரிசித்து குங்கும அர்ச்சனையையும் செய்யலாம்.

கங்கா ஸ்நானம் செய்து காசி விஸ்வநாதரையும் அன்னபூரணியையும் தொழுதால், பாவம் தொலையும், புண்ணியம் சேரும், முக்தி கிடைக்கும். வாழ்நாள் முழுவதும் அன்னத்திற்கு பஞ்சமில்லை, எப்போதும் எதிலும் வெற்றியே கிடைக்கும்.

காசியின் முக்கியமான மூர்த்திகளைச் சொல்லும் ஒரு ஸ்லோகம் உண்டு.

விஸ்வேஸம், மாதவம், துண்டிம், தண்டபாணிஞ்ச, பைரவம் – வந்தே

காசிம், குஹாம், கங்காம், பவானிம், மணிகர்ணிகாம் என்பதே அது.

துளஸிதாஸர், கபீர் தாஸர் உள்ளிட்ட ஏராளமான மகான்கள் வாழ்ந்த இடம் இது. இன்றும் ஏராளமான மகான்களும் சித்தர்களும் இருந்து வரும் தலம் காசி! காலம் காலமாக கோடிக்கணக்கான பக்தர்கள் பயபக்தியுடன் புனித காசி யாத்திரை மேற்கொண்டு கங்கையில் ஸ்நானம் செய்து வணங்கி வரும் காசி விஸ்வநாதர், விசாலாக்ஷி, அனைவருக்கும் சர்வ மங்களத்தை தர ஞானமயம் சார்பில் பிரார்த்திக்கிறோம்.     நன்றி

——-

WRITTEN BY LONDON SWAMINATHAN

Post No. 9031

Date uploaded in London – –13 DECEMBER 2020      

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

tamilandvedas.com, swamiindology.blogspot.com

அதர்வண வேதத்திலும் யஜுர் வேதத்திலும் உள்ள குங்கிலிய மர்மத்தை கட்டுரையின் முதல் பகுதியில் கண்டோம் , வேத காலத்திலேயே குக்குல், குல்குலு , குக்குலு என்று பல பெயர்களால் அழைக்கப்பட்ட குங்கிலியத்தை இந்தியா பாபிலோனியாவுக்கும் அங்கிருந்து எகிப்துக்கும் ஏற்றுமதி செய்தது.

XXX

குங்கிலியக் கலய  நாயனார் செய்த அற்புதங்கள்

குங்கிலியத்தின் பெயர்கொண்ட ஒரு சிவபக்தர் 1400 ஆண்டுகளாக குங்கிலியத்தின் பெருமையைப் பரப்பி வருகிறார். அவருடைய பெயர் குங்கிலியக் கலய நாயனார். அவருடைய முழு வரலாறு பெரிய புராணத்தில் உள்ளது. அவர் வாழ்க்கையில் நடந்த இரண்டு அற்புதங்களைக் காண்போம்.

திருக்கடவூர் என்னும் தலம் அபிராமி அம்மனாலும் அமிர்தகடேஸ்வரராலும் புகழ்பெற்றது. அங்கு அந்தணர் குலத்தில் அவதரித்தார் கலய நாயனார்

“வாய்ந்த நீர் வளத்தால் ஓங்கி மன்னிய பொன்னி நாட்டின்

ஏய்ந்த சீர் மறையோர் வாழும்  எயில்பதி நீர்க் கங்கை”

என்று  புகழ் பாடுகிறார் சேக்கிழார் பெருமான். மார்கண்டேயனை க் காப்பாற்றுவதற்காக, சிவ பெருமான்  யமனைக் காலால் உதைத்து ஒடுக்கிய தலம் என்பதையும் சொல்லத்  தவறவில்லை.

அங்கு ‘அருமறை முந்நூல் மார்பின் அந்தணர் கலயர்’ என்பார் அவதரித்தார் . அவர்

‘காலனார் உயிர் செற்றார்க்கு — சிவனுக்கு — கமழ்ந்த குங்கிலியத் தூபம் சாலவே நிறைந்து விம்ம இடும்பணி தலை நின்றுள்ளார்.

இவ்வாறு சிவனுக்கு குங்க்லிய தூபப் பணியில் ஈடுபட்ட அவர் குடும்பத்தை வறுமை வாட்டியது.

எந்த அளவுக்கு வறுமை என்றால், இரண்டு நாட்களுக்கு அவர் குடும்பத்தினர் உண்ணவே ஒன்றுமில்லாமல் தவித்தனராம் — உடனே மனைவி தன்னுடைய  தங்கத் தாலியைக் கொடுத்து  நெல் வாங்கி வாருங்கள் என்று அனுப்பினார்

“யாதும் ஓன்றும் இல்லையாகி

இருபகல்  உணவு மாறிப்

பேது உறு மைந்தரோடும் பெருகு

சுற்றத்தை நோக்கிக்

காதல் செய் மனைவியார் தம்

கணவனார்க் கலயனார் கைக்

கோது  இல் மங்கள நூல் தாலி

கொடுத்து நெல் கொள்ளும்” என்றார்.

அப்போது அவர் செல்லும் வழியில்

 ஒப்பு இல் குங்கிலியம்  கொண்டு ஓர்

வணிகனும்  எதிர் வந்துற்றான்

குங்கிலியத்தை சிவபெருமானுக்குத் தரும் என்றவுடனே

பொன் தரத் தாரும் என்று

புகன்றிட  வணிகன் தானும்

என் தர இசைந்து என்னத்

தாலியைக் கலயர் ஈந்தார்

கோவிலுக்கு மகிழ்சசியுடன் சென்று வேண்டும் மட்டும் குங்கிலியப் புகைபோட்டு இறைவனை வணங்கினார் . மனைவி மக்களை மறந்து கோவிலிலேயே தூங்கியும் விட்டார் . அப்போது ஒரு அதிசயம் நிகழ்ந்தது.

குபேரன் செல்வம் போன்ற மிகப் பெரிய செல்வத்தை சிவ பெருமான்  கலயர் வீட்டில் பொழிந்தார். இந்த அற்புதத்தை கலயர் கனவிலும் செப்பினார் . இது நமக்கு கண்ண பிரான்- குசேலர் கதையை நினைவுபடுத்தும். சுதாமா என்னும் குசேலர் கொணர்ந்த ஒரு பிடி அவலை கிருஷ்ண ன் சாப்பிட்ட அடுத்த நொடியில் அந்த ஏழை சுதாமாவின் குடிசை எப்படி அரண்மனை ஆயிற்றோ அப்படி கலயரின் குடிலும் மாளிகை ஆயிற்று ; மளிகைப் பொருட்களும் குவிந்தன .

இதோ சேக்கிழார் சொற்கள்

அன்பர் அங்கு இருப்ப நம்பர்

அருளினால் அளகை வேந்தன்

தன் பெரிய நிதியம் தூர்த்துத்

தரணிமேல் நெருங்க எங்கும்

பொன்பயில் குலையும் நெல்லும்

பொரு இல்  பல் வளனும்  பொங்க

மன் பெரும் செல்வம் ஆக்கி

வைத்தனன் மனையில் நீட .

அளகை வேந்தன் = குபேரன்

இது முதல் அற்புதம்.

xxx

இரண்டாவது அற்புதம் என்னவென்றால், திருப்பனந்தாள் என்னும் தலத்தில்  சாய்ந்து போன இலிங்கத்தை தனது கழுத்தில் கட்டிய கயிற்றின் பலத்தால் நிமிர்த்திய செய்கையாகும். அவருக்கு முன்னதாக, சோழ மன்னன் பல யானைகளைக் கொண்டு லிங்கத்தை நிமிர்த்த முயற்சி செய்து தோல்வியுற்றான்.

யானைகளாலும் நிமிர்த்த முடியாத சிவலிங்கத்தை அன்பு எனும் பாசக்கயிற்றால் நிமிர்த்தினார் கலயர்  என்று சேக்கிழார் புகழ்கிறார்.

மானவன் கயிறு பூண்டு

கழுத்தினால் வருந்தல் உற்றார்

கயிற்றை சிவலிங்கத்தில் கட்டி மற்றோர் புறத்தை தன கழுத்தில் மாலை போலாக கட்டிக்கொண்டு பலம் முழுதையும் செலுத்தினார் . அது வெறும் கயிறு அல்ல. அன்பெனும் கயிறு. சிவ பெருமான் ‘ அன்பெனும் வலையில் அகப்படும் மலை ‘ அல்லவா !

நண்ணிய ஒருமை அன்பின்

நார் உறு  பாசத்தாலே

திண்ணிய தொண்டர் பூட்டி

இளைத்த பின் , திறம்பி நிற்க

ஒண்ணுமோ கலயனார் தம்

ஒருப்பாடு கண்டபோதே

அண்ணலே நேரே நின்றார்

அமரரும் விசும்பில் ஆர்த்தார் .

அன்பின் மிகுதியால் சிவன் நேரே நிற்க வானத்தில்  இருந்து தேவர்கள் பூமாரி பொழிந்தனர்.

தேவர்களும் வியந்து போற்றிய இந்த இரு அற்புதம் மூலமாக நாயனாரின் பெருமை மட்டுமின்றி குங்கிலியத்தின் பெருமையும் இலக்கியத்தில் அழியா இடம்பெற்றது.

tags — குங்கிலிய,  கலய  நாயனார், அற்புதங்கள்

XXXX SUBHAM XXXX

WRITTEN BY S NAGARAJAN                                    

Post No. 9029

Date uploaded in London – – –13 DECEMBER 2020       

Contact – swami_48@yahoo.com

Pictures are taken from various sources for spreading knowledge;

this is a non- commercial blog. Thanks for your great pictures.

கொங்குமண்டல சதகம் பாடல் 55

ராஜ ராஜ சோழன் ஆதரித்த வீர சைவர்கள்!

ச.நாகராஜன்

ராஜராஜ சோழனின் பெருமையை நாளுக்கு நாள் தமிழர்கள் நன்கு உணர்ந்து வருகின்றனர்.

தஞ்சையைத் தலைநகரமாகக் கொண்டு ஆட்சி புரிந்த இவனது காலம் கி.பி.985 முதல் 1012 என்று நிர்ணயிக்கப்பட்டுள்ளது.

கீழ் நிலையில் தாழ்ந்திருந்த சோழ ராஜ்யத்தை பெரும் சாம்ராஜ்யமாக உருவாக்கிய பெருமை இவனையே சேரும்.

பெரும் நீதிமான். மாபெரும் வீரன். பல கலைகளைக் கற்றவன். சைவ சமயத்தைச் சார்ந்திருந்த போதிலும் பௌத்தர்களுக்கும் ஆதரவளித்தவன்.

இவன் கங்கபாடி, நுளம்பபாடி, வேங்கி நாடு, குடகு, ஈழம் முதலிய ராஜ்யங்களை தன் வீர வலிமையினால் வென்றான்.

மூவேந்தர் தமிழ் நாட்டுக்கும் அதிபர் என்பது விளங்குமாறு ‘மும்முடிச் சோழன்’ என்ற பட்டத்தையும் பெற்றான்.

உலகின் மாபெரும் கோவிலை உருவாக்க வேண்டும் என்று எண்ணம் கொண்ட இவன் பிரஹதீஸ்வரர் ஆலயத்தை உலகோர் வியக்கும் வண்ணம் அதிசய ஆலயமாக அமைத்தான்.

தனது நாட்டில் எங்கெல்லாம் ஆலயங்கள் உள்ளனவோ அங்கெல்லாம் ஆகம விதிப்படி பூஜைகள் நடக்க வேண்டும் என்பதிலே கண்ணும் கருத்துமாக இருந்த ராஜராஜன் அதற்கென தேர்ந்த வல்லுநர்களான பிராமணர்களை வட நாட்டிலிருந்தும் வரவழைத்தான்.

அவர்களுக்கு உரிய காணி நிலங்களைக் கொடுத்து அவர்களை மிகவும் கௌரவித்தான்.

இவனுக்கு ஏராளமான பட்டங்கள் உண்டு.

இவன் காலத்துக் கல்வெட்டுகள் கூறும் செய்திகள் மிக அற்புதமானவை. அவை தனியே ஆராயப்பட வேண்டியவை.

இவன் ஆளுகையில் கொங்கு மண்டலமும் உட்பட்டிருந்தது.

கொங்கு மண்டல சதகம் பாடல் 55 இவனது பெருமையைப் போற்றிப் புகழ்கிறது.

பாடல் இதோ:

குலசே கரன்குலோத் துங்கசீர்ச் சோழர்கள் கொங்கிடைமெய்த

தலபூசை நன்குறத் தன்னாட் டுளாரிற் சமர்த்தர் கண்டு

நிலையான காணியு மேன்மையு மீய நிதானமுறு

வலவாதி சைவர்கள் வாழ்வதன் றோகொங்கு மண்டலமே

பாடலின் பொருள் : –

குலசேகர சோழன், குலோத்துங்க சோழன் ஆகிய மாமன்னர்கள் கொங்கு நாட்டில் ஆதிக்கம் பெற்றிருந்த காலத்தில் அந்நாட்டிற் சிறந்த தலங்களில் ஆலய பூஜை ஆகமம் கூறிய படி நடத்த வேண்டும் என்று கருதி தன்னாட்டில் உள்ள வல்லவர்களை அழைத்து அவர்களுக்கு காணி பூமி கொடுத்து அவர்களை நன்கு கௌரவப் படுத்தினான். அப்படிப்பட்ட ஆதி சைவர்கள் விளங்குவது கொங்கு மண்டலமே ஆகும்.

tags — ராஜ ராஜ சோழன், வீர சைவர், 

***

WRITTEN  BY KATTUKKUTY

Post No. 9028

Date uploaded in London – – 12 DECEMBER 2020   

Contact – swami_48@yahoo.com

Pictures are taken from various sources for spreading knowledge; this is a non- commercial blog. Thanks for your great pictures.

tamilandvedas.com, swamiindology.blogspot.com

இசையும் இசையின் கதையும்!

                                                    BY Katukutty

செல்வத்துள் செல்வம் செவிச் செல்வம் அச்செல்வம்

செல்வத்துள் எல்லாம் தலை.

பொய்யா மொழிப்புலவர், தெய்வப்புலவர், திருவள்ளுவர் ஒரு் செய்தியைச் சொல்ல ஒரு வார்த்தையை ஐந்து முறை உபயோகப்படுத்தியுள்ளார் என்றால் அதன் பெருமை தான் என்னே!!!

ஐம்புலன்களில் மிகவும் நுட்பமானது “செவி”.

மற்ற நான்கு புலன்களான மெய் – அதிகம் வேலை செய்தால் உடலில்

வலி உண்டாகும். கண் – வெகு நேரம் பார்த்தால், கண் எரியும்.

வாய் – பேசினால் தொண்டை வலிக்கும். மூக்கு – வெகு நேரம் வாசனை அல்லது

துர் நாற்றம் பிடித்தாலோ, கேட்கவே வேண்டாம்.

மூக்கு எரியும், தொண்டை கமரும்.

காது – எவ்வளவு நேரம் கேட்டாலும் சோர்வடையாது.!!!

இந்தக் காதினால் நாம் ஒருவருக்கொருவர் விஷயங்களை பரிமாறிக்

கொண்டு தான் உலகமே நடக்கிறது!!!

காதினால் கேட்டு பயனடையும், வழியை இன்பமடையும் வழியை, நமது முன்னோர்கள் முதன் முதலில் கண்டு பிடித்தார்கள் 5000 வருடங்களுக்கு முன் “வேதம்” மூலமாக!!! இதுதான் இசையின்ஆரம்பம்!!! . மிகப்பழமையான

“ரிக்”வேதம், “உதாத்தம்”,”அனுதாத்தம்”, “ஸ்வரிதம்”, தீர்க்க ஸ்வரிதம் என்று நான்கு உச்சரிப்பு அளவினைக் கொண்டு ஓதப்பட்டது..பின்னர் அந்த ரிக் வேதத்தை வைத்து “சாம வேதம்”பாடப்பட்டது. இப்படியாக வளர்ந்தது தான் “இசை”!!!

ஒலி எப்படி உண்டாகிறது???

”ஒலி”ஒரு பொருளின் அசைவினால், காற்று மூலமாக உண்டாவதாகும்.

இதை இரண்டாக பிரிக்கலாம்.

ஒன்று இசை, மற்றொன்று இரைச்சல்.

இசை என்றால் என்ன ???

இசை என்றால் கட்டுப்பாடான, ஒழுங்கான, இனிமையான “ஒலி”ஆகும். உள்ளத்திற்கும், உணர்விற்கும் இன்பத்தை செவி மூலமாக கிடைக்கும் ஒலியையே “இசை “என்கிறோம்.. இந்த இசைக்கு

ஒரு ஒழுங்கு, கட்டுப்பாடு, ஏற்றத்தாழ்வுகள், மேலும் அழுத்தமும் உண்டு.

இரைச்சல் – ஒழுங்கற்ற, கட்டுப் பாடில்லத , அதிகமான ஒலியுடன்

செவிக்கும், உணர்வுக்கும் எரிச்சல் உண்டாக்குவதே “இரைச்சல்”

(NOISE) ஆகும்.

MUSIC – விளக்கம்

இந்த “MUSIC” என்ற சொல் கிரேக்க இசை தேவதையான “ MUSES”என்ற பெயரிலிருந்து வந்தது. பின்பு அது ஆங்கிலத்தில்

“MUSIC” என்று ஆயிற்று.

நம் வாழ்க்கையும் இசையின் பலன்களும்

நம் வாழ்க்கையே தாயினுடைய தாலாட்டு பாடலுடன் தான் ஆரம்பிக்கிறது.

பள்ளியில் பாடங்களுடன் இசையும்,சில சமயம் பாடங்களையே இசை மூலமாகவும் சொல்லிக் கொடுக்கும் பழக்கமும் உள்ளது்

இசை மூலமாக நினைவாற்றல் பெருகுகிறது.

மாணவர்களின் மனது ஒருமைப்படுகிறது.

கடினமான வேலை செய்பவர்களும், இசையினால், தங்கள் வலியை

போக்கிக் கொள்கிறார்கள்

மன இறுக்கம் கொண்டவர்களுக்கும், உடல் நலம், மனநலம், குன்றியவர்களுக்கும், இசை ஒரு அருமையான மருந்தாகும்.

இரவு தூக்கம் வராமல் தவிப்பவர்களுக்கு இசையே மருந்து.

மனைவியை விட்டு பாடச்சொல்லி, மன அமைதி பெற்று

தூங்குவார்கள் பெரியவர்கள். தூங்காமல் அடம்பிடிக்கும்

குழந்தைகளையும் தூங்க வைக்கும் பாட்டு.

எல்லா மதத்தினரும் இறை வழிபாட்டிற்கென்றே பாடல்களும்

தோத்திரங்களும் வைத்திருக்கிறார்கள்

காலையில் கடவுளை சுப்ரபாதம் முதல், மதியம் பூஜை, இரவு

பள்ளியறை பூஜை முடிய,பிரார்த்தனை,வேண்டுகோள்,பதிகங்கள்

பாடி இறை வழிபாட்டுடனேயே வாழ்க்கை முடிகிறது.

“இறை வணக்கம்” பாடாத கூட்டங்களே கிடையாது!!!

கல்யாணம் என்றால் கேட்கவே வேண்டாம்……பெண்பார்க்க

வந்தவர்கள் முதலில் கேட்கும் கேள்வி “பெண்ணுக்கு பாடத்

தெரியுமா”???கல்யாணப் பாட்டுக்கள் ஏராளம்! ஊஞ்சல், நலுங்கு

சாந்தி முகூர்த்தம் வரை ஒரே நக்கலும் கேலியும் தான்……

கற்பனையின் எல்லைக்கே போய்விட்டார்களோ என்று தோன்றும்

அளவுக்கு அந்தபாடல்களில் ராகங்களும், அர்த்தங்களும்

இருக்கும். சீமந்தம், வளைகாப்பு, முதலியவற்றிலும் பொருள் செறிந்த பாடல்கள் உண்டு.

இறந்தாலும் இறந்தவரின் புகழைப்பாடும் “ஒப்பாரி”, பாடி,

கொட்டுடனேயே அடக்கம் செய்வார்கள்.

பெண்களுக்கென்றே இசையைப் படைத்தது போன்று பெண்களின் குரல் வளையை அப்படி படைத்திருக்கிறான் ஆண்டவன்!!!!

பாடுவதற்கென்றே உண்டான விழா தான் “நவராத்திரி” !!!

கொலுவுக்கு வரும் பெண்களோடு துணைக்கு வரும்ஆண்களும்

வித்யாசமின்றி பாடக்கூடிய பாடல் திருவிழா தான் “நவராத்திரி”

மார்கழி மாதமென்றால் கேட்கவே வேண்டாம், குளிரை பொருட்படுத்தாமல்  அதி காலையில் தெருவெங்கும் பஜனை பாடல்கள்.இரவு எல்லா சபாக்களிலும் பாட்டுக்கச்சேரி……. பாட ஆரம்பித்தவர் முதல் பத்ம பூஷன் வாங்கியவர்களின் கச்சேரி வரை நடக்கும்!!!

அதில் பாட்டு கேட்க வந்தவர்கள் பாதி, விதம் விதமான பண்டங்கள்

விற்கும் ஓட்டல்களில் சாப்பிட வந்தவர்கள் மீதி!!!

இன்றைய இசையின் “மெயின்” காரணமே சினிமா!!! திரைப்படம்

தோன்றிய நாட்களிலிருந்து இன்று வரை இதை ஆட்டிப் படைப்பது இசைதான்!!!ஆரம்பத்தில 50 அல்லது 60 பாடல்களுடன்

ஆரம்பித்த சினிமா தற்சமயம் 7 அல்லது 8 பாடல்களுடன் நிற்கிறது. பாட்டே பிரதானம் என்று ஆரம்பித்த சினிமா இப்போது நடனத்தையும் சேர்த்துக் கொண்டது. கர்நாடக இசையில்ஆரம்பித்த சினிமா,வட இந்திய இசைக்குசென்று, மேற்கத்திய இசைக்கு சென்று “ஆட்டம்” போட்டது. சாதாரண பாடல்களை விட்டு

“குத்தாட்டத்தையே “ மக்கள் ரசிக்கின்றனர்!!! குடித்துவிட்டு ஆடும் பாடல்கள்

“யு ட்யூபில் ”ஒரு கோடி ஹிட்ஸ்” என்று. பெருமையுடன் பீற்றிக் கொண்டிருக்கிறது!!!

தெருவுக்குத் தெரு காளியம்மன், மாரியம்மன் போன்ற

தெய்வங்களுக்கு ஒவ்வொரு ஆண்டும் கஞ்சி ஊற்றும் திருவிழாவில்

குத்தாட்ட பாடல்கள் இல்லாமல் நடை பெறுவதே கிடையாது.!!!

பாவம் தெய்வங்கள்!!!! எப்படித்தான் பொறுத்துக் கொள்கின்றனவோ ???

ஒவ்வொரு திருமண ரிஸப்ஷன்களிலிலும், கட்சி மீட்டிங் ஆரம்பகளிலும் இந்த “குத்தாட்ட கச்சேரி”நடக்கிறது!!! சில சமயங்களில் “குடி மகன்கள்”, காரணமாக போலீஸ் தடியடியும் உண்டு!!!

TO BE CONTINUED…………………………..

tags —  இசை, கதை,